الله لكم يااهل القلوب الجريحه
تضربكم الدنيا من يسار ويمين
فيكم تعب / محدٍ قدر يستبيحه
ماودكم يدرون ،،، حتى القريبين

إتبينون نفوسكم ،، مستريحه
وتمثلون الدور / بأنكم قويين
وأنتم بكم شيٍ عسى الله يزيحه
اجبال هم ،، وراكزه بالشرايين
قلوبكم من كثر ماهي صريحه
ألف ارحلو واللي بقى واحد اثنين
وعيونكم لاصار موقف ،، فضيحه
تدمع من الفرقا على فراق غاليين
وتدمع على الطيّب لو اعلن مطيحه
وعلى اليتامي والضعوف المساكين
دايم تمنون الحياه الفسيحه
لكن تشوفون الكدر ،، شي روتين

امعاندين اقسى الظروف الكليحه
وامأملين النفس دايم لبعدين
ماهو زمنكم واقبلوها نصيحه
هذا الزمن ماهو زمان الوفيين .