رجعت عايشه البيت ونفسيتها اصبحت اكثر سوء
كانت بحاجـه لشيء اشبه بالمسكن مريح ومفعوله سريع
وماكان في اجمل من هوية قلم يعبـر بدون ملل وتوقف
فتحت مذكرتها وغصـة قويه تعتليها وتسبب الالام مبرحه بداخل اعماقها
واختارت ورقه بيضاء لأجل تتحملّ مدة فضاعة الحزن اللي تتأصل روحها
وخطت بأيد يكسوها العجز .."شكواي"
كلمات قد تجـول في نفسي وليست لدي المقدرة الكافية لكتمانها..كلمات مكنونه بقلبي..بدمي..وروحي..
اشعر إنني غارقة في بحر ميت لاحياه له ولا مستقبل سوى التنفس والتكيف مع هذا العالم الموحش
حياتي تهيم بحندس مظلم يتعطـش لدرب النجاه والنور
إنني أجدف بكل مااوتيت من قوه وتتعالى صرخاتي..
هل من مجيب!
هل من مغيث!
هل من سامع لندائي!
ولما النداء وانا اعلم انه مصيري الغـوص والبحث عن شقوق شحيحة لأتنفس
لما الصراخ! فـ آبدا,,آبـدا..ليست سوى صدى صرخاتي تعود إلي لتبكيني آلما,,
فهناك المعاناة تترقبني لتعيد نزف جرحي من جديد,,
آبدا..آبدا فهناك الخـوف من المجهـول والترقب بصبر لعلّ يتفطر قلب من يراني!
آبدا..آبدا ليست هناك سوى أمواج دامية تنتشلني هنا وهناك..وترميني في قاع صلب ..مالح..قاسي لحد الوجـع,,!..
رباه قد فاضت بي شكواي.
.رباه قد ضاقت بي دروبي
رباه من لي سواك لأرجوه,,!
اعنـي..
أمهلني صبرك وعفواك,,ونورّ مقلتي على درب النجاة,,
إنني أريدها..
ارجوهـا..
ابحث عنها..
هي فقط..
الطمأنينة,,
رباه فابعثها لي ونور محياي بها..يا مالك قلوب البشر!يارحمن يارحيم,,
وبهالكلمات البسطيه والعفيفه.شعـرت بسكينه غريبه ..براحه خفيفه..
وفكرت لوهله بشيء مثير فاجأها!
لو هي ماكانت تكتب.!كيف بيكون حالها ومصيرها!
الكتابه راحه للنفس..تعبير عن الذات..تفريغ لمشاعر مكبوته ومحرومه
ومعركه مع صراع النفس..والمنتصر الوحدي هي تلك الكلمات..
الكتابه سحر مثير انتشلها لدرب النور وذوقها طعم الأمان..
لكن ليس هناك اجمل وانقى واطهر من كتابه لمناجاة خالق لايفصل بينك وبينه الا سبع سموات
رجعت تقرا قليل من اللي كتبته واضافت بعض التعديلات البسيطه وقررت تفرزها بااحدى بطلات قصتها اللي تترقب النور
---------------
فتحت الغلاف بنظرات متلهفة ومتشوقة لمعرفة مكنون الهديه..كانت ابتسامتها تشـرق وجهها الرحيم
لكن مالبثت هالأبتسامه ثواني لمن اختفت كليا من وجهها وحلّ محلها تكشيـره وخيبـة ليس لها مدى
رفعـت التيشرت الابيض بنظرات تفحصيه ..
كان التيشرت طويـل وفكرت لو تلبسه ممكن يصل لتحت ركبها وبقلبه ولد احمر الشعر وبعيونه لمعه اعكست ابتسامته الجريئه وشكله فعلا عجيـب..
تحسست التيشرت باايدها بعد مااطلقت تنهيده طويله
يعني شو كانت تتوقع يهديها!
خاتم مثلا!
والا ورده حمراء!
والا كلمات بسطيه تغني عن مليون هديه!
وش هالغباء يافريده!؟
بدور\ياسلااااام كل هذه تأملات
اجفلت فريد والتفت لأختها اللي اقتحمت الغرفه فجأه
فريد\وعمى يعميك..ماتعرفين تطقين الباب!؟
بدور\لا والله..سكتت بدور وهي تناظر التيشرت..وفجأه ضحكت ..
بدور\هههههههههههههه ههههههههههههه
عقدت حواجبها فريد\ليش تضحكين!
رد بدور كان ضحكه متتاليه وعاليه\ههههههههههههه وقسم بالله انه توم كروز رهيب!وش اللي جايب!؟
وضعت فريد التيشيرت على السرير ..وبدور قربت منها واخذته\والله ويعرف يتطنز ولد خالتي؟!
فريد\مافهمتك!؟
بدور\يعني اللحين انتي ماتدرين انه هالتشيرت مهديه لك عشان يغضيك!
فريد\ليش يغيضني!؟
بدور\لحظه!
طلعت بدور بخطوات سريعه من الغرفه..وبنفس السرعه دخلت مره ثانيه وحامله باايدها هديتها
بدور\شوفي..
رمت بدور الهديه بحجر فريد اللي اخذتها بسرعه وفتحتها..وكانت عباره عن ساعه ناعمه برتقاليه من espirt
بدور\ونفس الشي احلام ونعيمه اهداهم ساعاات..اما شهد ورغد العاب..وانتي ههههههههه تيشرت رجالي..ههههههههه
اغتاظت فريد..واسود وجهها من القهر..نظارت التيشرت مره ثانيه..ودققت النظر بملامصح الصوره اللي بوسطها..وتوها تكتشف حركته البايخه
فريد\حقييييييييييييير
بدور\ههههههههههههه
فريد\اطلعي بــــره!؟؟؟
بدور وهي تمشي\زييييييين لاتطقين!
فريد \كوووولي عســـل.. وبصـرخه ارعبت قلب بدور..برررررررررره
طلعت بدور بكل برود\نااااااااار ياحبيبي ناااااار..اخذت فريد مخده صغيره وصوبتها على بدور اللي من شافتها ركضت خارجه..
رمت فريد جسمها على السرير بكل قوه لمن احدث صوت من اهتزازه
"معقوله يتمسخر علي وانا مافهمت حركته!؟معقوله كلام بدور صحيح!
طيب لو كانت بدور مكبره الموضوع..ليش انا بالذات مهديني تيشرت!
معقوله متقصد هالشيء!؟؟؟؟؟؟؟
تغيرت مجرى افكار فريد فجأه
"ليش الكل يشوفني ولد وماافهم لحركات البنات!
ليش ياربي انا غير!لييييش
ليتك مارجعت يامصعب...ليــتك مارجعت"
انخرطت بـ بكاء مرير وعجزت تكتم دموعها هالمره..
مصعب من اول مادخل حياتها وهي عايشه بحيره ودموع..
كرهت نفسها كرهت الحب لأنه ماعمره ماذوقها طعم السعاده بيـوم
أخذت التيشرت بحضنها وضمته لصدرها وغمضت عيونها بمراره ورجعت تبكي بصمت
----------------
لازالت على اثر الصدمه من هالمكالمه المفاجأة بالنسبة لها!
بنتها انخطبت!
ومن منوا!؟
من..من!؟
صعدت لغرفتها وهي تفكر كيف بتحاكي بنتها!؟
وهل هالمره بترفض او لا!؟
دخلت عليها وسمعت ضحكاتها وهي واضعه سماعة تلفونها بااذنها..
جلست على كنبتها العنابيه وماحبت تقطع مكالمتها لأنها فعلا لازالت مصدومه..
لوول\اقولك حنوا..فكينا..من حلاة سواليفك..زين بكره عناد لها بنحط فول ميك اب..وخليها بس تتكلم..قال شنوا..قال اسمها سلوى..هذا سلوى هذه؟؟؟ههههههههه شنوا...حلوى!؟والله انك هبلـه!
حنان قطعت ضحكتها بهمسها\طيب متى بتفوتي الشات!؟
لولو\يعني اخيرا اقتنعتي!؟
حنان\تقدري تقولي ايه..
لولو\اخيرا واقفتي.. بس..اقولك مو تفضحينا بكره مع فريد وعواشي!؟
حنان\لالا ماراح انطق بشيء
كملت لولو محادثتها مع حنوا وهي بين فتره وفتره تلمح وجه امها الخالي التعبير..
لولو ارتاحت نسبيا\حلو..نص ساعه بالكثير وبدخل انا؟؟
حنان\طيب بليز لولو ماتتأخري..
لولو\مو متأخره حبيبتي,,.يالله سلام؟؟
حنان\سلاموا..
اغلقوا البنات من بعض..وحنان فتحت الكمبيوتر..ورجعت تتأكد انه باب غرفتها مسكر..
انتظرت ثواني لمن اجرت اتصال..ودخلت الشات اللي ادمنته من يومين والسبب لولو..
كانت تحس انها تعمل شي يخالف افكارها ومعتقداتها ..
شلون قدرت ترضخ لـ لولو!وبسهوله تعجبها الفكره!؟
فكرت للحظه..لوعندها اخت قريبه من سنها..مااحتاجت لأولاد..او حتى بنات تحكي معهم بالشات..
لكن ولو..هم يحكون جماعي..بغرفه عامه..وسوالفهم اغلبها ظحك وخبال..وماحاولت لو مره مثل باقي البنات انها تختلي مع شاب بغرفه خاصه..
طيب لو كانت هي على صح..ليش مافكرت تقول لصديقاتها!؟او حتى امها!؟
هل هو خوف من ردة فعلها!.
او..!
او ايش ياحنان!؟
لا هي بتخبرها..لكن مو اللحين..امها هاليومين مشغوله مع اخوها ومدرسته اللي ماانحلت مشكلتها!؟
وبهالكلمتين هذه ارتاحت حنان وخففت من الذنب اللي تحسه يأنبها..واقتنعت اقناع شبه كلي..
خلاااص..هي ادمنت الشات بظرف يومين..وانتهى الموضوع..
---------------
وبمكان ثاني..
لولو\يمه..
قطعت لولو افكار امها بصوتها\منوا هذه..حنان!؟
لولو ابتسمت وهي تتذكر سوالف صديقتها\ايه هذه الخبله حنوا..
بلعت بدريه ريقها\لولو حبيبتي..
لولو\نعم يمه..
بدريه\ودي افتح معك موضوع...وسمعيه بدون ماتقاطعيني ..
لولو\خير ان شاء الله.!
بدريه\توها مكلمتني ام عبدالله..!
عقدت لولو حواجبها بتلقائيه\اوووف هالمره حفلتة منوا..ليكون خدامتهم بتسافر وبيعملون لها حفلة وداعيه..
بدريه\تتطنزين !.
لولو بلهجه ساخره\لا حشى..
بدريه\ام عبدالله كلمتني عشانك!؟
لولو اتسعت عيونها بااستغراب\عشاني؟؟؟!
بدريه كملت حديثها بصوت صارم\يبون يخطبونك لولدهم سامي
يبون يخطبونك لولدهم سامي
يبون يخطبونك لولدهم سامي
هي وسامي..!
انا!
يخطبوني!
سامي..
ولد الوزير!؟
غناء
عز
فلوس
قصوووور
تبعثرت الكلمات بذهن لولو..وكل هالأمور تجمعت بثواني بذاكرتها!؟
يعني خلاص..تحقق الحلم!
بتنعد من قائمة الأغنياء..
بتكون رغم عن الكل من اسرة الوزير!
بهالسهوله احلامها وطموحاتها تحققت!
انا بحلم..والا بعلم ياناااس!؟؟؟؟؟؟؟
بدريه\لولو..لولوووووووا..وشفيك..ماتسمعين.!
لولو بصوت هادي وكأنه منبعث من كهف\ها!
بدريه\سمعتي اللي قلته!؟
لولو\يمه!
بدريه\وشفيك.!
لولو\صج اللي تقولينه!
بدريه\وهألامور ينمزح فيها!؟بســ.. انتي ماسمعتي كل الحكايه.!؟
لولو نطقت بشكل سريع\يمه..مو مهم..مو مهم صدقيني..يمه انا موافقه..
بدريه تفاجأت من رد بنتها \لا سمعيني..لازم تسمعيني..انتي تذكرين سامي..
لولو كان قلبها يدق بشكل جنوني..مااهتمت لكلام امها..ولااهتمت لسامي..اهتمت باابو سامي..وفلوس ابو سامي\لايمه..مااذكره..
بدريه\اجل سمعيني زين...تدرين كم عمره سامي.!
لولو هزت راسها دلاله على النفي
بدريه\واحد وثلاثين!.
"واحد وثلاثين سنه!؟؟؟انتي مجنونـــه!؟؟؟؟؟"
طنشت لولو صرخة فريد ومشت بخطوات مرحه وهي تعشر انه بتطبر من الفرح..
فريد بنبنره عصبيه\اكلمك انا..ردي علي؟
لوت فمها بقلة صبر\واذا..حلاته واحد وثلاثين!.
حنان\ايه والله..واحد وثلاثين عمرو..الصراحه شي فظيييع خيالي.وبعيون حالمه كملت.. شاعري...وااااااااااو
عقدت حواجبها عايشه بااستنكار\يعني وبينك وبينه 13 سنه!؟؟؟؟
حطت عايشه ايدها على جبينها لمن استنتجت فارق السن
عايشه\والله اسميه انا جنووون!
لمت حنان شعرها الطويل على جنب وقالت\ياااااااااي واحلى جنون كمان..
وقفت فريد مشيها ووجهت كلامها لحنان\وربي لو ماقفلتي فمك لأاصكك بطراق..
حنان\شو بيك فريد..وليش هالعصبيه...!صدقيني هالشاب خطبها لأنوا بيحبها..والا في واحد عاقل ويتجوز هالجوزا..صدئوني قمة الرومانسيـه..لولو وافقي حبيبتي..وماتفكري بحكي البنات..
قطعت فريد شعرها المجعد من القهر\كووووووولي عسل...
لولو\ههههههههه فريد هدي..وشفيك!؟
فريد\شولون تبيبني اهدي وانتي تبين تجنين على نفسك...يعني عشانه ولد وزير توافقين.!
رفعت لولو حواجبها وقالت\وفيها شك بالموضوع..انتوا كلكم عارفين انه هذا حلم ..اتمناه من زمان..
فريد\غبيــه.!
لولو بنظرات متحديه\بكون اكبر غبيه اذا ماوافقت..
عايشه\خلاص يافريد..انتي استخرتي..
لولو بكذب اصرت\طبعا..طبعا
عايشه\حلو..اذا كان في هالشي صالح لك بتتسهل امورك..والله كريم..
فريد\وشفيك قلبتي عواشي توك رافضه الفكره..
عايشه\انا مو رافضه..وبنفس الوقت مو موافقه..الأهم انها تستخير..وخلونا نكون صريحين..فارق السن مو مقياس إذا كان رجل صالح ويعرف ربه..
سكتت فريد..ومافي غير حنان ولولو يتهامسون بنظرات حالمه..
وبعد برهه قطعت الصمت فريد\طيب أنتي شفتيه.!
بانت الخيبه بوجه لولو\لا..بس اكيد بيكون حلو...الأم وألأبو جميلين..والصراحه هو الوحيد اللي مااذكره من اخوانه..لأنه كان عايش طول حياته في الخارج..بس امي تقولي انه كنا نلعب مع بعض واحنا صغار..
اطلقت حنان صرخه رنانه\وكمااااااااان..مو انا ائلت لكن..بيحبها ..بتشوفوا..
توردت خدود لولو واكتفت بإطلاق تنهيده وهي تترقب هذاك اليوم..
فريد كانت فعلا غير مرتاحه من هالموضوع\طيب وش موقف اخوك المحترم من الموضوع!
ابتسموا البنات بمكر لمن اذنكر ابو شامه بوسط حديثهم..
لولو\واحنا اقدرين نوصل له اصلا..طول يوم وهو بره..ولسه ماعرف..امي بتقوله اليوم..
انقبض قلب فريد ..اكيد يهيت بالشوارع..والا واقع بغرام وحده من صديقاته ..
ماتت قهر لمن استنتجت هالفكره..
وعشان تطرد هألافكار من بالها قالت\طيب ماسألتي نفسك سؤال..ليش ماخطب من بنات عمه مثلا..او احد من اهله!
تدخلت هالمره حنان\حبيبتي فريد..وين بيلقون بمثل جمال لولو..اكيد صرعهم جمالها..
لولو بكل غروور \تسلمين ياقلبي انتي..
عايشه\خلص فريد لاتقعدين تنبشين بالمواضيع...لولو استخارت..وبنشوف وش الصالح بعدين؟؟..
انرغمت فريد للمره ثانيه على السكوت..لكن قلبها مو مطاوعها..
ومو عارفه ليش!.
حاستها السادسه..تقول شي ثانـي جاهلته.
تفائلت بالخيـر..وماحبت تضغط على بنت خالتها..ومثل ماقالت عايشه
الأهم انها تستخير!
لكن اللي مايعرفونه البنات...انه لولو نست ربها..لمن نست صلاتهــا..
-----
تحقق حلم لولو الكبيـر..,واصبح الخيال.واقع..
ياترى بسهوله انتهت الأماني..وحلقت لولو باابعد افق!
سامي شخصيه جديده بتعلن حظورها وبقوه على القصه!
هل فعلا بتكون شخصيته متوافقه مع لولو!؟
وايش سبب هالخطبه اللي كانت بيوم مستحيله!
معقوله الغني والفقير ممكن يتقابل بيوم!؟
فريد ومصعب ولازالت المعارك تدق ابوابهم.!
وعايشه ومرضها المؤلم!؟
وحنان وبداية ضيــاع لانهايه له..!؟
انتظروا العجب العجاب..بااحقا ستحلق الطيور.!؟
|