قلبي يعورني!؟
تمسكـت عواشي بالسمـاعه بقـوه لمن شعرت بنبرة صديقتها الغريبه
عواشي\سلامة قلبك حبيبتي ..فريد..فروده..شفيك تكلمـي!
تمللت فريد من وضعها الغريب وارخت جفنهـا الواسع\مدري..مدري
عواشي ابتسمت بمداعبه\ليكون بس هالحاسه السادسه بدت تعملّ عمايلها!
فريد\تصدقين عاد..بديت اكره هالحاسه السادسه اذا صابني الخـوف,,
عواشي\ان شاء الله خير حبيبتي,,انتي لاتفكرين بالسيء توقعي دوم الأفضـل,,
فريد\على قولك ان شاء الله خيـر,,
عواشي\ماكلمتي الخبله لولو والخطيب الجديد,,
فريد\ههههه كلمت خالتي وقالت لي انها نايمه ..متشوقه اعرف وش سوت هالمره!
عواشي\تلقينها سوت اضراب فجأه..هههه والله مسكينه خالتي بدريه
فريد\اي مسكينــه..انتي ماتعرفينها!؟
عواشي\وانت كل الناس بتحاربينهم!؟؟
فريد ضحكت بسخريه\ها ها ها بايخه كولي عسل احسن لك..
عواشي\طيب واذا مابغيت!
فريد\لا مو على كيفك..بتاكلين غصبن عنك!
عواشي\ههههه ولايهمك اكله لعيونك,,
عواشي كانت تحاول تشغل فريد ببعض ألأحاديث وفعلا قـدرت وبكـل سهوله,,
عواشي انسانه لها قـدره خارقه في جلب الراحه على أي شخـص يصادقها,,
عواشي كانت وبتظل مخزن للأسرار البنات بااسلوبها الحنون والرقيق وملامحها اللي تبعث الطمأنينه وقلبها الكبيـر النابع لكن الغريـب بالأمر انها مافكرت بيـوم تشكي حالها لصديقاتهـا المقربات..كانت تفضل تاخذ دور المستمعه والصديقه اللي تعطي بلا ملل او جزاء,,
عواشي\فريد سمعيني ياقلبي...ليتني جنبك اللحين لكن انصحك بالقران ويفضل بعد ماتتعشين تنامي..وبكره لنا حديث آخر,,
فريد\فعلا..انا محتاجه راحـه,,ذاكرتي احياء يااختي الدرس دسم وكان بنهاية الدوام!
عواشي\حاولت ارتبه بنقاط,,لمن تمكنت منه,,بكره اعطيك الملخص
فريد\اوكي ياقلبي,,اشوفك بكره سلام
عواشي\مع السلامه
قفلت عواشي على دخول عمتها ساره اللي رمت نفسها على الكنبه من التعب
عواشي\علامك..اللي يشوفك رايحه سباق المارثون!؟؟
ساره\الدرج ذبحني..وانتي حضرتك ملازمه غرفتك من اول ماجيتي من المدرسه!؟
ارتبكت عواشي وردت وهي متلعثمه\مم مالي خلق انزل تحت..كان عندي دروس كثيره ولازم اخلصها قبل ماتتراكم علي!؟
ساره\اي دروس توكم بادين الترم!؟؟
عواشي\والمدرسات يعرفون بدايه ونهايه,,كارفينا كرف..اعوذ بالله منهم!
ساره\يالله كلها اربع شهور وترتاحون من الهم!؟؟
عواشي\اقولك سارونه..مين تحت!؟
ناظرتها ساره بنص عين\لاتخافين هو مو تحت,,
تنهدت عواشي براحه ..
عدم وجود عمها بالبيت حتى لو كانت ساعات معدودة يحسسها بالأمان والطمأنينة
ساره\كل هذا لأني قلت لك هو بره البيت..عايشه..الى متى بتظلمين خايفه منه وتعملين له الف حساب ,,!وش اللي ماسكه عليك..قولي يمكن اقدر اساعدك!.
أنهت عواشي الموضوع نفس كل مره بموضوع اخر\بروح لأبوي.يمكن محتاج شي!؟
طلعت عواشي من عند عمتها وهي كارهه نفسها وجبنها اللي وصلها لهالمرحله..
وحتى لو امتلكت الشجاعة وصارحت عمتها..اللي انكسر مستحيل بيوم ينجبـر,, مستحيـل,,
-----------------
رسخت نفسها اليوم للغداء الكبيـر اللي عملته لأختها
الوجبه الرئيسية كانت برياني بالدجاج,,وتفننت بالمحاشي ..هذا غير المقبلات واولهم ورق العنب اللي تعشقه لولو وعصير الفواكه الطازج
وفعلا هيا نزلت ميزانية الأسبوع بالحضيض..لكن كل شي يهون عشان اختها الوحيده والصغيره
وعلى دخلة اختهـا كان الغداء جاهز ومرتب بصحون معدنيه متواضعة مخصصه للعزايم
جلست فريد بالقرب من لولو اللي ضربتها بالملعقه برقه
تنرفزت فريد وردت الضربه على كتفها\هي هـي وش تبين!؟
لولو رفعت حاجب\بالملعقه..والشوكه..بلا همج!لين متى وانا اعلمك!
فريد بصوتها المبحوح\وليش ان شاء الله انتي ناويه تقطعين الدجاج والورق عنب باايدك!؟
لولو بتلقائيه\اكييييد,,
ماردت عليها فريد وقررت تاكل بسلام وتتحكم بأأعصابها عشان ماتفعصها باايدها اللي تعتبر صغيره بالنسبه لأيد لولو العريضه
كلوا الجميع بااستمتاع والسوالف ماكنت تحلى الا بوقت الأكل ماعدا لولو اللي كانت ملتزمه الصمت ومكتفيه باابتسامه توزعها على الحاضرين وخصوصا لبدور اللي مو عاجبتها حركات لولو السخيفه وامنيتها لو تعطيها ضربه على خدها الوردي وتطيرها,,
لكن لولو كانت تتفن بااغاضة بدور لأنها عارفه انها ما تسطلطفها ابدا..وعشان تغيضها اكثـر كانت تحرك شعـرها البني بكل دلع وغنـج..وهالعدوه شكلها انتقلت لبدور اللي مسكت اطراف جدايلها وتحسست عليهم وكانها ناسيه انه لها شعـر,,
ضحكت لولو بدلع يوم لاحظت حركة بدور وكملت طبقها,,
هيا\عجبك الورق عنبك حبيبتي لولو!
لولو\يجنننن ياخالتي من زمان ماكلت مثله.تسلم هالأيدين!
شعرت بدريه بغيره خفيفه وعرفت انه كلام بنتها لها امس انتج امور ماكانت بالحسبان
بدريه\يالمكاره..توك امس ماكله ورق عنب!
لولو\عاد يمه وبدون زعل..ورق عنب خالتي مايعلى عليه,,
ضحكت فريد بكل جراءه وبدون خوف,,لكن نظرات امها سكتتها
فريد\سوري بس تذكرت موقف مضحك,,ههههههه
طاحت فريد عينها بعين ساره مرت ابوها وبدون شعور خزتهـا وكانها تعودت على هالأمر
وهاللحظه سمعوا صوت حمودي يبكي بالصاله وبسرعه فزت على طولها فريده
فريد\الحمدلله شبعت انا بقوم له,,
وساره مااستنكرت هالحركه منها لأنها عارفه انه فريد تموت بشي اسمه حمودي والحركات اللي تفعلها لها حركات مراهقين وبتنتهي بعد ماتكبر اكثر
هيا\مامداه ينام هالولد,,
ابتسمت ساره بحبور لمرت زوجها\نومه خفيف,,
تكلمت نعيمه هالمره اللي كانت ملاصقه لأمها لأجل تطعمها مثل ألأطفال وتاركه رغد وشهد ياكلون لوحدهم\طالع علي الغبي
احلام\الحمدلله والشكر..تشتم نفسها!
نعيمه عبست وجهها الطفولي\شتقولين انتي؟؟
احلام\اقول كلي ياحظي..كلي يادلوعة ماما
نعيمه\ماما شوفيها!
هيا\احلام خلاص يابنتي!
-----------------
كانت ماسكه حمودي وترضعـه وهي ترمش له بعيونها الوساع لمن داخ راسه بحركاتها ونام..ضمته لصدره بحب وهي تقول فديت قلبي,,هبلت فيه ونام..
لبست نظارتها وغطته بالمفرش القطني بعد ماطبعت بوسه قويه على خده,,
قامت عشان ترجع لهم الا سمعت صوت الجرس..ناظرت ساعتها واستغربت مين اللي ممكن يزورهم الظهر!
توجهت لباب الصاله مسكت المقبض وفتحت الباب بقوه وهبّ عليها هواء حار محمل بتراب لكن هالهواء ماأثر فيها كثر ماهي متفاجأه من الشخص اللي واقف قبالها ومصدوم مثلها..
وقفت فتره قصيره مذهوله...وكأن كل شي سكـن بالنسبه لها..
لااااا مستحيـــل,,!
فريد\انــــت!؟؟؟
قرب منها بخطوات واثقه ومعتاده وعبس وجهه بسخريته المعتاده وهو ينـاظر وجهها ونظارتها اللي ملازمتها من اول ماسافر
وبلهجه تهكميه قال\ايه انا!؟
من تخلل صوته لأذنها قفلت الباب بوجهه بكل قوه وسرعه وتسندت على الباب وكأنها تبي تعاقب نفسها وتنسـى
ظلت فتره وهي مرتبكه مو عارفه ايش المفروض تسويه!
شكله وهيبته وعيونه الامعه اربكوا شي كبير فيها,, ولمن رجعت تتذكر كلمته اللي ماليها الغرور اخذت شيلة لولو المزخرفه بطاووس ممزوج باللون الأخضر والكحلي ولفتها على شعرها بفوضويه وهي تحاول تهدي من روعها عدت من واحد الى الأربعه بلا1 .بلا2.بلا3.بلا4 اوريك ياحمــ...
فتحت الباب كالعاده بكل قوه وشافته مسند ايده على عرض الجدار ويناظرها من فوق لتحت بنظرات حارقه وقاهره,,انتبهت على الشامه السوداء اللي تحت شفتـه ومرسومه بشكل ملفت وغريب وارتعشت وهي تتذكر الماضي,,
وتوه بيتكلم الا قاطعته بكل قسوه \خير..وش تبي!؟
لوى فمه الصغيـر وبرزت الشامه اكثر ورد بـ رد اقسـى من ردها\جاي عشان اشوفك تصدقين!
كان وقع هالكلمات على فريد مؤلم لحد الموت,,لانها عارفه مدى سخريته وعجرفته,,
لكنها اقوى منه ومو هو اللي بيسكتها
فريد\ضحكتني وانا مالي خلق اضحك,,
مصعب\تنكتين حظرتك!.
قالت بكل خشونه\لا..استهبل
قرب منهـا بكل جراءه وهي بتلقائيه رجعـت
ولمن شاف ردة فعلها ابتسم بسخريه
معصب\بيظـل هالعقل دوم غبي! ورفع حاجبه وكمل...ياااا..يافريــد
فريد..
يعني لازم يعذبها بهالكلمه!
دخل من الباب وتركهـا تصـارع العاصفـه اللي هلت من جديد على حياتها!ومانسى يسكر الباب بوجهها عشان يرد لها الحركه!
ليش جاء!
وليش طلعت له!
وليه اليوم!؟
مو قادره انسى!
يارب ساعدني ساعدني !؟
اكرهك..اكرهك..اكرهك لأني حبيتك
::
الكل عرف برجعـة مصعب المفاجأه لكنه علّّل بكل بساطه انه بااجازه وخصوصا لأنه له اربع شهور غايب
جلس بالصاله وجنبه امه..وبالجهه الثانيه كانت قربه خالته هيا اللي تموت فيه..لانها تعتبره ولدهـا اللي ماقدرت تجيبه بيوم
وحوله البنـات اللي يحبـون سوالفه المجنونه وسخريته المعتاده وهو يذكر المواقف اللي تصير معاه وكأنها عسل صافي لقلوبهم,,او حتى صـوته المثير وهو يطـرب ويدق على العـود اللي يعشقونه
يمكن هم مفقتدين كلمة اخ او حتى ولد خال يكون يخلـق جو مختلف بحياتهم العاديه ..وخصوصا احلام اللي مايله له وتحب حكيه وهالشيء واضح من نظراتها له..
مصعب\الغبـي مفكرني هندي مثله ,,وبيني وبينكم انا كنت ظابط الدور تمام,,شعري كنت مرجعه لورى بجلّ والجينز كان متقطع ويقولون انا مااقول انه موضه,,هذا غير كم كلمه هنديه صرت اطق طق فيها وامشي فيها يومي,,واحلى حاجه اني تعشيت بمطعهم ببلاش ,,ولا..وعزمت صديقي بعد معي,,بس الله يهديه كثر لنا الفلفل وصـار عندي مغص بالمعده,,
ضحك الجميع على سالفته..ماعدا بدور اللي تكره غروره,,وودهـا تفشله ولو مره وتاخذ دور فريد,,حطت رجل على رجل ومثلت الأهتمام
بدور\عجيب انت ياولد خالتي,,يوم كنت تدرس باامريكا افتكروك توم كرز على غفله و لحقوك عشان ياخذون توقيع من شخصك الكريم
ويوم مشيت بشوارع دبي افتكروك هندي من ربعهم,,وبلهجه ساخره كملت ,,,حدد موقفك انت مين بالظبط!؟
رفع مصعب حاجبه بثقه"نسخه من اختها"
وقال بطريقه مظحكه وساخره لا انا مصعب ولد خالتك,,
لولو اغتاضت من سخرية بدور الواضحه \فديت اخوي يهبل طالع علي,,اقول مصعب حبيبي بكره وصلني المدرسه خلني اكشخ بين البنات!تكفـى قول أيــه!؟
بدريه غيرت مجرى الموضوع بسؤالها\كيف عرفت انا احنا بيت خالتك,,
مصعب\وصلت البيت وماشفت غير الخدامه سألتها عنكم وعلى طول جيت هنا,,
بدريه\حبيبي اكلت!
مصعب\لايمه شبعان مالي نفس
هيا\افا يامصعب..ماتبي تذوق اكل خالتك
بدريه\خالتك تبي تسوي اعلان لأكلها!
ابتسم بحنان\تعرفين نفطة ضعفي..لكن ماتقصرين ياخالتي مره ثانيه اجي واتغدى عندكم,,الا وين عمي!
هيا\عمك رسلنا له الأكل بالمحل.. مثل ماانت خابر ماتغير شي!
لولو\مصعب..وش جبت لي هالمره!
مصعب\كل اللي وصتيني عليه جبته!
لولو مدت بوزها بدلع\لا خل هذيلا على جنب ابي هديه منك!
مصعب\ههههه جبت عاد فكينا توني راجع!
فهيمه\وانا جبت لي!؟
دخلت فريد الصاله وناظرها بشماته\اكيد..وهذه يبي لها كلام,,
انحرجت احلام وسكتت,,
اما فريد فكانت تغلـي
هيا كانت توها تنتبه لبنتها اللي جلست بااخر الصاله
هيا\فريد سلمتي على ولد خالتك!
رد مصعب قبل ماتتكلم\ايه ..وابتسم بخبث...هي اللي فتحت لي الباب..
لولو بخيبة امل\حسافه..فاتني اللقاء,,
وقف مصعب على رجوله\يالله انا طالع,,
قاموا الكل بعده,,ماعدا فريد اللي ماحركت ساكن ظاهريا,,
هيا\وين!؟
ظهر على وجه مصعب الأرهاق\برجع البيت برتاح شوي..
بدريه\خلاص حنا وياك,,
هيا\تو الناس ماشربتوا الشاي..
بدريه\مره ثانيه..ولاتنسون الخميس كالعاده..
لولو\فريد..
فريد كانت موطيه رأسها وتتحاشى مصعب ونظراته الحارقه
تكلمت بصوت واطي وهي تحرك ايدها بالهواء\هاه!؟
لولو قربت من اذنها وهمست\قرت عينك!
فريد زمت شفايفها وزادت بحت صوتها من القهر\كلي عسل لا اتوطى ببطنك !
لولو رجعت تهمس بااذنها بدون اكتراث\اتحداك
رفعت عينها وخزتها وهي تظغط على اسنانها\اوريك بكره,,
لولو\ههههه طيب عطيني شيلتي..
فريد\اي شيله!
لولو\اللي لابستها..!
توها بتفصخها فريد الا انتهبت لنظرات مصعب الساخره,,نزلت ايدهـا وهي ترتعش ومشت للمطبخ بخطوات سريعه وهي تصـرخ\لــولـو
دخلت عليها لولو وحصلت ضربه محترمه على راسها
---------------
عبست وجهها وهي تنـاظر تورم عيونـه اللي مجتمع فيها الدم بشكل ملفت ..مسكت ايده ووضعت فيها كيس مليان ثلج
جلست بقربه وهي تحاول تكتم غيضهـا\ليش ماكلمت المدرس عنهم من زمان!
رد عليها رضوان وهو يبكي من ألألم\شو تبيني اعمل لهم...هم اربعه وبيهددوا فيني من اول السنه!
صرخت عليه وهي مقهوره على اخوها لكنها مو قادره تسكت \ولو المفروض ماتمرئ الموضوع بسهوله!وتوقع أي وقت ويضربونك مره تانيه!انت المفروض تكون شخصيتك اقوى وتدافع عن نفسك
ماردّ عليها رضوان وظـل يأن من الم عيونه المتورمـه,,الضربه اللي جاته كانت قويه لشخص هزيل الجسم مثله وهي عارفه انه اخوهـا على أي ضربه ينهار,,وللأسف هذه مو اول هجوم ولاتحـرش يسببونه الأولاد بالمدرسـه لكن اللي مثل شخصية رضوان الانطوائيه ارغمتهم يتمادون اكثر هذا غير سخريتهم المتواصله لأنه اجنبي بنظـرهم وغير مرغوب فيه بينهم
رضوان\قولي لأمي اني مو رايح المدرسه بكره.مابدي روح!
حنان\مو على كيفك..بتروح بكره وكمان بعده,,انت بموقفك هدا بتبين للكل انك خايف منهم
رضوان\المدير قال لي لازم يجي ابوك..والأولاد بيتوعدوا فيني اذا جبت ابوي!
حنان\وانت طبعا ماارح تقول لـ بابا صح!؟
رضوان\قالت له ماما !
حنان\وشوا رد!؟
تكلم رضوان وهو مجروح من الأعماق\قال اني ضعيف شخصيـه ومو رجـال,,, دمعـت عيونه يوم نطق بكلمة "مو رجال",,
اما حنان مافجأتها الكلمه لأنها عارفه انه ابوها مو اول مره يصـرح بهالكلمه بكل بشاعه..ولو نرجع للحقيقه فالسبب الرئيسيي بضعف شخصية وانطوائيته هم ابوها وامها اللي كانوا يعاملوه كأنه طفل ماتعدى الخمس سنين وحتى لمن صول لمرحلة المتوسطه وبداية مراهقته,,كان مصدر خوف وقلق بالنسبه لهم لكل امر غريب وجديد يتطفل حياته وممكن يغير افكار عقله الصافي
وحتى الببسي والرحلات المدرسيه و السوني (بلايستشين) واشياء كثيره كانت مصدر متعه لحياة أي طفـل فهي ممنوعه عليه ,,ضغطوا عليه من جميع الجهات لمن اصبح تفكيره محدود وسطحي وللأسف بحكم شخصيته ماكون لحد الآن صداقه وحده,, وايضا ممكن وجودهم ببلد ماهي بلاده كان سبب آخر علي عدم اجتماعيته وتعـرفه للمجتمع الخارجـي,,
رضوان ماكان يعـرف غير اطار بيته وبيت عمته اللي مفتقده الأولاد بشكل عام وإطار المدرسه اللي أصبح مدمر في بعض ألأوقات اذا كانت الصحبه سيئه ..,,
وهذه الأسباب اثرت بشكل كبيـر على شخصيتـه السلبيه وحتى مدافعته عن نفسه فشل فيهـا
تجمعت الدموع بعيون رضوان البريئه وهو يشكي حاله الكئيب وهلت بكـل ضعـف حيله\انا مابحب المدرسـه كرهوني فيها...مابقعد مع حدا ولا اعرف حدا وحتى بالفسحه اضل بالفصل لحالي..اشوف الكل له صاحب ..يضحكوا ويلعبوا مع بعض...وأنا وحيد,,انتظر لمن يدق الجرس ,,واتمنى النهار كله يخلص عشان ارجع البيت..انا وحيد ياحنان
من سمعت حنان كلمته والوحده المؤلمه اللي يعيشها حضنته بقوه وهي تبكـي معاه
هي محظوظة لأنها اجتماعيه وكونت صداقه ماعمرها حلمت فيها بيوم..تخيلت لو هي محرومه من صديقاتها كيف بتكـون حياتها وهي غريبه..وببلد ماهي بلادها
الموقف صعب جدا,,وأخوها كان الضحية
--------------------
دخـل غرفتــه وشعـر بشوق كبيـر ناحيتها,,
كانت مقسمـه لجزئيين الجزء ألأول كان مثل الجلسه العربيه لأنه يحب يدق العود بهالمكان
والجزء الثاني كانت مساحته الكبرى للسرير المتشبع بالمخدات الرماديه الشاحبه,,ويتوسط الغرفه بيانوا عريـض يثير أي ايد على لمسه بسبب عرضـه العجيب,,
والديكور يتخلله اللون الأزرق الفاقع والرمادي الشاحب الامع مع ستائر بسيطـه حريره تدمج اللونين بشكل غريب وعملي
وعلى عرض الحائط كانت صوره لها مرسومـه باتقان وكأنه فعلا توم كروز ببدلته السوداء وبحدة عيونه البنيه وبشرته القميحه,,والأهم الشامه السوداء اللي اعطت شكـل مختلف ومميز لملامح وجهه,,
رمى نفسـه بشكل عرضي على سريره وغمـض عيونه وهو يسترجـع الموقف والأهم يسترجع صورتها اللي محفوظة بمخيلته..
نفس العيون الواسعه ,,نفس تسريحة شعرها الأجعد وبحة الصوت المميزه..
نفس الجينز الفضفاض والتيشرت الغريب,,
ماتغير شي فيهـا,,حتى النظاره المجنونه الكبيرة الحجم ماتغيـرت,,
عصبيه ومتهوره و غبيـه..وغبيـه
لكن على مين هالحركات يافريد!؟
لولو\مصعـــب!
يكـره كل شي اذا شخص قطع افكاره وسرحانه,,وبثواني يتغير موده
فتح عيونه بكسـل وضيق \وعمـى وش تبين!؟
قربت منه لولو\من بدايتها وعمى!.وانا اللي مفكره انك تغيرت!؟
مصعب\لولو..تعبان وابي انام..والهدايا بالشنطه الطويله خذيهم وفكيني,,
تفشلت لولو لأنه عرف مقصدهـا,,لكن هذا مامنعها انها تكمل بقية مخططها..خذت الشنطـه بعجـل والحمدلله انه تجرّ لأنها كانت ثقيله,,
لولو\اقولك وهدايا بيت خالتي,,!
مصعب تملل منها\لولو..فكينــي كل وحده لها كيس مكتوب باسمها,,
لولو\اها
مصعب بصوت حاد\بـره
حطت ايدها على فمها وهذه ثانيه مره يفشلها ,,طلعت بسرعه بعد مااغلقت الباب بهدوء وجرت الشنطه بكل مااوتيت من قوه,,
---------------
مـرت الأيام والطيـور لازالت تحـاول على التحليق مجددا وبدون رتابة وملل لكنها لازالت داخـل أعشائها وتتطلع للنور والنضج,,
لمن حلّ يوم الأربعاء الموعود الذي كان اشبه بالعيد للطلاب
عايشه\طيب ليه تغيب وتضيع دروسها اظن المشغل لاحقه عليه!؟
حنوا\انتي شكلك مابتعرفي لولو,,مفكره نفسها بتروح زواج,,
فريد\انا يعطيها كم ضربه تأدبها بكره اذا شفتها,,
عايشه\اخيرا انتهينا من اول اسبوع..والله احسه اطول اسبوع مرّ علي!
حنان بلهجه حزينه\تصدقون انا عكسكم مابحب ألأربعاء!
عايشه\ليش!؟
حنان\لأني بظـل لوحدي بالبيت..وبملّ,,اما اذا كان في مدرسه بيكون الوضع مختلف لأني بشوفكم,,
فريده حركت ايدها بسخريه\اللي يشوفك يقول انه اجازتنا شهر..هي كلها يومين وبتلوع كبدك من وجيهنا!
عايشه\يااستي عليك مصطلحات غريبه..صحيح ئرده!
فريده شعرت بالأهانه من كلمة حنان\انا..واشرت على نفسها من فوق لتحت,,,قــرده!؟؟؟؟
حنان\لااااااااا هههههههه انا بقصد ئرده يعني خبله نشيطه متحمسه..عيني هي مو سبه عندنا.بعكسكم,,
عدلت فريد من هندامها وضبطت نظاراتها وكأنها تبغى تسترد كرامتها\اقول بس لحد يسمعك يفكرنا قرود ..وبعدين تخترب الشخصيه
عايشه\ههههههههههههههههه فظيعة انتي!
حنان\عايبوا..عايبوا على حكي..من حلاة حكيكم اصلا,,!
فريد\انتي اللحين زعلانه
تظاهرت حنان بالزعل ومدت شفايفها\طبعا
فريد بااسلوبها الخشن\عندك اربع جدان طقي راسك فيهم..واذا ماعرفت كيف تطقين راسك تعالي لي عشان اعلمك كيف...ومشت تركـض عنها وحنان كالعاده تلحقها..وعواشي تمشي مثل البطه خلفهم,,
---------------
كانت تعتقد انه القصـور هي احلام نتخيلهـا ونبنيهـا بمخيلتنا بأجمـل صوره..وبعد سنين من هالرحله الممتعه والمضي وراء هالخرافـه المجنونه نكتشف انها واقـع.. ملموس..لكنه بعيد كل البعد عنـّا
,,ممكن نتأملهـا..نستشعرها,,او نحلم فيها مرات عديده بدون مللّ وبتلذذ وشهوه قويه تجتاحنا ..لكنها للأسف بتظل مجرد اوهـام محرومين من لمسهـا,,
هذا كان حـال لولو وهي تنـاظر الواجهة الأمامية لقصـر الوزيـر بوعبدالله
طعم الإحساس مرّ
والشعور بالنقـص كان مدمر
والغصة مؤلمه هذا إذا ماكانت قاتله
والضيق والنظرات الزايغه والتايهه تجتاحها كل مازارت هالقصر وتأملته بكـل حسره وقهر
الحلم بعيد فعـلا..والخـوف في ألأنتظـار هل راح يطـول اكثر..او لا!
والكارثه العظيمة إنها لازالت تحلم بهالقصـور وكأنه هالحلم دنى,,دنى وينتظـر كلمه سحريه منها لأجل يـدق الفانوس شعاعه
دخلـت لولو القصر بخطـوات بطيئه وعيونهـا ثابتـه للأمام بفكر شـارد
مشت بالممرّ المفروش من بدايته لنهايته بسجـاد زيتي فاخـر وفستانهـا الفوشيا يتطاير خلفها مع شعرها الذهبي الحديث الصبغ
لكنها ماانتبهت ولاحست للعيون اللي كانت تتأملها بانبهار و عجزت تقاوم جمالها الصارخ كانت هالعيـون مشدوده لها وتناظرها بكـل جرءاه لغاية وصولها اللباب الرئيسي
واختفت لولو الأميره الحسناء وانتهـى المقطـع فيلم ألأميره الممتع
**
دخلـت القصر بقنـاع جديـد ,,قنـاع قوي لأجل تعاصـر هالعالم الغريـب
وبسهـوله..وبكـل خبـث بديهي وذكـاء فطري قدرت تتـأقلم مع وضـع الطبقه المخمليه وكأنهـا منهم
ضحكت مجامله,,والفت اكاذيب بيضاء لأجل الكمـال والتنـاسب
وانتصرت كعادتهـا وقدرت تستحوذ اعجاب الكـل بغنجهـا وجمالهـا ورقتهـا
القت نظـره خاطفه على امها ولاحظـت انها تتبع نفس اسلوبهـا لكن بخفـه وبكل حذر..وتأكدت مليون..
انه العرق دســــاس,,
سندس\فستانك يالولو واااااااو ,,مرّ علي مثل تصميمه لكن مو عارفه وين!؟؟
فستـان لولو كان من حنوا اللي مصممته لها من فتره لأنها تثق بذوقهـا...لكنها ترددت تقول لسندس
حاولت تغيـر مجرى الموضوع لأجل ماتبين النقـص\وانتي كمان فستانك مره خطيـر..حلو دمجك للألوان,,!
سندس بضحكه ناعمه\ثعجبيني ياحلوه..
سندس بعمرّ لولو والبنت الصغيره لعيالة الوزير ويأتي بعدها ولد اصغر اسمه "جاسر"
وعندها اربع اخوان غير جاسر,,
عبدالله ,,نوره ,,و.سامي,, وركان
عقلها جدا محدود واهتمامتها بالحياه ماتحمل ألأثاره
وهي ولولو يلتقون بنقطه وحده الغرور وحب المظاهر
"
ارتفع صـوت نانسي بـالـ d.j الصاخب
وبدأ الرقـص اللي كان من الأساسيات الرئيسيه بأي حفلـه
واول من ترئس حلبة الرقص هي لولو اللي ربطت وسطها سندس باايشارب احمر
وجميع العيون كانت على هالبنت اللي سلبت عقـولهم الفارغه
------------------
طعمته وسقته الماي باايدهـا ولمن هزّ لها برأسه..عرفت انه اكتفـت معدته
قربت منه طبق الماي وحطته بكفوفه وغسـل ايدينه
وحركة الطـاوله بعيد عنـه وجلست بقربـه وحكـت معاه عن يومهـا الدراسي وكان الجزء ألكبير من سوالفها محتلينه صديقاتها الغاليات على قلبها
اما هو كان مستمـع باانصـات وابتسامه حنونه تحثها على اكمال حديثها,,
ولولا المـرض والصـم كان شاركها حديثها الوحيد
عايش\وبس يالغالـي.وش رايك ببنتك وصديقاتهـا,,!
هز راسه ابوها ومسـح على شعـرهـا وهي تنـاظـره وتدعي ربهـا انها مايحرمها من هالقلب الطيب واللي بقى لها بهالدنيا المظلمه
عايشه\طيب يالغالي...اخليك اللحين عشان ترتاح وتنام,,
اشرّ لها بأيدهـا بمعنـى"بتنامين!"
هزت راسها وقامـت وخفضت من الأضاه وسكرت الباب وراهـا
وخطـرّ على بالها تتابع فيلم هندي..
وبالفعل راقت لها الفكـره ونزلت للطابق الأرضي
وهي مطمئنه نفسيا لأنه حمد مايرجع الا وجه الفجـر
لكنها خابت كل ظنونهـا لمن سمعـت صوته القاهر اللي اتى من خلفها
حمد\وين رايحـه ياحلوه!؟؟؟
--------------------
لازالوا مراهقات باأفكـارهم وتصرفـاتهم وسيـرة حياتهم
انتظـروا تحليق الطيور ليكشـف عن سر مصعب وفريد
وغموض عواشي وحمد
وحب حنوا الخيالي
وطموح لولو المجنون
والحياه المجهوله لباقـي افراد الطيور