الجزء العشرون
احمد
اول مادخلتها الشقه .. وبعد ماشفت استغرابها وتعجبها من الشقة اللي في بيت اهلي ..
فهمت ان عبدالرحمن مافهمها بموضوع الشقة اللي قلت له عنها ..
فحبيت اهرب قبل لاتفتح لي تحقيق سين وجيم ..
طلعت بسرعه وانا اقول لها اني بروح اجيب الشناط واجي وانها تتفرج على الشقة براحتها ..
نزلت تحت وكان وقت آذان المغرب ..
دخلت للصالة وطلعت منها على طول مابي اسمع أي شي من امي وخواتي ..
مريت على الملحق وشفت بندر ..
على طول دخلت عليه وصرخت بأقوى ماعندي : انت ماتستحي على وجهك .. تدخل غلط قلنا ميخالف .. اما انك توقف وتصرخ متفاجأ بوجودها ومن زين الوجه بعد تقول ( وانا اقلده ) رنـــــــــــــــا ..
ناظرني ووده يضحك بس خايف : طيب وانت ليه معصب ؟؟
مسكته مع ثوبه وانا اهدده : بندر والله ان ماعقلت عن سوالفك الأوليه ماتلوم الا نفسك ..
بندر وهو يبعد يديني وبكل ثقة : وش بتسوي يعني ؟؟ بتذبحني مثلا ؟؟
ناظرته وعيوني تتطاير شررها : اذبحك !! هاذي قليلة ..
قرب من عندي وهو واثق : يالله ياولد امي وابوي اذبحني ..
تندمت اني كلمته كذا : اعوذ بالله من الشيطان الرجيم ..
وطلعت ..
طول ماانا امشي للصلاة بالي مو معي .. بالي مع اللي سويته في بندر .. بس ولو بندر غلطان ولازم يتأدب .. والا لو بخليه على هواه بيتمادى ..
بعد ماصليت رجعت للبيت ودخلت الشنط ..
رنا
حسيت بشي عند خشمي يحارشني ..
ابعدته بيدي وانا لسى نايمه ..
بس الى الآن مضايقني ..
فتحت عيوني الا اشوف احمد ..
تعدلت بجلستي وانا متروعه : بسم الله الرحمن الرحيم ..
احمد بحنان : خوفتك ؟؟! سوري ماكان قصدي ..
حسيت بعمري : لا عادي بس حلوة الغفوة ..
احمد بجرأة : انتي الحلوة مو الغفوة ..
حمرت خدودي على هالكلمة بس حاولت امسك نفسي ..
صرفت الموضوع : ليش تأخرت ؟؟ تعبت انتظرك عشان كذا نمت ..
أحمد : عادي ماتأخرت .. نزلت بجيب الشنط لقيته وقت صلاة .. قلت اصلي قبل لا أنزلهن .. وبعد الصلاة شفت اهلي يتقهوون جلست اتقهوى معهم ..
طيرت عيوني وانا منصدمه : تقهويت ؟؟!
احمد وهو مستغرب حركتي : ايه .. ليش وش فيه ؟؟
ميلت فمي وانا متضايقة .. حتى انا ابي اتقهوى احس راسي مرة مصدع .. يعني يروح يتقهوى مع اهله ومخليني هنا بروحي .. ماله حق بصراحه ..
قمت من السرير وانا حدي متضايقة ..
أحمد
حسيت تغيرت مية وثمانين درجه ..
توها وش زينها وتتكلم برواقه .. وش اللي قلب مزاجها ؟؟ ما أدري ..
يوم شفتها قامت لحقتها ..
وقفت قبالها وسألتها بجديه : رنا بالله عليك تقولين لي ليش تضايقتي ؟؟
لفت وجهها عني بدلع واضح .. وصعدت للغرفة الثانية وجلست على الكنبة الفردية ..
صعدت وراها وجلست معها على الكنبة المقابلة لها : مارديتي علي ..
رنا بنعومه وهي تمد بوزها : يعني تتقهوى مع اهلك .. وخليني هنا لحالي ..
ابتسمت على دلعها اللي يليق بها : تبين قهوة ؟؟
مدت بوزها مرة ثانية وبنعومه امثر من قبل : لا مابي .. خلاص دامي ماجيت على بالك .. خلاص مابيها ..
قلت لها بدلع : عيوني الثنتين لك .. الحين اروح اجيب لك قهوة ونتقهوى انا وياك الين نشبع ..
هزت راسها يعني لا وهي تقول بجديه واضحه على عيونها : خلاص قلت مابي ..
وبنفس جديتها قلت : حلفت ..!!
ردت بغرور واضح وهي تلف وجهها عني : مو مشكلة كفر عن حلفك ..
قمت من مكاني وجلست عند ركبها ..
مسكت يداتها بيديني وانا اقول : افااااااااااااااااا .. ترديني ..
لفت علي وسحبت يدينها شوي شوي وهي تقول : ماأردك بس خلاص عفتها ..
رجعت مسكت يداتها : واللي يقولك يطلعك ويشربك احلى كبتشينو وش تقولين له ؟؟
شفت ابتسامتها تتوسع الين بانت اسنانها ..
لما شفتها كذا ابتسمت معها وانا استعجلها بالكلام : هاه وش تقولين له ؟؟
سوت نفس الحركه وسحبت يداتها شوي شوي وهي تقول : اممممممممم اقوله هذا اقل واجب تسويه لي ..
حدقت عيوني عليها وانا مو معجبتني الكلمة بس بلعتها .. تستاهل بس مو لهدرجه تقعد تغتر علي ..
ناظرتني نفس النظرة وهي تقول : انت اللي قلت لي قولي .. لايكون بس ماعجبك قولي ..
مشيتها لها وانا احط يدي على عيني : على عيني ( بعدين حطيتها على راسي ) وعلى راسي بعد .. وشتبين اكثر من كذا ..
رنا : ابي سلامتك ..
قمت من عندها وانا اقول : الشناط برى تبين ادخلهن عشان تغيرين ..
رنا
قمت من الكنبه وانا اقول : ياليت ..
طلع شوي وجى وهو يسحب الشناط ..
احمد : كم يبغى لك وتجهزين ؟؟
جلست على السرير وانا مالي خلق اطلع : احمد ..
وسكت ..
رفع حاجبه وهو مستغرب ..: وشو ؟؟
قلت وانا متضايقه : اممممممممم اقول بسسس ..
وسكت
احمد وهو يقرب لمي : قولي وشو ؟؟
رنا : مابي اطلع ..
احمد رفع حواجبه وقرب اكثر واكثر : ليش وش فيك ؟؟
رنا : احس اني تعبانه ولا لي نفس على الطلعه ..
احمد : والكبتشينو ؟؟
هذا اللي همه بس .. بس اشتهيته ..
قلت له وانا اناظر في عيونه وبكل دلع : يعني ماتجيبه لي هنا ؟؟!
ابتسم على حركتي وقرب وقرص خدي بقوة : أمووووووووووووووووووت انا على اللي يدلعون .. اجيبه وليش مااجيبه ؟؟ كم عندي رنا انا .. وحده وووو..
وسكت ..
ميلت فمي وغمزت له وانا اقول : وحده وعاله قلبك صح ..
مسك خشمي خفيف وهو يضحك : جبتيها وانتي صادقه .. بس والله احل عله على قلبي ..
ناظرته بغرور وانا اضيق عيوني : بمشيها لك هالمرة .. بس المرة الجاية لو قلتها بزعل منك .. وجرب زعلي ..
احمد وماعجبه كلامي وقال بلهجة جدية : تعرفين تهددين بعد ؟؟
رنا : مو كلنا بشر ولنا نفس الصفات والطبايع ..
احمد : مو كلنا ..
رنا : بس اغلبنا ..
احمد : انزين على ماتبدلين وتآخذين راحتك يكون اذن العشاء بصلي وبجيب الكبتشينو .. اوكي ..
رنا : لا تتأخر ..
أحمد : ان شاء الله ..
مشى لعند الباب ولما بغى يطلع ارسل لي بوسه وطلع ..
ضحكت على خباله .. مهوووس هالرجال ..
قمت وفتحت شنطتي الا مافيه الا القلة القليلة من الملابس ..
ملابسي الباقية ماجبتها .. على اني بزور اهلي واجيبها معي ..
المهم تذكرت امي .. على طول ركضت للجوال وكلمته ..
وكلمت سدومه بعد .. ليتي اجيبها اليوم قبل بكره ؟؟
بس مو مشكله بقول لأحمد اذا رحت ازور امي بكره اني بآخذ سدوم معي وبشوف وش يقول ؟؟
رجعت للشطنه وجلست ادور على شي البسه مالقيت ..
اخذت الروب والمنشفه ودخلت الحمام وتروشت ..
بعد ماطلعت رحت للغرفة وقفلت الباب ..
جلست مرة ثانية احوس ..
بصراحه احترت وش البس بهالوقت .. لاهو وقت فستان ولاوقت بنطلون والتنورة قبل شوي لابستها .. حتى ماهو وقت بجامه ..
جلست على السرير وانا حاطه يدي على فمي وافكر : ياربي وش البس ؟؟ ياربيــــــــــــــه .. امممممممممممممممممممممممم .. البس فستان .. لا لا يحسبني الحين متكشخه له .. لا لا مابي .. انزين البس بنطلون .. لا لا .. البنطلون راح يبين كل جسمي وانا استحي اول مرة والبس عنده بنطلون .. طيب ياربي وش ازين ؟؟ اممممممممممممم اقعد كذا بروبي احسن لي ..
جلست اضحك ضحكه هستيريه وانا اتخيل شكلي بالروب وهو داخل علي .. تتوقعون وش ردة فعله ؟؟ اكيد بينبسط والا ... هههههههههههههههههههههههههههههه
احمد
اول مانزلت للصالة وكنت ناوي اطلع الا اسمع امي تناديني ..
امي : احمد
رجعت : هلا يمه ..
امي : وراك مستعجل ؟؟
طيرت حواجبي ..مدري وش ارد او اقول : لا عادي ..
امي : اجل تعال اجلس معنا ..
ماحبيت اكسر بخاطرها .. جيت وجلست ..
امي : هاذي المرة الثانية اللي تنزل من عندها وعلى طول تطلع من دون ماتقول شي ..
احمد : بس انا قعدت وتقهويت معكم ..
امي : بس ولو .. اذا نزلت من عندها تصير غير ..
تنهدت من داخلي بدينا بالغيرة : وشلون يايمه غير ؟؟
امي : يعني ماودك تكلم احد ..
احمد : عادي يمه الله يهديك لاغير ولاشي .. هذاني جالس معك ..
خواتي كانن ساكتات .. الله يستر لايكون هذا الهدوء اللي يسبق العاصفه ..
اذن العشاء وافرج لي ..
صبرت خمس دقايق .. وبخلال هالخمس دقايق كانت امي بس تلومني وتعاتبني على ايش ماادري ؟؟ تطلع أي شي ..
احمد : انزين يمه بروح اصلي واذا جيت ان شاء الله نقعد ثانية ..
ماانتظرت ردها .. حبيت راسها وطلعت ..
صليت العشاء وعلى طول على كافيه .. خذت لي ثنين كبتشينو ودونات وسينبون ..
لما وقفت عند باب البيت توهقت ..
لو الحين امي وخواتي الصالة كيف بدخل هالاكل ..
والله ان يسوون لي سالفة مالها اول من تالي ..
فتحت شنطه السيارة ونزلت .. جلست ادور على كيسة مخفيه او أي شي اخبي فيه الاكل ..
لما لقيت حطيته فيها ودخلت البيت ..
اول مادخلت الصالة لقيتهم موجودين شكلهم ماتحركوا من مكانهم ..
احمد : السلام عليكم ..
الجميع : وعليكم السلام ..
أحمد : يمه برقى تبين شي ؟؟
امي وهي لافه وجهها عني : سلامتك ..
تضايقت من ردها .. بس وش اسوي ؟؟
رقيت لفوق ودخلت لشقتي وقفلتها بالمفتاح ..
فتحت الباب الاول ودخلت .. حتى الباب الثاني مسكر فتحته ودخلت ..
ولما دخلت استقبلتني ريحة عطر قوية شقت خشمي من قوتها ..
التفت يمين يسار ادورها .. مالقيتها ..
قربت شوي شفتها جالسه على الكنبه بالغرفة الثانية ومعطتني ظهرها ..
تنحنحت عشان تنتبه لي : احم احم .. تراي جيت ..
من دون ماتلتفت : حياك الله ..
استغربت حركتها ..
قربت لين وقفت ورى الكنبة اللي جالسه عليها : رنا ممكن تآخذين مني الكيس ..
يوووووووووووووووه كيف نسيت اوخر الكيسة المخفيه ... الحين وش بتقول عني رنا .. يالله ..
بحركه سريعه سحبت الاكياس اللي جوا ورميت الكيس المخفي بعيد ..
اصلا متى تحركت ست الحسن والجمال من مكانها عشان تشيل الاكياس ..
شفتها توقف وهي معطتني ظهرها ..
شوي الا تلف هي وشعرها وتقرب من عندي ..
ناظرتني بعيونها السود .. وناظرتها ..
عيونها تلمع بلمعه غريبه عجزت افسرها ..
مدت يدها بتآخذ الكيس وهي الى الآن تناظرني وانا بعد اناظرها ..
وقبل لاتقرب من الكيس ..
وبلمح البصر طاحت على الأرض بلحظة وحده من دون شعور ..
شفتها تنهار قدامي وتغمض عيونها اللي سحرتني ..
صرخت بأقوى ماعندي لكن كانت صرختي بداخلي ..
طحت معها ولكني طحت على ركبي .. تركت الاكياس من يدي ..
وجلست اناظرها وهي طايحه ..
احس بشعور غريب تجاهها .. احس ودي احضنها بس مقدر ..
ودي اشيلها بس مقدر .. ودي اساعده بس مقدر ..
قربت من عندها بخوووووووووووووووووووووف وليتكم تحسون بالخوف وانا اقرب ..
شعور عجزت افسره .. شعور يقولي انها بخير بسسسسسسس فيها شي ..
بس وش هو ؟؟ ليتني اعرفه ..
بصوت مبحوح وانا مذهول من الموقف : رنـــــــــــــــــــــــــــا .. رنـــــــــــــــــــــــــــا ..
وانفجرت اصيح واصيح .. عجزت امسك نفسي ..
بدون شعور مني شلتها بكل يديني وضميتها بقوة واقوى ماعندي وانا اصيح .. وماسكتت .. الا لما حسيتها تتحرك بين يديني تبعدني عنها ..
مسحت دموعي بسرعه لاني مابيها تشوف ضعفي ..
قومتها من على الارض وجلستها على الكنبه ..
بكل خوف : انتي بخـــير ...؟؟
رنا
لما سألني وحسيت الخوف بعيونه : انتي بخير ؟؟
عجزت اتحمل شوفته كذا .. حسيته يعاني مثلي .. بس مو اكثر مني ..
بلعت ريقي بصعوبة وتكلمت بصوت مخنوق : انا بخير دامك جنبي ..
شفت ابتسامته الحزينه بعد اللي قلته لاني عارفه مو مصدق اللي قلته : انا جنبك وبظل طول عمري جنبك لأخر يوم في حياتي ..
خفت لما جاب طاري الموت : لا لا تقول موت .. تكفى احمد لاتروح وتخليني .. لاتخليني مثل ماخلاني مشعل .. تكفى احمد ..
وجلست اصارخ واعيد في هالكلام : لاتتركني مثل ماتركني مشعل ..
قام وحاول يهديني وهو يضمني لصدره .. بالموت هديت ..وارتخت عظامي وحسيت اني غفيت ..
احمد
لما شفتها تصارخ تذكرت امس لما سوت نفس السالفة .. قمت وضميتها لصدري وهي جالسه على الكنبه وجلست اقرى عليها الين هدت ..
لما ناظرت فيها لقيتها نايمه ..
ماهان علي اخليها نايمه على الكنبة ..
شلتها وابتسمت .. وتذكرت لما شلتها مرتين وكانت حامل ..
الله لايعيد ذيك الايام ..
سدحتها على السرير وغطيتها ..
جلست شوي عندها الين حسيتها راحت في سابع نومه ..
قمت وفتحت شنطتي وطلعت لي بجامه قطنية سوادء مخططه بأبيض ..
رحت للحمام واخذت لي دش بااااااااااااااااااااارد يبرد علي عقب اللي صار ..
لبست البجامه وطلعت وانا على راسي المنشفه ..
وقفت عند التسريحه نشفت شعري .. سحبت عطر من الشنطه .. تعطرت ومشطت شعري ..
قربت من السرير وانسدحت من الجهه الثانية ..
ماتجرأت اقرب من عندها او حتى المس يدها ...
بصراحه هالموضوع صار يضايقني .. مرتين يصير لها هالشي .. ياربي من ايش ؟؟
قررت اني افاتحها بالموضوع وافهم منها السالفة ؟؟
بس اخاف ماتقولي .. اصلا وشلون بتقولي وهي شكلها ماتذكر وش صار لها امس ؟؟
لو هي متذكره كان سألتني على الأقل ..
لا مااتوقع تدري .. ياربي وش ذا الحيرة اللي انا فيها ؟؟
رنا
فتحت عيوني ..
الا القى نفسي على السرير ..
التفت حولي ..
اشوف احمد حاط يدينه تحت راسه ويفكر وسرحااااااااااااااااااااااااان ..
قلت بصوت ضعيف ومخنوق : أحمد ..
على طول التفت احمد لي .. خرعني بعجلته ..: انتي قمتي ؟؟
هزيت له راسي يعني ايه : ايه قمت .. وش فيك انت ؟؟
طير عيونه وكأنه مافهم سؤالي : انا ؟؟! لا انا مافيني شي .. انتي وشلونك ؟؟
عدلت جلستي وقعدت : انا بخير .. ( وانا ابتسم ) شكل غفواتي صارت كثيرة .. الا وين الكبتشينو اللي وعدتني فيه ؟؟ لاتقول ماجبت ..
احمد
بغيت الفها بطراق يصحيها ..
تستهبل علي ذي ..
وشلون تقول وين الكبتشينو ؟؟ وهي اللي قامت ومدت يدها بتآخذه مني ..
بس جلست افكر .. يمكن صدق ماتدري عن نفسها ..
يمكن صدق ماتستهبل علي ..
اصلا باين عليها صادقه ..
خلني اجاريها وبشوف وش نهايتها ؟؟ بعرف اذا هي تلعب علي او صادقه ..
رديت لها بنفس الابتسامة : الكبتشينو برد وحضرتك نايمة ..
قالت بدلع : وليش ماقومتني ؟؟
احمد : ماحبيت ازعجك .. شفت نايمه ومرتاحه بالنومه قلت الكبتشينو لاحقه عليه ..
قامت من السرير وهي تقول : حتى ولو كنت مشتهيته .. بس ميخالف بشربه حتى ولو كان بارد ..
ضحكت على شكلها وهي تقرب للأكياس ..
شفتها تفتح الأكياس : واوووووووووووو .. دونات .. وسينبون .. ياسلام .. ( وهي تناظرني ) كنك حاس اني جوعانه ..
قلت بقلبي .. اذا ماحسيت فيك من احس فيه اجل ..
شالت الأكياس من على الأرض وحطتهن على الطاولة : يالله تعال خلنا نآكل ..
جلست على الكنبة وجلست تطلع الاكل من الكيس وترتبه ..
قمت من على السرير وجلست قبالها وانا ودي آكلها هي وشكلها ولبسها وحركاتها ..
كانت لابسه فستان أحمر بلون الدم .. شيفون .. بدون اكمام .. بسيور شفافه عريضه ومتكرمشة وفتحه صدر واسعه ومربعه ..
وطبقات خفيفة من الشيفون الناعم من اول الصدر الى تحت الركبه بشوي وكانت تطلع ركبتها اذا جلست ..
لابسه شبشب احمر ريش .. وحاطه روج احمرررررررررر صارخ وكاحله عيونها بالاسود ورموشها كانت كثيفه وتبان كثافتها اذا رمشت ..
لابسه حلق احمرررر طويل ناعم .. وفاكه شعرها ومخيلته براحته من دون ماتحط فيه شي ..
شكلها مرة يجنن .. يخلي الواحد غصب يناظر فيها ولا يصد عنها ..
رنا : تراك طولت وانت تناظرني ..
حسيت بنفسي .. من جد من زمان وانا اناظرها .. رمشت بعيوني : سوري بس سرجت شوي ..
بكل ثقة قالت وهي ترفع خشمها : اكيد فيني ..؟؟ ( وبدلع ) صح ..
ماقدرت اقول بعد كلمه صح الدلوعه الا : صح ( وانا اقلدها )
مدت لي الكابتشينو وهي تقول : اشربه لايبرد زياده على كذا ..
اخذته منها وانا اقول : خلاص صار دافي يوم لمسته يدينك ..
رنا
استحيت لما قال هالكلام ..وحمرت خدودي ..
قلت اغير الموضوع : تبغى سينبون والا دونات ؟؟
احمد :اللي يجي منك ..
حطيت اصبعي عند فمي وانا اقول : اممممممممم اذا علي انا ماراح اعطيك شي ..
رفع حواجبه : ليش ؟؟ ترى حتى انا جوعان زيك ..
رنا : خلاص رحمتك ..
قطعت له قطعه دونات سكر : سم ..
احمد وهو يمد يده : سم الله عدوك .. قولي آمين ..
رنا : آمين ..
جلسنا نآكل ومن زود الجوع اكلنا كل الأكل وشربنا معهم الكبتشينو الثلج .. بس كان طعمه لذيذ بسبب الجووووووووووووع .... هههههههههه
احمد
طول ماانا أكل كنت اهوجس .. ياربي افاتحها بالموضوع والا لا ..
حتى لو فاتحتها وش بقول ؟؟
شكلي انسى السالفة ازين لي ..
لا لا .. مراح انساها .. واذا رجعت لها مرة ثانية وش اسوي ؟؟
يعني يصير اصبر على هالحال من دون مااعرف وش السالفة ؟؟
اقولها ليش طحتي ؟؟
اخاف تقول متى طحت .. وتبدأ هي تسألني بدل ما أسئلها انا ..
وش ذا الورطه الحين ؟؟؟
اموووووووت واعرف وش السالفة ...؟؟
رنا : سرحانك صاير كثير .؟؟؟ مو
ابتسمت لها : لا عادي بس مشغول بالي شوي ..
رنا : الله لايشغله الا بطاعته ..
احمد : آمين ..
حبيت اغير جو تفكيري كله فسألتها : رنا ممكن اقولك شي ؟؟
رنا : تفضل ..
أحمد : لاتزعلين مني بسسسس .. انا ادري يارنا لبسك مافيه شي وعادي بالنسبة لي بس اهلي مايتقبلون .. فليش تحرجيني عندهم خصوصا اني قايل لك غيريه ..
رنا : احمد مو مسألة احرجك او لا .. بس دام انا مقتنعه باللي اسويه فليش تجبرني على اني اسوي غيره ..
أحمد : حتى لو كان عشان خاطري ..
رنا : خاطرك ؟؟؟! احمد انا متعودة البس كذا قدام اهلك .. مشعل الله يرحمه ماكان يقولي شي .. واهلي تعودوا علي وعلى لبسي ..
طيرت عيوني .. : كنتي تلبسينه ايام اخوي ..؟؟
ابتسمت على تفاجأي : ايه وعادي مايقولي عشان اهلي زيك ..
ضحكت وانا اقول : ههههه انزين ليش نورة قالت لك هالكلام ؟؟
قالت بحزن : يعني ماعرفت قصد نورة ..؟؟
من جد ماكنت فاهم .. بصراحه ماعرف لسوالف الحريم : وشو قصدها ؟؟
رنا وهي متضايقة وتقول بصوت عالي وكأنها بتطلع اللي جواها : قصدها تقول لك .. حتى انت يا أحمد ماقويتها .. تحسب مشعل رافض لبسي وساكت .. وانا اللي راكبه راسه .. وجيت عاد انت على قولتهم وكملت الباقي ..
جلست اضحك الين تقطعت مصاريني ..وربي سوالف حريم بايخه : هههههههههههههههههههههههههههههههههههههههههه .. على العموم يارنا عشان خاطري حاولي تتجنبينها قدر الأمكان ..
قالت بثقة : اصلا وش علي منها ؟؟ انا بشقتي ولا احد له دخل فيني ..
عجبني تفكيرها وصفقت لها :: وانا اصفق قلت : يعجبني الواثق والحكيم ..
رنا
ايه نسيت سالفة الشقة ..
رفعت حواجبي وانا معصبه على الأخير ..
قبل لا أنطق قال : تونا نقول واثق وحكيم .. ليش العصبية الحين ؟؟
ناظرته بعين قويه : يعني ماتدري ؟؟ ليش تكذب علي وتقول نفذت كل شروطي ..
احمد ببلاهه : ماكذبت وكل اللي قلتيه نفذته ..
رنا بعصبية : تسوي نفسك برئ .. تحط لي شقة فوق اهلك وتسميها شقة وتنفيذ شروط ..
احمد بحزم : مو كنتي تبين شقة بروحك ؟؟؟
رنا : ايه بس مو فوق اهلك ياحكيم زمانك ..
احمد : هي شقة وخلاص والا لازم تكبرين السالفة ..
رنا : اصلا هي كبيرة بكذبك وافترائك ..
احمد
احسها زودتها كثير .. وكله عشان ايش ؟؟ عشان شقة وياليت عاد ماسويت لها اللي تبي .. سويته لها وتتكلم بعد وتخانق ..
انا مدري وشلونا رضيها ذي ؟؟
كل ماقلت روقت وصارت احسن .. ترجع تنقلب ولا كأنها رنا اللي كلامها ينقط عسل ..
احترت معها .. اجيبها يمين تجيبها لي يسار ..
والمشكلة عليها لسان زي السم مغير يجرح ..
رنا
ياكثر مايسرح .. احسن خل يلهى عني شوي ..
قمت بعد ماشبعت وحمدت ربي ..
طلعت من الغرفة ورحت للمغسلة فرشت اسناني ورجعت ثانية ..
انسدحت على السرير تغطيت وقبل لا أغمض عيوني ..
احمد : وان شاء الله الأكل من بيضفه ؟؟ لايكون انا ..
رفعت الغطاء وقعدت : وليش ماتضفه انت ؟؟ والا تبيني اضف الأكل واقوم اغسل يدينك بعد ماتخلص.. وش رايك انت ؟؟
قال وهو يبتسم .. ادري بس عشان يحرني : مو شينه والله ..
نرفزني فقلت له عشان اضايقه : مو منك ؟؟ من اللي قايم من نومته ومكلمك ..
احمد وهو يضحك بصوت عالي : هههههههه تكفين عاد ياسندريلا زمانك .. تصدقين تكرمتي علي بسماع صوتك اللي ينقط سم ..
انا كلامي ينقط سم .. طيب يا أحمد ..
اوووووووووووووووه بعد . نسيت اغير ملابسي ..
اووووووف مالي خلق اقوم .. ادري بيتريق علي ومايخليني بحالي
اخاف يقول من حماسها للنوم نست تغير .. احسن شي اصبر لين ينام بعدين اغير .. ولو انام في هاللبس ترى مو شينه ..
يتبع ...........
|