تخوفني مسافات الطريق المظلم المهجور..
واليا مني تذكرتك قلت طولي يامشاويري
عزاي انك رجاي العذب لو كل الدروب عثور..
وصلت اوما وصلت اعرفك منت منتظر غيري
احبك لو يموت الحب وتصير القلوب قبور..
احبك كلمة لو حرموهاحل في قاموس تعبيري
احبك من هنا حتى طلوع الفجر حد النور..
صحيح انك قدر محتوم بس اجمل مقاديري
بعذر اللي يحبك لو يصير الشاعر المشهور..
لأنك تنهمر حلو القصيده في تعـابيري
احد ربي يحطك له حبيب وما يجيه غرور..
وانا مهما بغيت استوعبك ياقل تقديري
هلابك من قدمك لغرتك لشعرك المنثور..
هلا في كل شي فيك وانت اغلى مساييري
اثر صدق الغـلا يجبر حطام الخاطر المكسور..
وانا مهما منحتك من غلاي اشعر بتقصيري
|