بسم الله ابدا قبل نظم القوافي
اللي بذكره تطمئن المخيفه

واردد اسمه عالماً كل خافي
الواحد اللي كلنا تحت ريفه

وبعدها بكتب وسوق اعترافي
وابصم ووقع بالقلم فالصحيفه

لشيخاً تعلى فوق روس النوافي
فوق الجبال العاليات المنيفه

ابو مسفر مكرمن كل حافي
ماصد عن واجب ونفسه عفيفه

انشهد انه شيخ عرف وسنافي
*وسيرته بين القبايل نظيفه

انته يبن مسفر رجال وافي
انشهد انك شيخ منته عريفه

اسمك ليا من قيل مسعود كافي
يكفي عن مسمى العمل والوظيفه

اقولها ولا عليك اختلافي
انته ولد شيخاً ونعم الخليفه

البدع ابن عمي


وانا اشهد ان القاف ماهو بصافي
وصف السلف بعد السماء عن خليفه

ذاك السلف مشهود والكل شافي
حرام تشبه ازحول الرياجيل بجيفه

معروف دار الجود به الضيف لافي
وباب البخيل مغلق وبالوجه شيفه

لو سقت جزل القاف سوق العنافي
والخافي اعظم والحقائق مخيفة

كيل المديح في غير محله يضافي
والجيب وكف يمناه ماهي نظيفه

هذا صحيح القول ولا به خلافي
ومن خالف المضمون يلحق بطيفه

جاني قاف مهذب زارني قاف لافي
فيما ورد خالف رواسي المنيفه

غطي جميل القاف باجمل لحافي
وطهر كفوف ايدك وكفك شريفه

الصدر صافي والخواطر نظافي
مير توسعة خاطر ونفسي عفيفه

الرد
السكب 12