في الشرقيه
وقف بسيارته الكادلك قدام قصر بو محمد ... وسوى بوري عشان يستعجلهم .. ينتظرون سهر
مامرت خمس دقايق الا وسهر وسلمان طالعين وسلمان ينطط مبسوووط
اول ماطلعت سهر من بيتهم ناظرها ياسر ولاشعووري اعتدل بقعدته يبي يشوف من هالملاك الي بيروح معهم الملاهي بهالشكل .. ماكان مبين على ملامحه ولاشي .. بس كان يفكر كيف بيمشي جنب هذي الانسانه الي جت معهم .. عمره ماتخيل يمشي مع وحده بهالشكل ... ماكان يقصد بشكلها غلط ولا شي .. بس هي ماتغطي وماشاء الله عليها حلووه .. وعمره مامشى جنب انسانه حلوه مثلها .. كان مو متخيل الموقف..
اركبت سهر ورا عبير وسلمت وبعد ماردوا عليها نطت دانه من حظن عبير للمرتبه الثانيه عشان سلمان
سهر بدفاشه: هي هي انت وياها طلعناكم مو معناها تطلعون قرون صيروا عاقلين ولا ارجعكم البيت
عبير قامت تضحك
"ياسر انصدم معقوله بنت بهاالانوثه لسانها يكون كذا قام يضحك بداخله عليها وبخاطره حلاتها بنت بهالانوثه تبين انها دلع مو دفشه مثل كذا .. عجيبه الدنيا "
دنو : ياثر شوفها
عبير: هههههههههه حللللوه
ياسر مسايرها : سهر اعقلي عن دنو
سهر بقوه: احلف
" ضحكوا عليها "
"وهو مات ضحك عليها كيف البنت مايهمها شي صدق يوم قالوا مدلعه "
سهر بخجل: سوري
عبير:هههههههه لاعااادي
ياسر لسلمان ودنو : دنوو سوومه وين بتروحوون
سلمان عصب: ان مو ثوومه
سهر: ههههههه ياسر يعصب اذا حد قاله
ياسر ويضحك: شسوي الكل يناديه كذا.. من مطلعها عليه
عبير: ههههههههه في غيرها سهر معاملته كنه بنت
سهر: كيفي" وتناظر سلمان" صح سلوومي
سلمان : اي صح
سهر: هههههههه والله انك ماتدري وين ربي قاطك
عبير: ههههههههه من جد
" ياسر كان مبسووط ومتعجب .. مبسووط من الجو الي سوته سهر من دخلت السياره ومتعجب كيف انها غيرت مزاجه من مصدع الى راايق "
" وبخاطره .. والله غيرت مزاج كل الي بالسياره "
" وصلوا ملاهي سباركيز نزلوا كلهم .. كان المجمع رااايق وهاااادي ومافيه الا الهنوود وقليل من الناس والملاهي شبه ما فاضي مافيها الا اصوات الالعاب الالكترونيه طاغيه على المكان ..سهر كانت ماسكه سلمان من جهة ووعبير من الجهة الثانيه ودنو متعلقه بياسر "
" ياسر كان متقدمهم .. وعبير وسهر ماشين وراه ويسولفون ودهم لو يتركون سلمان ودنو عنده ويروحون يتسوقون "
عبير: هههههههه ودك هااه
سهر وتناظر السوق بنظره انكسار: ههههههه اي والله ودي.. خل نحاول فيه
عبير : نو واي هو جايبنا عشان نمسكهم نقوم نتركهم عليه ناويه يذبحنا
سهر: هههههههه خلينا نجننه
عبير: يلالا
" وقاموا يسرعون شوي حتى صاروا قريبين منه"
عبير: ياسر خلاص سوينا الي علينا خذ سلمان ودنو لعبهم وحنا بنروح نتسوق
ياسر لف بقوه عليهم ويناظرهم
سهر:اي .. عاد ماوصيك انتبه على سلمان تراه يفلت بسرعه
ياسر: تستهبلون
عبير ماسكه ضحكتها: لاطبعاً
ياسر بصرامه: اقول لايكثر وامشوا قدامي
سهر وتشيل نظارتها: ياسر شددعوى ماتوقعتك نذل
ياسر يناظرها حس انه خق عليها بس كان ماسك نفسه من الي قاعدين يقولونه ماقدر يعلق ومشى وهو ساكت كان يحس بشي يحرق خدوده بس ماهو عارف شسالفته .. كان وده انهم يتلثمون على القليل لانهم ثنتينهم حلوات وملفتات.. كان غيران عليهم.. بس مايقدر يقول شي
عبير: يلا ياسر
ياسر: عبير لاتستفزوني مافي روحه لكم
سهر: ولييه طيب
ياسر: لاني جايبكم تقعدون مع البزران مو تتسوقون
سهر: وانت
ناظرها ياسر وماقدر غير انه يضحك على ملامح وجهها: احلفي
سهر لفت وجهها عنه : لالا استهبل
عبير: ههههههههههههه نمزح
ياسر يبتسم : على بالي بعد امشوا قدامي لابارك الله فيكم
سهر وعبير يتقدمونه: سعودي بحت
عبير: ههههههههه من جد
"ودخلوا قسم الالعاب "
ياسر: وقفوا انتوا هنا وانا بروح اشتري بطاقات
سهر: كلنا بعد نروح
ياسر يناطرها: وليه؟
سهر: حتى انا ابي اخذ بطاقه لسلمان
ياسر ماحب كلمتها هذي
ياسر ورافع حاجبه : وانا؟ مو عاجبك" ومشى عنهم "
عبير: زين كذا
سهر: يعني وشو امه موصتني عليه..وبعدين هو مو متكلف فيه
عبير: بيزعل الحين من جد
سهر: يوووه شفيه اخوك ذا معقد
عبير: لامو معقد بس عيب
سهر: لاعيب ولاشي بس عليه طلعات فظيعه
عبير: هههههههه ياربيه مالنا خلق عصبيته
سهر: هههههه لالا بتأسف منه
" بعد ماخلص ياسر من صرف البطايق راح لعندهم وقالهم يلا "
سهر توقفه: ياسر
ياسر وقف ولف عليها ورفع حاجب: نعم
سهر في خاطرها شاطر لي برفعه الحواجب وبأبتسامه : انا اسفه
ياسر : حصل خير .. بس لاتنعاد
سهر بأبتسامه اوسع : ان اشاااء الله
ياسر: طيب يلا كل وحده تاخذ كرت ولعبووهم
سهر بنظره: ياسلام وانت
عبير: ههههههههههه
ياسر وهو مستغرب من هالبنت شلون فظيعه بس ابتسم وقال: انا بقعد هناك" واشر على المقاعد "
سهر بعد استحت ولاعلقت ومشت مع عبير يلعبون سلمان ودنو
" اما ياسر راح عند مكان يقعد فيه بس يشوفهم من بعيد .. وكان يفكر بخاطره..شلون بنت عمه فظيعه ماكان يتوقع ان بنات عمه كذا .. وبالذات هذي مبين ابد ابد مايهمهـــــــــا شي "
.
.
.
الساعه : 5:30
كانت الشمس اقتربت للغروب لتختفي خلف الافق ساحبة اخر انوارها عن الشرقيه لتنشرها في جهة اخرى مبينة للكل انها تسير بخطها اليومي موزعة حنانها على كل انحاء الارض الارض بعدل ومساواة لاتفرق بينهم الا اذا منعتها الظروف..
"في بيت ام ياسر"
ام ياسر: يلا يابدر وليد تجهزوا بيأذن الحين
بدر: ان شاء الله يمه
وليد: يمه توه بدري باقي نص ساعه
ام ياسر: يايبه روحوا المسجد توضوا واقروا قران حتى يأذن
بدر: يجي ياسر ونروح سوا
وليد: ياحظهم ابي اطلللللللع
بدر: يلا عاد بسك طلعات امسك نفسك هالسنه وبعدها روح وين ماتبي
وليد ويتنهد: ااااااااااه متى بتنتهى واخذ السيااااره واااااو يلعن ابو الفللللللله
ام ياسر: مافي لك سياره حتى تهجد
وليد خاف امه تتكلم جد: يمه شدعوى هذاني عااقل
ام ياسر : لااااااه
وليد: يمه من جدك
بدر: اجل تستهبل
وليد: وربي اني عاقل
بدر : لاتحلف
"قاطعهم ازعاج الي داخلين "
وليد: لاكاااااااان جيتوا بدري
ياسر: ههههههههه خلاص مره ثانيه بناخذك معنا
بدر بنظره: هو فيه مره ثانيه
ياسر يضحك: ليش لأ
بدر فضل انه يسكت لانه واصله معها مع تصرفات الطايشه الي عنده
عبير: اااااااه طاح حيلي
ام ياسر: عسى انبسطتوا؟
عبير: اي مرررررررره
ام ياسر وتحيي بنتها : دنووو انبسطتي مااماا
دنو : اييييييي ملاهي يدننننننننن
ام ياسر: انتي الي تجنينييين"وتشيلها وتبوسها"
وليد: دنوو مافي بوسه ولييد
دنو تقوم من عند امها وتروح لوليد
وليد ويشيلها: اوووووووب " ويبووسها " ليه مااخذتيني معك؟
دنو: كنت نايم
وليد: لو تبيني كان خذتيني مثل ما اخذتي سلمان
دنو وتضحك : خلاث خلاث بكرا نلوح ونوريك
ياسر: هيهيييييييييي يجيب الله مطر
"ضحكوا عليه"
عبير: حرام عليك ماجننتك.. انا وسهر ماسكينهم طول الوقت
ياسر : ههههههه بس مو كل يوم العيد
عبير: ههههههههه اي والله
بدر فجأه قام : يلا أذن ياشباب " وراح لانه كان متنرررررررررفز"
.
.
.
الجزء الرابع
الفصل الاول
تَعال أَ فجِر معَك بَلونة الأرض بطَرف دَبوْس”
تَعال وجَربْ هباليْ وشِم الوَردّة بعيـنك"
قامت من النووم مفزووعه قامت تتلفت حولها الا انها عرفت انه جوالها يدق بسبب نغمه جوالها المزعجه لانها حاطته قريب منها وماامداها بترد الا سكر طنشت ورجعت تبي تنام من جديد.. مامرت دقيقه الا وجوالها يدق مره ثانيه افزعها وردت بسرعه بدون لاتشوف مييين
...............:بسوووووووووم وجعوووووووووه
بسمه في خاطرها نو وااي منيررره اووووه ورجعت تنسدح من جديد وردت " "
بسمه : هلا
منيره: هلا إنتي وش هلا قووومي قووومي
بسمه كانت عارفه انها راح تنشب لها: منيره انا تعبانه
منيره بخوف ووطت من صوتها: شفيكي
بسمه ابتسمت لانها صدقت: مدري احس جسمي متكسر وراسي بينقسم علي قسمين
منيره: خذتي بنادول؟
بسمه: توني صاحيه لاني كنت نايمه ومو حاسه بنفسي من التعب الي فيني
منيره بحنان: ياحيااتي فعدوينك ولافيك
بسمه برواقه: في حد يدعي على نفسه
منيره: يالملعوووووووووونه الشرهه علي انا ميب عليك
بسمه: هههههه امزح منور شفيك
منيره:تعبانه وتمززح اقول قوومي بس.. "وتشهق" ليكوون مو مداومه ؟
بسمه : الا بداوم بس لسا بدري
منيره: وين بدري باقي نص ساعه على المحاظره
بسمه: ربع ساعه وبكون عندك يلا باي
منيره : باي
"سكرت بسمه منها وكانت تضحك على صديقتها بسرعه تصدق كانت تتذكر ليله امس والسبب الي مسهرها وهي كانت ترسم رسمه غريبه ماكانت تعرف ليش ترسمها كانت مدموجه بكذا لون لايقين مع بعض والي يدقق يشوف ملامح شخص انساان .. كانت كل ماتجي توقف تكمل وتكمل تبي تخلص الرسمه نهائياً .. كانت عاجبتها وتعترف انها احلى رسمه رسمتها .. الي يناظر الرسمه مايعرف ان فيها ملامح .. كانت مبسوطه وهي ترسمها تحس بشعور غريب يجتاحها وهي ترسم... كانت كلها ملامح صورته .. صوره انسان صادفته بحياتها انطبعت صورته بذاكرتها ورسمتها بتشوويش للناظر وصافيه بنظرها ..ماكانت تعرف انها اذا كانت تحبه اولا.. او تحبه وهي ماتدري ..كانت محتاره وماكانت تبي تقعد حيرانه طول الوقت..."
قامت بثقاله واخذت دش وتلبست واخذت اغراضها ونزلت تحت كان البيت هادي كالعاده نادت الخدامه وطلعت معها بدون فطور لانها تفطر في الجامعه ...
دخلت الجامعه بكل حيوويه وبنشاط تحس انها مبسووطه اليووم ومرررررره رايقه عكس الانطباع الي عطته صديقتها انها تعبانه وموقادره تشيل نفسها .. كانت حاسه انها مسويه انجـــاز وصلت لعند ماكانوا صاحباتها موجودين سلمت وقعدت "
منيرهه بدفاشه : هذا الي تقول تعبانه اه ياربييي
بسمه: ههههههههههه منورر حتى لو ماعرفك بتنشبين لي .. ليه وليه وليه "وتزيد ضحكتها" وانا مزاجي ماسمح لي بأني اعطيك الصلاحيه تخربينه
منيره بعيون مفتوحه وتأشر على نفسها: اناااااااا تقولين لي هالكلام يا المفعووصه
بسمه: ههههههههه مفعووصه بعينك يالسحليه
منيره تناظر البنات: بنات شيلوها لاذبحها
سميه: هههههههههههه بسووم شعندك .. وش ورا هالمزاااااااج؟؟
بسمه بغروور: مالكم دخل "وتحرك شعرها بدلع "
منيره تغمز: بسوووم ليكون انخطبتي
بسمه وبقرف: وع وع فال الله ولا فالك " وترجع مزاجها ونظرتها الحالميه " على بالك كل الناس مثلك
منيره سوت انها مفجووعه : انااااااااااااا " وتقووم لها"
بسمه تحركت من مكانها : ههههههههههههه امزح امزح اقعدي بقولك بقوولك
منيره انبسطت وقعدت: يلا قوولي
بسمه وهي تفكر بكذبه : لا بس نايمه بدري"وتطلع لسانها " نانانانانا
منيره :ويييي يامصلك من جد
بسمه تحط يدها على راسها : كيفي
ديما تغير المود: بنات بتشتركون معي بالجيم
بسمه: همممم لا انا ما احتاج
ديما: خل نرووح وناسه بنات منها ننحف وانتي مو شرط تنحفين بس عشان اللياقه مو شرط
بسمه : هممممممم يمكن بس بالصيف
ديما: اي طبعا
بسمه : وبخلي جنووو تجي معنا بعد
منيره: ههههههههه مسكينه مانحفت
بسمه تضحك: لامسكينه بنت عمي مدري وش فيها كل يوم تقول بنحف وبنحف وبنحف ماتبي تجي الجامعه الا نحفااانه ومثكينه تحرم نفسها من الاكل بس بدون فايده
ديما: هههههههه حياااتي حزنتني
بسمه: هههههههه والله تضحكني مسكيينه
ديما: خلاص جيبيها معنا
بسمه: بقول لها
منيره: لاتنسووني انا بعد بجي اضيع وقتي هالصيف دام مافيه سفر
بسمه: اووووووووه يمكن نسافر
ديما: من بدايه الصيف؟
بسمه: والله مدري .. الى الحين
ديما: اهااا شوووفي وقولي لي اوكي عشان نسجل
بسمه : اووووكي
.
.
.
في نفس الوقت في احدى المستشفيات الشرقيه الخاصه ... المعروفه بالتقدم والرقي والخدمات الطبيه الراقيه ..
كانت جالسه مثل عادتها تتقهوى في الكافتريا وتكمل التقارير اللي بدت فيها امس لانها ماخلصتها وفي بعض الامور كانت تجهلها وان موعد التسليم بكرا .. وحست ان في احد جالس يناظرها .. ورفعت راسها وتشوفه يبتسم لها
..:: صباح الخير
..:: هلا صبااح النور .. بو عبدالرحمن
نايف : كيف الحال ؟؟ وكيف التقرير اللي طلبته منكم
بصوتها الناعم : شوي شوي .. وانا بخير بس التقرير ابدا مو بخير
نايف : افااااااااااا .. وليه ياريم
ريم : مدري في اشياء كثير ماعرفتها وبحثت عنها في النت بس مالقيتها
نايف : ههههههههههههه طيب عطيني اشوفها
ريم بابتسامه : طيب بتجلس واقف .. تفضل استريح
جلس نايف وحط كوب الكابتشينو على الطاوله ووفسخ نظارته الشمسيه وحطها على الطاوله وجلس يقرا في التقارير حقتها وهي لأول مره قدرت تتأمل ملامحه وحست ان في عيونه جاذبيه بينها وبين نفسها " ما الوم البنات فيه يوم يتهاوشون عليه " خافت انه ينتبه في اي لحظه وعلشان مايحس عليها نادته
ريم : بو عبدالرحمن
نايف : ياهلا
ريم بخجل : ها كيف تشوف التقارير
نايف بمزحه النادر : اشوفها بعيوني بعد كيف
ريم بينها وبين نفسها " يالبى هالعيون ": ...........
نايف : ههههههههههههههههه تبين الجد في اشياء كثير ناقصتها
ريم بنبرة حزن : كنت متوقعه
نايف انتبه على صوتها : لا تتضايقين انتي ماحضرتي هذا الموضوع وانا عاذرك وراح اساعدك فيه واذا احتجتي اي شي اخوك موووجود
ريم بأبتسامه : ماتقصر والله
نايف : ماسويت شي وهذا واجبي ... وراح ارسلك على الايميل بعض الاوراق علشان تتطلعين عليها
ريم : اوووكي
نايف : ها خلصتي فطور والا بعد لان مابقى غير خمس دقايق واذا تاخرتي ماراح اعذرك وماراح اساعدك
ريم بضحكه : هههههههه بتشووفني طيرااان اول وحده
نايف : ههههههههههههههههههه
.
وماعرفوا ان في احد كان يراقبهم من بعيد وقلبه يشتعل بالغيره " انا اوريها عرفت كيف تلف عليه مثل الثعبان كانت تمثل دور البريئه الخجوله اللي ماتناظر في الرجال والحين جالسه معه وبطاوله وحده ويضحكون وهو كيف يعطيها وجه انا لازم ابعدها عن طريقه قبل مايتعلق فيها لان شكلها كذا ناويه تطيحه بس شكلها ماعرفتني زين تقولي خلي الرجال في حاله والحين هي معه اخ منك ياريم .. ماراح اسكت لك .. ونايف لي انا وبس وراح تشوفين ايش راح اسوي "
.
.
.
الظهر
وفي قصر بومحمد
كان الجناح بغير عادته اليوم كان صوت صراخ يمليء جو المكان وهذا شي جديد يمكن على هذا الجناح بالتحديد
: نجووووووى ماتفهمين ماكنت اسمع الجوال
نجوى : تسمع والا ماتسمع شفت حالة سلمان كيف وانا مقدر اروح لحالي بالليل
محمد : نجوووووى وش تبيني اسوي لك كان قلتي لمنصور او اي احد
نجوى : محد كان موجود .. واذا ابوه ما اهتم تبي غيره يهتم
محمد : لا عاد اسمع منك هالكلام هو ولدي مثل ماهو ولدك واذا مارديت على الجوال مو معناتها اني مو مهتم
نجوى : ليه متأخر امس طيب
محمد : قوووولي كذا هذا اللي تبين توصلين له
نجوى : ولا اهتميت اصلا كل همي سلمان وبس اللي كان بغمضة عين راح يروح مني
محمد : يعني انا الحين صرت مو مهتم
نجوى : كلمة مو مهتم شوي
محمد بكل غضب الدنيا : لو تسكتين يكون احسن
نجوى : ماراح اسكت لاني تعبت من هالوضع
محمد : يعني الواحد ماينشغل
نجوى : ينشغل يوم يومين .. مو مثل ما انت انشغلت
محمد : يااااااااااااااااااربيه وش فيك قلت لك ماسمعته ماتصدقين
نجوى وعيونها تدمع : تدري انك تغيرت علي وعلى ولد ك يمكن ماتدري ان ياسر اخذه على الملاهي وانه رجع مبسوط وانت كم مره اقولك يلا الولد شكله طفشان خل نطلع وانت كل عذرك تعبان واذا جا الليل تطلع مع اخوياك حتى اني اجلس لحالي امل .. انت شنو ماتحس ياقوووو قلبك بس
محمد وهي واصله معه : الحين انا صرت ما احس شوفي يانجوى لو تعيدين هالكلام ماتلومين الا نفسك
نجوى : ايش راح تسوي يعنى ها
محمد : نجوى اقصري الشر لان شكلك مو ناويه تعدينها على خير
نجوى : انا والا انت بروح اشوف ولدي احسن لي لان مافي فايده معك انت صار لك فتره متغير
وطلعت عنه وخلته وراح وجلس على السرير وهو مو عارف ايش صار بالدنيا معقوله كل هذا يصير
محمد مسك اعصابه قبل لا يسوي شي يندم عليه " مووو فاهمه شي مووو فاهمه شي .. اول مره يصير كذا انا اقسى عليها والله مو قصدي اهمل سلمان بس جد ماكنت اسمع الجوال .. بس شكلي لازم اصارحها بالموضوع مع اني عارف ردة فعلها وراح تعصب وتتضايق.. الله يصبرني بس .. والله احبك يانجوى انتي كل دنيتي .. لما تهدين شووي راح افهمك كل شي .. وانا عاذرك لانك متضايقه وخايفه على سلمان .."
قرر انه يطلع من البيت لانه يحس بكتمه في صدره وهو مار من غرفة سلمان سمعها وسمع صياحها وعوره قلبه عليها " ماتستاهلين يانجوى " وكمل طريقه وطلع من الجناح
ونزل ويشوف امه جالسه لحالها وسلم عليها
ام محمد : هلااااااااا ياوليدي هلاااااا
محمد يحاول مايبين شي : هلاااا يمه شخبارك
ام محمد : الحمدلله .. وشخبار سلوم عساه احسن
محمد : تعبان شووي والله
وتدخل عليهم سهر وتسلم على امها واخوها
سهر : هلا محمد شخبارك .. ماداومت اليوم سلامات
محمد : ايه والله مادوات
سهر : ليه انت حلال ما تداوم وامي بس اقولها مابي اروح تسوي لي سالفه
ام محمد : هو ماداوم علشان ولده تعب بالليل عليهم وجلس عشانه
سهر بصدمه : ميييييييين سلومي تعبان ومحد قاااااالي ليه وش فيه
ام محمد : حرارته ارتفعت مرررره
سهر بضيق: يااااااعمري ياااااسلووووومي محمد وين سلومي الحين
محمد : بغرفته مع امه
سهر وهي قايمه : برروح اشوووفه
" وراحت عنهم "
ام محمد : محمد يمه روح ارتاح وجهك اصفر
محمد : مانمت زين يمه
ام محمد : سلوم مافيه الا العافيه لا تحاتي
محمد : الله يسهل .. يلا يمه بطلع
ام محمد : الله يحفظك
وطلع عنها وهو مايدري وين يبي يروح
.
.
.
كان قاعد مع واحد من ربعه في الدوام يناقشون خدمه جديده بيطرحونها على شركتهم بما انه يشتغل في احدى شركات الاتصالات في السعوديه
وكانوا قاعدين يشوفون الايجابيات والسلبيات بالخدمه
مشاري: انا اشوف ماله داعي نطرح كل اسبوع خدمه نجمع هذي الخدمات كلها بأسم الجيل الثالث المتطور وتندرج تحتها كل هذي الخدمات
الموظف : او مثل ماقلت
مشاري: اي احسن عشان بعد هذي الخدمه نبدا في مشروع كرنفال جده
الموظف: على قولك
مشاري: اجل خلاص اعتمد
الموظف: حاظر طال عمرك
"وطلع........وبعد ثواني"
ترررن تررررن
وكان السكرتير
السكرتير: استاذ مشاري .. في لك تلفون من السيد سالم ال... من شركة الاتصالات
مشاري: الأن انا مشغول خله يعيد الاتصال في وقت ثاني
السكرتير: على امرك
"لف مشاري الكرسي جهة الشباك وصاريناظر السيارات الرايحه والراجعه .. قعد يناظر ساعتـه ... شاف انه مابقى وقت على وصولهم عشان كذا قرر يفضي نفسه من كل شي "
.
.
.
في هذا الوقت في الرياض
كانت منار راجعه بدري من الدوام خلصت محاظرتها ورجعت البيت بدون لميس .. ادخلت للبيت لحالها وكانت متوقعه محد يكوون فيـه ..
دخلت واستغربت ان زوجه خالها موجوده ومعاها مازن
منار: السلام عليكم
الكل:وعليكم السلام
منار: وانت ماعندك دوام ؟ كل يوم مرتز هنا بالصاله
مازن ببسمه: شفتي يمه هي الي بدت .. انا ماسويت شي
منار: هههههههههههه لابس جد سؤال يطرح نفسه .. اشوفك هاالايام ماتداوم
مازن: همممممممم امور شخصيه لو سمحتي
منار وهي تقعد : اعصابك
ام مساعد تضحك : هههههه ماعليك منه ...
منار وتبتسم: في غدا
مازن: يمه كأن الوقت بدري على الغدا ؟ ولالا" ويناظر ساعته "
منار: خالتي جوعاااااااااانه
مازن: كان اكلتي هناك
ام مساعد : خلاص بخلي الخدامه تسوي لك بطاطس حتى يخلص الغدا
منار: يووه مابي
ام مساعد : هههههههه اجل بنادديهم وقولي وش تبين
منار: انا مشتهيه همممممممممم " وتفتح عيونها " سوفليـــه من صدى التحليه
ام مساعد: ياااااقلبي عليك من بيجيبه
منار: مازن تروووح"وتناظره بترجي وتسبل بعيونها"
مازن طبعا هو مايقدر عليها وعلى تسبل عيونها :همممممممم
ام مساعد : روح والي يعافيك لاتقول لامها انه حنا جوعناها
منار: هههههههههههههه اي صح
مازن يضحك: احلفي بعد
منار: ههههههه امزح امزح بس بليييييز
مازن : اوكيييييه
منار: ثنكيووووووو
مازن: ولوووو
منار بعد دقيقه : يلا
مازن بنظره خطيره اخجلت منار : لاوالله اشتغل عندك انا
ام مساعد : هههههههههههههه
منار بحيا : ههههههههه لابس سؤال متى ناوي تجيبه وانا الحين جوعانه
ام مساعد : ههههههه قوم يامازن لاتاكلنا انا وانت
منار بخدود محمره : هههههههههههههه اي والله
مازن وهو يقوووم : اوووكي بس بشرط
منار لوت بزوها : وشو
مازن : نظارتك خاطري اكشخ فيها
ام مساعد : تبي عيال التحليه يحفلون فيك نظاره بنات
منار: هههههههههههههه لالا ياخاله عادي هلايام صايرين البنات والعيال نفس الشي
مازن: ههههههههه يمه لوسمحتي خلك بعيده عن هذي الشغلات
منار: هههههههههه طيب طيب خذهااا بس اخلص ورووح
مازن: زييييييين لاتدفيين" واخذها وهو مبسووط".
.
.
الساعه 4:23
في بيت بوفيصل كانت اديم صاحيه من النوم بعد ما اخذت قيلولتها بعد الدوام ونزلت تحت مالقت في الصاله غير امها وفيصــل
اديم بصوت تعبان : السلام عليكم
ام فيصل وفيصل: وعليكم السلام
اديم: وينهم اجل
ام فيصل: كلهم نايمين... ومشاري مابعد يجي مدري وش مأخره اليووم؟
اديم: اهااا " وسندت راسها على الكنبه وغمضت عيونها"
فيصل: دوومه شفيك ماشبعتي نووم
اديم: الا شبعت ولاكان ماقمت بس راسي مصدع
ام فيصل: كلي سابوفين او بنادول
اديم: لالالالا مابي
فيصل رفع حاجب.: ولييه
ام فيصل: اووه بعد هي ماتدري.. انها ماتاكل حبووب
فيصل: ليه ان شاء الله
اديم: بس كذا كيفي مابي اتعود على الادويه
فيصل: ياسلام .. احسن اجل يستاهل الي يجيك
اديم ابتسمت: لااصلا الحين بخلي الخدامه تسوي لي
black coffee
" وبصير اووكي"وتطلع لسانها
فيصل: هذا الي مسهرك .. امس ماخليتوني انام
ام فيصل: وش مسهركم ايام دواام
اديم: ماجانا نوم وسهرنا
ام فيصل: وجنى معكم ؟
اديم: لانامت قبلنا
ام فيصل: اي دام كذا اوكي اما انتوا بكيفكم
اديم: يمه نادي على الخدامه من التليفون تسوي لي كووفي لاهنتي
ام فيصل: انشاء الله
فيصل يفتح الموضوع مدام مافي حد موجود : اديم ماقلتي لنا ردك؟
اديم بحاجب مرفووع : ردي على ايش؟
فيصل: بعد على ايش على فواز
ام فيصل : بعد مايبغى لها.. اكيد موافقه ..
اديم فتحت عيونها: ياسلام
ام فيصل: عندك غير كذا .. بترفضين ولد عمك مثلا
اديم بقهر: وليش لا؟
فيصل فتح عيونه: وليه ترفضينه ؟
اديم خافت من فيصل : انا مارفضت بس يمكن ارفض
فيصل: وش الي يخليك ترفضين بتلقين احسن منه؟
اديم بتوتر : مو عن فواز فرضا مابي اتزووج
ام فيصل: وليش ماتتزوجين ياحظي؟
اديم بصراحه : وش معنى انا الي اتزوج وكل البنات محد تزوج فيهم؟
ام فيصل : وش عليك من البنات
اديم بنفعال بسيط : وشو وش علي منهم كل البنات اكبر من شمعني علي انا والله"قالتها بتذمر"
فيصل: البنات الله يوفقهم ماجاهم نصيبهم يعني حاطين في بالكم انكم تتزوجون مع بعض
اديم بعناد مستمر : لابس انا صغيره على الزواج
فيصل عصب منها: خليك كذا احسن عنيده وطول عمرك عنيده ... بكرا لاقعدتي في كبد امك اندبي حظك .. وروحي دوري على واحد مثل فواز "ويدق بصبعه " هذا اذا جاك حد" وقام"
ام فيصل: كذا زين كذا
اديم: يووه كيفه اصلا عاجبك كلامه الي قال لك وش فيني انا .. وانا مارفضت فواز .. فواز اذا يبيني ينتظرني حتى اخلص.. وقتها مراح اقول لا.. عن اذنك
قامت وتو الخدامه جايه
اديم وهي متنرفزه: جيبيه فوق وراي" وطلعت معصبه "
وخلت امها لحالها
" ام فيصل في خاطرها.. الله يهديك يا اديم ليكون تفشليني في عمك وعياله ... "
.
.
.
................: ابيك تحلف
..............: وشو احلف ياوليــــــــد ترى مالي خلقك
.............: وشو مالك خلقي ياطلال .. منت بطبيعي من يوم مارحنا السن ست
طلال: لامتغير ولاشي بس تعبان مصدع ارتحت كذا
وليد: انا مابي ارتاح .. ابيك انت ترتاح.. شفيك ياأخي
طلال بكذبه تمشي على وليد: تهاوشت معها..!!!!!!
وليد: منهي شهد ؟
طلال: اي
وليد ارتاح دام هذا السبب: وانا اقول شفيك... ماعليك منها هالبايخه مدري شلون طحت عليها
طلال: ههههههههه مثل ماطحت على لجين"ويقلد صوتها وهي تقول اسمها"
وليد:هههههههههههههههههههههه شفت انه مافي حد احسن من حد
طلال: ههههههه بهذي صدقت
" وجا تليفون لطلال"
طلال: وليدووه يلا دقت بروح اسوي اني زعلان عليها
وليد: هههههههههه زين يلا
" طلال سكر بدون مايقوله باي وراح على الخط الثاني "
طلال: هلا والله وغلالالالا هلا باللي جاحديني اليووم
شهد: افاااااا انا جاحدتك حرام عليك طلو والله ماجحدتك
طلال: اجل ليه مادقيتي اليووم .. ولاسألتي عني
شهد : انشغلت مع امي في الصالون تعرف
طلال: دامك مع امك عاذرك
شهد وتبتسم : زين ماقلت لي شفيك يوم الاربعا بالسن ست حشى شكلك ماكان اوكيه
طلال : بصراحه ياشهد انا متضايق عشان اخوي
شهد بقللق واضح : شفيه اخووك
طلال: يوم الاربعا كانو يتكلمون عن خطبته لبنت عمي ... انا نسيت مفتاحي ورحت اجيبه وكنت اسمعها وهي تسب اخوي الحيوانه مدري وش فيها زود على اخوي عشان ماتاخذه
شهد: الحمااااااره احد يعافي اخوك الاطخم ههههههه
طلال: ههههههه والله انك رايقه
شهد: لالا بس اخفف عليك.. زين بعدين وش صار
طلال: ماصار شي........
شهد: اجل شفييييك
طلال: يوووووووه انتي ابدن مراح تفهمين .. اخوي بياخذ وحده رافضته ... تفهميين
شهد: يمكن بعدين توافق عليه؟
طلال: بتوافق عشان رسميات الاهل .. بس فواز لمن يدري مراح يرضى ياخذ وحده ماتبيه .. وغير كذا ابيه يعرف قبل لايملكون مابي تصير مشاكل طلاق وماطلاق
شهد: لالالالا فال الله ولافالك لهذي الدرجه اخوك كذا
طلال: واكثر .. وموبس اخوي.. كل رجال مايرضى يعاشر وحده ماتبيه .. فما بالك اخوي ادري واقعد ساكت
شهد: هممممممم ماعرف شقولك
طلال تنرفز من برودها: انا ماقلت لك الا ابيك تعطيني حل
شهد: افكر واقولك زين
طلال يعرفها دلخه : هههههههههه زين لاتطولين عاد
شهد: اوووكي بتجي السن ست اليووم
طلال: لاماني بجاي يمكن الاثنين اجي
شهد: ليييه؟
طلال: مالي خلق السبت يكون باايخ
شهد: اي والله بايخ بس ابيك تجي تونسني طفشانه
طلال: ههههههههههه يلا بس اقلبي وجهك يالنذله
شهد: هههههههههه زين من زينك يلا باي
طلال: باي
"خلص منها من هنا.. وانشغل باله من هناك على اخووه .. ماكن يعرف اي طريقه يعلم اخوه فيها .. كانت قاهرته اديم شفيها زود على اخووه .. اخوه الكل يتمنااه.. وبنفس الوقت ماكان يبي يسوي مشاكل للعايله اذا قال لاخوه ... فقرر يسكت لفتره بعدها يحلها الف حلال "
.
.
.
منااااااااااار مناااااااااااااار بابا مازن يبي انتا تحت
منار اسمعت من هنا ونطت على طوول غيرت ملابسها واخذت حجابها ونزلت
كانت مبسووطه حدها واول ماوصلت
صرخت مناااااااااار
منار: لالالالالالالامستحيل سووووووفليه وخالو تركي ماصدق
"وركضت على طول لخالها وسلمت عليه وضمته"
تركي: ياحييييييييهم والله
وحط يده على كتفها ومشى فيها بالصاله
منار: اصلا انا زعلانه عليك
تركي: افاااا منورتي تزعل علي.. ليه طيب؟
منار : اي مره زعلانه .. ماكأن عندك بنت اخت في الرياض وتحتك اربع وعشرين وماتجي تسأل عن اخبارها هي طيبه مو طيبه طقوها ماطقوها اكلوها ما اكلوها ولاكني موجوده
" ضحكوا عليها <<< تركي ومازن "
تركي: ههههههههههه شدعوى منوور تراك في بيت خالك
منار: بس حتى لو ماتضمن اني لسا بخير
تركي: هههههههههه "ويلف على مازن ويسوي معصب" شمسوين فيها هاااه
مازن وهو يناظرها: اسألها هي وش مسويه فينا
"هو يقصد شي والخال تركي يقصد شي ثاني"
تركي: صحيح ادري انها جنيه بس مو لذيك الدرجه
منار: هههههههههههه لاوالله
مازن يقلدها:لاوالله .. اي والله
منار: طيب هات السوفليه شكلك مو ناوي تعطيني اياه
مازن بأبتسامه جانيه : شدراك "ولف على عمه " شفت دفاشتها شلون
منار: ههههههههههههههه
تركي: هههههههههه والمشكله قدام عيني
منار: خاااااالي
مازن: وشو خالي بعد "ويعطيها كيس السوفليه"
مناروهي تفتحه : هههههههه يمه منك "وتشهق" ماجبت حق لميس
مازن فاتح عيونه : وانا شدراني انتي بس الي قلتي ماقلتي حق لميس "ويضحك " وبعدين فيه اثنين عطي لميس واحد
منار: هههههههههه تستهبل انا مشتهيته وجوعاااانه
تركي: ههههههههه يمه منك يابنت اختي
منار بقوه: شفيييييييييينا
تركي: ابد ابد ... كولي بسس
منار تفتحه : يميييي يمييي ثنكيوو مازن من جديد
مازن: العفوو ..
" وقعدوا يسولفون وانضمت لميس لعندهم وكانت منار ولميس مبسووطين .. ومنار كلت سوفليه واحد وشبعت وعطت الثاني لميس "
.
الساعـــــــه : 9:00
دخل البيت وكان فاضي ... حمد ربه ماكان له خلق يقعد تحت .. طلع فووق غرفته
اول مافتح باب غرفته حط الاغراض جنب الباب ودخل داخل
دخل غرفته النوم مالقاها .. قال اكيد انها بغرفة سلمان .. سحب نفسه وراح لغرفه سلمان
شافها منسدحه جنب سلمان وشكلها بين اليقظه والنوم فقرب منهم وكنه حاس انها عارفه انه بيجي او انه موجود
اول شي سواه حط يده على راس ولده .. وشافه ان حرارته اوكيي .. وجا بيهز زوجته الا هي قامت .. وسوت نفسها مفزوعه منه
هو انصدم من حركتها ماعرف وش قصدها
نجوى: ممكن تطلع برا تو الولد يهدا من بعد ماكان يأن
محمد: ممكن نتكلم برا لو سمحتي؟
نجوى: محمد مو وقته لو سمحت
محمد يرص على اسنانه : الحين فاهمه "وطلع وترك الباب مفتوح ينتظرها تلحقه "
"نجوى قامت وهي متملله ماتبي تتجادل اكثر طلعت له ..."
نجوى وتسكر الباب وتتقدم ناحيته وتتكتف:نعم
محمد رافع حاجب: من متى تكلميني بهذي الطريقه
نجوى: من هذي اللحظه اذا تبي
محمد بنفاذ صبر: انا تركتك لحالك هنا طول الوقت مو عشان تزيدين بعنادك ..انا تركتك عشان تتفهمين وضعي وتراجعين نفسك
نجوى بأندفاع: اراجع نفسي.. من الغلطان
محمد: انا مو غلطان وانا عارف اني مو غلطان ... انا قلت لك ووضحت لك موقفي ... انتي عارفه الشغل هاليومين زايد علينا ... والشركه تحتاجني بما اني مدير الماليه .. والاسهم نازله .. والشركه صايره تحاسب اكثر من اول على كل فلس يطلع ..."وبحنيه " ليه مانتي قادره تصدقيني يانجوى.. انتي تعرفين اني اخاف عليكم اكثر من روحي .. واهتم فيكم اكثر ماهتم بنفسي.. وانتي عارفه انتي وشو بالنسبه لي وسلمان وشو بالنسبه لي
نجوى دمعت عيونها وراحت لعنده وهو فتح يدينه لها وضمها وصار يمسح على راسها
نجوى اصلا كانت اعصابها تلفانه من خوفها على سلمان وهذا السبب الي خلاهم يتهاوشون
نجوى: انا اسفه يامحمد .. بس من خوفي عليه امس.. ماعرفت ايش اسوي
محمد: انا الي اسف مو انتي "وابتسم" والله ماعيدها
نجوى وتضربه على صدره بمزح : ليكون بس ناوي تعيدها
محمد: ههههههههه حشا علي.. زعلك شييين
نجوى بدلع: على بالي بعد
محمد: طيب ممكن تروحين الغرفه
نجوى: لييه
محمد: روحي وجايك انا اوكي
نجوى ابتسمت: اووكي
"وراحت"
" اما محمد راح جاب الكيس الصغير الي كان جايبه معه .. وشال الكيس وراح الغرفه لقاها قاعده في مقدمه السرير حقهم .. "
طل عليها وقال : غمضي عيوونك
نجوى غمضت عيونها : ورا ماتخلص
محمد: هههههههههه عارفك مو وجه رومنسيه
نجوى استحت: طيب طيب يلالالا
محمد:ههههههه طيب
راح لعندها واخذ يدها ودخلها في الكيس
نجوى ماتت ضحك وفتحت عيونها : ههههههههههههههههههه محمد ماتلوق عليك الرومنسيه
محمد: ههههههههههه لييييه طيب؟
نجوى وهي تشيل يدها : مادري احس شكلك غلط
محمد: هيههي سخيفه
اخذ الكيس ورماه على السرير
محمد: يلا خذيه .. كذا يعجبك
نحوى: هههههههههههههههه امزح حمووودي .. انت ابو الرومنسيييه
محمد: ههههههههه طيب يلا افتحيه
"نجوى فتحته"
نجوى: واااااااااااااااااااو محمد مرررررررررررررره كيوووووووووت
محمد بغرور: ادري ولا كان ماخذته
نجوى: هههههههه ياشين الغروور .. "وتناظر الاسواره الالماس .. وكانت مره كيووت نااعمه انعم شي " ثنكيووووووووووو مره تجنن
محمد: احم العفوو ولو هذا بس عشان ترفقين علينا
نجوى: دام كذا كل يوم بزعل
محمد: هههههههههه ازعلي بس حاسبي مو كل يوم العيد
نجوى: ههههههههههههه
"محمد تعدل مزاجه وبقوووه بعد ماكان متوقع انه اليله مراح تعدي على خير... لان نجوى دلعها شيييين .. بس انبسط وعجبه جو كيف ان اليوم بدا بضيقه وشي يضيق الصدر.. وانتهى يومه باليله من احلى مايكوووون"
.
.
.
|