((البارت الخامس))
يوسف يهمس باذانها : حووري شنو فيك ..؟
حور لفت عليه وحطت راسها عبى صدره : تمنيت امي تكون معنا ..
يوسف لف راسه جهة ثانيه وانقهر على حالها ولف لها بعدها ابتسم :حووري شقلنآآ .. ؟
حور ابتسمت : طيب خلاص يالله قوم نمشي ..
يوسف ابتسم :يالله ..
نور ونوار كالعادة لابسييين زي بعض كل شي والناس ماتفرق بينهم الا باسنانهم وحبة الخال اذا ابتسموا نوار فيها فرقه خفيفه بين اسنانها وحبة خال تحت شفتها السفلى .. آما نور مافيها ..
سارة واريام تعمدوا يلبسون زي بعض بس اختلفوا بالالوان
آروى لبست فستان رااااايق وناعم بقوة
لجين لبست تنورة قصير تحت الركبة وبلوزة مرة ناااعمة
ودخلوا المنتجع الحريم بمجلس والرجال بمجلس .. وامجالس مرة كبييييييييرة وفيها طاولات وكشخه بقوة
المضيفات صلحوا البوفيه والشموع على الطاولات والورد منثر عالطاولات والقهوة والشاي والمكسرات والحلا حطوه على الطاوله ..المجالس كانت مهيئة ..
دخلوا الأهل وسلموا على بعض والمعارف منبهرييين من جمال البنات لكن اكثر واحدة لافته نظرهم سارة
سارة كانت تمشي بخجل من بينت البنات ..
حور وأروى توجهوى لأهل طلال لان تركي وصااهم وحرضهم على انهم يهتمون باهل طلال ويكرمونهم ويضيفونهم ..
الحفله كآآنت مرة فضييييعه وخطيييييرة ..
أهل طلال عيونهم مانزلت عن سارة ..
ريم أخت طلال عمرها 22 : أقول حور ..
حور: أأمري
ريم : ميأمر عليك ظالم .. بس حبيت اسئلك مين هذي الي لابسة الفستان الأسود ..؟
حور ببتسامة : قصدك الي شعرهآآ مدرج ..؟
ريم :أيوآآ
حور متعمدة : هذي حآآتي وبنت عمي واخت يوسف
ريم ::هههه الله يهداك طولتيها وهي قصيرة
حور ببتسامة ورفعت جاجب : افآآ عليك لازم يوسف يدخل بسالفه ..
ريم : الله يخليه لك يارب ..
قآموا تجاه البوفيه وكل واحدة تقرف لهآآ ..
بس أم يوسف تدور على حور عشآن بتعطيهآآ جوالها
أم يوسف : حور من زمآآن عنك
حور :والله ياخاله كنت جالسة مع اهل طلال ونسيت جوالي
ام يوسف :لان يوسف دق عليك وقال يبيك قلت له انتظر اوصل جوالها لها ..
حور ابتسمت بدلع :تسلمين يااغلى خآآلة ..
أم يوسف ابتسمت بحزن : متى ناوين تفرجوني بولد ولا بنت ..
حور : بليييييز خالتي ..انا ويوسف نبي نرفه عن نفسنآآ وبعد ماخلص جامعه ان شاء الله نجيب باذن الله ..
ام يوسف : ان شاء الله .. آتمنى خالأمنيه بفارق الصبر بس انتي وزوجك عنيدييين ..
حور ابتسمت : ههه الله يخليك لنا وتشوفينهم وتملين منهم ..
سارة تحس نفسهآآ محنوقة وطلعت برى تشم هوى .. البنات فقدووهآآ وتسئلوا عنهآآ
سارة بينها وبين نفسهآآ وهي ميته من البرد لان فستانها كآآت طلعت الشال من شنطتها الي هو حق آروى على اساس بتعطيها اياه يوم نسته ذاك اليوم ببيتهم بس البسته من البرد ولفته عليهآآ : آآه ياقلبي آآه .. متى يرحمني بنظرة عيونه.. أحبه مو بيدي .. ورفعت عيونهآآ للسماء : يارب يارب انك تسخره لي علي أحبه مو بيدي أحاول بقد ماقدر انسآه بس مو بيدي ..
قرب يوسف من مجلس الحريم لان حور دقت عليه وقال يبي يشووفها عشان يطمن على حالها عن قرب .. لمح من بعيد لوحدة معطته ظهرهآآ وتحنحن عشآآن يحسسهآ ان بيمر .. لفت شافها سارة ..
سارة دموعهآآ عالباب لانها مخنوقة مرة .. يوسف : سآآرو .؟!
سارة وتتصنع الفرح : ايه ..اشفيك ..
يوسف : لا بس عيونك ...... وسكت
سارة بدون سابق انذار مالقت روحهآى الا ضمت اخوها يوسف ويوسف يمسح على شعرها :اشفيك سارة .. ليه كل هذا .؟
سارة تبكي من غير صوت ..
يوسف : سارة خبريني اشفييك .؟
سارة : متضايقة على خالتي الله يرحمهآآ >>تكذب
يوسف :خلاص حبيبتي الحين لاتطلع حور وتشوفك كذا ..
سارة تمسح دموعها : طيب طيب .. خلاص انا بدخل دآآخل
يوسف نغم لحور لحد ماعطته مشغول وطلعت له ..
بالمجلس = القاعه للحريم ..
شريفة : والل يام يوسف اكبروا بناتنا ..
ام يوسف : والله صدقتي ,. الله يبلفنا فيهم ..
شريفة:اللهم آمين .. الا بسئلك يامرت اخوي
ام يوسف : آآمري ..
شريفة : مو ناوية تخطبين لــ فارس ..
ام يوسف : الا ودي اليوم قبل بكرآآ بس الله يهدآآه يقول لسآآني ابغأ اكون نفسي
مع ان ابوه مو مقصر
شريفة :وانتي الصادقة بس اعيالناعنديين ..
نور ونوار واريام ولجين واريام ... على طاولة واحدة وجالسين ياكلون ويسولفون ويضكون جات لعندهم سارة
اريام :وينك سارونة فقدناك ..
سارة :لا بس حسيت نفسي ابي اشم هواء ..
نور تستهبل : سارة بسئلك الهواء ريحته حلوة
الكل :هههههههههههههههههههههههههههههه
سارة ضحكت غصب : نور ماتجوزين عن حركاتك ..
آروى :عن اذنكم حبيباتي بروح اجيب اخت طلال صديق تركي لانو هو موصينا فيهم مانتركهم ونحسسهم بالاهتمام .. راحت آروى ونادت لأخت طلال عمرها 19 سنة تدرس بكلية الآداب اسمهآ ( ازهار)
ازهار مستحية من البنات (( طبعا طلال عنده 3 خوات واحدة متزوجة عمرها 24 واسمها شهد وريم وهذا ازهار وامه وابوه متوفيين بحادث وهو الولد الوحيد ماعنده اخوان))
ازهار مستحية: هاي بناات..؟
البنات: هاايات .. تفضلي جلسي معنا..
لجين : لاتستحين منا ..
نور همست للجين بنبرة استهزاء : مسوية فيها ام العريف
لجين بنفس النبرة : ماااالت ..
آروى ببتسامة وتأشر عليهم وحدة وحدة :اعرفك على بنات عمي وبنت عمتي ..
اريام بنت عمتي شرفه ..سارة ونور ونوار بنات عمي محمد .. لجين بنت عمتي مريم .. وانا اروى بنت عبد العزيز واخت تركي .>>تلطف الجو
ابتسمت ازهار :تشرفت ..
الكل: تسلمين يالغلا واحنا بعد..
نوار : وين تدرسين ..؟
ازهار:بكلية الآداب .. ادرس انجلش ..
نور : واااو .. حلوو .
ازها ابتسمت لها: ثااانكس من ذوقك ..
اروى عن اذنكم بنااات بس ابغا سارة اشووي بقوم معاها .. سارة تفجئات بينها وبين نفسها:الله يهداك يااروى من دون ماتستئذنين مني ...
اروى حطت يدها على كتف سارة: يالله
سارة انتفضت بارتباك:هآآ ..ايه يالله
قاموا وطلعوا برى وتمشواا بحديقة المنتجع :سارة ممكن اعرف اشفيك..
سارة ببتسامة مصطنعه: ليه..احد قالك انو فيني شي ..؟
اروى وقفت ولفت على سار وسارة لفت عليها وتكتفت : لا ياسارة باين عليك انك متضايقة ..
سارة رفعت راسها فوق وبزفره : هممممممممم يااروى ..صدقيني مافيني شي ..
عند الرجــــــــــــــــــــــال ..
الكل سلم على تركي وتحمدله بسلامة وطلال الي داايم بجنب تركي لان علاقتهم صارت قويه من بعد مكالمتهم وطلاعتهم ماتركه ولا لحظة ..
بويوسف : يالله ياطلال شد الهمة وخلنا نفرح فيك
تركي وهو يعدل شماغه :الله كريم ياعمي قريب ان شاء الله قريب .. بس انتظر الوظيفة >> طبعا هو دارس هندسة
طلال نقز تركي بخصره تركي انتفض وابتسم على جنب : هييي انت نقزتني ..
طلال بخبث: لاتضيع السالفة..
تركي عقد حواجبه وميل راسه : أي سالفة ..؟
طلال : ناوي تخطب يالخاين ولا تعلمني ..
تركي ابتسم وهز راسه :أهآآآآ .. قلت لما اكلم الوالد بقولك ..
طلال : من قرايببنك ..؟
تركي : بنت عمتي .. بس بيني وبينك لان لسآآ ماخبرت أحد ..
طلال : افا عليك يالغالي .. سرك ببير..
علي وفارس >>لايفترقآآن بكل مكان ^_^
فارس ناوي يفتح موضوع الزواج لــ علي ويجس نبضه ..
فارس : علي ..
علي : أأمر ..
فارس : اشرايك نخطب >>>يرقعهآآ عشان قلب اخته
علي ببتسامة : فكرة والله .. بس مشكلتي لساني مالقيت البنت الي يببيها قلبي ..
فارس ابتسم له ورمش : وشلون البنت الي تبيها .. لها مواصفات قياسية .؟
علي يمسح على دقنه : والله مدري يعني ابيها اخلاق ادب جمال .. احترام يعني كذا واهم شي تكون رومانسية ..
فارس يغمز له بخبث : ياخطييييييييييييير .. وبينه وبين نفسه :ياالله نفس مواصفات سارة
علي ابتسم وكأنه استحى من فارس : اقول انا اذا جلست معك بروح وطي..
فارس : لا ابجد .. يعني انت المواصفات الي قلتها .. لوكانت بواحدة من بنات قريبينك خطبتهآآ ..؟
علي وبكل ثقة وابتسامة : أكييييد .. انا قلت ودي اوصي حور تجس نبض واحدة من بنات عمتي وخواتك وتشوف اكثر واحدة تناسبني بس اتردد.. مدري ليه .؟؟
فارس : وليه تتردد يمكن تتأأخر وتفوتك بعدين ..نصيحة مني لاتتأخر ..
علي عقد حواجبه :لازم اكلمها الليلة ..
بدر: هلا والله بعيال العم ..
علي وفارس : تو الناس لاكان جييت ..
بدر بمزح : اطلع يعني .؟
علي : اجلس زييييين .. لاتهببب كثيير
خالد وعبدالله كل واحد جالس بجهة .. وكل واحد يناظر الثاني وكأنهم ودهم يتهاوشون .. والي قاهر عبدالله ان يوسف جالس بجنب خالد.. بينه وبين نفسه : آآه اخووي ويضربني آآخ يالقهر
بوتركي وبويوسف وبوبدر ومعارف بوتركي بشركة جالسين ويسولفون .. وياخذون ويعطون بالحكي وي بعض..
سامي راح لعند تركي ويحكي معاه .. ويتكلم معاه عن الاوضاع ببريطانيا وكيف الحياة هناك والدراسة ومن هالقبيل ..
نرجع للحـــــــــــــــــــريم..
شهد : الا اقول حور ..
حور : امري ..
شهد : سارة مخطوبة او محجوزة ..؟
حور ببتسامة :هي مو مخطوبة ولا محجوزة بس تنخطب كثيييير .. بس الله سبحانه لسآآ ماكتب لها الي راح تكون من نصيبه ..
ريم : الله يوفقها تستاهل ..
اروى : سارة عيونك فاضحتك صحيح فرق بيني وبينك سنة بس مايمنع اني اكلمك بمثل كذا ..
سارة عطت اروى ظهرها : اروى حبيبتي .. والله مافيني شي ..
اروى بزفره : راحت لعندها ومسكتها من اكتافها : حبيبي سارة أنتي اختي ووالله احبك ولا ماكان اهتميت فيك ..
سارة غمضت ورفعت راسها وخذت نفس عشآآن تمسك دموعها : اروى والله انتي عزيزة غالية ومعزتك وغلاك من معزة وغلاة نور ونوار ..
اروى ايئست من سارة :طيب حبيبتي ماتبين تقولين ولا تفتحين قلبك ..اوكي ..بس افردي وجهك .. لاتكشرين ..
سارة ضحكها كلام اروى : ههههه ضحكتيني وانا ماودي اضحك والله
اروى ابتسمت :لوادري من زمآآن قلت كذا ..
ودخلوا داخل المجلس .
بعد 10 دقايق الرجـــــــــــــــــــآل مشوا كلهم ماباقي الا الأهل بس والأولاد وخوات طلال مشوا بعد ماسلموا على أهل تركي وقرايبينه ومعارفهم كلهم مشوا ماباقي الا البنات وشريفة وام يوسف وام بدر بس ..
علي :فارس قوم ياخي ابي اتمشى بالحديقة شكلها رهــــــــيب..
فارس :يالله قوم ..
علي وفارس طلعوابالحديقة ويتمشون ..
خالد وتركي جالسين يسولفون عن الموااقف الي صارت بالمجمع ..
بدر تعب لان اليوم اول يوم دوام مع ابوه بشركة ومشى يريح ...
عبدالله جالس يسوولف مع ابوه وعمه عن الدراااسة وخاله سامي ..
البنات قاموا شغلوا لهم سي دي عشان يرقصون اغنية ((سواها قلبي )) ....>>افكار نور وماتسووي مجهزة كل شي ..
كلهم رقصوآآ عدآآ سارة الي تتفرج عليهم وتبتسم لان مالها مزآآج للجو بس غاصبة نفسها ..
نور ماشاء الله عليها المركز الأول برقص .. ونوار رقصهآآ ناعم بس تحرك اكتافهآآ وايدينها واروى رقصهآآ كوكتيل مرة تحرك خصرها ومرة ايدينها ..ولجين رقصهآآ كلاااااس بالمرة نااعم .. واريام ماتعرف ترقص كثيير بس قامت وياهم تحرك ايدينها .. والأمهات يناظرونهم ويبتسموون وكل واحد تتمنى لبنتها السعادة وتشوفها ببيت زوجها
حور : سارة اشفيك ..؟
سارة بارتباك : هآآ .. ابد سلامتك بس ابي اروح البيت احس جااني النوم ..
حور : هههه الله يعينك أجل >>ماصدقتها حور بس ماحبت تضغط عليها
سارة :عن اذنك بطلع دورة المياه ..
حور : خذي رااحتك ..
سارة بعد ماطلعت من دورة المياه طلعت للحديقة عشآآن تاخذ شووية هواء اشووي ..
بـــــــــــــــــــــس ...
أم بدر : اقول اختي شريفة ..
شريفة : أأمري يالغاليه ..
أم بدر : ماتحسين أن أخوي محمد هالايام كل تعبان وملامحه متغيره
شريفة انشدت للكلام : تصدقين من زمان ماكلمته ولا سئلت احس اني مقصرة معاي وهذا اخوي الكبير بس الظروف شسوي واحيانا انسى الله يلعن الشيطان ..
ام بدر: يالله معذورة ياختي ..
بالحـــــــــــــــــــــــــــــــديقة .. فارس بعد عن علي ودخل للمجلس يوم شافه رايح ناحية الكرسي على اساس لأخته .. آروى
سارة شهقت يوم التفتت وشافت علي الي حاط يده على كتفهآآ لان يفكرهآآ اخته اروى نفس لون الفستان وقصت شعرهم متقاربه لبعض بس سارة اطول من اروى بشويآآآت بس للأسف سارة كانت جالسه عالكرسي .. وحسبهآآ آروى ..
علي لاشعوريا انبهر بجمال سارة وظل يناظرهآآ وهي جامدة بمكانها انصدمت مو عارفة شتسوي ..
سارة تتنفس بقوة من هول الصدمة وقلبها يدق بقوووة ودموعهآآ اشوي وتنزل .. ماشافت حالها الا قامت وحطت الشال على شعرهآآ وركض للغرفة القريبة من قاعة الحريم .. ودخلت على طول .. علي حاول يناديهآآ وكان ووده يناديهآآ بس ماقدر .. حط يده على رااسه .. ونزل شماغه وعقاله .. وناظر فوق..:ياااااااااربي انا شسوويت ليه يوم شفتها ماتحركت ضليت اناظرها.. موحراام ...؟ الله يلعنك ياابليس..
سارة سكرت الباب وغفلته .. وضلت متسنده عاالباب وتبكي من غير صووت ..
وهي تحس قلبهآآ فرحآآن ونفس الوقت حزيين فرحآىن لان اغلى الحبايب حس فيه وحزين لان ماحب احد يشوف الجسد الي يحويه هالقلب من غير حجاب ..
سارة مغمضة عيونها وراسها عالباب مسندته وبصوت خاافت: سامحني يارب والله موقصدي بس مدري انشليت يوم شفته
علي دخل المجلس ومتضاايق ..
فارس: باين عليك مالك خلق أي احد ..
علي :بقووة انا الحين بمشي ..
فارس : توالناس ..
علي وقف :أي تو الناس الكل مشآآ والساعه 12 ونص وانا بمشي
فارس :طيب برااحتك وياليت تهدي ..
علي:يصير خير ..عن اذنك ..
فارس استغرب اول مرة اشوف علي بهالحال بينه وبين نفسه : انا لازم امر لعنده بعد ماطلع ولا لالا خليها بكرآآ .. بخليه يرتاح اشووي يمكن يبي يجلس بينه وبين نفسه
الكل طلع ورآآح على بيته حور مع يوسف / البنات مع فارس وعبدالله / بويوسف مع ام يوسف واخته شريفة واريام / بوبدر مع مريم ولجين / خالد لحاله / تركي وابوه وآروى / سامي لحاله..
بعد 3 ايام .. قرر علي ان ياخذ رقم سارة من جوال اروى ويعتذر منها لان ماكان قصده ..
وصل مسج لسارة ( السلام عليكم والرحمة .. عذريني يابنت العم ..انا فكرتك اروى والله العظيم لان الشال نفس شال اروى وفكرتك اروى ..ومدري شنو الي خلاني واقف انا استغربت من نفسي بس سامحيييني .. انا انبني ضميري ولا راح ارتاح الا لما اخبر واعتذر لك .. سلام يابنت العم ..)
سارة ابتسمت من قلب :أمممممم شنو ارسله .. ووصل المسج لعلي( وعليكم السلام ورحمة الله .. حصل خير خلاص ماكأن صار شي وانا حاولت اقوم بس مدري شنو الي جمدني عالكرسي .. سيآآ ..)
علي ابتسم وحس بشعور غريب .. قال بينه وبين نفسه : اصيلة يابنت العم ..
بعد مــــــــــــــــرور اسبوعين ..
وبعد ماحاول فارس يعرف علي من فارس شنو الي فيه بالمنتجع علي رقع السالفة وقاله ان كان متضايق لان تذكر والدته .. وتركي كل ماحاول يفاتح ابوه بالموضوع يطلع له شي ثاني .. وسارة علي تعلقت فيه اكثر واكثر واكثر .. وعبدالله قال ردة فعله تجاه الموضوع الي فاتحته نور وكانت ردة فعله منطقيه وخبر اخته بأن مافيها شي البنت لوحبت واذا الولد عجبته يتزوجها وبيحبها بعدين وخبرت وجود ووجود افرحت وقالت ان الأمل بالله كبير .. بوبدر وبويوسف وبوتركي حالتهم حاله مع شركاتهم ومناقصتهم مرة تصيب ومرة تخيب .. بس الحمدلله ماشي حالهم .. بدر خبر أمه بالموضوع بس لسآآ ماتقدموآآ .. يوسف خلصت اجازته ومن رحلة للرحلة بهالطياراان .. ام يوسف وام بدر وشريفة مع اعيالهم مثل مااهم .. سامي لازال بصرااع مع عمه الي مدري من وين طلع له من جديد ..ويبغآآ يخبر اخته فاطمة بس متردد .. لجين مثل ماهي مع السكر ..نور ونوار وآروى على حالهم لاجديد .. اريام .. تحس داائما انها متضايقة بس تفضل انها تكتم ..وتبكي كل ماتذكرت ابوهآآ ..
خالد وعبدالله لاجديد حزازيات××حزازيات .. فارس انتظاامي .. وعلم سارة عن الي دار بينه وبين فارس عن موضوع الزواج سارة مابينت له أي تعبير تجاه الي صار بالحديقة وابتسمت له وبس.. طلال وخوات طلال لاجديد..
>>>يتبع
|