منتديات قصايد ليل - عرض مشاركة واحدة - أحقا ستحلق الطيور / الكاتبة : وصيت قلبي عليك ، كاملة

11-15-2016

منورين القصه حبااايبي

الجزء الثالث

بنات حـــواء

==============

ناظرت الأفعـى وهي تقترب منها بحركاتها الملتويه والمترصده
اتسعت عيونها بخـوف وهي تناظر لسانها اللي اخرجته بكـل مكر وعرفت هاللحظه انها بتنقض عليها و بترمي سمهـا
حاولت تصدر أي حركه لكنها حست انه جسمها مشلول واطرافها متجمده..تمنت تصرخ و تنادي أي احد ينجيها لكن حتى صرختها ماتت قبل ماتحيها.. حاولت تبكي وتعبر لجل تخفف الغصه اللي بدت تكتم حلقها الجاف..لكن الأفعى كانت اسرع منها وبلحظـه ماكانت على البال انقضت عليها بكـل قوه وبشاعه
عايشه\لااااااااااااااااا يمـــه
يمه هذه اول كلمه نطقتها وطلبت منها العون..لكن وينها! ووين امهـا!
حوطت جسمها الضئيل باايدينها ووطت راسها وظلت بمكانها تصرخ وتنادي امها بااعلى صوتها

ساره\عايشه..عايشه بسم الله عليك..وشفيك حبيبتي..عايشـه..اهدي..اهــدي..
عايشه\لاااااااااا بتذبحني..طلعوهــا..طلعوهااااااااااا
حاولت ساره تفك ايدين عايشه اللي محاوطه جسمها الضئيل وتطمنها وتهديها..لكن هيهات عايشه تهدأ لأنه الكابوس تحسه ينعاد قدامها,,
ابعدت عايشه ساره عنها بشده وضلت موطيه راسها ومحاوطه جسمها لأجل تحمي نفسها وهي ترجف وتفطر أي قلب على حالها و تصـرخ وتصـرخ بدون شعور وبكل خوف..
صرخت ساره \عايشه حببيتي انا ساره..شوفيني الله يخليك..رفعي راسك انا ساره
رفعت عايشه عيونها ببطء ولمن شافت عمتها ضمتها بكل قوتها وكانها لقت حبل النجاه بوجودها
لمن حست ساره انها بتقطع ملابسها من شدّ ايدينها عليها ..غمضت عيونها بشده وارتعشت وهي تستعيد الحلم بذاكرتها \ساره...حيه كبيره.بتذبحني..بتقتلني..انا خايفه..خايفه,,لاه... لاااا وغاب صوتها بكل ضعف واستسلام..
بكت ساره على بنت اخوها الوحيده اللي ترجف بين ايدينها \حلم ياحببتي.هذا حلم...بسم الله عليك..بسم الله عليك
مو عارفه شلون تتصرف..الحلم يعيد نفسه لك مره..فكرت توديها شيخ يقرأ عليها..يمكن يطمئن بالها ..او حتى دكتور نفسي..
لكن عايشه رافضه كليا الفكره..
ظلت عايشه فتره وهي بحضن عمتها بنفس وضعها وعيونها مغمضتها لكن صوتها بكائها خف تدريجيا وانفاسها اعتدلت وهي تقرأ عليها القران..
ساره\هديتي..!
اومائت برأسها
وفجــأه
فتحت عيونها بشده لمن شعرت بـ بللّ بملابسهـا وارتعشت لمن تذكرت مرضها الغريب..
ابتعدت عن عمتها بسرعه وبكل خجل وهي موطيه رأسها وتقاوم دموعها وصرخاتها..
عايشه\عمتي..خلاص انا مافيني شي..ممكن تطلعين شوي..
ساره\ليش!؟
زمت عايشه شفايفها بتوتر\بس
ساره\اوكي..تروشي وتعالي جسمك كله معرق..قربت منها لجل ترفع شعرها المتناثر حولها..لكن عايشه ابتعدت بسرعه وكانها لسعتها كهرباء
تفاجأت من حركتها ساره لكنها خلتها على راحتها ومشت خارجه من الغرفه بعد مااغلقت الباب..
اسودت الدنيا بعيون عايشه..وانهمرت دموعها بكل حرقه مره ثانيه!
معقوله عمتها تدري عنها..وحست فيها!
غطت وجهها باايدينها الصغيره وبكت...وبكــت.. وهي حاسه بالعجز ..بالضعف..وقل الحيله..
لازم تشوف حلّ لمرضهـا!
خوفها الغير طبيعي يرغمها على امورّ هي كارهتها!
لكنها وش تسوي..مو بأيدها كل اللي يصير
والله مو بايدها!
تذكرت حمد الحقير..وموقفه معاها امس..هو السبب في كل شي..هو السبب ولولا الله ثم خالتها حليمه اللي دخلت عليهم فجأه كان الله اعلم بحالتها!
قامت من سريرها بكل ببطء وهي تشعر انها منقرفه من ملابسها ومن نفسها ومن حياتها كلها..رفعت مفرشها بااطراف أيدينها ورمته بالسله واخذت الشرشف وهي راصه على عيونها بكل الم..ورمته..
ودخلت الحمام وهي تبكـي وترتجف بخـوف..
"وينك يمه!.تعالي شوفي بنتك ضايعه ووحيده..غطتيها بكل قسوه ومادريتي انه بنتك لسه صغيره!...؟؟"
لسه صغيره يايمـه والدنيا مارحمتهـا

---------------------

جعـدت شعـرها بمسحـات جلّ خفيفه واكتفت بهالقدرّ..اخذت بندانه الصفـراء ووضعتها بمقدمة رأسها..وطـت رأسها بسرعة لمن تناثر شعرها المبلول على رقبتها وبعدها رجعـت شعرها بحركه سريعه ومعـتاده,,
ضحكت على نفسها وهي تفكـر وش اللي بتقدر تحطه ويغيرها ..!ناظرت بتسريحتها اللي كانت مليانه من انواع الجلّ المتعدد الماركات والبندانه من جميع ألالوان..وقلوس وردي مرمي بااهمال بزاوية التسريحه وشكله منتهيه صلاحية استعماله..
ليش أصلا تفكـر بالتغير!؟؟هذا ستايلها ومستحيل تغيره لأجل ناس مايستاهلون التغيـر!؟
لكنها ماسرع ماغيرت فكرها وسرحت بخيالها,,,
وبدقايق كشـرت وهي كارهه شكلها وخيبة حظها ..وفتحت علبة الحلق بقوه واخذت اللي تقدرّ عليه من اشكال غريبه ومنوعه لمن امتلت اذنهـا منهم بشكل ملفت وعجيب..
وقبلّ ماتخـرج نظفت نظارتها البيضاء ولبستها وضبطت سلسلتها اللي بشكل رمز الحريه
بدور\ساعه وانتي تلبسين..!اللي يشوفك يقول متوهقه بفستان!
كشرت بوجهها فريد\لسانك هذا بيوم صدقيني بقصه بس انتظري لمن اتخرج وافضى لك,,
بدور\ايه سويها..مجرمه من بنت!؟
كشت بوجهها فريد ومشت من جنبها لمن ضربت كتفها بقوه
بدور تأوهت من الضربه\ايييي يادفشه! ياحمـ,,
فريد\كولي عسل
;
توجهت هيا وبناتها بيت بدريه كعادتهم يوم الخميس و استقبلتهم بحديقة البيت الخلفيه لأنه الجو اليوم لايفوت ابدا
فريد\خالتي..وين لولو!؟
بدريه\والله يابنتي لولو بسريرها عجزت اصحيها..
وقفت فريد على رجولها \اوكي بصحيهـا!؟
دخلت فريد الصاله الهاديه والصفرة الألوان..
وشعرت بالفرق الكبيـر بين صالتهم المتواضعه المزينه بالأوراق الخضراء الصناعيه وصالة بيت خالتها اللي تعج بااجمل الثريات وافخم التحف اللي مشتراه من كل بقعه ..لكن استحوذت على اهتمامها ولااثرت فيها لا الألوان الصارخه والا الموكيت المتجدد ولا حتى الأثاث كثر ما آثرت فيها الوحشة والهدوء القاتل اللي تصـرخ فيه كل جدران هالبيت
طلعت باللفت وهي سعيده بقناعتها اللي نادر ماتنوجد بين اهلها وحتى اخواتها اللي يتمنون ولو ربع النعمه اللي عايشتها خالتها وعيالها..ودخلت على لولو اللي كانت نايمـه على بطنها ومغطيه جسمها بشرشفها البنفجسي ماعدا جزء بسيط من وجهها اللي مبينه تعقيدة حواجبه
فكـرت شلون تصحيها!وهي عارفتها مجنونة نوم وماتصحى إلا لمن تاخذ القدر الكافي وزياده عليه اربع ساعات..
وطرى على بالها انه لولو تكره أي شخص يرفع الغطاء عنها..وهذه اسهل الطرق عشان تصحى..
قربت منها وابتسامه ماكره تعلي شفاها ورفعت الغطاء بكل مااوتيت من دفاشه وصبينه..
اعتفست ملامح لولو وبتلقائيه مدت ايدها لأجل ترفع الغطاء لكن ايدينها رجعت خايبه..وبهاللحظه فتحت عيونها وتفاجئت من فريد اللي تبتسم لها,,
فريد\قومي يادبه!
لوت لولو فمها بعصبيه وغمضت عيونها اللي صارت اكثر حده بسبب النوم الكثير\دبه في عينك...
فريد\ههههههههههههه قومي يالله,,
فتحت عيونها لولو وقالت بكل زمجرة\كم الساعه!؟؟
فريد\الساعه خمس..قومي والله انك عفنتي..انا عارفه,,!
تفاجأت لولو معقوله نامت 13 ساعه متواصله!
ضغطت على رأسها بمناطق مختلفه من الألم اللي تشعر فيه..
لولو\راسي بينفجر!؟احس بالدم كلها مجتمع برٍأسي
جلست فريد جنبها على كنبه الطويله عنابية اللون\ هذا من كثرة النوم ياقلبي..
استعدل لولو بجلستها ورجعت راسها للخلف\بندول محتاجه بندول..
فتحت فريد فمها بذهول وهي هاللحظه انتبهت لشيء معين في بنت خالتها\لولو صبغتي شعـرك..
ابتسمت لولو بغنج\شرايك!"حركت شعرها يمين ويسار بدلع"..اكيد حلو صح!؟
فريد بصوتها المبحوح\خطيـر..
تهللت اسارير لولو لأنها تحب احد يمدح جمالها وانوثتها\ثانكيو..انا لولو.. لولو انـــا مـوو
فريد قاطعتها بملل\مو اي احد...فكينا حفظنا هالمقطع من كثر ماتعيدينها.بس تعالي..انتي رجعتي تحفين حواجبك.!
لولو\وليش..انا متى بطلت اصلا,.!
فريد تنهدت بضيق\لولو تعرفين وش عني ملعونه..يعني مطرود من رحمة ربي..!لعن الله النامصه والمتنمصه
لولو بدون اكتراث ردت\عارفه.!
فريدومدام انك عارف ..ليش لازالتي مصره تعصين..لولو انا ابي مصلحتك..تكفين بلاه هالحف..انتي ماتدرين متى يجي اليوم اللي تنقبض فيه روحك...
لوول تأففت بملل\اييييييييه ادري..بس شسوي تعودت..
فريد\ومثل ماتعودتي تحفين..بتتعودين تبطلين هالمعصيه..جربي التشقير ..شوفي عواشي تشقر ولا يبان اصلا..
لولو\ايه..بس كم اسبوع وبعدها مايطلع حلو!
لولو\وين المشكله ارجعي شقري من جديد.
لولو\ياربي...مازهقتي انتي من هالسريه..مليون مره تعيدينها!.
فريد\وبرجع اعيدها لمن تقتنعين...!
قامت من على سريرها وسحبت روب الحمام\زين انا باخذ دوش..لاتطلعين لمن اخلص..واذا تمللتي تفرجي على التلفزيون او المجلات اللي عالطاوله..
فريد سكتت عن الموضوع لكنها بترجع تفتحه من جديد بفرصه احسن\طيب انتي خلصينا..ولاتطولين..
لولو ارتحت لأنها قدرت تغير الموضوع\من عيوني..ياعيوني
جال نظرها على غرفة بنت خالتها اللي كلّ مالها وتزداد حلاوه..تجاهلت الشاشه البلازميه اللي تغري الشخص على فحصها و تشغيلها واتجهت للتسريحه اللي كانت ماخذه اكبـر مساحه من الجدار اللي بقرب الباب
عطورات جديده ماكانت تشوفها الا بالتلفزيون..ورفوف مخصصه للمكياج تحوي عدد كبير من علب الشدو واقلام الأنلاينر والبلاشر ..وفرش غريبه متعددة الأشكال والرؤؤس جاهلة طريقة استعمالها
عقدت حواجبهـا بااستنكـار وهي ماسكه فرشـه مدببه الرأس كانت عليها اثر شدو فوشيا لامع
جلست بتهالك على كرسي التسريحه وهي تفكـر كيف تستعمل هالفرشه!؟
لولو\واااااااااااااااو فريد جالسه على تسريحتي..انجاااز!
ارتكبت فريد ورجعت الفرشه مكانها بدفاشه ورفعت ايدها بسخريه
فريد\كف على وجهك يطيرك..من صجك انتي!انا بس اتمصخر على محل المكياج اللي بغرفتك!
تعودت لولو على اسلوب فريد الهمجي\ وانتي هذا اسلوبك مااراح يتغير!وبعدين تعالي انتي متأكده!
فريد\متأكده ايش!
غمزت لولو بعينها وهي تقرب منها \متاكده انك ماتهتمين لـ هألأمور؟؟!
تجاهلت فريد كلمتها وكتمت احرجها\كولي عسل..ومشت خارجه من الغرفه..
لولو\وين بتروحين.انتظري!
فتحت الباب وهي تصرخ\لبسي ونزلي..ترى ضاع الوقت بسببك!
لولو\طيب لا تطقين..
ظغطت على اللفت فريد وهي كارهه الموقف اللي انحطت فيه..يعني لازم تنبش بإغراض البنت..!وتسوي روحها فاهمه!
هي مو عارفه ليش فتشت!كان عندهـا فضول غريب حول هالأغراض اللي متواجده بغرفة أي بنت من سنها!
كان عندها فضول تعرف ليش كل البنات ينجذبون لـ هالمستحضرات !
وهي!
ليش مو مثل البنات!
هذا اللي جاهلته فعلا..
انفتح اللفت على وقع خطوات خلفها..التفت بتلقائيه وطاحت عينها عليه...وغصبن عنها كشرت لأنها ماكنت تتمنى يشوفها بهاللحظات!
مصعب\يهود احنا..!
ناظرته نظـره غريبة ولاحظت العود اللي بأيده ولبسه الأنيق اللي دوم يربكهـا ويرغمها على التأمل فيه بكل جنون وحب..لبسه بسيط جينز رمادي مقطع من جميع الجهات وتيشرت ابيض وشعره من كثرّ نعومته كان خفيف وبأي حركه تصدر منه ينسدل معاه.
تأففت بصوت عالي يوم شعرت انه النظرات طالت والهدوء سكن.. وبدأت الحرب بعد كلام العيون
لوا فمه بطريقته وكمل\وبعد!؟
فريد\وآنت خليتني اصلا اسلم..مصعب ابعد عني ترى مالي خلق لك!
مصعب\ليش!..رفع حاجبه وكمل...مات لك قريب!
كتفت أيدينها بعصبيه وضغطت على اللفت مره ثانيه لأنه تسكرّ
فريد\تستهبل حظرتك!
باابتسامه لاذعة رد\مدري ..وش رأيك انتي!؟
فريد\فكني منك يااخي..انا كنت مرتاحه وانت بعيد!؟
بهدوء قال \قولي والله!
ارتكبت لكنها تظاهرت العكس وردت بكل خشونه وعجرفة\والله..والله..وأكدت له أكثر.. واللـه..
تفاجأ مصعب ولجمته كلماتها!..تفاجأ انه حلفت..تفاجأ من نظرتها الصارمة والحادة!
مرّ من جنبها بكل هدوء ونزل من السلالم..ومن شعرت بالهواء اللي ملى مكانه دمعت عيونها..لكنها
مسحتها بكل قسوه قبل ماتنزل..وكتمت آهاتها بقلبها الرهيف..
فريده حساسة لأبعد درجه لكن شخصيتها المتعصبة اخفت مشاعرها الرقيقة...
اللفت كان ينفتح ويرجع يتكسر من جديد..وفريده سارحة بأفكارها..وبكلام مصعب اللي مثل الخناجر على قلبها..
طلعت هاللحظه لولو وتفاجأت من وجود فريده
لولو\أنتي مانزلتي!
حاولت فريد تتناسى الموضوع\نزلت وطلعت ابي استعجلك..
لولو\اها..يالله ننزل..دخلوا المصعد..ولولو كان تناظر نفسها بالمرايه..تصدقين..احس الصبغه عرضت وجهي..شكلي برجع أصبغه اسود ..
ناظرت فريد لبس لولو اللي كان عباره برمواد جينز اسود بنهايته فصوص صفراء وتيتشرت اسود\وانتي ناقصه اسود..يااختي كل لبسك هاللون..بعد تبين تصبغين شعرك اسود!
لولو\يا حبيبتي انا أحب الأسود..وغير كذا انا البس هاللون عشان يضعفني!
دخلوا الصالة
لولو\افصخي عباتك..
فريد بصوتها المبحوح\اخاف يكون اخوك موجود..
لولو\لا ربعه مسوين له اليوم عشاء في المزرعه..وبيدق عود للفجر..وناسه والله..
شعرت فريد براحه لكن بنفس الوقت كانت تتمنى لو تلتقي معه مره ثانيه وثالثه..وطبعا مااارح تمل!

صادق مصعب يوم سماها غبيه!
كيف تتمنى تشوفه وهو اللي كان يسخر منها من دقايق..
هي غبية فعلا...غبية لأنه تحبه!

وعلى هالحال ظلت فريده..تتقرب مجيء مصعب بكل شغـف و جنون الحب...كانت متملله من سوالف لولو وحكيها عن الحفلة اللي كانت في بيت الوزير..لولو كانت تتكلم بحرارة وبعيون حالمه..آما فريد فكانت بعيده عن ارضهـا وطموح بنت خالتها..
لمن اسدل الليل ستاره..وبان حندسه المظلم.. ورجعت فريد لمسكنها الصغير والبسيط وهي ما حاضت على رؤية حبيبيها ابو شامه مره ثانيه
و رجعت تفكر من جديد!
شلون قدرت تحط عينها بعينه..وتحلف بالله ثلاث مرات!
وش هالقوه العظيمة اللي صابتها وهي اللي كانت بيوم ماتقدر تحط عينه بعينه!
كانت ترتعب اذا سمعت صوته كانت تهابه بداخلها من وهي طفله
وظاهريا كانت تظهر العكس والقوه والصبينه وبكل براعه..ماكنت تدري انه غرقانه بحبه الا لمن كبرت وعرفت وش تفسير دقات القلوب والحراراه الغير معقوله اذا ناظرت عيونه ودققت بتفاصيل حروفه وتأملت تقاسيم وجهه..كان يحرك فيها شي غريب وهي جاهله وغارقة وراضيه..
أفتنتها الشامه السوداء اللي تحت شفاته..
واسرتها نظراته المتعصبه اذا شدد على عيونها وبانت خطوطها المستقيمة
حبيت عصبيته وزمجرته وتقلباته..
عشقت سخريته وغرابة تصرفاته
كانت تعرف انه انسان مستهتر ومتقلب ومغازلجي درجه اولى ..
كانت تشوف عيونه المكاره وهو يرمي وبكل مهارة كلمات الحب على البنات ويأسرهم فيها..
لكنها حبته..وعشقة صوته اذا غنى واطرب قلبها قبل مسامعها..كان قلبها يرقص حب وجنون..
لكنها كانت صادقه بكلامها!
من رجع وهي ما ذاقت الراحة بيوم!
نامت فريد وهي غارقة بأحلامها..وطيف مصعب يجول حولها..

--------------

صبح السبت
بناااااااااااااااات يابناااااااااااااااااات تعاالوااااااااا
التفتوا ثلاث ازواج من العيون لحنان اللي جايه من بعيد بنفس لاهثه
فريد\وشفيك..وعمى ان شاء الله فقعتي اذني!؟؟؟
رمت حنان جسمها على الأرض وهي تسمح جبينها بكف ايدها اليمنى بحركات سريعه..
وفجأه
انفجرت ضحـك
أرفعت لولو حاجبها بنظرة استخفاف ورجعت تتصفح مجلة تحت 21 بهدوء
آما عايشه رجعت تكمل نقاشها مع فريد على مسأله بالرياضيات
لكن حنان ظلت تضحك وتضحك ووجها كل ماله ويحمر لمن ارغمت البنات يرمون اللي بأيدهم و يضحكون على هيئتها
رمت عايشه الدفتر\ياحمـ.. والله ان ماتكلمتي اللحين ياويلك..
فريد\وقسم بالله مصخره..قولي وشفيك..!ضحك وضحكنا..ودفتر وصكيناه!قولــي لأصحكك بهالجزمه!.؟
سكتت شوي حنان وفتحت فمها لأجل تتكلم..لكنها اطلقت ضحكه بدال أي حرف
فريد تنرفزت وقامت لها..وحنان على طول تكلمت\تذكروا فيلم كان يعرضونه على mbc 3 لمديرة مدرسه كانت مسويه رعب لطالباتها ..وبأخر الفيلم الطلاب رموها بره المدرسة
لولو تذكرته على طول لأنها تخصص افلام\ايه ذكرته..ذكرته..اسمه ماتيلدا اظن..ههههه هي البنت اللي استعملت قوتها الخاصه ورمت المديره من نافذة الفصل,,
حنان\ايه هاي اللي كنت بئصدوا..ابشركم..مراقبه جديده تعينت بدال استاذه حصه..وهونيك بالساحه مسويه رعب عند البنات..تخيلوا يابنات عيونها صغار ئد النمله لكن البؤبؤ شوي وبيطلع من جفنها!
لولو باستمتاع علقت\حماس الصراحه..افتكينا من حصوه..وجات وحده العن منها..!
فريد\انتي من صجك..قولي الله يعنيا عليها..قوموا..ابي اشوفها وتخسي تكلمني!
ضحكت حنان بسخريه\اقولك البنات صاروا يهربوا منها..وانتي مو مهتمه!
قامت فريد \ماابقى غير هذه تخوفني..
نطت حنان معها بحركه سريعه\نشوف ياستي..
اتجهوا البنات للساحه بخطوات سريعه وروح حماسيه وحنان صرخت\شوفوها اللي معطتنا ظهرها ومساكه المسطره!
تكلمت لولو بدلع وهي لاويه فمها \ سوفاااااج..شوفيها وش لابسه..!
عايشه\ماشاء الله عليك..شلون شفتي ملابسها!
لولو\شوفي تنورتها على ايام السبعينات من قصرها!
حنان\هههههههه روئوا شوي..لسه ماشفتوا وجهها!؟
قربوا البنات بخطوات وحده ومستقيمه لمكان التجمع البنات
وبهاللحظه سمعوا صرخة المراقبه الجديده..وبتلقائية صار الكل يحط ايده على إذنه
فريد\وعمى مو صوت عليها..شكلنا بنرجع البيت واحنا مانسمع..
ضحكت عايشه بخفه وسكتت..وكلهم شغف انه المراقبه تلف لجهتم لأجل يناظرون وجهها
لولو\امشوا..ابي اشوفها من قريب..!
قربوا البنات اكثر لمن اصبحوا مايفصل بينهم وبينها الا خطوات..
وبنفس اللحظه لفت المراقبه راجعه لداخل المبنى لكن وقفت خطواتها لمن شافت اللي واقف خلفها..
اما البنات ماقدروا يستحملون اللي يشوفونه وكل وحده فيهم كاتمه ضحكه ممكن تنفجر أي لحظه..
كانت المراقبه لابسه بلوزه صفراء وسيعه..وفوقها جاكيت كحلي على تنوره بنفس اللون ..ورافعه شعرها كله بتسريحة الكعكه..
عايشه بتلقائيه ابتسمت وهي تتذكر مقطع الفيلم اللي ذكرته حنان وفعلا كانت تشبه مديرة مدرسة الفيلم..
اما حنان أطلقت ضحكه كبيـره ورنانة وهي تشوف المراقبه بتاكلها بعيونها..
فريد كشرت وجهها وهي تتأمل عيونها. اللي فعلا بيطلع بؤبؤها.
اما لولو كانت حاطه ايدها على خصرها وتنـاظرها بقرف وكأنها حشره صغيره قبالها
المراقبه انصدمت من هالقروب الغريب الشكل واللي يناظرونها بكل جراءه وعجرفة..
قربت منهم وخصوصا قبال حنان اللي لازالت تضحك ومو هامها الموضوع..
فريد شعرت باانه اليوم مااراح يعدي على خير وضربت رجل حنان وهي ترص على اسنانها\لازم يعني ضحكه الرقاصات!؟؟
حنان بدون شعور حطت ايدها على فمها وبعثرت نظراتها لأي مكان المهم ماتشوف عيون المراقبه اللي بتلتهمها
المراقبه مافاتتها الحركه وحست انه براكين بتتفجر اذا مافرغت غضبها\وقاحه..وقلة ادب..!
الجميع سمع صرخة المراقبه واصبح التجمع اكبر..ونص بنات المدرسه كانوا شاهدين الموقف بتسليه والهمسات كل مالها وتعلى نبرتها..
لولو بنبره جامده\نعم!؟
المراقبه\الله ينعم عليك..قدامي كلكم على الأداره!
تأففت فريد بصوت كان عالي بالسنبه للجميع ام بالنسبه لها كان جدا واطي\من بدايتها!
المراقبه\مو عاجبك حبيبتي!
فريد بصوت واطي\كولي عسـ
قاطعتها عايشه \الجو معتدل..والفسحه بتخلص..والأبله دخلت..والدرس انشرح..والمدرسه سكرت تراراراااا
عقدت حواجبها المراقبه ومافهمت شي\شتقولين انتي!؟
فهمت فريد كلام عايشه وضحكت بهدوء..
لولو بصوت واطي\مشكله اللي يستهبلون!
عضت عايشه على شفايفها\بلا1
فريد\بلا2
حنان\بلا3
لولو\بلا4
المراقبه شوي وبتقطع شعرها من القهر\انجروا قدامــــي على الأدراه!..التفت المراقبه للبنات اللي مجتمعين حولها..خيــر..كل وحده تورني عرض اكتافها..
لولو بنبره دلوعه\ينقال انها خوفتنا اللحين!
عايشه\مسكينه والله..
مشوا البنات للأدراه بكل ثقه وكأنهم رايحين حفله يضحكون ويتكلمون ومو هامهم الموضوع ابدا
وقفوا قبال باب الأداره ولازال حديثهم مستمر ومو مكترثين بالمراقبه اللي دخلت مكتبها وطلبت منهم الوقوف قدام المارين..
فريد كانت متسنده على الجدار براحه ورجلها بشرق والرجل ثانيه بغرب وحاطه ايدينها بجيوبها وتناظر سقف الممر\الغبيه تفكر انا حنا بنتفشـل بهالوقفه..
طلعت حنان علكه من جيبها ووزعته على صديقاتها\خلونا نتسلى شوي..
لولو\يااااي علكه عطيني بسرعه..
مرت هاللحظه ابلة الفنيه اللي كانت تدرس البنات السنه اللي فاتت
ابله جهينه باابتسامه حلوه\ لااااا الـ b هنا وانا مدري!
فريد بنبره عاليه وخشنه\ هلا بالقمر اللي طلّ...نورّ السيب والفصول والمدرسه كلها..
تظاهرت ابله جهينه بالخجل ومسكت خد فريد بخفه\ياربي هالبنت اموت فيها..هي بس اللي تفهمني..كيفكم ياحلوين..!
البنات بصوت واحد\تمااام..
ابله جهينه\عسى ماشر..ليش واقفين !اكيد عاملين مصيبه جديده..اعترفوا..
اترفعت اصوات البنات واجتعموا حول ابله جهينه وانتصر صوت فريد المبحوح بينهم\والله ياابله ماسوينا شي..بس الله يسامح من كان السبب..
ابله جهينه\منوا!؟
فريد قربت من ابله جهينه اكثر وبكل جراءه ردت\هالمراقبه الجديده..مدري و ش اسمها!
ابله جهينه\ استاذه سلوى..
لولو طلعت لسانها قرفانه وقالت بااذن فريد\اععععععع وش هألأسم!
كشرت ابله جهينه وبنبره هامسه كملت\ تبون الصدق..حتى انا مااستطلطفتها !وقربت منهم اكثر وكملت ..بس ها مو تقولون...!
ضحكت حنان بصوت عالي\ههههههههه ماتخافي!
ابله جهينه\ايوه كذا حلوين..يالله اشوفكم مره ثانيه..ومشت داخل غرفة المعلمات
فريد\مري عاد ياابله..
ابله جهينه لفت لهم من بعيد\من عيوني ياعيوني..ورمت بوسه لفريد
فريد\فديتها تهبلّ..
لولو\يااختي انتي حايزه على اعجاب نص المدرسات!
حنان\ولاتنسي والطالبات..وابتسمت بخبث
عايشه ماعجبها الكلام\بس جريئه..جريئه بالمره
لولو\هههههههه حلاتها والله..
عايشه\هذا مايمنعـ
لجمت عايشه بحكيها وشاحت بنظرها بحركه سريعه وظلت عيونها متركزه على الأرض بتوتر بالغ
بتلقائية تصوبت نظرات البنات لمكان نظرات عايشه وانرسمت ابتسامه خفيفه على شفايفهم وهم يناظرون ابله اميره اللي توجهت للأدراه بعد ماالقت نظره متفحصه لعايشه
فريد\ياعيني ياعيني والله وصار حكي بالعيون!
احمرت خدود عايشه من الأحراج \لا ياربـي ليش!
حنان\شوا؟؟!
كملت عايشه ورغبه كبيره ترغمها وتحفزها على البكاء \اللحين وش بتقول عني!؟تونا فسحه وواقفين قدام الأداره!
فريد لوت فمها بعدم اكتراث\يعني انتي متفشله اللحين!؟
عايشه\ياربي افهموني عاد..استغفر الله العظيم..
لولو\وشفيها يعني اذا شافتك..كل هذا اعجاب
عايشه\اي إعجاب أنتي بعد..انا احترمها واقدرها وهذا كل الموضوع!
لولو رفعت حاجبها بمكر\واضح!
طنشتها عايشه وظلت تفكر باابله اميره لمن سمعوا صوت ابله سلوى الصارم اللي انتشلهم من معمعة حديثهم
توجهت لهم والمسطره لازالت بصحبتها وملف ابيض اللون باايدها اليسرى\اشوفكم طاقينها سوالف!
فريد تاففت بملل بنظرات متصوبه للأعلى\يالييييل مااطولك..
ابله سلوى كانت تتمنى تفهم مصطلحات البنات اللي شعرت انها غريبه واللي جننها اكثر صوتهم اللي يحاولون يخففون من نبرته الساخرة\كل وحده تكتب اسمها وتوقع تعهد ..بسرعه اشوف..!
ارتجفت فريد بحركات استهباليه وكل هذا ورى ابله سلوي اللي اعطتهم ظهرها لأجل تفتح الملف\يمه خوفتني..بموووت
حنان\شوي شوي على ركبك لا تتكسر
فريد كملت تمثيل\لا تكفووون خلوني اعبر عن خوفي بليييز
سكرت عايشه فم حنان قبل ماتطلق ضحكتها\دقايق وضحكي على راحتك فوق..
وقعوا البنات على التعهد بااعصاب باردة وكأنهم متعودين على هالتوقيع بشكل مستمر
فريد\مرده بينطق بالزبالة..
ابله سلوى بنبره صارمه وآمره\بسرعه على فصولكم وماابي اشوف وجهكم..يالله..
مشوا البنات بخطوات بطيئه ومقهوره.اما عايشه فكانت متنرفزه لأنها تكره تسلط المعلمات واستغلالهم مهنتهم\أخلاقها عسل..
فريد بلهجه ساخره\جدا ..بس ان ماطفرتها مااكون فريد..
عايشه\ياخوفي هي اللي تطفرنا!
مسحت فريد على ذقنها دلاله على التفكير\تهقين!؟؟؟
اكتفت عايشه بالسكوت لكن نظرة عيونها كانت تحمل معاني كثيرة
مرّ اليـوم والحدث ألأكبر كان ابله سلوى اللي ناويه على التغيير الكلي لمدرسة البنات!؟وخصوصا شلة الـ b اللي حطتهم في بالها والمخططات العديده اللي بتتنفذ بااقرب وقت ممكن

----------------