كل الذي بيني وبينك حراشه
سوالفً مامن وراها تكاليف

مايشفي العله رحيق الفراشه
نفسي دواها يافراشه عسل صيف

ماهو من اللي كل ملقوف خاشه
اللي في الاسواق زاد الملاقيف

دواي فاللي عالياتن مناشه
هذا دواء قلبي وهو مصدر الكيف

ادفع عليه المال واعطيه كاشه
اتعب عليه ولا حسبت المصاريف

وآطى برجلي فوق روس الحناشه
وارقا على العليا بروس المشاريف

من فضل ربي ماخذيت الرشاشه
ولا سعيت بالشر بين المواليف

ماني كما اللي ماكل الحقد جاشه
والوجه شاشه والاذاني مغاريف

راسه كما الريموت والوجه شاشه
ماعنده الا اللجلجله والسواليف

نفسه معودها على اخذ الخشاشه
ويفر لاشاف المواجيب والضيف

السكب 12

حصريه هنا