ام تركي:........


امينة:يلا يمه..حرام نخلي البنت تكرف من اول يوم لنا..


ام تركي:انا اصلا مفتشله..


امينة استغربت:مفتشله!!


ام تركي:بيجون ربعي والعايله كلها..ومرت بكري كنها سودانيه..


امينة:ههههه..وربي يايمه لو شفتيها كان تنخبلين من جمالها..


ام تركي:............


امينة باعجاب:عليها جسم وطول..ترى هي اطول مني..كنها سوريا يمه من بياضها..


ام تركي:انتي عن من تتكلمين؟؟


امينة:عن دانه مرت اخوي..


ام تركي:؟؟؟


امينة ابتسمت:هي قالت لي..


ام تركي بصدمه:اجل ليه لبست كذا؟؟


امينة:مدري يمه ماسئلتها..بس انا اقول لك توكلي على الله وعزمي ربعك والحي كله لبقيتي..


ام تركي:.........


امينة كملت:انتي متثقين بذوقي يعني..


ام تركي:بلا اثق بذوقك بس...


امينة قاطعتها:لاتبسبسين..صدقيني البيت قمر 14..."وبهمس"وبيني وبينك هي احلى بكثير من ليان بنت خالتي..


ام تركي:تتكلمين من جد..


امينة:أي وربي..


عبير ماسكه فستانها:ماما البس ذه ولا ذه..<<بنت امينة


امينة التفتت لها:لا ذه احلى..




........


في الغرفة..بتحديد غرفة الجوري..


دانه بتنهيد راحه:آآه..اخيرا خلصنا..بس باقي لي اني اروح السوق..


لطيفة جلست يمها بالكنب:من بيوديك..تركي..


دانه:أي كثري منها..


لطيفة:اجل من ألي بيوديك السوق؟؟


دانه:مدري والله..بس انا ابي اروح السوق..


لطيفة:اااخ بس لو كان اخوي سعود في الرياض كان ودنا..


دانه:أي والله"التفت لها"إلا مخلص دراسه هو..


لطيفة:باقي له هالترم ويخلص..وبيرجع هو ومرته..


دانه:مرته!! ليه هو تزوج؟؟


لطيفة:انتي قديمه أي تزوج..خذ له سنتين من تزوج..


دانه:اكيد شقراء وبيضاء وعيونها زرقاء..


لطيفة:امي موافقت في البداية بس هو قال لها عشان يحافظ على نفسه..تدرين بنات امريكا..كلا تفصخ ومايوهات..واخوي بيروح فيها..


دانه:ههههه..الله يقطع بليسك..


وسكتنا شوي..


لطيفة:أي يوم ذه دندون..


دانه بتفكير:اممم..الثلاثاء..


لطيفة:الثلاثاء..


دانه بهدوء:أي..


دانه بقت عيونها وبندفاع:يووم الثلاثاء..


لطيفة بخوف:أي وش فيك؟؟


دانه ركضت:وربي راح يذبحني..مطبخت له..


لطيفة لحقتها


فتحت الثلاجه وطلعت الدجاج وقطعته ونظفته..


لطيفة تقطع السلطه:هو كم الساعة يجي..


دانه:الساعة وحده بستثنى اليوم ذه يجي 12


لطيفة:اجل بقول لابوي ميمر علي دحين..


دانه:لا خليه يمرك..يمديني اني اطبخ.."وسمعت صوت البوري"يلا روحي قبل ميعصب عليك..


لطيفة:متاكده انك تقدرين تخلصين غداك..


دانه:أي يلا روحي..


راحت ولبست برقعها وطلعت..


وحمست الدجاج مع البصل..واضفت البهارات..و..و..و...و


عجلت وانا اطبخ المشخول..


وصعدت فوق وخذت شور سريع ولبست بجامه من فيكتوريا سيكريت..بلون الوردي بلوزة بدي وفيها كتابات بلون الاسود على برمودا مقلم بالوردي والاسود..وشبشب بلاك..لبست عدساتها الزرقاء..وعطرت حالها..


ومشطت شعرها المموج..جات بتستشوره إلا تسمع صوته..


رمت فرشاة الشعر وراحت طيران له..


شافته واقف يطالع بساعة..اقتربت منه..وشالت اغراضه..


تركي خق من ريحتها وشكلها..مات على شعرها المموج المبلل بالماي المبعثر على كتفها..وعلى اناقتها..


دانه خفت من انه يعصب:كنت اخذ شور..عشان كذا مستقبلتك..


الجوري باعجاب:ااالله صايره حلوه دانه..


دانه بابتسامه:شكرا حبيبتي..


الجوري:يلا دانه تعالي معي عشان...


تركي قاطعها:معليه حبيبتي..روحي انتي لحالك..انا ابي دانه شوي..


الجوري بابتسامه:اوكي.. وراحت..


تركي يدعي العصبيه:مره ثانيه ان تاخرتي بكوفنك هنا..


دانه:........




بنسبه لتركي..


جاتني رغبه في انا المس شعرها..


تركي شد شعري على خفيف:سامعه..


دانه:أي..بس نزل يدك..


تركي بحده:لاتامريني..سامعه..


دانه هزيت راسي بنعم..


تركي نزل يده:واحين يلا كبي الغداء..


دانه:انزين..


جات بتروح بس هو كان اسرع منها ومسكها:على وين؟؟


دانه استغربت:مو قلت انك تبين اكب الغداء..


مكنت ابيها تروح..


تركي:لحقيني بس..


ومشى ولحقته وانا اتافف...




ودخل المكتبه وجلس بالكنب..واشر لي اني اجلس..وجلست..وولع السيجارة وحطها في فمه..


دانه:مو تبي تتكلم..اخلص انا وراي شغل..


تركي(ماابي منك شيء..بس ابيك تجلسين يمي)اسند ظهره على الكنب:ليه رفضتي من امنية انها تزينك..


دانه:.........


تركي كمل:انتي المفروض تشكرينها..على انها صحت بدري وجات عشان تزينك وتباشرك..ولا انتي تبين تلبسين لبس الفقر"وهو يتفحصني بنظره"


دانه:..........


تركي ضرب راسي على خفيف:مع هالكشه..كشه الخروف..


دانه بقيت عيوني:انا كشه الخروف..


تركي(كشتها حلو عليها..):انتي غطيتي على مريام فارس..


دانه وقفت وفكي يرجف:مالك دخل بكشتي..


تركي ابتسم على خفيف:ولابعد انتي غطيتي عليها تغطيه شامله..


جيت بروح بس هو كان اسرع مني وجلسني بالكنب ألي يمه بالقوة..


دانه بانفعال:وخر يدك..ابي اقووم..


تركي كاتم ضحكته:اسمعي..


دانه:كح..كح..لاتدخن راح اختنق..


تركي نفث علي الدخان عمدا..


دانه:كح..كح..وجع..


تركي:يوجعك..المهم جاوبي ليه قلتي لامينة انك...


دانه قاطعته:لاني اعرف البس..ميحتاج تعزب حالها..


تركي بغرور:ههههه..انتي تعرفين تلبسين..


دانه بثقه وقهر من رده:أي اعرف البس..وش قالوا لك عني؟؟


تركي:قالوا انك قرويه..ومتعرفين شيء عن الاتكيت..


دانه:.........


تركي كمل:المهم العزومه راح تكون في بيت امي..


دانه(احسن والله):أي..


تركي:وابيك تكونين جاهزه عند الساعه 8 وعشر بضبط..


دانه بتردد:تركي..


تركي التفت لي:خيرر..


دانه بنفس توترها:ابي اروح السوق...و...


تركي قاطعني وهو واقف:مو مشكله..بس لاتتاخرين..


دانه بابتسامه:اوكي..


ويم الباب التفت له:تركي..


تركي وبحده:خيرر..


دانه:شكرا..


اكتفى انه يبتسم لي..وطلعت..




...................


عند الساعة 4:11 عصراً


ليان:وش رايك بذا يمه؟؟


ام راشد:اممم..لاا لبسي الذهبي..احلى..


ليان بغرور:انا ابي اصير احلى وحده هناك..


ام راشد بثقه:بتصيرين احلى وحده وبدون شك..


ليان:انا ابي اعرف هتان وامينة وش راح يلبسون..اخاف يلبسون احلى من لبسي..


ام راشد:لاتخافين يابنتي..انا متاكده ان مافي حد لبس زي لونك..ولا راح يكون مثل جمالك..


راشد بصوت عالي:يلاا..ترى بروح..


ام راشد قامت:يلا جينا ياولدي..اركب السيارة انت.."التفتت لها"انا بوديك مشغل راح يغيرونك..مئه بالمئه..


ليان بابتسامه:حلوو..اجل يلا خلينا نروح..


ام راشد:يلا..




.............


في السوق..


لطيفة:ذه احلى..


دانه:ماعجبني..انتي تبينه اخذيه..


لطيفة كشرت:صدق ان الناس اذواق..خلاص انا باخذه..


دانه:هههههه..


ورحنا لسوق ثاني..


الجوري سحبت يدي:الله دانه شوفي ذا الفستان..


دانه باعجاب شديد:ااالله..وربي يهبل..


لطيفة:ااي والله حلوو.."شافت سعره وشهقت"بل..


دانه:وش فيك؟؟


لطيفة:الفستان ذه بـ1800 ريال..


دانه بهمس:أي والله واجد..بس راح اشتريه عشان اكسر غرور تركي..قال شو قال معرف البس..


لطيفة:طيب انتي عندك فلوسه ولا لا..


دانه:اكييد..فلوس مهري..لاتنسين اني مخلصتهم كلهم..


لطيفة:حلوو..اجل يلا نشتري عليه اكسسوارات وصندل..


دانه:يلاا..


وبعد 20دقيقة رن جوال تركي ورديت:نعم..


تركي:مخلصتي..


دانه:بلا..بس باقي لجوجو..


تركي:اسمعي انا بنزل من البوابه3 قابليني هناك...


دانه استغربت:انت بتجي في السوق..


تركي:أي..


دانه:اجل ننتظرك..سلام..


وسكرت جواله..طبعا هو عطاني جواله الثاني..لان معندي جوال..


لطيفة:وش يقول؟؟


دانه:يقول انه بيجي هنا..


لطيفة:......


دانه كملت:بس وش دراه أن حنا في هالسوق ذه..


لطيفة(وانا اقول علام ابو يسئلني وين انا..طلع عشان تركي):مايبي لها تفكير..اكيد هو اتصل على ابوي وقاله..على العموم ابووي حرق جوالي بروح احين..




ورحنا للبوابه ألي قال لي عليها..وماشفته


دانه(وين ذه..)؟؟


الجوري بصوت شبه عالي:بابا..


وراحت له..


انا صنبرت من مكاني..من جماله..كان لابس بنطلون جنز بلاك..على تي شيرت ابيض نصف كم..مشدود على زنده وبانت عضلاته..وفيه كتابات بلون الاسود..وشعره الاسود الناعم معطيه شكل ذبااااح..




اول مره اشوفه لابس كذا..العاده كلا ثوب وشماغ..


اقترب مني وفي حضنه الجوري


لطيفة تهمس لي:زوجك يهبل يادندونه..


دزيتها عشان تسكت..


لطيفة:يلا سلام دندون..


دانه بهمس:سلام..


وراحت..


تركي التفت لي وبحده:نزلي الشال على عيونك..


نزلت الشال على عيوني..


تركي:وش تحب حبيبه البابا تلبس فستان ولا..


الجوري بدلع:فستان اكيد..


ورحنا لسوق وتركي كلا معطني ظهره..وبعد مخلص من شرا ملابس للجوري..تصورو انه قال لي اشيل الاغراض..وقالها بطريقة..حسستني كني..كني...البودي غارد تبعه..انقهرر بالمرره...


تركي بدون نفس:اركبي السيارة..


ركبت السيارة وانا كاتمه غيضي..


الجوري:جوعانه بابا..


تركي:يخسي الجوع..دحين اشتري لك اكل تاكلينه..


وسكتنا شوي..


دانه:تركي ابي اروح المشغل..


تركي:نعم..


دانه:ابي اروح المشغل..


تركي بهدوء:مافيه..


دانه:وليه؟؟


تركي:صيغه سلوبك امر..وانا كم مره قلت لك..ان الخدم مايئمرون على ولي نعمتهم..


دانه بغيض:أنا مو خدامه هذا اولا..وثانيا..انا بروح المشغل يعني بروح..


تركي بدون ميناظرني:ان رحتي مالك رجعه لبيتي..


دانه بصدمه من كلامه:.......


تركي كمل وبغرور:وان قلت كلمه وحده مثنيها..يا"والتفت لي وبنبره سخريه"خدامه..