(( البارت الرابع))
جناح حور ويوسف يوسف عالكنبة وحاط رجل على رجل ويطالع التلفزيون وحور جالسة بغرفتها على السرير ومدده رجولها وكانت لابسة بنطلون جينز وبلوزة اكمام وجيب دائرة واااسعه ونحر حور وااضح وفاتحه شعرها وحاطته على جهة واحدة تقرأ بكتاب ..
جوال يوسف يرن استغرب يوسف من هالرقم اول مرة يدق عليه ..
يوسف : نعم ..
المتصل : يوسف محمد ..؟
يوسف : عفوا ..منو معاي ..؟
المتصل : ماعرفتني ..؟
يوسف وعدل جلسته : لا ماعرفتك .. مين .؟
المتصل : ماتوقعتك تنسى صوتي ..في إجازة وقدرنآك .. بس تنسى صوتي لالا ماتوقعتها منك يايوسف ..
يوسف منبهر : ..............
المتصل : معاك اسامة ..
يوسف ببتسامة قوية : اهلــــــــــــــــــــــــــــــــــين .. والله اعذرني لان رقمك المسجل عندي غير .. فاستغربت وصوتك متغير ..
اسامة : افآآ يايوسف صوتي متغير ..ولا من كثر ماتسئل عني نسيته ..
يوسف : حرام عليك يامعوود .. بس الدنيا مشاغل ..
اسامة : طيب باقي اسبوع على اجازتك ..؟
يوسف : ايه ..
اسامه : انا اجازتي من امس بدت ..
يوسف : آوووه من قدك .. أجل بتفرفر بأم العيال ..
اسامة : ان شاء الله .. لان حاط بالي نسافر ... صج ترى بعد اجازتك على طول عندك سفره ..
يوسف : حلوو .. انا محتاج لأجواء العمل .. اشتقت لها ..
اسامه : غريب امرك .. الأول كنت تنتظر اجازتك على أحر من الجمر ..
يوسف : خلاص انا بكرآ بشوف السفرة على وين ..
اسامة : والله مدري بس هذا الي سمعته قبل لااطلع اجازة .. وقلت ادق واسئل عنك واخبرك مرة واحدة
يوسف : تسلم ماتقصر والله ..
اسامة : خلاص اجل اهم شي تتطمنآ عليك .. مع السلامة
يوسف: تطمن عليك العافيه .. الله يسلمك..
يوسف قام من الصالة دخل للغرفة النوم لان غير رايه بيروح اليوم للطيران يشيك على مواعيده من دون لايناظر لـ حورفتح الدولاب وخذ بدلة الطيران ودخل غرفة التبديل وبدل ثيابه وطلع وقابل التسريحة عشان يعدل حآله ..حور يجن جنونها على شكل يوسف ببدلة الطيران ..
ناظرته ببتسامه يحبها يوسف واعتاد عليها ويعتبر هالابتسامة جزء من حياته حور ولا نزلت عينها عن يوسف يوسف قام يبادلها بنظاراته من المرآيا .. وراح لعندها وجلس على طرف السرير وتتكئ بيده على السرير بحيث ان رجلين حور صارت محصورة بيين يد يوسف من جهة ووجود يوسف ونظاراته من جهة حور نزلت راسها يوسف ضل يناظرها ورفع راسها ببهامه وسبباته .. ونحى راسه تجاه كتفه وضل يناظرها وابتسم لها ابتسامة دخلت قلب حور بدون سابق انذار ..
يوسف ببتسامة : حور ..
حور بحيآها الي يعذب يوسف ورمشت بعيونها : عيونهآآ..
يوسف وحط يده على خد حور ويلاطف خدها: مابي افتح جروح من جديد .. بس كل الي اقدر اقوله رغم كل شي الا ان انتي بقلبي مثل مانتي مافي شي يغير حبي لك ..
حور وهي هآآيمة بتعابير وجه يوسف وكلامه وسرحآنه فيه :...............
يوسف ورفع يده الي متكي عليها وقرب منها اكثر ومسك وجهه بيدينه الثنتين وببتسامه : حور وين رحتي ...؟
حور غمضت عيونهآ ورفعت راسها فوق وببتسامة : انا مارحت مكان انا بقلبك يايوسف بقلبك..
يوسف ولف يده على كتوفها وقربها منه اكثر واكثر وعيونهم تعلقت ببعض يوسف يهمس : أحبك ..
حور وحضنت يوسف : آآه يايوسف .. ماتدري انك بهالكلمة تبعثر كياني ومشاعري وحآلي .. تبعثرني حنيتك .. وتعذبني قسوتك ..
يوسف ويلوم نفسه بينه وبين حاله : والله مو بيدي يالغاليه ..
حور : يوسف اشفيك سكتت ..
يوسف بعدها عن حضنه وابتسم لها : لاني احبك سكتت .. ..وهو يعدل حزاامه حق البنطلون : يالله حبيبتي تآمريني بشي بروح اشيك على السفراات الي انا ملزوم بها اسبوع الجآي ..
حور : لا سلامتك .. وانتبه لحالك يالغالي ..
يوسف : يالله مع السلامة .. تجهزي الساعه 9 ونص بنطلع انا وانتي .. نغير جو..
حور: ان شاء الله تآآمر ..
أريام : لا سارة يرحم والديك احس فشلة تمرون علي ..
سارة : يابنت الحلال .. موانا الي قلت فارس خبرني اخبرك وانتي واحدة منآآ يااريام لاتتحسسين من كل شي
أريام : خلاص الي يريحك سوويه ..
سارة ببتسامة: اوكي حبيبتي اذا نغمت لك هذا احنا يم باب بيتكم ..
اريام : اوكي حبيبتي ..
سارة: سيآآآ
اريام : سيآآ
نوار : نور وين الايشارب الفوشي .؟
نور : مدري هو يبي له غسيل مدري غسلته ناني ولا لا ..
نوار : ياالله ..
نور : ضروري تلبسينه ..
نوار : لا مو كذا بس اشتهيت البسه ..
نور بخبث : نوار حطي عينك بعيني ..
نوار بنرفزه :انتي شفيك خبله .. تهببين بموضوع لموضوع علي ..؟
نور ببرود اعصاب : أتمنى ان مو في الي ببالي ببالك ..
نوار بصوت مرتفع : الكلام معاك ضااايع ..
نور بينها وبين نفسها :يؤؤ نسيت ادق على وجود ..
دقت نور على وجود وعملتها مضمون الي صار .. ووجود تحس نفسها محتارة : شسوي ياربي حبيته وهذا الي صار ياربي تميل قلبه تجااهي ..
بدر توى صحآآ من نومه ومغمض عين وفاتح عين وتوى شاف المكالمات الي من فارس وعلي : أووه فارس وعلي لايكون فيهم شي ..
بدر دق على فارس بصوته الي مبيت توى صاحي من النوم : الو
فارس : اهليين .. بدري لاكان رديت ..
بدر: والله كنت نايم تعبان حدي ..
فارس :طيب المهم .. والأهم والي يهم .. الليلة كلنا متجمعين نبي نروح الراشد وبنودي البنات يغيرون جو .. مساكين .. انت وخلوود واختك لجين .. بتجون معنا ..
بدر : اوكي خلاص على كم الساعه ..؟
فارس : امممم عالساعه 8 ونص
بدر: يالله خلاص بقوم اصلي واتروش واجهز نفسي واكون عندكم ..
فارس: اذا خلصت تعال يم بيتنا لان كلنا بنحرك في وقت واحد ..
بدر : هههه لازم يعني هالزبرقه >>> يعني الرزة
فارس : هههههه افا عليك اكيد لازم ..
بدر : اوكي خلاص مع السلامة
فارس: الله وياك..
فارس لبس ثووبه وشماغه طبعا وضع شماغه مثل مايحب شرمبو صاير ..روعـــــــــه ..
سارة طقت باب غرفته فارس : منو
سارة : انا سارة
فارس : دخلي
سارة فتحت الباب : الله عليك ياخوي عيني عليك بااردة ..
فارس : يلف وجهه عن التسريحة لسارة ويحط يدينه على صدره ويمسح بهم كأن يضبط حآله ببتسامه : هآ اشرايك ؟
سارة : والله يبي لأمي تبخرك وتقرأ عليك المعوذات قبل لاتطلع
فارس ببتسامة : انا اقرأ على نفسي مايبي لها اما البخور .. بالغتي ..
سارة يدينها على خصرها ولفت راسها تجاه كتفها وبدلع : هـــــــــــآ فارس قمنا نغتر !!
فارس وهو يتعطر : أمزح معاك اشدعوة
سارة ببتسامة :ادري بس حبيت اسوي اكشن ..ههه
عبدالله طبعآ تجهز بعد ماخبروه على طول يبي ينسي نفسه الي صار بينه وبين اخوه ويعيش يوومه ..
لبس بنطلون جينزازرق وبلوزة شتوية باللون البني ..وصاير شكله مرتب
في بيت عبد العزيز
آروى : علي كم الساعه بضبط نروح من زمآن وانا جاهزة
علي يبي ينرفز آروى : الله الله الله .. كل هذا عشآن الطلعة لو جامعة ماستعديتي لها بهالسرعه
آروى بنرفزه : عــــــــــــــــــــــلي
تركي وهو نازل من الدرج وكااشخ لابس بنطلون جينز اسود وبلوزة داخلية طاق ابيض وجاكيت اسود جلد مسكر الجاكيت وصاير شكله مرة جونآآن..
علي يصافر ويناظر تركي من فوق لتحت : والله ياتركي اذا بتروح بهالكشخة بتسدح البنات من شكلك وبتجي ..
تركي يضحك على كلام اخوه : اشفيك انت ..شنو مآآكل اليوم ..؟
علي : مآكلك هههههههه
آروى :قل أعوذ برب الفلق والله صاير تهبل ياتركي .. مانقصك الا بنت الحلال ..
تركي ويبتسم لأخته وبينه وبين نفسه : ليتهآ تحس بحبي لها بنت الحلال ياآروى ..
علي صعد لغرفته عشان يتشخص ويلبس شماغه ويعدل سكسوكته وخلا شماغه شيمبو صاير شكله ملفت بقووة
بيت مريم ..
بدر : يالله لجين جاهزة .؟
لجين : أي انا خلصت ..
خالد : انا خلصت بعد طبعا بسيارة واحدة نروح ..
بدر : عادي ماتفرق... بسيارتي ..
خالد أوكي..
طبعا بدر لابس ثوب وشماغ ومسوي شماغه تلثيمه على مايوصلون الراشد لان مايتحمل البرد أما خالد لابس بلوزة شتوية وبنطلون جينز واسع نوعا ما .. وصاير شكله نيو لوك ..
بدر وخالد ولجين بسيارة بجنب بيت خالهم محمد ... علي وتركي وآروى كذلك .. وطلع فارس مع عبدالله ونور ونوار وسارة وركبوا السيارة .. وعطآهم اشارة فارس >>يالله حركوا ..
حركوآ واستغربوا ان الطريق مو طريق المجمع .. وشبه عليهم طريق بيت شريفة
علي : فارس مو أحنا بنروح الراشد شنو جايبنا يم بيت العمة شريفة
فارس : نسيت ان اريام ماحد عندهآ ..؟
علي : أوووووب والله نسيت ..
نغمت سارة لأريام اريام طلعت وهي مستحية بقوة لدرجة ان راسها في الارض من اول ماطلعت من بيتهم ..
ركبت اريام السيارة بصوتها الناعم : السلام عليكم ..
الكل بصوت شبه مسموع : وعليكم السلام ..
اريام جلست بالمقعد الثاني لان سيارة فارس يوكن : والله ياسارة احس مفتشلة ..
سارة : والله لافشيلة ولا شي .. بس انتي مزودتها ريووم ..
اريام ابتسمت واسكتت ..
بدر : خلوود ..
خالد وهو يعدل شعره : نعم ..
بدر: خالد والي يرحم امك لاتسوي لي هذرة ومشاكل مع عبوود ولد عمي ..
خالد بتنهيده: لاحوووووووول .. والله مابسوي معاه شي ..
لجين : طيب خلاص لاتسوون هذره خلونا نستانس
بدر: لاياخوي والله ابي مصلحتك ولا ابي الناس يتكلمون عنآآ ولا عن بيت عمي خاصه ان احنا معروفين ..
خالد: آآمرت خير ..
تركي وهو يطالع من نافذة السيارة بتنهيده و ببتسامة : الله ياسعودية ..
علي وهو يسوق ويلتفت على اخوه تركي : آآووه شــ تنهيده ياخوي لهدرجة تغيرت عليك السعودية ..؟
تركي ويناظر لأخوه ويطلع باكت الزقاير من جيب جاكيته والولاعه : لا مو لدرجة تغيرت بس ....
علي يناظر له باستغراب وآروى طلت بنص بين علي وتركي ... علي : من متى وأنت تدخن .؟
تركي ببتسامة : اشفيكم .. حرآم يعني .؟
آروى : مومسائلة حرآم .. بس .. مدري شقول يعني ابصراحه انا اكره شي اسمه زقاير
تركي يضحك ويكح : ههههههه والله ضحكتوني .. لاتخافون ماادخن دايما وقت ماتصنف عندي يعني بمزآآجي ..
علي : انا ناظرتك وتعجبت مو مسائلة ادخل بخصوصياتك ياتركي بس احس مو زين لصحتك .. بس شي راجع لك حياتك وانت حر فيها
تركي : والله موداايما يعني يمكن بشهر 3 او 4 مرات .. تصنيفه يعني ..
علي يبتسم : ماقدر على التصنيفه ..
آروى تسندت : والله ياتركي انا من رايي تترك ابد ..
تركي يلتفت عليهآ يوطلع الدخان من فمه : ماقدر ارفض لك طلب حبيبتي .. بس هالطلب والله ماقدر عليه ويمكن مع الايام اترك ماتدرين .. سبحان الله ..
آروى ببتسامة تطمن قلب تركي : أتمنى ..
نور : فارس شغل لنا شي نسمعه ..
نوار : شغل لنا كلاسك ..
نور : مالت اغنيه قولي ..
فارس يضحك على هبالهم .: عبدالله شغل لهم أي شي ..
عبدالله بلا شك اغاني راح يشغل شغل لهم اغنية سواها قلبي لأصالة ..
وعم الهدوء بسيارة مافي الا صوت الاغنيه ..
وصلوا كلهم عند المجمع وأنزلوا وتقابلوا عند باب المجمع وتركي رمى الزقارة عالارض ويدوس عليها برجله وقرب من عندهم .. وبدر وعبدالله وخالد وفارس وخالد سلموا على تركي ويتحمدون له السلامه وطبعا البنات كلهم متحجبين >>يعني كاشفين وجههم بس حجابهم محتشم ^_^ مايبين شعرهم اوشي ..
البنات صايرين قرووب واقفين بجنب بعض ويسولفون
فارس بخبث ويغمز له : والله وحلويت ياتركي .. اعترف شنو كنت تسوي هناك ..؟
تركي وهو يضحك : ههه انت وولد عمك علي ..
بدر يمزح : تركي ماعليك منهم منقهرين منك هههه
علي : ؤؤما منقهرين منه ..
تركي يبتسم ويمزح : وليه ماتنقهر مني .؟
علي: الله مغنيني بشكلي
الشباب كلهم بصوت عالي على علي : أوووه أووووووه عالثقة ..
خالد بثقه : اقول وانا اشهد ان دخلتوا يابدر وعلي وفارس ..والله انكم بتهبلون البنات كل الانظار عليكم ..
تركي : وااثق مع فيسك انت ..
خالد وهو يغمز ويحرك ايدينه وهو يتكلم مع تركي متأثر بكلامه : تركي البنات هنآآ اغلبهم يحبون الرجل متشخص وشماغ وحركآت ..اتعلمني فيهم عآآد ..
تركي مسك خالد من ذراعه ويهمس ومبتسم : اشوف واثق من كلامك ..مجرب .؟
خالد بخبث : لاتعلم احد ..
تركي فهم على خالد : والله مو هين ياخلوود ..
خالد :هههههههه
طبعا نرجع للبنات سارة كل ساعه والثانيه تناظر لعلي .. وودها تعترف له ..بس بنظرها البنت مو متربيه لوصارحت الرجل بحبها له ..
بدر : يرحم أمكم تصرقعت من البرد لمتى بنوقف يم البوابه والرايح والجاي يشووفونا ..
فارس: والله نسينا روحنا والبنات يالله خل ندخل ..
دخلوا المجمع .. فارس وعلي وعبدالله يمشون قدام البنات وتركي وبدر وخالد وراهم ..
البنات خجلانين بس نور ونوار بايعينها ويسولوفون ويبتسمون اثناء سوالفهم وكأن العيد عندهم ..
سارة وعيونها المتعلقة بــ علي كل ساعه والثانيه بس بطريق ماتحسس بها احد من البنات
صعدوا كلهم من المصعد الكهربائي ..
وقاموا يتفررون بالمحلات مع خواتهم ..
آروى : تركي شوف هالتشيرت مو يناسبني .؟
تركي وهو بعالم ثاني : هآآ .. ايه يناسبك بس الحين الناس شتاء
آروى : ايه عارفة ..كلها كم اسبوع وجاي الصيف ماتشوف كل المحلات منزلة البضاعه الصيفية وتصفي الشتوية ..
تركي : صح ..
فارس وحس بناظرات اخته لكن تجاهل كلامها قبل شهر له عشآن مايبي اخته تأمل حالها وبعدين تنصدم .
فارس : سارة .؟
سارة بارتباك :هآآآ ..
فارس : ماشوف حالك حال البنات تلفلفين بالملابس ..
سارة عقدت حواجبها :اممممم ماعجبني شي ..
فارس: متأكدة ..؟
سارة وحست بنبرة اخوها :ايه اشفيك فارس .؟
فارس : لا مافيني شي ..
طلعوا من المحل بعد ماحاسبوا الي شروآآ ..
علي يمشي قدآم فارس وهو يمشي على وراء ..
فارس ببتسامة :اقول لاتصدم بأحد وتفشلنآآ ..
علي بصوت البنات اسمعوه : والله بتتهبل الي بتصدم فيني
فارس :لاااااااا وواثق انها بنت هههههههه
سارة :حست بقهر >>برغم مايدري عن حبها له
آروى : سارة ..اريام ..لجين ..نور ..نوار .. واحدة منكم تتبرع وتروح معاي دورة المياه ..
نور : اساسا ماراح يرضون نروح وياك لحالنا بيقولون لازم رجل يروح معنا ينتظرنا ..
نوار : صح كلام نور ..
لجين : خلاص انا اقول لبدر يروح معنا ..
آروى ببرائه : لالالالا استحي من بدر .. تركي ولا علي ..؟
نور : ههه يعني صلحتيها ..واحنا نستحي نروح ومعاك واحد من اخوانك ..
سارة مدري من وين جات لها الجرئة بما انها تحس بمدى حبها لعلي : خلاص انا اروح معاك شوفي احد من اخوانك ..بينها وبين نفسها: ياربي يكون علي ..
علي ولازال يمشي قدام فارس على وراء الا ويصدم برجل : أوه اوه سووري والله ماكنت اقصد ..
الرجل :لالا حصل خير بس مالاداعي تمشي على وراء وكأن احد معاقبك
علي باحرااااااااج يسوي نفسه يحك راسه ويغمض عين : طيب قلنا سووري
الرجل مشى .. والشباب مسكوها على علي واستلموه طنز..
علي : بلاكم انتوا ..جنيتوا
عبدالله : والله فشلتنا يابوحسن ..
علي : لازم الطف الاجواء ..
آروى : علي ..
علي: عيوني ..
آروى : ابغا اروح دورة المياه وواحدة من البنات بتروح معي بس نبغا رجل يروح معنا ينتظرنا ..
علي : اوكي .. انتظروني بـ الكوفي شووب .. واجيكم ..
تركي : انتبه للبنات ..
علي : لاتخاف خير ان شاء الله
علي وآروى وسارة بطريقهم لدورة المياه (( الله يكرمكم)) آروى تسولف مع علي سوالف عادية وسارة منزلة راسها وقلبها يدق دق مو طبيعي .. وصلوا ودخلوا آروى وسارة .. وسارة تنتظر آروى لحد ماتطلع وجالسة تعدل شيلتها ...وعلي ينتظرهم برى ومثني رجله على الجدار ومتكتف ويناظر الرايح والجاي .. طلعت اروى: يالله خلصنآآ ..
علي : يالله ..
ومشوا توقعت سارة علي يناظرها بس للأسف لانظرة لعيناك ياسارة .. سارة لازال عندها امل قبل لايطلعون من المجمع .. عشآن كذا ماحطت بخاطرها حآجة ..وصلوا عند الكوفي شوب البنات جلسوا بطاولة والاولاد بطاوله وطلبوا لهم من الكوفي ..وكل واحد يحكي مع الثاني والبنات بعد ومستانسين كلهم بقوة.. فجآئة تركي : عن اذنكم شباب ربع ساعه وراجع ..
الشباب ماحبوا يتطفلون على تركي : طيب ننتظرك لان ساعه الاربع وماااشين..
تركي : خلاص..
نرجع لــ يوسف وحور ..
يوسف بالجوال : هآآ حبيبتي جهزتي ..
حور : ايه ..
يوسف :دقيقتين وانا عند الباب ..
حور : ان شاء الله
سكرت حور من عند يوسف .. ونزلت وانتظرته وبضبط دقيقتين وجا لها وطلعت وركبت السيارة ..
يوسف : ليه مغطيه وجهك ..
حور لفت على يوسف : لاني حاطه ميك آآب خفيف..
يوسف : آهآآ .. طيب وين حآبة تروحين ..
حور : الي انت تبيه ..
يوسف : انا مرتآح حتى لو بسيارة ونلف بشوارع معليه راضي المهم انو انتي معاي ..
حور لفت على يوسف من جديد : والأهم ..!!
يوسف : الأهم أنتي أنتي أنتي ..
حور : يوسف .!
يوسف : لبيه ..
حور وحطت يدهآ على ايده : شفت هالدنيا اذا ضاقت فيني .. شيصير شعوري .؟
يوسف : أموت أنا ..
حور وتضغط على ايده :اسم الله عليك يوسف..
يوسف ببتسامة ويطالعها بنص عين بتسامة :لهدرجة ..؟
حور : اكثر مما تتصور ..
يوسف :كملي ..
حور : ودي ارمي حالي بحضنك وابكي وابكي لحد مــــــــــــــــــآنآم ..
يوسف حركت مشاعره كلام حور فجآة وقف السيارة :حور حبي ..فيك حآجة .؟
حور : لاحبيبي والله بس جا على بالي حرك بلاك وقفت .؟
يوسف : كلامك حرك مشاعري ..
حور: ..................
وضلوا يتمشون بسيارة لحد ماوقفوا عند المطعم ونزلوا فيه ..
|