منتديات قصايد ليل - عرض مشاركة واحدة

05-21-2012

عند الباب:
بندر:كنت مصدوم من كل شي قالته ماتوقعت ترفض مقابلتي لهاالدرجه نظرتها لنفسها سلبيه معقوله أني أنا سبب حزنها
أنصدمت من نفسي ماتوقعت يصير لها كذا بسببي.
طلع الدكتور محمد: أنصدمت يوم شفت دموع بندر نازله ماتوقعت أن رجل بشخصيته وهيبته ممكن تنزل دمعه من عينه أخذته لمكتبي عشان نتفاهم بموضوع شهد.
مكتب الدكتورمحمد:
بندر:ممكن أعرف ليه رافضه تشوفني.
محمد: أنت سمعت وش قالت أنت سبب تعاستها وحزنها لاتخليها تكرهك ترا أن شافت وجهك وهي بهذي الحال يمكن تكرهك طول عمرها.
دخل الدكتور فواز:بصراحه زوجتك تعاني من مشكله نفسيه وضغوطات نفسيه ماكانت تفضفض لأحد وطول حياتها كانت تكتم بقلبها حزنها ماتحملت الكتمان جاها الإنهيار العصبي ويبدو لي أن السبب أنت واللي أسمها عهود.
بندر سكت.
فواز:أنا ماأنصحك تقابلها .
بندر: متى بتطلعونها.
فواز:بعد ماتتحسن حالتها النفسيه.
بندر:حالتها مطوله.
فواز: لا بس ياريت تجيب لها كراسه وقلم رصاص ومساحه وتبي دفتروقلم حبر وتبي جوالها.
محمد:معي جوالها تقدر تعطيها الجوال.
بندر وقف : بروح أجيب الأغراض لها.
طلع بندر وشرى الأغراض وشرى لها كتاب لاتحزن وكتاب أستمتع بحياتك وشرى باقه ورد من الجوري الأحمر وجاب لها أكبر علبه جالكسي جواهر يبي يراضيها.
أعطا النيرس الأغراض وودتها لشهد.
شهدفرحت يوم شافت الأغراض: بصراحه ظنيت أن سامي أخوي هو اللي جاب لي الجالكسي والورد لأني إذا زعلت عليه جاب لي وردأحمر وجالكسي بس العلبه كبيره.
أنتبهت لظرف بداخل الورد فتحته:
لاتعاتب قلب حب غيرك وانجرح
لاتعاتب روح ذبحها الوله
أناحبيبك ليه ماتبي تشوفني
هذا جزاتي يوم تعنيت لشوفك
ياحبيب الروح طالب سماحك
يهون عليك أحزن وأعيش مهموم
أناأبيك ولوماأبيك ماجيت
أطلب سماحك ياحبيب قلبي
تعال وخل القلب يفرح بشوفك
تعال وخل الروح تعيش فرحه لقياك
أناأسف ياحبيبي أسف
ولوبغيت الروح برخصها لك
زوجك وحبيبك بندر
بعد ماقرأتها تضايقت ورجع لها الموقف اللي شافته عند المسبح عصبت وقالت للممرضه ترمي الورد والجالكسي والكتابين برا الجناح.
بندر:أنجرحت يوم سمعتها تقول ماأبي شي منه وزاد حزني يوم الممرضه رجعت لي الورد وعلبه الجالكسي والكتابين.
شفت الظرف أخذته أنتبهت أن مكتوب عليه شي
لوالأسف يفيد كان فادك من زمان عمرالقلب مايقبل أسف خاين
خنتني ولوجبت لي كنوزالدنيا رضاوه
برميهم بوجهك وماأقبل عذرك
جرحتني ثم طعنتني ثم ذبحتني بخيانتك
لي متى أسكت وأنا أشوفك خوان
اليوم خنتني قدام عيني بكره ماندري بتخونني وين
خلاص ماعاد ينفع إعتذارك لأنك سبب موت ضناي الوحيد
مات طفلي ومات حبي لك
وياليت ترسل لي ورقه طلاقي
خلاص ماعاد فيه شي يربطك فيني
مدام انك خاين وأكبركذاب
بتقول أحبك بقول كذاب
أنبك ظميرك وارسلت لي إعتذارك
خلاص ماعاد بيننا شي وياليت تحفظ كرامتك وتتركني بحالي
مثل مادخلنا بالمعروف نطلع بالمعروف
القلب عافك والخاطرماعاد يبي إنسان خاين.
تحياتي لك مع أنك ماتستاهل:
بقايا قلب محطم
أنصدم من الرساله وقرر يتركها ترتاح إلن ماتطلع من المستشفى
مرأسبوعين من العلاج وشهد بدت تسترجع قوتها وسمح الدكتور بزيارتها كلما جاء بندر بيدخل لقى عندها حريم وتنتهي الزياره وهو ماشافها أرسل لها باقات كثيره ملا الغرفه بالورد الأحمركانت ترسم رسومات وخلصت الصفحات من كثر رسوماتها
طلبت من الدكتورفواز يجيب لها كراسه جديده وافق بس طلب منها تعطيه كراستها
أعطته الكراسه وشاف رسوماتها ولاحظ أكثرها حزينه ماتوقع أنها تتقن الرسم طلعت فنانه في الرسم
شاف بندر الرسومات ضاق صدره كلها حزينه مافيها فرح.
رسومات شهد ساعدت الدكتور فواز كثير لأنه عرف شخصيتها منها هي إنسانه مرحه وفرفوشه ومرجوجه وبعد زواجها أختفى كل شي من رجتها وفرفشتها بسبب ثقل مزح بندر لأنه كان يمزح معها مزح ثقيل تحب الصراحه لاكنها مالقت من يستمع لها فكتمت بقلبها تحملت الإنتقاد داست على قلبها تبي تثبت ذاتها لاكن بندر دفن ذاتها بإنتقاده تحب اللون الأحمر لأنه يحسسها بالإثاره والمغامره وتعشق اللون الوردي لأنه يريح اعصابها ويحسسها بالدفء هي حساسه وتخفي إحساسها بالقوه تتصنع القوه وتغلط بالكلام ماتبي تبين أنها ضعيفه عندها قدره على التعبيرعن المشاعر لاكن ماتحب تبين لأحد تخاف من رده فعل الناس
تجاهها, تحب بندروماتتحمل أنتقاده كرامتها أهم شي عندها وغيركرامتها مايهم .
تحب ترسم وأكثررسوماتها تحمل مشاعرها وأحاسيسها والشي اللي بخاطرها وودها فيه فهم منها أنها تبيه يحبها ويحسسها بالحنان لاكن بندرماقدرحاجتها للحب والأمان لأنها في بيت اهلها ماتحس بالأمان فظنت أن بندر بيعوضها هذا الحرمان وهي إنسانه فاقده الحب في حياتها .
في يوم من الأيام كانت شهد جالسه ترسم دخل الدكتورفواز ولاحظ عليها السرحان في الرسم تنحنح
فواز:كيفك اليوم.
تنهدت بقوه:الحمدالله احسن من أول.
فواز: وكيف النفسيه.
شهد:الحمدالله.
فواز: تغديتي.
شهد:لا مالي نفس أكلكم يسد النفس.
فواز ضحك:طيب وش تامرين عليه.
شهد:متى موعد الزياره.
فواز الأن الزياره مفتوحه إلى الليل.
شهد: طلبتك جبولي اكل من مطعم .
فواز:بس بشرط تاكلينه كله.
شهد:ماأعرف أكل ألحالي.
فواز:ممكن أسألك سؤال أنتي أمك وش أسمها.
شهد:ليه.
فواز:مشبه بالأسم بصراحه أناعندي أخت من الرضاعه يمكن تكون هي لأني من زمان مقاطعها.
شهد:أسم أمي الجوهره وليد محمدال......
ضحك الدكتورفواز:تدرين أنك بنت أختي.
شهد:لاماأعتقد.
فواز:إلا صحيح أنتي جدتك الله يرحمها أسمها مزنه بن خالدأل....
شهدشهقت: وش دراك.
فواز:وخلاتك أساميهم هنوف ونجود وفهده صح وخوالك تركي وسامي ومتعب صح.
شهد:إيه صح وأناأقول الدكتورطاقها ميانه اثاري صرت خالي من الرضاعه.
فواز:إيه خالك بس بالمستشفى انا الدكتورفواز وبرا المستشفى ناديني فواز.
شهد طقت الميانه معه بإستهبال:طيب أناعازمتك على مطعم محترم.
فواز:لا أنااللي عازمك ماأصدق أن عندي بنت أخت مثلك.
شهد:وليه يعني.
فواز:لأن كل عيال أخواني وخواتي أولاد وبناتهم كبار وعيالهم قدك من كان عمري شهر وأناكنت خال وعم في نفس الوقت.
شهد:هههههههههههه.
فواز:بس خلاص ترا بيعورك بطنك.
شهد:ههههههههههههههههه.
فواز:خلاص شهد وش قلنا.
فجاه دخل سامي:ماشاء الله الضحك واصل لمواقف السيارات.
شهد: تستخف دمك.
سامي يدري أن فواز خاله.
سامي:أوهو الخال هنا.
فواز بعبط: شايفني عبد عندك.
سامي: واك واك خخخخخ ماتضحك.
دخلت أم وليد ماكانت تدري أن فواز أخوها عصبت يوم شافت شهد فاتشه وتضحك وهي ماسكه يد الدكتور فواز.
أم وليد:عيب يابنت أستحي ليه فاتشه.
فواز:وشلونك حصه.
أم وليد بإستغراب:الحمدالله.
فواز:ماذكرتيني أناأخوك من الرضاعه فواز ولد نوره أخت أمك مزنه الله يرحمهم.
أم وليد كنها تستوعب فواز:فواز اللي يوم كنتي صغيره رماك على الدرج وأنحاش.
تذكرت:ههههههههههههههه من وين طلعت خبري بك أنك مسافر بس وشذى القطاعه أذكرأخرمره شفتك فيها يوم عرسي
على أبو وليد بعدها أختفيت تصدق حتى نسيت أن عندي أخو من الرضاعه.
سلافه بلقافتها المعهوده:أنت متزوج.
فواز:من ذي.
أم وليد: هذي بنت بنتي الكبيره.
فواز:وهي كذا تطق الميانه على طول.
أم وليد: ماعليك منها.
سلافه: أنت متزوج.
فواز: لاأحصل لي عندك عروس.
سلافه: بدور لك على ذوقي.
سامي:أشتغلت الخطابه الله يعينك الحين بتغثك بإزعاجها.
سلافه طلعت لسانها بوجه سامي:مايضحك.
سامي:تراها بزرلاتهمك.
سلافه:أمي حصه أفتشي هو أخوك.
أم وليد أنحرجت وأفتشت.
فواز:تشبهين أمي مزنه الله يرحمها.
أم وليد: الكل يقوله الله يرحمها.
بعد مروريومين جت ام بندر للمستشفى وراحت عند شهد وكان بندرواقف عند الباب أستغل وجود أمه يدري ان شهد ماراح تعصب عليه بوجود أمه فقرر يدخل وقف عند الباب لأن أمه وقفت بالممرجتها مكالمه وجلست تسولف وهي جالسه على الكراسي أستغل الفرصه وقف قدام باب الجناح سمع صوت ضحك قرب أذنه عشان يسمع كانت شهد تضحك هي وفواز حس بغيره يوم سمها تسولف بكل حيويه وسعاده فتح الباب طل من فتحه الباب شاف الدكتورفواز جالس جمب شهد وشهد تدلع عليه وكان ياكلها وياكل معها ماحس بنفسه إلا وهو داخل ومتهجم على الدكتور فواز صرخت شهد.
بندر: جالس مع حرمتي تضحك وتاكل ولامن زين الطبايع توكلها وهي فاتشه لك ماكنك أجنبي عنها.
الدكتورفواز: طيب أسمعني.
بندرخانق الدكتور: وش بتقول كل شي صار وقدامي وتقول أسمعني.
شهد صرخت بصوت عالي تذكرت منظر بندروعهود عند المسبح صرخت بصوت عالي هذا خالي ياحيوان أتركه ياحيوان هذا خالي وبدت تضرب بندرأنهارت بكى :ليه كلما فرحت دقيقه تجي تخرب علي وتحسسني بالتعاسه ليه.
بندرشافها تصارخ قرب منها وترك الدكتورتوه يستوعب أن الدكتورفواز خال شهد
شهد بدت تصارخ: أطلع برا ياحيوان برا.
فواز عرف أن أعراض الأنهيار بدت تظهر على شهد مره ثانيه سحب بندر وطلعه برا ورجع للغرفه بعد مالحقوه الممرضات يحاولون يهدون شهد اللي بدت تصارخ ماأبيه ماأبيه ماأبي أشوفه بعد نص ساعه من الصراخ هدت أعصابها يوم أعطاها فواز مهدىء خلاها تنام.
طلع وهو معصب شاف بندر:الحقني لمكتبي.
دخل بندرمكتب فواز وهو متفشل بدال مايعدل الأمور خلاها تسوء أكثر وأم بندر جاء ياخذها محمد يوم شافت شهد منهاره.
فواز:ألحين أناكم مره قايل لك لاتدخل عندها.
بندر:لاتلومني حط نفسك مكاني تشوف حرمتك مع واحد أجنبي عنها وتضحك معه وتأكله بيدها وهونفس الشي يأكلها وش بيصير موقفك.
فواز: والله أنا خالها من الرضاعه وإذا مومصدق دق على حصه اللي هي أم وليد وبتقول لك بعدين هذا مايبرر تصرفك توها أسترجعت صحتها وصارت تضحك حتى الأكتئاب راح جيت أنت وخربت كل شي يعني بابدأ بالعلاج من جديد تدري أن اليوم المفروض تطلع من المستشفى لأنها طابت وجيت أنت .
سكت لأنه عصب:أستغفرالله , اسمع يابندر شهد قبل كانت وحده ماأعرفها أماالأن بماأني خالها والمشرف على حالتها فأنا أقولك من الأن أن ضر بنت أختي شي ماتلوم إلا نفسك ورجاء لاعاد توريني وجهك هنا ولالاتحداني أحط حراس عند باب جناحها عشان ماتدخل.
بندر:هي زوجتي ومن حقي اشوفها.
فواز:لامومن حقك إذا كنت أنت السبب في إنهيارها مالك أي حق تشوفها وأنت شفت رده فعلها يوم شافتك جاها إنهيارعصبي.
بندر: بس أنا.
قاطعه الدكتور:هي ماقالت لي عن المشكله اللي سببت لها الإنهيار لاكن صدقني لو أعرف وش صار ماتلوم إلانفسك وشكل المشكله كبيره لأنها من شافت وجهك أنهارت لاكن قريب راح أعرفها وساعتها بتندم كثير يابندرعلى كل دمعه نزلت من عين شهد عشانك.
طلع بندروحزن العالم كله بصدره مايدري كيف بيراضيها.
بعد مرورشهر من العلاج بدت حالتها تتحسن وفواز كان يشوف بندر يجي كل يوم يتطمن على شهد ويروح
وفي يوم من الأيام صارت حالتها النفسيه ممتازه جدآ وسمح لها الدكتور تطلع لأن العلاج أنتهى.
كانت ترتب أغراضها بيجي سامي ياخذهاللبيت فجأه دخل بندر
بندر:دخلت وماأنتبهت لوجود كنت أطالعها فرحت لأنها تعافت قربت منها أبي اضمها أشتقت لها طالعتني بنظرات إستحقار.
شهد:يوم شفته تمنيت أذبحه بيدي .
بندر: شهد وشلونك.
شهدساكته.
قرب: ممكن تسمعيني.
شهد: لا ممكن تطلع برا.
بندر: شهد أنا زوجك.
شهد: هذاك أول الحين الوضع أختلف.
بندر: لاكن أنتي إلا الأن على ذمتي.
شهد: أحفظ كرامتك وطلقني.
بندر:ماأقدر.
شهد: طيب ولابالغصب بتطلقني فاهم.
بندرقرب يبي يضمها صدته: لاتحاول ماراح أقبل إعتذارك لووش تسوي خلاص القلب عافك وأنت بالنسبه لي جزمه حتى الجزمه انظف منك.
بندر:عاذرك ومارح أزعل من كلامك وقولي اللي تقولين بس طلاق ماني مطلق.
شهد: شي راجع لك .
بندر:ممكن تجين معي بوصلك للبيت.
شهد:شكرآ أخوي جاي بياخذني بروح بيت اهلي.
بندرأنصدم من ردها: وأنا موزوجك.
شهد:لا ولااعترف بك أصلآ لوأنت تعترف بي كزوجه ماكان رحت للحيوانه لاكن مايفيد الكلام طاح الفاس على الراس وماعاد يفيد شي بس ياليت ترسل لي ورقه طلاقي.
شالت الشنطه وتغطت وأطلعت وتركته وهو حزين:ليه ياشهد ماتحسين فيني ليه.
لحقها مسك يدها يبي يوقفها سحبها جهته:أسمعيني طيب.
فجأه جاء سامي: ياعيني على الرومنسيه ماسك يدها وحركات كل ذا خوف عليها.
شهد سحبت يدها:سامي ودني للبيت.
سامي:طيب وبندر بتخلينه.
شهد:مومهم ياالله ألحقني بروح للسياره.
أستغرب سامي من تصرف شهد لأنها راحت وماعبرت بندر.
سامي: أعذرها تعبانه.
بندرتنهد: معذوره ماألومها.
سامي:خلاص أجل تامرشي.
بندر:سلامتك.
طلعو من المستشفى