شعـبٍ يسمّـون راع الـديـن (وهّـابـي)
لعيون أناقة هـاك الوجـه الحلـو (كوفـي)
من منطلق مبدأ ( السنّي كما الصوفي)
على قرار (ابعد البصـري عـن الكوفـي)
صدّق ووقّـع ولـد خالتْـه (منديـلاّ)
من أجل تطبيق قانـون السـلام :إيكـا(1)
جاء ضمن لوحة قرار الحكم :أنتيكا(2)
إلعـن أبوهـم عـرب , دقّــي يمزّيـكـا
غنّـي يواشنطـن وهـزّي يمانـيـلاّ
ما دام (ذلحين) مـا تشفـق علـى (هسّـا)
وما دام (باقي وتوْ ) ما وافقت (لسّـا)
بـالـذلّ والـغـلّ بِنْصَـبّـحْ وبِنْـمَـسّـى
وكـل بـن كلـبٍ بـدمّ كبودنـا فلّـى
شعـبٍ يسمّـون راع الـديـن (وهّـابـي)
ومن ثار دون ارضه يسمّونه (ارهابي)
وراع التقاليـد (متْخـلّـف) و (أعـرابـي)
يحيون يفنـون مـا راسٍ لهـم علّـى
تَحَـتْ شعـارات يـا (بابـا) ويـا (مامـا)
عن سوط حاخام(3) واحد.شعب يتْحامى
بمجـلـسٍ حاكميـنـه ألــف حاخـامـا
وهيهات بن عمْ عن ابن العـمّ يتْخلّـى
يا شيب عينـي مـن الدنيـا ويـا خوفـي
يا ويل ويلي ثلاث ويـا بَـرِيْ جوفـي
كان الصِقَهْ حـظّ سمعـي والعمـى شوفـي
بتوخذ الغالية غصـبٍ علـى مـن لا!!
داعـي سـلامٍ خلَـطْ (فُدْكـا) ب (كونيكـا)
أمّه (سرائيل) وأخت أخت أمّه (إمريكا)
الطاهـرة بنـت شيـخ القـوم (مونيـكـا)
والعاهـرة (رابعـة) والتافهـة جُلّـى
في خانةٍ بين حرف (الشّا) وحـرف (السّـا)
مركب (خبَرْ كان) بالشعب العمى رسّى
مـن نسّتـه نعمـة النسيـان (مـا نسّـى)
تلقى حياته مثـل موتـه سَـوَى بـلاّ
(الشعب) أنا ؟ والا أنا (الشعب) ؟ الله أدرابي
لا فرق , يا قربه الزاحف من الحابـي
المـوت واحـد سـواءً جـاك (عنّـابـي)
أو جاك (أسـود) فهـلاّ تعتبـر هـلاّ
خـلاص يكفـي تـرى تمثيـل و (دْرامـا)
بالعين من واقع الأمّـة (بنورامـا)(4)
أما نبـدّل حجَـرْ (شطرنجهـم) (دامـا)(5)
والا انقلبنا مثل من صـام مـا صلّـى
ما شـيْ تغيّـر بنصـف القـرن يالعوفـي
يا كود توقيع خطّ (النسْخ) ب (الكوفي)
الوضع هوْ هوْ ,عمر صهيـون مـا توفـي
شمطـاً علـى أُمّـة المليـار تتْسلّـى
يـا شعـب عـن شَـدّة الأظعـان ناهيكـا
يا صوت ما ينسِمِع لولا صدى (الميكا)
نجدٍ تقول (ابْـك) وتْجـاوب حَلَـبْ (لَيكـا)
جماد هـلاّ !! وحـيّ بْحـيّ مـا هـلاّ
حلفت وحْياة من (واسـى) ومـن (أسّـى)
ربٍّ يِصَبّـحْ صبـاح وبالمسـا مسّـى
ما يرتخـي (حبـلٍ) الاّ مـن عقـب مَسّـا
ولا عيبٍ اعظم من اسْتِعْطاف من ولّى
لو به سلامٍ بليا حْسـام (إي وابـي) ( 6 )
ما كـان صهيـون قدّمنـي وصلاّبـي
حكـمٍ بـلا سيـف لا غـابـي ولا نـابـي
لك حِبّة الكوع منه اقرب مـدى والاّ ؟
حبر القلـم دفتـره لـو يلحـق المـا مـاء
ياما على شفرة السيف الحـدب يامـا
شعـبٍ تـدارك مـدَارِك دمعـتـه وآمــى
شتّان بين القلم والسيـف أخـو جـلاّ
في الصيف شِتْوِيْ ثيابي في الشتـا صوفـي
بغداد بغـداد يـا جوفـي وسرجوفـي
يفـداك دمّـي وليـت الـدمّ بـسْ يـوفـي
حقّك على السيف لا (حاشا) ولا (كـلاّ)
قلت ايه ايه ايه ايه
احسبني قبل اشوفك واحد تشره عليه
واثبتت شوفتك اني كنت سيد العاقلين
ما عرفت ال(لو)وال(ليت)و(متى)و(آه)و(ليه)
لين شفتك خاضب الحنا على ترف اليدين
يوم شفتك تنقض المرجود قلت ايه ايه
ايه هذا اللي لشوفه ما يزين الا يشين
لعنبو من لاتقمص فيك شخصية سفيه
مثل ما هو لعنبو من لا عشق مثلك ظنين
من سببك الموت يا موت يموت الموت فيه
طيا نحيف الخصر ابو دابين والمقعد سمين
لو مع الشيطان من ساير جنوده شبيه
ما بقى حي يبي ال... عشانك يا حسين
ابك لولاك انت ما حي ابد صفق يديه
ولا فرقنا روشن السلطان من سرداب طين
ياجمال خيزرانه ما يطق الا الوجيه
تربته من قحويان وماه ورد الياسمين
من يشوفك بس لو لمحة يبي نومه يجيه
مثل من يبغى لبن عصفور يالله يا معين
جعل عين شافتك حلو الكرى غضت تبيه
نومة اهل الكهف وسط الكهف آلاف السنين
من يشوفك نزوة الدجال الاكبر ترتديه
ولو تشوفك حامل في خمسها طاح الجنين
ومن يشوف ضاع في عز الضحى لوهو نبيه
مرة يحذف يسار ومرة يحذف يمين
كل مولود على الفطرة
يامل قلب ورا سرجوفه مشطر
كنه على سرج بنت عبية(ن) شطرة
كن حس نبضه ليا خاوى الخلا مضطر
عبد سمع حس عود وجاته البطرة
عليك ياللي عليك مزاعل الخطر
على وفا حبك الارواح منفطرة
عينك بها ذايب الموت الحمر قطر
من شافها مات ما في عوينته قطرة
وبيت تطبه ولو ما هوب بمعطر
الفين عام(ن) يفوح ولا قضى عطره
وثغر على ملتي ملفوف ومسطر
حظ من بسنه من يخط اسمه على سطره
ونهد من الشوق لا جيت ....مطر
يمطر وهو توه صغير على المطرة
كن فزته من حرارة ثوبه المنطر
فزة وريع(ن) لمس له حاجة خطرة
وكن رزة الورك من خلفه ليا وطر
رزة ملوك(ن) بسرد بشوتها تطره
يا زين لو فيك صام المبتلى وافطر
مولود(ن)وكل مولود(ن) على الفطرة
يازين نذر(ن) على رقبتي عشر فطر
ما صد عنك وناصر ما قضى وطره
وهذه احدى روائع الشاعر
عـفـى الله عــن عـيــنٍ تـكــدّر منـامـهـا
.......... قـزَت مـن لذيـذ النـوم مـدري علامهـا !
حَبَـسْ عينـيَ القشرا مـن النـوم حابـس
.......... قلَـب يومهـا واخلـف شهَـرْهـا وعامـهـا
الى جيـت اغمّـض كـنّ جفنـي بحاجبـي
.......... مـثـبّـت بمسمـاريـن صــلــبٍ قـوامـهــا
تحضّـر همومـي كـل مـا جيـت باسفهـل
.......... حضـور العساكـر يــوم يُـوخـذ تمامـهـا
أنـــا كـــنّ مــا بـيـنـي وبـيــن المـنـيـة
.......... ألا مـسـافــة خـنـصــرٍ مــــن بـهـامـهــا
غدا الكون فـي عينـي كبـر خـرم الابـرة
.......... او اصغـر شْوَيْ من نقط ريشـة اقلامهـا
علـيْ ضـاق رحْـب الكـون حتـى هقيتـه
.......... مــا عــاد يـوسـع نمـلـةٍ فـــي مقـامـهـا
عـايـشــت بـالـدنـيـا ثـلاثــيــن حــجـــة
.......... وعاشـرت معشـر حامهـا قـبـل سامـهـا
واثر لذة الدنيـا اسْـم بـسْ !!! والحقيقـة
.......... كـمـا الحنظـلـة مــا بــلّ ريــقٍ طعامـهـا
لـحـى الله دنـيــا مـــا مـدحـهـا مـجــرّب
.......... ولا اروت من الشول الظوامـي حيامهـا
هـبــيــة هــبــاهــا الله دنـــيـــا دنـــيـــة
.......... عـجـوزٍ لـقـلـب الـغِــرَ دقّـــت وشـامـهـا
مستـفـرسٍ فيـهـا عـلـى الـذيـب ثـعـلـب
.......... وعيـال العبيـد استشيخـت فـي عمامهـا
دنـيــا تـهـيـن الـحــرّ وتـطــقّ بـاصـبـع
.......... وتـرخـي لـكـلّ مْقـطّـع اربـــع سنـامـهـا
خصّـت مـن نــوادر كــلّ قــومٍ فحولـهـا
.......... وفــي كــلّ اســدْ غــابٍ تفـحّـل نعامـهـا
أنــا والهـمـوم الـسـود خـيـطِ وسـبْـحـة
.......... تحـلّـل حـلالــي قـبــل احـــرّم حـرامـهـا
عـقـبْ دار اخــوي ودار ابـويـه وجــدي
.......... بـ (دارٍ) لــلا المجـنَـبْ لعـنّـا رسـامـهـا
دنـيـا رمـتـنـي رمـيــة الـدلــو بـالـرشـا
.......... بـ (دارٍ) تضيّـع صبحـهـا فــي ظلامـهـا
دارٍ بــهــا كــــلْ مشـبـهـانـي مـهــجّــن
.......... بصفـقـه وتصفـيـره تـرقّــص حمـامـهـا
بـهـا الـــذلّ صـاغـتـه الـعــذارى قـلايــد
.......... وقِطْـعَـتْ وجـيـه رجالـهـا مــن ملامـهـا
وانــــا لـوبـيــدّي أو هــــو الــــودّ ودّي
.......... فـلا ازورهـا لـيـن انـدفـن فــي عدامـهـا
وخـيـرٍ يــاْ طـيـر ولــوّ مـسـكٍ وعـنـبـر
.......... تــراب ارضـهـا أو سلسـبـيـلٍ جمـامـهـا
ولو هـو حصاهـا مـن (جمان)و(زمـرّد)
.......... لابوهـا لابـو خـبـلٍ مــن الـقـوم رامـهـا
دار الـخـنــا لــــو يـفـرشـونـه زبَــرْجــد
.......... عنـهـا كِـــرام الـقــوم تـطـلـق لجـامـهـا
ودارالـخـنـا لـــو روبـعــوا فـيــه قــبّــة
.......... عـشّــة خـــرابٍ جـيّـفـت مـــع قمـامـهـا
ودار الـذلـيـل يـطـيـح لأدنـــى عـجـاجـة
.......... ولــو قبّـتـه مــن تـبـرٍ اصـفـر رخامـهـا
دار الخـنـا ملّـيـت مــن شـوفــة اهْـلَـهَـا
.......... أهَــلْ رُقـعِـةٍ مــا يسـتـر الـحـال خامـهـا
أنـا عنـدي احـلى مـن كرَزْهـا وخوخـهـا
.......... مـنـابـيــت نــجـــدٍ أثـلــهــا وثـمـامـهــا
وانـا مـا جـرح كبـدي وكــدّر بخـاطـري
.......... بـروقٍ يـشـوق العـيـن سـامـر غمامـهـا
بـروقٍ تكاشـف فـي سمـا العـرش كنّهـا
.......... مـصـابـيـح عــبّــادٍ تـصــلّــي قـيـامـهــا
اربــع مخـايـل بـيـن مِـشـمِـل ومِـجـنِـب
.......... وما بيـن شـرق وغـرب يقـدح شعامهـا
مـن الاربـعـه مــا شاقـنـي غـيـر واحــد
.......... سـحـابٍ ســرى غـربـيْ بــلادٍ وحامـهـا
شعانـي سحـاب الـغـرب ربــي حسيـبـه
.......... بــغـــرا هـمـالـيــلٍ تـــركّـــد ركــامــهــا
شعـتـنـي خـشــوم مــزونــه العـقـربـيـة
.......... ذبحـنـي تبـسّـم عفْـرَهـا فـــي جهـامـهـا
دخيـلـك سـحــابٍ كـــنّ وضّـــاح بـرقــه
.......... الـى لـوّح شْـوَيْ واختفـى فـي عتامـهـا
هنوفٍ بـدت فـي مجلـس البيـت كاشفـه
.......... وطــرَقْ بابـهـم ضـيـفٍ وذبّــت لثامـهـا
تِجَـاوَب رعــوده بــه تِـجَـاوِب جمـاعـة
.......... إلـى ردّدوا (آميـن) مــن خـلـف امامـهـا
سحـابٍ تـرى فـي نصوبـه اليـا تهادفـت
.......... مـظـاهـيـر بــــدوٍ شــايــلاتٍ خـيـامـهــا
وكنْ طقطقـةْ وبلـه علـى القـاع طقطقـة
.......... سـنــون بــردانــه تــراجــف عـظـامـهـا
عسى هو على (نجدٍ) ومـا كـان حولهـا
.......... ديـارٍ بـرى حـال (بْـن فـارس) غرامـهـا
ديــار القـبـايـل والحـمـايـل هـــل الـثـنـا
.......... هـل العـزّ عقّـب مــن ظلَمْـهـا وضامـهـا
سـقـى الله يــوم انّ القـنـا تـقـرع القـنـا
.......... كــم خـضّـبـوا بـالــدمّ سـلّــة حسـامـهـا
أحــفــاد(ابــو زيـدٍ)و(عـنـتـر)و(عـامـر)
.......... و(سـالـم)و(ابـن غانم)و(حاتم)كـرامـهـا
ديــارٍ بـهـا صبـيـان مـدعـث عصابـتـي
.......... خـالــد وعـبــدالله لِـ عِـــدّوا حـشـامـهـا
وجـودي علـى المجـلاس معكـم ياْخـالـد
.......... وفـرقــا اربـــعٍ لا يـرحــم الله رحـامـهـا
والا انّ ردّ الـعــمــر شـــــاشٍ مـــــذرّع
.......... وشَـــقٍّ بـحـفـرة سـنّــةٍ بـيــن انـامـهــا
وطـراة العمُـر رفقـة ربـوعٍ علـى النـقـا
.......... مــــع رقّــــة جــــردا يِـعَـمّــد كـتـامـهــا
نــوبٍ قصـيـد ونـــوبٍ آخـــر سـوالــف
.......... ونوبٍ مزوحٍ ونوب نضرب بـ (دامهــا)
ونــــوبٍ تـعـالـيـقٍ خــفـــافٍ وذربـــــة
.......... نجنّـب مـن الشينـه ويصـفـي عسامـهـا
وإلـى أذّن المـذّن سكتـنـا والــى انتـهـى
.......... قريـنـا الـدُعـا المـأثـور حــزّة ختـامـهـا
وقـمـنـا نْـتِـوَضّـى ونتـسـنّـن ونـطّـلــب
.......... لـيـن اعـلـن الـمـذّن صـلاتــه واقـامـهـا
وظهرنـا بركعـاتٍ هــي الـذخـر والـرجـا
.......... بِيـوم انذهــال المرضعـة عـن غلامهـا
هــذي طــراة الـعـمـر لا شـــيْ غـيـرهـا
.......... دام الـعـظـام بـصـحّـه وخــيــر دامــهــا
اشــوف المنـايـا مخـلـبٍ لـيـس مُـعـتِـق
.......... عـبـيـدٍ ولا الأحـــرار يِـخْـلِـي خطـامـهـا
من الموت هو وش لون نفـسٍ بتسلـم؟
.......... والاقــدار تقـفـاهـا والاسـبــاب امـامـهـا
الاقــــدار فـجّـاعــة والاعــمــار فـانـيــة
.......... والايــــام بــوّاقــة حـدَجْـهــا خـزامـهــا
والآجـــال مكـتـوبـة والاجـســاد بـالـيـة
.......... والاعمـال محسـوبـة يمَنْـهـا و شامـهـا
فيـا جامـع الدنيـا تــرى الـوعـد مقـبـرة
.......... أنـا وانــت مِتْسَـاويـن حَــدْرِيْ رغامـهـا
أرى قـبـر كــلْ صنـديـد قــومٍ صـمـيـدع
.......... مِثِـلْ قـبـر رعـديـدْ ادّرَق عــن زحامـهـا
وارى قبـر شيـخٍ يعطـي الخيـل والنضـا
.......... مثـل قبـر مـن يسـرق مـن امّـه زمامهـا
وارى قبـر مـن يشـرب بأبـاريـق فـضّـة
.......... مثل قبر مـن يشـرب بِـ (نعلـة دهامها)
وارى قبـر ابـو يـومٍ ويومـيـن واصـغـر
.......... مثل قبر من عاش 1000عـامٍ وعامهـا
قــبــورٍ لــــو الله قــــدّر لْــهَـــا تـكــلّــم
.......... سِمَع مـن ورا القطـب الشمالـي كلامهـا
وصلاتي على احمد عدّ ما ذعذع الهوى
.......... وعــداد مــن قــام الـدهــوره وصـامـهـا
قصيدة الفراعنه في والده (رحمه الله)
يايبه يانور عينٍ تبلشها iiالسهر يايبه ماجور ماجور يانسل iiالكرام
يايبه ياعزوتي من صواديف iiالدهر يوم طير الضيم فوقي نفض ريشه iiوحام
لأجلك العين انتثر دمعها دمٍ iiحمر والحشا كنه على واهج الرمضا iiحطام
يايبه وإن خانك الساق أنا ساقك وسر ان بغيت السهل والا شواهيق iiالعدام
يايبه وإن قصر الشوف شوفك ماقصر دامني لك شوف وعيون فوقك iiماتنام
يايبه وإن خانك الكف أنا كفك iiحجر إضرب بي اللي تبي هامةٍ والا iiقوام
يايبه وإن خانك السمع أنا إذنك iiفالبشر في ذمتي ماتسمع ألا خبر عزك يقام
يايبه وإن خانوا أصحابك أنا صحيبك جبر مير مافأصحابك اللي عطى درب الملام
يايبه وإن درهم القوم أنا دونك بحر والله إن تبطي مضاريبهم برد iiوسلام
يايبه لاغطرف القمري الشادي iiودر جر هاجوس المعنى عليك أحلى iiكلام
يايبه ياعزة الجار وضيوف السحر يامزبن واحدٍ طقته بقعا iiوهام
مالقيتك بفرجة السوق تصلخ iiوتهدر الك عند الناس قدرٍ وهيبة iiوإحترام
ولاأنت باللي فوق جاره عصاته iiتنكسر يمدحك جارك وضيفك وربعك iiوالخصام
وكان سبَّل عسعس الليل ثوبه iiواستتر شف دمعك في صلاتك مثل وبل iiالغمام
ياعسى يفدى قدم رجلك اللي ماانعثر رجلك اللي ماسعت كود في عز iiالمقام
كم وكم فنجال بنٍ بمجلسك iiانتثر مجلسٍ للعود الأزرق على وكره iiمرام
وكم سمانٍ راعي الضان لقدومك iiذخر حثهن بأطراف كفك لضيفانٍ iiحشام
كن نقفة دمهن فالثرى سيلٍ iiحدر وكن ريح شحومهن فالفضا ريح iiالخزام
يايبه شفت الليالي مجاهيم iiوعفر عن مباغيت المنايا التهينا iiفالحطام
كلنا يدرق عليه الزمان iiوينتثر فوق منصوب الشداد وعلى ظهور المسام
يايبه من زاد كاد وخفى عزه شهر وأنت عزك فالخضيرا جلا جنح iiالظلام
يايبه من هام شيٍ وهو ماله iiظهر ذاق دون اللي يبي مزة الحنظل iiشمام
يايبه من يبغي المجد من دون iiمعذر مثل زارع شتلةٍ فالصبخ يبغى الصرام
من همل فرجه بليا سمينٍ iiماظفر تنطحه شمسٍ تجدويه مطعوم iiالسمام
يايبه تسبيحةٍ يوم جنح الليل iiدر ماتساوي وزنها كنوز مصرٍ iiوالشوام
يايبه ماشق صم الصفا غير iiالصبر والكدر عقب الصبر ينتحي مثل iiالحلام
يايبه دنياً لقينا لها بطن iiوظهر الحظيظ اللي بها عز نفسه iiواستقام
والختام بريح مسكٍ وريحانٍ iiذعر الصلاة الزاكية من ضميرٍ iiمستهام
للنبي الهاشمي صاحب الكف iiالخضر عد ماغنى على خضر الأغصان iiالحمام
|