هذى الطريقه دجاج المشوي...تنفع للرحلات....

1- اول شي نغسل الدجاج عدل ونقطعه حسب الرغبة ونحطه في بادية نايلون او بلاستيك ( لان مثل ما انتوا عارفين انه مايصير نتبل اللحم او الدجاج في قدر معدن او استيل يقولون مو زين ولان البهارات تتفاعل مع المعادن ،، هذا اللي انا اعرفه )
2- نخلط البهارات مع بعض ( بصراحه انا سويت خلطة بنفسي يعني حطيت لومي اسود - فلفل اسود - بهارات الدجاج وشوي ملح مع زيادة اللومي الاسود ،
بالاضافة الى تقطيع البصل ( وكل ما زاد البصل كان افضل ( بس عاد مو تحطون خيشة بصل كامله )
3- نبدي في دعك الدجاج مع البهارات المخلوطة والبصل ... وبعد ما نخلص نصب على جميع قطع الدجاج علبة روب ونخليه في التلاجة لفترة انت تقررها .. كل ما زاد كان احسن
4- وبعد هذا نفرش القصدير ونسوي القصدير 3 طبقات ( يعني 3 تحت و3 فوق ) زي ما شايفين بالصورة




5- نبدأ في وضع الدجاج على القصدير زي ما شايفين بالصورة



6- بعد ما نخلص من وضع الدجاج ، نقطع شرائح من البصل والطماط ونحطه على الدجاج ، ثم نقوم باغلاق القصدير بإحكام ودقة



7- بعد ما سكرنا القصدير ( طبعا نكون شابين الفحم ) نشيل القصدير ونحطة مباشرة على الفحم يعني لا تحطونه على الشبك ... حطوه مباشرة على الفحم ، بس ديروا بالكم على القصدير لا ينشق او تفتح فتحه ولو كانت صغيرة ، ولو حصل حاولوا تسكرونه وتخلون القصدير على الفحم مده أطول ، يعني اذا ما كان مشقوق القصدير يبغالو من 45 دقيقة ، واذا انشق القصدير يبغالو ساعه ، ، ولا تخافون اذا خليتوه اكثر عادي ما راح يحترق ....



8- بعد ما خلصت الساعة نشيله شوي شوي لانه حار وديروا بالكم ترى القصدير بسرعه ينشق



9- نبدأ بفتح القصدير



10- راح تشوفون مفاجأه ... تشوفون ان الدجاج دايب مرا والطماط م فوقه والبصل
يعني شي عجيب..



وبالهنا والعافيهـ:)