ليلةٍ ما بيـن مسفـر وابـن عمـه مقيـم(1)العرب من هولهـا صلّـوا المغـرب عصَـر

يـا مِقِيْـم ابسألـك عـن مُقـيـمٍ مستـديـمما ذكر في يوم صلّـى صلاتـه مـا قصَـر

ووش وزيرٍ فاق في سلطتـه سلطـة زعيـم؟وهـم رعايـا الدولـة الواحـدة فيمـا ذُكِـر

يـا مقيـم ابسـألـك راحــلٍ والا مقـيـمقـال :ألا راحـلٍ قلـت: وان قلنـا: صبَـر

قال: ما بـاقِ ألا أنـا قلت:وافهـم يـا فهيـمقال: بإيدي لا بيدْ عمرو يـا شاعـر مُضَـر

لي عن أهـل الخيزرانـة صـراطٍ مستقيـمقلت:بـرّ وقـال: ألا بحـر وامحـق بحـر

غصن زيتـونٍ للاطيـار مـن فوقـه رنيـمباترك الورقـا تغنّـي عليـه :اسمـر عبـر

ولا تعيش الرمّـة الا علـى الشـيّ الرميـمكالطيور اللـي علـى اشكالهـا توقّـع حـدر

النوَر تشبه بعَـض والطبايـع (سيـم سيـم)ولو تغيّـر اسمهـم .. النـوَر تبقـى نـوَر

ولو بهم واحـد فقـط مـن طبايعهـم سليـمكان ما صار اسمهم _عندأهـل مصرٍ_غجـر

احمد الله ضربتي ما تجـي الا فـي الصميـموكلمتـي وحـده ولكنّهـا تسـوى عـشـر

قلت:وسّـع خاطـرك خابـرك دايـم حليـممـا تهـزّك كلـمـةٍ جابـهـا وجــهٍ ودر

الحليم اليـا سمـع هرجـةٍ جـت مـن لئيـمابتسم .. وشلون أجل لا سمعها مـن بـزر!!

انتبه تزعـل . تـرى أسعـد أيـام الخصيـميوم يلقى للزعـل فـي وجِـهْ خصمـه أثَـر

ب(جاه ربي) باطلبك ثـمْ بجـاه بـن اليتيـمقـال كـلا ألـف فـي ألـف كـلا لا وزر

يا مقيـم أرجـوزة البغـي مرتعهـا وخيـموقبّـة الطغيـان مهمـا علَـت ترجـع قبـر

قال:سين (انت ابن من في الرجال) وقلت :جيم( ابن مـن لا أنجبـت حُـرّةٍ مثلـه ذَكَـر)

لي مـن الأمجـاد مـا فـاق آفـاق السديـمولي مـن الطـولات مـا لا تطاولهـا بشـر

قال:طيّب .وش تبي في شرابٍ مـن حميـم؟وكلّ قـدٍّ مـن قبُـل صـار قـدٍّ مـن دبُـر

وش تبي في خمّةٍ سمّـت الباشـق .. عديـملا نخوا سلتوحهم جـاك مـا صـدّق خبـر

يا مقيم أدري بكلْ شـيّ انـا مانـي غشيـموادري ان اسمـي لهـم صايـرٍ علّـة نحـر

وادري اهل الكهف هم نفسهـم أهـل الرقيـمبسّ مالي مـن ورا كشـف عورتهـم أجـر

عـورةٍ لـو خيّطـوا فوقهـا سلـك البريـمبيّنـت كالشمـس والساعـة الوحـدة ظهـر

من دعى لـه والـده بيـن زمـزم والحطيـمما يهمّـه سيـل أهـل الحسَـد مهمـا كبـر

ما انقطع لي في (هوازن) وصَلته في (تميـم)ولا يموت احـدٍ ولـه كاتـبٍ ربـي عمـر

القهر ما هـوب هـذا .. ابـك والله العظيـمما مثل قهر الرجُـل مـن بنـي عمـه قهـر

كـم ولـدٍ عـمٍّ لـو آجيـه ظميـانٍ سقيـممـا سقانـي شَرْبَـه ولـو ترجّيتـه شهـر

احمد اللـي عزّنـي مـن وانـا ورعٍ فطيـمعن مثـل هـذا وعـن كـلّ مبـدولٍ غبـر

اقطـع الفرجـة لحالـي مـع الليـل البهيـميوم ولد اللاش ما فاخت أمّـه لـو .. شبـر

للهمم ربـي خلَـق _يـوم يخلقهـا_ هميـموللقمم يصعد من القـوم كـلْ صاعـد نظـر

بالألف واللام والميـم لـي صـوتٍ رخيـميوقـظ النايـم قبـل يـذّن الـمـذّن فـجـر

شرهة (الروح بن مريم) على (موسى الكليـم)والردى في أهل الردى لا تـدوّر لـه عـذر

حسبي الله في رجـالٍ مـن الداخـل حريـموضعهـا دايـم خطيـرٍ ولا منهـا خـطَـر

مثل ابو وجهين ما شفـت فـي العالـم عقيـملا انكشف أفلس مـن اثنينهـا بطـن وظهـر

يا كثر ما جنّةٍ فـي الأصـل كانـت جحيـموكم كسر سـاقٍ إلـى زاد عـن حـدّه جبـر

ما لنـا ألا الظاهـر .. وبالخفايـا الله عليـمسنّة الله ليـن يـذن حمـارٍ فـي هجـر(2)

ويش ترجـي مـن عتـلٍّ بعَـد ذلـكْ زنيـمما يطيب ولـو تشيلـه علـى متنـك دهـر

ووش لـي بهمـاز لمّـاز مـاشٍ بالنمـيـممع كثر ما يسرح الصبح مـا ضـوّى بعَـر

حالـفٍ مـا دام لـي راسٍ يـشـمّ النسـيـمما اتلحّق مقفـيٍ لا بِ(خيـر) ولا بِ(شـر)

جاهلٍ من يحسب (القدس) هي نفس (أورشليم)كالسهل عكس الصعوبة وهو عكـس الوعَـر

هيه لو صيد (البواشق) مثل صيد (الظليم)(3)شفت في (البومة) عوَض واحدٍ ضيّعْ (صقر)

لا وسيـم ألا وسيـم السجايـا يـا وسـيـموالفقـر فقـر المراجـل إلـى قالـوا فـقـر

والدميـم الصـدق ياللـي تقولـون الدمـيـمواحدٍ يفخـر بماضيـه والحاضـر (صفِـر)

مَن يزاعل صاحبه لجْل يِرْضي خشـف ريـملا تثق به لو فرَش لك علـى السكّـة زهـر

ما انقطع رزقي ولي فـي السمـا ربٍّ كريـمولا يضيق بي الفضا ولي عيون ولي بصـر

من أقام النـار فـي يابـس العشـب الهشيـمقادرٍ أن يخـرج المـاء مـن حصبـا قفـر

كيف نشحذ والسما غيمهـا مـن فـوق دِيـمعيب والله عيب والشمـس مـا معهـا قمـر

ما يضيم بن آدمٍ مثـل ضيـم الحـظّ ضيـممن ردى حظه وهو مـا بعـد سـار يْعَثُـر

عزّتـي للـي سواتـي علـى وجهـه يهيـملا معـه حـظٍ يعينـه ولا عـنـده ظـهَـر

قلت مـا لا قالـه العـود (لقمـان الحكيـم)بالشعر .. بسّ أنّ حظي صفق بي في حجَـر

وغيري اليا قال كلمة ولـو هـي حلـم نيـماكتبوا له مـن عظيـم الثنـاء مْيَـةْ سطـر

ورغم هـذا مـا تشائمـت والحـادث جسيـمفي رجا نصـرٍ مـن الله ولا غيـره نصـر

من (خميس مشيط) ثمْ من (تبوكٍ) في (القصيم)يا كثـر مـا طـال ليلـي عليّـه يـا كثـر

غربةٍ تحت السمـا .. غربـةٍ تحـت الأديـمغربتيـن مـا لابــن آدمٍ منـهـا مـفـر

ما نوفّي ربع معـروف عـارف يـا مقيـمخلّ عاد إني اجحده !! والوفا عـوده خضـر

قد حفظنا حقّ جربوع فـي العصـر القديـمفكيف ما نحفظ لذي الحـقّ حقّـه يـا بشـر

ديننـا فـي صْحِيبنـا ذلـك الديـن القويـمما نجي مع غِرّتـه يـوم ولـد الـلاش غِـر

ربّنـا لأهـل الوفـا حطّنـا جنّـة نعـيـموللردى واهل الـردى حطّنـا مـوتٍ حمـر

بسمـك اللهم ذي الطَـوْل رحمـنٍ رحـيـملا تخيـب واحـدٍ طـقّ لـك بإيـده صـدر

طالبـك يالله فـي كـلّ شيـطـانٍ رجـيـممنـه لا تبقـي عليهـا جـنـود ولا تَــذَر

يالله انـك لا تخلّـي علـى الدنـيـا ذمـيـمويالله أنـك تلعـن اللـي إلـى قفّـى غـدر

يـا مقيـم اليـا اجتمعنـا نديـمٍ مـع نديـممَن بظنك يربـح .. ومَـن بظنـك بِيْخَسَـر

وجاه من أحيى بِ(غَيْمٍ) ومن أهلك بِ(غيـم)غير ركعـة تالـي الليـل مـا شـيٍّ يسُـرّ

فـي نهـارٍ ساعتـه مالهـا حــدٍّ و قـيْـملا انتصب منها صراطٍ علـى حفـرة سقَـر

لا نجى سـاق السليـم وزلَـق سـاق الأثيـميا جنـانٍ خضـر يـا ذات ألـواح ودُسُـر