الجزء الرابع عشر
برد ياقلبي!!
========
"اجهلك"
كل كلمه توصل لمسامعها كانت تدونها بالكراسه وهذه عادتها من اول مادخلت الثانويه.. ومع الممارسه اصبحت خطتها سريعه جدا وماتواجه مشكله في سرعة شرح أي استاذ..!لكن اليوم..وبهالساعه العابثه..
قلمها انتابه مرض العجز..!عجز وظيفي في اصدار حركاته
كيف تكتب وهو قريب..قريب وكتفها على بعد سنتيمتر من كتفه..!
أي حراراه تضخ بخلاياها الان!
واي عقل ممكن يتسمع بانصات لشرح المحاظره..!
كانت بتوقف على طولها من اول ماجلس بقربها..لكن خلايا رجولها تعطلت وظيفتها وكانت اقرب لمرحلة الشلل المؤقت..ودخل الدكتور واكتمل المسلسل!
ليـــــه!؟؟؟؟؟؟؟
هذا اللي يدور في مخيلتها!
ليه ياطارق!ليه مصرّ على ئربك..! افعالك تفاجئنـي..!تضيعني..توترني..تنقلني لعالم تاني..
انا بعرفك..وبنفس اللحظه...اجهلــلك!
اجهلك يابعيــد..ياقريــب..
تروق لي بشده شخصيتك المميزه..اسلوبك الفكاهي..حكيك المتقن..ابتسامتك الحلوه..اشوفك فيك فارس احلامـي ياانتِ..
لااااا..ابعد يااطارق..انا ماابدي اتعلق بيك!
ارجوك لاتقتحم اسواري المحصنه..ولاتلعب بدقات قلبي الغير متزنه..!
اكرهك يامجنون..!
:
وبنفس الوقت..كان الأنتصار يدق ابواب طارق..شعرّ باارتباكهـا..لاحظ ايدها اللي تعبث بتلقائيه بتقاسيم وجهها..وكراستها الفارغه البيضاء اللي تنتظر مداعبة أياديها..
كان يتأملها بتمعن ومن طرف عينه وهو متاكد انها ماتشعر بنظراته..لأنها وبكل بساطه سرحانه واكبر دليل نظرة عيونها المثبته على بلاط القاعه..
دقق النظر بااصابعها..اصابعها طويله ايضا ومدببة الأظافر ومطليه بطلاء بلون الزهر الهادء..وخاتم فضي اللون يعانق اصبعها السبابه ويتألق بحجره الفيروزي اللي يماثل لون بلوزتها الممزمومه من الأمام والواسعه تدريجيا بطولها..حتى جزمتها البيضاء ناظرها ولاحظ انها واطيه وبدون كعب..
وروموشها كانت حكايه ثانيه لأنها دوم مصبوغه بمسكرا كحلية..وحقيبتها انيقه مثلها والأكسسوارات بجميع الأشكال والألوان تتدلى بسحاب الحقيبه..
تأمل كل حاجه فيهـا..واثناء ماشبع النظر واكتفى..انتهت المحاظره..وهو بدور اغلق كراسته ولاحظ حركتها السريعه في وقفتها..
طارق\أأأ مستر انت
التفت له نص التفاته..وانتظرته يستكمل كلامه..
طارق\اذا ودك تنقلين المحاظره ماعندي مانع.لأني شفتك ماكتبتي شيء!..وادعى البراءه بنظراته الهايمه..
حنان تفاجئت.."كيف عرف اني ماكتبت شي..هزت رأسها بتوتر شوفيك حنان..هو جالس جنبك"..اخذت شهيــق واردفت بهدوء\شكرا مستر انتِ.
اعطته ظهرها..ومشت خارجه مع ازهار ..واول مااختفت مع جموع الطلاب ابتسم بمكر وهو يقفز\يسسسس
حمدي\شو...تحكي مع نفسك..!لهدرجه حنان هبلت بيك..!
اختفت ابتسامته\ماكانت..ولابتكون..
حمدي\تعرف..احمد ربك انوا سوسن غايبه اليوم..
طارق هاللحظه لاحظ غيابها\ايه صحيح..تصدق نسيت..
حمدي غمز بعينه\كمان نستك سوسن..
طارق\اقول لقطنا بسكاتك..
حمدي\شو عم تئول..!
طارق\ولاشيء..
حمدي\وين بنروح هلا!
طارق\على المسرح..عندي تدريب ساعتين..
حمدي\وانا شو بعملّ
طارق\بتنظرني لمن اخلص..!
حمدي\هذا امرّ..والا طلب!
طارق\اللي بيروق لك ياحلو..
حمدي استسلم له كالعاده\بنمشي معك وامرنا لله..!
=========
"قرار بالحفله"
كانوا يتناقشون بهمس خفيف لجل مايثيرون ضجه بالمكان ويمكن صوت الدي جي كان بصالحهم لأخفات أي صرخه تصدر منهم..
بدريه\كيف تبيني اوافق..اخوك بيسفرني بمال حرام..!
لولو صبرها بدأ ينفذ\يمه..يمـه..فهميني....انتي سافري وياه بفلوسك...وهو بيكون محرم فقط..
بدريه\نفس المبدأ.!
لولو\لا مو نفسه..يمه فكري لبعيد..يمكن هالسفره لصالحه...يمكن ربي يهديه..!
بدريه\تقنعين مين يالولو....الغناء من وهو صغير مزروع بدمه.. ولدي واعرفه..ليش بهالوقت فكر يوديني وانا اللي اطلب مه هالطلب من سنين..!
لولو\تفائلي بالخير يمه..واحسني النيه..انا حاسه انه هالسفره بتغيره..
بدريه سكتت فتره قصيره..ثم ردت بهدوء\تغيرتي ..
ارتبكت لولو من هالكلمه..سمعت هالكلمه اليوم اكثر من مره..من مصعب من سامي..وبالأخير امها..هل فعلا هي تغيرت..!وكيف ماتغيرت..!من عرفت صلاتها..عرفت ربهـا..!
لولو\وتغيري..واكملت متردده..عجبك..!
ماردت عليها امها...لكن ظلت تتاملها بهدوء وكأنها بتخترق عقلهـا..حست انه هاللحظه مستحيل تتفوت..امها اصبحت اكثر وداعه..ولأول مره تحسها تهتم فيها..لمست هالأهتمام من كلمتها... ونظرة عيونها اللي تبرق معقوله كلمه طيبه تقرب قلوب بارده....شعرت بنشوة فرح طفيفه..لكن مالبثت تحس بهالسعاده الا وامها اشاحات وجهها عنها وظلت تناظر القادم والخارج بفكر شارد..
تنتهدت بعمق..وحست بخيبة امل..هي وامها مستحيل بيوم يلتقون..!
لولو\وش قلتي يمه..
بدريه وهي على وضعيتها\خليني افكر..
لولو\طيب..عاجبك انه ولدك الوحيد يجلس بفندق..وهو له قصر مليان غرف..
بدريه بصرامه\عنده شقه..يسكن فيها..!
لولو\يقول انه كنسلها..قبل مايسافر..اكملت باابتسامه حنونه..هذا مصعب يايمه..مصعب اللي تموتين فيه..بكلمه وحده منك بيرجع لك..
بدريه\........
لولو وطأت رأسها بضعف وماحبت ترغمها على شيء رافضته..
بدريه\..هو قالك يبي يرجع..
حست انه الأمل بدأ يرجع لها ويدب بنفسها..
لولو\لا..بس مايهون علي يجلس لحاله..
بدريه\طيب وو...قولي له يرجع..
لولو اغمرتها فرحه كبيــره ولمعت عينيها\يعني خلاص رضيتي عليه..
بدريه بملامح جامده\قولي له يرجع ..حكيك كثر اليوم..
لولو ماقدرت تمحي الأبتسامه اللي توسطت فمها\اوكي..بقوله..ووقفت على طولها بسرعه..
واللحين بعد بقوله..اخذت تلفونها ودقت على رقمه وهي ترفع ذيل فستانها العنابي..وتبتسم للمعازيم اللي يناظرونها..
لولو\مصعب..ارجع البيت..امي تقولك ارجع..
مصعب بضجر رد\عيدي اللي تقولين لولو..ماسمعتك..ازعاج عندك..
لولو ابتعدت اكثر عن ضجة المكان\امي تقولك ارجع البيت..
مصعب\صحيح..يعني رضت علينا..
لولو\اكيد رضت..مدام لولو دخلت بالموضوع بترضى..
مصعب ابتسم باامتنان لها\شكرا يااختي العزيزه..وحطي في بالك اني نادر مااشكر حد..
لوول\بالله..اجل لو سمحت ماله داعي الشكر ..
مصعب ظحك بغرور\هههه..طيب قلتي لها عن السفر..
لولو\امم..ايه..بس ماعطتني كلمه..
مصعب ظل يدق على مقود السياره بااطراف اصابعه بخذلان\اوكي.مو مشكله..
لولو\بس اوعدك اكلمها..احس انها بتوافق..
مصعب\طيب اخليك مع حفلتك..
لولو\تصدق يسلمون عليك كل البنات اللي هنا..انهبلوا لمن عرفوا اني اختك..يقولون صوتك قتالّ..ودشت على هالكلمه بقهر..
ابتسم بغرور\سلمي عليهم..
لولو\بالله..انا اصلا بغيت استفرغ من دلعهم وجنونهم..شو هذا..!مايستحون على وجههم.عيني عينك يتغزلون فيك...سرقت الأضواء عن سندس..بدال مايجلسون جنبها..جالسين يقرقرون على راسي,,سندس كرهتك اليوم..بالرغم انها تحبكــ وو.. سكتت بسرعه وهي توضع ايدها على فمها..
زادت ابتسامة مصعب\اها..قولي كذا..طيب قولي لها.مصعب قلبه مو له..سلام..واغلق الخط بوجهها
فمها مفتوح من الصدمه..شو يقصد مصعب بكلمته.."قلبه مو له"
يعني ايش!؟؟؟؟وفرييييييييده!
ياقلبي عليك يافريد..هذا اللي قالته وهي تدخل للقاعه بخطوات تايهه..
عاليه\كيفك يالولو..
استوقفت خطواتها هالأنسانه الكريهه..لكن ابتسمت رغمن عنها..وردت بأدب
لولو\الحمدلله..انتي كيفك..!
عاليه\عال العال..وينك انتي ماتنشافين..!..
لولو\موجوده..
عاليه\ضعفتي كثير عن اخر مره شفتك فيها..
لولو تفاجئت هي ضعفت وماحست بنفسها\والله..
عاليه\اي مره ضعفتي..
لولو حبت تسكتها\ايه اعمل دايت..
عاليه\اها..حلو..جسمك اللحين احلى..
لولو شعرت انها بتقتلها لكن رصت على اسنانها لاتنفلت كلمه تندم عليها\كلك ذوق
عاليه\كيف ولد عمي..سامي..وصلي له سلامي.. ورمغتها بنظرة ماكره
لولو احمر وجهها غضبا\وصل سلامك حبيبتي..
عاليه ناظرت تلفون لولو الفضي\مدام مانشوفك عطيني رقمك...على الأقل نسمع صوتك..
لولو اظطرت تنهي اللقاء وتعطيها الرقم \سجلي عندك.
========
"بلوره شفافه"
تمنت هاللحظه تكون عصفوره تحلق بعيد عن هالأجواء الخانقـه..ماتقدر تنكـر انه الجميع فرحان فيها والكل يستغرق الدقائق للجلوس بصحبتها..وخصوصا انه العزيمه اليوم على شرفها..لكن احساس الوحده انفرض على حياتها حتى لو وصلت للقمه..كانت توزع ابتسامات للجميع وتحاول تحفظ اسامي اقربائها بذاكرتها وتدخل جوّ مع حكيهم ونقاشاتهم وحياتهم وانجازاتهم..لكن كل هذا ماتبيه..ماتبتيغه ولا يلزمها..
اللي ترتجيه شخص واحد فقط يحاول يسعدها وقلبه خالي المشاعر..
طيبه (بنت اخت نوره )\ماشاء الله عليك..شعرك وعيونك السوداء اكتسبتيهم من خالتي..
عايشه ابتسمت ممتنه لها\تسلمين..ماعليك زود..
طيبه\لا عاد..مافي مقارنه بيني وبينك...انتي احلى بكثيــر..
احمر وجه عايشه وخجلت من اطراءها\اخجلتيني..
طيبه\هههههههه انا مااحرج الا الحلويين..
عايشه تمنت تكف عن هالاطراء\طيييبه..!
طيب\ههههههه طيب سكتنا..نغير الموضوع..اي تخصص تبغين تدخلينه..!
عايشه\تصدقين..ماحددت شيء معين..لكن اتمنى ادرس اللغه العربيه..
طيب\كيف وانتي قلتي انك علمي..!
عايشه\فعلا..بس احس اللغه العربيه مهما اكتسبنا من علمها مانوفيها حقهـا..اللغه كنزّ عظيم مليء بالجواهر واحنا للأسف ناكرين الجواهر اللي بايدنـا..ونمحيها بلغات ثانيه ونتباهى بمعرفتها..تدرين بعض المرات افتخر بالأيطالين او حتى الفرنسين اللي يرفضون يتكلمون بغير لغتهم واصالتهم!
طيبه\كلامك صحيح وعقلك راجح..لكن اللي مثلك نادر تفكيره..ومانروح بعيد..انا اتمنى اجيد اللغه الأنجليزيه..لأنها لغة العصر..واي مكان تروحين له بتكون هاللغه هي الأم..بس تصديقن كلامك وعاني لأشياء كثيره كنت اعملها مثلا..انا افتخر بكم كلمه حفظتها بالأنجليزي..ولو علي اتحاور مع اهلي بهاللغه..ونسيت لغتي الأصليه وفي كلمات كثيره ماانطقها الا بالأنجليزي..
عايشه\طيب ليش..وش بيضرك اذا قلتي بدال o.k ان شاء الله..او حتى بدال bye مع السلامه..ليش احنا استبدلناها بلغه بعيده عن تقاليدنا واصلنا..صدقيني انا هالكلام اقوله لي قبل مااقوله لك....ليش احنا نجري ورى الغرب بكل شيء وكأنهم هم افضل ناس واكملهم...بكل شيء قلدناهم..بلبسنا..بأأكلنا..بااسلوب حياتنا..وللأسف حتى بلغتنا....!تدرين مره دخلت مكتبه وكنت ابحث عن قاموس لغه عربيه لأنه يكون مرجع لي بكتاباتي..والمضحك بالموضوع انه رفوف قاموس اللغه الأنجليزيه كثيره ولها سيب كامل..اما العربيه رف صغير وبصعوبه تلقينه..!الغرب دخلوا بحياتنا من جميع النواحي ودمرونا واحنا راضين بهالحرب الخبيثه..ومثل ماقال الرسول
((لتتبعون اليهود والنصارى الحذوة بالحذوة والقدة بالقدة ولو دخلوا جحر ضب لدخلتموه))
طيبه\والله قدرتي تحرجيني ياعايشه..
عايشه\لاتنحرجين ياطيبه..لأني مثلك..اسير مثل مايسيرون الغرب..وكلنا راضين..وافواهنا مغلقه باارادتنا..حنا اللي نقدر نتغير..وحنا اللي نقدر نقول ايه..احنا قدهــا..لكن مين..مين اللي يبدأ!مين اللي حتى يقرّ بقرارة نفسه انه ضد هالحرب الفكريه...مين اللي يقدر يصمد ويسلك حياة الرسول واصحابه..كان التواضع من صفاته..واللغه العربيه هي لغته اللي كل مالها وتمـوت .واحنا بمرأى اعينا نشهد احتظارها...مين اللي بكل عزيمه يقول.انا قدها.. انا اقوى ..محد ياطيبه..محد الا من رحم ربي..!
أي انسانه عايشه..هذه بلوره شفافه نقيه..المفروض تحفظ وتصون بعيد عن مرأى الجميع...اهنيك يابنت خالتي على فكرك...!هذا اللي كان يدور في بال طيبه..بالرغم من الدقائق المعدود اللي حظتها بصحبة بنت خالتها...لكن حست بالفخر لأنه في ناس تفكيرهم اسمى واعلى..وحتى لو كان قولهم شيء وافعالهم شيء اخر لكن بيظل الأساس راقي وحكيم..حست بالهمه ..وكرهت هاللغه اللي تذكرها بااعدائها بعد ماكانت تفتخر بها..وكرهت هالأمنيه الفارغة المحتوى..
ريناد\وش تسووووون..ساعه تهذرون!
ابتسمت عايشه لاختها\سلامتك..نحش فيك؟؟
ريناد\مدامك انتي تحشين فيني فتمونين يااختي العزيزه..بس ها..حاسبي..اليوم بس..وابتسمت بمرح..
عايشه\يالله..انا قنوعه بالقليل..
ريناد نعست عيونها بحب\فديت اختي القنوعه..
طيب\بصراحه ياريناد انا احسدك على هالأخت..
ريناد\اقول بلا حسد بلا هم..كفي عينك عنا..
طيبه\لسانك طويل يابنت..
ريناد\لساني طوييل مع اللي لسانهم طويل..
عايشه رغمن عنها ظحكت\ههههههههههه
طيبه\بسكت لأنك ظحكتي القمر..ومو راده عليك..
بلعت ظحكتها بااحراج\يعني لازم تحرجيني..
طيبه\خلاص عرفت نطقة ضعفك..
ريناد\اقول لاتحرجين اختي..ضربت جبينها بغباء..ذكرتيني....خالتي تقولك يالله هوينا..عثمان اخوك جاء..وانتي تعرفين اخوك نااار..
طيبه توسطت ايديها خصرها\وليش توك تتكلمين ياانسه..
ريناد\لأني وبكل وداعه نسيت..وحكت مقدمة راسها..
وقفت طيبه وناظرت عايشه بحب\والله الجلسه معك ماتنمل..بس حانت لحظة الوداع..
ريناد تداعت البكاء\اهييء.قطعتي قلبي,,يالله ورينا عرض اكتافك..
طيبه\شوفي اللي مصبرني على شوفت وجهك هي عايشه...والا لو علي كان ماعتبت بلاطة حوشكم..
ريناد لعبت بشعرها القصير بدلع\مانتحاور حنا مع بزارين..وناس عقلهم صغير.
طيبه توعدتها بنظراتها\هين يالدوبه..بخطبك لعثمان عشان تكرهين حياتك وتقولين ليتني ماجيت..
ريناد صرخت\يمــه بسم الله علي..مابقى غير هالحريقه اخذه..
طيبه\انكتمي اخوي احسن منك بمليون..والا ليش نروح بعيد ناخذ له عايشه احسن عشان يكون قريب منك ويحرمك من اختك..والتفتت لها..وش رايك عيوش!
غصبن عن عايشه توترت وكأنه احد لسعها بكهرباء طاري الزواج او حتى رجل يضايقها ويذكرها بالماضي\روحي بيتك احسن..
ظحكوا البنات واعتقدوا انها انحرجت..لكنهم جاهلين أي عذاب تعيشه عايشه..واي جرح كبير يتوسط قلبها..
خرجوا المعازيم..وفضى البيت..وعم الهدوء بكل زواياه.
ريناد وعهود وعايشه جلسوا يكملون سوالفهم بالصاله..والتلفزيون شغال على mbc2....اما نوره والأطفال طلعوا ينامون تحت مراى اعين عايشه اللي ملت الأنتظار ..وعلى اخر طرق الصبر..
==========
"لو يموت مانروح وياه"
هذا اللي رجعت تعيده طول النهار والمساء وباصرارا لأمها واتجهت غرفتها..جلست على السرير وصدرها يعلو ويهبط ..وثواني و وقفت تمشي ذهاب واياب بالغرفه.. فتره طويله مرت وهي تفرك الأيد اليمنى على الأيد وتعض اصبعها بقوه لغاية ماافرغت كل طاقتها واصدرت الأهه..... صرخت..منهاره"ان شاء الله تموت يامصعب"..وبأقل من ثانيه تداركت كلمتها وصرخ قلبها"بسم الله عليك ياغبــي..ياحمااااار..يالله معذبني ليل ونهار "
جلست على الأرض وامام مراية الدولاب..وشوي..وظحكت على حالتها....وعلى جنونها.. وعلى حبها..
وهي بغمرة ظحكتها اللي زلزلت زوايا الغرفه.. دمعت عيونها حزن على حالها الغريب..امرها عجيب..
تحبه..وتكره.. تحن له...وتقسى عليه.. تبيه..وتصده..تموت فيه..وتتمنى له الموت..؟؟
وش تبين يافريده..ارسى على برّ..ارحمي نفسك..وابعدي عن حلم ميت من عنوانه..
امها موافقه وكانت توافق لولو بالراي..الجميع على اقتناع تام انه مصعب بتغيره سفرته وهم لازم يوقفون معاه لجل يرجع للصواب..حتى ابوها عجبته الفكره وقال حتى البنات يسافرون معكم على اساس انها عطله وهو صعب يترك عمله ويسافر معهم..!
وطبعا هي كارهه تلتقي فيه بعد اخر موقف بينهم..!وبنفس الوقت وبكل غباء قلبها زادت دقاته لمن فكرت مجرد تفكير انها بتنجمع وياه بمكان واحد..
وش الحل !هي رافضه السفر معاه!ماتبغى تتعلق فيه اكثر..تخاف تكون العواقب هالسفره مو من مصالحها..هي حاسه..حاسه انها بتتضر اكثر من انها بتغير جو بهالسفره..!
شغلت على المسجل وملى المكان صوت العندليب
توبه..توبه..توبه ان كنت احبك تاني توبه..بس ائبلني مره وتبئى دي اخر نوبه وبعدهااااا تووووبه..
اغلقت المسجل بسرعه..حتى الإغنيه اصبحت ضدها اليوم..!يكفي نظارتها اللي بحثت عنها بكل مكان وماحصلتها..وهي مثل العمياء تمشي وتتمسك بالجدران بقل حيله..!
مددت جسمها على الأرض والبلاط نقل برودته لظهرها...غرقت باافكارها متنسايه الألم اللي يأن بظهرها..ابعدت صورته عن مخيلتها وفكرت بالجوانب الأيجابيه بالسفره.. فعلا محتاجه تغير جو..محتاجه تشوف الكعبه وترمي كل همومها امام اطهر بقاع الارض.. يمكن تنسى هالحب الكبير..وكيف تنسى وهو بيكون معها طول الأوقات..وبتظطر تتحمل وجوده والمشاعر الخائنه اللي تخلق بهودنه وبكل عصيان بحظوره..
حتى اخواتها لمن سمعوا بالخبر اغمرتهم السعاده وكأنه العيد بيهل عليهم بفرحته..وخصوصا شهد ورغد لازالت تسمع صرخات ظحكاتهم بااذنيها..!وملابسهم اللي اخرجوها من غرفتهم وببعثروها بمرح بالصاله ..!حتى ملابس الأحرام المحفوظه فوق الدولاب اخرجوها واخذت النصيب الأكبر في عرضها ..
يارب..
جميع الأحاسيس بتناقضاتها وقوتها اختلطت هاللحظه..والغالب كان احساس الألم وكل هذا بسبب القاهر مصعب..!
تذكرت حنان..لها فتره ماسمعت صوتهـا..!بسرعه قامت من الأرض وقررت تكلمها..يمكن تنسى هالالم اللي تعيشه..!اخذت تلفونها ودقت على تلفونها..وكان الرد السريع من حنان صرخه اخترقت مسامع فريده..
فريده\وجععععععععععع وش هالصوت..يالطقاقه..
حنان\بلاّ شوا..يادِبه..لي شي تلات ايام عم ادق عليك...وانتي مابتردي عليي..!
فريده خجلت من نفسها لكن ماحبت تبين حرجها\اقول كولي عسل..انتي تعرفيني انا مو شيء مع تلفوني..ارميه بكل مكان..وماافكر اشوف المكالمات الوارده..يعني انقلعي..!
حنان\الردود عندك جاهزه..ولو حنا بموقفك كان اكلتينا اضعاف العسل اللي تأكلينا اياه..
فريده\هههههههههههههههههههههه شيء طبيعي..الموهم..كيفك..وحشتيني ..وحشتيني مره..مررره..
حنان\وانا كمان..عم بشتاق لكم كتير..فاقدتكم يافريد.فاقده كل شيء كان بحياتي..مابكذب عليك حياتي الجديده مرتاحه فيها..لكن قلبي عم يوجعني لأنكم بعاد عني..بدي اتاقلم على الوضع الجديد...ومو ئادره..
فريده\يابعد قلبي حنوا..وش نسوي مستقبلك هناك..وبانذ الله كلها كم سنه وانتي ارجعه عندنا..قولي كيف احلامك الغبيه..
حنان انقهرت منها\غبيييييييه بعينك..احلامي اضافت طعم حلو بحياتي..فريييييييييد في كلام كتيير بقلبي ودي احكيه لكن مابعرف من وين ابدأ..طارق انسان يثير فضولي بكل الأوقات..!
فريده\لحظــه..لحظه منوا طارق..
تنهدت بحالميه\آه..اللي حلمت فيه..!
فريده تنهدت بالمثل بسخريه\آه..بعيينك..
حنان ادّعت البكاء ورق صوتها\فريييد والله انه في شيء غريب..بدي افسر لك احساسي وعاجزه..
فريده لاحظت اهتمام حنان من نبرة صوتها وعرفت انه الموضوع اكبر من موقف.. جلست على السرير وهي تحثها على اكمال حديثهاقولي اللي عندك..وأومأت رأسها..اسمعك..
حكت لها اهم المواضيع ببعض التفاصيل..
وكانت ردة فعل فريده صرخه مذهولها\عطتيه كففففففففف.....
حنان وضعت ايدها على فمها بخجل وثغرها يحاوطه ابتسامه\وكف محترم كمان..
سكتت برهه تستوعب الموضوع..ثم ردت\ اثبتي الصراحه انك من الb ...ههههههههه احسن خليه يعرف انك مو سهله ومو مثل البنات السهلات..بس بالله كيف قدرتي..!
حنان\والله يافريد اني كنت اركض وقلبي عم يرجف..كنت مفكره انوا بيلحقني وبيرد لي الكف كفين..بس اللي فاجأني انه تغير بعد هالموقف وكانت درة فعله عكسيه..اصبح هادي ويكلمني بااحترام..لكن جراته هي نفسها ماتغيرت..!
فريده\غريب امرك حنوا..ليش ردة فعله انعكست..ليش هالأهتمام بينكم..!وكأنه فعلا بينكم شيء كبير..!ليش حلمتي فيه وقابلتيه..!المواقف اللي تجمعكم ببعض كل مالها وتفاجأئني..!لو انا منوا الصراحه انتقم منك بعد هالكف مو اتودد لك..!
حنان\وتنطقيها كمان بوشي..!
فريده\ههههههه تحملي صراحتي..
حنان\لأنك فريد راضين فيها..بس احكي لي شو اعمل والله اني متشوشه..ومو عارفه كيف اتعامل معه..!
فريد\فاجأتيني حنوا.مو عارفه اي حل امثل لموضوعك.. لكن خليك مثل ماانتي..حنان اللي اعرفها واثق فيها..واثق الخطا يمشي ملكا ..تعجبيني يابنت ماغيرتك الغربه..!
حست بوخز بقلبها..المفروض تفتخر بكلام صاحبتها..هي فعلا ظاهريا ماتغيرت ويمكن اصحبت اكثر قوه وصلابه من قبل..لكن قلبها الصغير كان اهل لهذا التغيير..واكبر دليل نبضاته السريعه كل ماشعرت بوجود طارق..!
فريده\وجععععععععع وينك!
اطلقت ظحكه لتلطيف الجو\هههه موجوده..
فريده\واضح انك موجوده..سرحتي ياطوليه وانتي معي على التلفون..لالا حالتك صعبه انتي..!
أحمرت وجناتها واطراف اذنيها\فريييده شو عم تحكي..بدك اشيء ..!بسكر انا!
فريده\ايه..ايه تهربي ياطويله..لكن خلبيني اشوفك والله لأشدك من شعرك الطويل..
حنان\هههه حلالك الشعر وصاحبته..
فريده\ههههههه نشوف..يالله خلص مااطول عليك خسرتك..
حنان\طيب عيوني..سلمي لي على النبات وبوسيلي اياهن..
فريده\ابشري..وصل سلامك..لكن بوساتك يخسون ياخذونها..
حنان\وانتي ماتغيرتي..!!
فريده تملكتها العصبيه\كولي عسل..هذا اللي ناقص ابوسهم بعد..!اععع قرف..خليت هالشغلات البايخه لكم..
حنان موعارفه ليه زادت جرعة الشوق هاللحظه ..ممكن حديث فريده رجعها لماضي جميل فقدت حلاوته..شهر مر وهي غايبه عن اهلها وعنهم ..شهر مرّ وكأنه عمر بااحداثه اللي كبرتها اعوام وجعلتها اكثر نضج وباامكانها تحمل مسؤلية نفسها بالرغم انه عمرها لايتعدى ال18 سنه.. ولجل تروي اشواقها صرخت باأعلى صوتها والدمعه طفرت وماكابرت..\والله..والله..والله وحشتيني..
ارتعش جسم فريد من صوت صاحبتها ووصل لها احساسها..حنان من بداية المكالمه و بنهايتها اطلقت العنان لمشاعرها العميقه ومااكتفت بهالشيء بكت حنين ووحشه وظل صوتها المتهدج بالبكاء بمسامع فريده طول اليـوم..حتى انها نست مشكلتها ورحلة مكه المفاجأه....وتفكيرها كان منحصر للبنت الشقيه الحالمه الحبيبه حنـــان..
==========
|