بالله يا همس النسيم
لا تنقض الجرح القديم
مشتاق والله العظيم
والشوق ماهو في يدي
مشتاق اشوفك يا غلا
مشتاق كلمة يا هلا
البعد لا لا والف لا
والله ياهو القرب شي
اسرفت بالبعد ونسيت
واحرمتني حتى المبيت
ياليت تذكرني ياليت
واطري على بالك شوي
اخذت تفكيري معك
ودروبي اللي تتبعك
ياجرح محدن يسمعك
لاصحت فالقلب الخلي

حيرة مسافات وعنا
لاضاقت دروب الهنا
بالله وش ذنبي انا
ارضيك وازعلني علي
اصيح لك ورد الندا
لا تفرح قلوب العدا
ماضاع من عمري فدا
انت العمر مني وفي
ياسيد البسمه ابيك
اشواق تاخذني اليك
وان طال ليل ماعليك
يكفيني من الليل ضي
اهواك وان جار الزمن
واطلب وامرني وتمن
مافيه للغالي ثمن
ياعيوني الثنتين ذي
الله عطاك من الجمال
والحسن وفنون الدلال
ياسيدي تكفى تعال
ماضاع منك ضاع لي
نسيت يومنا سوا
نلعب مع انسام الهوا
محدن من الحب انكوا
وقت مانلقاله حلي
شفني مع غيوم السما
اشرب على الريق الظما
تعال ياعذب اللما
ننسى المتاعب ونعدي
واليوم ياقلبي الحزين
من عقب هذيك السنين
ثارو علينا الحاسدين
وحطو على الجرح الندي
عود ترى مالي سواك
مالي ملاذ الا هواك
لو تبتعد خذني معاك
لاتترك القلب الشقي