في نفس الوقت في بيت ام فواز
كانت غزل قاعده مع امها واخوها فواز وطلال ويسولفون بعد ماتعشوا
غزل بدلع: الا طلال ماقلت لي كيف الدوام
طلال بلعانه : توني ثاني يوم لي عادي
غزل: عجبك الوضع هناك
طلال ينرفزها: وليه مايعجبني حالي حال الباقي
غزل بأبتسامه تستفز طلال : اهااا كويس والله عاد شد حيلك
طلال: لاتوصين
غزل سوت نفسها بتفقع من ضحك : هئ قال لاتوصين
طلال وده يذبحها : شفيك اخت غزل تتمصخرين شي
غزل: ابد والله
طلال يخزها
فواز يقطع عليهم : احم يمه ماقلتي لي عمتي ام فيصل ماردت عليك
"طلال نشف ريقه "
ام فواز: لايمه بس خلهم ياخذون راحتهم
طلال: يمه مو كنهم طولوا يمكن البنت ماتبي تتزوج ولا ماقد سمعت بحياتي بنت تاخذ كل هالوقت تفكر وفي ولد عمها
ام فواز عصبت : طلال وش هالكلام
"فواز تبلعم خاف يكون طلال صادق "
طلال: يمه هذي بالعقل صراحه
ام فواز: خل البنت تاخذ راحتها هذا زواج مو لعبه
طلال بأستهزاء : هئ اي طيب على بنات عمي
فواز: طلال وش هالكلام
طلال: ماشوف اني قلت شي
فواز تنرفز وخصوصا هلايام اخلاقه زفت فاقام
غزل: زين كذا وربي الواحد مايشتهي يقعد بمكان معك
طلال: اقول هييي انتي قومي اقلبي خشتك عني تراها واصله هنا "ويأشر على خشمه "
غزل: وخير ان شاء الله توصل هنا ليكون انت الي بتعرس
طلال: والله هذا مو من شغلك
غزل: افففف حلاتك ساكت والله "وقامت غرفتها "
ام فواز: انت بالله من تقعد تنحش اخوانك عني
طلال ضحكته كلمت امه مع انه كان متنرفز من غزل وموضوع فواز: هههههههههه فديتك انا والله شسوي عيالك مايتحملون مني كلمه مادري متى بيفهمون اني رجال ولي كلمتي
ام فواز: لمن تعقل
طلال: ليه انا الحين مو عاقل وش زيني داخل جامعه وبدرس اي تي هاه
ام فواز: ههههههه لاتضحكني الي يسمع من جهدك عسى الله يسلم ابوك ثم اخوك
طلال: ههههههه وانتي بعد شوفي تراها واصلها معي هنا"ويأشر على خشمه " لاتزودينها معي
ام فواز فتحت عيونها
وطلال مات ضحك عليها
ام فواز: انا تقول لي هالكلام يا طلييل
طلال قام ونط فوقها: هههههههههه لافديتك امزززح وربي
ام فواز: قم قم عني
طلال: مابي مابي
"وبعدها قعد يتدلع عليها لين وصلت معها وقامت وخلته "
.
.
.
بعيد عن الاجزاء في الشرقيه ..وفي مكان بعيد كانا سلطان قاعد مع ربعه بالكوفي شوب وكان هم المتكفل بالاوردر
"تك تك تتتاااااات تتتاااااه"
"كانت نغمة مسج لجوال سلطان الي كان ناسيه على الطاوله وبمما ان غيث يموون اخذ الجوال وفتحه اول شي قراه الاسم لقا برايفت نامبر وبدا يقرا المسج واستغرب من الي راسله لسلطان خاف انه الاهل ورجعه .. اول ماوصل سلطان "
سلطان: هذا حقك وهذا حق يزيد
غيث: ثانكس
سلطان: ولوو
يزيد: ثنكيووو
سلطان: حياك
غيث: سلطان ترى وصل مسج لجوالك
يزيد: ومن لقافته فتحه
"سلطان ناظر غيث وغيث لف وجهة عن سلطان"
"فتح سلطان المسج
تصــــــــــــــــــــــدق
اشتقت لكـ !
أنا أعترف ..
بعدكـ حياتي تختلف
تايه وحيد
أصيح باسمكـ وأرتجف ،
في كل شي أتخيلكـ ..
ومهما تغيب
عندي أمل
بكره تجي وبكل شــــــــوق
أ .. س .. ت .. ق .. ب .. ل .. ك
وشافه هالمره من برايفت نامبر وحس انها بدت توصل معه "
"غيث لف من جديد ناحيه سلطان "
غيث: ذولا الاهل
سلطان رافع حاجب : لا
غيث: اجل
سلطان: مادري مين رقم خاص
غيث: اهااا
"سلطان حط الجوال بكل قوته على الطاوله وكان وده يعرف وبقوه من قليل الادب الي يرسل المسجات وكانت المسجات بدت بجد تشغل باله "
.
.
.
الجزء السادس
الفصل الاول
"هذا اليوم الثاني من بعد معاناة نجلاء الي خاضتها لحالها بدون زوجها والي كانت تحسه كنه مثل الحلم ماتخيلت انها تولد بهذي الطريقه وخصوصا انه اول طفل لها وشي طبيعي بتكون خايفة وماكانت تتخيل ان يجيها طلق مبكر وبعيد عن امه وزوجها .. طبعا نجلا اظطروا يولدونها قبل شهرها لان الكيس الي يغطي الجنين بدا يتفجر ونجلا فقدت كثير من السوائل الي تحيط بالجنين .. كانت خايفه على ولدها من انه يصير فيه التهاب نيمونيا الي يجيه لان الطفل مابعد يتخلص من السوائل الي في الرئتين ولكن طمنوها انه شي معتاد عليه للي مثل حالتها تولد مبكر وقالوا لها انه مايشكل خطر على طفلها لانه بيحطونه فتره بالمضاء الحيوي .. وبعدها عطوا اهلها خبر بأنهم يولدونها ..
بعد ماولدت نجلا وكان كل شي ماشي مثل ماكانوا يبونه .. طبعا ام نجلا فرحت وارتاحت بعد التعب الي صابها من خوفها على بنتها ونايف وزوجها تكفلوا بتبليغ العايله عن ولادتها ..الكل استغرب في البدايه انه وشلون ولسا شهرها بس قالوا لهم كل شي بأختصار شديد وفرحوا لها .. ومن بداية يوم ثاني بدوا الاهل يزورونها ويتحمدون لها سلامتها كنهم ماصدقوا على الله لوول ... "
في المستشفى
يوم الثلاثاء
الساعه 12:00 الظهر
كانت نجلا نايمه وكان مبين على وجهها التعب وكان مافي حد غير زوجها بهالوقت استأذن من دوامه وجا لها يزورها .. كان قاعد جنبها ويمسح على راسها بعد فتره حست فيه نجلا وفتحت عيونها اول مافتحتها انتبه لها هو .. صلح جلسته وارتسمت ابتسامه على شفايفه ماغابت عن عيون نجلاء
فهد بأبتسامه : صباح الخير
نجلا بعد ثواني وبصوت مبحوح:صباح النور
فهد بأبتسامه اكبر: يوووه الصووت ما الومك من قيامه قومتيها امس بالمستشفى
نجلا ابتسمت بعدها رجعت غمضت عيونها
فهد: نجوولتي ماقلتي لي كيفك الحين
نجلا رجعت فتحت عيونها : الحمدالله
"فهد استغرب منها ليه انها قاعده ترد على قد سؤاله بس بعدين عذرها انها تعبانه ومافيها حييل "
فهد: طيب يلا قومي تغدي.. غداكي برد
نجلاء بضيق: مابي
فهد: ليه طيب
نجلا: ماشتهي
فهد: نجوول يلا بابا وعن الدلع
نجلا بضيق: يووه فهد قلت لك ماشتهي
فهد عقد حواجبه شفيها عليه بس سكت
وبعدها قال : يعني ماتبين
نجلا سكتت وماردت عليه
"فهد بطبعه الصبور سكت وخلاها على راحتها بعدين تجوع وتطلبه بس اهم شي كان عنده انها بخير .. بعد خمس دقايق مرت وهم ساكتين دخلوا عليها سهر وغزل واديم ووصايف الي استأذنوا لها وما استأذنوا لجنى .. لان وصايف تحلفت فيهم بعد ماسمعت اديم تكلم سهر ويتفقون يجون لنجلا سوا ..وكان من ازعاجهم مبين ان بنات جايين الغرفه اول ماطق الباب وقف فهد ونجلا فتحت عيونها
فهد : تفضل
"البنات اول ماسمعوا صوته استحوا بس بعدين دخلوا .. وهو اول ماشفهم لف ناحية زوجته وشافها شلون شقت البسمه اول ماشافتهم وهمس لها "
فهد : اخليك معهم"ولف وهو منزل عيونه " تفضلوا وعن اذنكم
نجلا: هلا والله حيا الله هالبنات
سهر والبنات : الله يحيك
"وبدوا يسلمون عليها وحده وحده "
نجلا ضحكت اول ماشافت وصايف:وصاايف وش مجيبك معهم
وصايف بضحكه : خليتهم يستأذنون لي مايصير يجون وانا لا
نجلا: كفو والله طيب وعادي اي حد يستأذن لك
وصايف: خليت اديم على اساس فيه موعد عندي "وشقت الضحكه"
نجلا: ااخ منك ماتفوتين شي
وصايف: شي طبيعي بنت عمي تولد بأول ولد لها وما ازورها
نجلا: هههههههههه فديتك والله
اديم تقطع عليهم : كيفك نجووول الحين
نجلا: الحمدالله بس لسا تعبانه
سهر: ياحوبي لك والله ماشتوفين شر
نجلا : الشر مايجيك
نجلا تلف على غزل : وغزوله شخبارها مالها حس
ابتسمت غزل
غزل: الحمدالله والله انتي بشرينا عنك
نجلا: ابد والله
غزل: وين البيبي ماشفناه
نجلا: هههه مايجيبونه لي الحين هو في الحضانه
سهر: لاتكفيين نبي نشووفه
نجلا وهي تحس بتعب: ممنوع لازم اكون انا معكم وبعدين مايدخلونكم كلكم
وصايف: حسااافه ..طيب بس انا وانتي
نجلا:ههههه
اديم: ياناس خلوا بحالها مبين عليها لسه تعبانه وجيتوا وازعجتوها
سهر:من جد تلقين صوتنا لبرا قبل شوي هي وزوجها ولاهمس لهم
"ضحكوا وضحكت نجلا معهم "
غزل: وش بتسمينه
نجلا: اكيد فهد بيسميه على اسم ابوه فيصل
وصايف: اوووه كششخه ياني احب هلاسم
سهر: هو حلو بس كبيير عليه
وصايف: هو بعدين بيكبر بيكبر وبيصير اسمه كشخه فهد بن فيصل
نجلا: ههههههههه ايوا بالضبط
اديم:لاكشخخه كشخه على اسم اخوي بيتشقق
نجلا: هههههههه
وصايف: اجل انا على قد ماحب اسم فيصل ماحب فيصل اخوي كثر ماحب الاسم
"ضحكوا عليها "
اديم:طااايب ان ماقلت له ماكون انا اديم
وصايف: هي هي ياحليلك وش دعوى مايدري
نجلا تضحك عليها: يدري ولاعندك انتي وقسم بالله
"وقعدوا يسولفون زياده 10 دقايق وبعدها طلعوا عشان زوجها وعشان دواماتهم للي عليهم ووصايف بترجع البيت"
.
.
.
كان طالع من البيت ورايح السوبر ماركت كانت امه طالبه من طلبات يجيبها معه بطريقه ... كان متذمر وقت ماطلبت من امه الطلبات لان عنده شغل ومايبي يتأخر عليه .. ماكان عارف انه رايح للجنه الي طالما حلم فيها ..وبعد ماوصل السوبر ماركت وخذ الي امه تبيه فكر انه يروح جهة الصحف والمجلات .. وهو فطريقه مر قدام عينه ماقد توقع انه يكون على سطح الارض ..مضت ثواني وهو مسبل عيونه على هذا الشي ..
كانت صورة البنت الي قاعد يشوفها ماغابت عن ذهنه كمل طريقه وافكاره ضايعه "ماشاء الله رشاقة الجسم سحر العيون الممزوجه بالبراءه رقة الملامح شفايف للهمس بس "خطر في باله يارب هذي مثلنا تشرب الي نشربه تاكل الي ناكله وداخلها دم و كبد وبنكرياس وطحال ؟"
قطع حبل افكاره شوفته لها من جديد ..استغل الفرصه وقام يشوفها من كل زاويه من كل فتحه يقدر يشوفها فيها ..وكانت البنت ترمي عليه سهام بنظراتها قعد يتسأل وش سر هالنظرات وفي داخل تساؤلاته ..كانت البنت مازالت تناظر فيه من خلف النظاره ومره بالتلقيب بين صفحات المجله الي بيدها ... سوى حركه ماكان يتوقع انها تطلع منه وهي سحب مجله من المجلات وكانت بلانجليزيه وخاصه للرياضه وعلى الغلاف كتب رقمه ورجعها مثل ماكانت ..وراح بعيد الي ماكان عارف وين ..وبعد فتره رجع مكان الصحف والمجلات ومالقى اثر للمجله انشل عقله ارتخت عضلاته ولمح البنت وهي طالعه من السوبر ماركت وراكبه سيارتها ..
دفع بسررعه الاغراض الي اخذها وراح متوجه ناحيه البيت وكنسل الموعد الي كان ينتظره وكان ماسك جواله ينتظر اي اتصال اي مسج من رقم غريب.. الي كان حلم بالنسبه له
بعد ايام مرت ونسى فيه البنت وان كان يحتفظ بوجهها الملائكي
ودار هذا الحوار
..:الو
الطرف الثاني: مرحبا
..:مرحبتين ياهلا
الطرف الثاني :....
..:احد متصل
الطرف الثاني بعد وهله : ايه انا
...: هلا..امري ؟خير
الطرف الثاني : حبيت اسأل عن واحد مرقم بالسوبر ماركت وبمجله الرياضيه وبلانجليزيه بعد
"ماكان عارف ايش يسوي وقتها ..وبعد مارجع لوعيه "
..:ايه انا
الطرف الثاني :........
...: معك فـواز
الطرف الثاني : وانا دانه
"وبعد دقايق انتهت المكالمه وكانوا على وعد ان يكون بينهم مكالمه ثانيه ...وتوالت الاتصالات بينهم وفي يوم من الايام طلب منها انهم يتقابلون وهي وافقت على شرط انهم يمشون مايقعدون ..فكر شوي بعدين وافق .. وتم القاء الاول ومعه اول الهدايا وكانت اول هديه منها ساعه فخمه وكانت اول هديه منه ورده حمراء بين يد دبدوب ......وبعد فتره وبعد اكثر من لقاء كان متواعدين على كوفي ..التقى فيها وكانت دقات قلوبهم تكاد الكل يسمعها ..وبعد ماركبوا السياره فتح المسجل وترك لعبير الحريه باختيار الشريط ..وبعد ماعجزت بطريقه التحكم مد يده بطريقه غير تلقائيه والا بيدينهم تتلامس ..وبعدها حاولت عبير تبعد يدها ولكنه شد عليها وبعد فتره خفف من قوه ضغطه على يدها ومالقى الا عبير تتمسك بيده اكثر وماتركت يده الا ان رجعها "
"وفي احد اليالي الي كان فواز يعتبرها احلى ليالي عمره ماعاشها ولايظن انه بيعيشها كان وقتها يكملها وكان يدور هذا الحوار"
فواز:هممم ودي اقولك شي ومتردد ولاني عارف شلون ابدى
دانه: ابدا لاتتردد ولاشي خليك فواز الي اعرفه الي قلبه على لسانه امر
فواز:وش صار على الدبدوب والورده الي اهديتك اياهم
دانه: الدبدوب ما انام الا وانا حاضنته والورده لسا محافظه عليها بس ليش؟
فواز: الورده بيجيها يوم بيكون لالون لها ولاريحه وترمينها صح ؟
دانه:مو شرط .. ترى هذي ورده حسيه..ورده حبك الي بقلبي مراح تذبل ابد
فواز:هاه
دانه: هااه ؟ لا ..اقول الورد زين يحطونه بالحدايق ماقلت لك وش صار اليوم بالمدرسه
"ولفت ودارت عليه حتى ضيعت الموضوع ..وبعدها رجعت له "
دانه: فواز ليش اهديتني ورده ودبدوب مو شي ثاني ؟
فواز :......
"نزلت عليه الكلمه مثل الصاعقه كسرت امله ورومانسيتها وحس ان الي يسمعه من الشباب عن البنات صحيح وكأن صوت تكسر اماله وصل لمسامعها "
دانه: تدري ماكنت راح افرح لدرجه هذي الي اهديتني فيها الورده والدبدوب ولو ادري انك كنت بتجيب لي كان شرطت عليك ورده حمرا
قاطعها فواز بحده ممزوجه بالحزن : وليش ماتوقعتي ؟ هو صحيح اني مراح اقدر اجيب لك بالمستوى الهديه الي اهديتني اياها وفخامتها ..لكن هم بجيب لك بيكون حلو وراقي لكن انا تعمدت اهديك الورده والدب مخصووص........
دانه:فوااااااااز شفيك والله ماقصدت ولافكرت بالطريقه ايل فكرت فيها حرام عليك
فواز: بس كانت طريقتك استفزاز
دانه:اسفه ؟ وبعدين بزعل عليك لو جبت لي هديه غير الورد او الالعاب الصغيره اوكيه حبيبي
فواز:هاه وش قلتي
دانه: ها لا اقول الدب حلو مع الورد
فواز:عبير شقلتي
دانه وقد اختلط عليها بتنهيده مع صوت بكاء خفيف : ياربي ....فوااز احبــك
فواز: دانه وش قلتي ؟
دانه: احبك انا احبــك
فواز:...
دانه:.....
فواز:....
دانه:.....
فواز: دانه
دانه: ياروووح دانه
فواز: وانا احبك..بس اوعديني بشي
دانه: اوعدك بقلبي وبروحي ..ماراح اتركك لحالك ..بكون لك سند ..بوقف بوجه الدنيا عشان خاطرك ابي اترك الدنيا واسكن قلبك ..مراح اكون لغيرك لاني احبك
فواز:وعهدي لك اني ما اتنازل عنك واحطك بقلبي واحميك من ظلم الدنيا وانورها لك بنور عيني
"وبدت قصه حب نادره ..قصة وفاء واخلاص وتضحيه وفي اصعب الاقوات مالقى غير عبير بجنبه الي وقفت معه وشدت ازره في اصعب المواقف وتحملت مزاجه المتقلب ورا ظروفه الصعببه.. وقضى احلى فترات حياته ..لايوجد اي مصطلح يعبر عن ذيك الليالي .. ولاتجمع الحروف والكلمات يخلق جمال وصفها "
"وفي احد ايام عيد الفطر وبعد انقطاع الاتصال بينهم لاسباب كان يجهلها وصله هذا الاتصال"
فواز: الو
الطرف الثاني :الو ..السلام عليكم
فواز: وعليكم السلام
الطرف الثاني : دانه موجوده
فواز:غلطانه بالرقم اختي
الطرف الثاني: لحظه لحظه .. تعرف دانه
فواز رافع حاجب : نعم من انتي؟؟ وش تبين ؟؟ ووين دانه
الطرف الثاني: اسمع فواز انا بنت خالتها وانا اعرف انك انسان عاقل وفاهم وهذا بشهاده دانه
فواز قاطعها : عاقل مين وشهاده مين ؟؟ بس انا ابي دانه وينها وش فيها ماتتصل ولاترد ولاشي ؟؟ شصاير فيها شي؟؟
الطرف الثاني: دانه تزوجت يافواز
فواز: طيب.. بس قولي لها تتصل بسرعه لاني مو ناقص حرق اعصاب اوكيه
الطرف الثاني بصراخ : انت شفييك ماتفهم اقولك دانه تزوووجت تفهم
فواز: انتي تكذبين قولي وشصاير
الطرف الثاني :والله ماكذب دانه تزوجت
فواز:.......................
الطرف الثاني: ادعي لها بأن الله يوفقها والله ان الظروف اجبرتها ..وربي كان حبكم اسطوري وماكان على لسانها الا فواز...
"وبعدها ماقدر يترجم باقي كلام الطرف الثاني ... وبعد محاولات من الطرف الثاني عرف فواز ان الخبر صحيح وعرف وقتها انها نهاية هذا الحب وانتهى معه "
.
"فواز كان قاعد يتذكر كل شي صار له من عرف دانه حتى اختفت من حياته .. كان واقف عند نفس السوبر ماركت وكان رايح لنفس السبب الي خلاه يلتقي بعبير واول ماطلع من السوبر ماركت سند راسه على الدركسون وبدا يسترجع كل شي مره فيه من بدايه علاقتهم الا نهايتها كانت الدمعه تغرغر بين اهداب عيونه ..وموقاهره الا السبب الي خلاها تبتعد بدون مايعرف ليه وشلوون .. رفع راسه وحس انه راسه ممسك عليه يحس راسه بينقسم نصفين من الصداع الي يحس فيه ..بعد ثواني حرك السياره مبتعد عن هالمكان الي كره من كل قلبه "
.
.
.
في الرياض
الساعه 1:30
•»‹ ” رجـعـت أسـألـ "غـصـب" عـ ـنّـ ـي • جـبـرنـي "الـشـوق" وَ اعـ ـذرـنـ ـي ” ›«•:انــا ولـــد
كانت منار وقتها في الجامعه وكانت طول اليوم ساكته والبنات استغربوا مو بعادتها تجيهم بهالمزاج من دخلت ماسمعوا غير السلام وسكتت بعدها ومن بدت المحاظره وهي سرحانه .." شلوون قدر الحيوان يكذب علي شلوون غلبني .... ياربيييييي انا وش سوووويت .. وش الي قاعد يصير معي .. صدق انه حقييير " ورجعت مسكت راسها تبي تطرد كل الافكار الشيطانيه الي تحاول تجتاح مخها .."وبكل بساطه يقول انا ولــــــد " ياربييييه وش اسووووي وش اسووووووووووي "بس لا لازم اوريه اني مو خايفه منه ولامن اشكاله ايه راح اسايره وماراح ابين له اني في يوم رويته صورتي بس وش يضمني ان الصور ماتسيفت عنده يارب لااا يارب لااا .. بس لازم انا اوريه منهي منار الي يلعب عليها واذا كان ناوي يهددني بالصور الصور صغيره ومو واضحه مره يعني ماراح يستفيد منها بشي بس في الدابه بعرف شلون اسايره وبعدها يحلها الف حلال "
تحمست منار لهذي الفكره واول ماخلص الدوام بدون ماتودع اصحابها طلعت مسرعه وكالعاده السواق برا وبما ان لميس لساتها في الدوام ف مراح تتأخر.. ركبت السياره وكانت تحس تبي تطير تبي تشوف وش بيصير لها مع سلطان الي غشها وقال انه لسعه شوق واسمه ماني عارف وغير كذا جايب صور ويقول انه هو ... منار بطبعها ماتخاف من شي ومايهمها حد بس هذا الشي يخوف مهما كان .. عشان كذا اول ماوصلت البيت نزلت من السياره وتحس ماتبي تمشي على الارض تبي تطير .. وبعد مادخلت شافت ام مساعد مرت زوجها بالصاله لحالها وقالت لازم تمر عليها
منار بأبتسامه خفيفه : السلام
ام مساعد بأبتسامه اوسع : وعليكم السلام والرحمه ياهلا
منار: هلا فيك
ام مساعد : تبين غدا
منار مستعجله : هاه لالا ياخاله باكل مع لميس الحين لساتها وحده ونص باكل مع لمي خليه
ام مساعد : براحتك يمه
منار: عن اذنك
ام مساعد : اذنك معك
"وراحت منار بعيد عن ام مساعد طالعه فوق وكانت تضبط اوراقها .. جذبها ريحه عطر مقبله من ماخلاها ترفع راسها اول ماشافته ابتسمت ومرت عليه وهي تركض وهو استغرب شفيها ماسلمت .. بس يلا تعود وكمل طريقه طبعا هذا مازن *_^ ..........
اول ماوصلت غرفتها رمت الكتب على السرير والعبايه لسا عليها شغلت الاب توب وخلته يفتح وفسخت عبايتها وعيونها على الشاشه ورجعت قعدت ع الكمبيوتر بدون ماتغير ملابسها ... وبعد فتره على مايفتح الجهاز كانت تنتظر على نار واول شي سوته فتحت الماسنجر وسجلت دخوول على طول .. وبعد مافتح شقت ضحكة السخريه اول ماشافت مرتز في البدايه والاخ كان مغير نك نيمه "طييب ان ماوريتك ماكون منار"
"وبكل قواة عين اول مادخلت سلم عليها "
ω Heroes' 4 ever ω:
مرحبا
"منار في خاطرها صدق مايستحي "بس وشو مسوي قوي علي انا اوريه "
حـسـبـي اللــه عــلى [ طـيـفـك ] يـروح ويجـي ..كـنــه يــقـول [ لو تـرقـد بـ ع ـلم عـلـ ي ـك ] says:
مرحبتين ياهلا
"هو استغرب ماتوقعها بتعطيه وجه بعد الي قاله "
ω Heroes' 4 ever ω:
كيفك
حـسـبـي اللــه عــلى [ طـيـفـك ] يـروح ويجـي ..كـنــه يــقـول [ لو تـرقـد بـ ع ـلم عـلـ ي ـك ] says:
الحمدالله والله انت شحبارك ؟
ω Heroes' 4 ever ω:
انا الحمدالله بشوفتك
حـسـبـي اللــه عــلى [ طـيـفـك ] يـروح ويجـي ..كـنــه يــقـول [ لو تـرقـد بـ ع ـلم عـلـ ي ـك ] says:
هـــئ نعـــم...!!
ω Heroes' 4 ever ω:
وشو الي نعم ؟؟
حـسـبـي اللــه عــلى [ طـيـفـك ] يـروح ويجـي ..كـنــه يــقـول [ لو تـرقـد بـ ع ـلم عـلـ ي ـك ] says:
خير تقولي كذا الظاهر نسيت نفسك
ω Heroes' 4 ever ω:
لا مانسيت بس شسوي يوم اني صرت بخير بشوفتك
حـسـبـي اللــه عــلى [ طـيـفـك ] يـروح ويجـي ..كـنــه يــقـول [ لو تـرقـد بـ ع ـلم عـلـ ي ـك ] says:
هيهيهي مايضحك وغير كذا مايحتاج الميانه الزايده اوكي
ω Heroes' 4 ever ω:
كيف يعني ؟
حـسـبـي اللــه عــلى [ طـيـفـك ] يـروح ويجـي ..كـنــه يــقـول [ لو تـرقـد بـ ع ـلم عـلـ ي ـك ] says:
No need .. u know
ω Heroes' 4 ever ω:
واذا قلت لك مو فاهم حرف من الي تقولينه
حـسـبـي اللــه عــلى [ طـيـفـك ] يـروح ويجـي ..كـنــه يــقـول [ لو تـرقـد بـ ع ـلم عـلـ ي ـك ] says:
ماني بتاعبه نفسي معك هات من الاخر عندك شي جديد كمان تعلمني فيه او تصدمني فيه
ω Heroes' 4 ever ω:
لا
حـسـبـي اللــه عــلى [ طـيـفـك ] يـروح ويجـي ..كـنــه يــقـول [ لو تـرقـد بـ ع ـلم عـلـ ي ـك ] says:
طيب والحين تبي شي
ω Heroes' 4 ever ω:
انتي شفيك صايره كذا مره ماتتحاكين
حـسـبـي اللــه عــلى [ طـيـفـك ] يـروح ويجـي ..كـنــه يــقـول [ لو تـرقـد بـ ع ـلم عـلـ ي ـك ] says:
لاوالله وش فيني بالله
ω Heroes' 4 ever ω:
ماكنتي كذا اول
حـسـبـي اللــه عــلى [ طـيـفـك ] يـروح ويجـي ..كـنــه يــقـول [ لو تـرقـد بـ ع ـلم عـلـ ي ـك ] says:
ليه انت مفكر اني اذا عرفت من البدايه انك ولد بعطيك وجه
ω Heroes' 4 ever ω:
تراني ماني بجابرك على انك تكلميني بعد ماقلت لك بحقيقتي
حـسـبـي اللــه عــلى [ طـيـفـك ] يـروح ويجـي ..كـنــه يــقـول [ لو تـرقـد بـ ع ـلم عـلـ ي ـك ] says:
صدق والله
ω Heroes' 4 ever ω:
اي والله
حـسـبـي اللــه عــلى [ طـيـفـك ] يـروح ويجـي ..كـنــه يــقـول [ لو تـرقـد بـ ع ـلم عـلـ ي ـك ] says:
مو طيب منك الا غصب عنك
ω Heroes' 4 ever ω:
واذا قلت لك مافي شي يمشي غصب عني
ω Heroes' 4 ever ω:
وش تقولين ؟
حـسـبـي اللــه عــلى [ طـيـفـك ] يـروح ويجـي ..كـنــه يــقـول [ لو تـرقـد بـ ع ـلم عـلـ ي ـك ] says:
اوووه وانا ليه قاعده اخذ واعطي معك عن اذنـك
And welcome 2 bloked group
"طلعت ولاعطته مجال يرد عليها ولفت الكرسي الجهة الثانيه ماكانت عارفه وش الي تسويه بعد الي عرفته هل هو صحيح تتعامل معه بهالطريقه وتبين له انها مو خايفه منه او انها تتعامل معه بطيب حتى تعرف نهايتها معه .. حست افكارها متشوشه وقامت تشغل نفسها بأشياء ثانيه وحست هذا الموضوع يبي لها تفكر فيه وهي مروقه ..وقامت غيرت ملابسها وانسدحت على السرير مع انه مو جايها نوم "
.
.
.
على الغدا في بيت ام فيصل
كانوا قاعدين وقت الغدا ... طبعا البنات يتغدون في غرفة الطعام وام رغد وام فيصل مع فيصل ومشاري في طاولة الاكل حقت الرجال
مشاري : صحيــــــــــح
ام رغد : اسم الله عليك يبه اي صحيح
فيصل : ماطولتي ياخـاله
ام رغد: شنسوي بعد تعرف مو وقت اجازات بس ماقدرت شوقي ذبحني لكم وقلت نجي نقعد معكم شوي ونمشي
مشاري: افا ياخاله افا .. انتي قلتي لي بموعد جيتك بس ماقلتي لي بموعد رجعتك كان اخرتها لك
ام فيصل: بنشتاق لكم والله ما امدانا نشبع منكم
ام رغد : هههههه مجنونه اقولك.. ولو اني ماعرفك بس يالله اهم شي شفناكم والله
مشاري: ضيقتي صدري
ام رغد : عن العياره هااه
مشاري وفيصل : ههههههههههههههههه
ام فيصل : خليك منه لاتطاوعينه ذا
مشاري : افا يمه شفيك قلبتي
ام فيصل: لاقلبت ولاشي هذ هو الصدق
مشاري : هيين تشوهين صورتي قدام خالتي.. حتى لو نويت اخطب منها ماهي بمعطتني
ام رغد طار قلبها : وه يافديت عمرك انت تامر لو يقولون لي انك موب صاحي
مشاري خافها تصدق وقلبها مزح : هههههههههههههههه ياحوبليك والله عارفك ولو انه حلال كان خاطبك انا من زمان
فيصل ضحك واستغرب ان مشاري يقول كذا وام رغد وام فيصل فتحوا عيونهم
ام رغد: اااااااه منك كلام بس كلام
مشاري فضل يضحك بدل التعليق :هههههههههههه
ام فيصل: صدق هالولد ماتستحي ياخي هذي خالتك
فيصل: هههههههه لا مشاري بس يستهبل "وغمز لمشاري"
ام رغد: خلينا عاد اليوم نزور نجلا قبل لاسافر
ام فيصل : اي اكيييد مايبي لها
.
.
"وعند البنات "
وصايف: جنوو زعلانه علي
جنى : .......
وصايف: خلاص مره ثانيه بمر عليك يووه
اديم تراضيها : خلاص بكرا استأذن لجنو ونروح نفطر في بيتي فرنس شرايك
جنى شقت الضحه : هيوووو من جدك
اديم: ليه انا قد كذبت
جنى: ونااااسه.. احسن من الاستئذان للمستشفيات"وتناظر وصايف "
وصايف: شفتي شلون
رغد: انا وجنى اليوم بنروح مع الحريم وبنطلع نتعشى برا صح جنوو
جنى تغمز: اي اكيييد
اديم ضحكت وبمعني " اي طيب "
اديم: اي وخذوا عبير لاتزعل علينا
جنى : هيههيي تتطنزين اخت اديم
اديم: لاوالله جد هي ماراحت واكيد بتزعل حالها حالكم
جنى: اي اوكي وانتم انطقوا هنا بالبيت
وصايف: ولووو اهم شي تنبسطوون
رغد: كنها تتشمت علينا جنو
جنى: اي والله
وصايف: هههههههههه افا وانا اقدر
جنى تتنهد : ااه انا ماني براده عليك
وصايف: احسن ...الحمدالله شبعت
"جنى بخاطرها ما اكلتي بس قالت احسن ووصايف كنها فهمت عليها"
وصايف: احس اني شبعانه وماودي اثقل على نفسي
جنى: هيهيه يالرشيقه ترى جسمك شيين
وصايف تضحك : ههههههههه شتبيييييين انتي ..انتي مريضة زين "ومشت "
جنى: ياثقاله طينتها من زينها وزين جسمها
"رغد تضحك واديم"
اديم: طيب انتي وش حارق رزك
رغد: لانها تعاني.."وبجديه " لا جنو لازم تنحفين انتي مو حلو عليك السمنه
جنى: هيهيهي مسويت لي فيها انتي بعد وش اسوي انا ارجع من المدرسه جوعااانه ان شاء الله تبيني اسوي مثلكم ما اثقل على نفسي وماني عارف
رغد: لا بس مو حلو يصير جسمك
جنى بلوعه : يازينكم ساكتااات "هئ " شبعت انا "وتقلد وصايف" انا شبعت مابي اثقل على نفسي "ومشت مقهوره "
اديم: ههههه ياحوبيلها والله اي شي يعصبها وينرفزها
رغد: هههه من جد بس احسن عشان تحس وتنحف
اديم: مافي امــل
.
.
.
في بيت بو محمد
بعد الغدا
"كانت العايله متجمعه كلها ماعدا الابو ومحمد لانه في الدوام "
ام محمد: ماقلتي لي كيف نجلا عساها تحسنت
نجوى فتحت عيونها : سهر زرتيها
سهر: اي ..بس والله كانت تعبانه
ام محمد : اي ياعمري عليها اول حمله لها
نجوى: الله يكون بعونها بس تعالي من راح معك
سهر: انا ووصايف واديم وغزل طلعنا من الجماعه واخذنا وصايف ورحنا عشان بالليل تخف الزحمه عليها
ام محمد : وعسى زوجها موجود
سهر: اي .. بس تفشلنا اول مادخلنا عشان كذا ماطولنا
ام محمد: اهم شي شفتوها وعسى خذتوا لها شي
سهر: ما امدانا اخذنا لها باتشي وبوكيه من عند المستشفى
ام محمد : اشوا قلت بعد دخلتوا ويدينكم فاضيه
سهر: افا عليك لاتوصين
ام محمد: هاه منصور وش عندك ساكت
منصور: هاه ماعندي شي
ام محمد : ماهو بعوايدك
منصور يبتسم : لا بس قاعد اسمع سواليفكم الجميله
سهر: ههههههههه اما جميله
منصور يضحك : انا ادري
ام محمد : منصور كلم بنت عمك وبارك لها هي وزوجها
منصور : اي اكيد بكلمها انا دقيت على السمتشفى ومحد يرد قلت بعدين بكلم زوجها وبكملها هي مره وحده
ام محمد : عفيه عليك
"منصور يضحك كنه بزر وسكت"
"سهر كانت تناظره مستغربه شعنده ساكت مو من عوايده بالعاده مايترك لهم مجال يتكلمون .. بس سكتت ماعلقت "
منصور: هممم اي صح نجوى
نجوى: سم
منصور: سم الله عدوك
منصور: محمد قالي انه كلمك عن موضووع المشغل النسائي وانك مستعده انك تديرينه
نجوى: ايه
سهر: هيووو ونااسه
منصور: اي عاد انا قلت بقولكم انتم تفكرون بستايل المشغل من داخل ولا برا انا ومساعد بنتكفل فيه بس من داخل خليته لكم
سهر: اي اي تكفى منصور انا بخاطري ستااايل يجنن
منصور: لاوالله بتفيدينا اجل
سهر: اي اي
منصور: والعاملات من وين نجيبهم
سهر: من الصين
منصور: هاااه
نجوى: اي والله الصينيات شغلهم نظيف وحلوو ويعرفون يقصوون وعندهم حركات
منصور: من جدكم
نجوى: اي والله
سهر: حنا البنات مانروح المشغل ......... بس عشان الصينيات عندهم حركات رهيبه بكل شي
منصور: طيب حلو دام كذا بس مين بيروح اذا علي ماني برايح
سهر: ههههههههه ياجبان تخاف
منصور: ههههه يادبه ماخاف بس مالي بهالسوالف
سهر: هممممم انا اقولك نسافر هالسنه الصين وندور لنا عاملات
منصور: هيهيهي ياحليلك لقيتيها
سهر: هههههههههههه
نجوى: ههههههههه احلفي ياشيخه
سهر: ترى الصين تجنن
منصور: ماقلنا شي بس اروحها سياحه نو واي
سهر: بكيفك ...بس انا نصحتكم تجيبون صينيات وصدقوني وشوفوا الناس شلون بتنكت علينا
منصور يضحك : اثاريك مانتي بسهله .. اجل تبون صينيات انا بقول حق مساعد ونشووف
سهر: ياااي ياني متحمسه ..
ام محمد: متى تبدون الشغل فيه؟
منصور: بدينا امس وصلت الاغراض من الرياض ووصلوهم للعاملين واليوم اتوقع بدوا يشتغلون
سهر: نااايس
منصور: الله يوفقنا انتم بس ادعوا
ام محمد ونجوى وسهر : الله يوفقك ياربي
منصور يقوم : عن اذنكم
سهر : وين
منصور: بروح انام دايخ
سهر: اهاا . اذنك معك
ام محمد وسهر: اذنك معك
.
.
.
في احد المستشفيات
كانت جالسه على الطاوله ومنزله راسها بحزن وضيق
..:: هلاااا ريم خير فيك شي
ريم بضيق : هلاا داليا
داليا : وش فيك ياريم صاير شي
ريم : امممممممممم
داليا: ريم اكلمك جد صاير شي
ريم : همممم امي تعبانه ولازم اروح لها
داليا : اوكي طيب روووحي وش تنتظرين
ريم: ايه بروووح بس نايف ماجا للحين
داليا : روحي ولاتحاتين انا راح استاذن لك منه
ريم : تسلمممممممممممممممين لي والله يلا اجل عن اذنك مابي اتاخر
" وراحت عنها وخلتها وداليا بينها وبين نفس واخيرا هذي فرصه ماتتعوض وانا لك ياااريم اجل تبين نايف يكون لك هههههههه تحلميييييييييييين تحلمييييييييييييييييييييييين هذا لي انا وبس واذا انك حاطه في بالك انك تتملحين عليه انسي وانا موجوده ماراح اخليك تتهنين فيه ابد وهذي هي فرصة عمري انت لي يانااااااااااااااااايف مو لريم هذي الانسانه الاستغلاليه شكلك انخدعت فيها وهي تمثل عليك انها طيبه ههههههههههههههه ياريم واخيرا جا الوقت اللي اخرب فيه اللي بينكم يوووووووه هذا هوووو يلا يلا يلا بروح له وهذي نهايتك ياريم صارت بيدي "
داليا بدلع : هلا نايف
نايف بصوته الرجولي : هلاااا فيك يلاا انا انتظركم في غرفة 303
داليا : اووكي بس ريم ماراح تحضر اليوم
نايف عقد حواجبه : سلاامات ليه
داليا وهي تمثل عليه ان الوضع مو عاجبها:همممممممممممم
نايف : وش فيه قولي
داليا : مدري وش اقولك
نايف : خلاص اجل اذا عندها ظرف لاتقولين وتعالي لانتاخر
داليا بدت تنفذ فكرتها : والله يا نايف ريم مافيها غير الدلع تقول ان مالها خلق اليوم ومالها خلقك بعد
" وحطت يدها على فمها كانها غلطت "
داليا تكمل وكانها زعلت انها قالت كذا : اسفه اسفه مو قصدي اوصلك هالكلام بس هي طلعت معي غصب عني
نايف وهو رافع حاجبه : حصل خير
" وراحت عنه وهي تضحك هههههههههههههههههه ماشفتي شي ياريم هذي بس المقبلات راح ابين له انك كارهته وشكل اللي سويته له مردود وتضحك لانها حست ان الانتصار راح يكون لها ووخلته بحيرته واذا كنت حاطها في بالك محد راح يشيلها من طريقك غيري يكفي القهر اللي حسيت فيه يوم شفتهم يضحكون مع بعض وكانت اخر ضحكه لهم مع بعض "
.
.
.
"كانت سهر فغرفتها وماكانت تبي تقيِـِل اليوم وقعدت ع النت وشغلته وقعدت تسوي اظافيرها والاب توب قدامها ... ماكان عندها شي تشغل نفسها فيه غيرهم ..بعد مرور خمس دقايق ولع عندها ال ام اس ان وشافت من داخل وابتسمت ابتسامه وسيعه بس ماراحت له انتظرته يجيها وهو كنه ماصدق على الله شافها "
»BaDer « says:
يامساء الخير
لـو جرحتـكـ لآ تزعـل اعتبـرني طفـل زل ويـآ حلـو زلاتـهـ يعطيـكـ كـف ويرجـع يـدور احضــانكـ• says :
يامساء النور ياهلا والله
»BaDer « says:
كيفــك حبيبي ؟
لـو جرحتـكـ لآ تزعـل اعتبـرني طفـل زل ويـآ حلـو زلاتـهـ يعطيـكـ كـف ويرجـع يـدور احضــانكـ• says :
انا تمامو والله وانت؟
»BaDer « says:
دوووم ياربي والله انا بخير بشوفتك
لـو جرحتـكـ لآ تزعـل اعتبـرني طفـل زل ويـآ حلـو زلاتـهـ يعطيـكـ كـف ويرجـع يـدور احضــانكـ• says :
همممم انت لسا بالدوام مو ؟
»BaDer « says:
اي فديتك والله
لـو جرحتـكـ لآ تزعـل اعتبـرني طفـل زل ويـآ حلـو زلاتـهـ يعطيـكـ كـف ويرجـع يـدور احضــانكـ• says :
"وجه يستحي " اهااا
»BaDer « says:
بس مابقى عليه شي وبطلع ماعندي شي قلت اقعد ع النت لاني عارف انك بتكونين موجوده
لـو جرحتـكـ لآ تزعـل اعتبـرني طفـل زل ويـآ حلـو زلاتـهـ يعطيـكـ كـف ويرجـع يـدور احضــانكـ• says :
لووووول
»BaDer « says:
شفيك صايره تتأخرين بالرد
لـو جرحتـكـ لآ تزعـل اعتبـرني طفـل زل ويـآ حلـو زلاتـهـ يعطيـكـ كـف ويرجـع يـدور احضــانكـ• says :
هههههههههههه يووه شفيك انت ماتبيني اتأخر عليك ولا ثانيه .. ياخي قاعده اسوي اظافري
»BaDer « says:
اي مابيك تتأخرين ولا ثانيه.. وبعدين وشو ياخي من متى انا اخووك
لـو جرحتـكـ لآ تزعـل اعتبـرني طفـل زل ويـآ حلـو زلاتـهـ يعطيـكـ كـف ويرجـع يـدور احضــانكـ• says :
هههههههههه تيب سووري دلبوو
»BaDer « says:
ايوا كذا "وجه يغمز "
»BaDer « says:
اقول سهوووره
لـو جرحتـكـ لآ تزعـل اعتبـرني طفـل زل ويـآ حلـو زلاتـهـ يعطيـكـ كـف ويرجـع يـدور احضــانكـ• says :
هلا
»BaDer « says:
ماقلتي لي زرتي نجلا بنت عمي
لـو جرحتـكـ لآ تزعـل اعتبـرني طفـل زل ويـآ حلـو زلاتـهـ يعطيـكـ كـف ويرجـع يـدور احضــانكـ• says :
اي رحنا لها اليوم الظهر
»BaDer « says:
خسااااره
لـو جرحتـكـ لآ تزعـل اعتبـرني طفـل زل ويـآ حلـو زلاتـهـ يعطيـكـ كـف ويرجـع يـدور احضــانكـ• says :
ليه؟
»BaDer « says:
قلت ابي اشوفك اليوم بالمغرب بالمستشفى.. يابنت واحشتني
لـو جرحتـكـ لآ تزعـل اعتبـرني طفـل زل ويـآ حلـو زلاتـهـ يعطيـكـ كـف ويرجـع يـدور احضــانكـ• says :
ههههههههه عاد حظأ اووفر
»BaDer « says:
لاوالله بجد واحشتني اففففففف ولو اني ما اعرفك مراح تخليني اشوفك حتى لو بالغلط
لـو جرحتـكـ لآ تزعـل اعتبـرني طفـل زل ويـآ حلـو زلاتـهـ يعطيـكـ كـف ويرجـع يـدور احضــانكـ• says :
لوووول
»BaDer « says:
تعالي انتي الحين تتلثمين ولاكاشفه
لـو جرحتـكـ لآ تزعـل اعتبـرني طفـل زل ويـآ حلـو زلاتـهـ يعطيـكـ كـف ويرجـع يـدور احضــانكـ• says :
نص ونص يعني
»BaDer « says:
يعني شلون نص ونص
لـو جرحتـكـ لآ تزعـل اعتبـرني طفـل زل ويـآ حلـو زلاتـهـ يعطيـكـ كـف ويرجـع يـدور احضــانكـ• says :
يعني بالمولات اتلثم بس بالجامعه مو اكشف وساعات اتلثم
»BaDer « says:
وليه ماتصيرين تتلثمين
لـو جرحتـكـ لآ تزعـل اعتبـرني طفـل زل ويـآ حلـو زلاتـهـ يعطيـكـ كـف ويرجـع يـدور احضــانكـ• says :
مدري ايام اكون حرانه ومالي خلق لثام فا اكشف
»BaDer « says:
هذا عبير خليتها تغطي
لـو جرحتـكـ لآ تزعـل اعتبـرني طفـل زل ويـآ حلـو زلاتـهـ يعطيـكـ كـف ويرجـع يـدور احضــانكـ• says :
اي اشوفها
»BaDer « says:
وانتي
لـو جرحتـكـ لآ تزعـل اعتبـرني طفـل زل ويـآ حلـو زلاتـهـ يعطيـكـ كـف ويرجـع يـدور احضــانكـ• says :
انا مادري بشووف
»BaDer « says:
لا مافي تشوفين انا ابيك تغطين
لـو جرحتـكـ لآ تزعـل اعتبـرني طفـل زل ويـآ حلـو زلاتـهـ يعطيـكـ كـف ويرجـع يـدور احضــانكـ• says :
..........
»BaDer « says:
سهر اكلمك
لـو جرحتـكـ لآ تزعـل اعتبـرني طفـل زل ويـآ حلـو زلاتـهـ يعطيـكـ كـف ويرجـع يـدور احضــانكـ• says :
اي اي معك
»BaDer « says:
شقلتي؟
لـو جرحتـكـ لآ تزعـل اعتبـرني طفـل زل ويـآ حلـو زلاتـهـ يعطيـكـ كـف ويرجـع يـدور احضــانكـ• says :
اوكي يصير خير
»BaDer « says:
بعدين اتفاهم معك الحين انا طالع من الدوام اوكي يلا سي يوو
لـو جرحتـكـ لآ تزعـل اعتبـرني طفـل زل ويـآ حلـو زلاتـهـ يعطيـكـ كـف ويرجـع يـدور احضــانكـ• says :
سي يوو
.
|