الجزء الرابع
تحديد مصيــر
=========
بعد أربع أيام قدرت بدريه تاخذ ساعة زمان من وقت مصعب اللي كان مشغول بطلعاته المستمره مع ربعه
بدريه\قولي..وش رأيك ؟
كان وقع الخبر على مصعب مثل امه..ويمكن كان اكثر اندهاش..
ماكان متوقع بيوم انه علاقتهم مع بيت عمه بو عبدالله توصل انهم يقربون لأخته..
اسئله عديده في باله وما كانت لها اجوبه مقنعه..
هو من حقه يرفض..وخصوصا لمن امه صدمته بموافقة اخته..
مصعب\يمه..أنتي فاجئتيني!؟
بدريه لأول كانت متوتره من موضوع الخطبه\وانا مثلك متفاجئه..مصعب قولي ياولدي..انت وش رأيك بسامي!؟
فكر مصعب بسامي اللي له اربع سنين وماشافه ومايسمع الا اخباره من اخوانه ..هو صحيح كان بين فتره وفتره يتردد على قصر بوعبدالله ويطلع مع ركان اللي بمستوى عمره لمن اصبح صديق مقرب له..لكن سامي كان من وهو صغير بعيد عن تجمعاتهم ويحب الأنعزال عن الناس..
لكن الحقيقه تقال بحكم جلساته القليله معاه وسماع اخباره من اخوانه..
فهو مافي مثله اثنين..
شاب طموح..ومتلزم..بشوش وقليل الكلام الوقت يدخل القلب بنظره وحده منه..وهو الوحيد اللي كون له مصنع خاص يصدرّ الزجاج ..واعتمد على نفسه وكافح عكس بقية اخوانه اللي لازالوا يعتمدون على ثورة ابوهم..!
والعائق الوحيد فارق السن اللي بينه وبين اخته..
بس في حلقه فارغه بالموضوع..
ليه اخته بالذات؟!؟؟
شخص كـ سامي مثالي من جميع النواحي...مايفكر بطبقه اقلّ من مستواه!؟
موضوع محير جدا
مصعب\وش اقولك يايمه عن سامي..أظن انك تعرفينه اكثر مني..!
بدريه\داريه اذكره من هو صغير..لكن من دخل الثانويه التحق بمدارس بالخارج لمن كمل الماجستير على كلام امه وانقطعت اخباره..واللي فهمته بعد انه طول وقته مسافر يتابع شغله..
مصعب وافق كلام امه\صحيح كلامك..و من ناحيته الرجال الكل يشهد بأخلاقه وبالتزامه..هو غير ركان وعبدالله...ركان خبل مثلي وضحك بااستهتار....وعبدالله مطاوع زوجته في كل كبيره وصغيره!..
بدريه\وانت وش دراك!؟
مصعب بلهجه ماكره\يعني تبين تفهميني انك ماتدرين..!ركان حبببي قلبي اخبار أهله كلها عندي..
بدريه\يقطع ابليسكم..كلكم نفس التفكير..والجنون!
مصعب\شنسوي بعد..يحبونا بجننونا..
بدريه\ يمه منك محد ياخذ منك لاحق ولاباطل..من وين جايب هالغرور.!؟
مصعب بكل سخريه قال\من اللي منطقه فوق..يمه قوميها خاست نوم..
بدريه\خلها نايمه..بتفكني من حنتها!؟المهم اسمعني..انا بعد كم يوم بكلم ام عبدالله وبعطيها الموافقه..
رد مصعب وكأنه الموضوع مايعنيه\اللي تشوفينه..ووقف على طوله..يالله انا طالع...تبون شي!؟
بدريه\وين بتروح..حتى ساعتين على بعضهم ماكملتهم معي!؟
تضايق مصعب وبان هالشيء بملامح وجهه اللي بدت تضيق\يمه الربع ينتظروني بالمرزعه..تأخرت عليهم!
بدريه\وهذا حالتك..يا طالع..او نايم!؟ماعندك شي تسويه نافع!
ابتسم بغرور\لا عندي..ورفع عوده..اغني لك!؟
بدريه\روووح..فكنا..قال اغني لي..
مصعب\ههههههههه زين سلام..
طلع مصعب من البيت وامه تدعي له بهالهدايه والصلاح..
كانت تشوف مصعب..وكأنها تشوفه وهو صغير..ماتغير شي فيه..ولاتطور..ولاتتوقع انه بيحين يوم وبتتغير شخصيته وبتكون للأفضل..!
مصعب الشاب المستهتر الغير مبالي..مصعب اللي همه نفسه ورغباته..واهله اخر قائمه ممكن يلتفت عليها..
"الله يهديك ياولدي"
==========
توالت الأيام وبدريه بشرت اهل سامي بموافقة بنتها ..ومرّ اسبوع بدون احداث تذكر غير تحديد موعد الخطوبه اللي بتكون بنفس اليوم اللي بيرجع فيها سامي من سفره قصيره لبريطانيا
;
العامله الأولى كانت تعمل لها بوديكر ومونكير..والعامله الثانيه كانت تفتح الرولات الكهربائيه من شعرها..
وطيعا جميع الأدوات كانت منها..لأنها مستحيل تستعمل شي احد استعمله من قبلها..
اما هي كانت رافعه سماعة التفون وتستعجل فريد
لولو\وينك انتي..لي ساعه انتظرك!
فريد\الله يخليك..يعني انا اذا كنت موجوده..وش بيفهمني بهالسوالف..كان جبتي الهبله عواشي او حنوا!
لولو\هذا انتي قلتيها هبلات.مو راضين يجون..!يقولون بالملكه بنجيك..
فريد\المهم نص ساعه بالكثير وبطلع لك..
لولو\طيب فريد لاتتأخرين..بلييييز
فريد\زييين..زين لاتبكين علينا..سلام يادوبه..
احمر خدها من الغيض\دوبه بعينك..عقدتيني..
فريد\هههههههه عشان تخففين من الأكل..
لولو\خلاص فكيني سلام.
اغلقت الخط وناظرت نفسها بالمرايه بكل غرور
"والله اني اهبل..حتى لو اني مليانه حبتين.."
العامله الفلبينيه اللي تشتغل على رجولها\yes mum
لولو\ايييييييه ولاشي...خلصي شغلك..
نص ساعه ودخلت فريد وهي تصرخ
فريد\وش هالحفله اللي بوجهك؟؟؟..اذا تزوجتي..وش بتسوين!؟
لولو ضحكت بغرور\علووووم..بس الله يقرب هذاك اليوم!
فريد\ياحمـ..مستعجله على العرس..
لولو\ماعليك مني..اشوف وش لابسه,,!
فريد\يعني وش لابسه مثلا..
لولو\طيب وريني اووف؟؟!
فتحت فريد عباتها..ولولو ناظرت بلوزتها اللي بلون الأخضر الفاقع..على بنطلون جينز ابيض وبوسطها حزام فضي..وشعرها طبعا مجعد وقصير..
لولو\واااااااااااو..الصراحه انجاز..بس لو لابسه تنوره.بتطلعين شيك..
فريد ارغمتتها تسكت بكلمتها المعتاده\كولي عسل..
لولو بلهجه راجيه\طيب فريد..حبيبتي انتي...حطي شوي مكياج..
فريد\لا
لولو\طيب بس قلوس على شفايفك!
فريد عصبت\لاااااااااااا
لولو\ولّ..خلاص ليتني ماقلت لك..راسك يابس
فريد بـ بحة صوتها وهي تفصح عباتها وتطبقها\تستاهلين..
كملت لولو شغلها..وفريد جلست بكل عرابجه جلستها المعتاده برجلين مفتوحتين وسولفت مع بنت خالتها..
فريد\اقولك..فرضا بعد كل هالحفله اللي عملتيها..خطيبك المحترم مايطلب يشوفك..
لولو بثقه عمياء ردت\لاتخافين..اصلا الرجال اهم شي عندهم النظره الشرعيه..
فريد اكتفت بالسكوت لأنها ماتعرف بهألأمور
وتوها تنتبه لفستان لولو اللي مفروش على سريرها..وكان طبعا اسود بخيوط دقيقه بلون الذهب..وحاشيته ايضا بنفس لون الذهب
فريد\هذا فستانك!
لولو\يس
فريد\مو كانه عاري مره..
لولو بدون اكتراث\لاتبالغين..
فريد\طيب بتدخلين على الرجال كذا!
لولو\تبين مصعب يذبحني.في له جاكيت ذهبي قصير جاي معاه.!
فريد\طمنتي قلبي..
لولو\هههههههه سلامة قلبك اللي يحب..
فريد\آآه بس..
لولو\انتي وحده هبله..متعبه عمرك مع واحد مايستاهلك.!
فريد\هذا وهو اخوك وتتكلمين عنه بهالطريقه الشنيعه!؟
لولو بكل جديه ردت\لأني عارف انه اخوي مايستاهلك..
فريد انزعجت وصابها ألأسى\لاتقولين كذا..
لولو\اصلا ليش اقولك انتي عارفه اخوي اكثر مني..من اسمه مصعب..صعب جدا..
سكتت فريد وهي تتألم من داخل.."الكل عارفك...حتى اختك غاسله ايدها منك.!آآه يامصعب الله بلاني بقلب مايحب؟؟"
فريد\انا نازله أتوقعهم جو!؟
لولو\اوكي إذا جو..أعطيني رنه!
فريد \اوكي..
طلعت فريد للصاله وفعلا كانت صادقه بحسها..المعازيم وصلوا..وشربوا العصير كمان
و بدخلتها وخطواتها السريعة احدثت ضجة بالمكان وارغمت الكل يلتفت لها ويعـرف من هالغريبه اللي دخلت عليهم..
وقفت نص دقيقه وهي مستغربه ليش الكل يناظرها بهالنظره!
ماعرفت وش تفسر هالنظره..لكنها تأكدت انها نظرة اعجاب ممزوجه بغرابه..
تقدمت للحريم بخطوات اقل سرعه وسلمت عليهم وسمعت خالتها تقول\هذه فريده بنت اختي هيا..
ام عبدالله\ماشاء الله..بنتك ياهيا..
اومأت هيا رأسها بكل فخر\اكبر بناتي..
لأول مره فريد تنحرج لكنها مابينت وكملت التسليمات لمن وصلت لبنت من نظره وحده شعرت انها رقيقه ودلوعه بنظراتها وبان غنجها بفستانها الكحلي القصير المنقط بأصفر..وايشارب اصفر بين شكثر هي صغيره..
سندس\أنتي صديقة لولو صح!
فريد بصوتها المبحوح\صح
سندس\انا سندس..لولو دوم تتكلم عنك.
لوت فمها فريد وهي تحاول تقلد نبرة صوتها الدلوعه\عنك؟؟تيب..
مرت من جنبها بكل دفاشه..وماسمعت كلمتها الأخيره لأنها رجعت تجلس بقرب نعيمه اللي حاضنه ايد امها..لكن مافاتتها نظرات الأعجاب اللي انرسمت بوجهها الناعم..
هيا\وش تسوين فوق هالكثر..
فريد تذكرت لولو واعطتها دقه\نرقص..قصدي.....نسولف ههه
سمعتها بدور اللي كانت بعيده شوي عنهم\بايخه..
فريد بنظرات سامه\وانت ابيخ..
هيا\حتى هنا بتتخانقون..
فريد\عادي يمه نضيع وقت..ووقفت على رجولها واخذت عصير كوكتيل كان على الطاوله وشربته بدفعتين وبنهاية شربها طلع صوت عفوي من فمها..ولمن انهت عصيرها لاحظت انه الكل يناظرها..طنشتهم وحطت الكاس على ألأرض واحدث صوت مع صوت السيراميك الامع..وصارت تطقطق باايدها بممل..
هيا انحرجت من حركات بنتها\فريد..رجعي الكاس..وبلاش هالحركات..
فريد ماعجبها الكلام\طيب..وهذاني رجعته..
رجعته وغمزت لـ سندس اللي تتأملها بنظرات اعجاب..
آما سندس عضت على شفتها والتفت لأختها نوره الكبيرة بإحراج فاضح وعرفت انه فريد اكتشفت نظراتها
نزلت الأميره الحسناء لولو بااحلى طله..ورغم عن الجميع تأملوها بنظرة اعجاب..لكن ماسرع ماهالنظره اختفت بسهوله لأنهم متعودين على جمال لولو ولبسها الأنيق..
تمت الخطوبه بشكل رسمي واتفقوا الرجال على انه يوم الملكه قبل الزواج بيوم..وهالقرار كان قرارا سامي..لكن بلسان ابوه
انفتح البوفيه اللي اخذ جزء الأكبر من صالة الطعام..ولولو لازالت تنتظر الشوفه الشرعيه..
لكن كل اناقتها الليله راحت هباء منثورا..وسامي ماطلب شوفتها واكتفى بشيك يقدرّ بـ (...) مهر لها سلمه لمصعب ..وساعتين فقط وعم الهدوء بفلة بومصعب
-----------------
جالسه بكنبه ذهبيه مزدوجه وكانها ملكه على عرشها وفستانها الأسود زادها جمال
تعض شفايفها اللامعه بقهر.لمن شعرت ان روجها ذاب بفمها الجاف..
فريد بصوت اقرب للهمس\مو قلت لك انا..بس ماصدقتيني..
ضربت لولو رجلها على الأرض بقهر\لاتزيديني فريد..والله اني ميته قهر..وكملت بكل كبرّ..انا..لولو..بنت ال..مايطلب شوفتي!..ليش؟؟؟؟؟؟؟
فريد بضحكه ساخره\عشنا وشفنا..انقلبت الحال الصراحه..اللحين صارت البنت هي اللي تطلب النظره الشرعية..بس تعالي انتي من صجك موافقه انه زواجك بعد شهرين!
لولو\ايه..وشفيها يعني!؟؟
فريد ضربت كف بكف\ودراستك ياحظي!.
لولو\الله والدراسه..فريد حبيبتي خلينا صريحين انا وجهي وجه دراسه..خلينا ساكتين احسن.!
فريد بدى الخوف يدب فيها\يعني شنوا..مو مكمله..؟
لولو\بكمل ياقلبي عشان اشوفكم بس..اما دراسه وواجبات انسي حبيبتي..!
فريد حست بالقهر من بنت خالتها اللي مو هامها مصلحتها\شتقولين انتي ..والله يبيلك ضرب.!
لولو\بليييز فريد..سكري هالموضوع لأنه مفروغ منه!
فريد\صدقيني بتندمين..!
لولو\لاتخافين علي.ماراح اندم..
فريد\انا اللي قاهرني امك اللي ماعلقت...وكانه الموضوع عاجبها,
لولو بكل سخريه قالت\امي ياقلبي عارفه انه بنتها بطرانه..وبعدين وش ابي بالدراسه دام الملاين بتكون باايدي
فريد\سكتي احسن....والله انه كلامك يعذبني..نرجع لموضوعنا الثاني احسن
لولو رصت على اسنانها اللؤلؤيه بغيض\فريدوا..انكتمي..خليني انسى..بموووت قهر
فريد\لا الله يخليك..انفجري وسمعي امك.. واخوك اللي يقزنّا من اول مادخل..
ناظرت لولو مصعب اللي كان يسولف مع خالتها هيا وعينه حولهم\وش السالفه..النظرات حارقه بزياده اليوم..
فريد مافتكرت انها تلفت عليه\ياكل عسل..وحطت رجل على رجل..ابيه يحس كيف انا اغلي كل مايصدني بغروره..
لولو\انتي قدها..
فريد\ونص..
وبعد دقائق
فريد بنبره متسائله\لولو..
لولو \نعم..
فريد بخجل فظيع وهي تحاول تلتفت لجهة مصعب لكن نفسها ماتسمح لها\وش يسوي اللحين..! وبلهجه حزينه قالت\..يناظر!؟؟
ماتت ظحك لولو\اي حظ اللي طحتي فيه يابنت خالتي؟؟
فريد بنبره حاده\ممكن تنكتمين وتقولين وش يسوي اللحين..
لولو\قرب منا..
اتسعت عيون فريده\حلفــي..!!!!!!!!!!!!
لولو\واللـ...ماكملت كلامها لأنه مصعب تقدم لهم ووقف قبالهم..وجلس بكل جراءه جنب اخته اللي تفصل بينه وبين فريده..ولجل يغيضها اكثر قرب من اخته لمن ارغم فريد تتحرك بضيق من مكانها
مصعب وهو يغني\مساء الخير والاحساس والطيبه..
ماتت فريد وهي تسمع صوته اللي يحرك احاسيس جياشه داخلها
لولو\لا..اخوي اليوم مروق..عساه دوم..
مصعب رجع غترته للخلف \شخباركم!
لولو\لا..كلنا بخير..
ناظر مصعب فريد اللي موطيه رأسها\وش عندك يالولو منثبره..ليكون القطوه كلت لسانك!؟؟
فريد رفعت رأسها له بكل حقد وسرحت بوجهه ثواني وبالثوب اللي نادر مايلبسه ولمن لاحظت ابتسامته اللي اتسعت حست على نفسها وردت بكل وقاحه\قطوه تاكلك قول آمييين..
ضحك مصعب بكل غرور ورقت ملامحه\معاك ياااااااااارب
فريد\مشكله ياولولو اللي يستخف دمه..وهو ثقيل..!
التفت لها لولو وفمها مفتوح!
مصعب لوى فمه بكل مكر \تكفين يالولو..يارقيقه..
انجرحت اكيد..وشلون ماتنجرح والكل يعتبرها من صنف الأولاد...لكنها مو هي اللي تسكت له\خليت الرقه لك يالولو..
مصعب\الأعتراف بالحق فضيله يااختي..اقول لولو..عجبتك الهديه؟؟
لولو\ايـ
فريد بجرءاه اكبر ردت\زي وجهك تصدقين؟؟؟؟؟؟؟
مصعب ولاانهزت شعره فيه \هههه اها..مدامها زي وجهي يعني حلوه..
فريد\لولو تراك لوعتي كبدي..روحي وفكيني..
قامت لولو وهي متنرفزه منهم
لولو\وقسم بالله اطفــال..
مشت وتركت خلفها اثنين حالتهم مايعملها الا الله,, فريد اللي احمر وجهها من الخجل لأنها مابينها وبين مصعب غير شبر وتلصق فيه..مشت وتركت مصعب اللي كان مستمتع بخجل فريد النادر..
مصعب رفع حاجبه\مايلبق عليك!
فريد استنكرت كلامه\ااايش؟!
مصعب\الخجل مايلبق عليك!
اعتفست ملامح فريد وهي تتألم..وماعرفت شلون ترد عليه!؟
مصعب\تألمتي صح؟!..وكمل بكل حده..ذوقي اللي ذوقتيني اياه ألأسبوع اللي فات..
فريد\اااانت..وا
مصعب بنفس النبره الحاده\ولاكلمه..
كانت سكاكين تطعن قلب فريد..تجرحها..تفتتها..تذوبها..
ذبحها مصعب اليوم..
تحاملت على نفسها وقامت ولملمت باقي كبريائها\صدقيني لو في كلمه تستحقها اقوى كان قلتها يا..كملت بكل سخريه..ياولد خالتي..
تركته ومشت لأمها تستعجلها لأنها ما تضمن عمرها وتقلب البيت حريقه
---------------
|