منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

07-26-2011

في اليوم الثاني الساعة 9 الصبح ....

أنزلت منى وطلال لتحت و شافت أمها جالسه بالصالة تشرب حليب
منى(قربت واهي تسند على عكازها وباست رأس أمها) : صباح الخير يمه
الأم : صباح النور والسرور
طلال(يحب رأسها مثل أمه) : صباح الخير يمه
الأم (باست خده) : صباح الشهد يا قلب أمك
منى(جلست ورفعت السماعة الداخلية) : الو سونيا تعالي
سونيا(بعد ثواني) : صباح الخير مدام
منى : صباح النور خذي طلال يفطر وجيبي لي حليب بالشاي أوكيه
سونيا : أوكيه يلا تلال
طلال : افففففففففف قولي طلال مو تلال
سونيا : تلال أنا والله ما يعرف تلال
طلال(يضرب جبينه(جبهته)) : زين الله يعين تلال عليك يله قدامي
الأم ومنى : ههههههههههههههههههههههههههههههههههه
منى : وين الكل
الأم : إبراهيم وأبوك بالمعرض وفيصل بشغل وسالم وسمر نايمين وجدك إذا فطر يرد ينام وسلمى ما نزلت للحين أنتي صاحية بدري
منى : طيب
الأم : منى أبوك قال لي وش صار أمس
منى (تأخذ كوب الحليب من سونيا) : شكرا والله مو قصدي ولا كنت عارفه إن ممكن يروح ويقول له آسفه
الأم ( ابتسمت لها) : حصل خير الحمد لله والولد متفهم ولا كان زعل من اللي صار .. ما عرفتي وش صار
منى : خير
الأم : عرس خالد وميثه بعد أسبوعين
منى(حطت كوبها على الطاوله) : متى قرروا يعني نجحت خطة سالم وناصر
الأم : ليه وش دخلهم عاد سالم وناصر هذولا لازم يحشرون خشومهم بكل شيء قولي لي
منى : اللي صار يمه
قالت منى لامها وش سوى سالم وناصر وكيف قالوا لخالد أن جدهم هو الحل والأم تضحك على سوالفهم

في غرفة سمر جوالها يرن
سمر(بصوت كله نوم) : ألو
: أصحي يالهبله
سمر(عصبت) : الهبله جابتها أمك
: هههههههههههههه
سمر(تتعدل لانها خلاص خربت نومها وعصبت) : ضحكتي بلا ضروس يالخايسه ياللي ما عندك ذوق احد يدق من صباح الله ما صدقت تجي عطلة عيد الفطر عشان ننام تزعجونا
: يماااااااااااااااااه وين الصبح الناس صارت الظهر الساعه 10 وأنا مي يالخبله
سمر : خبـ..... منو ميوه وووووووووجع وش تبين
مي : سموره انتي نايمه ويا غافلين لكم الله ما تدرين وش يصير الدنيا مقلوبه فوق تحت ولا أنتي فيها
سمر : يمه خوفتيني يالعصله وش صاير وش قلب الدنيا
مي : يا ويلك يا سمر يا ويلك
سمر(خافت أنهم عرفوا عن سالفة الولد المغازل) : ويلك بحيلك يا رب أخلصي وش صاااااااااااار
مي : خالد وميثه
سمر : يالله سترك وش فيه
مي : بيعرسون
سمر : مااااااااااااااالت عليك خرعتيني صار لهم سنتين نسمع يبغون يعرسون
مي : لا بعد أسبوعين وأنتي صادقه مباركين عرس الاثنين كلولووووووووووووش
سمر : حللللللللللللللللللللفي كيف وشلون ومتى أبي السالفه كلها
مي : بقولك وش صار وعلى يد من صار

******************************

في معرض أبو إبراهيم لسيارات ..

إبراهيم : أحم يبه
الأب (مشغول بأوراق قدامه) : هلا
إبراهيم : بتكلم معك بموضوع بس مدري كيف أتكلم بالموضوع وأبدي فيه
الأب(ينزل القلم من يده ورفع رأسه لولده) : اقعد وقل لي الموضوع
إبراهيم (يجلس وأهو يفرك أيديه متردد) : يبه مشاري كلمني يبغى يناسبنا ويخطب منك
الأب (أبتسم لأنه يحب مشاري كثير) : مشاري رجال ما شاء الله عليه ما ينرد وأختك سمر ما بتلقى أحسن منــ
إبراهيم(يقاطعه) : العذر يبه مشاري خاطب منى
الأب (أنصدم) : شنو أنت قلت منى ولا أنا غلطان
إبراهيم(أبتسم) : لا يبه صح قلت منى
الأب : اهو يدري بوضعها وحالتها وإنها مطلقه
إبراهيم : مشاري يعرف كل شيء ويتمنى توافق عليه
الأب : والله هذي أمنيتي أنها تتزوج وتستقر وتعيش حياه جديدة بعد اللي حصل معها مع عمر الله لا يذكره بخير
إبراهيم : أنت عارف رأي منى بموضوع الزواج ويا ما ناس تقدموا لها ورفضت
الأب : عارف يا ولدي قبل ما كنت اغصبها تتزوج لأني عارف اللي تقدموا طمع لاسمنا ومركزنا والبعض مو كفوا يتزوج منى ويقدر يحتويها ويحس فيها بس مشاري غير غير عن كل الشباب اللي شفتهم أو عرفتهم أحسه واحد منكم كأنه ولد من أولادي اقدر أأتمنه على منى وطلال
إبراهيم : شكلك ما راح تقبل رفضها هالمره
الأب : الأمر ما فيه تراجع أختك صار عمرها 25 سنه وفرص الزواج قلت وأعاقتها بحد ذاتها مشكله خلنا لين نرد ونشوف وش يصير
إبراهيم(يوقف) : أنا بروح أشوف الشغل تأمر على شيء
الأب : لا روح
إبراهيم : مع السلامه
تسند على كرسيه ويفكر بحال بنته ويفكر أن مشاري إنسان ما يتعوض أبدا قرر يصلي الأستخاره يقبله لبنته أو لا قبل يفتح الموضوع معها هو يحبه ويحسه قريب وإنسان خلوق وعارف ربه بس متردد خوفه من ردت فعل منى تعوذ من الشيطان وأتجه يصلي الإستخاره هل يقبل فيه لبنته أم لا

***************************************

في بيت أم بندر ..

أم بندر : خلصتي اتصالاتك اللي ما تخلص
مي(ماسكه السماعة) : يمه وش أسوي لازم أخبر الكل حددتو العرس فجأة
أم بندر : وهو على كيفي جدك حدد وأمر بكل شيء
مي : يمه وين عروسنا الحلوه متخبيه
أم بندر : لا مع خالتك خوله بغرفتها يكتبن وش يبن من السوق وخرابيطهن اللي ما تخلص
مي(حطت السماعه) : يمه وش خرابيطه هذي شغلات العروس تحتاجها
أم بندر : اقول بلا خرابيطك أنتي الثانيه قومي فتحي الباب
مي : طيب (ثواني دخلت مي ووجها منعفس ومشكره) وهذا وقتها
ام بندر : من تقصدين
مي : من بعد أم عصام جارتنا لزقه هالحرمه بس يصبح الصبح تشيل عباتها وتجي تطق من باب لباب
أم بندر : وووووووجع طسي لا تسمعك وقولي لفيروز تجيب القهوه
مي : زززززززززين بطس عند خالتي أحسن
أم بندر(توقف) : يا هلا بأم عصام نور البيت
أم عصام : هلا فيك الله يهداها مي فتحت الباب وخلتني بالشمس
أم بندر(تسلم) : بزر أعذريها
أم عصام : بزر لا يا أم بندر عروس لا إله إلا الله عليها
أم بندر : ليه عندك خطاطيب لها
أم عصام : أيه وطالبين القرب منك
أم بندر(مسكت يدها وجلستها) : ألحين أقولك دوري لي حرمه لبندر ولدي تدورين لمي
أم عصام : والله ولدك ما يعجبه العجب ولا الصدق البنات اللي شفتي صورهن أحلى البنات
أم بندر : .............
أم عصام(بنص عين تطالع لها) : ولا أخاف أنتي اللي ما يعجبنك
أم بندر(تأخذ القهوة من الخدامة وتصب لها فنجان وتمده) : قلتيها والله يا وخيتي هي صدق بتتزوج بندر بس بتقابلني أنا وبنته شوق كل ساعة وأنا شوق بدنيتي كلها وأبي لها أم تعوضها أما الولد ما عنده مشكله ولا يشوف أغلاطها قدام جمالها
أم عصام(تلوي الفم) : أيه وش عليك كلهن أخلاق وجمال
أم بندر : تراني أعرفهن وأعرف أمهاتهن يعني لا ترقعين لهن
أم عصام(تحط الفنجان) : ووووووول يعني منتي خايفه أنقل الكلام لهن
أم بندر(رفعت حاجبها) : يا عيني تهديد أقول لك أنا أم بندر أذا بقول شيء أقوله بالوجه وما أحب النفاق والنقل والقيل والقال
أم عصام : هههههه لا أمزح ترى أنتي الخير والبركة و محد مثلك يا بنت الطيب
أم بندر : ضنيت بعد إلا ما قلتي من اللي بيخطب مي
أم عصام : هو من بيت أم مبارك ولد خالها
أم بندر : و وين يسكن
ام عصام : بجده
أم بندر(تقاطعها) : لا لا سكري على السيره أنا أبي بنتي قريب مني قولي مالهم نصيب عندنا
أم عصام : بس هم ناس ما عليهم قصور
أم بندر : ما همني المهم سكنه وين إلا سولفي لي كيف الجيران
أم عصام(تحط الفنجان) : يوووه لو أقولك سمعي وش صار في بيت أم هيثم مع أنسباها اللي صار

في غرفة خوله ..

خوله : ميثووووووووووووه وجع تضحكين
ميثه : هههههههههههههههههه وش أسوي فيك يا خاله
خوله (منحرجه) : تخلخلت ضروسك قلت لك الصدق
مي(دخلت) : وش الصدق اعترفوا
ميثه(ماسكه بطنها) : ههههههههه تعالي بقول لك
خوله (تخزها ) : كلي تبن يالخبله
مي(تقعد جنب ميثه) : قولي قولي
ميثه : أكتب أنا وخالتي أغراض العروس وجينا عند الملابس الخاصه
مي(تغمز لها) : أهاااااا اللي خبري خبرك
خوله (تضربها على رجلها) : وووووجع عارفه بعد هالسوالف
مي : هههههههههه يا حليلك يا خاله كل اللي اعرفهن معرسات ويسولف غيري أنا اللي الظاهر بعنس أقول كملي كملي وبعدين
ميثه : كل ماقلت لها يقولون كذا وأن اللبس مفتح منين
خوله(تقاطعها) : وووووجعتييييييييييين أستحي تسولفين لبزر بقوم اطلع ابرك عنكم
مي : أيه أم عصام تحت روحي روحي سلمي عليها
خوله(رجعت جلست) : هونت هذي بس تشوفني تقول عندي خطيب وعندي رجل عساها للمرض ما تسكت أعوذ بالله دايم أدعي وأنسى أنه حرام
مي وميثه : هههههههههههههههههههههه
مي : يالله كملي ميوثه
ميثه : المهم قلت لها بشتري قالت أشتري ساتر
مي(تصنعت الصدمه من كلام خالتها) : يا خزياه هي موضة قديمه الحين مفتح من (وقفت وأشرت من رأسها لرجولها) فوق لتحت ولا ما يعجب
ميثه وخوله : هههههههههههههههههههههههههههههههههههههههههههههههه
خوله(غمزت لها) : يعني خبره ما يحتاج أذا اعرستي نقول لك عن شيء
مي(أستحت وجلست) : لا والله امزح مو قصدي بس بنات الكليه يسولفن
ميثه : وانتي قاطه الوجه ههههههههههههه أقصد الأذن
خوله (تمسك الورقه والقلم وتاخذ جوالها) : بتصل على صاحباتي المدرسات بسألهن عن أماكن اللي تبينهن والله ووش يخلصني منهن ومن كلامهم أفففففففففففففف
ميثه ومي : هههههههههههههههههههههههههههه
خوله (حاطه السماعه عند أذنها) : أشششششش ألو هلا هيفاء كيفك وكيف أولادك

*****************************************

أما في مستشفى ..............

دخل فواز صديق مشاري ودكتور جراحه مكتب مشاري السرحان وينادي ولا يرد
مشاري(جالس ورافع رجوله على المكتب يفكر) : ........................
فواز(قرب وحرك يده أمام عيون مشاري) : هيييييييييييييييه يالأخو
مشاري : هاه هلا فواز متى جيت
فواز : من زمان اللي ماخذ عقلك
مشاري(أبتسم) : ادعي ربي أتهنى به بس يوافق علي
فواز(غمز له) : شكلك خطبت هااااااااااااه
مشاري : أيه بس خطوه أقدمت عليها بدون علم أهلي بعرف رأيها أول قبل أقول لأهلي يتقدمون
فواز : من عائلتكم ولا بعيد
مشاري : لا بعيد وقريب
فواز : كيف معادله صعبه حطيتني في حيره
مشاري : هي مو من معارفنا بس من زمان أحبها إلا أمووووووووت فيها بس تزوجت قبل 5 سنوات و تطلقت بعد سنه وشوي تقريبا وبعدها عرفت أنها رافضه الزواج
فواز : ووووووووول عليك كل هذا تعرفه ومن اللي يوصل لك السوالف
مشاري : أختي سهام صديقة عمرها
فواز : وتعرف عنك
مشاري : لا ما تعرف أني كنت أحب صاحبتها ولازلت
فواز( يبتسم) : شوقتني أعرف أكثر قول
مشاري : أبدا يوم تزوجت كنت مسافر للخارج أدرس طب وتضايقت كثير كل تفكيري أرد و أخطبها وكنت أعرف أخبارها بس سهام ما كانت تحس ورجعت للمملكة بعد ما أنهيت دراستي ما قدرت أنساها وبيوم وعرفت أنها تطلقت وكنت بطير من الفرح رغم إني حقدت على زوجها بس هي قبل طلاقها صار حادث لها ودخلت بغيبوبة وأنا رجعت للمملكه وأشتغلت بنفس المستشفى اللي كانت موجودة فيه وكنت أتابع حالتها
فواز : بس أنت دكتور أطفال وش دخلك فيها
مشاري : عارف بس صارت لي صداقات كثيرة مع القسم اللي أهي فيه وكنت أروح للقسم على أساس اسلم أو آخذ أخبارهم وأنا كل همي أسمع خبر عنها وخالي كان دكتور أعصاب يباشر حالتها مع الدكاترة .. خوف من أن أعصابها تأثرت بالحادث وأهو الوحيد اللي كان يعرف عن حبي لها و يطمني عليها وصحت في يوم وفرحت بس انطفأت فرحتي يوم ردت لزوجها وكرهت المستشفى والشغل فيه ونقلت هنا وعرفت أنها أنجرحت من زوجها وطلقها ورفضت بعدها الزواج وكل اللي يتقدم لها بس قلت أتمهل لين تبرى جروحها واهي رافضه كل اللي تقدموا لها
فواز : يعني مو واثق أنها توافق
مشاري : أتبعت طريق قلب أهلها تعرفت عليهم وحبيتهم وحبوني ما أظن يرفضوني وكل شيء يعرفونه عني إلا سر الحب
فواز : واااااااااااااو قصه خطيرة الله يهنيك يارب
مشاري : آمين
فواز : متى يردون لك خبر
مشاري : مدري الليلة بروح عندهم
فواز : ليه هم قالوا لك
مشاري : لا أنا كل ليله عندهم
فواز(يغمز له) : مرتب أمورك

أحبك و أنت محبوبي..و أشوفك ضي لدروبـي
حبيبي أنت مطلوبي..و غيرك ما سكـن قلبـي
تراه الكون من دونك..أبد مالـه طعـم دونـك
تأكد و أنت من بونك..ربيع القلـب يـا قلبـي
أنا أهواك يا فني..و أحبك مـن صغـر سنـي
لقيتك يالغلا مني..قريـب ٍ يـا هـوى قلبـي
تعال وخلني أفرح..تعال القلب لـك مطـرح
تعال أرجوك لا تجرح..تعال أسكن وسط قلبي

مشاري وفواز : هههههههههههههههههههههههههههههههه

*********************************

نعود لبيت أبو إبراهيم ..

لازم اعود^_^ مو سموره عرفت باللي صار وأعلنت حالة حرب بالبيت
نازله من السلم ومعصبه وضاربه فيوزاتها واستنفار عندها

سمر : يمااااااااااااااااااااااااه لا والله ما تقولون لي عن عرس خالد
الأم : أنتي وش عرفك حلمانه
منى : أكيد توأمها مي
سمر : أيه الله يخليها لي تخاف علي وعادتني من الأهل مو مثلكم كأني بنت الجيران مو بنتكم
الأم : لا إله إلا الله ألحين خايفه عليك من شنو
سمر(تقعد) : تخاف أني ما أحصل فستان للعرس
الأم ومنى : هههههههههههههههههههههههههههههههههههههههههههه
الأم : مالت عليك قومي غيري البجامه وزيني شعرك يلا قومي
سمر : زين بس راجعه نتكلم بالموضوع ونتحاسب
و أهي صاعده كان نازل سالم بوجها
سالم : يييييييييييمااااااااه بسم الله علي
سمر(تكتف أيديها) : وش فيك شايف جني
سالم : أووووه سموره كنت اعتقد اني شايف جني
سمر : نعم
سالم : وأنا أخوك ما قالوا لك أهلك لا تلعبين بالكهرباء شفتي اللي ما يطيع كلام أهله ويدخل أصبعه بالكهرباء يوقف شعره
سمر : خا خا خا باااااااااااااااااااااااااااااااااايخ (مدت لسانها وصعدت لغرفتها)
سالم : وووووووول عليك طقاقه مو سمر صباح الخير يمه صباح النور موناتي
الأم ومنى : صباح النور
سالم : وش فيها الخبله من صباح الله خير ضاربه الكهرباء بكشتها
منى : ههههههههه زعلانه عرفت عن عرس خالد
سالم : والله خبله عاد ما حددوه إلا أمس المغرب وش تبي تسمع أكيد مالحقت وكالة كونا تخبرها
منى : أستح على وجهك مي مو وكاله
سالم : ما تنزل لي من زور ووووووووووووووع
الأم : من صدق
سالم : هههههههههههه لا والله أمزح هي قريبه من القلب (وانتبه لنظرة أمه ومنى ) هييييييييييييييه أقصد حسبت أخت مثل سمر أف من تفكيركم
الأم : هههههههههه زين تبي فطور
سالم(يطالع ساعته) : لايمه وش فطوره أنا أنتظر ناصر نبي نطلع نتغدى برا
منى : على الأقل أشرب شيء قبل ما تطلع كذا
سالم : خلاص عطيني حليب
منى : حاضر
بعد ثواني طلع سالم لما اتصل عليه ناصر ونزلت سمر بعد ما أخذت دش وغيرت البجامه
سمر(تجلس) : هاه شنو سالفة عرس خالد
الأم (عصبت) : يا مال المرض ما تعرفين تسلمين داخله على يهود منتي صاحيه
سمر : نسيت
الأم : مو منك من حرة العرس جعلك للعرس
سلمى(نازله) : السلام عليكم
الكل : وعليكم السلام
سمر(تغمز لسلمى) : هاه سلمى وش أخبار العشاء الرومانسي
سلمى : يجننننننن فديت إبراهيم يا رب
منى : متى رجعتوا أحنا نمنا وأنتم بعدكم ما رجعتوا
سمر : أيه والله تأخروا
الأم : ما شاء الله حراس أنتم
سمر ومنى : لا والله
سلمى : هههههههههههههههه عواذل أعوذ بالله
منى : بااااااااايخه
سمر : سلمى عرفتي عن عرس أخوك
سمر(تصب لها حليب وترجع تجلس مكانها) : أيه أتصل خالد على إبراهيم وبلغه يا عمري يا خوي فرحان
سمر : طيب راح نلحق نفصل الفساتين
منى : أنا راح اشتري جاهز مالي خلق صدعت رأس وخياطين وقياس
سلمى : وأنا بسوي مثلك ما راح ألحق خالد يبغى أساعده بتأثيث شقته
سمر : لا والله وأنا بعدين أنا ما أحب الجاهز دائم ما يطلع مميز يا كثر الموديلات منه بالسوق بتفق مع البنات نروح اليوم
الأم : والله من جلس عندكن ما خلص أشغاله بروح أشوف الغداء وش صار فيه
منى(ترفع رأسها لأمها) : يمه لا تحسبين حسابي أنا وطلال
الأم : ليه يمه
منى : يمه قايله لك أمس راح أطلع مع سهام وعيالها و نتغدى برا عشان طلال له زمن ما طلع
الأم : على راحتك سلمي عليها
منى : يوصل
سمر : يالخاااااااااااااينه تروحين ولا تاخذيني
منى : وش أبي فيك طلعت أمهات
سمر(تكتف أيديها) : أجلس بروحي وش أسوي والله مللللللللللللللللللللللللللل
سلمى : خلاص نزوجك عشان تتسلين معه وما تحسين بالملل
سمر : وووووووووع عشان أكون تحت أمره يخسي توني صغيره وبستمتع بحياتي
منى وسلمى : هههههههههههههههههههههههههههههههههه
منى : طيب مو تقولين بتروحين تفصلين
سمر : أيه والله نسيت
منى : أنا وسلمى ترى نخلص شغلنا بيوم لأنه جاهز أنتي ما راح يلحقك الوقت
سمر : خلاص بروح أتصل على عصابتي ونتفق
سلمى : ومن عصابتك
سمر(تعد على أصابعها) : فروحه وعذوره وليلوه وميوه
سلمى : لابقين على بعض
سمر : كأنك مهزأه في كلامك بس أقولك بروح أتصل أفضل من أصدع راسي باي
سلمى : هههههههههههههه
منى(توقف بمساعدة عكازها) : أسمحي لي سلمى لازم أطلع طلال طلاااال
سلمى(تبتسم) : مسموحه أنا بروح لخالتي أساعدها
طلال : هلا ماما
منى : ناد لي سونيا ويله نطلع
طلال : حاضر
سونيا(بعد ثواني) : يس مدام
منى : طلعي لغرفتي جيبي العبايه والشنطه بنطلع
سونيا : حازر

***************************************