ليالي : شو فيه
مي (تضرب على خدودها ) : مصيبة مصيبة
فرح : أعوذ بالله وش صاير
ليالي : شو شفتي في جوال مشاعل
مي : سمر
البنات : كـــــــــــــــيــــــــــــف
مي (جلست وحست الدموع تتجمع ) : مشاعل الحقيرة مصوره سمر واهي ترقص
البنات (بصدمه) : شنووووووووووووووووو
مي : سمر لو عرفت بتحرقها
فرح : الحقيرة كيف تسوي كذا ما تخاف ربها
وضحه (بعصبيه) : والله لأوريها الحيوانه
عذاري (مسكت يدها) : انتظري
وضحه (بعصبيه) : خليني اكسره فوق رأسها
عذاري : لو شافتك جايه وبحركة نذاله أرسلته لأحد نذالة وش بنسوي
ليالي : صح هي تفكر أنا ما كشفناها لازم نتصرف
مي : لازم سمر تعرف
ليالي : لا سمر لازم ما تعرف بالوقت الحالي لا تخرب علينا
فرح : وش السواه هذا عرضنا ومشاعل ما همها شيء ولا عليها ممسك
مي : هذا في موت سمر وضياع الكل
عذاري : لازم نأخذ الجوال من غير ما تدري
وضحه : هذي ممكن تسوي لنا فضيحة لو قربنا
صــــــــــــــــــــــــــــــــــــــــــمــــــ ــــــــــــــــــــــــــــــــــت
في مكان آخر خوله ابتسمت يوم شافت اللي دخلت مع أمها وخواتها اتجهت تسلم عليها
بعرفكم بعائلة الجوهرة الأساسية في عائلة عمهم اللي مو مهم وجودها
(الأم بدرية / الجوهره 26 سنه / هديل 20 سنه / مزون18 سنه)
(عائلة العم سعيد / الزوجه دلال / عليان 35 / نجلاء 25 )
خوله : حيالله عروسنا
الجوهره(تسلم) : هلا الله يحييك ألف مبروك لمنى وعقبالك يا رب
خوله(تسلم على أم الجوهره) : تسلمين أخبارك خالتي
أم الجوهره : بخير وين أم إبراهيم
خوله : حياكم موجودة (همست للجوهره) نخلي أمك عند أم إبراهيم والبنات عند ليالي ونصعد لمنى
الجوهره : اوكيه
خوله بعد ما وصلت أم الجوهره لام إبراهيم استأذنت منهن وصعدت مع الجوهره لمنى اللي سلمت عليها و ذكرت الله على جمال الجوهره ومثل ما يقولون سيماهم في وجوههم حست إن الجوهره حبوبه
خوله استغلت انشغال منى وسهام في السوالف وهمست للجوهره
خوله : جوجو
الجوهره : هلا
خوله : ترى بندر يسلم عليك
الجوهره(خزتها) : ما قلت لا تجيبين سيرته
خوله(كتمت ضحكتها على شكلها) : طيب اهو يبي رقمك
الجوهره (شهقت) : يا ويلك
منى وسهام التفتن لهن ..
منى : فيك شيء الجوهره
الجوهره(أستحت) : لا
خوله : لا ما فيها شيء بس أقول الفال لك واستحت
الكل : ههههههههههههههههههههههه
الجوهره : خوله وربي سخيفة (وقفت ) ألف مبروك منى
منى : وين اجلسي
الجوهره(خزت خوله) : بنزل ما باقي شيء على الزفة
منى(أستحت) : الله يبارك فيك ومشكورة
خوله(وقفت) : ثواني وراده لكم (بعد ما طلعن مسكت يد الجوهره) انتظري
الجوهره : خوله لا تخسريني بسبب ولد أختك
خوله : افااا
الجوهره : أنا أبي أفتك منه تقولين بيكلمني
خوله : والله انه متحلف فيني يبي رقمك
الجوهره : يبطي وش شايفني ما عندي كرامه
خوله(بعتب) : طيب ليه تعصبين علي وش دخلني أنا
الجوهره(باست خدها) : أسفه بس سيرته تنرفزني
خوله : ههههههههههههههههههههه بتتعودين
الجوهره : الله يستر يالله ننزل
خوله (رن جوالها طالعت الاسم أغلى من عيوني ) : سبقيني بجي ورآك (ردت) ألو هلا بندر
بندر : هلا خوخه أخبارك
خوله(ابتسمت) : بخير
بندر : اممم عمتي أم الجوهره جت
خوله : ليه تسأل
بندر : لا أبدا أشوف أذا ما جت ولا عندها احد يجيبها بروح أجيبها أنا صرت حسبة ولدها
خوله : جت
بندر : و
خوله : هديل ومزون جن بعد
بندر(صر على ضروسه) : خوله
خوله : جت
بندر : قلتي لها
خوله : رفضت بندر أرجوك لا عاد تدخلني بينكم
بندر: كيف رفضت
خوله : يعني قالت لا
بندر : افهم قالوا لك ياباني أنا اقصد من أهي عشان ترفض
خوله(رفعت حاجبها) : نعم
بندر : الرقم بأخذه غصبن عنها قولي لعمتي أم الجوهره أني أنا بوصلها
خوله : بندر
بندر : قلت لك يالله مع السلامة
خوله : مجنون وش أسوي لو عرفت الجوهره بتقلب علينا العرس وعادي تستأجر تاكسي وتروح يووووووووووه بروح أقول لامها
فعلا راحت خوله وقالت لأم الجوهره اللي قالت لها لا تقول للجوهره شيء أبدا وهي تبي تتصرف خوله ارتاحت من حيث الخبر بس خافت من ردت فعل الجوهره
نعود للبنات ..
فرح (بعد صمت) : بنات
البنات (رفعن رأسهن لها) : .............
فرح : عندي طريقه نأخذ الجوال منها بس الأمر يتم في وقت الزفه والناس عيونها بس للعروس عشان ما نلفت النظر
ليالي : كيف
فرح : رغد
مي : رغد أختك
فرح : لا رغد أخت مشاري هي اللي بتجيب لنا الجوال
عذاري : كيف
فرح : هي ما تعرف رغد وبنقول لرغد كل شيء وتساعدنا
وضحه : طيب كيف ما فهمت
فرح : تقول تبي تتصل و جوالها ما فيه شحن
ليالي : تضنين بتعطيها
فرح : نحاول وإذا ما جت بالطيب علينا وعلى أعدائنا
عذاري (وقفت) : بروح أجيبها ونقول لها ما باقي شيء على الزفة
فعلا اشرحن البنات لرغد كل شيء وانصدمت وعصبت كيف تسوي كذا وعلمنها وين مشاعل لما طفت الأنوار والنظر كله للسلم والعروس منى واقفة على أول العتبات قربت رغد من مشاعل
رغد : السلام عليكم
مشاعل (تطالع لرغد من فوق لتحت) : وعليكم
رغد (في نفسها) : الله والنفس (ابتسمت) ممكن طلب
مشاعل (تطالع لمنى وسمر وبعدها لرغد ) : نعم
رغد (ترفع جوالها بعد ما طفته) : جوالي ما فيه شحن ممكن جوالك
مشاعل : نعم جوالي
رغد (تدعي الحزن) : أيه وربي بس مكالمة وما أتأخر ساعديني
مشاعل : وش قالوا لك أقدم مساعدات
رغد : يعني قلت حبوبه بس دقائق
مشاعل (رفعت حاجبها) : من بتكلمين لهذي الدرجة مهمة المكالمة
رغد : أيه انا أخت المعرس وقايل لي متى ما زفوا العروس اتصل بس ما انتبهت لجوالي والشحن
مشاعل (في نفسها ) : المعرس تتصل عليه لحظه يقولون دكتور ومزيون والله شيء (لفت لسمر ومنى واهي تفكر ) هالعرجاء المعاقة تأخذ دكتور زين وجمال ومركز آآآآآآخ حظوظ طيب ليه ما أستغل الفرصة جتني على طبق من ذهب يعني يمكن يطيح في شبكي و لو الغبي عبدالرحمن مو لي ما أخسر كسبت دكتور وولد عائله ومزين بعد
رغد : هاه وش قلتي
مشاعل (تمد لها الجوال في ابتسامه مصطنعه ) : ولو أحنا في الخدمة
رغد (أخذت الجوال وابتسمت ومدت يدها عند كتفها) : وإحنا في الخدمة
مشاعل (انتبهت ليد طلعت من عند كتف رغد وتأخذ الجوال عقدت حواجبها) : وش اللي يصير
عذاري (طلعت من خلف رغد وصارت جنبها) : ما بيصير إلا كل خير
مشاعل(بصدمه) : عذاري
عذاري (صرت على أسنانها لا يعلى صوتها من العصبيه) : أيه يالحقيره صورتي سمر عشان شنو تبين تنشرينها وتنتقمين منها
مشاعل (ارتبكت) : هاه وش تقولين أنتي
عذاري (أشرت لخادمه تقرب منها بصينية عصير) : عندي أحساس انك عطشانة
مشاعل : لا
عذاري : لا طيب سوري لفت للصينية عليها قلاصات عصير أنواع حطت جوال مشاعل في كوب كله عصير فراولة وأخذت القلاص (كوب) ولفت لمشاعل اللي مصدومة وتشوف ثاني جوال لها مره انكسر ومره مغرق بعصير وعصير فراولة يعني كثيف
عذاري (تخزها) : تعرفين لولا أني مو حابه فضايح كان هالقلاص (كوب) فوق راسك كله بس حشيمه لأمك و أم سيف اللي ما يعرفن بحركات العقرب اللي جابنها ودخلنها لهذا البيت اللي سمعته تسواها وتسوى عشره من أشكالها ولا يمكن في يوم تدنسينها فاهمه أمسكي جوالك أقصد هههههههههههه بقايا جوال
لفت عذاري ورغد بس عذاري حست ما برد حرتها رجعت لمشاعل بعد ما أخذت قلاص(كوب) عصير فراولة من الخادمة انتبهت للأنظار للعروس ومحد يشوفها والصالة تقريبا ظلمه قربت منه ومسكت فستانها من عند رقبتها وبحركة خلت مشاعل تشهق بس صوتها ما أحد انتبه لها يوم تشهق لان أغنية الزفة للعروس بدأت وصوتها يصدح في المكان كان صبت ( كبت – أنثرت) العصير داخل ملابس مشاعل اللي يسيل من رقبتها إلى الأرض مشاعل تطالع لعذاري بصدمه أكبر من صدمتها يوم حطت الجوال في الفراولة
عذاري (مسكتها بفستانها من الرقبة ) : اتق شر الحليم إذا غضب وآخر مره كل الناس في كفة و أهلي في كفة
تركتها بحركة وكأنها قرفانه من قربها ولمسها وابتعدت واتجهت واهي تغمز للبنات وتبتسم إن الأمر تم ورغد معها
رغد (بهمس) : كفو يا بنت احمد
عذاري (بهمس) : كفك الطيب
الابتسامة على وجه البنات وتبادل نظرات الرضى تم الأمر والحين يرتاحن
منى طلبت اللي يزفها ولدها طلال اللي يوصلها للكوشة بس عيال نجود طلبوا يكونون مثل طلال سمر ضبطت الزفة على الأربعة يكونون حولها ومعها ولما يوصلون لآخر السلم توقف منى وطلال وعيال نجود يتجهون للكوشة كانوا رسميين ثوب وشماغ وعقال رجال بالقلب وأطفال بالجسم إلا طلال رسمي ثوب وشماغ وحتى مشلح (بشت) كان الكل يذكر الله عليه والبعض دمعة عيونه لما عرف إن أمه متوفيه تمنوا لو تشوف ولدها وجماله اللي فيه من أبوه وأمه المرحومين ومن خالته وأمه الثانية منى كانت يدها بيده الصغيرة ماسكها ويبتسم ولكن بثقة يمشي مثل ما علمته سمر منى تحس الدمعة بطرف العين كل ما تذكرت إن اليوم أول ليله لها من توفت أختها بتكون بعيده عن طلال تحس قلبها يبكي ويصرخ لاااااااااااااااااااااااااااااااااااااااااااا طلااااااااااااااااااااااااااااااااال خايفه يا قلب ماما خايفه
تحاول تتماسك وتنفسها سريع تمشي وأنتبه له يرفع النظر لها ويبتسم
منى(بهمس تحرك شفاها) : احبك
طلال (زادت ابتسامته) : وأنا يا ماما أحبك
قالوا اقبلت بدر الليالي وشمسها
قلنا : من اقبل علينا من بعييييد
قالوا : اقبلت اخت القمر بنفسها
تختال بالطرحه كما الطلع النظير
قلت : هي من جن الارض او انسها
قالوا : ملاااااااك بس نورها يزيد
قالت : اذكروا لي اسمها او شخصها
قالوا : لي كم نزيييد فيها وكم نعييييد
خذ في الحكي يزدان بس من حسها
من صوتها تسمع مع الحرف النشيد
فاقت على كل البنات من جنسها
بالدين والاخلاق والقول السديد
وقتها الحاظر يغار من امسها
لانه عرفها من قبل وهو جديد
قلت القسم واحلف وابصم خمسها
من حازها لاشك يصبح بها سعيد
عرسها ذا اليوم محلى عرسها
والله صبرت ونلت الليلة يا عريس
والله صبرت ونلت الليلة يا عريس
والله صبرت ونلت الليلة يا عريس
للمنشد احمد المنصوري (قالوا اقبلت) << روعه بس سكوبه اليوم سمعتها أول مره أتمنى تعجبكم ^_^
جلست منى بعد ما دخلوا إخوانها وأبوها وعمامها وجدها وسلموا وصوروا معها كانت جميله وكانت مسكتها ورد جوري ملفوف على عكازها بشكل منسق كثير وخيالي ثوبها أبيض ستان رغم بساطته إلا أنه ملفت كثير ما حبت يكون ثقيل عشان الضغط على رجلها بعد نص ساعة دخل مشاري مع أبوها وأبوه بس رفض أبو إبراهيم العيال يدخلون عشان خوات مشاري يأخذن راحتهن ولا يتغطن
محلاك يا ليل جمع كل الأحبــــــــــاب
( مشاري ) زاين جمالة نهــــــــــــــــــــاره
ليلة عمر وفيها الفرح ينســــــــــــــاب
( منى ) زينها وزانت ( مشاري ) نور دارهــــا
غنوا معي في فرح ذيك الأنســـــــــاب
( مشاري ) اللي دائما ً في الصــــــــــــداره
وهنوا قمرنا كان نور القمر غــــــــــاب
( منى ) شريكة حياته واختيــــــــــــاره
تستاهله يوم الهوى شرح البــــــــــــاب
وتستاهل اللي نالها في جــــــــــــداره
غنوا معي بأفراحنا والهنا طــــــــــــاب
الفرح غالي والمحبه شعــــــــــــــــــاره
( منى ) زادت بحسن واعجــــــــــــــــاب
صارت هي الكوكب وحنا مـــــــــــــداره
قرب من الكوشة مسك يدها لما تسندت ووقفت بمساعدة خوله باس يدها وجبينها وبارك لها وبهمس ردت عليه الله يبارك فيك باركوا لهم وخلوهم على الكوشة لوحدهم مشاري كان فرحان بس اللي مضايقه إن طلال جالس بينهم ورفض يتحرك ومنى كاتمه ضحكتها على شكله المتنرفز وعلى عناد طلال اللي عاجبها
مشاري : طلولي ما تقوم
طلال(هز رأسه لا) : وأخليك مع ماما لا
مشاري : أف
منى(ابتسمت) : ............
مشاري : تبتسمين هين يا منى
أم إبراهيم (أنتبهت لهم قربت) : طلال تعال
طلال : لا أبي ماما
أم إبراهيم(تفشلت منه) : ماما بتكون هنا بس أنت ما شفت اللي مع سمر
طلال : شنو
أم إبراهيم : يوووه جايبه كيكه تحبها تقول بس حق طلال تعال ترى ولا ترى غلا بتآكله كله
طلال : غلا لا ما أحبها لا تعطيها (لف لمنى) ماما بروح وأجي لا تروحين طيب
منى(مسكت دمعتها وهزت رأسها لا) : ........................
مشاري (حس فيها) : مناي بلا دموع
منى : طيب
مشاري : منى أنتي طالعه قمر يا حظي
منى(استحت وابتسمت بخجل) : ................
مشاري(مسك يدها) : منى لازم نطلع قبل يرجع طلال ويشوفك وبعدها تعرفين طلال وش ممكن يسوي
منى : تو الناس
مشاري : مناي بأخذ راحتي العيون كلها علينا أحس بضيق
منى : طيب
مشاري(أشر لسهام وهمس لها) : سهوم لبسوا منى عباتها بنطلع
سهام : تو الناس مشاري
مشاري : عشان طلال ما راح نقدر نطلع لو شافها وبيبدى صياح ومنى ما راح تتركه واهون عليك أخوك أبات ليلة عرسي بدون عروسي ترى صدق والله تسويها وتقول عشان طلال مقدر أروح وأرتكب جريمه
سهام(انتبهت لمنى اللي استحت من كلام مشاري) : هههههههههههههههههههه طيب
طلعت منى بعد ما لبسوها عباتها متجهين للفندق في سيارة إبراهيم اللي معه سلطان
إبراهيم(يسوق) : مبروك مناي
منى : الله يبارك فيك
سلطان : ألف مبروك يالغاليه
منى : الله يبارك فيك وعقبالك يا رب
سلطان : على يدك
منى : بس أنوي
سلطان (أبتسم) : لما ترجعين بالسلامة بقول لك (لف لمشاري اللي ماسك يد منى بحب) مشاري
مشاري : سم
سلطان : سم الله عدوك لا أوصيك على منى ترى كل الناس في ناحية وأخت الرضاعة بناحية
مشاري : أفاااا يا أبو أحمد توصيني على عيوني
منى(استحت ونزلت عيونها وفي قلبها ) : فديته يا ناس ربي لا يحرمني منه
سلطان : هاه منى أذا زعلك أتصلي علي ترى حذرته
مشاري : افااا والله قوي تصدق خفت
الكل : ههههههههههههههههههههههههههههههههههههههه
إبراهيم : إلا متى سفرتك مشاري
مشاري : بس توصل الأوراق نسافر
سلطان : ليه من زمان دزيتهن ما ردوا عليك
إبراهيم : للظاهر أنها صعبه
منى (تنقل نظرها بين الثلاثة ومو فاهمه وش يسولفون عنه) : ...................
مشاري(انتبه لشرودها وبهمس) : وين سارحة
منى(استحت) : معاكم
مشاري(أبتسم) : معانا وين معانا ترى وصلنا للفندق (لفت منى تطالع للفندق وأبتسم) ترى أنا رجال غيور تفكرين فيني مسموح في غيري لا
منى(نزلت رأسها وسكتت) : ....................
مشاري : يالله ننزل
منى : يالله
دخلوا الجناح المخصص لهم بعد ما ودعت إخوانها منى وبدت دموعها على خدها مسك مشاري يدها وجلسها على الكرسي وجلس جنبها
مشاري : ليه الدموع يالغاليه
منى : بيوحشوني
مشاري : وأنا وين تصدقين مو مصدق أنا وأنتي لوحدنا ومن دون احد خصوصا طلال
منى(سمعت أسم طلال وزاد بكيها وحطت أيديها على وجها) : ..............................
مشاري(في نفسه) : غبي لازم أجيب أسمه غبي (حب يغير السالفة) مناي قومي غيري بطلب لنا عشاء ترى جوعان
منى : بشتاق لطلال يا مشاري بيزعل إذا ما رجع وما شافني
مشاري : منى (ضمها له واهي تبكي ومسح على ظهرها بحنيه لين هدت ورفعت رأسها وأبتسم) هديتي
منى(في نفسها) : هبله وش هبله إلا حماره أبكي مثل البزران لا وعلى صدره بعد وش يقول عني (نزلت نظرها لثوبه اللي توسخ بكحلها)
مشاري(طالع ثوبه) : ههههههههههههههه تحفه أقول قومي غيري شوفي كيف لطختيني
منى(بحيا) : آسفة
مشاري (باس جبينها وأنتبه أنها نزلت رأسها بحيا) : فداك الثوب وراعيه يالله نغير ترى صدق جوعان
منى(تسند على عكازها) : حاضر
*********************************************
تحس مخنوقة وبتطحن أسنانها من القهر وهي تشوفه يسوق ويسولف مع أمها وكأنه يعرفها من سنين تحس الدمعة بطرف رمشها بس غرورها وكبريائها رافضه أنها تنزل سبت خواتها في سرها أنهن يعرفن وسون حركه كرهتها وعصبتها تعمدن تجلس بالكرسي اللي خلفه انتبهت أن المرآة موجهه عليها وشموخها جبرها تناظر مباشره في عيونه ولا تنزلها وتكسر عينه واهو اللي أول مره ينتبه لجمال عيونها بالكحل الأسود عيون واسعة جريئة غامضة وحزينة ما شده قدر الحزن هل أهو السبب ولا من زمن تمنى يسألها وش فيك فيك شيء غامض ليه النظرة المغرورة أنا ما تهزني أمراه أنا ما تكسري نظرتك اللي تزيد فيني التحدي اللي أعشقه بعدك ما عرفتي بندر يا الجوهره
بندر(كلم عمته ومازال مثبت النظر للطريق وللجوهره في المرآة) : عمه
ام الجوهره : لبيه
بندر : أقول منتي حابه تشرفينا وتتغدين عندنا بكره
أم الجوهره : والله يا ولدي أنتو أجواد عيال أجواد وراعين واجب
بندر : هاه موافقة
أم الجوهره : أوافق لو أنك جيت وتغديت عندنا بكره ترى صرت ولدنا وعزيمتك تتأجل الحق حنا نبدي فيها
الجوهره(شهقت) : أهئئئئئئئئئئئئئئئئئئئئئ
أم الجوهره (لفت عليها وبخوف) : بسم الله عليك فيك شيء
الجوهره (ما قدرت تتكلم وهزت رأسها لا) : ..........................
بندر : والله يا عمه بكره جمعه ومتعودين نجتمع عند خالي فهد
الجوهره(في نفسها) : أحسن درب يسد ما يرد
بندر(غمز للجوهرة بالمرايه ) : بس ما عاش من يردك ياليت تخلينها بعد بكره غداي عندكم هاه عاد بشري زوجتي تعرف تطبخ ولا لا
الجوهره(صدت يوم غمز لها وفي نفسها) : حقيررررررررررررررررررر
أم الجوهره : خلاص بعد بكره بأذن الله وبخصوص الطبخ والله من يشهد للعروس تعال وذوق طبخها
بندر : اووووه دام الحبيبة بتطبخ خلاص بصوم لين غداكم
هديل(همست لمزون) : يا ويل حالي شوفي رجل أختك يقول الحبيبة
مزون : يا حظها طالع رومنسي
بندر(أبتسم بخبث) : أجل أخاف أذوق طبخها وما اقدر أقاوم وأحدد العرس مبكر
أم الجوهره : ههههههههههه والله هذي الساعة المباركة أنت وزوجتك أحرار
الجوهره(تكتف أيديها) : وأخاف تذوق طبخي وما تقدر تقاوم وتطلقني أن شاء الله يا رب
أم الجوهره وبناتها أنصدمن من كلامها أما بندر أنصدم من كلمتها تطلقني إن شاء الله يا رب وصر على ضروسه وضغط على الدركسون وعيونه بعيونها اللي تدل على غضبه وهي تدل على تحديها له وكلن يناظر الثاني
بندر(في نفسه) : شكلك ما تجيبينها لبر بعدك ما تعرفين بندر مو بندر اللي تعيفه حرمه هو يعيفهن وإذا طاب خاطره طلق وبستين داهية بعدك يا شاطره ما عرفتي أبو شوق هين أنتي تطلبين الطلاق تبين تصغريني يا جويهره إن ما يعيفتك بعيشتك وبعد ما اشفي غليلي وأكسر نظرتك هذي ما أكون بندر
أم الجوهره حمدت ربها إن الأمر صار لما وصلوا للبيت لفت لهديل ومزون وغمزت ينزلون بس الجوهره حست فيهم يوم نزلوا بس بندر أسرع منها وقفل الباب عنها ولف عليها بعصبيه ومسك يدها بقوة
بندر(صر على ضروسه عشان ما يصرخ) : الجوهره
|