منتديات قصايد ليل - عرض مشاركة واحدة - غلاكـ يا شموخ عذب قلب راكانـ// ليه الصدف تجمعنا

08-21-2011

i am with -_- my self
لعنوووونك
البارت الثالث

دخلوا البنات وكانوا ملفتات بطولهن وأشكالهن..............
العزيمه ممله كلها حريم كبار طفش

علياء:ياخاله وين العنود؟؟؟
أم راكان:توها دخلت الصاله اللي هنا <تأشر على الصاله اللي قريبه من الدرج>

راحوا البنات للصاله...........

علياء:سلام عنودي
العنود:هلا والله غلا و علياء تو مانور البيت <سلموا كلهم>
غلا:كيفك أخبارك؟؟؟
العنود:تمام ......من اللي معكم ماعرفتونا؟؟
شموخ:شموخ بنت عمهم
العنود:أهااا أنتي شموخ أهلين والله سوري ماعرفتك
شموخ:لا عادي
علياء:عنودي وينك من اليوم مخليتنا مع العجز
العنود:أسكتي لا يسمعوك ...والله كنت في المطبخ راكان حالف أني أسوي السلطه
عاد أنا أبي أخلص أقص الخضار كبار عشان بسرعه أخلص
غلا تمزح:وع ريحتك كلها بصل
العنود:تعالوا معاي فوق أبي أبدل أقعدوا بالصاله اللي فوق

(طلعوا البنات فوق وقعدوا بالصاله اللي فوق)

علياء:أبي حمام أبي أروح أزيد الروج
غلا:دوريه العيال أكيد عند الرجال
علياء راحت أدور حمام لقت حمام مفتوح دخلته ماسكرت الباب ووقفت على المرايه جمب باب الحمام
علياء طلعت الروج الأحمر من الشنطه اللي معها وجلست تزيد عليه

((طلال))

أنا أمشي متجه لغرفتي أدور ساعتي وأنا أغني ويلاه ضاق الصدر وماذكر يسأل علي ويلاه
مالقيت الساعه تذكرت أنها بالحمام رحت للحمام وأنا أغني بصوت عالي .........

((علياء))

ياربي هذا صوت رجال خليني أطلع بسرعه طلعت من الحمام مسرعه الروج كان بيدي واللشنطه
بيدي الثاني ومنزله راسي ومسرعه صدمت بواحد طويل وعريض وطاحت الشنطه وتناثر كل شيء
والروج بعد طاح بس أنا ماطحت لأنه مسكني كان قريب حيل جسمي مولع أحس حرارتي أرتفعت
أبعدت عنه لميت أغراضي ورفعت عيوني قليل الأدب للحين ماتحرك لميت كل شيء ألا الروج نسيته
ورحت للصاله عند البنات وأنا أحاول أضبط أنفاسي دقات قلبي مدري شصار لها......

((طلال))

آآآآآآه ياعيونها السود جرح وربي حسيت روحي طلعت لما شفتها بالروج الأحمر الصارخ
دقات قلبي زادت لما رفعت عيونها لي بس جد أني ما أستحي ليه ماتحركت
أبتسمت على نفسي بلحظه غيرتني نزلت عيوني تحت مكان ماتناثرت أغراضها
شفت الروج حقها اللي من جد أذا شافه الواحد يحس تجيه لحظة تهور
كانت حلوه أخذت الروج وحطيته في جيبي اليمين ودخلت الحمام وأخذت الساعه
وطلعت.......................

((نزلوا البنات وسلمت العنود على الحريم))

العنود جذابه موت الواحد لما يشوفها يحس بشيء يشد لها عيونها البني الفاتح
على سمارها اللي مايل على الذهبي وشعرها البني قاصته فكتوريا وطويله وجسمها
حلو مثل عارضات الأزياء بس على أحلا.......

((خلصت العزيمه والبنات الحين بيطلعون للبيت وودعوا العنود وأخر من طلع شموخ الجده
رايحه من بدري بس البنات قعدوا مع العنود))

((في السياره شموخ لسا ماجتهم))

راكان واقف عند شباك السواق يسولف مع أبو شموخ
شموخ شافته حست بأرتباك ماتدري ليه:السلام
الكل:وعليكم السلام
أبو شموخ:شموخ شفيك تأخرتي ؟؟
شموخ من ورى اللثمه:ألبس العبايه
راكان:يلا ماتشوفون شر ياعمي
أبو شموخ:الشر مايجيك<وحركوا>

((راكان))
عيونها مو غريبه علي صحيح أني صدمت فيها في المطار بس شفتها قريب وين ياراكان وين؟؟؟؟؟
والله مأدري خليني أدخل أحسن لي ................

(وصلوا البيت والكل نام الساعه 12:00تعبانين كلهم)

(الساعه 1:00الظهر)

((شموخ))

صحيت من النوم جسمي مكسر من أمس تعب دخلت الحمام أخذت شاور دااافي
حسيت براحه بااقي أسبوعين وأرجع بريطانيا تبداء الأمتحانات
علياء و غلا مخلصات من أسبوعين وعندهم أجازه شهرين
يااااااي تعودت عليهم تعودت على علياء لأنها أقرب لي من غلا
من جد راح أشتاق للمغامرات اللي معها....ياااااااابنت باقي أسبوعين
يمديني أستانس معهم اليوم لازم نسوي أي شيء أكشن
طلعت من غرفتي أخذ جوالي على الشاحن أتصلت بعلياء
جاها صوت كله نوم:نـــــعم بالله عليك في أحد يدق من صباح الله
شموخ:وجع فزي يلا الساعه1 أي صبح
علياء:يااااابنت عندي أنا صبح يلا أقلبي وجهك
شموخ:علوي تكفين قومي
علياء:خلاص قمت يمه منك ماتصدقين أحد يعطيك وجه
شموخ:لا والله <قالت تبي تقهرها>أحسن أنا عازمه جود على العشاء لا تجين
علياء:تضحكين علي أصغر عيالك أنا الحين وقت غدا
شموخ:يااااااااااي دايم تصيديني
علياء:يلا يلا مع السلامه
شموخ:مع السلامه

((علياء))

يااااااااي يمه من هالبنت بس من جد راح أشتاق لها مووت
قمت ماجاني نوم دخلت الحمام توضيت وطلعت أصلي بعد ما خلصت
رحت أشوف الساعه 2:00طولت بالنوم جت على بالي فكره
لازم أخلي شموخ تستانس في السعوديه رحت قلت لجدتي وغلا................

((غلا))

جتني علياء قالت لنا شيء من زمان ماسويناه طلعه للبر وفرصه مادام عمي وبنته موجودين
كلنا وافقنا وباااااقي نقول لشموخ وعمي...................

((أبو شموخ))

دقت علي أمي قالت لي عن طلعة البر وأن من زمان ماسويناها رحت قلت
لشموخ تجهز بس ماقلت لها ويييييييين؟؟؟؟

ركبنا السياره كلنا وأتجهنا للثمامه شموخ لين اللحين ماتدري شالسالفه

<وصلنا ونزل الكل ورتبنا أغراضنا وحطينا الفرشه والقهوه والشاي وجلسنا ألا شموخ>

شموخ:اللحين أنتوا من جدكم كذا وناسه
علياء:ياحبيبتي هذي أم الوناسه مو بس وناسه
غلا:بعدين أذا مو عاجبك نخليه يعجك غصب
راشد:شفيه الأخت شموخ مو عاجبها

راشد أنسان مو أجتماعي أبد كلامه قليل مايختلط بأحد غير عايلته
كان قمت الجمال كان غير عن خواته وأمه و أبوه دايم قبل لا يطلع يقرون عليه
صحيح أنه متعقد بس مو لدرجة الجنون بس لأنه مو أجتماعي قالوا عنه كذا
عمره 18 سنه طويل حيل هم الطول وراثه من الجد عيونه السود
ألي بس من نظره تخلي الواحد يحترمه مثقف رغم صغر عمره لأن شباب هذا الجيل
همهم بس الدجه والوناسه راشد مدين والثوب قصير واللحيه خفيفه
وقت الصلاه أذا المؤذن تعبان يأذن هو بداله أهو تعقد لأنه فقد أنسان يفتخر
فيه يشجعه على الأهتداء للصراط المستقيم <<هذي الشخصيه قليله في شباب اليوم

شموخ تحب راشد من كل قلبها تعتبره أخوها:والله يا أخوي ماتعودت كذا
راشد:خلاص أمشوا يا بنات عندي لكم مفاجأه

<راحوا البنات معه متحمسات يبغن يعرفون المفاجأه وصلوا للمفاجأه>

راشد:يلا كل وحده تختار

البنات شهقوا:هييييييييييييه

البارت 4

البنات:هييييييييييييه
شموخ:من جدك
علياء:لا أكيد يمزح
غلا:لا باين السالفه جد
راشد:يلا كل وحده تختار دباب
شموخ:أكيد وما في كلام بختار أسود
علياء:أحمر
غلا:أزرق
كل وحده ركبت دباب اللي تبي وساقت وراشد قالهم مايبعدون
راشد:بناااااااااات يلا خلاص
جوا البنات فرحانات أستانسوا حيييييييل
علياء:يلا رشوود ورنا كيف السواقه
راشد:طيب ماطلبتي شيء أوريك السواقه على أصولها
شمر راشد أكمام الثوب وتلطم بالشماغ ولبس نظاره شمسيه
راشد:هاااا ضابطه معي اللطمه ولا أسوي حمدانيه
غلا:لا والله وأنا أختك خل اللطمه أحلا
حرك راشد والبنات قالبينها تشجيع وتصفير ليما رجع راشد
راشد:يلا يااااااعمي
أبو شموخ:لا يابوي خل الدبابات لأهلها
شموخ:بابا قوم يلا بركب معك
أبوشموخ:لعيونك أقوم يلا
قام أبوشموخ وسوا الحمدانيه بشماغه وركب شموخ وراه وحرك الدباب
علياء:أحلاااااااا شيمو وش عليك على ظهر أبوك
راشد لما سمع كلمت أخته أحتس أشوي منها بعدين حاول يتناسا
رجع أبو شموخ هو وبنته بعد كم لفه
علياء:شرايك شموخ نسوي سباق أنا وأنتي
شموخ:طيب خلاص غلايا أنتي الحكم
غلا:أوكي
علياء:شموخ لا تستانسين ترى أنا بفوز
شموخ:أنا شموخ عبدالعزيز الجاسر أخسر قابليني ياقلبي
أبو شموخ:ونعم ببنتي
بدواا السباق وكل وحده تنافس الثانيه بقووه لين فازت علياء
علياء:شقلتي ياابنت عبدالعزيز الجاسر
شموخ:ولو علووي كنت أهايط كنت عارفه أنك بتفوزين
غلا:أبووووووووك ياالترقيع ههههههههه
شموخ:أقول طسي بس مناك
الجده:يلا تأخر الوقت الساعه 5:00
قام الكل وشال الأغراض وركبوا السياره وراحوا لبيوتهم

((في فلة أبو شموخ))

شموخ:هااا شقلتي
جود:موافقه
شموخ:حلو خلاص أقول للبنات ...تعالي بدري زين
جود:أوكي باااااي

((شموخ))

سكرت ودقيت على علياء وغلا وعنود أعزمهم على العشاء لأن جود راح تجيني
رحت فوق عشان أتجهز وأخلص لبس ....لبست جينز سكيني أزرق وبلوزه
أصفر صااارخ فتحت شعري بفوضويه وصندل<وأنتو بكرامه> واطي أصفر
نزلت تحت حطيت الأستريوا والعشاء من مطعم العشاء بيكون متأخر عشان
يمدينا نستانس ........
الساعه اللحين9:00جوا غلا وعلياء ومعهم عنود وجود جت أخر وحده
شموخ:ياهلا والله تو مانور البيت بالعنود وجود
علياء تستهبل:والله وصرتي حرمه وتعرفين ترحبين
شموخ:أقول طيري بس
علياء:أيه هذي شموخ اللي أعرفها
الكل:ههههههههههه
طولوا البنات سوالف وكلام عشان يقدروا يتأقلموا مع بعض
غلا:يلا نشغل المسجل
البنات:يلا
شغلوا على المهلي
مرحبا بقدوم خلي يوم جاني في محلي ياهلا وألفين سهلا والمهلي مايولي
رقصوا العنود وغلا وفلوها وأستانسوا
شموخ:بنات في شريط حلو بسيارة أبوي بتصل فيه بسأله
شموخ:ألو بابا وينك؟؟
أبو شموخ:في الدوانيه عندي رجال
شموخ:بابا أنت عندك شريط حلو لراشد الماجد وينه بالسياره؟؟؟
أبو شموخ:أيه بالسياره
شموخ:طيب مع السلامه
شموخ:بنات مين البطله اللي تروح معي ؟؟
غلا:ماااااالي خلق
علياء:خيتو أنتي دايم مالك خلق يعني شيء جديد....أنا أنا جايه
راحوا علياء وشموخ للسياره في مدخل السيارات اللي قدام الدوانيه
شموخ:علووي أقفي هنا عشان أذا جا هندي شيء كذا ناديني
علياء:طيب يلا

((في الدوانيه))

أبو شموخ:أعذرني بدخل الحمام وجايك
راكان:لا تفضل عاادي
أبوشموخ راح الحمام اللي داخل الفله بعيد عن الدواوين الخارجيه

((شموخ))

ياااااااي المفتاح مع أبوي رحت للدوانيه اللي شبابيكها اللي داخل يشوف واللي برى مايشوفون
وقفت عند الباب وطلعت جوالي دقيت على أبوي

((راكان))

قاعد أطالع وأنا ماني مستوعب اللي قدامي ملاااااك على الأرض صراحه فتنة الأرض
أنوثه طاااااااااااغيه أذا قالوا أجمل أمرأه على الأرض من؟؟؟؟؟؟؟؟؟؟
اللي قداااااااامي مافي كلام قطع سرحاني صوت تيلفون<*شموخ دلوعتي* تتصل بك>
يعني اللي قدامي بنته شموخ !!!!!!!!!!!!

((شموخ))

أوووووووووف شكل مافي نصيب بهذا الشريط أرجع للبنات أحسن لي
علياء:وين الشريط؟؟؟
شموخ:السياره مقفله قههههههههر
علياء:مره ثانيه خلينا نروح نحط العشاء ماتوا من الجوع
رحنا حطينا العشاء وكملنا سهره
العنود:بنااااات عندي فكره شرايكم نكتب أسامينا بأوراق واللي يطلع أسمها نسألها أسأله أحراج
البنات:أوكي
كتبوا البنات أورااق وطلع أسم جود أول
جود:ليييييه أنا شمعنى
علياء:حظ ونصيب؟؟؟
غلا:جود أعذريني على اللقافه بس سؤال بسيط ليه أنتي مو أجتماعيه؟؟؟
جود:صارت لي صدمه أخذت سنتين يالله أرتحت منها
العنود:طيب أيش هذي الصدمه؟؟؟
جود:أنا كنت مخطوبه
غلا:أحلفي؟؟
جود:والله لولد عمي الله يرحمه من عمري 17وكانت أقرب صديقه لي بنت عمي عبير
مره كنا مجتمعين عند بيت أهل خطيبي عندهم عشاء رايحه للمطبخ شفت شيء هز ثقتي بنفسي
شفت بنت عمي عبير بدون عبايه واقفه تكلم مع خطيبي بكل وقاحه ودلع أنا صحيح أهتزت ثقتي بنفسي
ماتكلمت وطلعت من العشاء بحجة أني تعبانه بعدها بكم شهر فسخت الخطوبه وأهلي ماعارضوني
وماكملت أسبوعين ألا هو راح خطب عبير وماتزوجه مات بعد الخطوبه بشهر..الله يرحمه
علياء بأستحقار:أنتي من جدك هذا سببك والله لو أني منك طحت في بنت عمك ذي طق
جود:ولو بتظل بنت عمي
شموخ:بس الله جازاه بالموت جازاه بالي أكبر من جرحك
جود ضحكت:يالله نسحب أسم ثاني
سحبوا طلع شموخ
شموخ:عاشوااا اللحين أسألت الدنيا
علياء:شموخ عمرك حقدتي؟؟؟
شموخ:أيه
العنود:من؟؟
شموخ:أخاف تزعلي؟؟
العنود:لا مالي دعوه
شموخ:راكان
علياء:كنت عارفه
شموخ:عارفه أيش؟؟؟؟
علياء:لا بس كان عندي أحساس بشيء بس قولي السبب؟؟؟
شموخ قالت لهم كل المواقف اللي مع راكان:بس هو صحيح مافي دافع قوي عشان أحقد بس هذا اللي جا معي
العنود:ههههههههههههه
شموخ:شفيك؟؟؟
العنود:لا بس راكان مره قالي.................

قراءة ممتعة