عليها عدلت نفسسها ورفعت شعرها واستقامت بتدخل الحمام سمعت مكتوم يقول: نزلي ما بقى شي وياذن هزت راسها بالإيجاب بتعب شديد وهي اصلاً مالها خلق للنقاش ولا للكلام صارت رسميه وياه والسبب مبارك دخلت الحمام وما انتبهت للماي وزلقت ووكتمت صرختها وحاولت تكتم الألم وتقوم بس ماقدرت صايره ثقيله مع الحمل سمعت الاذان ياذن تنهت بضيق حاولت تقوم لكنها حست بشيء ينزل منها دافيء تملكها الخوف واصرت انها تقوم وفعلا قامت بس من تساندت على المغسله حست بشيء ينزل منها وعرفت انه ماي البيبي وقالت في خاطرها لا ابداً مب وقته باقي كم يوم على رمضان حست بدموع تجمعت في عيونها من حست بالم ظهرها وينك يا مكتوم تعال شوف وضعي انا محتاجه لك ..
:
تحت بعد ما الكب تجنع عالفطور وبدوا يفطرون بو عوض قال بحده: مكتوم حرمتك وين
مكتوم ببرود عكس لهفته عليها: فوق الحين بتنزل ..
بو عوض طالعه بطرف عينه وقال: أيه خير ان شاء الله ولف لريمان وقال: روحي شوفي لطيفه
مكتوم بحده قال: محد يروح مافيها شيء حرمتي واعرف لها بتي بعد شوي ..
ماعجبه بوعوض أسلوب مكتوم وخلصوا فطور وساروا الريال المسيد يصلون والحريم في البيت صلوا ونزلوا يتقهويون ومحد راح للطيفه ..
:
اما فوق عند لطيفه وصلت بصعوبه لغرفة تبديل الملابس بدلت لبسها وغسلت ويهها عشان تنزل تفطر وهي في صدق اصلاً زعلت من مكتوم اللي مايأ بشوفها حتى ولا سال عنها ،، نزلت تحت وسلمت على عمها وعمتها والموجودين وقعدت عدال ريمان لفت عليها عمتها وهي تقول: لطيفه افطري يمه
لطوف اللي كانت متجاهله الام ظهرها ردت بهدوء وهي تبتسم: افطرت عمتيه فديتج وقالت خذت ماي وشربته ..
طرشت مسج لشما وهي تقول : شموه بقولج لا تقولين لحد اذا نزل منج ماي البيبي شو تسوين !! تروحين الدختر ولا تترين الطلق !!
ماخذت ثواني الا شما داقه وانحرجت تدر قدامهم وتوترت وبان عليها توتر واحمرار وجنتيها وشبت نار الغيره في مكتوم اللي انمسح عقله وخاف انها تكلم مبارك وخصوصا انه سكرت في ويههه وشافها دخلت الواتس وتكتب يوم شافها ون لاين انجلطط وخصوصا ان تلفونها ماسكت اشعارات واتس واتصال اخر شي لطوف حطت تلفونها سايلنت وتدمت انها كلمت شمممااا ..
:
:
عند شما كانت معصبه ومقهوره من لطوووف لفت على فتحت الباب وشافت يوسف وهي تقول: طلبتك يوسف
يوسف بخوف : امري فديتج شو فيج وهو يمشي صوبها بسرعه قالت بسرعه: عندك رقم مكتوم
يوسف ببلاها: هاه !! شفيج انتي ليش تب.. قاطعته وهي تقول: طلبتك عندك ولا
وشوي ودخلت فتون وقالت لفتون بسرعه: اتصلي على نهيان بسرعه خذي رقم مكتوم
فتون انتفضت وقالت بخوف: نهيان عالخط !! شو فيج !!
قالت بسرعه:خليه يعطيني رقم مكتوم بسرعه
فتون بخوف: ليش شو مستوي
شما سحبت سماعه وبسرعه قالت: طلبتك عطني رقم مكتوم
انحرج نهيان منها وقال بسرعه: ٠٥٠٨٨٨****
عطت فتون تلفونها واتصلت على مكتوم بيدين تنتفض…
:
:
اما عند مكتوم كان معصب ومتضايق من الفكره اللي يت براسه طلع برى يشم هوى ووصل عند سيارته وقعد يرتب الاوراق اللي فيها سمع تلفونه يرن طلعه من مخباه ورفع عينه على باب الصاله وشاف لطيفه وريمان طالعات تنهد بضيق وطنش الاتصال ونزل عينه على سياره شوي ووصله اشعار رد ضروري الموضوع يخص حرمتك انتفض ومن دون ادراك ااتصل عالرقم بسرعه شوي وياه صوتها: مرحبا مكتوم
مكتوم بحده ودفاشه: منو انتي !!! وشو تبين!!! وكيف تعرفينن…. قاطعته شما وهي تقول: انا شما مكتوم ممكن تسمعني
طاحت الأوراق من ايديه وهو يشوف ريمان اللي تحاول تقوم لطيفه من الأرض نسى تلفون ونسى نفسه ونسى الأوراق وراح يركض صوبهم وصل عندهم وهو يشوف لطوف اللي تصيح من الألم من شافت مكتوم ياي والخوف بابن عليه وقال بحنيه اللي نست لطيفه كل ضيقتها: لطوف حبيبي شفيج
طالعته بعيون دامعه وصرخت من داهمها الألم في ظهرهوطالعت ريمان ومن ثم مكتوم وقالت: بربي
انصدم مكتوم وقال بخوف وهو يشلها : لحقيني بعباتها يا ريمان سرعه راحت ريمان تييب عباتها وشيلتها ونزلت بسرعه ولبست لطوف ومكتوم قال: غطي علينا لا تخبرين حد ..
:
كان خايف عليها وايد مسك ايدها وبندم قال: انا اسف يا حبي ادري قسيت عليج بس والله من خوفي وغيرتي عليج.
شهقت بين دموعها والمها وماقدرت تنطق غير: كيف تشكً فيني انا لو اموت ماشوف غيرك..
طالعها بخوف وهو يسمي عليها: بسم الله عليج من الموت وطاريه ياحبي ..
زاد سرعته من شاف انها بدت تتالم اكثر وشاف تلفونه اللي يرن وتذكر شما ورد بسرعه وقال : الوو
شما بخوف: مكتوم ماعندي وقت اشرح بس لطيفه مزل منها ماي الياهل لازم قاطعها وهو يسكر في ويهها ويزيد من سرعته وقال بغيظ: ليش ماقلتي لي ان نزل منج ماي البيبي
ماقدرت تتكلم وقالت بصراخ: اخخخخ احس ان في شي ينزل مني بدا تسرعها يزداد وتحاول انها ما تسوي بوشش وتكتم الامها وصل بسرعه وشلها بين ايديه وهو يقول : ولاددددددده ولااااادددده. شلوها الستترات في سرير نقال بسرعه دخلوها في الولاده ودخل مكتوم وياها بخوف وهو متوتر عليها وخايف عليها في نفس الوقت ندمان انه ضايقها باس راسها وهو يشوف تجهيزاتهم قرى عليها قران وهو يدعي بنفس الوقت ان الله يسهل عليها وماصدق عيونه وهو يسمع صوت صايح طفلته المنتظره طول هالاشهر وشافها كيف حطتها على صدر أمها ومسح دمعت لطيفه وباس خدها وهو يقول: فديتج .. انصدم من سمع الدكتوره تقول : يلا لطيفه بوووش ما بقى شي ويطلع راس
كان منهد حيلها ماقدرت تدفع لكن دفعت بكل قوتها وانصدم مكتوم بطفل الثاني يعني كانت حامل بتوأم وقال بصدمه لدكتوره: توينز
ابتسمت وهي تقول: أي يخزي العين ما شاء الله جابت ولد فلقة قمر ..
ابتسم بحب وهو يشوف البنت والولد صاروا على صدر لطيفه وبحنية الدنيا قال : يا بعد عمر مكتومج سامحيني كان ضايقتج وبعدها اذن في اذنهم ولبسوهم ملابسهم اللي يابهم عوض وريمان وباركوا لمكتوم بتوام وبعد وقت وبعد ما ارتاحت دخل عليها وهي لازالت في الولاده بعدها ما نقلوها للغرفه وكان التعب في وييهها واضح وضوح شمس وشحوب باين انها بذلت فوق طاقتها وقرب منها وحضنها بقو بادلته الحضن وهي تبكي وتشاهق طوقها بيديه وهو ينحني لها اكثر وقال بحب: والله اغار مب بيدي وانتي تعرفيني يوم اعصب ماداني حد يمدحج قدامي انتي لمكتوم وبس وباس خدها ومسح دموعها بطرف كم كندورته وقال بحب:.حمدلله على سلامتج يا ام عيالي ..
طالعته وهي منحرجه ردت عليه بتعب: الله يسلمك حبيبي
مكتوم باس شفتها وقال بعيره: ياخذون غلاتي ولا انا اغلى
طالعته بصدمه وقالت : مكتوم
قال بسرعه: نطقي منو اغلى ابوهم ولا هم ..
ضحكت بحب وقالت: ابوهم اغلى من الدنيا هاي كلها بس لو يخفف شوي من غيرته..
ضحك بحب وحضنها: مبروك ما يانا ياروحي
ضحكت بخجل: يبارك فيك يا بو سعيد
ابتسم بحب: سميتيه سعيد
ضحكت بخجل: ع سمي الغالي لازم
ضحك بحب وقال: لطووف وربي احبج..
لطوف تتنهد بتعب ومسكت يده: حتى انا والله بس مافيني على غيرتك قمت ما احبها والله صارت تسوي فراغات بيني وبينك بسببتها
مكتوم بحب: عاد رضيتي ولا مارضيتي غيرتي عليج واضحه وانا أصلا قايل من قبل الله يعينها اللي بفز لها قلبي ما بتعين خير ..
لطوف تضحك بتعب: حتى الابتسامه عندك حرام ..
مكتوم: ما حرمت بشرع ربي ولكن اصبح محرماً في شريعتي..
توردت خدودها بخجل من كلامه وقالت: عتابگ حلو لو فيه تهديد ما بين سطور مخفي لكنك تامر ي بو الغاليين.
باس خدها بحب وقاطعهم دخول الممرضات بينقلونها للغرفه بعد عنها وهو متلوم فيها وايد وتانيب ضمير اشتغل عنده صح ..:
مر الوقت سريعا وانتشر خبر ولادة لطيفه ووصل الجميع وسلموا عليها حتى مبارك واريام يووا سلموا وطلعوا ما طولوا وايد ..
:
في الغرفه بعد ما راح الجميع بقى نايف وهند ومكتوم اللي قاعد حدال لطيفه وحاضضننها سمع نايف اللي قال: حليلج يا لطوووف ولا فطرتي رمضاااان مارمتي تترييينه يخلص .
ضحكت بتعب وهي تقول: والله يا الغالي مب بكيفي كنت أتمنى اني اربي في اول العيد على الأقل أكون كملت رمضان بس ربك أراد انهم اييوون وينورون حياتي فديتهم..
هنوده ببتسامه: كنتي تعرفين انهم توام
لطيفه ببتسامه: هيه
مكتوم وهو يتذكر: هيه صح ليش ما خبرتيني !!
لطيفه: أبا اشوف فرحتك يوم تتفاجأ بالخبر واشوف فرحتگ بعيوني .
ابتسم بحب وقرب وباسها على طرف شفتها وماحس الا بغرشة العصيرعلى كتفه تالم مكتوم ونايف قال: بلا قلة ادب الحين العشر الاواخر الناس تتعبد وتصلي وانته طايح لي في حب وغرامات
مكتوم يضحك وقال: والله حتى انا اللي اسويه عباده وحلال وعليه اجر..
ضحكت لطيفه وقال نايف: شو سميتوا البنت !
ضحك مكتوم وقال: خليت الاسم لامها تسميها بالاسم اللي تباه
ضحكت هنوده وقالت لطوف : سميتها على عمتها هند
هند اللي انصدمت وفه ي نفس الوقت انحرجت معقوله ولطوف كانت قاصده تفرح هند بسميتها عشان تنسى شوي علاجها قامت هند وحضنت لطيفه وبكت بهدوء من دون ما تحسسس لطيفه بها شي وقالت لطوف : يالله يارب انه يفرحج ويستجيب لي دعوتي اللي دعيتها لج
تداركت عمرها هند وقالت : فديتج اللهم امين يارب العالمين..
قام نايف وحب راس لطيفه سحبه مكتوم وعقه في حضن هند وقال : هذيج حقك هذي حقي انا سمعت ولالا!!! ضحك نايف وقال: اففف منك حتى انا تغار مني
مكتوم يضمها بين ايديه: حتى من عيالي شو رايك…!!
ضحك نايف وقالت هند: انزين الحين صلاة تهجد روحوا صلوا وادعولي ان الله يتمم حمالي على خير !!
هزوا روسهم بهيه بعدين قال مكتوم بانتباه: عيدي اللي قلتيه !
ارتبكت ان رل لسانها وهيً ماتاكدت قالت: قلتت ادعوا لي ان الله يتمم عليه واحمل شفيك
مكتوم ما طافت عليه وقال بتاكيد: يتمم شو !! حمالج؟؟
جاوبت بتهريب: علاجي يا حبيبي علاجي
مكتوم سكت وهز راسه بضحك ىنايف قال بضيق: لا يضيق لج خاطر يا غناتيي والله اللي بيني وبينج اكبر من عيال .
ابتسمت باحراج وراحوا مكتوم ونتيف لصلاة تهجد .. وتموا لطوف وهند دخلت هند الحمام توصت وصلت تهجد خلصت نت صلاه وشافت لطوف طالعها وتبتسم وقالت باحراج: شو هالنظره!!
ششقالت لطوف: ترا ما مشى كلامج لا عليه ولا على مكتومي !! روحي فحصي دم بسرعه قبل لا ايوون
هزت راسها باحراج وقالت بخوف: أخاف اطلع اتوهم..
لطوف : روحي بس وتوكلي على الله ..
هزت راسها بهددوء وسارت….
:
:
:
عند احمد وساروه كانوا يجهزون أغراضهم بيردون الامارات …
بعد مارتبت الأغراض فقدت احمد راحت تشوفه لقته يرمس في تلفون بعصبيه ويقول: كيف انته شو تقول !!! متاكد من نتيجة التحاليل
دق قلبها ساروه بخوف على احمد تقدمت منه وتوها بتحضنه سمعته يقول: يعني كيف عقيم !!!
انشلت ايديها عن الحركة وغرقت عيونها بدموع وهي تشوفه مكسور حس بحضنها ولف عليها ودموعه في عيونه : انتي متخيله اني عقيم ماقدر اييب عيال.
دفنت راسها في صدره وقالت بحب: العيال عند الله مب عندهم منو اللي رزق زكريا بعد يأسٍ في سنه وكبر امراءته منو اللي رد يوسف ليعقوب ومنو اللى رزق مريم بعيسى من دون أبو الدكاتره ولا اللي خلقهم ..
حصنها وهو يبكي ربتت على كتفه بحب وهي تقول: كيف عقيم. وانا احس اني حامل!!
طالعها بصدمه وقالت بخوف: انا مب متاكده بس والله احس بس اذا انته فعلا عقيم معناته انا حامل من منو !! <<<مداخله سريعه مني. انا يعني من الهوى ياست ساره انتي حامل تاكدي اول قبل ما تفجعين ريال وتفرحينه وبعدين تكسرين فرحته
ساره ترد: والله محد خبصنا غيرج انتي سيري شوفي لج شوفه عدلي وضعي ووضع احمد
رديت عليها: مالي على المقادير حيله كلن مقدر ومكتوب ..
ضحكت ساروه وهي تقعد عدال احمد وقالت: فارجي هوينا شويييه فارجييي سيري شوفي عشاق قلبج مكتوم ولطيفته..
ضحكت بحيا وانا أقول: لبى قلوبهم عشاق قلبي قربت نهايتكم كلكم ورحت عنهم …
:
:
بعد مرور يومين الكل تجهز لعرس نهيان وفتون ووللعيد اللي مابقى عليه الا أيام قليله ولطوف اللي طلعت وبقوا عيالها في الدختر
لين ما يكملون شهرهم ومن يدخلون تاسع بتاخذهم واحمد وحرمته ردوا للبلاد واحمد طلع فحوصاته فيهن خلل وساره طلعت فعلاً حامل بس حملها ضعيف جدا وخايفين عليها من طياره لكنها انجبرت ترد ..المهم قبل العيد باليلة ..الظهر
في بيت يوسف ..
:
قسم احمد
يالس على لاب توب يخلص شغله وامور دوامه دخلت عليه ساره ويهها اصفر قام مخترع من مكانه وقالها : حبيبي شفيج
ساروه بتعب: تعبانه حبيبي نزل مني دم ولا اعرف من شو!! ضنك من طياره!!
احمد بخوف: لا فديتج ان شاء الله ما يصير الا كل خير نسير المستشفى خذ عباتها وشيلتها ووداها المستشفى ودخل فيها على الطواري على طول اول ما كسفت عليها دكتوره وخذت شوي تحليل وطلبت صورة سونار ولكنها متوقعه انها اجهضت لكن ماتبي تقول لين ما تتاكد ..وبعد تحاليل ونتايج تبين انها سقطت وبكت وحضنها احمد وهو يهون عليها: شفيج حبيبي جدامنا العمر كله ان شاء الله بنيييب ياهل واثنين وعشره
ساروه هزت راسها بضععف وهي تمتم بان شاء الله ..
من بعد الصيدليه راحوا البيت ودخلت تريح …
:
العصر في بيت بو عوض
: كل واحد مشغول مع نفسه اللي مرووح السوق واللي سار اييب كناديره واللي راح الحلاق يحلق نفسه ويتزقرت واللي يحوط في دبي وضواحيها مر الوقت سريع وقرب المغرب ياذن تجمع الجميع على الفطور ونطق بو عوض: هالمعرس جاهز
ابتسم نهيان وبتوتر قال: ان شاء الله
امه وابوه بفرحه ماتنوصف: جعله مبارك وسعيد يا وليدي ..
نهيان يفطر وبهدوء قال: امين
علي طالعهم وقال: وانا ممسوح من القايمه
ضحكً ابوه وقال:الله يسعدك يا الغالي انته خلاص شليت الحب عندك حتى من دون عرس
رفع عيونه على ايمان وشافها كيف مستحيه هو عارف تماماً انه ماقرب منها لين تخف واصر انها تبقى تحت عينه ابتسم لها وردت له الابتسامه باحراج وكملت فطورها بهدوء اما هو تنهد الوعد اللي قطع على عمره انتهى قالها لج لين اخر يوم برمضانرما اقرب منج وصدق بوعده واليوم المفروض ينتهي هالعذاب …
:
فوق عند لطيفه طالعهً من الحمام ومتلبسه قابلت مكتوم اللي توه ياي من تحت حضنها بحب وهو يقول : يالله يا لطيفه ورب البيت اني احبج واموت عليج واغار
لطوف بحب: كل شي اتقبله منك الا غيرتك اللي نهايتها زعل ووعتتب
باس خدها وقال: شو اسوي لا تلوميني هذا عرش قلبي وهذي قوانينه واتجهه صوب التسريحه وقال: جهزي عمرج بنسير عن هنوده وسعيد بنييبهم فديتهم..
لطوف بوناسه: هيه فديتهم وربي انه احلى يوم .
ابتسم بحب وهو يأخذ فوطته ويتوجهه للحمام ..
:
في المستشفى وبعد ماخذوا عيالهم قال مكتوم بحب: فديتهم يا لطوف ربي يحفظهم لنا ويخليهم اشوف الدنيا فيهم.
ابتسمت باحراج لطوف وهي تقول: مكتوم تراني فاهمه قصدك
ابتسم بخبث وقرب وحضنها وهو يدف عربانات اليهال وضحك بخفوت وصل عند البوابه وحطوا العيال في سيارتهم وبالمقابل شافوا اسعاف توها واصله ومنزلين منها حد لطوف بضيق قالت: الله يعينهم ويجبر مصابهم ابتسم مكتوم وهو يقول: ياحنونه انتي ركبي بس رركبي
لفت على صوت الصريخ وانتفض قلبها من شافت مايد وخالتها لفت على مكتوم وهي تقول: خالتييييه هذي خالتتتي مكتوم
مكتوم قرب منها وحضنها وقال بحب: بس لطووف سكتي ركبي سياره وانا بشوف شو سالفه وبييج
راح صوبهم وسمع دكتور يقول: حالة الوفاه جدا طبيعيه تقدرون تاخذون الميته لف مكتوم على صوت سعيد والريم اللي ماسكين خالتهم تنهد بضيق وهو يسمع مايد يقول: امايه العنود هذا يومها خلاص الله رحمها من الادويه والدكاتره. رجع للسياره وهو ضايق ختطره كيف يقول للطيفه بنت خالتج اللي كلنت تسعى في دمارج ماتت
ركب السياره وحاول انه يبتسم لكن من شاف دموعها حضنها وقال: طلبي لها الرحمه يا عمري هذا يومها
لطوف بشهقه متقطعه: منوو اللي ما م ماتتت تت .
مكتوم وهو يشد بحضنه زود لها قال بهمس: العنود .
شهقة وهي التشبث في حضنه اكثر وتذك ت يوم وفاة هزاع ريلها وبكتت اكثر كيف كانت تقوله ما بعدك ريال ولا قبلك حد يأخذ مكانك بقلبي طلعت جذابه والكلام كلن يقوله بظرف سنتين نسيييته وتعلقت بمكتوم حستت بووسته على خدها وهويقول: طلبي لها الرحمه.
وحركوا للبيت..
:
في يوم العيد الصبح منتشره ويحة القهوه والعود في كل بيت ومسووين الريوق والشاي ومرتبين الطاوله والمساجد تصدح بتكبيرات العيد ولطوف ملبسه عيالها الولد كندوره والبنت فستان خفيف وناعم دخل مكتوم اللي حضنها من ورى وقال: مباركـ(ن) عيدج يا روح روحي ..
لفت عليه وهي تبتسم بحب: وانته من العايدين والسالمين …
طالع كشختها ومغربيتها المخصره وشعرها المفتوح وميكبها الخفيف ورمشها الكثيف باس عينها بحب وهدوء وقال: جعل عيني ما تبكيج يا من رديتي الروح فيني .
ابتسمت بخجل وطوقته بيديها لفت على ولدها اللي صاح وقال مكتوم بغيره: اناني يحب يخرب على ابوه ..
ضحكت بخجل لطيفه …
اما تحت كان الكل متجمع على طاوله ويباركون ليعض ويهنون بعض بالعيد وفرحتهم فيه ومل واحد تغير حاله من حال الى حال ..
:
في قسم علي ..
كانت ايمان تتعدل وخلصت مكياج لفت على صوت الباب وشاف علي داخل وعلى ويهه ابتسامه جميله قرب منها وهو يحضنها بحب وقال بهمس قشعر بدنها: صباحج صباحين ،، صباح اول أيام العيد بوجودج ومباركن عيدج وصباحيه مبارككة يا احلى واغلى من في الكون.
ابتسمت بحيا وما قدرت ترد عليه باس خدها بحب وقال: يلا نطلع برى..
:
مر اليوم بسرعه وبحلوه ويأ اليوم المنتظر يجمع احلى قلبين نهيان وفتون عالعصر الكل كان جاهز وبدوا يتوافدون في القاعه وفتون في الغرفه تتعدل دخلت عليها هند وهي تبتسم: يعله مبروك يا الغاليه
فتون: الله يبارك لج
هنوده قالت لها باحراج : عاد ماوصيج في قليب اخويه حطيه بين عيونج
ضحكت باحراج وهي تقول: ان شاء الله
دخلت لطيفه وهي لابسه فستان سكري مخصر بدون اكمام وقالت بحب: هنوده نايف موصي عليج ماا تشلين هدب ابره من مكانه وضحكت
هنوده بخجل قالت: عمممري والله فديته حاضرين قولي له يا بو حمد ..
ابتسمت لطوف وهي تذكر ابوها كيف فرح بخبر حمال هنوده طلعت عنهم بعد ما باست فتون ..
:
عند الرياييل كان الكل فرحان وأخيرا نهيان تزوج وانفكت عقدته عكس نهيان اللي كان التوتر ذابحنه يذكر زواجه القبلي كيف كان فرحان واختربت فرحته وانهدمت في ظرف ثانيه اما اليوم يحس انه ما يقدر يكون مستانس بالوناسه اللي بيحس فيها الا بعد ما يشوف فتون ويتاكد من ردة فعلها صار عنده العرس فوبيا وخايف انه ينترگ وما تكتمل فرحته الا اا تاكدت ان كل شي عدى على خير وفرحه قطع عليه حبل أفكاره مكتوم اللي قال : يلا وقت زفتك تعال بنزفك
دخلوا وياه الشباب وهو مرتبگ وايد وحاط البشت على ايده وصل داخل القاعه وشاف الانوار خافته ومضيئات باضاءه خافته كان قلبه يدق وانفاسه متسارعه يحس انه بيغمى عليه من هاللحظه لين ما يوصل عندها ويتاكد من رضاها وموافقتها قرب منها وباس راسها اابتسمت بحب وبخجل دخلوا اخوانها يوسف واحمد وسلموا عليها وحضنوها وبعد هذا كله نزلوا اخوان نهيان عوض ومكتوم وعلي مكتوم سلم على الحريم وقرب من لطوف ولمها بيديه وهو يقول: يا بعد هالدنيا شو هالزينن فديت جمالج اللي فاتنني
ابتسمت بحب وقالت بهمس: لف على اخوك علي شوفه شو يسوي بايمان وضحكت باحراج يوم قال : خليه يتمتع حرمته مارضت عليه الا ليلة العيد خليه بعد عمري اخوي فديت قليبه الرهيف
ضحكت باحراج وشافت فتون ونهيان ينزلون من دري والكل يزفهم لين الباب ركبوا سياره وراحوا الفندق ونزلوا على السريع للفندق وراحوا غرفتهم اللي حاجزينها دخلوا داخل ولفها نهيان صوبها وهو يحضننها وقال بحب: الحمدلله على التمام والحمدلله ان الله عوضني فيج وجعلج لي حظ ونصيب
ابتسمت بحيا وقالها وهو يضمها لصدره: يقول حمد البريدي ، حي الله اللي خذا قلبي وخلاني…وانا حياتي وروحي كلها لآجله …لو يدري بكثر شوقي يوم يجفاني…. حبا على الأرض لو ما شالته رجله ..
ابتسمت بحب وقال بعشق: الحين اقدر أقول اني مرتاح مدام جمعني معاج سقف واحد ..
حضنته بحب وهي تقول: احبك وربي يا من حييت روحي بقربك ووصلك ..
طوقها بيديه وشلها بين احضانه وهو يبوسها ..
:
عند مكتوم اللي كان طالع من الحمام متسبح نشف جسمه ولبس بجامه خفيفه لف على لطوف اللي كانت ترضع عيالها ونومتهم بعد مارضعتهم وبدلت لهم
قرب منها وحضنها بحب وهو يقول: وش نهاية قصتي معاج ي بنت ابوج غير انج قومتي قلب كان طول عمره مايل ..
انحرجت من كلامه وسحبها لحضنه وقال: مادامهم رقود نعالي نتهني انا وانتي الدنيا الليل والشتا وبرد وانا مالي غير حضنج وغمز لها ملجا يدفيني وادفيه .
قربت منه بغنج ودلع ودلال وهي تقول: حاضر وتامر ولبيه كلها انساقت لك سوق بمعانيها وش اللي تامر عليه
مكتوم بحب: غير حبج مابا من الدنيا شي
باست خده بحب وهي تقول: سديت عوقك حبيبي
مكتوم يعانق عيونه بعيونها وقرب منها وباس شفتها بحب وهو يقول لها: هذي نهاية حبي لج جمعني الله بطفلين حلوين منج ..
:
النهايه
|