كــآن يسمعهم..يحس بهم..لكـــــن شعور خفي خلــآه يتظاهر بـ النوم
مسحت عـ راسه ونطقت بـ صوت خفيف : مروآن..؟
ما يدري ليش يحس بـ تدافع الدموع لـ عيونه..لــآ أنا ريــآل ما ألازم أصيح..أنا ريــآل..
الريال ما يصيح..الريــآل لــآزم يكون شديد..الريـــآل لـآزم يكون قوي ما تهزه موآقف بـــآيخهـ...أصلـ[ن]..البنات ما يصيحن عـ شرات هـ المواقف..شتته صوتها :..
أم مروآن : مروآن..الغالي تسمعني..؟
مروان بطل عيونهـ...تـــأملها ثوآني..بلع ريجه : أمايهـ...هذي إنتـــي..؟
أم مروان ابتسمت ابتسامه غامضه : شـ اللي تشوفهـ...؟
[قال بـ مرح]..يـ الله قوم يـــآ كسول..[شلت الملابس المتبعثرة بـ الحجرة]
مروان يطالعه بـ صمت..مستغرب..شـ اللي يصير يـــآ نـــآس..؟..شـ اللي يصير..؟شــآفها بـ تطلع..صرخ : أمايهـ..؟
أم مروان طالعته بـ استغراب :..
مروان نط من مكانهـ...ركض صوبها باس راسها..مسك إيدها وباسها بـ قو..ودموعه تنزل بـ انسيابيه عـ إيدهـــآ : وينج عنيه يا أمايهـ...؟..وينج..؟
[مسك دموعه بـ إيده الثانيه وتقرب مرة ثانيه يبوس راسها والغصه تتحشرج بـ حلجهـ...وصوته تغير لـ المبحوح]..أمايه أنا هب عتبان عليج..خلــآص نحن بنفتح صفحه يديدهـ...بنصير عايله مثاليه الكل يتمنى يصير شراتها..محد بيطالعنا بـ شماته عقب اليوم..
[سحب نفس ودموعه أطيح كنها أشتاقت لهالخد..من زمـــآن عنه]..تولهت عليج أمايه..
[رفعت راسه عن إيدها وهو يطالع ويهها بـ استغراب بعد هالضحكه الاستهزائيه].. أمايهـ..؟
أم مروان سحب إيده من إيد : مصدق عمرك إنت..؟..روح روح أنا ماصدقت افتكيت منكم..
مروان طالعها بـ استغراب..وهي تقفي : صبري أمايهـ...!..[فجأه شاف حميد واقف بـ آخر الممر]
حميد : هههههههـ...بنت..!!..تصيح شرات البنــآت..ما تنلام تربيتك أبوك
مروان رد عينه عـ أمه اللي تحط إيدها بـ إيد حميد ويطلعون من الشقهـ...ركض وراها بـ طيش :.. لــآ ما بتروحين وياه..إنتي أمي أنـــآ..[صرخ يوم اختفوا عن أنظاره]..أمي أنـــآ..!!
بطل عينه وهو يتلفت يمين ويسار..كـــآن مجرد حلم...!
شل المخده وحطها عـ راسها ودخل بـ صيـــآح مخنوق : ..
×
×
×
حط إيده عـ جتفه وهزه : مروآن..؟..يـ الأخو..؟..حووووهـ...؟
مروان بطل عينه ورقد غمضها..ثواني وبطلها..تلفت يمين ويسار يستوعب الوضع.. طالع عبدالعزيز بـ برود ثواني وعقب رد راسه عـ مخدته ونطق بـ ملل : نعم يـ العنز..!
عبدالعزيز هز راسه : أستغفر اللهـ...قــآيم تسب إنت.؟
مروان صرخ بـ عصبيه : ما تشوف عمرك...ما قلت جم مرة يوم برقد لــآ تقوموني
عبدالعزيز سحب نفس : مريوم...تقولك قوم صار العصر
مروان يلس بـ عصبيه : وخير يـــآ طير عصر../ مغرب../ ظهر../ فجر..إنتوا شـ دخلكم..؟
مريم دخلت بـ سرعه عسب لــآ يتكافخون :..مروآن..قوم حبيبي كل عقب بتتعب
مروان طالعه أخته ثـــوآني وعقب طالع الصوب الثاني وهو يسحب نفس بـ عصبيه : مابغي
مريم تقربت منه : يـ الله عـــآد بليا دلع..!
عبدالعزيز طلع من الحجرة وهو متضـــآيج..نفسيته ما قامت تستحمل زود..! :..
مروان بلع ريجه وهو يهمس بـ براءة الاستغراب : أمايه يات هنيه.؟
مريم عقدت حياتها بـ استغراب : أمايهـ..؟..شـ اللي اييبها عندنا.؟
مروان تأكد إنه حلم..بلع ريجه بـ قوه: لــآ خلاص إنسي
مريم ياتها الغبنه وهي تنطق : حلمتهـــآ.؟
مروان طالعه بـ صمت :..
مريم بدت دموعها أطيح حطت خصل شعره ورى إذنه : مروآن حبيبي..أدري..
[طالعته بـ صمت فوق العشر دقايق..وعقب همست]..أدري إنك ما ترقعت بـ حياتك بس لــآزم تكمل حياتك...إنت تعاقب منو يوم إنك تخرب مستقبلك...؟..لــآ أمايه ولــآ إبويه بيسألون عنك أو بيفكرون فيــك...إذا تتوقع إنك أدمر عمرك عسب يهتمون فيك إنت غلطان..
[وقفت هي عاطتنه ظهرها..سحبت خشمها وهي تصيح بـ صمت]..إنت ما أدمر إلــآ عمرك
طالعها لين طلعت..ما نزلت دموعه بـ العكس..ابتسم ابتسامه جــآنبيه غــآمضهـ...
صدقج ميمـــو...المفروض ما أدمر عمريهـ...المفروض أدمرهم هم..!/ عسب يدرون إنه الولد اللي كانوا يضربونهـ...رد لهم بـ 22 سنه عسب يوريهم الضرب عـ أصولهـ...
بس هب ضرب الجسد اللي ياخذ له إيـــآم ويزول..لــإ..
[رفع حياته بـ تحدي]..ما بخلي هـ الجرح يزول إلــآ بـ إرادتي..
إرادتي أنــــــــآ..أنا وبس..وبـ بدى بك يا حميدآن..!
ركض للـ حمام..{كركمك ربــيه}..وعقب بطل كبته اللي كان عبارة عن كبت بـ اليدار..!
سحب له جنز أحمر..وقميص أسود عليه شرآت العيون الحمرآ..وتحتها مكتوب Going to hill
ضحك بـ خاطرهـ...هـ اللبس يكرهه لـ حد الموت..معنه حلو وخاصه عـ الظهر كانت مطبوعه صورة الماركة بشكل كبير..بـ الأحمر..بس هو ما يحب لون الدم..كافي الدم اللي كان يظهر منه كل يوم..
بس كــآن يبى يبين لـ حميد شكثر حظه ردي يومه طــآح بـ يده..!
بطل الأدراج بـ تهور شاف ربطه حمرة وسوده سحبها..رفع شعره عن يبهته وربط الربطهـ...
عقب سحب شعره من جدام وخلــآه يطيح عـ يبهتهـ...بـ الأساس الشعر وصل لـ نص عيونهـ...ومن ورى كان طويل لين جتوفهـ...
ههـ...كنت تقول إني صايع يا حميد الحين بـ علمك الصيـــآعه عـ أصولها..
ركض برع حجرتهـ...وهو يصرخ عسب يوصل صوته لـ اللي بـ المطبخ : أنـــآ طالع
عبدالعزيز بـ صوت عالي عسب يوصل لـ مروان : وين..؟
مروان ركض صوب المطبخ : هب متأخر..أوكيهـ..؟
عبدالعزيز يطالعه بـ صمت :..
مريم تطالع الصحن بـ هدوء :..
مروان ضحك بـ الخفيف..راح صوب عبدالعزيز وباس راسه بـ حركه سريعهـ...
ثم راح صوب مريم وباس راسها وركض برع :..
عبدالعزيز ابتسم وهو يسحب نفس بـ راحه : يـــآخي أخوج لو شو يسوي بتم أحبه
مريم ابتسم بـ طيب : أكثر مني..؟
عبدالعزيز ضحك...جنه كان يتريا حركة مروآن السريعهـ...عسب تبين له إنه مهما صـــآر بيتم عند مروآن غـــآلي..وبيتم مروآن عنده غــآلي :..
×
×
×
طلع بوكه وعطى راع التكسي فلوسه وصد لـ عمر :..
عمر حرّك له راسه بـ يالله..وركب سيارته :..
مروان ركب عند كرسي المعاون وهو مبتسم..شغل الـ أف أم :..
عمر طالعه بـ نص عين : مستانس..عسى خير..؟
مروآن ضحك من وناسته بـ اللي بيسويه :..شـ رايك بـ شكليه أول.؟
عمر رفع حياته وهو مبتسم : إجـــرآمي
مروآن : ههههههههـ...وهذا المطلوب..يـ الله حرك صوب بيت حميد
عمر عقد حياته : بيت أمك..؟
مروآن هز راسه بـ هيه :..
عمر : شـ الطاري..؟
مروان ابتسم :..أنـــآ بقولك...
عمر يسمع كلـــآم مروآن..هب مستوعب هذا شـ يقول..ياخذ له كل ساعه نظرة
للي يالس حذاله ومرتاح عـ اللي بيسويه :..مروآن ممكن أتكلم..؟
مروان ابتسم وطنشه : وقف هذوه بيت حميد
عمر وقف وهو متضايج :..
مروان بطل الباب وياي بينزل :..
عمر مسك إيده :..
مروان طالعه بـ استغراب : ..
عمر ابتسم بـ طيب : بس حبيت أقولك بتكون ظـــآلم..!
مروان تغير ملامح فرحته للـ ضيج والعصبيه : وهم..؟..شـ كانوا..؟..يوم سودولي حياتيهـ...؟
يوم كنت أمسي وأصبح بـ ضرب..؟..يوم كانوا يهزبوني حتى يوم استانس..؟..يوم
عمر رص عـ إيد مروان بـ قو وقاطعه:..مروآن أنتقم..وأنا أقولك أنتقم..بس أنتقم منهم هم..!
مروان ابتسم ابتسامه جانبيه : صدقني يا عمّــور.. الألـــم ما يكون يوم تتعذب
الألم يوم تشوف غيرك يتعذبون..لو كان عـ عذابي أنا بس..! كنت بـ سكت..
بس أنا شفت عذاب مريوم وندوي جداميهـ...خلهم يذقون هـ العذاب الحين
عمر سحب نفس : بس مريوم هذيه تزوجت وبخير..وندوي راحت عند أهلها وأكيد مرتاحه
مروان قاطعه : عمّور أنا ظالم ولا مظلوم..؟
عمر سحب نفس وابتسم بـ عذوبه : للـ حين مظلوم..بس أخافك بعد ما تطلع من بيت حميد تكون ظـــآلم...وأنا أفضل إنك تنام مظلوم هب ظــآلم..! عـ الأقل بـ جيه ربك ما بيرد.. دعواتك
مروان رفع إيده يسكته : بس..بس..إنت أصلن ما تبى تشوفني مستانس بـ حياتيه لو يوم واحد والدليل إنك الحين جتلت هـالـ...
عمر قاطعه بـ ابتسامه :..يـــآ عمي روح والقلب داعيلك
مروان هنيه ابتسم ونزل..راح صوب الجرس دقه مرتين ورى بعض ودخل :..
عمر سحب نفس طلع من السيـــــآرة..سكر الباب وتساند عليها..وهو يكوّر إيده عند ثمه
الجو قــآم يبرد..! بس الجو بيحمـــى داخل الحين..ربي يعين :..
{..-~ آنــ‘ــآ آلمجني عليـہ آللي يقدر طعنـہ آلجـآني../ لآن جرحــہ يذڪرني بطـآريـہ لآحسيتــہ !
{..سلـآمي g سمآحي..~
لو "ڪـثرت" cـيوبيـﮯ بـ / cـيونـڪ [ تباهيت]
" آلـ / ثالث"
بطل باب الصالهـ...وهو يرفع حياته : مروآن.؟
مروآن ابتسم :..
حميد وهو يبعد عن الباب ويروح للـ يلسه : ههـ...من زمــآن عنك...شـ الطاري ياي بيتنا اليوم..
مروآن ابتسم بـ سخريه : ههـ...أنا كل يوم ايي
حميد رفع حياته بـ استغراب : والله زين..[فرش عمره عـ الغنفه..وهو يطالع مروان من فوق لـ تحت]
مروآن يلس وهو مبتسم : أنا يـــآي أصلح غلطتيه
حميد ضحك بـ سخريه : أي غلطهـ...بـ التحديد..؟
مروآن ابتسم بـ تحدي وطنشه : وأخطب بنتك
حميد أعتدل بيلسته : نعم..؟..نعم..؟..بنتيه أنـــآ..[وهو يـأشر عليه بـ استخفاف]..تاخذها إنت..!
مروآن كمّل وهو يبتسم بـ عذوبه :..تدري ما أبغيها أطيح بـ جبدك...ومحد ياخذها
حميد وقف معصب: بنتيه هب بـــآيرة تفهم..!
مروآن وقف وهو يقول بـ طنازة : تؤ تؤ تؤ تؤ..[كمل بـ تحدي]..فكــّر..!
حميد صرخ بـ عصبيه : أطلـــــــــع برع..!!
مروآن : هههههههههههـ...[كمل بـ شفقه]..بس تدري بـ تغمضني..لــأني إن ما سترت عليها محد بيــآخذها عقبي..
حميد بهت ثواني :..
مروآن كمّل بـ تحدي : وأقص إياديه الثنتين..إن خذاها حد غيــــري..!
حميد مسكه من قميصه وقال بـ شك : شسويت يـ الجلب.؟
مروان وهو يبعد إيد حميد..ومبتسم بـ تحدي..حط عينه بـ عين حميد :..مرة كنت بـ راحاتي بـ حجرتيه والليت مسكر..حسيت بـ حد دخل حجرتيهـ...
[كمل بـ شفقه]..يا حليلها ما انتبهت إنها هب حجرتها ويت رقدت حذاليهـ...و..
[رفع وحده من حياته بـ تحدي]..وبعدين نسيت شـ صار..!
حميد مسك من قميصه وصرخ : يـ الحثــــــآلهـ...!..يـ الجلب
مروان دز إيده : أستريح زين..أنا قلت اللي عنديه والباجي عليك...
[ياي يطلع بس صد]..أوه نسيت أقولك...إني للحين ما أشتغل..وإنت ما بترضى الناس يسؤلون ليش حميد زوّج بنته بـ سكــآت..يعني رتب كل شي من فلوسك...
[ابتسم ]..وعقبال الجلطهـ...! [وطلع رايح لـ سيارة عمر]
عمر صد له : سويتـــــها..؟
مروان يصفق بـ شبابيه : عـــآش بو عبود عـــــآش..وبو عبود بـ يعرس..!..وبـ يعرس بو عبود
عمر : ههههههههههههههـ...مروآنوه يالخبل..أركب..[وركب بـ كرسي السايق]
مروان ركب بـ كرسي المعاون :..ههههههههـ...عمّــور..وجان أخطب
عمر وهو يحرك السيارة : ههههههههههههـ...أمحق خطبه
مروان وهو يفصخ الربطهـ...بطل الدرج وفر الربطه داخلها : أقولك بغت عيونه تنط من مكانها..هههههههههههههههههههـ...
عمر : ههههههههههههههههـ...يـــآخي أنا كنت مزهب رقم الأسعاف بس حسافه والله
مروان : هههههههههههههههـ...عد لـ3 وبتسمع ونان الإسعاف شال البنت وأبوها
عمر ابتسم : مروآن.؟
مروآن صد له بـ ابتسامه : عيونه..!
عمر ابتسم : تسلم لـــي..بس..
مروآن رفع وحده من حياته : لــآ يكون شفقان عليهم.؟
عمر : عليها بس..!..ولـــآ حميد عساه بـ رداة الحظ.
مروان سحب نفس..وعقب ابتسم : يــآ عمي تستاهل دام أبوها حميدآن
عمر سحب نفس : بس هـ الشي مــآ صــآر..وكله جذب..تخيـّــل وداها المستشفى وعرفوا إنك جذآب
مروآن : ههههههههـ...إنزين حتى لو عرفوآ..شـ بيسووآ..؟..بيذبحوني مثلـ[ن]..؟
عمر ضحك بـ الخفيف : ..
مروآن كمّل وهو يضحك بـ الخفيف :..وبعدين هو بيتم فيه عقل بعد اللي قلته عسب يروح يتأكد
عمر ابتسم بـ طيب : بس بيضربهــآ..!
مروآن رفع حياته وقال بـ أسلوبه القبلي :.. مرة كنت بـ راحاتي بـ حجرتيه والليت مسكر..حسيت بـ حد دخل حجرتيهـ...
[كمل بـ شفقه]..يا حليلها ما انتبهت إنها هب حجرتها ويت رقدت حذاليهـ...و..
[رفع وحده من حياته بـ تحدي]..وبعدين نسيت شـ صار..!
عمر : هههههههههـ...يـ الملعون..!
مروآن ابتسم : ما أتوقع بيضربهـــآ..لـأنها ما يخصها..
[رمش بـ عيونه بـ براءة]..ما انتبهت إنها هب حجرتها..!
عمر : ههههههههههههـ...وطلعت ممثل محترف
مروآن ابتسم : بس تعرف شي وآحد كان بيورطني
عمر طالعه بـ استغراب : ..
مروآن ضحك : لو سألني عن أسمها
عمر : ههههههههههههههـ...ما تعرف أسمهــآ.؟
مروآن هز راسه بـ لأ :..
عمر ابتسم وغيّر الموضوع: وين العزم..؟
مروان : امم..[قاطع تفكيره رنة الموبـــآيل]
Excuse me
Excuse me
شو مشكلتك..؟..شو مشكلتك..؟
Please help me please
Please help me please
روح يــآ إبليس..روح يــآ إبليس
Im not police
Please help me please
عمر بـ ضحك : عــــــــآشوو عباسوه
مروآن : ههههههههههههههـ... Excuse me..Excuse me
عمر : ههههههههههههههـ... شو مشكلتك..؟..شو مشكلتك..؟
مروآن : ههههههههههههههـ...
عمر وبعده علــآمات الضحك عـ ويهه : نقعت المتصل
مروآن : ههههههههـ...تعرف منو متصل.؟
عمر : عزوز.؟
مروآن رفع حياته بـ تحدي: حميدآن
عمر بهت : رد عليه..
مروآن حطه عـ السبيكر ورد : hello
عمر ابتسم ودحه عـ جتفه وهمس : عن رفع الضغط
حميد بـ ضيج : الخميس بـ نملج
عمر فج عينه :..
مروآن يوّد ضحكته : إنزين..سكــآتي..؟
حميد وهو يبلع الغصه بـ القوه :..لــأ..بس الحفلة بتكون فـ البيت
مروآن بـ لامبالاة : زيـــن..زيـــن..
حميد كمّل : تعال بـ نتريـــآك...
مروآن ضحك بـ الخفيف وتكلم بـ لبناني : ولوو..تكرم عينك أستـــآز
حميد سحب نفس : ..
مروآن : يـ الله بـــآيوو..[وسكر بـ ويهه]..هههههههههههههههـ...
عمر ضحك بـ الخفيف : يبتهـــآ صح بو عبود
مروآن : ههههههههههههـ...عمّـور ملجتيه بعد يومين..ترومــ لي.؟
عمر : هههههههههههههههـ...مستحيـــــل
مروآن : يـ الله يـ الله بـ نروح البيت..ببشرهم..هههههههههههههـ...
عمر طالع مروآن بـ ابتسامه ورد عينه عـ الدرب : أبغي أعرف جم بيطوّل هـ الزوآج..؟
مروآن طالعه بـ ابتسامه : مبـــــآركـ[ن] عرس الاثنين..ليلة خميس..
عمر قاطعه : مروآنووهـ...؟
مروآن طالعه : عيونهـ..؟..اليوم أطلب وأتمنـــــــى..!
عمر : ههههههههههههـ...من صدقك مستانس عـ هالملجهـ..؟
مروآن رفع حياته وهو مبتسم : مستانس لــ إني رديت اعتباري عند حميدآن الجلب..
عمر أكتفى بـ ابتسامه هـــآديه تشتت بـ سرعه :..
مروآن كمّــل :..وأكيد بيحط حرته بـ أمايه لـأني ولدها..[صفر]..ضربت عصفورين بـ حصــآه
عمر بلع ريجه : بو عبود.؟
مروآن طالعه : ..
عمر : أبوك شـ نصيبهـ..؟
مروآن ابتسم :..
عمر طالعها بـ شك : بو عبود..؟
مروآن يغني : كل شي بـ وقته حلو..يـــآ حلو..!
عمر : ههههههههههـ...بـ نشوف..
×
×
×
فجت عينها : مروآن..!
عبدالعزيز ضحك من سخرية القدر : أنا قلت تعرس بس بـ هالسرعهـ...أومبسيبل..!
مروآن : هههههههههـ...المهم ثرنا بـ نسوي حفلة يعني تكشخي..[طالع عبدالعزيز]..عزوز عطني 500..بـ فصل لي كندورة مستعيلة وبشتري لي سفره وعقال..
عبدالعزيز : ههههههههـ..أخير[ن]..بـ شوفك بـ كندورة وسفره
مروآن : هههههههههههههههههـ...
مريم تطالعهم بـ استغراب : صبروآ..!..صبروآ..! خلني أستوعب
مروآن يوّد ضحكته : خذي وقتج
عبدالعزيز : هههههههههههههـ...
مريم : جيف بـ تعرس وإنت ما تشتغل.؟
مروآن قال بـ طنازة : يــآ حليله..[رص عـ كلمته]..عمي حميد..من زود ما يحبني قال بيتكفل بـ كل شي..المهم إنـــي أوقع ورقة الملجه
عبدالعزيز طالعه بـ شك : بو عبود.؟
مريم : مروآنوه..ممكن تفهمني شـ اللي صايــر..؟
مروان وقف وسحب خدودها وهو يتخطاها : أخوج بيعرس..!
مريم : مروآنوهـ...!!
مروآن صد بـ ملل : هلــآ
مريم بلعت ريجها : إنت ما ضريت شهّود صح.؟
مروآن ابتسم : أسمهـــآ شهد..؟..حلو والله
عبدالعزيز بطل عينه : ما تعرف أسمهـــآ.؟
مروآن دخل حجرته وهو يصفر :..
×
×
×
وآيهه : مبروك وعقبــآل عبود
مروآن عقد حياته بـ استغراب : منو عبود.؟
عمر : هههههههههههـ...ولدك يا بو عبود
مروآن : ههههههههههههـ...خله ذآك...خلنا نشوفك إنت معرس قبل
عبدالعزيز ابتسم : شو عمي حميد..مروآن ما بيدخل يشوف الحرمهـ..؟
حميد طالع مروآن بـ ويهه جــآمد : حيــآك
مروآن بـ انفعال: شو.؟..أدخل..؟
وآحد من رفجته : بو عبود..لــآ يكون خــآيف.؟
عمر : هههههههـ..يــآ زعم مرتبك
مروآن : لا مرتبك ولــآ شي..بس ما بدخل
عبدالعزيز بـ استغراب : بس إنت ملجت الحين وإنت حتى ما تعرف شكلها
مروآن طالع حميد وقــآل بـ جذب : منو قــآل.؟
حميد طالعه بـ نص عين :..
عمر دزه عـ جتفه وهو يبتسم : روح..روح لـ حرمتك
عبدالعزيز : عمي..سووآ له درب عند الحريم
مروآن عصب : قلت لكم هب دآخــل..هو بـ الغصب.؟
الكل طالعوه بـ استغراب :..
عمر بلع ريجه : خلــآص مروآن..عـ راحتك
مروآن وهو يتخطاهم : أفف..من هـ العـــآلم..[وطلع برع خيمة الرياييل]
الرياييل يطالعون بعض ويطالعون حميد :..
عمر ابتسم بـ ارتباك : عن إذنكم..[وطلع..تلفت بكل صوب يدوره..شافه يمشي بعيد..مشى بسرعه ورآه]..بو عبود..؟
مروآن يمشي..ومسويله طــآف :..
عمر رفع كندورته وركض صوبهـ...يوم وصل حذاله نزل الكندورة : فضحتني
مروآن طالعه بـ عصبيه : يعني غصب أدخل عندها.؟
عمر طالعه بـ استغراب : أنا ماقصدت هـ الشي..أنا أقصد إنك خليتنا أتشلح وأركض وراك
مروآن يوّد ضحكته ومشى :..دومك أهبل هب يديد
عمر دحه عـ جتفه : هههههههههههـ...يهـ الويهه
مروآن رطب شفايفه وهو يبتسم :..
عمر : ما بـ ترد للـ ملجهـ..؟
مروآن طالعه بـ برود : أحلف..؟..أنا ما صدقت حصلت سبب عسب أطلع
عمر : هههههههـ...يعني متعمد تعصب.؟
مروآن ضحك بـ الخفيف وفصخ العقال والسفره وحطهم عـ راس عمر : ههههههـ...خلهم جيه
عمر ضحك وشل عقال وسفره مروآن عن راسه : خليتني أصدق إنيه أهبل
مروآن نفش شعره وهو يضحك...رجع شعره عـ ورى..وزفر بـ راحه : هذي الراحه
عمر ابتسم : وبتم ميوّد سفرتك لين متى.؟
مروآن طالعه : ودني الشقه بعق عنيه هـ اللبس وبعدين عنديه خطه
عمر ابتسم : عيل نرد..سيارتيه موقفه هنـــآك ورى الخيمه
×
×
×
يلست حذالها :..كيفك يــآ عروسهـ.؟
شهد ابتسم بـ عذوبة : تمـــآم..
رفيجة شهد طالعت مريم : شو ميمو..أخوج هب حــآدر.؟
مريم ابتسمت بـ ارتباك : لأ
شهد طالعت الأرض ثوآني :..
بنت ثانيه : أفـــآ..ليش.؟
مريم بلعت ريجها وهي تحاول تبتسم..أنقذتها رنة موبايلها..
ابتسمت لهم وقامت للـ حوي عسب تبتعد عن صوت الــ دي.جي : هلــآ..!
عبدالعزيز سحب نفس : أقول اتصلي لـ أخوج طلع من الخيمه معصب
مريم : ما رد.؟
عبدالعزيز : لأ..واتصلت لـ عمّور حاقرني ولا يرد
مريم سحبت نفس : أوكيهـ...بــآي..!
بنت يات وراها : ميمو..؟..شـ تسوين هنيهـ..؟
مريم صدت وراها وابتسمت : ..
البنت سحبتها : تعالي يـ اللهـ...
مريم سحبت نفس ومشت وياها..دخلوا وهي يلست حذال شهد :..
شهد مسكت إيدها : ميمو..؟
مريم طالعتها : هلــآ
شهد بلعت ريجها..ودموعها تدافع لـ مدامعها : أنا برتاح من الشقى خلاص..صح.؟
مريم نزلت عيونها ثواني..وأنقذتها مرة ثانيه رنة الموبايل بس كانت رنة مروآن.! :..
شهد صدت الصوب الثاني ومسحت دموعها قبل لا أطيح جدام الناس والخلق :..
مريم ردت : هلــآ مروآن.؟
شهد طالعتها :..
مروآن : أختـــــــــآه أحبج..!
مريم ضحكت بـ الخفيف : إذا مفكر تراضيني بـ هالطريقه كآن غيرك أشطر
مروآن : ههههههههـ...يعني عزوز أشطر.؟
مريم ابتسمت : لــآ تضيع السالفه وتعال للـ حوي برمسك
مروآن : أوه..خبرج عتيج إنتيهـ...أنا رحت البيت وبدلت ملابسيه والحين رايحين البحر.!
مريم شهقت : بحر بـ هالوقت..!!..والله إن ما رديت بـ ذبحك
شهد ابتسمت عـ أنفعال مريم..وطيش مروآن اللي دوم تسمع به من ميمو :..
مروآن يطالع موبايله وعقب رد الفون عـ إذنه : الساعه 8 ونص..بعده الوقت
مريم بـ طولة بال : مروآنوهـ...يـ المعرس..!..أعقل..أكيد ما تبى ترمل البنت من أول يوم
مروآن : هههههههههههههـ...جان جيه بيدخل زواجنا بـ موسوعة جيمس..
مريم تكمّل وياه : هيه والعنوآن..موت الزوج بعد نصف ساعه من زواجه
مروآن : هههههههههههههـ...شفتوا إنكم الحريم اتيبون الضغط...
مريم ضحكت بـ الخفيف : وإنت شفت الحرمه وبلاويها.؟
مروآن : ههههههههههـ..شفته بـ عيون عزوز..
مريم بـ سرعه : مروآنوهـ...يوّد باركلها..[وعطت لـ شهد]
شهد دزت الفون : مــآبغي
مريم عطتها نظرة : أرمسي
شهد حطت الفون عـ إذنها بـ ارتباك وهي تسمع صوته يحتشر :..
مروآن : عمّـــــور..أتصل فـ الشباب يـ الله
عمر : وجيه إنت ما أدق.؟
مروآن : ميمو عنديه عـ الخط...يـ الله اتصل بـ نطلع من الحين
عمر سحب نفس : إنت خبلهـ...؟..العين مرة وحده..!
مروآن رفع حياته بـ تحدي : جان بتنسحب من الحين عــآدي
عمر : يــــآ عمي ورآك ورآك...لو بـ جهنم
مروآن : ههههههههههههههههههـ...هذا الرفيج..!
شهد بـ ارتباك : ألو..!
مروآن عقد حياته بـ استغراب : هلــآ..
شهد :..
مروآن بـ ملل : إنتيه شهد.؟
شهد بلعت ريجها وهي تطالع مريم : هيه
مروآن رقص حياته لـ عمر :..
عمر أشر له بـ راسه بـ شو :..
مروآن أشر له يصبر..وابتعد شويه : أقول شهّود.؟
شهد اترتبكت..{من أولها دلـّـعهــآ} :..هلــآ
مروآن : تحبيني.؟
شهد أحمرّت :..
مروآن يوّد ضحكتهـ...: حوووهـ..؟
شهد..ابتسمت عـ دفاشته : هلــآ..!
مروآن ابتسم : سألتج
شهد بلعت ريجها : هب جنه السؤال قبل وقتهـ..؟
مروآن اتسعت ابتسامته :..جيف يعني.؟..متى وقته.؟
شهد تطالع مريم..يعني أنقذيني :..
مروآن : حوووهـ...أرمسج..!
شهد : امم..يعني عقب سنه سنتيـــن..!
مروآن : ول..!!..[كمّل بـ خبث]..ومتأكده بتكونين عـ ذمتيه لـ هذاك الوقت.؟
شهد بهتت : ..
مروآن هزراسهـ...{جني عطيتها أكثر من جوهــآ} :..أقول أنا بسكر الحين
شهد طالعت مريم :..أوكيه..[مدت الفون لـ مريم]
مريم طفرت : مروآنوهـ...!
مروآن ضحك بـ الخفيف : يـــآخي مادري ليش أحبج..!
مريم بـ ملل : وأنا بعد أحبـــك...إلــآ بسألك..إنت شايف مسلسل مكسيكي توك..؟
مروآن : هههههههههههههههـ...أقول يـ الدبه ثره محد يعطيج فيس..أنا بروح الحين
مريم بـ استغراب : ويـــــن..؟
مروآن بـ سرعه :..هب متأخر..أوكيهـ...؟
مريم : صبر..مروآن..أففف
شهد تطالعها بـ صمت : سكّر.؟
مريم ابتسمت بـ طيب : خبل هـ الولد
شهد ما سمعتها لـأنه صوت الـ دي.جي..يصمخ : جيف.؟
مريم أشرت عـ راسها بـ حركة {مينون} :..
شهد ضحكت :..
مريم رفعت حياتها : بس صدقيني حبـــوب..!
شهد ابتسمت : شـ المطلوب.؟
مريم : ههههههههـ...[تقربت وهمست بـ إذنها]..المطلوب عقب مروان بـ يخبرج به
×
×
×
|