السلام عليكم ورحمة الله وبركاته
دجاج كنتاكي كثير من الناس تحبه ولكن ما تضبطه
امس سويت فالبيت وطلع لذيذ وقلت اعطيكم الوصفه البسيطه واللذيذه
..
المقادير :
-قطع دجاج
-لبن
- طحين
- البهارات : ملح فلفل اسود , فلفل احمر , كركم (الي يحب يزيد بهارات ما في اي اشكاليه)
طريقة العمل:
اول شي اغسلوا الدجاج بشكل جيد وحطوله خل وانتوا تغسلوه عشان تروح ريحته
بعد ما نظفتوه زين
جيبوا مله كبيره شوي وصبوا فيها اللبن وحطوا البهارات (ملح , فلفل اسود ,احمر , كركم)
اخلطوه زين بعدين حطوا الدجاج داخله وخلوه يغرق فيه
وتخلوه من 4 ساعات فما فوق داخل اللبن
وتأكدوا تغطوه بالبلاستيك كما هو موضح
وحطيه بالثلاجه
..
..
الخطوه الثانيه
جيبي الطحين وحطي معاه نفس البهارات وكثري شوي من الفلفل الاسود
وقلبيهم عشان يندمجوا مع بعض
..
بعد ما مروا اربع ساعات او اكثر المهم وحابه تبدي تسوي الدجاج
طلعي المله الي فيها الدجاج المغرق في اللبن
وجيبي كيس (اي كيس موجود عندج سواء بلاستيك او ورقي تستخدميه للاكل)
وحطي داخل الكيس الطحين الي جهزتيه قبل
وبعدها طلعي كم قطعه من اللبن وع طول حطيها ف الكيس وامسكي فتحة الكيس بإيدج وهزيه
لحد ما تشوفي القطع تغطت بشكل كامل وهكذا كملي كل القطع الي عندج
بعدها ابدأي بالتقليه
..
..
وصار عندج عشا خفيف وسهل
وصحتين وعافيه
تحياتي انجوووله
انتظروا المزيد من طبخاتي
.gif "3 Z O T E (242)")