دقت ام هيثم على ام مروان اختها
ام هيثم:السلام عليكم
ام مروان:وعليكم السلام
ام هيثم:شخبارك؟؟ ......وشخبار بو مروان ومروان ولؤي والبنات
ام مروان:اذبحوني ياوخيتي
ام هيثم بخوف:عسى ماشر؟؟
ام مروان بعصبيه:جاني السكر والضغط منهم
(ام مروان حبوبه بس مااحد يفهمها الا بنتها فوز جاها السكر والضغط بسبب زوجها بومروان اللي يصير اخو بو هيثم وبوفيصل ومنيره وهيا اللي ساكنه بالرياض وعيالها طبعا ماقصروا خخخخخخخخخخخ عمرها 43)
ام هيثم:وش السالفه؟؟؟
ام مروان:حالي مايعلم فيها غير الله .....
بومروان 24ساعه يدخن السيجاره
ما تطيح من بوزه
ام هثيم ماقدرت تمسك نفسها
:ههههههههههههههههههههه
ام مروان تكمل:ومروان يدخن زي ابوه ...والا كل يوم يروح الكرونيش يمسك لك العود ويدق لك بهاالأصابع ياعلهم الكسر
ام هيثم:حرام عليك لا تدعين على الولد!!هو مراهق
ام مروان بعصبيه:أي مراهق!! اللي يرحم والديك اللي مايستحي السنه الجايه بيدخل 30وهو الى الحين رافض يتجوز!! الشارب خط بوجهه كل مااقول له تزوج يقول ماابي انسجن بقفص
هذا كلام الحين الزواج صار قفص
ام هيثم:لاحول هذا شباب هل الأيام
ام مروان تكمل على عيالها:ولا لؤي...... يروح مع اخوه "تتمصخر" ونعم القدوه
ام هيثم حزنت على اختها :الحمدلله الله عوضك ببنات يرفعون الراس
ام مروان:
ههههههههههههههههههههههههههههههه
ام هيثم:شفيك هاجر استخفيتي
ام مروان:اكيد بستخف البنات ؟؟اللي يرفعون الراس ’’جابولي شهاده نصف السنه ’’منار جيد و وآلاء ضعيف والمشكله اللي قاهرني انها دايما تمشي على قرار منار شفتي صار الكبير يدمر الصغير
ام هيثم:طيب و فوز...... الا الحين ماجاها نصيب؟؟
ام مروان:والله يجونها بس ...هي ترفض ماادري ليه!!
ام هيثم:ليكون حاطه بالها على واحد ؟؟؟
ام مروان:لا مااتوقع بس .....تقول ماابي اروح
واخليك تتعذبين بالحالك
ام هيثم: الله كريم ويرزقها بولد الحلال اللي يحبها
ام مروان:الله كريم
ام هيثم: نستيني اقولك....... تراكم اليوم معزومين عندنا على العشا
ام مروان:ومين بيجي؟؟
ام هيثم:بيت بو فيصل ومنيره
ام مروان:انشاالله
وتكمل:الا تعالي ...وشو المناسبه ؟؟
ام هيثم ابتسمت: بعدين اقولك .....ياالله اشوفك بعد المغرب انا مضطره الحين اسكر
ام هيثم:مع السلامه
ام مروان:الله يسلمك
بومروان كان يكح
ام مروان بصراخ:ذبحتنا يارجال.. خلاص رم السم اللي في يدك وروح المسجد صل
ركعتين اذكر ربك فيها
بو مروان وحاط يده على قلبه ويكح:انا حر
(بو مروان ماله وجود في العايله يعني طول وقته في البيت ويدخن ويطالع تلفزيون مخلي كل الشغل على مروان وكله يصارخ ويامر..... سيارته مايحركها بس واقفه عند الباب منظر!! ومايرضى احد ياخذها...... واذا جا يروح مستشفى ضروري يخلي مروان او لؤي يودونه الله يصبر زوجته عليه عمره 44)
ام مروان ونفذ صبرها منه:لمن تفنقش قول حر .....وبعدين انت من متى ركعت؟؟ اتوقع آخر مره في رمضان ....يعني بتقرب سنه وانت ما قابلت ربك!!! شف عيالك صاروا مثلك
مايعرفون ربهم!!!
بومروان عصب:انت مالك دخل فيني ولا في عيالي
اذا صرتي ربي ذيك الساعه حاسبيني انا وعيالي؟؟؟
ام مروان: استغفر ربك هذا كلام تقوله... انا تعبت
منك ومن عيالك
وراحت المطبخ تطبخ الغدا
ام مروان:ياني جيبي اثنين بصل
الخدامه:يس مدام
وراحت جابت البصل
ام مروان وهي تقطع البصل دخلت عليها منار
منار بدون نفس:السلام
ام مروان:وعليكم السلام .........تون الناس ماكان قعدتي
منار:اووووووف ياالله صباح خير
ام مروان:وليش غايبه اليوم
منار:مالي خلق ادوام
( منار حنطيه ضعيفه شعرها ناعم يسمونها في البيت ام لسانين ماتحترم احد؟؟ مايهمها في الدنيا الا نفسها.... عمرها 17 تدرس ثاني ثانوي ادبي بنفس مدرسه رفال ولمى)
ام مروان:اسمعي اليوم بنروح بيت خالتك هيفاء بعد المغرب .........وقومي فوز من النوم
منار:وليش تقولين الحين؟؟؟ تو الناس
ام مروان بتطنز:لأن المدام يبيلها بس ...خمس دقايق على ماتجهزوتصبغ الألوان في وجها
منار ماردت عليها وراحت الثلاجه
وصبت لها كاس عصير وطلعت
وقابلتها آلاء
آلاء:شفيك ماده البوز شبرين؟؟؟
منار :مافيني شي بس .....امي تبينه
نروح بيت خالتي هيفاء
(آلاء تسمع كلام اختها وتأخذ منها اطباع كثيره حنطيه بس على سمار اضعف وحده في العايله شعرها مموج طبيعي عمرها 15 سنه ثالث متوسط بنفس مدرسه ريتاج )
آلآء:ليش!!!
منار:ماادري..... اسمعي ابيك تروحين تقولين لها مانبي نروح ......بصراحه الأختبارات
قربت ونبي نتمشى
آلاء:طيب
وراحت قالت لأمها بس ارفضت وحلفت لو ماراحوا مايخذون منها ولا ريال
|