فتون : شتبي ؟
صالح : وين اخوك سعود أدق عليه مايرد
فتون : طالع مع خويه أنس عشان سفرته .. ((وكملت بحماس : دريت انه بيسافر ابريطانيا ؟
صالح : لا أول مره أعرف !
فتون بنفس الحماس : والله بيسافر بعد يومين وبيقعد سنتين هناك وبيشتغل بشركة عشان تفيده بمجال تخصص ويطور شركتنا ويبي ي ....
صالح : بس انت عطيتيني تقرير مفصل بدون ما أطلب خلاص
فتون : وليه ماتبي تعرف ؟
صالح : وانتِ صدقتي الحين اني ماعرف شي ؟ حبيبتي انا الي مستلم أوراق الشركة وعارف قبله هو بعد .. ههههههههههه
فتون بعصبية : وليش تستهبل علي أجل ..
صالح يبي يقهرها : كذا بس كيفي ..
فتون : طيب .. أنا أوريك .. ذيك السالفة الي تموت عشان تعرفها مو قايلتلك هي
صالح وهو فاهمها : لا فتون كلش الا ذيك السالفة ..
فتون : والله مو قايلتلك شي عنها
صالح : بس فتون لا تحلفين
فتون باصرار : والله العظيم
صالح : فتون .. خليك اقعدي أجل اذا اجتمنا بيت ابوي لافيه سوبرماركت ولا يحزنون .. باخذ البنات كلهم الا انتِ
فتون : هههههههههه ذاك اول ياعمو .. الي كنت أتلزق فيك اما الحين يسلملي سعودي حبيبي يوديني كل مكان أبيه ..
صالح : وسعود كلها يومين ورايح مين بيدلعك وقتها ؟
فتون بغرور : والله يدلعني الي مصلحته وحياته ودنيته كلها عن طريقي أنا
صالح : أنا مادري وش الحظ الي طيحني بوحده مالها طريق الا منك انتي
فتون : ههههههههه تستاهل ((وكملت بهمس : وتدري ان عبير مستحيل تمشي معاك وتسوي الي انت تبي لأن حنان صديقتها حيل وبتزعل منها لو درت .. فمالك الا أنا وبس
صالح : يلعن ام المذلة ياشيخة .. يصير خير يافتون يصير خير
فتون : ههههههههههههههههههههههههههههه
صالح بتنهيدة : اضحكي اضحكي .. والله عشان عيونها هي باتحمل منك كل هالمذلة يالتبن
فتون وهي مستانسة حدها : هههههههههههههههههههههههههههههه هههههههههههههههههههه هههههه
هالمره ضحك صالح : ههههههههه أوريك .. عساي أشوف فيك يوم تترجين وتبوسين ايدي عشان تبين شغلة وأذلك مثل ماتسوين ..
فتون رحمت عمها : ههههههه أفا عليك ياعمي والله ماذلك أنا الا أحبك
صالح : لا والله إلا خفتِ ربي يستجيب دعوتي ..
فتون : حبوه عمو أنا فتون أهون !
صالح : لا فتون ماتهون بس مو عشانها الا عشان الغالية ذيك عسى يومي قبل يومها
فتون بضحك : آمين وانا بعد
صالح : وشو الي انتي ؟
فتون : عسى يومك قبل يومي ..
صالح بقلة صبر : فتون مع السلامة
فتون : ههههههههههههههههههههه باي

وسكرت ومشت للبنات لقتهم يشربون القهوة ومرام مكشرة وبالقوة تشرب ضحكت فتون على شكلها وهي تقول : شفيك تتغصبينها خلاص ترا مو لازم تشربين
مرام : مو حضرتها عبير تحدتني أكمل الفنجال كله وأنا تعرفيني ما أنهزم لو وش يصير
عبير : والله لك ساعه وانتِ ماغير تذوقين بس والتحدي تشربينها وهي حارة مو اذا بردت تبلعينها بسرعه
مرام : يع قسم بالله انها خايسة مادري شلون تشربون
فتون وهي تشرب : والله انها تجنن ماعندك ذوق
مرام شربت شوي وقالت وهي مكشرة من الطعم : طيب على ايش التحدي والله ما أتجرع هالسم على الفاضي
عبير : وش تبين بعد مافي شي اساومك عليه !
مرام : كريماتك ..
عبير وهي تخبي الكيس ورى مسندة الكنب : اتركي كريماتي بحالها خلصتوا ربعها ياسخيفات
فتون باستهبال : وباقي واحد ماجربته بعد
عبير : انتِ قربي منهم وماتلومين الا نفسك !!
فتون : أجل ليه ماشريتيلي ؟؟
عبير : وليه أشريلك رايحة بنفسك للسوق وماغير تدورين على ملابس الرياضة أبعرف انتِ متى تشبعين منها؟؟؟
فتون : عمري ما أشبع منها وهم بعد كل شوي يطلعون ملابس رياضية تجنن

مرام بازداء وهي تطالع فتون من فوق لتحت : عاد ماشفنا تغيير يافتون !
فتون درت انها تقصد جسمها وقالت : والله من الغيرة الي مو قادرة تصيرين مثل رشاقتي
مرام : هههههههههههه من زين هالرشاقة عاد شوي وتطلعلك عضلات وتنافسين اخوي فيصل
فتون : يع تقارنيني باخوك ياحمارة ..
مرام : تنكرين ان اخوي جسمه رياضي ويهبل وعضلاته مفتولة تجنن !
فتون : ما انكر ان جسمه رياضي بس وش جابني له أنا مابي عضلات ابي بس جسم مشدود
عبير : وماشاء الله صار جسمك مثل ماتبين خلاص اتركي الرياضة
فتون : لا والله اترك انتي ولا اتركها
عبير طارت عيونها باختها وهي تشرب القهوة ومرام :هههههههههههههههههههههههه كذا الأخوة ولا بلاش

ضحكت فتون وكملوا سوالف وضحك لين رجع خالد وفيصل للبيت ..
دق فيصل على مرام وقالها انه ينتظرها برا ..

قامت مرام لبست عبايتها والطرحة وشالت اغراضها ونزلت وأول ماطلعت الحوش شافت خالد يمشي ليدخل . . ولا شعوريا وقفت عند الدرج تطالع فيه
خالد وقف أول الدرج .. رجل على الدرج ورجل على الأرض وقال وهو يطالع عيونها : انبسطتي اليوم ؟
مرام وهي تهز راسها : الحمدلله
خالد بابتسامة جذابة : حلو
مرام : الله يحلي أيامك .. (( وسحبت نفس وهي تنزل الدرج وقالت : مع السلامة
خالد : حياك الله
وأول مامرت من جمبه شم ريحة عطرة منها وعقد حواجبه وهو يلتفت ويناديها : مرام !
دارت مرام لتطالعه باستفهام وردت : هلا
خالد : حاطة عطر وانتِ طالعة ؟
مرام : لا ماحطيت
خالد : بس أنا شام ريحة عطر
مرام اتذكرت : اه هذا مو عطر .. هذي كريمات شرتها عبير وجربناها
خالد : المهم انها ريحة عطرية
مرام : طيب ؟؟
خالد بنبرة قوية : شالي طيب ؟ تطلعين ال وانتِ بهالريحة ؟
مرام ماستوعبت موقفه وقالت : عاد وش اسوي؟؟ حطيت الكريم من أول والريحة مسكت فيني !
خالد : وانتِ متعودة دايم على هالحركات ؟
مرام مافهمت : اي حركات ياخالد انت وش تقصد ؟
خالد ماجاوب عليها وقال : هالمره زين ان فيصل اخوك هو الي بيوصلك ولا لو السواق كان خليتك تدخلين تغسلين قبل تطلعين ..
ودار عنها بسرعه ومشى لداخل البيت وسكر الباب وراه

ظلت مرام لحظات واقفة بمكانها مو قادرة تستوعب الموقف .. ليه عصب عليها بهالشكل وعاملها بهالطريقة .. وحست انه بيجي يوم تفقد عقلها بسبته !! وضاق صدرها وطلعت من البيت وبهدوء صامت ركبت السيارة مع فيصل ومشوا .


********

يوم سفر سعود في بيت الجد

الكل مجتمع العمان وحريمهم وعيالهم ليودعون أول حفيد ..
وصلت سيارة حاملة بس البنات وخالد .. وسعود وصل قبلهم مع أمه وأبوه
نزل خالد وسبقهم لداخل البيت .. وعبير وفتون من وراه .. وأول مادخلوا الحوش شافوا خالد واقف مع تركي و عمه صالح

صالح من مكانه : هلا بنات اخوي الغاليات هلا ..
فتون باستهبال : هلا بعمي حبيبي اشتقتلك .. وسلمت عليه بمرح
وبعدها اقتربت عبير بنعومة وسلمت على عمها وهي تقول : هلا والله عمي شلونك
صالح واهو يقلد عليها نعومتها ودلع صوتها : عمك بخير انتي شلونك ؟
عبير بضحك : الحمدلله .. وتلاقت عينها بعين تركي ومسرع مانزلتها واهي تقول : شلونك تركي ؟
تركي : الحمدلله .. أخبارك عبير !
عبير بهمس : تمام ..
فتون : شعندكم واقفين برا ..
صالح : بيننا سوالف مانبي أحد يسمعها عندك مانع ؟؟
فتون : أبد ماعندي مانع لأني باسمعها معاكم .. وانتي ياعبير رو ....
قطعت كلامها يوم شافت عبير تاركتهم وتمشي لداخل البيت وخالد يدف فتون من كتوفها ويقول : اذلفي يالله ورى اختك اشوف .. هذي العاقلة .. (( ويأشر على عبير .. مو انتي الي ماعندك غير التليقف
فتون : إي أزين عشان يصير مني فايدة بنظرك !
صالح : انتوا من عرفتكم ماعندكم غير المناجر ..
خالد : والله كله بسبة هالقرقورة من يوم احنا صغار تناشبنا وتركي يشهد بعد ..
تركي الي كانت عيونه معلقة بوين مادخلت عبير وماسمع كلامهم وهو يحس ان فيها شي غريب .. وقال بلعثمة : اي والله .. سعود غالي .. و فراقه مو سهل !

طالعوا فيه كلهم بذهول وفتون الي فهمت السالفة وعجبتها قالت وهي ترجع بخطواتها على ورى : فيه ناس واجد فراقهم صعب مو سهل ..
ضحكوا عليها وخالد رماها بنظرة غضب خلتها تضحك وتدور عنهم لداخل البيت


دخلت فتون الصالة الكبيرة الي تجمع كل العيلة .. ولقت عماتها وبنات عماتها وحريم عمانها وعيالهم كلهم بالصالة مجتمعين الي يسلم والي يباشر بالقهوة والي يسولف .. سلمت على الكل وبالآخر قعدت جمب بنات عمتها .. وجدان و بشاير .

وجدان تضرب فخد فتون : توك تجين انتي واختك يالبايخات
فتون كشرت وهي تفرك فخدها : عاد العزيمة لاخوي لازم يكون لنا طلة
بشاير : ايه هذا انتي قلتيها لاخوك يعني المفروض انتوا تجون بدري تصبون القهوة وتباشرون .. مو احنا الي من جينا ماقعدنا دقيقة وحدة
فتون :هههههههههه أجل هذا الي قاهركم ؟؟
وجدان : اي والله وكل ماقعدت خزتني امي بنظرة تخرع وأرجع اقوم مره ثانية
فتون :هههههههههه وناسة .. أوكي يالله انا توني جاية وماضيفتوني
بشاير : انقلعي والله انتِ بالذات مانضيفك

أم وجدان من بعيد : قومي ياوجدان صبي لمرة خالك

وجدان بحمق : هاه شفتي ؟
فتون استاسنت وصارت تضحك عليهم

بشاير قرصتها بقوة وقامت مع اختها تدور بالحلى

صبوا لأم سعود قهوة وضيفوها وبعدها رجعوا يدورون من جديد على الأهل ويوم وصلوا لفتون
بشاير : اتركيها ياوجدان لا تصبينلها
وجدان : اي والله لو تموت ما أصبلها
واتعدتها هي وبشاير

وفتون قالت : اوريكم يالنجسات .. (( والتفت لعمتها تقول : عمتي شوفي بناتك يضيفون الكل الا انا يتعدوني ولا كني آدمية قاعدة !!

أم وجدان تهاوش بناتها : هَو شهالحركات يابنات ؟؟

بشاير : محنا مضيفينها يمه وهي من جت تتريق علينا اننا نشتغل وهي قاعدة
وجدان : بعدين العزيمة لاخوها المفروض هي تدور مو احنا

أم سعود : والله انتوا فيكم الخير يابنات وعقبال ماشوف كل وحدة تدور بالقهوة بعرس اختها

البنات بصوت عالي : آآآآآآآآآآآآآآآآآآآآآآآآآمين

ضحكوا عليهم وعلى خبال بنات هالايام وهبالهم على الزواج

جا وقت العشا وقاموا كل الحريم يتعشون وفضت الصالة الا من البنات بس

وهم :

عبير وفتون

وجدان وبشاير بنات عمتهم سعاد
العمة سعاد ماعندها غير هالبنتين
وجدان 17 ثاني ثانوي .. وبشاير 16 أولى ثانوي