منتديات قصايد ليل - عرض مشاركة واحدة - رواية يدري إن اسباب ضعفي نظرته يدري إني ما اقاوم ضحكته كامله

07-28-2011

الـــــبــــ ( 29 ) ـــارت

-----------------------

من امس مسكر الجوال .. من وصل وأهو جالس في الحرم يفكر في كلام عهد يفكر كيف يتصرف متضايق يبي يفرج عن نفسه خاف يتهور خاف من وسوست الشيطان اتجه لاطهر بقه في الأرض بيت الله بعدها رجع للفندق اللي حجز فيه يبي يأخذ دش ويغير ملابسه من أمس مو مغيرهن بعد ما أشترى له لبس جديد من السوق وجلس في الاستقبال فتح جواله رسائل ومكالمات كثيرة قرر يتصل على سمر لأنه يعرف هي الأقرب لعهد يبي يعرف كيفها رفع جواله واتصل وسمع صوتها اللي واضح فيه نبره عتب حزن وشوق لاخوها

دمـ ع ـي تنآثر و أتعب آلكف
{ مسحـہ ..!!
من غيبـت? قمت أمسح آلدمع
{ بـ آلدمع ..!!

سمر(بلهفه) : ألو فيصل
فيصل : يا لبيه يا قلب فيصل
سمر(بكت) : ليه تسوي كذا
فيصل : سامحيني كنت تعبان وطلعت لبيت الله لمكه برتاح
سمر : فيصل أنت ترتاح الكل تعبان حتى زوجتك
فيصل(سكت وغمض عيونه يوم تذكر بهمس) : كيفها
سمر : عهد تعبانه يا فيصل تناديك وما تهمس إلا باسمك
فيصل(عوره قلبه) : بسم الله عليها
سمر : تعال شوف الكل يوم طلعت محد نام من البارح الكل خايف عليك
فيصل : طيب
سمر : متى
فيصل : مدري طمني الكل علي أنا بخير بس محتاج اجلس بروحي شوي
سمر(بعصبيه) : أنت ما تحس اقول لك عهد تعبانه زوجتك ممكن تنجن بس تقول اسمك وتنادي تصرخ بالبيت إنها السبب حرام عليك وش سويت لها البنت بتروح منا ما أكلت من أمس ولا تبي تأكل وبس تقول أبي فيصل
فيصل : سمر
سمر : طلبتك تعال (بكت) طلبتك
فيصل : بس لا تبكين
سمر : قول بترجع اليوم
فيصل : خلاص برجع والله برجع
سمر : فيصل اليوم
فيصل(ابتسم) : اليوم بأذن الله
سمر(تمسح دموعها) : الله لا يحرمني منك
فيصل : بس لا تقولين لأحد بطلع ألحين للمطار بس بسلم على بندر أخاف يعرف إني كنت موجود ويزعل مني
سمر : طيب
فيصل : مع السلامة
سمر : مع السلامة

مسحت دموعها أخيرا تطمنت عليه

دخلوا الفندق وأهي ترجف من الخوف بندر كان يخوف كثير وتدعي ربها إن يفرج لها ويساعدها وفعلا سبحانه رحمها لما واحد نادى باسم بندر لف بندر واهو ماسك يدها بعصبيه بس أرخى يده وأبتسم لما شاف اللي يقرب

بندر : فيصل
فيصل : هلا بالمعرس
الجوهره(ابتعدت شوي عنهم) : .............
بندر : أخبارك
فيصل : بخير وأنت
بندر: بخير بس وش جايبك
فيصل : حبيت آخذ عمره وجيت البارح
بندر : اها
فيصل(ما رفع عينه للجوهره) : مبروك يا أختي
الجوهره(بهمس) : الله يبارك فيك
بندر : الجوهره اسبقيني بجلس مع فيصل
فيصل : ما يحتاج بعد شوي بطلع للمطار راجع للرياض
الجوهره(بقلبها) : الله يفرج لك يا فيصل يوم جيتك فرجت لي

انسحبت الجوهره واهي تحمد ربها

بندر : تعال بنشرب شيء على ما تطلع للمطار
فيصل : وتخلي عروسك
بندر : هههههههههههه تعال بس عروسي لاحق عليها
فيصل : ههههههههههههه تعال

دخلت الجوهره جناحهم ورمت العبايه والشنطه على السرير وفركت أيديها بعصبيه طلعت جوالها واتصلت بأمها واهي ترجف من الخوف من بندر

الجوهره : ألو يمه
الأم : هلا الجوهره أخبارك
الجوهره : بخير يمه بسألك تعرفين أن عليان هنا
الأم : أيه
الجوهره : ليه ما قلتي لي
الأم : والله ما عرفت إلا يوم اتصلت علي نجلاء بنت عمك
الجوهره(عقدت حواجبها) : اتصلت متى
الأم : قبل ربع ساعة وقالت تبي رقم رجلك لان جوالك مسكر وتبي تشوفك
الجوهره : كنت معها قبل ربع ساعة (شهقت) شو قلتي عطيتيها رقم بندر
الأم : لا والله أصلا ما ارتحت لها وعطيتها رقمك بس
الجوهره : هذي حيوانه أهي أصلا ما تعرف رقمي كيف اتصلت وجوالي مسكر
الأم : صاير شيء
الجوهره : يمه خايفه
الأم : من شنو
الجوهره : عليان شفناه في المطعم اهو أمينه خالته والنجلاء (وحكت لامها كل شيء عن اليوم وان بندر معصب بس ما قالت أن شاك فيها أو ضربها) يمه وش اسوي
الأم : ههههههههههه رجلك يغار
الجوهره(عضت شفايفها وفي قلبها) : يغار يا ويل حالي لو تعرفين انه شاك فيني
الأم : طيب عادي من حقه يغار قومي تعدلي لرجلك و ما عليك من عيال عمك وخالتهم هم بس يبون يخربون عليك خلي بندر بعيونك ولا احد يهمك غيره
الجوهره : يمـ..

انتبهت للباب ينفتح وعرفت أنه بندر

الجوهره : يمه مع السلامة بندر جاء (سكرت بدون لا تسمع رد أمها ورمت الجوال وركضت للحمام (وانتو بكرامه) وقفلته )
بندر(دخل غرفة النوم سمع الباب يوم تسكر) : الجوهره
الجوهره : هلا
بندر(يطالع لجوالها) : تعالي
الجوهره : بآخذ دش (وفتحت الماء وجلست على طرف البانيو) تبي شيء
بندر : طلعي قبل لا تأخذين دش بكلمك
الجوهره : عن شنو
بندر(يصر على ضروسه بعصبيه) : عن اللي صار في المطعم
الجوهره : وش صار
بندر : بنتكلم كذا تعالي جوجو الشاطرة
الجوهره : نتكلم كذا أحسن انت تخوف لما تعصب وبعدين أنا وش دخلني فيهم مو المطعم للكل مو لنا بس
بندر : اها الظاهر 10 دقائق عرفتي تصفين الكلام
الجوهره : بندر
بندر(يأخذ جوالها ويقاطعها) : من كنت تكلمين
الجوهره : أمي
بندر(يفتش بالأرقام) : بس
الجوهره : تأكد أذا تحب وعلى فكره ترى النجلاء تكذب لا اتفقت معها ولا اعرف رقمها ولا اعرف أنهم هنا تقدر تتصل على أمي وتسأل
بندر : شيء حلو عشان تعرف بنتها تلعب من ورآها
الجوهره(بعصبيه) : أنا ما العب ولا اعرف شيء عنهم
بندر : تعرفين تعصبين هين بس خلصي الدش وبعدها لي تفاهم معك

الجوهره قررت تأخذ دش فعلا و ما تطلع إلا بعد 15 دقيقه يكون بندر هادي شوي وتقدر تتكلم معه بدل أنها تطلع واهو معصب ممكن يرتكب جريمة فيها أما بندر طلع للصالة وأنسدح على الكنبة وشغل التلفزيون ينتظر طلعتها شاف فيلم واندمج معه شوي وما حس بنفسه إلا نايم الجوهره بعد ما طلعت تسحبت شوي شوي تشوفه وين شافته على الكنبه حمدت ربها انه نايم مسكت الغطاء للسرير وقربت منه بشويش وغطته عدل ابتسمت ورجعت لغرفتها وأنسدحت على السرير ولا حست بنفسها هي الثانية نايمه بس بدون غطاء نامت بعرض السرير ولا اهتمت تنام على السرير عدل بس تبي ترتاح وتريح جسمها بعد المشي وبعد الدش الحلو

" علينا يالجفا تقسى علينا ترمي أوزارك علينا
غصب تتحدى تشتتنا بعذارك ..
مدامك يالجفا باقي تعاندنا بأفكارك
ترانا منك بانحذر ولا نقرب من أفكارك
لحالله دار مافيها سوى الأحزان ترسيها
غرقنا في مشاكلها تعبنا من بلاويها"

**************************************************

في بيت عبدالرحمن

هاجر : لا عمي نبي نفرح
ضاري : تفرحون على حسابي لا
فجر : طيب أنت ما تبي تعرس وعمي عبدالرحمن ما يبي ترى ودنا بعرس وفرح
ضاري : زوجوا عبدالرحمن
عبدالرحمن : هيييه خلك بنفسك يالاخ
ضاري : اجل ماني معرس إلا أذا أنا وعبدالرحمن في ليله وحده
سيف (يغمز له) : لا تتعذر فيه
عبدالرحمن : أيه قول له
الأم : أنت بس تخطب عبدالرحمن بنملك له معك
عبدالرحمن : تملكون لي
الأم : أيه أنت عروسك معروفه وضاري بس يقرر أبوك يبيكم مع بعض
عبدالرحمن(لف لها) : لا تقولين مشاعل
الأم : أيه
عبدالرحمن(يوقف وبعصبيه) : نـــــــــــــــــــــــــعـــــــــــــــــــــــ ـم
الأم : علامك تقول أحد قارصك
عبدالرحمن : أنا وش قلت لكم مشاعل ما أبيها غصب أهو
سيف : عبدالرحمن وش فيك أجلس
عبدالرحمن : ما تسمع
ضاري : ليه ما تبيها
عبدالرحمن : أنا قلت لامي وأبوي ما أبيها ما أحبها يا ناس
سحر : يمه خلو الولد على راحته
ضاري(همس لعبدالرحمن) : وش فيك عليها مهي بنت عمتك
عبدالرحمن : ضاري واللي يرحم والديك مشاعل .. أففف مدري بس ما تصلح والله
ضاري : كيف
عبدالرحمن : تربية عمتك لها غلط فاهم يعني فري
ضاري : أها فهمت
الأم : خلاص لا تعصب نخطب لضاري وأنت يحلها ألف حلال
ضاري(يحك رأسه) : يمه والله
الأم : لا تقول شيء أصلا ما ينفع معكم شيء (وقفت) خلاص أنا شلت أيدي من الموضوع أعرسوا ولا ما تعرسوا كيفكم
ضاري وعبدالرحمن : يــــــــــــمـــــــــــــه
الأم : ولا كلمه أنا بغرفتي وخلاص قلت مثل ما تحبون
سحر(شافت أمها طلعت) : زعلت الوالدة
عبدالرحمن : بصراحة أنا موافق على أي بنت إلا مشاعل
فجر : ليه
سيف : فجر لا تدخلين بكلام الكبار بابا
فجر(أنحرجت) : آسفه
هاجر(حست بأختها وقفت) : فجور تعالي بنروح للمطبخ نجيب الكيكه
فجر(توقف بس لفت نظرها نظرت الاستهزاء من عيسى وانقهرت) : حاضر
ود : بروح معكم
هاجر : تعالي
ضاري : طيب هذي البنت اللي تتكلم عنها أمي صغيره بصراحة علي
عبدالرحمن(في نفسه) : وحقيرة ما تربت ولا عندها أخلاق يا خوي
بشاير : طيب في عمتها وفي البنت اللي قلنا لك عنها بنت أبو عمر
خلود : بصراحة ما شاء الله كلهن روعه
سيف : طيب أخطبي لي أذا كلهن روعه
خلود(شهقت) : اخطب لك
سيف(بخبث) : يعني أذا عاجبتك البنات وتمدحين فيهن
خلود (تصر على ضروسها) : امدحهن لضاري مو لسيف
ضاري : رحت بخبر كان يا أبو سلطان
عبدالرحمن(يلتف لسيف) : ترى غرفتك مكانها ما تغيرت يعني بدل ما تنام في الشارع
الكل : ههههههههههههههههههههههههههههههههه
سيف(بدلع طفولي) : ما أهون على أم سلطوني
خلود(مسكت ضحكتها) : صح بس غرفة السائق ما فيها احد
سيف : أفااااااا اجل انام عند ماما وبابا أحسن
الكل : ههههههههههههههههههههههههههههه
هاجر(في المطبخ) : يعني مو زعلانه عشان بابا أحرجك
فجر(تزفر) : لا بابا عادي اللي مضايقني عيسوه الزفت أنتي ما شفتيه
ود : هههههههههههههه أنا شفته
فجر : شفتي ود شافته
فجر : أنتي ملقوفة ما الكل يعرف أن عبدالرحمن ما يفكر في مشاعل إلا أن جدي وجدتي يبونها عشان عمتي دايم تقول بنتي وأخليها من بعدي لمن وخايفه عليها ما عندها سند
ود : بس خالي حرام يدبس نفسه فيها مشاعل أعوذ بالله دلع وما تستحي
فجر : بموت أذا أخذها
هاجر : وش فيك على البنت أنتي وأهي
ود : ما أحبها يا أختي بنت هايته على وجها لا حسيب ولا رقيب
فجر : من التربية الفاشلة
هاجر : أقول تظنن إن عمي بيوافق على سمر
ود : مدري ما سمعتي يقول صغيره عليه
فجر : صح بينهم 10 سنوات
هاجر : بس سمر روعه بنت ولا كل البنات
ود : ودي أشوفها
هاجر : في عرس بنت عمتها مي قريب بعد أسبوعين أو 20 يوم
ود : بقول لامي بروح هالمره بشوفها يمكن تطلع زوجة خالي ضاري
فجر : أذا بتروحون أنا بعد بروح هالمره بعد
عيسى(يدخل بعد ما تنحنح ) : وين الكيك الكل ينتظر
هاجر : ألحين
عيسى (ألفت لود) : ودود انتبهي ترى اللقافه هذي الأيام منتشرة لا تنعدين منها
فجر(رفعت حاجبها تعرف يقصدها) : .................
عيسى : الله لا يبلانا ناس ما عندها عقل ههههههههههههههه
فجر(ما قدرت تسكت) : نخلي العقل للمتخلفين يمكن ينفعهم
عيسى (أشر على فجر وألتفت لود) : شفتي هذي اللقافه يعني محد يكلمك وتحشرين نفسك بابا حبيبتي أنتي لا تقربين منها تنعدين في أنفلونزا اللقافه هههههههههههههههههه
فجر(تصر على ضروسها ) : أنت أنت تافه
عيسى : تكلميني
فجر(تحس بتبكي ) : لا اكلم الجدار
عيسى : الحمد لله ملقوفه ومجنونه تكلم الجدار الله يشفيك ههههههههههههههههه
طلع عيسى وأهو يضحك وهاجر كتمت ضحكتها لما شافت عيون فجر الدامعة وود سكتت تعرف إن أخوها يرفع الضغط وخصوصا على فجر طلبت هاجر من البنات يساعدنها في الكيكه والصحون فجر تعذرت أنها بتصعد لغرفتها اللي مخصصه للبنات من جدهن .. الجد مخصص في البيت غرفه كبيره لبنات عياله ود وهاجر وفجر مع بعض بس بالطابق العلوي وفي غرفه مخصصه لعيسى بس بالطابق السفلي وفي غرفة للتوأم سلطان وسلمان جنب غرفة البنات بالطابق العلوي .. وفي غرفة لسحر وغرفه لبشاير وغرفه بالطابق السفلي لسيف وزوجته الأب مخصص غرف لهم بعض الأحيان ينامون عندهم مثلا لما بشاير يسافر زوجها تنام عند أهلها مثل بنات سيف لما يضطر يسافر للعمل يأخذ زوجته فعياله يكونون في بيت أبوه

---------------------------------------------

في جده ..

عبدالله(يدخل) : جدتي طلبتيني
الجدة(ابتسمت) : تعال اجلس
عبدالله(يجلس قدام جدته) : آمري
الجده : عذاري
عبدالله(تغيرت ملامح وجهه) : وش فيها
الجدة : وش صار على موضوعها
عبدالله : إن بعرف ليه رافضه حسن يأخذها بفهم
الجدة : لأني أبيها هنا وأنا عارفه حسن طيب وبتقدر عليه وتقنعه تجلس في الرياض
عبدالله : اها
الجدة : عبدالله أسمع يا ولدي أنا ما أغصبك تتزوجها بس أبي تكون هنا بسعد عمك (دمعت عيونها) عمك تعبان والمرض أهلكه بفرحه
عبدالله : بس
الجدة : طلبتك يا ولدي
عبدالله : اللي تشوفينه سويه بس ترى أنا لا أبيها ولا لي دخل فيها بجيبها هنا تعيش في بيت أبوها هي مو زوجتي اللي أتمنى
الجدة(مسحت دموعها وابتسمت) : أطلب من تبي تكون زوجتك والعرس علي بس تكون عذاري هنا ولما تكون على عصمتك محد بيتكلم
عبدالله(يوقف) : بروح تبين شيء
الجده(مسكت يده) : ما قلت لي كيف
عبدالله(باس رأسها) : عطيني يومين وبقول لك كيف
الجدة : على راحتك الله يحفظك
عبدالله طلع ولا صدق انه طلع يحس مخنوق صار له فتره مرتاح من سيرتها ما عرف أن الجدة لازالت تذكر السيرة طلع للبحر وجلس على الصخر ما همه الماء ولا همه شيء
عبدالله : أنا وين والزواج وين ومن آخذ عذاري أففففففف يا ناس كيف أتأقلم معها أنا أبي زوجه حنونة حبوبه مو عديمة إحساس أذا أبوها ما حست فيه وبلهفته بتحس فيني ياااااااااااااربي
وش أسوي بهذي البنت (رن جواله طلعه وشاف حسين يتصل بك) ألو هلا .. على البحر وش تبي .. (وقف بصدمه) شنوووووو توني طالع منه ما فيه شيء .. طيب أنا جايكم مع السلامة
(أتجه عبدالله للمستشفى بعد ما وصله خبر أن عمه تعب و نقلوه للمستشفى دخل وركض بين الممرات وشاف حسين وأحمد واقفين والخوف على وجهم )
عبدالله : وش صار
حسين : مدري تعب فجأه
عبدالله : ومن قال لكم
حسين : امي راحت تشوفه وبعدها اتصلت علي وقالت انه تعب كثير
عبدالله (شف الدكتور يطلع) : خير دكتور
الدكتور : أهلا سيد عبدالله
عبدالله : اهلا طمني على عمي
الدكتور : تعبان كتير
عبدالله : طيب والحل يعني نسفره
الدكتور : نفس الكلام هناك وهو نفس الكلام هنا
الكل : لا حول ولا قوة إلا بالله
عبدالله : أحمد كلم المستشفى في بريطانيا وأحجز لنا عشان نسافر بعمي
الدكتور : بس
عبدالله(لف له) : لو سمحت أنت قلت نفس الشيء بس هذا ما يمنع أنا نسافر ونشوف(لف لأحمد) أنت بعدك واقف تحرك
احمد(خاف منه) : حاضر
عبدالله : حسين خلنا ندخل نشوف عمي
حسين : وسلطان وعذاري
عبدالله(وقف يوم سمع اسمها) : وش فيهم
حسين : مو عياله لازم نعطيهم خبر يمكن يحبون يسافرون معه
عبدالله(معطي حسين ظهره لف له واهو يبتسم) : صح السفر
حسين : وش فيك
عبدالله : هاه ولا شيء أنا بتصل على سلطان واهو يبلغ أخته خلنا ندخل
حسين : يالله
عبدالله(في نفسه) : لقيتها كيف أجيبك يا عذاري ولا احد يقدر يعترض ويمكن بهذي الحالة ما أكون مجبور أتزوجك هههههههههههههههههههههه الحل جاني على طبق من ذهب

-------------------------------------------

في بيت العمه عايشه ..

في غرفة ميثه ..

الأم : أشربي يا ميثه الحليب
ميثه : يمه ما أحب الحلبة فكيني منها
الأم : الحلبة زينه
ميثه (تمسك القلاص بأيدها) : وين مي وخالتي
الأم : تكلم سطام رجلها بالجوال وخالتك بغرفتها تصحح دفاتر مدري كتب
ميثه : طيب (شافت جوالها يرن باسم حياتي غمضت عيونها وشربت من الحليب واهي تسمعه مدت يدها وسكرته) أف
الأم : من
ميثه : محد
الأم : ميثه
ميثه : خالد زين (حطت القلاص على الطاولة)
الأم : لمتى من طلعتي الصبح واهو بس يتصل عليك ولما مل اتصل علي
ميثه : أنا تعبانه بنام ولا تجيبون لي سيرة خالد أبدا(غطت وجها ولفت عن أمها)

الأم(أخذت القلاص وطلعت سكرت باب الغرفة) : الله يهديك يا ميثه (شافت مي وجها وباين معصبه ) وش فيك
مي(بعصبيه) : من الزفت ولد أخوك ناصر
الأم : وش فيه
مي : ألحين وش مجلسه هنا مو رجعتي أنتي ينقلع لبيتهم
الأم (بعصبيه) : أستحي على وجهك
مي : مو كفاية اللي سواه في سطام
الأم : مو هذا اللي تبينه من أول
مي : أيه بس مو من ناصر أبيه من بندر اهو وش حشره طيب ليه ما يروح لبيتهم
الأم : وش فيك عليه خليه البيت ما فيه رجال لين يرد أخوك بالسلامة
مي(تجلس) : وش يصبرني ما أتحمل وجوده
الأم : جالس في المجلس مو عندك
مي : وخالتي
الأم : وش فيها بعد تبينها تروح
مي : بسم الله عليها على طول عنده ما اجلس معها
الأم : مي وش فيك على ناصر
مي(بعصبيه) : أكرررررررررررررررررررررررررررررررررهه
الأم(أنصدمت) : تكرهينه ليه ناصر حبوب وطيب
مي(وقفت) : كيفي أنا بغرفتي
الأم (شافتها دخلت غرفتها) : وش فينا وش صار لنا لا أكيد عين صايبتنا أعوذ بالله
خوله(طلعت وشافتها تكلم نفسها) : بسم الله عليك عايشه وش فيك
الأم(لفت لها) : هاه مدري وش فيهن بناتي ميثه ما تبي تكلم خالد اللي عجز يتصل ومي كارهه ناصر مدري وش فيها
خوله : ميثه خليها لين تهدأ شوي وأنا اكلمها ومي أنا بشوفها ألحين ولا تتضايقين
الأم : طيب
خوله : صدق ترى بطلع للسوق عشان فستانها
الأم : من يوصلكم
خوله : ناصر
الأم : على راحتكم أنا بروح للمطبخ أطبخ لميثه شيء
خوله : طيب (ضربت الباب ودخلت) مي
مي(كانت نايمه في عرض السرير تعدلت) : هلا خاله
خوله(تدخل وتجلس جنبها) : مي وش فيك من مضايقك
مي(ابتسمت) : ولا شيء
خوله : طيب اليوم فستانك يطلع ما تبين نروح
مي : ما نقدر نروح
خوله : ليه نروح مع ناصر
مي(عصبت) : مستحيل
خوله : لا حول ولا قوة إلا بالله يا مي أنسي
مي : ما أنسى
خوله : ترى ناصر مو السبب في زواجك هذا نصيبك
مي : اعرف أن نصيب من الله بس مدري أحس بكره لك
خوله : مي كفايه ناصر ما يستحق كل هذا
مي : خاله لا تجيبين سيرته وربي اعصب
خوله : والفستان
مي : ينحرق بس ما أروح مع ناصر
خوله(وقفت وبعصبيه) : لا بتروحين شوفي يا مي عندك 10 دقائق تكونين جاهزة(شافت مي بتقاطعها) ولا كلمه ترى بزعل ولا أكلمك أبدا حتى عرسك ما احضره
مي : خاله
خوله : لا خاله ولا عمه كلمه وقلتها تبين ولا لا
مي : أروح بس شوفي أحد الشباب بس ناصر لا لا لااااااااااا
خوله : ما عندي غير هالكلام بنزل انتظرك 10 دقائق إذا ما نزلتي أنا أعتبره رفض
مي(بتتكلم شافتها تطلع بعصبيه رمت المخدة على الأرض ورفستها) : أكرررررررررررررررررررررررهك الله يأخذك يا ناصر ويفكني منك < الله يستر من دعوتك يا مي ^_^

اتجهت للكبت(الدولاب) طلعت لها لبس وعبايه وشنطتها وبدلت البجامه ونزلت لخالتها اللي ابتسمت يوم شافتها ابتسمت مي بعصبيه وضحكت خوله على حركتها لبست وطلعن شافت ناصر بالسيارة ركبت ورى خالتها اللي سلمت ومي ولا تكلمت ولفت وجها للزجاج تطالع للخارج واهي معصبه حدها وناصر يسولف مع عمته ويلف لها كان متعمد حركته عشان يقدر يشوفها واهو يكتم ضحكته على عصبيتها طول عمرها بزر هههههههههههههههههههههه هذا اللي يقوله ناصر وأتجه لمحل لفساتين ونزلت خوله ومي اللي صفقت الباب وبعصبيه وناصر قعد يضحك عليها واهوو يشوفها تمشي جنب خوله وتخبط الأرض دليل عصبيتها سمع نغمة جواله بوصول رساله فتحها واختفت الأبتسامه
ناصر(يقراها ومصدوم من الرساله) : ما راح تخليني يا ريوف لحالي يعني ما اكفاك اللي سويتيه في البنك وأنا أخذت أنذار في شغلي والسبب انتي ورشوتك لموظف لعب في الحسابات وش السالفه وش تقصدين بهذي الرساله الكف الثاني يا ناصر بيكون أعز الناس عندك وأغلاهم انتظر بتكون نهايتك قريب يا ناصر آآآخ لو أوصلك والله لأذبحك يا ريوف

رمى جواله بقهر وعض على يده يكتم غيضه ..

***********************************