لو تشوف شلون اشرح لك غلاك
والله ان تشفق علي من الجنون
اعتدل في جلستي كني معاك
وتنطق شفاهي هلا بك ياحنون
واقعد اسولف واجيبك من هناك
واللي حولي يهمسون ويضحكون
مدري حشمه او غلا او ذا وذاك
الوكاد انك تحرك ... بي شجون
من ورا الشاشة ويجيني ارتباك
قلبي يرجف وبعد يديني يرجفون
والكلام اللي .. بقوله في لقاك
والقصيد اللي على عذب اللحون
كل هذا يضيع مع بسمة شفاك
ولالمحتك ضاع حتى الحاضرون
واعتقد ياروحي ماتجهل غلاك
لو حذفت الحرف بين في العيون
ياحبيبي قلبي مايعشق سواك
وانت وحدك مالكه واللي تمون
وانتبه ان شفت في حرفي اشتباك
وحست ام اللهجة اللي تنطقون
اعرف انك قلت لي يسعد مساك
اجل لو قلت احبك ..... وش يكون