***
شف غيابك ، وش سوى بَ :
الدقايق / و الأماكن
و شفني إليا ضقت ، و إشتقت
وش يصير فيني !
ألتفت ، مَ أحس بَ شي من ( قل الأمان )
و .. كل مَ قلت : أبغى شي !
مدري وش أبي !
***
عند خال فجر كان الباب يدق بقوه قام بتعب و هو متحلف لو فجر بيذبحها شلون تخرب كيفه الغبيه هذي فتحه بقوه وكان عبدالرحمن
:هلا بالغالي هلا باللي الشرقيه كلها ما تسوى بدونه
:نعم عبيد وش تبي
دفه و دخل: افا سعيد وش دعوه انا عبدالرحمن
طنشه و رجع يدخل لجوا:تعال وقفل وراك الباب
عبدالرحمن:ما طلبت شي طالع بالحوش الكبير واستغرب الغرفه الخارجيه هذي بس سعيد لو أحد قربها ذبحه
معقول البنت فيها مو مشكله دخل من بعد ما ناداه سعيد يدخل :ايه يالغالي مو كانك طولت بالسفره هذي
سعيد: لا بالعكس
عبدالرحمن وهو يتمدد و يفتح التي في:انت مافي احد يسأل عنك و الا ايه
سعيد:يعني
عبدالرحمن : ولا احد ساكن معاك هنا غريبه
رمى عليه الثلج:امسك اطفح ولا يجي ببالك يا عبيد تتعدى حدود هالصاله و الا تشوف شي عمرك ما شفته يا عبيد
ابتسم له بخوف:وش دعوه اسأل بس رجع يلهي نفسه وهو يفكر من تكون زوجته؟ لا هو مطلق و ما عنده عيال
حتى اكيد وحده بايعه نفسها مالها الا كذا بس بسيطه مصيري اعرفها و اشوفها بعد !
***
وَش قِصَصَصَّتك ي هَّم
هِي صُحْبَتِي !
هـ الْقُد حَلَوِوِهـ ؟!!
***
مدى اللي لسى مستمره ببكاها
رشا:بس خلاص مدى نتفتلك شعرها
مدى بقهر:وش تبي هي ليش تضربني وش سويت لها
رشا وهي مستغربه :كلامها مو مفهوم بعدين عمى بعينها ماامدانا نتهنا طاحت ضرب فيك
مدى وهي تشهق:حقيره جد حقيره وش سويت لها وبعدين وش سالفة طلعتي من هنا و ليش تهددني
رشا بغباء:يمكن عمك جاء يبي يأخذك
مدى وهي تمسح دموعها: وهي وش عليها؟
رشا:مدري اقول قومي غسلي خل نروح نتعشى ترى لو تضربي لبكره ما احد درى عنا خل نأكل احسن
مدى:روحي انتي انا ما اشتهي
رشا:معقوله
مدى:رشو ابي اكون بروحي
رشا:زين راح اتركك مو عشان اقتنعت انك تكوني بروحك لا عشان براسي شي
ابتسمت مدى وهي تشوفها تركض لبرا بسرعه مسكت على خدها مكان الكف اللي خذته من شوي عضت على اظافرها
بقهر عسى يدك الكسر الغبيه لو اني مسويه لك شي كان قلت ما عليه بس كذا فجأه مو مشكله اردها لك بس أفهم ليش تهددي و ليه ما اطلع اصلا اطلع مع مين جعلك العمى
ضربت الجدار بقوه وهي تذكر كلامها:انتي يالغبيه خل يطرى لك توافقي و اللي خلقك لا اكون معلمتك قدرك بعد لو فيك خير ماكان اهلك رامينك هنا
و لا يخطر ببالك اني راح اسمح ان سمعتنا تتشوه عشانك هذا اللي ناقص بس وش اقول مثل امك
:امي اشرف منك ما بقى اللي انتي تطرينها انتي تنكتمي متخلفه جايه ترمي بلاك علي
:انا متخلفه انا اوريك شنو التخلف
غسلت وجهها بسيطه مقدور عليها هالحركه و يعني ايش تضربيني مو جديده علي بس المرحومه هذي شوي قويه ما بلعتها عشان كذا تحملي اللي يجيك
مشت بسرعه برا غرفتها وكلهم كانوا على العشاء اتجهت لمكتب علياء ودخلت كان فاضي مشت بسرعه لمكتبها وبخفه سحبت جوالها
وفتحت البوك و أخذت كل اللي فيه رجعت أغراضها مكانها وطلعت لبرا الحوش وهي تأخذ نفس جرت لعند شجره بأخر الدار وحفرت هناك وخبت الاغراض فيها
رجعت لغرفتها وهي ترمس أبتسامة انتصار على ملامحها زين علياء زفت هذي البدايه وتحملي رمت نفسها على الكرسي
وهي تنتظر ردة فعل علياء زين ان ما رديت لك الكف ما اكون مدى !
***
ڪل مآفي " آلدمآم " عليآ تــغير ..
............ آلشوآرع ،، وآلآمآڪن ،، وآلشوآطي .. وحتى هــي ..
............. لآ سألتني ڪيف حآلڪ ..
ولآ تدري هل آنآ ميت ولآ حـي .. !!
***
كانوا مجتمعين حول أبوهم ويناظرون له بفخر يحسون كلمة عظيم قليله بحقه
قامت الجوري بسرعه وحضنته:بابا أنا أحبك أحبك انا فخوره أنك بابتي ما تدري وش كثر انبسط و انا ادخل هالجمعيات
و اسمعهم يدعون لك بطولة العمر احس اني راح اطير و انا اشوفك تساعد غيرك يعيش من تعبك وسهرك
حمد بفخر:طبعا يحق لنا نفتخر لو تشوفي يا جوري اليوم يوم رحت المستشفى عشان أشوف الشغل زي ما طلب ابوي مني
تخيلي نص الحالات على حسابه علاجهم وكلهم يدعون له عساك دوم بصحه يا يبه
ابو حمد:طبعا يا ولادي لا زم تعرفون ان هالخير من دعواتهم لازم ما تنسون هالشي وتصدقون دوم و انت يا حمد لو صار لي شي كمل طريقي صح تعبت فيه بس لربي حق علي
حمد:بعيد الشر عنك تربيتك يا يبه و لا تخاف
طلع من عنده ويحس الضيقه تزيد عليه كان يطالعهم وهم يتكلمون عنه بكل فخر لو دريتم وش ماضي ابوكم راح تسامحوني
وتظلون بهالفخر والا لا طلع للحديقه يتنفس هواء جديد يحس نفسه يختنق و المشهد ينعاد عليه دم قتل تزوير سرقه تذكر وليد و أصراره على الشغل معاه
بس لا لا يا وليد اقربك و اهدم اللي بنيته سنين اكون غلطان و غبي بس المشكله انك منافس قوي لي الله يستر بس !
***
مافقدتك !
بس أحس الكون " كله "
ميت ومابه أحد !
والأغاني اللي تحب ؛
كلها تسألني عنك ..
كلها صارت حزينه !
مثل قلبي
مثل ليلي
في " غيابك "
اشتكينا كلنا زود الوله !
***
طلعت الجوري لغرفته تبي تكلم اختها سحبت جوالها و لقت اتصالات من نفس الرقم ومسج وسائط فتحته وشهقت بقوه وهي تشوف صور عيسى
و بالاخير كاتب وش رايك فيني مو حلو ؟كان رابط الايشارب حقها على يده ظلت مصدومه تبي تستوعب اللي يزعجها عيسى !
دقت بسرعه عليه وما امداها الا رد عليها:هلا وغلا بحبيبتي وشلونك؟
الجوري مصدومه من الجراه والثقه اللي عايش فيها:أنت وش تحس فيه؟
عيسى وهو يتنهد من قلب:عقلك مستحيل يستوعب اللي احس فيه
الجوري بصدمه:نعم
عيسى وهو يرمي نفسه على سريره:والله جد
الجوري:أحد قالك انك وقح؟قليل ذوق؟غبي؟متخلف؟ابي افهم ليش داق؟
عيسى:ههههههههههههههه انتي اللي داقه
الجوري:غبي قبل ما ادق ولا ترسل حلو؟لا مو حلو وعه على بالك منو
عيسى بثقه:ايه حلو وبعدين انا عيسى مو يكفيك؟ و لا تحاولي جوري انتي تعرفي اني حلو وا اتوقع انك ما نسيتي عيوني مو انا قلت انتي قلتي لصديقتك
الجوري تشد يدها وبقهر:بلا اخلالالالالالالالاق
عيسى:نو نو بيبي هدوء بكره تكوني زوجتي ما احب هالاسلوب والهمجيه
الجوري:انا همجيه انا
عيسى وهو مبسوط منها وهي معصبه:شوفي ما راح أناقشك كثير وبخبث:اشتقتي لحضني؟
الجوري:شوف عيسى الزفت لا تفكر اني وحده من خوياتك بكلمه منك اذوب واجيك اصحى لنفسك
انا الجوري تاج راسك يا متخلف و اذا تبي تسوي رومانسيات روح عند سوسن مستواك سواء من ناحية اخلاقك و الا مادياتك
ولا تطالع فوق كثير ترى تتعب ولا تنسى ان انت وابوك واخوك رزقكم من تحت يد بابا لا تخليني اقول لبابا فهمت يا عيسى
عيسى كان نار نار من كلامها بكل برود رد:لا ما فهمت و انا ابيك انتي وبوقاحه عشان يقهرها : انتي غير لك طعم ثاني قولي لابوك بقوله ان بنتك قد حضنتها بيوم
ولا وصلتها بعد لحد بيتها بنتك متعود عليها وهي بعد متعوده علي يعني عادي ماله داعي الاخلافيات هذي
الجوري بصوت يرجف من البكاء:انت وقح انت
عيسى وهو مبسوط انه رد لها القلم:انتي جيتي عندي وقلتي شي مو قده لا تلعبين معاي انا عيسى احبك ايه
و عاجبتني بس لو قهرتيني و الا فكرتي تجرحي فيني اخليك تحت رجولي و ادوسك قفل منها وهو يحس راسه بينفجر قهرته بكلامها مغروره
الجوري جلست بنص الغرفه و هي بحالة صدمه و تبكي اهانها بس سكتت ما ردت عليه
ما قدرت تتكلم مسحت دموعها وهي تردد كلمته احبك لو قهرتيني ادوسك طالعت بصورته ما تنكر انه حلو بس وقح وجري و ما يستحي
ظلت تتأمل صورته و تردد كلامه احبك وتعجبيني بس رمت الجوال من قهرها ع الارض و رمت نفسها على سريرها
وهي تذكر اللي صار ببيته ومكالمته خافت لانه ماهمه احد وجري عكس اخوه سعود عكسه
***
لهوون وخلص آلبآرت ..~
|