يقال الذيب يعشق مثل مايعشق بني الإنسان
وانا بالعين شفت الذيب ودمعة عينه منهمره

سالته مادها العينين تهل صاف الدموع الوان
سوالي هل طواك الجوع والا شارب الخمره

وردعشقت الخوخ والرمان والتفاح وتوت لبنان
انا الهاوي وانا الغاوي وانا الناوي على السفره

على بيروت ولندن وانقفره والصين واليونان
لفت في النظر غاضب وقال القلب به جمره

بعيد الماضي السابق لعنتر من قديم ازمان
انا مضرب  مثل فالحب لعنترصاحب الشهره

اذا عنتر ولد شداد على صيته في الأوطان
بجدد فالهوى حلوه ويشرب من عصى مره

وعاشوا فالغرام احباب وماتوا بشدة الاحزان
  عشق عبله بلا مكياج ولا صبغه ولا حمره

يطق الناب فوق الناب وعض الشفه بالاسنان
يناجي فالبراري صوت عوي الذيب بالحفره

يجر الصوت واعذب قاف يرجح كفة الميزان
سقا عبله من أطهر حب وشبة جمرة السمره

  وهو ماهر وفارس فالمعارك يصرع الشجعان
رهن دمه على كفه وروحه لفاتن حسنة الغره

ابخلف نظرة السفره وحدي اطويق و الصمان
ولا اسافر عاليونان فإن الجنز يغير رزة الغتره

السكب 12


نجم يحب يسبح في البحور الطويله
لاتنس سترة النجاه والابتغرق