المتصل نوره
ليان هلا نوره
نوره2 هلا ليون اخبارك
ليان فاقدتها انا وليال
دايم مع بعض واليوم
نوره زين حبيبتي شرايك
تجين عندي اليوم ونتسلى
ليان لا مابي
نوره طيب اكلم البنات
ونتجمع مع بعض ونروح
أي مكان يعجبك
ليان كيفك
نوره زين خليني اكلمهم
وارد لك
ليان طيب
قامت بتروح غرفتها
وشافت رقم غريب
ليان نعم
؟؟ مرحبا
ليان مرحبا مين
؟؟ انا فواز كيفك ليان
ليان ...
فواز ليان وينك انتي معاي
ليان نعم فيك شي
فواز اذا ماعنك مانع
ممكن نتقابل
ليان ليه نتقابل
فواز ابي اقول لك شي
ليان طيب مافيه مشكله
فواز الحين اذا انتي فاضيه
انا في كافي ال...
ليان طيب بعد ساعه اكون عندك
بعد ساعه ليان داخله الكافي
وشافت فواز يأشر لها
وراحت له
فواز هلا ليان تفضلي
ليان هذا انا جيت قول شعندك
فواز اذا بتمدين لي بوزك كذا
ماني متكلم
ليان فواز انت قلت بتقول
لي شي واذا ماعندك بمشي
فواز شكلك زعلانه من ذاك اليوم
بس انا جد اسف
على معاملتي ذاك اليوم
ليان وتبيني اقبل اسفك
بعد اهانتك لي
فواز ليان انتي شفتي نفسك
لابسه عبايتك وياليت متغطيه
ولا شي وكأنك في كندا
ليان عادي وين المشكله
اغلب البنات كاشفين
فواز فهميني ليان طريقتك
هذي تلفت النظر وصرتي
تحت نظرات الناس
الخبيثه اكثر من الطيبه
والشباب هنا مايرحمون
ليان الي يريحك بسويه
بس قول شتبي
فواز لمصلحتك لازم تغطين
وجهك وتغيرين عبايتك هذي
ليان اذا انت بترضى علي
وهذا الشي يريحك بسويه
فواز ليان انا ابيك تسوين
الشي بقناعه منك واحترمي
عاداتنا وتقاليدنا انا لا
ابوك ولا اخوك ولا زوجك
عشان تسوينه لي
ليان ....
انت حبيبي حبيبي
فواز يناظر عيونها
ليان بعد مانزلت دمعه
احبك والله احبك
فواز مصدوم تحبيني
ااااااااااااااه
ياليان مصيبه انك حبيتيني
والله مصيبه والمصيبه
الأكبر اني احبك بعد
تعبت وانا اطردك
من عقلي بس قلبي
غدر فيني وصار يحبك
وينتظر شوفتك كل يوم
واحنا هناك
ولما شفتك هنا وشفت
كيف يتغزلون فيك
جن جنوني ولا تحملت
وجاك الي جاك مني
ليان وين المشكله اذا حبينا بعض
اساس ماراح تكون فيه مشكله
فواز الا بدت المشكله
ليان فواز لا تتكلم بالألغاز
قول المشكله
فواز احنا حبينا بعض
طيب انتي برايك كيف
راح نعيش الفتره الجايه
ليان انت بترجع تكمل
واذا خلصت تقدر تخطبني
فواز زين خطبتك
بس انا عرفتي نظامي
انتي حابه ترجعين هنا
لما اتخرج وتكملي دراستك
تحت انظري
ليان بس تخصصي ماهو موجود هنا
فواز والحل انا ماأرضى
انك تضلين هناك
ليان طيب هذا زياد بيبقى
عشان ليال ليه ماتسوي
مثله
فواز اسف ماراح اجلس
يوم واحد هناك اذا
تخرجت هنا امي وابوي
ينتظروني ارجع لهم
وتبقين اقول لهم لا
سمحولي حبيبتي ناويه
تكمل وانا بجلس عشانها
ليان طيب شرايك
ارجع وانتظرني لحد ما أتخرج
فواز والله ماأوعدك
انا امي تبي تفرح فيني
يمكن بعد كم شهر من تخرجي
تبي تشوفني معرس
وتشوف اعيالي
اقول لها لا يمه حبيبتي
تدرس في كندا
3 سنين وانا بنتظرها لحد ماتخلص
انا ابي افرح امي فيني
ليان والله حيرتني يعني
ماتبيني اكمل بروحي
ولا تبي تكون معاي ولا تبي
ننخطب والحل
فواز نظل كذا والي الله
كاتبه بيصير
"وراك وراك لحد ما اغير رايك
وتجين هنا تدرسين وانتي زوجتي "
ليان طيب واذا امك بتزوجك
انت بترضى
فواز اكيد برضى من حقها
تشوف ولدها معرس
ليان وانا
فواز بظلين ذكرى حلوه في حياتي
ولا راح انساك
ليان ظلت ساكته فتره
فواز خلاها يمكن تلقى حل لنفسها
ليان يعني اذا نقلت تعليمي
هنا ماراح تتزوج وبتنتظرني
فواز وحبك الي غزا قلبي
بتكملينه وانتي عندي مع زوجك
وحبيبك فواز في بيتنا ان شالله
ليان لاحظ اني تنازلت عن
طموحي عشانك
فواز صدقيني راح اوقف معاك
واساعدك تكملين دراستك
في تخصص يشبه تخصصك
ليان بس مايمنع تخليني
انا اصمم بيتي واشرف عليه
فواز البيت وراعي البيت
تحت امرك
@$#&
اجيلا اجيلا لو ماجاني اجيلا
وحطه وسط قلبي وبعيوني اشيله
وبشر العذال أن تراضينا
الزعل وله والفرح غنينا
الي ملك ملك قلبي روحي مالي حيله
اجيلا اجيلا لو ماجاني اجيلا
وحطه وسط قلبي وبعيوني اشيله
ماسيبه ماسيبه حبيبي لا لا ماسيبه
ومهما قسى وعاند أظل انا الحبيبه
ولو كان هو الغلطان اجيلا انا اراضيه
محبوبي يستاهل ادلاله واغليه
@@@@
نوره2 جالسه على طاولة
الأكل كانت جايعه
ومابقى شي ماحطته
رياض نازل من الدرج
وداخل الصاله
رياض ماشالله كل هذا
بتاكلينه
نوره2 اليوم نازل علي
جوع مو طبيعي
رياض بس الساعه الحين
7المغرب تو الناس
على العشا
نوره2 يعني ماأكل بتحاسبني
رياض لا ياعمري فيه العافيه
تبين شي
نوره2 وين بتروح
رياض بروح شركة ابوي
يبقاني اخلص له كم شغله
نوره2 طيب يمكن اطلع
اليوم مع ليان تدري ماابي اخليها بروحها
رياض زين بس لا تتأخرين
بعد ماطلع
نوره2 خلني اكلمها اشوف وينها
بعد مادقت
ليان هلا وغلا بمرت اخوي
نوره2 هلا وغلا فيك
وينك مادقيتي علي
ليان انتي في بيتك
نوره2 ايه
ليان انا جايه عندك الحين
بعد ربع ساعه
اوصلت ليان
نوره2 هلا حياك
ليان نوره انا اليوم مستانسه
مبسوطه ودي اغني ارقص
نوره2 ان شالله كل يوم مبسوطه
بس فرحيني معاك
ليان اليوم قابلته
نوره2 مين
ليان فواز كلمني وطلب
يقابلني ورحت له
نوره2 ليانوه ماتفقت معاك
تقابلينه بدون علم احد
وهو المفروض يعرف الأصول
ليان حيلك علينا أولا
تقابلنا في مكان عام
وثانيا طلبني لزواج
نوره2 اطلبك وكيف
وهو معارض دراستك بره
ليان لقينا حل يرضي الطرفين
نوره2 لا هذي يبي لها
قعده مع حلى وقهوه
ليان نوره على الأكل الي
كلتيه هذا
تناظر الطاوله
وفيه مكان للحلى
نوره2 من شر حاسد اذا حسد
انتي واخوك حرم اكل
ليان لا عليك بألف عافيه
بس اخاف يخترب جسمك
وتخلين رياض يفكر بثانيه
نوره2 تتوقعين يسويها
؟؟؟؟
نوره كانت حاضره مع
اهل زوجها حفل استقبال
وكانت مبسوطه كثير معاهم
وراحت تعدل نفسها
الحقتها منيره
اقول نوره ابيك تشوفين
طليقة فارس الأخيره
نوره نعم طليقتة هنا
منيره ايه معزومه
تصير لأهل العروس
نوره طيب
راحت معاها ووقفو في مكان
واشرت منيره عليها
شوفيها الي لابسه فستان
احمر هذي اروى
نوره بعد ماشافتها
انصدمت كثير وحده مثل
هذي جمال مو طبيعي
الي يشوفها يقول انها
من بنات اوروبا مرسومه رسم
معقوله يطلقها المفروض
يخليها عنده ولا يفرط فيها
نوره تضايقت بس مابينت لمنيره
منيره شفتي ينوره
المسكينه هذي بس اسبوعين
وطلقها كل الناس استغربو
نوره وليه يستغربون
ماهي نصيبه ماهي مكتوبه له
لأني انا الي مكتوبه له
عن اذنك
أرجعت واجلست وكان ودها
تعرف السبب من حصه لأنها
اقرب وحده لفارس بس
عارفه انها اكيد بتقول ماتعرف
وجاها فضول تعرف
قصته مع كل وحده من حريمه
؟؟؟؟؟
مر يومين وحددو ملكة خلود
يوم الأربعاء والخميس سحر
نوره2 زايره نوره في شقتها
نوره2 تأكل تفاح اخضر
زين وين المشكله اذا
اهي حلوه
نوره اقولك ملكة جمال لو شفتيها
ماتصدقين ليه فارس طلقها
ابقي اعرف السبب
نوره2 نوير انتي غاويه
مشاكل مع زوجك لا تزنين
على خراب عشك
وانتي شايفته كيف يعاملك
ويحب الأرض الي تمشين عليها
نوره انا احب فارس وحتى
لو عرفت السبب ماراح اتركه
بس والله الفضول ذابحني
ابي اعرف
نوره2 انا اقول خلي عنك
الغباء الزايد وعيشي حياتك
مع زوجك بدون مشاكل
نوره يصير خير بس
انتي شفيك هذا ثالث تفاحه
تاكلينها احس انك سمنتي اقول انتبهي لنفسك
نوره2 اعوذ بالله من الحساد
المهم انا ورياض بنسافر
شهر عسل جديد شرايك
انتي وفارس تجون معانا
نوره والله فكره حلوه
انا وانتي نسافر مع بعض
خلاص اقوله بس وين
نوره2 اسبانيا
نوره اسبانيا حلوه نروحها
نوره بعد اسبوع يعني بعد
ملكة اخوك وسحر بيومين ماشين
حجزو لكم
نوره خلاص اكلمه ونروح معاكم
%$#%
ليان هلا حبيبي
فواز هلا بحياتي كيفك اليوم
ليان تمام وانت
فواز مبسوط كثير لأني
سمعت صوتك والثاني لأني
كلمت امي بخصوصك
وافرحت كثير لأنها بصراحه
من شافتك وانتي داخله مزاجها
ليان ايه شفتها في زواج ليال
وبصراحه امك وخواتك
يدخلون القلب وانا حبيتهم
فواز زين اليوم امي بتكلم
امك عنا وياليت مو
تكذبين علي وتحطين لي شرط
لازم تكملين دراستك هناك مثل ماسويتو في زياد
ليان من الناحيه هذي
تتطمن امي بتفرح اني برجع
واكمل هنا لأنها من البدايه
ماكانت موافقه على روحتنا
يعني بترتاح بس ليال
مدري اخاف تزعل اني
ماراح اكون معاها
فواز كلمت زياد اليوم وبلغته
عنا الحين اهو حر مع
زوجته ولازم يفكرون بحل
ليان الله يسهل
فواز زين تامرين شي قبل لا اسكر
ليان سلامتك وانتبه لنفسك
فواز من عيوني وانتي
انتبهي لنفسك
بعد ماسكر
ليان مستانسه قامت نتاظر نفسها
في المرايه
وغنت
يايمه حبيته يايمه حبيته
قلبي تعلق فيه زفوني لبيته
زفوني فرحانه وبالحنه حنو ايدي
حلفتكم يو هلي بشروني بكلمه
^_^
اليوم الخميس ملكة ماجد وسحر
في بيت اهل فارس
ماجد كان مرتبك كثير
بس رياض ماقصر معاه
علمه شلازم يقول ويسوي
رياض واسمع ماعليك من
كلام فارس لما قالك
لاتخرع بنت اختي انت بعد اشوي
بتدخل بعد صرت زوجها رسمي
خلها تعرف انك رجال وشخصيتك قويه
ولا تنسى توسع صدرك والباقي
تعرفه بعد ماتطلع معاها
ماجد يابن الحلال مصدق اطلع
معاها العيار فارس مارضى
يقول ماعندنا بنات تطلع وقت الخطوبه
رياض صج طلع مو هين
وانت ماتدري وين راح مع اختك
يوم خطوبتهم
ماجد انا مايهمني اطلع ابي
اشوفها وارتاح
رياض الله يوفقك ويسعدك
فارس وقف عندهم
خلصت نصايحك ياشيخنا
للمعرس ولا باقي كلام ثاني
رياض انا شيخكم لا والله
انت شيخنا في هالأمور
بس سم على الولد تراه
دلخ ماله تجارب مثلنا
فارس احسن خله مغمض
عشان بنت اختي
خذ ماجد ودخل معاه
رياض حيالله دكتور فواز
فواز الله يحيك
رياض اليوم امي بلغتني
ان امك كلمت وتبي
تخطب اختي ليان لك
فواز يشرفني اطلب يدها
رياض احنا لنا الشرف
والله يقدم الي فيه الخير
ماجد دخل وكانت نوره
تنتظره ودخلته مع امها
وخواتها
ماجد مامنع نفسه يناظر سحر
من فوق لتحت
سلم عليها ووقف جنبها
وجات مشاعل وكانت
شايله صندوق الشبكه والمهر
وعطته يلبسها الشبكه
وقطعو الكيك واجلسو اشوي
عند الحريم
بعدين دخلتهم نوره مجلس ثاني
اطلعت نوره
بعد ماجلسو
ماجد يناظر سحر
ان شالله مرتاحه الحين
سحر الحمدلله
ماجد بصراحه نوره
اوصفتك لي بس الشوف
غير الوصف ماشالله عليك
ربي خلق البدر مره وحده
وانتي اخلقك ولا لك شبيه
سحر تبتسم
ماجد مدري اذا فارس
مدحني عندك ولا ذمني
بس الله يقدرني واسعدك
معاي وانتي لا وصيك علي
ماجد مسك يدها
حليتي الدبله الي في يدك
كلميني ليه ساكته
ابي اسمع صوتك
شوبك بنت عمي انخرستي
سحر تبتسم
ماجد العصفوره
قالت لي انك تحبين الكلام السوري كلميني مثلهم
سحر وجها صار احمر
يدق الباب عليهم
ويدخل فارس
هايالحبيب مطول بالجلسه
ماجد صبرا جميل والله المستعان
يجلس فارس وسطهم
قولي لي سحر اعجبك ولا
ترانا للحين على البر
ماجد وهي ارفعت راسها
عشان تشوفني
فارس عشان تعرف بناتنا مؤدبات ويستحون
ماجد ماسمعتك نوره
فارس ومن جاب طاريها
ماجد البيب بالأشارة يفهمو
فارس انا واختك قصه ثانيه
ماعليك منا
ماجد طيب ممكن تطلع عشان اجلس
معاها يكفي منت راضي اطلع
معاها
فارس تدري هذا يوم سعدي
ابرد حرتي فيك
وبعدين من قال بخليك تطلع
مابقى الا هي قال اطلع
ماجد لا تنسى يالتعبان خليتك
تطلع مع اختي في خطوبتكم
فارس نو مافيه طلعه
وعلى دخلت نوره
ماأصدق انت هنا
ماجد نوره تكفين تاخذينه من هنا
فارس انسى يالحلو
والله لأطلع حرتي كلها فيك
نسيت سويت فيني في خطوبتي
نوره حبيبي شفيك خلهم مع
بعض اشوي حرام عليك
فارس خلاص انتهى الوقت
تعال بعد يومين زورها
ماجد نوره تصرفي مع رجلك
قهرني ولا مخليني اطلع معاها
نوره ليه فارس خلهم
يطلعون مع بعض ولا تنسى
ان احنا طلعنا مع بعض يوم
خطوبتنا ولا نسيت
فارس قرب منها وحاوطها من خصرها
لا مانسيت ياقلبي كان احلى يوم
ماجد شفتي ياسحر طول خطوبتهم
وانا اطيح عليهم بس الله يستر على عباده
نوره ماعليك من فارس واطلع معاها
فارس نعم من بامره ان شالله
نوره فارس اهو الحين زوجها
متى مابقاهها بياخذها
فارس سمعتي سحر
مرت خالك كيف تبي تقرطسك مع
اخوها بس مافيه طلعه
نوره فروس حبيبي ابيك
بسالفه ضروري تعال معاي
تمسك يده وتسحبه معاها
لبره وتأشر لماجد يطلع مع سحر
في السيب
فارس شعندك من سالفه
نوره شرايك فيني
فارس يناظر من فوق لتحت
الله يحفظك لي ويحرسك من كل عين
نوره طيب ابي اروح معاك المزرعه
فارس الحين ليه
نوره تذكرت يوم خطوبتنا لما
وديتني وحابه نعيدها هناك
فارس ايه بس ذاك اليوم
كنتي بنت وكنت ناوي عليك
نوره يعني خلاص ماأنفع الحين
انتهت صلاحيتي
فارس اكل تبن اذا قلت لك كذا
يالله خلينا نمشي قبل
لأتهور هنا ^_______^
ماجد مع سحر في السياره
وكان حاس بالسعاده انه لقى نصه الثاني
ماجد سحر
سحر نعم
ماجد ان شالله اقدر واعيشك
مثل عيشتك مع اهلك بس
في حدود المعقول اكيد
فارس قالك عن وضعي
سحر ماجد انا خذتك وانا عارفه
بوضعك وراضيه فيه
ولا ابيك تعيشني مثل عيشتي
ابي اعيش معاك مثل انت ماتبي وتحبها
ماجد تسلم لي البنت الفاهمه
ويمسك يدها ويبوسها
ويحطها عند قلبه الي صارت دقاته سريعه
وبكل دقه يعلن عن بداية حبه
الجديد
مهما كانت الفوارق الا ان الحب
يكسر كل الحواجز ويربط
القلبين مع بعض
من شفتها ياناس نستني ويش اسمي
انا اشهد اني صرت مجنونها رسمي
حبها غزاني حيل ذوقني طعم الويل
خلاني ماميز مابين صبح وليل
من بد كل الناس دخلت اهي في الراس
مامثلها والله كلها حلى واحساس
حبها كبر هالكون عاقل بها وجنون
لو حبها غربال ابيه مهما يكون
@@@
بعد يومين رياض راجع
من شغله وكان تعبان
جلس على الكنب
وناده الشغاله
الشغاله يس سير
رياض وين مدام نوره
الشغاله للحين نوم
رياض نعم نايمه صارت الساعه
2الظهر وحضرتها للحين نايمه
صعد الغرفه وكان معصب
رياض نوير نوير وصمخ
نوره تفتح عيونها
هلا شفيك جاي مبكر
رياض مبكر يامدام الحين
الساعه2 الظهر وحضرتك نايمه
نوره صج الظهر ولا حسيت
رياض انتي ماتلاحضين الفتره
هذي ياتاكلين ياتنامين
وهامله بيتك ولا تدرين شغالاتك شيسوون
طول النهار
حتى ماكلفتي على نفسك
تطبخين الغدا
نوره طيب لا تعصب انا مدري
شفيني اصلا
رياض فيك الرباده الي
تعلمتيها وتدرين انا بسفر
الشغالات ووريني
كيف بتهتمين ببيتك
نوره الحين معصب عشان
بس انام ولا اصحى الا متأخر
خلاص هذا انا جلست
رياض استغفر الله
يدق جواله
هلا فؤاد
لا حبيبي كنسل الحجز ماني مسافر
يالله فمان الله
نوره ليكون ماحنا مسافرين
رياض ماني مجنون اسافر
مع وحده مثلك
نوره ترا انت شايف
نفسك كثير وماتسوى علي
النومه يكفي متحمله ريحتك
الخايسه ولا متكلمه
رياض انا ريحتي خايسه
انا عطوراتي من الأف وطالع ريحتي
الا ماتقولين من البلع الي
تاكلينه اثر على حاسة الشم عندك
يالدوبه
نوره المسكينه اهي حاسه
بنفسها وتدري انها زادت وحبها
لنوم بس مو عارفه شتسوي
أجلست على السرير
وانزلت ادموعها
رياض جلس جنبها
سامحيني كلامي كان ثقيل
عليك بس والله نوره
انتي متغيره وين حبيبتي
الي معيشتني كل يوم قصة حب
اهملتيني واهملتي بيتك
نوره طيب شسوي بنفسي
رياض انا اقول لك
خذ جواله وكلم نوف
هلا نوف
نوف هلا رياض
رياض نوف اليوم العصر
حجزي لي اول رقم ابيك
تشوفين نوره شفيها
نوف خير ان شالله بس
جبها بداية العصر قبل الزحمه
رياض طيب مع السلامه
خلك جاهزه العصر
نوره زين بس ياليت تبعد
اشوي والله ريحتك كلها سمك وع
رياض سمك هااا
قام ودفها على المخده بقوه ودخل دورة المياه
الساعه 4ونص العصر
فارس مع نوره في السياره بيروحون بيت اهله
نوره ايه صج تذكرت
شرايك فارس نروح مع
رياض ونوره اسبانيا
ماقال لك رياض انهم بيسافرون
فارس الا قال لي
نوره زين ودي نروح معاهم
الله يخليك حبيبي
فارس افكر في الموضوع
بعد ماوصلو
واجلسو معاهم
خلود تجلس جنب فارس
خالي شرايك نروح لبنان
منزلين بضايع جديدة
تو صديقتي جايه منها
ومنها نجهز انا وسحر لزواجنا
ليلى صادقه ياولدي ودنا نغير
جوا ونجهزهم مره وحده
فارس بصراحه مدري
خلود وافق خالي الله يخليك
فارس وانا اقدر على دلوعة خالها
خلاص اليوم اروح احجز تذاكر
نوره "ياحسره واسبانيا راحت علي
وانت مقدر على دلوعة خالها يمه قراده"
رياض طمنيني نوف
نوره شفيها
نوره على اعصابها
نوف تبتسم
مدري رياض بس زاعجك
ان نوره تأكل كثير وتنام كثير
رياض اكيد لا تقولين
فيها مرض نفسي
نوره فاول علي هذا الي تبيه
نوف حيلكم على العموم
مبروك نوره حامل بالشهر الثاني
رياض مو مصدق
نوره حامل
رياض قام وحضنها
مبروك ياقلبي
نوره انا حامل رياض انا حامل
رياض ايه ياعمري بفضل الله
وانا لا تنسيني
نوف اقول لا تضيعون السالفة
وين البشاره الي لي
رياض تامرين امر
بتوصلك بس قبل
راح لها وباس خدها بقوه
نوره احضنتها
بشارتك عندي بس
مو الحين لما نكون بروحنا
رياض زين لما تصيرون بروحكم
الحين خلينا نمشى وراها زباين كثير
يالله نروح انبشر امي وامك
^__^ الف مبروك ويتمم لهم على خير
الى القاء
مع الجزء السابع عشر
|