01-25-2020
|
#367
|
الليالي برد واشواقي هبوب والشتا يذبح واشوفك باوله
ياغناة الروح ماغيرك ينوب والتعب راحة معك واستسهله
الليالي برد واشواقي هبوب والشتا يذبح واشوفك باوله
ياغناة الروح ماغيرك ينوب والتعب راحة معك واستسهله
وانت في صدري مقدر ومحسوب وبعيوني لك مقام ومنزله
جيت لك ولهان وعيونك دروب ماحسبت حساب دربك ما اطوله
عن جمالك ماقدرت ابعد واتوب كيف اتوب وربي اللي كمله
كن في عينك نزاعات وحروب ترمي القلب بسهمها وتقتله
يا حبيبي والهوى نبض القلوب وكل نبضه بالغلا مسترسله
كنها الهتان في عرض النصوب يحي اوراق الغصون الممحله
لان شوفك ذنب من ضمن الذنوب ومن شرع في الذنب يجزي بعمله
غير انا جيتك وفي صدري شبوب وانت بيدينك تحل المسألة
لان شوفك ذنب من ضمن الذنوب ومن شرع في الذنب يجزي بعمله
غير انا جيتك وفي صدري شبوب وانت بيدينك تحل المسألة
ضمني بالهون ياعذب السلوب قبل تخاذني الثواني المقبلة
والله ان الوقت في عيوني كذوب يسرق العشاق ويزيد اعجله
ودي اعلمك يااغلى محبوب عن مثل تضرب عليه الامثلة
من جهل قدرك عرف معنى الرسوب ومن عرف قدرك ضمن مستقبله
يا حبيبي والهوى نبض القلوب وكل نبضه بالغلا مسترسله
كنها الهتان في عرض النصوب يحي اوراق الغصون الممحله
|
|
|
|
|