منتديات قصايد ليل - عرض مشاركة واحدة - أوراق غيرت لونها /البارت الثالث عشر والأخير

#1 11-12-2019

منار في قلق من تأخر خالد وما يرد على مكالماتها .. تلبس القطعة الخارجية من روب النوم وتروح لنورا..
تدق الباب ... لكن تسمع نورا تتكلم بالجوال .. تستغرب من تكلم نورا هذا الوقت ..
فتحت الباب.........
ونورا تحولت الوان ...... وطالعت في منار....
..........................
محمد ما استطاع ينطق بحرف.. وهو يسمع كلمات خالد...
يلتفت بقوة لخالد ويطالع فيه بصدمه ..
محمد بصوت مصدوم ومنخفض : كيف؟
محمد مثبت نظراته لخالد ينتظر الرد ....
خالد يلقي القنبلة : زوجتي..أم أحمد يا محمد..
محمد ماصحى من الصدمة الأولى عشان يصحى من الثانية !!!!!!!
حاول يستجمع قواه عشان يتكلم لكن ماقدر..
يمسح على شعره بيده : خالد انت ايش تقول؟
خالد يشعر بمحمد تماما : اللي سمعت يامحمد ...
محمد ولأول مرة في حياته وامام احد تمتلي عيونه بالدموع ....
محمد مخنوق : وليش ماقلت لي من قبل ؟
خالد يحط يده على كتف محمد : محمد أنا بفهمك ..... اسمع ......
..............................

منار تفاجئت من الموقف .. ونورا تنزل سماعات الجوال شويه شويه ....
منار وهي مكانها باستغراب : نورا من تكلمي ؟
نورا حلقها جف تماما : هاه .. هذا .. هذي .. قصدي .. هذه وحده صديقة ..
منار تعقد حواجبها : صديقة هذا الوقت ؟؟؟؟؟؟؟؟
نورا ساكته وماردت ..
ومنار بانتظار رد...
لكن سمعت خالد يفتح باب البيت ....
منار بعجلة : طيب نورا بنتكلم بعدين ...
..................................

يدخل خالد البيت وتستقبله منار..وجهها قلق..
خالد بابتسامة شاحبة لما شافها : ليش ما نمتي؟
منار بخوف : قلقانه عليك..
خالد مستغرب : بس أنا طمنتك.. قلت لك عندي عمل..
منار بصوت مهزوز : عارفه .. بس تأخرت
خالد يمسح على وجها بيده : بس شكلك تعبانه..
منار: لا مش تعبانه.. بس......ما أدري ليش صدري مقبوض..أحس بضيق.. فخفت عليك خفت يحصلك شي..
خالد وهو يمشي : صلي على النبي هذا أنا قدامك ما فيني إلا العافية.. ويمسك يد منار ويروحوا على الغرفة..

وبينما خالد يغير ملابسة يسترق النظر لمنار.. ويشوفها سرحانه والقلق باين على وجهها..يتمتم في نفسه: سبحان الله..إحساس المؤمن دليلة..
ينادي عليها : منار تعالي نامي ..
منار تشعر بألم فضيع في صدرها : خالد انت مخبي عن شي؟
خالد يمتد ويغطي نفسه باللحاف : لا حبيبة قلبي اطمني مافي شي كل القصة وما فيها اني انشغلت بأبو صاحبي اللي قلت لك عنه .. هذا واجب صح ولا لا حياتي؟
منار تبتسم بوجه اصفر : اكيد واجب وتدفن نفسها تحت اللحاف جنب خالد
خالد يحط يده تحت راسها ويقربها منه : منار ....
منار حتى الأكسجين ضاع من الغرفة تتأمل في عيونه : ايوه خالد؟
خالد يضمها اكثر وماعرف كيف يتكلم ...
منار دفنت وجهها وسط صدره وراحت في نوبة بكاء ماقدرت توقفها ....
خالد في هذه اللحظة ألم اهل الأرض اجتمع عنده : منار ليش تبكي؟
منار مواصلة بكاءها بدون ماتتكلم ...
هي ماعادت تدري أي جرح تبكي .....
والدها .. والدتها .. اخوتها ... حسام .. ألم البعد لايطاق...
خالد يطلع تنهيده .. ويمسح على شعرها ... ومنار بكت على صدر خالد حتى نامت ..
نامت هروب من الواقع .. ونامت ارهاق البعد .. ونامت بعد عذاب التفكير في حالها ..
يحط خالد راسها على المخدة ويطبع لها قبلة حانية ..
وهو يتأمل منار ويتذكر.........

محمد : خالد ارجوك خليني اروح لها الان؟
خالد : محمد هذا صعب .. منار مش متحملة صدمة نفسية اضافية اكيد مابتتحمل ...
محمد برجاء : ارجوك خالد لاقي لنا حل ...
خالد : طيب محمد بحاول الليلة المح لها وبكره اخبرها ..لكن.....
محمد بقلق : لكن ايش؟
خالد يضغط على شفايفة بعض الوقت : اضمن ان مافي احد منكم بيأذيها .....
محمد تتغير ملامح وجهه بكدر : خالد انا اضمن لك ..وانت زوجها انت انا اضمن لك .. هي صح تصرفها كان خطأ لكن احنا كلنا السبب .. بأيش تحب ابرهن لك
خالد يعقد حواجبه ويتكلم بجد : محمد والله لو لمس واحد منكم منها شعرة بفنيه .. انت ماتدري من منار بالنسبة لي ..
محمد شعر بحب خالد لمنار مع ان لهجة التهديد ازعجته لكن لازم يقدر وضع الموقف ..
محمد : اطمن خالد قلت أنا اضمن لك وأنا عند كلمتي لو كلف الأمر ماكلف..
خالد: خلاص انا الان بروح ...بكره بدري بنلتقي هنا ونتكلم
محمد يكتفي بهز رأسه وخالد يسلم عليه ويروح......
.......................

وفي الصباح بعدما لبست منار عشان تروح على عملها...وشكلها تعبان
شافت خالد يتأمل لها: خالد فيني شي ؟
خالد بابتسامة تصريف : لا لا ابدا ..بس قلق عليك لانك امس مانمتي كويس
منار تشوف خالد بنص عين ..
خالد يلبس ساعة يده ويخرج : منار بسرعة انا لازم اوصل المستشفى بدري..
منار : طيب خلاص انا تقريبا جاهزة ..
تأخذ احمد الصغير وتضمة لصدرها وهو لسه نايم وتأخذه لغرفة نورا ....
.......................................
وفي العمل كانت منار مشتته تمااااااما ..
خالد وتغيره .. احمد وتغير اسلوبه معها .. معقول يكون خالد قال له شي؟
وتذكرت نورا ...
هنا الصداع أبى ان يتركها ..
دخلت وهي محرجة من الاستاذ مصطفى واخذت منه اذن انها تروح على البيت..
نزلت من الشركة اخذت تكس على البيت مباشرة ..
فتحت الباب .. كان الوقت لسه بدري في حدود الساعة العاشرة..
شافت غرفة نورا مفتوحة نوعا ما ...
قربت منها ودقت الباب دق خفيف ..
نورا : ادخلي امي..
منار بابتسامة : ولو انا عادي كمان ادخل؟
نورا شعرت بأنها على فوهة بركان من الاحراج : هلا منار ادخلي .. سلامات ليش روحتي من العمل؟
تشوف احمد يلعب على السرير على بطنه تأخذه لحضنها وتضمه وتلاعبة وهي تطبع القبلات على وجهه ..
منار تجلس على الكنبه واحمد في حضنها : كنت تعبانه شويه قلت ارتاح اليوم .. وتكمل وهي تطلع الجوال ذكرتيني اتصل لخالد بس هو بيمر لي الظهر لازم ابلغه .. برسله رسالة ..وين شجون ؟
نورا : جاء أخي أحمد وقال مامعاه اليوم عمل كثير بيأخذ شجون معاه
منار فاتحه فمها : نعم؟؟
نورا : خليه اكيد نص ساعة ويجيبها مايدري بمشاغبتها
منار : ......... سكتت ..
كتبت رسالة لخالد تبلغة انه مايمر لها على العمل ونورا تشغل حالها بترتيب الغرفة المرتبه اصلا ...
منار تشيل البرقع من فوق راسها وتحطه على طرف الكنبه : نورا ........
نورا : هممممم؟
منار : من كنتي تكلمي امس؟؟؟
نورا تحولت الوان : قلت لك صديقة يامنار..
منار عملت نفسها مصدقة : طيب ..
نورا بتردد : منار..
منار : آمري..
نورا تنزل نظرها للأرض : مايأمر عليك ظالم ... بس كنت حابه نروح انا وانتي مسجد الـ.....
منار مستغربه :كيف؟؟؟؟
نورا : نروح مسجد الـ..... في العصر أنا وانتي..
منار : وليش هذا المسجد بالذات؟؟؟ مسجد الحارة قريب ..
نورا : ....... سكتت..
منار شعرت ان في نورا شي...
منار : نورا مابتقولي لي ايش فيك؟
نورا: مافي شي لاتشغلي بالك..وتجلس تمشط شعرها البني الطويل امام مراية التسريحة
منار تتأملها : نورا... طيب بكلم عمتي ونروح سوا ..
نورا تلتفت : منار لا لا ارجوك بدون امي...
منار بدأ الفار يلعب بعبها ........
توقف وهي تشيل احمد عشان تروح تأكله : طيب نورا بنروح العصر انا بكلم خالد
نورا بقلق : وايش بتقولي له ؟
منار : ماعليك بضطر اكذب.... وأشوف آخرتها معك
.....................................
محمد يشوف خالد : خالد ابي صحته كل ساعة اسوأ ..
خالد يداته في جيب البالطو الابيض ووجهه مليان اسى : للأسف محمد هذا الحاصل ...
محمد يحط يده على كتف خالد : طيب جيب منار..
خالد : طيب اليوم المساء بكلمها وبكره الصباح بجي انا وياها ..
محمد بصدمة : بكره ؟
خالد : انا امس لمحت لها وحست ان في شي يامحمد اليوم بكلمها لأن مافي وقت ولا ماكنت قبلت اكلمها بهذه الطريقة والسرعة..
محمد شعر انه محطم .. والده على فراش الموت .. واخته قريبه بعيده منه ......
...........................
بعد الظهر ..
يرن جوال منار : آلو...
.................
تغلق الجوال وتطالع في الفراغ ..... تسمع طرقات على الباب
منار :ادخل
تدخل أم خالد وشعرها الابيض والاسود يظهر من مقدمة رأسها لأنها كانت لافة الطرحة اي كلام .. منار تبتسم وهي تشوفها رغم المها وقلقها ...
أم خالد تجلس جنب منار على الكنبة اللي تتسع لشخصين : وين احمد الصغير ؟
منار : الان نام عمتي ماخلاني اصلي ظهر وهو يبكي واول ماخلصت وصل حضني ونام
أم خالد : خير.. سلامات يابنتي ليش روحتي اليوم بدري؟
منار : تعبانه شويه ..
أم خالد : منار فيك شي يابنتي؟ قولي لي انا مثل امك..
منار تتجمع الدموع بعيونها : انتي امي الثانية والله شاهد عمه ..
ام خالد تقرب من منار وتحط يدها خلف ظهرمنار :طيب قولي لي ايش فيك؟ لو مشاكل بينك وبين خالد وما تحبي اتدخل قولي لي ..
منار وبدأت الدموع تنزل تحط وجهها على كتف أم خالد: لا عمه خالد مافي منه الله يحفظه ولايحرمني منه ...
بس ماادري اشعر بشي مضايقني هذه الفترة ومش عارفه ايش هو..
أم خالد بقلق : طيب منار روحي المستشفى افحصي يمكن حمل؟
تحرك منار راسها بالنفي : لا انااستخدم وسيلة تنظيم مافي شي لكن ماادري ايش فيني ..
ام خالد تحرك يدها على ظهر منار..
ونورا تدق الباب : منار
منار : ادخلي نورا
نوراتدخل تجلس في الكنبه المقابلة لمنار وامها : خير منار ايش فيك ؟
أم خالد : مافي شي نورا ماتقلقي منار شكلها مرهقة ولازم ترتاح
منار ترفع وجهها لأم خالد : عمه انا ونورا بنروح مسجد الـ نصلي عصر ونسمع المحاضرة قالوا بيجي شيخ هناك تروحي معنا؟
أم خالد : حلو يابناتي بس والاولاد؟
منار تبتسم من بين عيونها اللي لونها احمر : هذه المشكلة عمتي..
أم خالد تضحك : خلاص روحوا وأنا بنتبه للأولاد
نورا تبتسم براحة ..
منار : انا كلمت خالد قال تمام .. وقال مابيجي يتغدى ..وتلتفت لنورا شجون مارجعت اتصلي لأحمد يانورا..
نورا : اتصلت وقال هو وياها في الطريق وشكله بيتغدى هنا وتضحك وكمان البنت دمرت له الفيوزات
أم خالد بضحكة : يستاهل قلت له ماصدقني..
......................
وبعد صلاة العصر...وفي مسجد الـ ... منار جالسة تستغفر ونورا عيونها هنا وهناك..
لحد ماشافت اللي تبحث عنها وقامت من جنب منار : منار ربع ساعة وارجع
منار تتابع نورا لحد ماجلست جنب بنت حنطية البشرة ملامحها حلوه بعمر24 أو 25سنه تقريبا وفي يدها مصحف وكل شويه وبنت صغيرة تجي تكلمها وبعدين تروح ونورا وهي يتكلموا شعرت منار انها تسترق نظرات تتأملها فيها ..
اسندت منار ظهرها للعمود وتتأمل نورا واللي تكملها بس ماتعرف ايش يقولوا ....
بعد ربع ساعة وقفت نورا ومعها البنت .... وجاءو ناحية منار ... مدت البنت يدها لمنار تسلم عليها : السلام عليكم
سلمت عليها منار : وعليكم السلام ..
ـ كيف حالك؟
منار بهدوء : الحمدلله
نورا : منار هذه فاتن استاذة تحفيظ لحلقة بنات صغار هنا وكمان تحفظ باقي لها عشره اجزاء وتختم
منار بهدوء عجيب : ماشاء الله ... الله يوفقك..
تهز لها فاتن راسها : آمين ..
نورا : يلا منار لانتأخر على الاولاد..
توقف منار وتربط البرقع وتمشي جنب نورا ...
نورا تمشي وهي ساكته ....
منار : نورا ...
نورا تلتفت لمنار وهي تعدي باب المسجد ويخرجوا للحوش : ايوه ؟
منار تمشي مسافة : هذي أم شجون؟
نورا وقفت ومنار تواصل المشي...
نورا بصوت مخنوق : كيف عرفتي؟
منار : وهي اللي كانت تكلمك امس؟
نورا بتردد : ايوه.. ترجتني اني اجي لأنها حابه تكلمني
منار ساكته .....
ونورا تكمل :سألت عن بنتها .... ولما شافتك عرفت انك زوجة خالد...
منار ساكته ...
نورا : منار زعلتي؟؟؟
منار : لا يحق لها تطمن عن بنتها ..
.................................
وصلوا منار ونورا للبيت ...
نورا شكلها عابس ... ومنار مش اقل من نورا وفي الف هم في بالها ...
شجون تجري :ماما ماما ..
منار تحضن شجون وهي تضحك : اهلا حبيبة ماما
نورا شافت الموقف دخلت على طول غرفتها ..
منار تحط شجون : هبا.. يلا روحي حبيبي العبي
أم خالد تخرج من المجلس وعلى وجهها ابتسامة : منار احمد خلا زجاج شبابيك المجلس سبورة والتنظيف عليك
منار تبتسم وهي تحضن احمد : تضمه طيب طيب انت بتنظف مع مامااكيد ..
أم خالد : وين نورا ؟
منار بابتسامة باهته : في غرفتها شكل راسها يوجعها بآخذ حبه مسكن من الصيدلية واروح لها ...
.......................
تدخل منار على نورا ...كانت نورا تبكي...
منار تقطع قلبها وهي تشوف نورا بهذا الشكل حطت احمد ع الارض يلعب ...قربت منها ومسحت بيدها دمعة على خد نورا ...
منار بحزن : نورا ايش فيك؟؟
نورا مااستحملت اكثر.....
نورا تبكي بحرقة : منار ... قالت ليش ماجبت شجون تشوفها .. قطعت قلبي فاتن والله..
منار تتذكر حسام تضم نورا ودموعها تنزل...
نورا مواصلة بكاءها : من سنه دخلت التحفيظ حفظت 20جزء وباقي لها عشره
منار تتذكر قصة أم شجون ودموعها تنزل اكثر وهي تردد في سرها : يارب توب عليها ..وتقبل منها ..
منار من بين دموعها : نورا ليش البكا الان؟ وانتي شايفة شجون مثل بنتي بالعكس والله اهتم فيها اكثر من احمد لأني حاسه انها عندي امانه اكبر
نورا تزيد في بكاها : منار منار ليش ليش كذا حظنا ليش الدنيا ماتصفى لحد؟
منار تشعر دائما بنورا .. لكن اول مره تشوفها بهذا الضعف .. وواضح ان شوفة أم شجون فتحت عليها جراااحها عن آخرها ...
جراح لاتنفع معها المراهم .. ولاعمليات التجميل.. جراح دائمة الانفتاح بلا استئذان وجراح قلب ينزف دما غير دمه ......
منار لم يكن في يدها غير مشاركة نورا أحزانها والامها وجراحها ....
..............................
في المساء ..
منار في المطبخ تجهز عشا ..تسمع خالد يفتح باب البيت .. يلاعب شجون ويبوس احمد ويسلم على والدته ..
خالد : وين منار ونورا ؟
أم خالد : منار في المطبخ ونورا في غرفتها ..

منار تجهز كاسات الشاي وشكلها قربت تخلص ..
شعرت بأنفاس خالد خلفها : كيف حبيبتي؟ ويبتسم ابتسامة صادقة
منار تلتفت و تبتسم ابتسامة وااسعة : الحمدلله .. مدام انت معي انا بخير
خالد يمسك يداتها في يديه : منار أنتي اغلى هدية اهداني الله هي ..ويرفع يداتها ويطبع لها قبلة ..
منار تضحك وهذا هو طبعها دائما إذا احرجها خالد..
منار : تسلم لي خالد .. الله لايحرمني منك
خالد : ولا منك منار .. ويضمها ضمة لصدرة ويكمل أنا بروح ارتاح بينما تقدموا العشا
منار تهز راسها ...وخالد يروح على الغرفة ...
.......................
منار وخالد وام خالد يتعشوا ونورا ماقدرت تتعشا ..
منار تأكل أحمد الصغير .. وأم خالد تأكل شجون ..
خالد : وين نورا ؟
منار تشوف لخالد : في غرفتها تعبانه شويه
خالد بقلق : خير ايش فيها ؟
منار : شوية ارهاق الان بنوم الأولاد واطمن عليها ...
........................
منار تغطي أحمد بعدما نام ..
خالد يخرج من الحمام وفي يده منشفة صغيرة ينشف بها وجهه ..
منار تحط قبلة أم حانية و تلاعب وجه احمد النائم بيدها وتبتسم..
خالد يتأمل منار وفي رأسه الف فكره ..
منار تلاحظ قلق خالد تتأكد من وضع احمد انه كويس وهو نايم في سريرة ..
وتلتفت لخالد تتأمل فيه ساكته..
خالد يتصنع الابتسامة لحركتها ويدفن نفسه تحت اللحاف : خير حياتي فيني شي غريب اليوم ؟
منار بابتسامة غامضة وقلقة : ولا وانت الصادق فيك انت ...وتدفن نفسها تحت اللحاف جنب خالد وتحط يدها تحت راسها متكئة على مرفقها ..
خالد يضحك : اكثر شي جنني فيك نباهتك
منار : طيييييب قول ايش فيك؟
خالد يمسك يدها : منااااار
منار تضم ملامح وجهها : ايووووه كمل ..
خالد بضحكة خفيفة بعدين يتحول للجد : تدري أني احـــبك ..
منار تضحك : عارفة من غير ماتقول وتحط رأسها على زند خالد ووجها مقابل صدره وتكمل : بس قل لي ايش فيك
خالد يلعب بشعرها بدون مايتكلم .. بعدين ينطق : منار .. طفي النور ..
منار ترفع رأسها بحركة طفولية : لا بروح اولا اطمن على نورا
خالد تتوسع ابتسامتة : طيب لا تتأخري
..........................................
منار تخرج من الغرفة وملامح خالد تتحول إلى ملامح يكسوها الهم ... لأنه لابد أن يأخذ منار إلى المستشفى لأن حالة والدها في خطر وحالته لاتطمن ابدا......
يطلق تنهيده عميقه ..... ويمسك جواله يتصل بأحمد.......
.........................
منار تطرق باب نورا ..
نورا من الداخل : ادخل ..
منار تدخل تشوف نورا جالسة ثانية ركبها لصدرها وشعرها مغطي وجهها ..
تجلس منار جنب نورا وتزيح شعر نورا عن وجهها
منار تحاول تواسي نورا : نورا ...
نورا تحرك عيونها ناحية منار ...
منار : في حد مزعلك في البيت ؟
نورا تستغرب السؤال ... بس تهز رأسها بمعنى لا ..
منار تتنهد : هذا المهم .. انتي في بيت ابوك سلطانه يانورا .. انا ما اقولك ماتتذكري حياتك لكن مش بهذا الشكل ...
بعدين بصراحة هذه الفاتن غلطانه المفروض ماتتصل فيك.. كنتي تمام وقويه لحد ماحشرت نفسها في حياتنا .......
لم تدر منار هل قالت هذا خوفا على نورا فقط .. أم غيرة انها رأت من كانت تحت جناح خالد.....
نورا تتنهد وما تنطق بحرف...
منار : نورا .... قولي لي ايش يرضيك؟ تحبي ترجعي لعماد؟
نورا ترفع راسها ناحية منار وبصوت شاحب : لا ..
منار : متأكده ؟
نورا تنزل دمعتها : متأكده .. لو كان فيه خير كان تمسك فيني وماخضع لضغط خالد ...
منار تأثرت لحال نورا ..... جلست ساكته وقلبها يدق...
نورا شعرت انها ذكرت منار بشي..
وشعرت انها غلطانه في تصرفها .. ماكان مفروض تكبر الموضوع ...
نورا : انا آسفه لو زعلتك.. ماعليك انا بنام واصحى بأحسن حال.. ما تشغلي بالك
منار ترسم ابتسامة ألم : لا نورا مازعلت منك.. وانا حاسه فيك انا عشت اللي انتي الان عايشاه .. لكن مع فرق .... وسكتت..
نورا : فرق ايش؟
منار تحط يدها على كتف نورا : ماعليك من فرق ايش ... المهم يانورا تعرفي انك والله في غنى عن انسان مثل عماد.. وانا وخالد وكمان الكل بنخليك سلطانه
والله يعوضك خيرا منه ..
وتخرج وتروح على غرفتها ...
تلاقي خالد نايم وظهره للباب .. تدخل وتروح تبعد الشباصة من شعرها وترش رشة عطر وتدخل تحت اللحاف وتطفي النور ...
ترد ظهرها لخالد وهي تكلم نفسها ....
تشعر بيد خالد تحاوطها من خلفها وهو يسأل : ليش تأخرتي؟
منار تضحك : ظنيتك نايم حبيبي..
خالد يضحك : اما اني اعرف امثل أو ان منار على نياتها زياده ........
.................................................. ..
منار تصحى وخالد لسه نايم .. تتوضى وتصلي فجر .. وتأخذ أحمد وترضعة وتغير له ملابسة .. تتأمل وجه احمد الصغير وتتنهد... تضم احمد لصدرها ضمة قوية ...
وهي حاسه بضيق مايعلم فيه إلا الله..

خالد يصحى يتأمل منار .. منار تشوف ناحيته .. هو يسوي نفسه طبيعي ويروح على الحمام ..
يخرج يلاقي منار بدأت تجهز نفسها للعمل ..

خالد في موقف صعب .. كيف يبلغها.. وهو اتفق هو ومحمد أنه يجيبها الصباح..
خالد : صباح الخير حياتي..
منار بابتسامة : صباح الانوار كلها حياتي..
خالد بتردد : منار...

يتبع