(( حكاية غصن ))
يمكن تهب الريح ونقول شده
تزول لوسوت للاشجار تشويش
لوهزت الاغصان منها بحده
ماطايح الا من ورقها مقاشيش
حتى ولو طاحت من الغصن ورده
يبقى الغصن ثابت وقادرعلى العيش
كم مرة ليل الشتا عاش وحده
وكم مرة جاله من الصيف تعطيش
ماضرته كف تحــاول تهده
كف الزمان الي توريه تهميش
باكر يزين الوقت وتزين خده
عقب الزمان الي عطا الخد تطنيش
يسقيه رب الكون من كف مده
من صادق يسقيه بالليل ترشيش
يضحك صباحه ويتمايل بقده
يلعب مع النسمات طربان بشويش
فرحان يوم الله للريف رده
صفصف عليه اوراق حسنه كماالريش
وتـــغـني طــــيور تبـــيه وتـــوده
تبني على كفه من الود تعشيش
غصن تعلا من يهزه بيده
عوده متين وماتأثر بتهويش
ذي سالفة غصن عروقه تمده
يشرب ثباته لاغدا الوقت به طيش
بقلمي
عذب