02-23-2017
|
|
|
قصيدة بدري حبيبي - فيصل العدواني
قصيدة بدري حبيبي - فيصل العدواني
بَدري حبيبي تعال اجلس هنا اقبالي
.... ودِّي أملِّي عيوني وخاطري بشَوفك
أجلسْ ؛ يا دوبك وصار الوقت يهنالي
.... مدام سمحت لك الأيام و ظرُوفك
ياما وياما سهرت الليل يالغالي
.... ارسم خيالك و أعانق بالهوى طِيوفك
و اكتب قصايد نثَرها الشوق في بالي
.... و أفرح إذا ما زهَاها حرف بحروفك
تبغى الصراحه .. احبك يا بعد حَالي
.... وعقلي سلبته وقلبي صار مَلهوفك
ما يوم والله أطاوع فيك عذالي
.... لو هم يقولون جروحي بسبّت سيوفك
تبرى جروحي وأحس الكون يصفالي
.... لا صرت يمي و كفّي لامَس اكفُوفك
بدري حبيبي تعال و خلَّك اقبالي
.... و بالله كمّل عَلي اليوم مَعروفك
|