منتديات قصايد ليل - عرض مشاركة واحدة - أحقا ستحلق الطيور / الكاتبة : وصيت قلبي عليك ، كاملة

11-15-2016

منورين القصه حبااايبي

الجزء الثاني

جريئة هي حياتي!

========

طـول النهار وهي مترئسة الجلسة الأسرية بصوتها العالي وضحكاتها المتواصلة وسخريتها اللاذعة
تضحك مع هذا..وتصـرخ بكل جراء على اللي يعترض حديثها
تلعب كأنها طفله,, تفكـر وتدّعي الهدوء,, ويسرح فكرها ثواني مثل أخذ النفس ,,
وحتى حركات أيدها الكثيرة ماسلمـت منها..لأنها اذا فكرت تتكلم كل شـي فيها يتحرك و يكـون حي ونشيـط,,ومو غريبـه لو تشوفون ايدها تنمـد على الحاضرين بدون ماتشعـر وبحراره طبيعيه,,

القيت نظـره عابـره على ألخمسه اللي جالسيـن بأدب..التوأمين شهد ورغد مصوبين عيونهم على التلفزيون ويناظرون مسلسل الساحرات الثلاث مدري القاتلات الثلاث ..!وحمود فديت قلبه يحـاول يحشـر نفسه بينهم واحلام وبدور وجودهم وعدمه واحد.. اما نعيمـه هي الوحيدة اللي جالسه جنبي امي وحاطه رأسهـا على كتفها هالبنت هذه نسميها بنت امها..لأنها ظـل امـي بكـل مكان تكـون وراها,,
احنا ستـه بسم الله علينا..
شهد ورغد توينز بيدخلون السنه الجايه تمهيدي
ونعيمـه رابع ابتدائي
واحلام بأول متوسط
وبدور الدلوعه المايعه بثالث متوسط
وألأخير حبيبي حمودي عمره اربع سنين (ولد سوير)
ابتسمت بسخـريه على غبائهـم وهدوئهم وسذاجتهـم,,
ليش ساكتين ومكتفين اياديهم! سوالفي خلصـت ..
لكن ببدأ بـ سوالف جديده وتخسي ساروه تطـع صوتهـا..!
مسكينـــه,,تفكرنـي بتـوه بـ ابتسامتها البريئه! وخجلهـا الغبي!
وشعـرها الكستنائي المزعـج!تبي تقلد شعرّ امي..لكنها مااصابت..ولا راح تصيب بيـوم,,
لمحتها تقشـر تفـاح بصحـن وعرفت انه لأبوي..
قمـت من مكاني بسـرعه وانا أغمـز لقالب الثلج اللي كنت جالسه جنبهـم..وجلست بدفاشـه جنب ابوي اللي كان يتوسط امي وسوير..!
فريد\هلا والله بـ ابوي..اخذت صحن الفاكهه اللي خلصته بدفاشه ومديته لأبوي وابتسمت له.. تفضـل يابعد قلبي..
ابوي كان حافظ حركاتي المجنونه..لكنه مايقـدر على دلوعته فريد,,
ابوي\يزيد فضلك يابنتي!
راقبت سوير من طـرف عيوني وشفتهـا منزله عيونها باستسلام,,
احســن
فريد\يبـه تبيني اهمز رجولك مره ثانيه..!
ابوي بصوته الحنون\لا ياقلب ابوك تعبتك اليوم معاي..
قلت بكل مكر\لاتخـاف بخلي شهد ورغد يهمزونك..وانا باأمرهم بس!
ضحك الكل على كلمتي..
حبيت يده وانا ابتسم له وتمسكت فيهـا وانا اتامــل وجهه المرهق والخطوط اللي مجتمعـه بكل زواياها..متى يارب هالقلب بيرتـاح!..متى!؟
انا عـارفه انه الحمـل ثقيـل وزاد على هالعيون الحنونه لكن اوعـدك يايبه..اوعـدك اني اخفف هالحمـلّ ..اوعـدك ياالحنـون!
"
تذكرت سوير اكيد متولعه اللحين..
حـاولت ارتاح اكثـر في جلستي والبيجاامه كانت مساعدتني لمن مللت سوير وقامـت..
لكن صوت ابوي وقفهـا..
ابوي\وين!
سوير بهدوئها المعروف\دورة الميأه ,,
فكـــه!اللحين الواحد يتكلم عن خصوصياته..
فريد\يمـه شخبار الجيران..وصلتي الطلبيه لهم,,!
ضحكت امـي علي..وفهمت تلميحي..
بدريه\ايه وصلته..
ابوي\عندك طلبيات بالليل,,؟
بدريه\عمتي صالحه داقه علي من اسبوع عشان تاكد علي عشـاء الرجال اللي بيزورونهم الليله..
ابوي\بس هذا اللي عندك اليوم!
بدريـه\ايـه الحمدلله..لكن تكفـى ياابو محمد كلم المكتب ثانيـه شوف لي هالخدامه متى بتجـي وتعاونـي..العطلـه قربـت والطلبات بتـزيد,,وانت خابر خدامه وحده ماتكفـي,,
قـام ابوي من مكانـه بصعـوبه وهو ماسك رجله اليمنى ويشـد عليها\ان شاء خير يابدريه بكلمهم مره ثانيــه..صحوني اذا بعد ساعه ضروري!
امي قالت بتقائيه \ليش!؟؟
مشـى ابوي لغرفته وهو يقول\بوصـل واحد لبقيق
من اختفـى زول ابوي..شفـت بدور واحلام ونعيمه يتكلمـون ولاكأنهم من شوي ساكتين ومتمللين,,
ضربتهم بالمخده اللي جات على احلام\طلع لكم لسان اللحين اشوف!؟
عصبت احلام ورجعت لي المخده بقوه\مو حضرتك ماخذه الجلسه كلهـا بحركاتك!؟
عصبت انا اكثر ورجعت لها المخده وانا احلف واقسم انها لو رمتها بقلبها خناقه..
هي خافت المسكينه ورمتها بالأرض
وآنا أطلقت ضحكتي المعتاد,,

==========

تحـركت لنهاية السرير..ثم رجعــت لباديته..وتمسكت بالوسادة واسندت ظهرها الطويل بملل وهي تلقي نظـره على التصميم اللي رافض انه يكتمل بنفس صورة الفستان اللي رسمته بمخليتهـا
"
خلــص..خلص..انا مليـت
رميت قلم الرصاص على الأرض..وبأأقل من تانيه نزلت ايدي الّطويله بدون مأأحرك جسمي ورّّّجعت اخده وانصدمــت...من اللي شفتوا بالأرض..!
اوراق كتيـره محاوطـه سريري,,معقوله انا ئطعت هألأوراق !!,,
وليييه شكلي خلصت الكراسـه بدون مااشعـر!
طاحلت عيني على ورقـه معفـوسه بنهاية الغرفه وتذكـرت اني رميتهـا من القهـر!
ئمت من سرّيري متوجهه للصاله ووقفت بنص الممرّ لأني تذكرت هلاّ اني لازم ادرس الماث عشان احلّ الواجـب,,
ابتسمـت بمـرح وانا افكـر اني اخد الحل من فريد
مالي مزاج ادرس هههههه وفريد ام الفزعات
مرئت للصالون وشفت العايله الكريمـه مجتمعـه على التلفزيون
ولمن شفت اللي يتفرجوا عليه بحـركـه سريعـه جلست على اقرب كرسـي وكان جنب ماما
خبر هام "مقتل فلسطيني برصاص الجيش الاسرائيلي شمال قطاع غزة"
وقالت المصادر الطبية الفلسطينية ان "مسعود رجب صبح (35 عاما) استشهد اثر تعرضه.لاطلاق نار كثيف قبل قوات الأحتلال الأسرئيلي من داخل قطاع غزة

بلعت ريئي لأني حسيت بجفـاف بـ تمـي وانا ادعـي من قلب محروق على بلادي المحتله
سمعـت صوت امي وهي تقول بنبره عاليه"حسبنا الله ونعم الوكيـل,,حسبنا الله ونعم الوكيـل"
ظلت امي تردد هالكلمـه بدون ماتشعـر بصـوت مجـروح ومتألم,,
وانا بـدال ماتهديني هالكلمـه حسيت اني اغلـي واغلـي وجواتي بركـان ماراح ينطفـي الا لمن انسف كل يهودي حقيـر على وجه الأرض,,
تكـلم اخوي رضوان الصغير اللي باول متوسط بصـوت بريء\بابا...ليش اليهـود احتلوا بلدنـا ويخربوها,,انا ماحبّهم,,!
ماردّ عليه بابا لأنه كان مشدود باآخر الأخبار اللي تعـرض بالجزيره
امـا انا رجعـت غرفتـي وتمنيت اني ماطلعت منها من الأساس,,

=========

مع بزوغ نور الفجر وتغـاريد العصافيـر الجميله اشـرقت شمـس يوم الأحـد ونورت اشعتهـا الساطعه اراضـي المملكه وامتلئت شوارع الشرقيه بالأزدحـام الدائـم من موظفين وطلاب
وبمـدرسة الحادية عشر للبنـات كانوا الـ B مجتمعيـن بنفـس زاويتهم المعتـاده,,
فريـد كانت تنظـف نظارتها البيضاء وواضح من ملامحهـا المعفوسه انها مااخذت الوقت الكافي من النوم
اما عواشي وحنوا الرقيقات كانوا واقفين ويطعمون حمامتهم اللي مربوطه بحبل محكم على رجلها اليمنـى ومستمعين بصـوتها اللي تحدثـه,,ويضحكون ببراءه
ولولو كانت تتأفف وتسخط على اللي اخترع اسم مدرسه وبنفـس الوقـت ماسكـه منـديل لأنها منقرفه من ريحة الحمام..تحب تشوفها..لكن من بعيد لبعيـد
عواشي\ياقلبوا شوفيها كيف فاتحـه فمهــا!!؟
صـرخت حنوا لمن الحمامه حاولت تعظ اصبعهـا الطويل\آييييييييي بيعورّ!
عصبت فريد وضـربت حنوا بالقلـم\وعمــى!! وش هالصووووت!؟؟؟
القلم طاح بالأرض ولا ضـرب حنوا اللي ضحكت وطلعت لسانهـا
حنوا\تستاهلي..عشان مره تانيه تتحكمي بااعصابك,,
لولو بمزاج رايق\اقول حنوا انتي طلبتي المستحيــل فريد دمها حار..وضحكت ساخره ,,هذا اذا ماكان نااار
اخذت عواشي القلم من الأرض واعطته فريد وجلست على رجلها
فريد\فديت قلب اللي يفهمنـي هههههههه
حنوا ردت بلهجه خليجيه \فديت قلبج انتي..قوموا دق الجرس,,
ضحكوا البنات على كلامها المكسـر وقاموا على عجل وآخرهم لولو اللي كانت تتمخطـر بمشيتهـا وبايعه الكون ومافيه,,
توجهوا البنات للساحه وكالعاده وقفوا على الطابور بسبب تأخيرهم المستمر..
فريد ثارت اعصابها لأنه اول حصه فيزياء وصعـب انها تفوتها,,
وحنوا وعواشي استسلموا للأمر الوقع..
ولولو كان العيد عندهـا,,
دخلوا الطالبات فصولهم..
وفريد تغـلي وتتحسب بصوت واطي ومقهور,,
فريد\مالت عليكم يعني لازم نطقها سوالف ونـتأخر..وش بتقول عنا الـ ميس!
ضحكت عوشاي على عصبيتهـا..لكن نظرة فريد لها الحارقه اوقفت ظحكتها,,وكتمتهـا مره وحده لمن كحـت وغصـت..مسكتها حنوا وضـربت ظهرها بقوه لمن صرخت عواشي وقالت "بس ذبحتيني"
لولو\يعني وشفيها اذا ظلينا نص ساعه بره..انتي عاجبك من صبح الله ناخذ دروس.صج تعليم غبي..بدال مايعطونا بريك نستعد لمقابل وجيهم يدرسونا على طول!؟؟
ردت عليها فريد وهي تتشمت فيها وتضرب يد بيـد\لا ياعسل..انتي الذكيه ماشاء الله عليك,,
شعرت لولو بالشماته من لهجة صوتها وطنشتهـا وهي تعـدل من شعرها المنسدل وترجعه على ورى,,التفت يمين ويسـار ,,وابتسمت بمكر لمن تأكدت انه المكان خلى من اغلب المراقبات ومافي غير مراقبه وحده واقفه جنب الباب الرئيسي وجودها وعدمه واحد..طلعت مرايه صغيرة الحجم من جيبها وحطت مرطب وضبطت كحلها الخفيف,,
لاحظتها عواشي وتحمدت عليها
عواشي\مو هنا ياخبله..بالفسحه ياحظي ,,
مسحت لولو الكحل اللي ساح منها ولمن انتهت دخلت المرايه\كيفهم احنا واقفين واقفين..
هزت رأسها فريد على حركاتهم السخيفـه \انتوا وين!؟؟وانا وييييييييييين!؟؟
تجاهلت لولو كلمة فريد واعطت حنو الكحل\ماعليكم منهـا..حنوا حطي لك بسرعـه!
عواشي كانت تلتفت بااظطراب واضح\بنات المراقبه تناظرنا!؟؟
لولو\اففف ماعليكم منهـا..وبسخريه لاذعه تهكميه كملت..اصلا هذه هبله
حنوا عجبتها الفكـره وحست بالتهـور..لكن التهور ممتع في بعـض الأوقات..اخذت الكحل بسرعــه وحطت لها على السريع ولأنه عواشي قريبه منها وتتاملها بفضول مسكتها من اخمص رأساها وغرست الكحل بعيونها وعواشي تسخط فيها وتصـرخ صرخاتها الرقيقه,, لمن انتهت اخيرا
عواشي\لاااا حنو يادبه,,ليش,,
حنو\والله الكحل روعه عليك,,
لولو\ايه اللحين انتوا صديقاتي..تبين فريد!؟
طنشتها فريد ولاكأنها تسمعها
طلعت لهم المراقبـه واشرت لهم من بعيد انهم يدخلون فصولهم,,
فريد ركضت بسرعه ,,ووراها البنات ماعدا عواشي هي الوحيده اللي كانت منسكه رأسها بخـوف وترقب لأجل تخفي الحفله اللي بعيونهـا,,والحمدلله مرّ الموضوع بسلام,,
"""
مرت الحصص الثلاث مثـل الكابـوس على لولو اللي كانت بين كل حصه تزور قسم علمي وترجع خائبة الأمل لأن الباب دوم مغلق ومعلمه داخله ومعلمه خارجه,,وماكنت تشوف غير عواشي وحنوا من النافذه وهو يأشرون عليها بحركات استهباليه,,
وبوقت الفسحه جاء ألأفراج على جميع الطالبات,,
طلعوا الـ b لمكانهم المعتـاد..ماعدا فريد اللي ظلـت بالفصل لأجل تكمـل تلخيص الفيزياء اللي فاتهـا
وبزحمـة انشغـال فريـد وهي تجاهد تكمل التلخيـص لأنه قلبها مع صديقاتها اللي بالساحه
انمـدت ورد صفـراء اللون لوجهها وهي منكسه رأسها,,
شعـرت باللون ألأصفر الفاقـع قريب من نظارتها ولمن رفعت رأسها عقدت حواجبها الكثيفـه وهي تحـس بالشياطين اجتمعوا حولهـا,,
فاطمـه قطعت الصمـت وقالت بلهجـه مايعه وعيونها هايمه\حبيبتي فريد,,امم ممكن تقبليـن الورده..
ردت فريد ألأبتسامه باابتسامه اجمـل وسكرت دفترها ودفتر البنت اللي استعارته\اكيد ممكن,,اخذت فريد الورده وهي زامه شفايفها
ماتت فاطمه وتوردت خدودها يوم حست بتقبل فريد لها واعتبرتها اول خطـوه للوصول لقلبها..لكنها مااوحى لها تفـرح لأنه فريد قطعة الورده قطعه قطعه ودعستها بجزمتها الرياضيه بكـل قوه ,,
ظلت فطـوم تنـاظر فريد وهي تحاول تستوعب الموقـف وجفلت يوم سمعت صرخـة فريد
فريد\والله افطيييييييييم لو اشوفك مره ثانيه معطتني شي لأنسفك مثل مانسفت هالورده,,انـتي فااااهمه,,
ماانتظرت فريد ايجابه من فاطمه لأنها ركضت خارجه من الفصل من فشيلتهــا,,
حنوا وعواشي ولولو حظـروا نهاية الموقف..وصابوا بهستيرية ضحك لمن لاحظواا بتلات الورد المقطـعه بكل قسوه وفهموا الحكايه من بدايتها قبل مايسألون أي سؤال,,
قربت حنو من فريد وجلست جنبهـا\والله انك هبله حد بيجيلوا ورد ويرميه!؟؟
ردت فريد بعصبيه\كولي عسـل..اوكي!
حنوا باأسلوبها المرح\راح اكول عسل لعيونك,,
توقعت حنوا بعد كلمتها ضحكة عاليه من فريد لأجل تنهي الموقف او حتى كلمه شاتمه معتاده,, او صرخه داويه ترعبهم..لكن اللي اثار استغراب البنات انه فريد سكتت ومافكرت انها تعلق
طال سكوت البنـات,,ومحد بادر بالكلام وهو يشوفون الأنزعاج والضياع بملامح فريد
واللي مايعرفونه انه فريد ماتضايقت من حركات فطوم المعاتده كثير ضيقتهـا بالهموم الجاثمه بداخل قلبها الصغيـر,,واهمها ابوها اللي بعد مارجع من بقيق نزل على بقالته اللي باسمه وجلس فيها لحد الليل,,صحته كانت كل مالها و تتدهور وهو مكتـرث فيها,,واشياء كثيـره ومؤلمـه لكن دوم هالقلب مكتـوم وبيظـل مكتوم طول العمـر!
شعـرت عواشي بتوتر فريد الغير طبيبعي واستغربت كل هذا عشان ورده!.
اكيد في حاجه ثانيه في بالهـا!؟
عواشي\فريد..شفيك حبيبتي!
ردت فريد بجفاء\ولاشـي,,
قامت فريد من مكانها وكملت\..بنات خلونا نطلع قبل مايدق الجرس ابي اغير جو,,
طلعوا البنات يتمشون بساحة المدرسـه ولازال الجو متوتر فحبت حنوا كعادتها تغيـر الجو باأحد كلماتها البريئه
حنوا\اويييه الرئيس معصـب ليش!..اضحك ياحلوا تضحك لك الدنيا,,
لكن فريد ماحركت ساكن وظلت معقده حواجبها,,
وبتلاقيه استعملت اخر سلاح عندها وهو جملتهم الشهيره لأنه مفعولها بيأثر اكيد وبينسيهم العصبيه
حنوا وهي توطي رأسها لجهة فريد وترفع اصبعها\بلا 1
عواشي ولولو بحركه سريعه رفعوا إصبعهم وقالوا\بلا 2 بلا 3
ابتسمت فريد ابتسامه خفيفه ومو واضحه وثواني بس وانفجرت\ بلا 4 ههههههه ههههههههه
لولو\ايه هذه فريد..طنشي ياقلبي..طنشي..اقول بنات..اليوم جايين ناس يخطبوني وابتسمت بدلع,,
حنوا\لايتعبوا حالهم..معروفه اجابتك,,
لولو بنفس دلعها كملت\طبعا..انا لولو..لولو انا..بس خليهم يجون ويشوفوني عشان يموتوا قهـر لمن ارفض ولدهـم,,
تكلمت فريد هالمره\انتي متى بتعقلين!؟؟
ردت عليها لولو بلهجه ناعمه\لمن انتي تعقليـن..!
انحـرجت فريد وطبعـا المرات اللي تخجل فيها نادره جدا جدا وطلعت اجمـل وهي تخفي ابتسامتها المميزه وتتظاهر بالغضب\كولي عسل زين!؟؟
حنوا\ياعيني..ياعيني ابو شامه سوداء ها,,وغمزت لها..
تعلثمت فريد بحكيهـا واحمر وجهها وهي تسخط فيهم\قليلات ألأدب,,وابتعدت عنهم
طلعت آآه مكتومه من حنوا\ نيالها هالبنت,,
طلعوا زوجين من العيون لولو وعواشي وهم متفاجئين من ردة فعل حنوا
عواشي\عيدي اللي قلتيه!؟؟
حنوا همست بعيون حالمه\انا حابه,,
رفعت لولو ايدينها لوسطها\ياسلام..واحنا اخر من يعلم!؟؟منوا اعترفي!؟؟وبقلة صبر كملت,,بســرعه
حنوا\مابعـرف!
عواشي\كيف ماتعرفين!؟
مشت بخطوات بطيئه وهي تشعر انها متعلقـه بالهواء وسط السماء والأرض,,شعورها هذا ابعدهـا عن العالم باأجمعـه وكأنها مافي غيرها بهالكـون متنعم بـهالأحساس الغريب
مشوا البنات خلفها على مضض وهم ينتظرون إيجابه صريحة منها,,
حنوا\صدقوني مابعرف..بس حاسه فيه!؟؟حاسه انوا قريب!؟
ناظرت لولو عواشي وعواشي بادلتها النظره وردوا بنفس الصوت\حاسه فيه!؟؟؟؟؟؟قرييب!؟؟؟؟
ماردت عليهم حنوا وظلت تمشي بدون اتجاه وهي غارقه بااحلامها الوردية وتاركـه معممة كبيــره احدثتها خلفها
-----------

بوقـت الظهيرة وحرارة الجـو اللي كل ماله وتزداد وترهق الأبدان
كان متسـند على الباب الرئيسي الزجاجي وينـاظر ساعته بفكر شارد وبعيد كل البعـد عن موقع عملـه..
تصـور شكلهــا اللحيـن اكيد هلكت من هالحراره اللي تعـود عليها طول يومـه..
ماراح يفتك من حنتها اليـوم ولا لسانها اللي جـف من القهر والضيم,,
لكن وش حيلتـه وقت البريك ماحان موعـده وبقـى ربـع ساعه ثانيه تفصـل بين شفت شغلـه,,
والآنسه لمياء اكيد فاحـت وماتت حرّ من زمان
مـرت الدقايـق مثل السنين على قلبه الشاقي لكن مابعد ضيقه الا فـرج..انتهت الربع ساعـه على خيـر
دخل مبنـى الشركـه ووقع وطلـع على عجـل وركب سيـارته الكابرس القديم..
نزل قبعة العمل الزرقاء وفتح اول زرين من قميصه الأبيض اللون شغـل المكيف لأقصى درجه
وتوجه للكليه وهو ينـاظر ساعة سيارته اللي كانت تشير لوحده ونصف,,
مو عارف كيف وصـل بهالسرعـه ,,وقف سيارته بنفس مكانه المعهود ومثل ماتوقع هذه لمياء قباله ومن مشيتهـا الكبيرة الخطوات تيقن انها ناويه نيه شينه,,
ركبت سيارته وقفلت الباب بكـل قوتهـا وهو بدال مايهديها انفجـر ضحك على حركاتها,,
خالد\هههههههه كسرتي الباب يالخبلـه ههههه
لمياء\وتضحك بعد!؟؟مستانس على اللي سويته!؟؟
وقف سيارته على الأشاره الحمراء والتفت لها\وش تبيني اسوي لك يعني اطلع من شغلي عشانك!؟؟
لمياء بنبره باكيه\ساعه كامله واقفه بره واحتريك..والله اني اخذت حمام شمسي ببلاش,,
خالد\حلوه..حلوه هذه..عيديها,,
لمياء\يابرودك ياأخـي,,
حـرك خالد السيـاره ورد على اخته الشقيه\اذا انتي ساعه وماقدرتي تجلسين بهالحرّ؟اجل انا يااختي العزيزه وش اقول!؟؟انا سكيرتي وشغلي يحتم علي اني اظـل واقف طـول اليـوم,,واذا شافوني جالس على الكرسي قالوا عني غير مواظب ومو كفؤ,,!قولي الحمدلله ..
كان وقع الكلام على لمياء قاسـي لأنها استشعرت بمدى المعاناه والمجهود اللي يبذله اخوها لأجل يسـد مسـاحه بيت آجار متواضع,,هذا غير عبئه الكبير لأجل يكمـل دراستة الليليه اللي فاتته من اربع سنين عشان يحصل على شهادة الثانويه العامه وتـزيد من دخره ,,وترفع من وظيفتـه البسيطه
خالد\الكلام يعورّ صح!؟؟
لمياء\ليش ماتدور لك وظيفه ثانيه بدال هــ..وسكتت مظطربه
خالد\قوليها عادي,,سكيرتي مافيها شي,,وبالليل محاسب بمحـل ملابس بمجمع الظهران,,
تظاهرت لمياء بعدم المبالاه \طيب انا ماقلت شي,,وبعيدن لاتنسى ياخالد انه شغلك مؤقت لمن تخلص دراستك,,
التزم الصمت ثواني وبعدها قال لأجل ينهي الموضوع\الله كريم
وصلـوا البيت ونزلت لمياء على عجـل,,واستغربت من جلسة اخوها,,
لمياء\مو نازل!؟؟
خالد\عندي كم شغله اخلصها واجي!
لمياء\يعني ننتظرك على الغداء!؟
خالد\لا تغدوا يمكن اتاخر!
لمياء كانت تشعر بذنب طفيف بسبب اخوها\طيب اجلّ شغلك بعدين..تغداء قبل!
تملل خالد وقال عشان ينهي الموضوع\لمياء خلاص قلت لك شوي وجاي,,تغدوا انتوا!
اغلقت باب السايره وهي حزينه ومشت للبيت وعيون اخوها تتبعهـا لمن وصلت للباب,,
تنفـس خالد بعمـق وتوه بيحـرك سيارته الا لمـحهـا تنزل من سيارتها بكـل خفه وخدامتها ماسكه شنطتها الورديه وتنزل وراهـا,,
ماقدرّ يمنـع نفسه من التـامل ولو لحظات بسيطه وعابره,,
هو كذا بيعـّذب نفسـه اكثر..لكن قلبه هو اللي يقـوده,,
ابتـسـم بالم وهو كـاره احـلامه اللي كل مالها وتكون مجرد احلام فقيره وماعمرها بتتحقق بيـوم,,
ولمن حـس انها انتبهت له..حرك سيارته اللي احدثت صوت قوي واختفـى عن الحي ومابقـى غير غبار السياره بعيونه,,

--------------

نـاظرت نفسهـا بالمرايـه نظـره اخيره وشامله
تنوره سوداء موديلها فرنسي قصيره من ألامام ولها ذيـل طويـل من الخلـف
وبلوزه حريره بلون التوت ومشدوده على جسمهـا الريان ,,ومافكـرت انها تحط شي على وجهها غير الروج التوتي ومسحه خفيفه من بلاشـر فَـضي
لبست صندلها الكعـب وطبعـت بوسه على مرايتهـا بخيلاء وهي تبتسم بمكـر
لولو\بيشوفوني وبخليهم مايعرفون ايدهم من رجلـهم وبعدهـا بقول لهم آسفين ياحلوين ماعندنا بنات للزواج هههههههه..
طلعت من الغرفه بعد ماشرت عطـرها المفضل alien وكان هالعطر على صاحبته مثير وطاغي على الجو بكل جراءه وصوت كعبهـا يبين للجميع انه الأميره الحسناء وصلـت
وفعلا وصلـت لولو وطيرت عقول الحظـور من جمالها الأخاذ وماعرفوا هل يتأملون شعرها اللي يتطاير خلفها والا بدلتها الجرئية اللون والا وجهها اللي ارسمه مبدع جلّ جلاله
جلسـت بكـل غنـج وهي تسمع ام احمـد تمـدح فيهـا عند امهـا..وعشان تضبط الدور تمام حاولت تتصنع الحياء العذري وفعلا..لولو تستحق اجازة اوسكار على تمثيلهـا المتقن
طلعـوا النـاس بعد جلسة التعارف البسيطه وبدريه جلست جنب بنتهـا بفخر,,
بدريه\شكلهم انجنوا عليك,,
ظلت لولو تلعب بخصله طويلـه من شعرها وابتسامه متمرده تلعب بشفاتها\ادري,,وهذا المطلوب,,
بدريه\وانتي سمعتي وش قالوا عن ولدهـم,,!
لولو\سمعت وماابي اسمع مره ثانيه عنه,,
تنهدت امها وكأنها متوقعه هالرد الجاف من بنتها\يعني ايش يابنتي!؟
لولو\يعني خليه يشوف غيري..اكيد بيطلع على خواته الشيون,,
بدريه\يعني وش اقول لهم!؟البنت رافضه عشانه خواته!..
لولو حاولت تغير الموضوع\يمـه بكـره خالتي هيا عازمتنا على الغداء,,
بدريه كانت عارفه لأنه أختها دقت الظهر عليها \ادري,,
لولو\واكيد بنروح صح!لاتقولين انه عندك عزيمة مع مرت الوزير..أختك أهم منها!؟
بدريه\لا ماعندي...وآمرنا لله..
وبعد فترة صمت
لولو\يمه أنتي ليش ماتحبين خالتي!؟؟
تمللت بدريه من هالكلام المعتاد\ومين قال اني مااحبها..هذه اختي.بس ماتعجبني تصرفاتها ولاطبايعهم..
لولو\ليش!؟لأننا احسن حال منهم صح!؟؟
بدريه ردت بحده\لا,,
لولو كانت مصره تعرف السبب\اجل ليش!؟؟
بدريه\واذا انا واختي نختلف بالأطباع والتفكيـر هذا مايعني اني اكرهها..انا ودي بس تطيعني لو مره وحده وتسمعني..يمكن يرتاحون من هالحاله اللي عايشين فيهـا!
لولو قالت بقهـر\حاله!؟؟ كملت بسخريه..تبينها تصير مثلك..مرافقة لمرت الوزيـر,,تحظرين اجتماعتهم ومناسبتهم ومره جلسة غداء ومره حفلت استقبال,,ومره عيد ميلاد ..ومره مدري شنوا..هذا اللي تبينه يمه!؟؟يمه مامليتي من هالقنـاع..ماينحـرق قلبك اذا شفتي العز اللي هم فيه واحنا على حالنا,,كملت كلامها بلهجه اقوى واقسـى والشرر يتطاير من عيونها انا اكرهم يمـه.اكرهم كلهم لأنهم متنعمين بحياتهم..واحنا عايشين تحت رحمتهـم,,
بدريه كانت مصدومه من بنتها وحقدها\ليش تقولين هالكلام..وعمارات ابوك اللي تركها لنا,,
صرخت لولو \يمه لاتقصين على نفسك..العمارات هذا ماجات الا من فلوسهم اللي كانوا يرمونها على ابوي مثل الماي....هالعـز اللي متفاخره فيه على آختك ماجاء الا منهم..يمه احنا حالنا كان مثل حال بيت خالتي ولولا ابوي ماصاحبهم كان الله العالم فينا اليـوم..الله العالم وين بنكـون فيه لمن ابوي غاب عن الدنيا وتركنـا..
بدريه\اللي يشوفك اللحين مايقول انك تتوددين لهم وتتمنين تتقربين لهم!والا نسيتي الحفـله اللي بتكـون الأربعاء الجاي وانتي من قلت لك عنها وتفكـرين وش تلبسين و أي مشغل بتروحينه!؟
لولو\لا مانسيت وليتني نسيت وارتحت من الهم والشقاء ورى احلام كذابه,, لكن صدقيني يمــه انا امـوت الف مره اذا شفت السعاده والهناء بعيونهم..اموت الف مره اذا سمعت ضحكات بناتهم وطلباتهم المجابه وخصوصا ست الحسن والدلال سندس والا لبسهم ومجوهراتهم اللي كل يوم شكـل ولون ,,احس بشي يجنني ويخليني اكرهم اكثـر,,ليش هم الأغنى وألأفضـل ليش لهم اعلى المراتب وجنـه..ليش مو احنا..ليييش!؟؟
بدريه كانت خايفـه على بنتها من نفسها الطماعه \لولو حبيبتي لايصير قلبك اسود..هذا اللي الله كاتبه ..لاتعترضين على نصيبك..وبعدين الحمدلله احنـا مستورين وعندنا اللي يكفينا وزود
قامت لولو من القهر\لاااااا احنا ماعندنا شي..ماعندنا شـي..
طلعت فوف لغرفتهـا وهي ثـايره وبقمة عصبيتها وظلت تبكــي وتبكـي لمن غلبها النوم ونامت مثل لبوه لاهثه انقضـت باانفجارها وسكنت,,

----------------