منتديات قصايد ليل - عرض مشاركة واحدة - غلاكـ يا شموخ عذب قلب راكانـ// ليه الصدف تجمعنا

08-21-2011

البارت 8

شموخ:مهبل والله من جد قبل شوي أقومها تعالي معي تقول أبي أنام
راكان:حتى طلال........عليهم حركات.......

سكتوا شوي وكل واحد يحاول يفتح حديث

شموخ:تصدق كنت مفكره أذا طلعت السعوديه راح أندم بس ماندمت
راكان:وليه ماندمتي؟؟؟؟
شموخ:أول ماوصلت السعوديه صدمت بواحد أسمراني و شين
راكان:وأن شاء الله هذا أنا؟؟؟
شموخ:ههههههه أمزح معك وبعدها تعرفت على علياء وغلا اللي هم بنات عمي وبقول شيء بس لا تستغرب؟؟؟
راكان:شنو قولي؟؟؟
شموخ:أنا وعلياء اللي صدمنا الزباله<وأنتو بكرامه>اللي قدام بيتكم وأنت طلعت لنا شكلك حقدت علي ذاك اليوم
راكان:ههههههههههههه قلت بنات بس ماتوقعت أنه نفسها أنتي
شموخ:وبعدها جيناكم البيت وتعرفت على العنود وربي عسل أختك تصدق فيها لمحه منك عيونك بس
راكان:تصدقين مشتاق لها ولعيونها فديتها والله
شموخ:بتجي هي الأسبوع الجاي من السعوديـ.........
قطع عليهم واحد كويتي ونزل عندهم ورده وهو عينه على شموخ ويكلم راكان

الكويتي:تتهنى بالقمر اللي يمك
راكان وقف حس بنار في صدره:أكل تبن وأظن تدل الطريق
الكويتي لف عينه على راكان بثقه:ليه زوجتك أووووه أنتو بشهر العسل
راكان مسكه من بلوزته:أذا هي زوجتي مو شغلك ويلا فارق وجرب تعرض لها مره ثانيه
راح الكويتي وندم لأنه قابله راكان اللي بس من صرخه هزه وراح
شموخ:خلاص راكان أقعد <وحبت تلطف الجو>أشوف خليتني زوجتك وأنا مدري
راكان أبتسم:ليه؟؟؟؟ منتي راضيه تلقين زيي؟؟ههههههههههه
شموخ:ههههههههههه ألقى زيك مستحيل أجل في أحد يدافع ويكل شهامه عن وحده مايعرفها
راكان:أفاا والله شموخ أنتي أطلبي عيوني وجربي أنتي بنت الغالي
شموخ:وربي تسلم <تستهبل>تدري عاد رضيت فيك زوج وأنـــ.......
<تن تن تن تن>
راكان:طلال؟؟؟هلا طلال........لحظه أسألها...شموخ علياء بتجي؟؟
شموخ:أيه
راكان:أيه بتجي.......هههههه تكشخ ليه.........ههههه أقول تعال ترا حنا جنب السوبر ماركت....ههههههههه يلا سلاااام
راكان:ههههههههههههه وربي أخو أنهبل تخيلي أقوله علياء بتجي يقول خلاص بروح أتكشخ هههههههههه
شموخ:هههههههههههههههه والله لو تدري علياء تخق معه ههههههه

سكتوا كثير طولوا

شموخ بكل هدوء :راكان

((راكان))

ياويل ذا الراكان بيذوب كل ما همستي بأسمه حبيت أخليها تضحك
ورديت عليها...............
راكان:ســــــم يامن دعاني سم ... سم وأبشر تدلل
شموخ أبتسمت:بصراحه ماشفت واحد رايق الصبح زيك
راكان:قاعد معك ليه ما أروق
شموخ:أبي أسأل أنت وارث هذا الكلام الحلو من من؟؟؟
راكان:تدرين عاد هذا الكلام يطلع بس أذا قابلت ناس أغليهم طلال سلطان أنتي
شموخ:اللحين أنا غاليه عندك؟؟؟؟
راكان:أكيد أنتي وعلياء
شموخ حست بتأنيب ضمير:وربي أني غبيه تدري ليش كرهتك؟؟
راكان:لا وفي شيء محيرني غيره؟؟؟
شموخ:لما صدمتني بالمطار:ماقلت لي أسف
راكان:هههههههههههه طيب أسف أن شاء الله حبيتيني؟؟؟
شموخ:لا والله جد أنا مو متعوده كذا وتوقعتها بدايه سيئه في السعوديه
راكان:تدرين باقي شهرين وأتخرج
شموخ سكتت شوي:تصدق؟؟؟ صحيح أني قعدت معك ساعه بس راح أفقدك
راكان:ماتفقدين غالي بس أنتو جيرانا راح أشوفك أن شاء الله
شموخ:راح نكون بالسعوديه
راكان:أدري بـــــ...........
علياء:سلاااااااااااااااااام يالخاينه تعزمين راكان وماتقولون لي
قعدت علياء وهي حاطه يدها على بطنها:جوعاااااااااااانه بسرعه أطلبوا لي
راكان:علياء شلونك؟؟؟
علياء:هلا هلا تصدق ماقدر أتكلم جوعااااانه شموخ شفيك متنحه قومي أطلبي
شموخ:علووووي ووجع هبله والا تستهبلين؟؟
علياء خزتها:قومي بس قومي
شموخ تخرعت وقامت عارفه الخزه وراها شيء بالبيت
علياء:أشوه <لفت على راكان >قلي شنو قلتو؟؟؟
راكان:بسم الله وأنك ماتقدرين تكلمين أوله؟؟
علياء:راكان أخلص علي أعرف أنك تميل لشموخ تكلم
راكان:وهي تعرف؟؟؟
علياء:لا
راكان:لا أنا ما أميل لها أصلن أنتي وهي واحد
علياء:علينا راكان تكلم أحسن لك
راكان:جد ما أميل لها
علياء:كيفك أنت الخسران
شموخ:شتقولون؟؟
علياء:نحش فيك
شموخ تخصرت بدلع:لا والله

((راكان))

يالبى الدلع وربي البنت عجيبه سبحان خالقها ......... دخل طلال مشخص بنطلون جينز وجكيت أسود ونظاره شمسيه وكبوس أسود عشان البرد
طلال:سلاااااااام عليكم
الكل:وعليكم السلام
طلال جلس ومانزل النظاره عشان يناظر علياء براحته:كيفك راكان؟؟
راكان:أحلف عاد .....أقووول هذي مو نظارتي؟؟؟
طلال:أسكت لا تفشلني ...أحم ..شموخ كيفك؟؟؟
شموخ:تمام
طلال بهدوء عشان علياء تلتفت:علياء كيفك؟؟؟
علياء بدون لا تلتفت:تمام
طلال:دووووووم
علياء لفت لشموخ:وييين الفطور جوعااااانه؟؟؟
شموخ:بيجي ...علياء حبيبتي أنتبهي لا تقطعين شوشتك
علياء ماسمعتها تفكر بشيء ثاني:أيه طيب....عطيني الأيبود
شموخ عطتها الأيبود وحطته بأذنها وتسمع عشان تنشغل وماتفكر بالي قدامها
شموخ:طلال نزل النظاره ترا خرعتني
طلال أبتسم بجراءة ونزلها وعينه على علياء:حاضر

((علياء))

رفعت عيني له وياويل حالي ياعيونه أبتسم لي بعذوبه عضيت على شفتي وأنا أحاول أشغل نفسي بالأيبود وأنا حاسه بنظراته

شموخ تأشر لراكان على طلال:هههههههههههههه
راكان:ههههههههههههههه
طلال وعلياء:شفيكم؟؟؟
شموخ:لا أبد سلامتك مافي شيء
راكان:كمل شغلك كمل (*_~)<وغمز له>
طلال فهم لهم:أيه طيب طيب لا تقاطعوني تراي مشغول
علياء:شموخ بكره متى يبدأ الكلاس؟؟
طلال:راكان ترا بكره بجي معك الجامعه زياره<تكلم وهو عينه على علياء>
شموخ:الساعه8
طلال:راكان:ترا بكره بجي معك على الساعه 8
راكان:هههههههههههه
شموخ:ههههههههههه
علياء:وش ذا العبط
طلال يستهبل:وهي صادقه وش ذا العبط
علياء:لا والله
طلال:وهي صادقه لا والله
عليا فلتت أعصابها:طلالوه ووجع
طلال:وهي صادقه طلالوه ووجع
راكان وشموخ معاد يقدرون:ههههههههههههههه
علياء:معاد أبي فطور خلاص

((علياء))

وربي يطفش قمت وأخذت شنطتي و بطلع من المطعم بسرعه شكله وراي يلحقني خلني أهبل فيه ركضت وأنا مو منتبهه لفيت على اليمين شفت سياره مسرعه خلاااااااص تجمدت الدموع بعيوني معاد أقدر أتحرك
طلال:عــلـــياء
سحبني طلال مع يدي بقوه لدرجه ضربت بصدره بقوه وضمني حسيت بدفء على أن الجو برد مرت السياره وراحت
لفني على وجهه وصار مقابلني تنفسي كان سريع وقلبي دقاته مو منتظمه من الخوف اللي حسيته حتى هو باين خايف علي

طلال صرخ بوجهها:حراااااااااام عليك بغيتي تروحين مني

علياء معاد أقدر نزلت دموعي وضميته من الخوف ضمني بقوه أنا صرت أرجف بعدت عنه وناظرت في عيونه الحمراء شكله من العصبيه
طلال أبتسم:خلاص مسحي دموعك خلاص أنتي بحضني وأتحدى اللي يقرب لك

أنا أبتسمت ومسحت دموعي أرتحت من كلامه دخلني داخل المطعم عند شموخ وراكان
شموخ:شفيك حياتي؟؟

ضميت شموخ وأنا أرجع أبكي:كانت بتدعمني
طلال:كانت بتدعمها سياره بس الحمد لله
شموخ:ياحياتي أنا تعالي أجلسي

جلست وراحت شموخ تجيب لي مويه شربت وطلال مقابلني على الطاوله وهو مبتسم
طلال:والله وطلعتي خوافه
علياء:أكل تبن ...<سكتت شوي>...مشكور
طلال:لا تشكريني ....أنتي حياتي كيف تروحين مني
راكان:وجع طليل اثقل يا أهبل<ضربه على كتفه>
طلال يده على كتفه وهو يناظر علياء:وجع خلني أصارحها بحبي

علياء دنقت راسه من الحياء وتذكرت أنها خربتها وضمته

((علياء))

صدق أني ما أستحي ضميته بس والله من الخوف
يووووووه شيفكر اللحين هو اكيد تفكيره غلط

((طلال))

فديت السرحان والله وربي بغت تروح مني بس الله ستر اللحين لو ماتت من أحب بعدين آآآآآآآآآآه بس لما ضمتني ياحلو ريحت عطرها

شموخ:طلال علياء فطوركم

أكلوا طلال وعلياء وهم متقابلين وكل واحد وتفكيره

الساعه اللحين 11 راح كل واحد لبيته هو تفكيره مع الثاني

((راكان))

لبى دلعها شكل مافي أمل أن أنا وياها نكون متقبلين بعض
..بس.. أصدقاء ولا أنا نكون أعداء

((طلال))

فديتها وقسم أني أحبها بس أحساس ومنظر أني بفقدها يتعبني
الله لا يحرمني منها

((علياء))

يااااااااااااااي حلو أنك تشوفين أحد خايف عليك ومايبيك تروحين منه كل هذا حب لك والله أني حبيته

((شموخ))

آآآآه بس متى أقتنع في راكان وبصداقتنا بس حرااااام حتى لما دافع عني كنت أحس بقوته وخوفه علي أكيد مع الوقت راح أقتنع

((الـــــــريــــــــاض))

((العنود))

يااااااااي شقد مشتاقه لطلال وراكان فقدتهم بروح أدق على طلول
رحت أدور جوالي لقيته على الشحن أخذته ودقيت على طلول

طلال بصرااخ:أحـــــــبــــها يالعنود وربي اللي خلق عيونها
العنود:هدي أبو الشباب شفيك من هي اللي تحبها ؟؟؟
طلال:علياء آآآآآه ويا زينها من علياء
العنود:قلي شلون حبيتها فضفض حبيبي ولا يهمك
طلال عدل جلسته ويقعد يسولف معها

((راكان))

طلعت من الحمام وأنا أشوف طلال كيف متحمس وهو يكلم عنود عن شعوره وحبه لعلياء وأنا كالعاده يعتبروني أبوهم وأنا مشاعري تجمدت من سنين وصارت باااااارده مادروا أني لما شفت شموخ معااااااد أنا راكان الأول تغيرت قلبتني بس بهمسه بنظره بس مااافي أمل أنها تحبني لو واحد بالميه وش نسوي هذا حال الدنيا ..بس..الشكوى لغير الله مذله ..ناظرة الساعه وقت الأذان أنا ساعتي توقيت سعودي وجوالي قرينتش

((راشد))

جالس على التلفزيون أنا وغلا تفكيري كله بالتيلفون اللي جاني
جلست أناظر غلا حرااام توها صغيره وهي متعلقه بجدتي يعني مستحيل توافق بس هذا حال الدنيا لازم أقول لعمي لأنه اللي كلمني جاااااي اليوم للرياض
<الله أكبر ألله أكبر>أذن وقفت ونسفت شماغي على كتفي وحطيت العقال على راسي وشمرت أكمامي بروح أتوضى
راشد:يلا بالأذن غلايا
غلا:أذنك معك حبيبي

((بــــــريطانيا))

((سلطان ))

طلعت من الفله متجه للكراج حق أبوي أخذ سيارتي لقيت سياره غريبه شكلها زوجة أبوي الجديده الله يا خذها ركبت السياره وأنا متجه لراكان وطلال وتذكرت أن جود بنفس الفندق وجاء على بالي فكره
رحت للفندق توجهت لشقت جود دقيت الجرس طولت وأنا أدق فتحت ببيجامتها شورت فسفوري أخضر وبدي لنص الفخذ أبيض مع فسفوري
جود:خير
سلطان:مساء الخير جود
جود:الله يا خذك وش ذا الأزعاج اللحين الصبح
سلطان:الساعه1 يلا قومي
جود تخصرت بعصبيه:وأنت جاي علشان تقول يلا قومي
سلطان كتم ضحكته:أيه بس أقومك لأني عارفك كسوله
جود نزلت شبشبها:أقول ضف وجهك يلا يلا برى
سلطان:طيب أنا برى أنتي اللي داخل
جود عصبت:تستخف دمك أنت
سكرت الباب بوجهه من هنا هو أنفجر مناك
سلطان:ههههههههههههههههههه
جود فتحت الباب:ضحكت بلا ضروس
ورجعت سكرته
زاد ضحكه بعد كلمتها :ههههههههههههه آآه يا بطني
راح سلطان لراكان وطلال ودخل عليهم وهو يضحك
سلطان:ههههههههههههه
طلع طلال من المطبخ وبيده مقلات الطبخ وملابسه كلها بيض من كثر المحاولات:وش فيك؟؟؟
سلطان زاد ضحك من شكل طلال:ههههههههههههه
قام راكان من على الكنب ومسك سلطان من البلوزه:برى برى و أذا خلصت أدخل
طلعه وسكر الباب ما أمداه يجلس ألا الباب أنفتح:السلااااااااااام
طلال:وش فيك تضحك أوله؟؟
سلطان:رحت هبلت في جود و جيت عندكم

جلس سلطان وهو يقولهم وش صار

((جود))

يقطعه من رجال طفشني ماجاني نوم قمت بدلت ملابسي بطلع لشموخ وعلياء لبست جينز وجكيت أحمر طويل وفكيت شعري ولبست نظاره وطلعت من الشقه طالعه للفله

((شموخ))

شموخ:علياء يلا ترا جود بتجي
علياء:حياها الله
شموخ:روز ياروز
روز:نعم
شموخ:قولي للطباخ يسوي أكل واجد وخليه ينوع عشان جود بتجي وسوي عصيرات
روز:حاضر

أنفتح باب البيت ودخلت جود:هاااااااااااااااي
علياء:هااااايات ما شاء الله عليك سريعه
شموخ:هلا والله جود تعالي
جلست جود وهي تنزل نظارتها :كيفكم أخباركم؟؟؟
علياء:الأخبار عندي تعالي بس جنبي
جود:باااااين وقمتي تقولين شعر
شموخ:بلا من اللي صار لها اليوم
علياء وهي تحط يدها على قلبها :يمه يا جود بغيت أروح اليوم
جود:ليه أسم الله عليك
علياء تقعد تقوله اللي صار لها مع طلال

((الــــرياض))

الساعه4 رن جوال أبو شموخ وهو في بيت أمه بالدوانيه مع راشد

أبو شموخ:هلا والله
بندر:هلا فيك أبو شموخ شلونك شلون الأهل؟؟؟
أبو شموخ:بخير كلهم أنت شلونك؟؟؟
بندر:بخير الحمد لله
أبو شموخ:أمرني يا بندر
بندر:والله يا أبو شموخ أنا بالطريق جايك اليوم الرياض وبنزل عندك في بيت المرحوم جايكم وأنا طالبكم وطالب القرب منكم
أبو شموخ:حياك الله رجال ولد رجال أنت تعال بس ويصير خير
بندر:تسلم تسلم الله يعزك مع السلامه أشوفكم على خير
أبو شموخ:توصل بالسلامه<سكر>
راشد:بندر
أبو شموخ:أيه والله وهو طالب القرب عاد نشوف من يبي
راشد:وفي غيرها يبي غلا أختي ناسي جاء وخطبها ورفضت
أبوشموخ: يمكن غير رايه
راشد:ما أظن
أبو شموخ حط يده على ولد أخوه:قوم قلهم يزهبون القهوه الرجال على وصول
راشد:تامر ياعمي
أبو شموخ رن جواله وأبتسم وجلس يكلم

((بــــريطانيا))

شموخ:طيب بابا تبي شيء؟؟.....طيب مع السلامه
شموخ:علياء وش سالفت بندر الفارس؟؟؟
علياء:وش عرفك فيه؟؟
شموخ:جاي لبيتنا في السعوديه يخطب منا
علياء:أحلفي
شموخ:والله أبوي يقوله
علياء:أكيد يبي غلا
جود:طيب شدراك يمكن أنتي يمكن شموخ؟؟؟
علياء:لا هذا لما كنت أنا وغلا في 18 جاء وخطبها وهو يحبها موووووت ورفضت
شموخ:طيب وين شافها عشان يحبها؟؟؟
علياء:كانوا جيرانا ولما ماتت أمه وأبوه في حادث كان كبير25سنه أظن صار عنده خير واجد أنتقل للشرقيه بحكم العمل
جود:يعني حب طفوله
علياء:أيه حتى غلا تمووووت فيه
شموخ:غبيه طيب ليه رفضت؟؟؟
علياء:تعرفين تقول صغيره وهي متعلقه بجدتي
جود:وجاء يخطبها مره ثانيه؟؟
علياء:قلتلها هو يحبك وبيجي يخطبك مره ثانيه ماصدقت
شموخ:ودي أشوف وجهها وأبوي يقولها أنخطبتي مره ثانيه من نفس الرجال
جود:أتوقع توافق
شموخ:حتى أنا
علياء:أكيد بتوافق يعني فشله يجي مرتين ويخطب وترفض