ماكل جرح يطيب من عذر عادي
وماكل غلطه عذرها اليوم مقبول
عيش وتحمل غلطتك في بعادي
انت ولا غيرك من البعد مسؤول
ياما نصحتك لا تمادي في عنادي
بس انت ماينفعك نصح او قول
كم قلت لك خليك عادي وهادي
لو ما نصحتك قبلها كان معقول
انا كذا عندي حدود ومبادي
ومن فضل ربي مامعي فكر مشلول
اشوه اني ماحطيت فيك اعتمادي
ولا زماني كنت في وضع مجهول
ضحيت في حبي ووسمه ودادي
ومشيتني في عرض الايام بالطول
واجبرتني اقبل عزاي بفؤادي
اعيش وانا شايل قلب مقتول
فكرت اجر الصوت لاجلك وانادي
لقيت مابه شي يستاهل القول
قلت ابتعد واقول خطوه بعادي
واقول عن فرقاك شده وتزول
وخل العناد وطول التمادي
يبقى في قلبك مكاني على طول