لو للفراق لسان منك أشتكالي
........لو غربة أيامي تكلم شكت لك
لو تقدر الذكرى تجاوب سؤالي
........ أمّـا تعاطف معك والا بكت لك
لو تقدر حروفي على شرح حالي
........عن كل همً بالضمير أشرحت لك
لو تقدر القمراء تناجي خيالي
........عن كل مادار بخيالي حكت لك
لو تقدر أحلامك تقرب وصالي
........ من كل وردة بالفؤاد أقطفت لك
لو تقدر أعـزومك على ماجرالي
......راحت مّنك بعزوم نفسي وجت لك
لو تقدر الدنيا تحقق آمالي
........ من دم قلبي وقعت وبصمت لك
لو تقدر تصافح حدود أحتمالي
........ سود الليالي في عناها صفت لك
لو تقدر جنونك بقوة أهـبالي
........ماطاح دمع العين يوم التفت لك
لو تقدر أبعادك بحلمً غـدالي
........بأجمل أحاسيس الغرام أهتفت لك
ولو تشرب أحروفك من المر حالي
........أستســلمت مابين نقضـك وفتلك
ماجيت أقول أني بحبك مثالي
........ بس الصحيح أن المشاعر وفت لك.