منتديات قصايد ليل - عرض مشاركة واحدة

02-14-2021

البارت الاول
:
في خيمة رياييل كانن البنات ينظفن ويجهزن الفطور لانه ما بقى شي على اذان المغرب وكل العوايل يفطرون في الخيمه الشباب والشياب والحريم والبنات داخل الخيمه اللى في حوش البيت اما الرياييل يفطرون في الخيمه اللي برى البيت اللى على المنصه الريم ترتب العصير وتجهزه واليازي ترتب صحون الصغار وخواشيق الغراف وعليوه تحط الحرارات على طرف وتصفهن عشان يغرفون وفي نص محطوطه صينية فريد وصينية عيش ابيض وميثا تحط مجبة شوربه على طاوله وموزه تعاونها بطيس تحطهن على طرف والخواشيق وساره يايبه لومي وحاطتنه في طاسه صغيره وقاصتنه عشان يعصرون على الشوربه وهند يايبه وياها صالونة دياي عربي وحطتهن في نص اللي يبا يزيد على الفريد واللى يبا يحط له عيش وصالونه و تعاونن على حط الروب اللى مع خضره والروب الحامض والجامي والسح حطّنهن ورتبنهن ما شاء الله وليمه عقب ما خلصن طلعن البنات واول ما وصلن عند باب الخيمه مالت الحريم اذن المغرب ويلسن وسمن بالله وفطروا والرياييل حدروا بعد يفطرون ...
بعد ما فطرن الحريم وصلن ريحن شوي وعقب بيبدن الفطر سارت ساروه وعليوه وهنوده وريم واليازي وشما صوب المطبخ بسون سويتات وبيحطنهن في ثلاجه لين عقب صلاة التراويح
كانن في المطبخ العود وعقب رمست شما وقالت: نسير مطبخ تحضيري ابرك في كل سمان ومحد بيحدر علينا
البنات: اوكي يلاااااا
سارن صوب المطبخ تحضيري ويلسن تحت بيسون فطاير وشغلن المكيف وحد سار يسوي جلي وكرميل وهالسوالف وحد يسوي لقيمات ...
عند باب المطبخ التحضيري انفج بسرعه ودخلوا الشباب سهيل ومحمد وغانم وحياب بيتغسلون واشكال البنات حدث ولا حرج اللى محسره ايدها واللى ماسكه الخاشوقه وتجلب في الجلي والكرميل واللى رافعه كندورتها واقفه تسوي لقيمات شاده حيلها واللى شيلتها على الجتف ....
سهيل اول ما دخل ضحك وقال: السلام عليكن
الكل وعليكم السلام
سهيل وعينه على شما اللى تلعب بعيينه الفطاير قال: شحالج شماني
شما بمستحى : بخير وسهاله ومن صوبكـ
سهيل ابتسم: يوم انتى بخير انا بخير وسهاله الله
محمد: حوووو لا تنسى عمركـ واييييد
سهيل تافف وقال في خاطره متى بس ربي يجمعنى وياها وقال: محمد اكرمنا بسكوتك تونى فااااااطر ما فيني على سب واكسب فيك اثم
ضحك حياب وقال: حلااااالك يا سهيل مرررره ما عليك منه انا اخوها وعاطنك تصريح
سهيل: وااااايه عنى هبلااااكـــ هذيلا الرياييل والله
ضحك محمد وغمز لحرمته وهو يقول: يلا رمانه قلبي تعالى
سارت ريم صوب ريلها وهي تقول : هلا
محمد: يلا بنسير رواحنا نتمشى وخلى حياب عند عمه ييسده
حياب: فديته سميي بسده بشله المول من الحين بعلمه على المصيعه وترقيم بنات
محمد: مب شي يديد عمه قبله مرقم
حياب: بس عليكم يوم يظهر شراتي
منصور: لا دخيلك بتيهم عقده
حياب ضحك وقال: كل هذا غيره ياربي بخبر عليكم عرب
منصور :ومنوه هالعرب
حياب ضحك وقال: عرب عيونهم سووووووووووود
ضحكوا الكل وقالت هند: لو سمحتوا نحن مشغولين مطبخ تاااايم يلا انتوا تيددوا وسيروا المسيد صلاة تراويح
سهيل: عنبوه بعدها اول شي بقعد هيا شوقي وخلااف بسير اصلي
محمد: يا ريال شوقك خلها بعدين الحين تعال بنسير نتوضا صدقهن بياذن الحين
سهيل غمز لليازي وقال: اوكيه بيي الحين
فهمت اليازي عليه وحاولت تلهي البنات وظهرن خاري وشموه كانت تلف الفطاير ومندمجه تحط الجبن والزغتر يت اليازي ويلست عندها عشان ما تشك وسهيل راغ شباب على اساس يبا يقول ليزوي شي
ويزوي تقول لشما: لهدرجه حشىىى مستحيه من سهيل مب هذا حبيب القلب
شما وهى تحسب الدار خلا قالت: والله يا يزوي لو يحدر منصور ويقولج كلام حلو ما بتستحين بالله عليج انا وسهيل صح بينا حب والحمد لله اللهــ جمعنا ويا بعض بس مهما كان انا استحى يا اليازي
يزوي قالت :فدييييت منصور والله حدر والله بس ما قال شي وين بينتبه لي منكن ما شاء الله شيفات مب بنات
شما: جب قولي ما شاء الله
سهيل عطى يزوي اشاره بمعنى خلينا رواحنا
يزوي قالت: والخيييييبه نسيت ايب صينية الفطاير بسير ايبها من المطبخ العود ما بتاخرر
شميم: ذلفي يكون احسن
يزوي: علج تفدين سهيل
شما: امين ومن قلبي اقولها
ابتسم سهيل وهو يجرب صوبها ويوم شاف اليازي ظهرت يلس عدالها وقال: زعلتى
شهقه شما بقو وقالت: اه يا قلبي روعتنى
سهيل: سم الله على قلبج يا روحي صدق قبل لا يحدر علينا حد زعلتي
شما بخوف وحيا: لا حشى بالعكس عادي
سهيل: احبج والله
استحت شميم ونش سهيل وهو يقول: يلا بخليج الحين بس ملجتنا ان شاء الله تكون ثاني ايام العيد
شما: ان شاء الله
ظهر سهيل ويوم وصل عند الباب لف وشاف شما تشوفه غمزلها وقال وهو ياشر على قلبه: الله يصبره والله انه ما هوى حد كثر ما هوااااج
ضحكت شما بحيا ...
دخلت يزوي وقالت: فديييييييييييييييييييييييييييت الكناااااري ياربي
شما كملت لف الفطاير وهي تقول: فديييييييييييييت عيونه العسليه قسم بالله اول مره اكون جريبه من اخوج وادقق في عيونه سم الله عليه الله يحفظه
يزوي ضحكت وقالت: الله يهني سعيد بسعيده
شموه: امين ويهنى حمد بحمده وهى تاشر عليها وعلى الباب يوم لفت يزوي صوب الباب شافت منصور طالع من حمامات الميلس متوضي ومحسر ايديه ويالس ينزلهن تفدته في خاطرها وهى تقول الله يحفظكـ ..
فوق في الحجره ريم وهند يالسات على النت يطلعن طريقة ام على ...عليا وساره يالسات يطالعن التلفزيون ..
عقب الصلاة التراوييييح البنات حطن الفواله لرياييل في الخيمه والحريم عقب ترااويح تيمعن في خيمة الريايييل عند شواب وشباب العايله وحدرن البنات يايبات الفواله وحطنها لف منصور وهو يقول : اليازي
صدت اليازي صوبه وقالت: لبيه
ضحك منصور وهو يقول : ما وايهتج اليوم
ضحكت اليازي وعضت شفايفها علامة توتر
جربت صوبه وايهته وقالت له : احم سمحلي
منصور: بالحل عنى افداج شحالج؟
اليازي: بخير يعلكـ الخير ومن صوبك.؟؟
منصور مسكـ ايدها وقال: ما يحتاي تسالين عن حالى دامج بخير عرفي ردي شو بيكون
استحت اليازية وهى تشوفه يطالعها ويضحك صد منصور على زقرة ابويه له: منصور
منصور: عونكــ خالى
ابو سهيل: تعال تقهوى برايها حرمتك الحين
منصور: شوفتها تسد يا عمي
ابو سهيل: اليازية بنتى قربي بريلج ما حيدج جيه احيدج راعية بيت
اليازيه: ان شاء الله ابويه
حطت في صحن فطاير جبن وزعتر و في صحن حطت له ام على ويابته جدامه وقالت له : هبش
منصور: كلي هيايه
يزوي: منصور مابا والله باكل هيا البنات
منصور: طالعوا يا مسودة الويه الحين اقولج كلى عندى ما تبين وعند البنات تبين ما عليه الله يسامحج
يزوي استحت: لا لا خلاص باكل انته اصلن اهم من البنات
منصور بطرف عينه: غصبن عنج اصلن
يزوي: هيه ادري بس مب جنك تسبني
منصور: لا حشى ادبج انا ما سبيت ...
يزوي: ما مات الا بلق عينه
منصور: انزين تعالى كلى هيايه الحين
كلت يزوي ويا منصور وبدوا يفتحون مواضيع خاصه فيهم يلا نطلع عنهم,,,,
في صاله:
الكل يالس مجابل التلفزيون علي لف صوب ساره وقال: بنات عمتيه وين
ساره: مادري جان ماروحن
علي عصب وقال في خاطره ياربي ما شفتها اليوم وانا متوله عليها اففففففففففففف معقوله روحن اففففففففففف الله ينطب العدو
قطع عليه دخول التوم والبنات
علي ابتسم وفرح وقال في خاطره فدييييييييييييت اللى يوووا والله وحسوا انى مشتاق
سعيد وسالم سلموا وسعيد ياشر لعليا بمعنى مالت عليج
عليا ضحكة وقالت: مالت عليه غصون الجنه ان شاء الله
ابتسم سعيد يفرح يوم يشوفها معصبه ويموت في مغايضها بس يعتبرها اخته صغيره ..
حصه بغيره وهى تشوفه كيف يسولف ويا عليوه ومطنشنها عصبت وشافت البنات كل وحده لاهيه بعمرها
سالم سار صوب عليا وقعد عدالها وقال وهو يهمس لها في اذنها: مب ملاحظه شي متغير في سعيد
عليا مرتبكة من قرب سالم قالت: هاه مثل شوه
سالم ابتسم وهو يقول: طالعيه زين وبتعرفين
عليا لفت صوب سالم وكانت بتكلم بس مجرد ما شافت عيونه سكتت ولفت ويهها صوب التلفزيون
سعيد كان يحس بالغيره ليش يا سالم ليش نش وسار صوبها وهو ييلس عدالها من اليمين وقال: بلاج علايه
عليا صدق ارتبكت وقالت: يا التؤم لو سمحتوا احس انى في عالم التشابه انا ما فرق بينكم الا من جريب
سعيد: سهل تفرقين بينا ما يبالها انا في خدي اليمين غمازه وسالم في خدوده الهنتين غمازه وضحك سعيد
عليا شافت الغمازه وقالت : والله تونى انتبه ان فيكم غمازات
سعيد تامل عيون عليا وهو يقول في خاطره شو ه الاحساس اللي ياني اتجاها بمجرد ما شفت سالم عدالها يا ويل حالى لا يكون حبيتها وكيف ما حبها وهى طفوليه بكل شي يا الله حتى لسانها ما ينطق كلام يجرح الله يصبرني
لف سالم على علي وقال: ها بو حسن وين سرحان مالكـ حس
علي وهو يحس انه مفضوح عندهم قال: هاه لا ماشي بس ما عندي شي اقوله
ميثا تكلمت وقالت: الا سالم صدق شو عندكم انتوا وسعود على عليا لا يكوون مؤامره ههههه
ضحك سعيد وقال: خبله انتى مؤامره على شوه كل سالفه تولهنا عليها صح سالم
سالم ابتسم وشاف عليا وقال: الا ميتين من شوق
عليا فرت ريموت التلفزيون على طرف ونشت تربع صوب حجرتها
ابتسم سالم وسعيد انقهر من حركة سالم ...
علي توه انتبه ان حبيبته جدامه وكان يتاملها بحب اه بس متى بس اتوظف واخطبج
موزه تكلمت وهى تقول: احرجتوها
سعيد منقهر: كل من سالم هو جرعة شوق زايده عنده اليوم
سالم همس لسعيد وقال: قلت لك مفضوح تحبها مب مصدقنى ادبتك ولالا وشعلة نار الغيره في قلبك ولالا ولا تجذب اكثر عن جيه وتقول انا اعتبرها اختيه انزين ترانى اليوم فاضحنك فاضحنكـــ
سعيد انصدم وطالع سالم وقال: شوووو؟؟ يعنى ؟؟؟!!
سالم بحب اخوي: سبق وقلت لك احس فيك يوم طالع عليوه وان نظراتك غير لها بس انته كنت تكابر وخفت انك ما تحس بعمرك انك تحبها الا يوم تروح منك فقلت ادبك بطريقتيه
حضن سعيد سالم وقال: بس مب متاكد من شعوري
سالم: ما عليه جدامك وايد وبتاكد طولي بعمركـ
سعيد وهو مستانس: ان شاء الله
سالم ابتسم وقال: برد فوادك
سعيد: لا بعده يوم بتاكد من شعورها اتجاهي
ضحك سالم وقالت ميثا: انتوا شو عندكم اليوم تسولفون وتصاصرون شي بينكم
سعيد: اخوان توم وعندهم اسرار انتى رازه الفيس ليش؟؟!!
علي يتامل حبيبته ويقول في خاطره: ياربي تقدرنى واسعدها احبج يا بنت العمه والله احبج وميت في هواج
موزه قالت لعلي: شو فيك
علي سرحان طااااف مسوي لها
حصه كانت منقهره على اي اساس سالم وسعيد يقعدون عدال عليا بتموووت من القهر على حب حياتها سعيد لفت صوب علي وقالت له بعصبيه:حووووه شو عندك البنت ترمسك
انقهر علي من اسلوبها وقال: تادبي انا هب اصغر عيالج سود الله ذا شيفه
تفشلت حصه من هزاب علي لها
وقال علي لموزه: سمحي لي ما سمعتج شو كنتي تبين
موزه: ولا شي بس ما شاركتنا الحديث نبا نسمع صوتك
ميثا ضحكة وقالت تغير سالفه: لالا قولى انج متوله انتى على صوته
ضحكت موزه بحيا وطالعتها بطرف عينها
على مندمج في حبيبته وضحكتها وقال: ميثا
ميثا حست بنبرة صوته وقالت: عونكــ
علي: عانج الله اباج في موضوع ممكن
ميثا: الحين
على نش واقف وقال: هيه اذا ممكن
نشت ميثا وراه وهى طالع موزه اختها وتقول في خاطرها معقولة انا قلت شي غلط موزه تحب علي بس علي يحبها ولالا اممممم ولا موزه معجبه بعلي ولا شو سالفه وليش يوم قلت لها انتى تبين تسمعين حسه استحت معقولة يكون تفكيري في محله
قطع عليها تسكير الباب بصوت عالي
انتفضت من الخوف وقالت: بسم الله علي بلاك
علي ابتسم وقال: شفتج سرحانه كيف تبيني اطلعج من سرحانج
ميثا: سمحلي بس كنت افكر بموضوع شاغل بالي
علي: ان شاء الله محد يشغل بالج عقب اليوم غيري
عقدت حياتها وقالت: علي اذا في خاطرك رمسه قولها
علي تنهد وقال: موزه اختج
ميثا دق قلبها وقالت: تحبها صح
علي لف وقال: لا والله ما طاح انا احبج انتى ولا تحسبيني مادري عن شعورج اتجاهى ادري بس ساكت لان ما بيدي شي اسويه وما كنت ناوي اصارحج اصلن انى احبج كنت ناوي اخطبج سيده بس عقب اللي شفته خفت موزه تكن لي مشاعر واذا خطبتج ترفضيني عشان موزه
تلعثمت ميثا وما عرفت شو تقول او شو تسوي كيف عرف بشعوري اتجاهه وانا اللى احاول ابين للكل ان ما فيني شي ابتسمت وقالت: موزه مادري بشعورها تجاهك بس كل اللى اعرفه انى سمعت الرمسه هو ان اذا بيخطبون لك بيخطبون موزه
علي عصب وقال: من متى هالرمسه
ميثا: مادري بس اليوم سمعت الحريم يرمسن بس عموه قالت انها ما بتغصبك وانك اذا ما تباها برايك
علي تنهد براحه وقال: فدييييييييييييييت امايه حاسه فيني
استحت ميثا ولفت صوب الباب بتطلع بس وقفها صوت علي وهو يقول: واذا كابرتي وما وافقتى يا ويلج
طلعت ميثا من الميلس وهى تنهد براحه الحمدلله هم وانزاح يحبني وحبه لكن موزه ماذا يدور في جعبتها ؟؟؟
علي تنهد براحه ويلس على الكرسي ورن فونه ورد وهو يقول: مرحبا السآآع
ام سهيل: المرحب باجي الغالى وين
علي: في الميلس
ام سهيل: الغالي
علي:عونج لا تغير لونج والحساد كلهم يفدونج
ام سهيل: عني هبلاك يا الغالى وين ما كلت فواله
علي: ما اشتهى الغاليه هيه صح اباج في رمسه دامنه السالفه حيه بعدها
ام سهيل: تعال فديتكـ الخيمه
علي : زين يلا عيل برايج
ام سهيل: في حفظه الغالي
سار علي صوب الصاله وشاف ميثا طالع تي في وموزه تاكل من سويت وساره وعليا يلعبن اونو وحصه قاعده فوق الكرسي تعابل شعرها
تنهد وهو يقول يا رب تسهل امري سار صوب الخيمه ولقى امه وعماته وعمومه ابتسم في خاطره وقال الوقت في صالحكـ يا علي
سلم عليهم ويلس وقالت امه: ها الغالى شو الرمسه اللى في خاطركـ فيها
علي يسوي عمره تعبان من التفكير والهم: آآه يبل على ظهري يا امايه شال همه واللى يشوفنى ما يقول عمري 22 سنه يقول عمري 60 سنه من الهم والتفكير
عمه: بسم الله عليك يا بويه مب جنك بالغت شو هالهم
علي: هيه يا عمي تراه يقول المثل الويع ويع ضرس والهم هم العرس
ابوه ضحكـ وقال: هيه ثرها سالفه سالفة عرس في ذمتي ذمه انكـــ شرات اخوكــ يوم يا يخطب
ضحكوا الكل عليه وقالت امه: منيه اللي في خاطرك وهاونها
ضحك علي وقال مرتبك: اآآ .هاه هيه احم ميثا بنت عمتي سهيله
ضحك بو غانم وقال: مرره تم تفداك ميثا الا جانك تباها
علي: هيه اباها وحيروها لى لين عقب رمضان وبملج هيا سهيل اخويه
امه: وااايه فديت التعبانين انا ان شاء الله يا بو حسن فالك طيب مررره ما طلبت
وعمتك وعمك يلوس ويسمعونها الرمسه
سهيله: انا مره ما منى عضيله جانك تباها مره تراها من اليوم لك
ابو غانم: هيه نعم صدقها عمتك ونحن ما بنلقى اخير عنك لبنتنا
علي استانس وقال: يلا عيل بسير برايكم
سعيد وسالم كانوا في شيشة البترول يتشرون سعيد دخل داخل واشترى كافى وعصاير وبطاطس وااايد اشياء حق عليا واشترا لها كرتون فيتامين سي اما سالم فكان في باسكن طرف الثاني يطلب له ولسعيد اتصل به سعيد وقاله يشتري لعليا مال الكاكاو ويحط له صوص وتوفى شوي سالم ضحك على سعيد وخصوصا انه يحس بحب سعيد لعليا بس سعيد ما يبا يعترف لها الا عقب ما يتاكد من شعورها اتجاها ..
وصلوا البيت ونزلوا الشباب وسعيد سار سيده داخل البيت وسالم اتجه صوب الخيمه عند الشياب والشباب ...
في صاله اول ما دخل سعيد كان ماسكـ اكياس وايد في ايده سار صوب البنات وشاف عليا تلعب اونوا حط الاكياس عدالها وقال: ترسي ثلاجج ترانى يايب كل هالاشياء لج وهيه صح هالباسكن لج بعد
ابتسمت عليا وهى تقول: مشكور يعلك سالم ياربي يا بو عسكور
ضحك سعيد وقال: امين
عليا قالت: في عرسك ان شاء الله تيب لي واحد وادخل حرمتك على الكوشه وعقب ازفك لها
انصدم سعيد صدمت عمره تزفنى لغيرها وتقول هالكلام في ويهي طالعها بطرف عينه وظهر من الباب وشغل سيارته وسيده على بوظبي مقهور منها كيف تقولها لى كيف ازفك لها تزفنى لغيرها يعنى ما تحبني يعني ما اعنى لها شي يعنى شعورها تجاهى ولا شي ولا شي يا سعيد ولا شي حب حياتك دمرتك في لحظه وهى تقول لك هالرمسه دمرتك يا بو عسكور وهي تقول لك بزفك لها تزفنى لمنوه وقلبي ما يبا غيرها لمنوه ماحس الا بسياره تنجلب اكثر عن جلبه حس انه فقد وعيه بس في باله عليا وبس احبها والله احبها خلوها ترتاح منى ولا تزفني لغيرها اه ... وعقب دقايق معدوده قدروا يطلعونه من سياره وكان فيه نزيف خارجي بس الحمد لله قدروا يسيطرون عليه ونقلوه على مستشفى بسرعه واول ما وصل طلبوا منهم دم من البنك المركزي للدم وكانت فصيلة دمه متوفره والحمد لله صحيح انها فصيله نادره بس البنك المركزي لدم كانت متوفره عندهم واستخدموا خمس اكياس لانه فقد دم وايد وعقب ربع ساعه حطوه في الملاحظه يبونه يستعيد وعيه ...
في بيت قوم بو سهيل كان الكل مجتمع في الخيمه بنات وحريم وشباب وشياب ..
كان سالم حاس بالخوف على تومه لف لعليا وقال: ماياج سعيد
عليا كانت سرحانه بنظرة سعيد لها وتفكر ليش هو طالعنى بها طريقه وشو سالفه وانتبهت على سالم يرمسها : ياني وعطانى باسكن وسمان لثلاجتيه وطلع
سالم قال: احس انه هب بخير
ام غانم: اهب هباك الله شو هالاحساس بعد ما فيه شي ان شاء الله تلاقاه عند حد من ربعه
سالم طنش امه وقال لعليا: اباج في رمسه ..
طلعوا برى وتوه بيرمس سالم رن فونه ورد عليه بلهفه: الوه
......: السلام عليكم
سالم: وعليكم السلام ورحمة الله وبركاته
...: اخ سالم ياليت تي مستشفى ..... بسرعه الله يخليك
سالم دق قلبه وغمض عيونه وهو يقول: خير عسى ما شر
...: لا ما شر الحمد لله بس اخوكـ سعيد تعرض لحادث لكن الحمد لله قدرنا نسيطر على الوضع
سالم: ان شاء الله ان شاء الله الحين ياي
سكر سالم وقال لعليا: تعالى ويايه
عليا: وين
سالم: انتى تعالى وبس وانا متاكد ان في شي بينكم وسيري لبسي عباتج بسرعه
طنشته عليوه وقالت: سالم شو فيك انته
سالم طنشها وقال: برايج يلسي بسير روحي مع سلامه ..
سار سالم وعليوه كانت خايفه وما فهمت شي من المكالمه حست انه يتكلم بالالغاز وانه في شي بس هي ما تعرفه وشاله هم سعيد اللى ما تعرف شو ياه وليش طالعها بذيج نظره اخ يا قلبي ..
سالم وصل المستشفى ودخل بسرعه وسار صوب المستشفى يسال عن اخوه وتوم روحه هو متاكد ان عليا قالت لسعيد شي ولا سعيد مستحيل يطلع من دون ما يقول لحد
ياه الدكتور وقال: الحمد لله اخوكــ ارادته قويه للحياه المخ سليم والاعضاء كلها سليمه الحمد لله بس كان عنده نزيف خارجي وسيطرنا عليه بفضل ربنا وان شاء الله بعد كم ساعه بيصحى على حسب استعاده لوعيه حتى لو تم يومين او اكثر المهم يستعيد وعيه
سالم حس براحه وقال:اقدر اشوفه
ابتسم دكتور يطمنه وقال: مش هتفيدك بحاجه اذا دخلت له دلوتى استنى لين ما يفوق
سالم: بس انا مصر يا دكتور
د: طب ادخل بس بؤلك ايه ما تكلمش كتير عنده
هز سالم راسه ودخل وشاف اجهزه القلب على خوه والاكسجين حاطينه على ويهه وايده ملفوفه وراسه مبين انه فيه ضربات ودم وسار يطالع ولقاهم خايطين له راسه وهو يقول اكيد استوى بينكم شي والله متاكد سعيد الغالى احيدك اقوى من جيه وبعدين عليا تحبك موووت مستحيل تزعل منك ولا انته تزعل منها اوووف ابا اعرف شو اللي استوى بينكم دخيلك سعيد نش بسرعه وخبرني وانا مستعد اخبرك بلي بقلب عليوه ترا عليوه لا يغرك مظهرها الخارجى بس بداخلها انسانه ميته عليك انته ما تلاحظ ان من تشوفك ترتبك وان مدحتها استوت شرات طماطه صدقنى عليا بداخلها انسانه تبا قربك بس انته مب فاهمنها ..
حس بمؤشرات الاجهزه ووتنفس سيعد بسرعه ودخول السسترات المفاجئ وضعف قلبه انتبه على دموع سعيد اللي تسيل على خده والسسترات طلعوه برى وهو يفكر بسر هالدموع وحس نفسه مخنوق بطل عقم كندورته وحط سفره على جتفه وتلفونه ما يدري وينه وكان يطالع كل شي من برى وهو خلاص فاقد الامل يحس ان عليا قالت شي لسعيد ..
بعد ربع ساعه قدروا الدكاتره يسيطرون ع نبضات قلبه وبعد ربع ساعه نش سعيد وهو يحس انه متكسر لف وشاف ايده مجبسه دخل سالم وحضن اخوه بقو وطاحت دموعه: ليش يا سعيد ليش تبغى تجتلنا من عقبكـ
سعيد اللي كان تعبان بعد عن حضن اخوه وهو يقول: اه يا سالم راح حلمي قبل لا احققه
سالم: اي حلم بسم الله عليك لا يكون ضربه اثرت على مخك
سعيد نزلت دموعه بقهر وهو يقول: تخيل بكل فرح تقول لى بزفك لحرمتك على الكوشه تخيل يا خوى وانته تقولى صارحها شو اصارح فيها اذا هذا اوله ينعاف تاليه
سالم مقدر وضع اخوه وقال: الا عليا تموت فيك بس انته ما تحس
سعيد: اي حب دخيلك تقولى في عرسك ان شاء الله ازفك لحرمتك
سالم: سعيد عليا تحبك وتموت فيك وهى قالت جيه لانها تبا تعرف ردت فعلك لان عليا حساسه وايد وما تبى تبنى احلام وعقبها تنهدم شوف حصه كيف تحلم فيك ليل نهار وتحبك وحبها واضح جدام الكل بس مع هذا انته مب عاطنها ويه جنك تقول لها انا ما افكر فيج وعليا مستحيل تظهر مشاعرها لك عليا تحبك وتبا قربك واذا انته شاك في كلامي مستعد اثبت لك والحين بعد
سعيد: يلا انزين اثبت لي
ارتبك سالم وقال: مب عاد الحين خلاف
سعيد: شفت انك تخورط عليه بس عشان انسى اه يا سالم
سالم: انزين يلا بثبت لك بس خلك ساكت ولاتكلم
سعيد هز راسه وانسدح على شبريه .. سالم ياب كرسي وقعد عدال سعيد وحط سبيكر ودق لعليا..
عليا: هلا ساالم وينك كلهم يحاتونك عيزت وانا ادور لك جذبه وبعدين انته وين سرت خليتني احاتيك واحاتى سعيد هذا لين الحين مايا
سالم: سعيد خليه على صوب لانى اللى عرفته ظهر من البيت زعلان وهو ماطاع يكلمنى استوى بينكم شي
عليا:قالت له سالفه
سالم: يعنى جرحتيه
عليا: انا ما جرحته سالم بلاك انته اكثر واحد فاهمنى وفاهم مشاعريه صوب سعيد اخوك انا شو يضمنى ان سعيد يحبني ما كنت اعرف انه يحبني عبالي يعاملنى نفس اخته تراها رمسته هو روحه قالها تذكر ولا نسيت اذا نسيت انا اذكرك يوم قال لى لا اعتبرج نفس اختيه شو معناة هذا شي ما جرحنى والله لين الحين مجروحه منه ومن كلامه بس هو يستاهل حد يعامله ولا يبين مشاعره تجاهه عشان هو يقرر مشاعره حب ولا حب اخوه لا يخلينى على عمايه
سالم ابتسم لسعيد وقال: هو يحبج والله وزعل يوم عرف انج بتزفينه لغيرج
عليا: احسن كنت اغايضه خله يتوب شويه ويعرف ان مشاعرنا هب بيدنا
سالم: انزين يلا برايج انا الحين بيي
عليا بتردد: وسعود
سالم: يهمج يرد بيتكم
عليا: اكيد
سالم: يلا الحين يايين
وطلعوا من المستشفى الساعه 1 ظهر لان دكتور ماطاع يرخصهم لين ما تطمن على حالة سعيد وان كل شي اوكيه بس بعد اسبوع يردون عشان يفجون لخياطه اللي في راسه وسالم اتصل على عليا اونه سعيد زعلان وما بي اليوم البيت وبني الصبح
كان غرض سالم انه ما خبرهم يشوف الخوف في عيون عليا على سعيد ويصدق سعيد بان عليا تباه وتحبه ..
لان سعيد لين الحين شاك في الموضوع ان سالم وعليا متفقين على هالتمثيليه وسالم يحلف بالله انهم لا يمثلون ولا شي وانها مشاعر عليوه بس هو مب مصدق
ويوم وصلوا البيت قدهم تعبانين حتى ما تسحروا البارحه من التعب واول ما دخلوا كانت في صالة عليا وحصه وساره بس والباقي رقود عليا كانت ماسكه في ايدها كوب ماي حق حياب ولد محمد طاح الكوب وانكسر اول ما شافت سعيد وهو حادر ايده مجبسه وراسه ملفوف بالخفيف عشان الخياطه تمت متبريده محلها تصيح ويلست على دري اما سعيد في ذيج لحظه وده يحضنها ويقول لها انا غلطان انى قلت لج انتى اختيه وده يقول لها انا احبج انتى وبس بس ما حس الا بلي تحضنه وتتحمد له بسلامه مسح على شعرها وهو يقول: الله يسلمج سارونه حبيبتي وديني عندها واشر براسه صوب عليا

انتهى البارت رايكم
وراوية كامله عندي بس ابا اشوف تفاعلكم