الجزء الثالث عشر
احمد
حاس اني مخنوق ومااقدر اتنفس .. زياده على كذا بطني يعورني ما أكلت شي .. حاس بدوخه ذبحتني ..
بس فوق كل هذا مقدر اتحرك من مكاني واخلي رنا وسدوم بهالحال ..
راح انتظرهم الين ترجع رنا للبيت .. والدكاتره يطمنوني اكثر على سدوم ..
كتفت يديني .. وسندت راسي على الجدار .. غمضت عيوني وانا حاس اني راسي ثقيــــــــــــــــــــــل بالحيل ..
جلست افكر بوضعي .. كيف راح اقدر اتصرف بزواجي عقب اللي صار ..
الحمد لله اني مارديت عليهم .. والا كان من جد حالتي الحين حاله ..
ياربي وش راح اسوي الحين ؟؟
مستحيل اخلي سدومه ورنا بهالحاله ؟؟
انا وعدت نفسي اني احافظ عليهم ..
بسسسس ..
لاتقعد تبسبس يا أحمد .. خلاص الموضوع عندك انتهى ..
لاتضيعهم اكثر ماهم ضايعين ..
المشكلة ان ( الكلام ) يدور الى الآن في راسي .. ماني قادر اطلعه من راسي ..
كلام حاولت اني انساه قصدي اتناساه بس للأسف ماقدرت ..
آآآآآآآآآآآآه بس من هالحياة .. آآآآآآآآآآآآآآآآآآه ... آآآآآآآآآآآآآآآآآآآآآه ..
اللهم طولك ياروح ..
اووووووووه نسيت بندر ..!!!
الله يعيني عليه وش يفكني الحين من لجته ؟؟
ياربيه مالي خلق هواشه ومعاتبه على اللي صار ؟؟
انا عارف انه بيحط اللوم علي ..
بس من جد انا مالي ذنب ..
لازم افكر بشي اقوله له عشان افتك من حنته اللي ماراح تخلص ..
وان شاء الله راح القى ..
رنا
حاسه اني تعبانه ومقدر اتحمل اكثر من كذا ..
حبيت راس ناصر اللي كان نايم من دخلت عنده ..
طلعت بشوف سدوم اذا هم انقلوها لغرف التنويم او لا ..
مريت في الاسياب اللي بصراحه توي اركز فيها ..
كنت هاديه وانا امشي .. عكس اول مادخلت المستشفى ..
شفته ..
وليتني ماشفته ..
كان شكله مرة حزين ويكسر الخاطر ..
نزلت دمعتي اللي ماقدرت اسيطر عليها ..
وقفت مكاني وقعدت اطالع فيه .. تغير كثييييييييير ..
والا يتهيأ لي ..
احسه كبر عن اول ..
وجهه شاحب ومصفر ..
حتى من ضمة يدينه حسيته ان اعصابه مشدوده ..
تبون الصراحه رحمته .. اول مرة اشوفه مكسور وحزين ..
قربت من عنده من غير تردد ..
خلاص ماعدت مثل قبل احسب لخطوتي حساب ..
قربت الين وقفت قباله بالضبط ..
احمد
حسيت بخيال شخص قدامي ..
فتحت عيوني وانا على وضعيتي ماتحركت ..
ناظرت فيها وعلى طول عرفتها ..
فزيت من طولي وبغيت اصقع فيها بس الحمد لله هي تدراكت الموضوع وابعدت ..
بإرتباك واضح علي : آسف والله مو قصدي ..
ردت علي بصوت اهدى من قبل : لا عادي .. انا عاذرتك .. احمد خلاص كفايه الى هنا .. روح ريح نفسك .. شوف شكلك كيف صاير .. وبكره تعال .. انا ببقى معها ..
ياكذاااااااااااااااب يا أحمد وتقول خلاص ماعدت تحس في أي مشاعر اتجاهها .. وتقول ماتحرك فيني شي .. وتقول بعد خلاص ماعدت افكر فيها وطلعت من راسي ..
صرت اكبر كذاااااااااااااااااب يا أحمد ..
آآآآآآآآآآآآآآآه من قلبك اللي راح يدمرك .. ولاتدري وين راح يوصلك ؟؟
انتبهت لها وانا احس نفسي ضايع قدامها : هااااااااااه .. لا لا .. ماني تعبان ولاشي .. انا بجلس معـــك ..( توهقت يوم قلت معك .. احس وجهي ضاع ) ق ققصدي معكم الين ماتقوم سدومه بالسلامه ..
رنا : احمد عشان خاطري روح .. والله احسك بتطيح من التعب ..
بمووووووووووووووووووووووووووووووت وربي بمووووووووووت .. تقول عشان خاطرك .. ماتدري ان الخاطر كله لها .. ياربي تتوقعون لوتدري اللي بداخلي راح ترضى فيه وتبادلني نفسه .. والا راح تعترض وترفض قلبي وترفضني ..
لا لا يا أحمد لاتتشاااااااااااااائم .. وانت ماجربت أي شي .. ولاخطيت ولاخطوه ..
خذت نفس قبل لا أرد عليها : خلاص اللي تشوفينه بروح ارتاح بس من بكره الساعه 8 وانا عندكم ..
رنا
هزيت له راسي وانا حاس اني مقدر اوقف اكثر من كذا : خلاص يا أحمد اللي يريحك .. اهم شي تروح ترتاح ..
احمد : تآمرين شي ..
رنا : سلامتك .. واذا بغيت فواز موجود .. لاتشغل بالك ..
عطاني ظهره وطلع من المستشفى ..
اول ماغاب عن عيني .. طحت على الكرسي بتعب واضح على وجهي المغطى ..
حسيت بدوخه وكتمه ..
وراسي قام يروح يمين ويسار .. وعيوني تقلب ..
ابعدت الغطاء عن وجهي بدون شعور .. وانا حاسه اني بفقد الوعي ..
ماكنت مهتمه لأي شي .. او بالأصح نسيت كل شي ..
حسيت بيدين دافيه تمسك وجهي : انتي بخير .. حاسه بإيش .. تكلمي .. يابنت .. تكلمي .. انتي دايخه .. تبين مويه .. يابنت ..
شوي شوي وكلما الصوت يبعد ألين أختفي نهائيا ..
وأغمى علي ..
أحمد
طلعت من المستشفى وانا قلبي معها ..
مو قلبي بس روحي وحياتي ودنيتي .. كلها تركتها هناك ..
وصلت للبيت على آذان الفجر ..
وانا ميت جوع وميت تعب .. محتار اختار الفراش والا الأكل ..
شكلي بأختار الأثنين .. بنام وانا آكل ..
ترى اسويها لاتستغربون ..؟؟؟؟!!!ههههههه
فتحت باب الشارع ودخلت ..
انا عارف نفسي لو دخلت داخل الفله .. راح انسدح على كنبة الصالة وانام واترك الصلاة..
احسن لي اتوضى من مغسلة الملحق واطلع اصلي ..
وقفت على المغسلة وبديت اتوضى .. من التعب اللي فيني ماانتبهت ان الملحق انواره شغاله الا لما خلصت وضوء لاني احس اني صحصحت شوي ..
دخلت راسي بشوف من فيه بالملحق ..
بندر !!!
منسدح ويطالع في التلفزيون .. ناظرني بنظرة مافهمتها بعدين رجع عيونه للتلفزيون ..
مديت بوزي وانا متضايق من شكله وذا الحين وشلون بقوله عن سديم ؟؟ والله الوهقه اللي وهقت نفسي فيها ..
احمد : أحم احم .. بندر .؟؟
بندر من دون مايناظرني : خير ؟؟
احمد : بقولك شي .. بس عطني وجه ..
التفت بندر علي : خير وهذاني عطيتك وجه .. تكلم ..
احمد : أممممممممم بندور اخوي حبيبي .. والله اني جوعااااااااااااان وميت جوع .. ابي فطور ..
بندر : وش اسوي لك انا ؟؟ المطاعم فاتحه خششها .. روح افطر ..
قلت له بترجي وانا ماسك بطني : بندور تكفى والله ما أقدر تعبان .. عساني الحين اوصل للمسجد .. تكفى بندور .. والله من تركت العشاء ما أكلت عقب ..
بندر وشكله رحمني .. قال لي ووجهه للتلفزيون : خلاص خلاص .. بروح اجيب لك وش تبي ؟؟
احمد : ابي فول وشكوكه وكبده .. ( طلعت من مخباة ثوبي 50 ورميتها له ) .. شف الخمسين ..
التفت وهو معصب : تعلمنا ان معك فلوس .. ترى كلنا معنا .. رجعهن ..
احمد : ميخالف مابيننا شي وانا اخوك ..
طلعت وتركت الخمسين مكانها ..
رنا
ريحة بنج عند خشمي ..
اوووووووووووف قرف .. وش ذا الريحه ؟؟
فتحت عيوني وانا أتأفف ..
ناظرت حولي الا انا في سرير وعلى يميني رجال لابس بالطو شكله دكتور .. وعلى يساري رجال لابس بنطلون اسود جنز .. وبلوزة سوداء نص كم ..
بحلقت بعيوني ماني عارفه وش صاير لي ؟؟
كنت بتكلم بس سبقني الدكتور : الحمد لله على سلامتك .. إحنا حطينا لك مغذي عشان تصحصحي من الدوخه اللي انتي فيها .. وماعليكي شر ان شاء الله ..
اخذ علبة البنج اللي كانت على الطاولة وطلع ..
توي انتبهت ليدي اللي كانت مغروسه فيها إبرة المغذي ..
رفعت عيوني للرجال الواقف على يساري ..
على طول ابتسم لي ..
انا ماكنت منتبهه لأي شي .. حتى اني ناسيه ان بنتي صايره لها حادث ..
حتى وجهي ناسيه انه مكشوف ..
طولت وانا اناظره ومستغربه من ابتسامته ..
تكلم وليته ماتكلم .. وابتسامته الى الآن على فمه : انتي بخير ؟؟ تحسين بشي غير الدوخه ؟؟
عجزت اتكلم او افتح فمي .. بس قعدت اطالعه ومبهورة من شكله وهو مبتسم ..
شكله خطييييييييييييييير ..بالأسود ..
بلعت ريقي وحاولت اقول شي بس ماقدرت ..
مد يده بجرأة واضحه وحطها على جبيني وهو مبتسم : تكلمي .. وش فيك ؟؟ انزين مو لازم تتكلمين .. اذا انتي بخير هزي راسك ..
هزيت رأسي وانا احس اني بيغمى علي مرة ثانية ..
وش اللي طيحه ذا قدامي ؟؟
وش اللي حطه فطريقي ..؟؟
لما شاف اني سرحت .. تكلم وقال : انا كنت مار بطلع من المستشفى لما شفتك دايخه وتعبانه ماقدرت اخليك بهالحاله واطلع المشكله مافي احد مر من عندك وخفت عليك .. شلتك وجبتك هنا وو..
انصدمت لما قال شلتك .. قطعت كلامه وانا متفاجأة : شلتني !!!
ضحك لما شافني مستغربه : ههههههههه ايه شلتك .. تصدقين كنتي مرة خفيفة ...
بغيت اصيح الا قولوا صحت .. والله مهزلة .. انا ماصدقت على الله افتك من احمد يجيني هذا ..
من جد ماقدرت اتحمل الموقف .. ونزلت دموعي وانا حاسه بغصه في حلقي ..
......: ليش تصيحين ؟؟ والله ماسويت لك شي .. بس شلتك وحطيتك على هالسرير .. والله العظيم اني ماسويت شي غيره ..
لما صحت استوعبت كل شي .. واول شي استوعبته اني بدون غطى ..
على طول رفعت الشرشف اللي مغطي جسمي .. وحطتيه على راسي ..
ما أمداني اتغطى الا يد قويه تسحب الشرشف كله حتى عن جسمي ..
بنظرات مستغربه من تصرفي : ليش تغطيتي ؟؟ حرام عليك انا تارك كل شي وجالس جنبك وانت تحرميني من شوفتك ؟؟؟
الحين انا بديت اعصب .. وش فاكر نفسه الأخ لايكون زوجي وانا مدري ..؟؟
تكلمت وياليتني ماقلت شي .. ورب البيت ندمت اشد الندم : هيه انت خير ان شاء الله .. عطني الغطى .. حرام عليك تناظرني .. والله حرام ..
وبديت اصيح .. حسيت نفسي ضعيفه .. وانا مو كذا بالعكس انا قوية وقويه بعد ..
بس اللي مريت فيه خلاني كذا .. ضعيفة .. مكسورة ..
فجأة ماحسيت فيه الا يضمني لصدره ..
حط راسي على كتفه بكل هدووووووووووء وانا مستسلمة بكل طوع .. وكأنه مغناطيس جذبني له ..
.......: لا تبكين .. والله حرام هالوجه الحلو يبكي ..
انا غمضت عيوني ورحت في عالم ثاني .. عالم وردي ..عالم حلوووووو ..
عالم ذكرني بمشعل وبحنانه .. مشعل وتدليعه ..
خجلت من نفسي وابعدت عنه وانا ضايعه مشتته ..
ابيه وماابيه .. على اني مااعرفه .. الا اني حسيت بالامان والراحه معه ..
قلت له بكل أدب : ممكن تطلع وتخليني لحالي ارتاح ..؟؟
حسيت فيه يناظرني .. لكن انا ابد ماناظرته عقب اللي صار ..
...... : اوكي براحتك .. بسسس ..ممممم .. ممكن طلب أخير ؟؟!
رنا : آمر ..
..... : اسمي تركي .. وبعطيك رقمي .. حلفتك بالله تدقين علي تطمنيني عليك .. اوكي ..
انتبهت له لما طلع قلم من مخباة بنطلونه وورقة وكتب فيها الرقم ..
مسك يدي اليسرى وفتحها وحط الورقة فيها وسكر يدي .. بعدين قربها من فمه وباسها ..
ترك يدي بهدوء وطلع ..
وخلاني جامده مكاني من أثر البوسه اللي انطبعت على يدي ..
احمد
صليت الفجر ورجعت للبيت وجلست في الملحق انتظر بندر ..
كنت مجهز له كلام كثير بقوله له ..بس محتار اقول له الحين او اذا قمت من النوم ..
وانا افكر بأقوله او ما أقوله ..
دخل بندر ومعه الفطور : سويت شاهي ؟؟!
طيرت عيوني عليه : هـــــــاه .. لا لا ماسويت شي ..
بندر ويحط كيسة الفطور على الأرض : لانك فالح .. اووووووف ..
وطلع من الملحق شكله راح يسوي شاهي ..
اما انا ماقدرت اصبر على طول فتحت الكيس وطلعت الفول والخبز والكبده والشكشوكه وبديت آكل ..
مرت عشر دقايق .. بعدين دخل بندر ..
بندر وهو يجلس ويصب الشاهي : يعني ماتقدر تصبر .؟؟؟
احمد : اقولك ميت جوع تقول ماتقدر تصبر ...
بندر وهو يميل فمه : بالعافيه ..
احمد : الله يعافيك ..
بندر : اقول احمد .. يوم طلعت بالليل وين ذلفت ؟؟
استغربت منه كلمة ذلفت : ذلـــــــــــــفـــــت !!! وش قصدك ؟؟
بندر وهو مستحقرني لأبعد درجه : ماقصدي شي .. بس دامك جوعان ورى مامريت المدام عشان توكلك ..
ألحين ببدى العب بأعصابه هاذي فرصتي ..
رديت عليه وانا مو مهتم : أي مدام ؟؟!!
بندر : أي مدام .. العروسه اللي بتآخذها .. والا هونت ..
أحمد : اوهووووووووووووو ... انت قديم .. جدا قديم .. ليش ماسمعت وش صار ؟؟
بندر وعاقد حواجبه ومستغرب : وشو صار ؟؟ ليش انت غيرت رايك ؟؟ والا وش السالفة ؟؟
بقوله واللي يصير .. ادري تهورت وتسرعت لكن خلاص ماعاد فيني صبر ..
أحمد : بندر بارك لي ..
بندر وهو الا مو فاهم وش السالفة : على ايش ؟؟ احمد فهمني ..
أحمد : خلاص انا كنسلت الزواج ..
بندر وهو مو فاهم شي من اللي قلته : قديمه .. بكره تروح تدور غيرها .. هاذي اللي مفرحك يعني ..
أحمد : بندر .. انت مافهمت انا وش اقصد ؟؟
بندر : وش تقصد ؟؟
احمد : اقصد .. خلاص انا قررت اتزوج رنا ..
بندر طير عيونه مو مصدق : رنــــــــــا !! ..
أحمد : ايه رنا .. مو هذا اللي انت تبيه ؟؟
بندر وهو الى الآن مو مصدق : انزين وشلون ؟؟؟ وليش ؟؟ ومتى ؟؟
أحمد : تستهبل انت ووجهك .. مو انت قلت لي خذها .. خلاص انا فكرت وشفتها مناسبه لي ولها ...
ارتسمت على وجهه ابتسامه فرح : الحين اقدر اقولك الف الف مبروك .. والله وعرفت تختار .. متى ناوي تخطبها ؟؟
أحمد : قريب ان شاء الله .. بس خلني ارد على هذولا ( اقصد اللي خطبت منهم ) واقولهم مو موافق .. بعدين ارتب وضعي واروح اخطبها ..
بعدها خلصت أكل وقمت بروح انام ..
بتسألوني ليش ماقلت له عن الحادث ؟؟
اخاف اقوله .. يسوي لي مناحه .. ويقول أيه انت ماقررت هالقرار الا لما صار لهم كذا ..
خلني ساكت ازين لي وكأني ماأدري عن أي شي ؟؟
وبكره يحلها الف حلال ..
دخلت غرفتي وغيرت ملابسي .. انسدحت على السرير وانا جوالي معي .. بدق على رنا بشوف وش اخبارها ؟؟
دقيت .. بس محد رد ..
مرة ثانية .. برضوه محد رد ..
سكرت الجوال ونمت وانا ناوي اقوم الساعه 11 اروح عندها بالمستشفى ..
رنا
حاولت اقوم من السرير ..
بشوف فواز وين راح ؟؟ بروح اشوف بنتي ..
ناديت السستر تفك ابره المغذي لانه خلص ..
لبست عباتي زين وتغطيت وطلعت من الغرفة ..
وصلت لأقرب استقبال صادفني ..
رنا : لو سمحت ممكن اكلم جوال ؟؟
موظف الأستقبال : من بغيتي ؟؟
رنا : ابيك تدق على أخوي .. الله يخليك .. اذا خايف على جوالك .. انت دق وكلمه .. ووصف له مكاني .. الله يوفقك ..
موظف الأستقبال : أوكي ..كم رقمه ؟؟
رنا : 05500000000 اسمه فواز
كلم اخوي ووصف له مكاني .. وبعد عشر دقايق ..
شفت فواز اقبل علي ..
مسكني مع يديني : الله يهديك يارنا وين رحتي ؟؟ خفت عليك ..
قلت له وانا احس بتعب : مو وقته الحين .. بعدين اقولك .. تكفى فواز ودني لبنتي .
فواز : سدومه نقلوها لغرف التنويم فوق .. تعالي معي ..
رحت معه الين غرفة سدومه ..
جلست على السرير جنبها ..
امي : يابنيتي وينك ؟؟ من ساعه وانا اقول لفواز رح شف وين اختك .. يقولي تجي الحين ..
قصيت لهم كل السالفة اللي صارت لي ..
وآخر شي قلت لهم .. لما صحيت لقيت الدكتور وبس ..
غير كذا ماتكلمت .. من شالني ؟؟ من اللي وداني للسرير ؟؟ من اللي انقذني ؟؟ ماجبت طاريه ابدا ..
رنا : فواز .. وشلون الحين فيه مرافق معها او لا ؟؟
فواز : الا انا خلصت كل شي .. وانتي بتصيرين معها ..
رنا : زين سويت .. لاني مستحيل اخيها بروحها .. خلاص انتم روحوا .. واذا جيتي ياماما وقت الزيارة جيبي لي غيار انا وسدومه ..
فواز : اجل يالله يمه .. لان حدي تعباااااااااااااان مره ..
قامت امي معه وطلعوا من الغرفة ..
تذكرت جوالي وانا ارص على ورقة تركي بيدي بقوة ..
قمت بسرعه وطلعت في الممر : فواز ..
التفت فواز اللي ماابعد كثير : هلا..
رنا : جوالي لاتنساه اوكي .. جيبه معك ..
فواز : اوكي ( ويأشر بيده يعني مع السلامه )
دخلت عند بنتي انسدحت جنبها على السرير ونمت والورقة في حضن يدي دفيانه..
يتبع ...
|