صحي من النوم .. غسل وجهه .. فتح الدولاب وطلع لبسه عشان الجامعة ..

اخذ الشنطة ورمى نظره على المراية .ابتسم وطلع ..نزل الدرج مسرع ..

امه شافته .. لاتطلع بدون فطور .. .. امي مره مستعجل مع السلامة .. رمى لها بوسة وطلع

شغل السيارة ...فتح الجوال يشوفه .. كالعاده قروبات اخوياه وضحك ونكت وسوالف العمات والخالات..

مشى للجامعة .. قابل اخوياه .. سلام ياعرب .. هلا والله بالطش والرش ..

الساع 2 ونص ... فتح الباب .. شاف امة تجهز الاكل .. راح وحضنها سريع وطبع بوسه طويلة على خدها ..ضحكت .. اهلين وينك طولت .. امي تعرفين محاضرات وشقى

الله يوفقك يارب .. يلا بدل وناد اخوك معك بسرعه .. ابشري .. طلع ركض في الدرج

بدل وغسل وجهه ويدينة .. راح لغرفة اخوه ..دق الباب وماسمع جواب ..دخل

شاف الغرفة ظلام والغرفه بااارده .. قرب شاف اخوه لاف على نفسه البطانيه ومتقلب زي الدوده ^_^ ..

ابعد البطانيه عن راسه ويهز فيه ..ماجد ..ماجد قووووم امي جهزت الغدا .. اخلص وانت حياتك كلها نوووم .. بصوت واطي ..وكله نوووم .. يامجد ابعد عني ..تراك ابثرتني ..

مجد : ياخي قومم امي متعنية ومسوية الاكل وماتشوفنا معها !! حرام ياخي قووم

ماجد :: طيب طيب اطلع وبقوم .. طبعا يعرف مجد طبع اخوه .. وهو خارج طفى المكيف وشغل اللمبات ..

قام ماجد وهو متكاسل ومتافف ومعصب .. غسل وجهه ويدينة بدل ونزل ..

امه كانت على جوالها وجالسه تنتظر .. وين رحتو كل ذا تقوم فيه يامجد ..؟؟
معليش امي عاد تعرفين ولدك كيس نووم ..قل ماشاء الله يازفت .. ماشاء الله ماقلت شي انا ..

جلسو مع بعض تغدو ..كانت جلسه كلها سوالف وضحك ..

سلمى ..هي ام لولدين ,,عمرها ب 30 ..تزوجت وهي صغيره ..جميلة ...اولادها اللي يشوفهم كانهم اخوانها .. مجد اكبر من ماجد عمره 22 في الجامعه تخصص انجليزي
ماجد في الثانوي اخر سنة عمره 18 الولدين يشبهون امهم بالجمال والشخصية


يتبع ...

اللهم صل وسلم على نبينا محمد وعلى اله وصحبه اجمعين