عصارة فكر
قصائد ليل تطربني وانا قلبي ملان هموم
قصائد تحتوي ابداع شاعر يوم يكتبها
عصارة فكر منثورة على الصفحات كنها غيوم
كأنها لول فخيوط الذهب صايغ مرتبها
حرام اني دخلت المنتدى والقلب فيه وسوم
من الدنيا من الي تعشقه روحي ولكنه معذبها
لقيت بمنتداكم قاف يشفي علة المسقوم
وبعض حروف ما ادري ولكني بجربها
لقيت حروف تتلئلئ لها لمعه كأنها نجوم
لقيت حروف منسيه تدور من يجمـعها
لقيت حروف فيها حب فيها شوق فيها لوم
وبعض حروف من ريش النعام يزين ملمسها
وخفت ان الحروف الي معي ماعاد تقضي الزوم
خطيت الخطوة الاولى اجي باخطي واضيعها
وقفت مضيع الوجهه اطالع كني المنجوم
اناظر شفت خطوات الغريب وقمت اتبعها
وجت قيفان منهمره مقد جت قبل هذا اليوم
وجت هاذي القصيده الي على الشاشة تتابعها
ابي تعليق قارئها يقول اني اكمل عوم
وابيه يعدل اخطائي وينصحني بتجنبها
وابي يجيز القصــــيدة لولــها مقسوم
واذا ماجازها القارئ فهو مسموح يحذفها
وآخر شي صـلوا والصــلاة
تدوم
على من علم الامه على الطاعه لخالقها
وسلامتكم /شعر الغازي
|