نزلت بعد ما ودعته واتجهت لملحق أمها الخلفي واهي تتمنى بس توصل لامها وترمي نفسها في حضنها وتشكي لها همها وألم قلبها ولكن مقدر لها الألم شافته يطلع من المجلس ارتجفت من نظرته بس قررت تكمل طريقها ولا كأنه شافته ولكن أهو قرب منها ووقف قدامها


عليان : عروستنا الحلوة
الجوهرة : افففف وش تبي أنت
عليان : نشوف القمر يمشي على الأرض ولا نسلم
الجوهرة : استح على وجهك واقف تسلم من أنت عشان تسلم
عليان : أنا حبيب القلب
الجوهرة : تخسي فاهم القلب ملكه تاج راسك بندر
عليان(بعصبيه) : لا تذكرين اسمه ويخسي يملك قلبك لأنه ملك لي أنا
الجوهرة : ما هو ملك لك ولا ممكن يكون لو تطول نجوم السماء ما طلت الجوهرة
عليان (قرب ومسك يدها بعصبيه) : أنتي ما تعرفين عليان
الجوهرة(بعصبيه تسحب يدها منه) : وأنت شنو تحسب ما وراي رجال يوفقك عند حقك
عليان : هههههههههههه رجال من بندر
الجوهرة : بندر أيه ولا منت شايفه رجال
عليان : يخسي ما ينسمى رجال (حس بيد على كتفه ولا ألتفت أنصدم) بندر
بندر(يفك يده عن الجوهرة وطالع له والشر بعيونه) : قلت لك من قبل أنا لا أحشم ولا أحترم خصوصا من يجيب في سيرة أهلي وزوجتي حبيبتي وأنت مو بس تجرأت وكلمة زوجتي أنت لمستها ومن يتجرأ ويلمس ممتلكاتي يعتبر أمه ما ولدته


وما حس عليان إلا واهو على الأرض وبندر طايح فيه ضرب ويطفي نار غضبه في عليان الجوهرة قامت تصارخ وتحاول تبعدهم لا يذبحون بعض وطلعت أمها وخواتها وطلعت أم عليان وأخته وخالته أمينه بعد ضرب قدروا يبعدونهم عن بعض وقفت أم الجوهرة قدام بندر وأم عليان قدام عليان اللي معصب وكل واحد ينزف من فمه أو خشمه


بندر (بعصبيه) : أحمد ربك يالبزر ما مت بين أيدي
عليان : تخسي أنت تقدر علي
بندر : هههههههههههه تعال إذا رجال والله لأخلي أبوك اليوم يأخذ عزاك
الجوهرة(قربت ومسكت يده واهي تبكي) : تكفه يا بندر خله أنت تنزف
بندر(حط يده على كتوفها وضمها له ولا اهتم لأحد) : بس أنا بخير لا تبكي جرح بسيط
عليان (بعصبيه جن جنونه لما شافها معه) : لا تلمسهاااااااااااااا
الكل (ألتفت له) : ....................
عليان(يحاول يبعد أمه وخالته وأخته اللي ماسكاته) : أبعدوااااااااااااااااااااا لا يلمسها أذبحه
بندر(خاف على الجوهرة اللي زادت بكي) : ....................
أم الجوهرة : بندر دخلها


بندر مسكها ودخل معها واهو يسمع عليان اللي معصب يوم شافها معه وأم الجوهرة اللي معصبه من جرأته على بنتها ونسيبها وهو ولا همه احد بس اللي ترتعش بين أيديه ويسمع شهقاتها خوات الجوهرة اللي تغطن وبكن يوم شافن حالت أختهن أشرت هديل لغرفة الجوهرة لما سألها بندر دخل ووصلها لسريرها وجلس جنبها


بندر : بس جوجو بس انتهت السالفة
الجوهرة(طالعت له) : والله مالي دخل فيه والله
بندر(ضمها له وفي نفسه) : غبي غبي كيف أفكر أنها تحبه واهي ردت عليه بهذا الرد كيف تحبه وتخوني واهي تقول له تخسي فاهم القلب ملكه تاج راسك بندر
الجوهرة(تشاهق واهي تلمس طرف شفته اللي ينزف) : يعور
بندر(مسك يدها أبتسم) : خايفه علي
الجوهرة (بحيا) : لو ما أخاف عليك من أخاف عليه كم بندر عندي
بندر (باس جبينها ) : واحد
الجوهرة : بندر اللي صار
بندر(حط يده على شفتها) : اصصصص اللي صار وضح لي كثير كنت غبي أسف اقبليها مني لو متأخر أسف على كل جرح على كل كلمه
الجوهرة(ابتسمت) : أنت دواء لجروحي خلني قريبه منك تكفه
بندر : أنتي ملكتي القلب وعلى عرشه محد يقدر يزحزحك منه
الجوهرة : يكفيني القلب وصاحبه
بندر(شافها توقف مسكها) : وين
الجوهرة : بجيب مطهر عشان الجرح
بندر : من لمستيه الجرح شفى
الجوهرة(استحت ) : طيب بروح أشوف أمي تبي أشوف لك طريق تروح
بندر(تركها وانسدح على السرير) : لا تصدقين جاني فضول أفتش بغرفتك واحتلها اليوم كله لي هي ( وطالع للجوهرة وغمز) وصاحبتها
الجوهرة(نزلت رأسها بحياء) : طيب الغرفة وصاحبتها يقولون أنت تمون وحلالك
بندر : طيب روحي جيبي مطهر للجرح أحسن لك ولي
الجوهرة : هههههههههههههههه حاضر


طلعت الجوهرة وبندر اللي قرر يبقى معها اليوم كله ولا يشوف غيرها ويحس براحه كبيره واهو يكرر عسى إن تكرهوا شيء وهو خير لكم اللي صار مع عليان كرهه بس بين حقيقة كذبت عليان عليه بحب الجوهرة لك أكتشف إن الجوهرة ما تحبه أبدا وان اهو ملك قلبها وبس ابتسم لما شافها تدخل معها صينيه فيها عصير وكيك ومطهر خواتها حضرن لها عصير وكيك واهن يتمنن السعادة لأختهن مع زوجها ويدعن لها يبعد عليان عنها


------------------------------------------------



في جده ...


----------------


في بيت نجود الأب اللي وصل وأستقبله صالح بالمطار وأتصل على سلطان بلغه انه بالطريق للبيت وسلطان عرف واخذ عذاري لبيت أخته عشان يستقبلون يسلمون على أبوهم وتقعد شوي مع اختها بعد ما جهزوا كل شيء عشان السفر بس لما يحين الوقت يطلعوا من بيت أختهم للمطار متواعدين مع عبدالله والكل يلتقون بالمطار على الساعة 7 مساء


عذاري : طيب ندخل
سلطان : طيب بطفي السيارة وندخل
دخل سلطان وعذاري وأهم يسمعون صراخ
عذاري : انتظر بشوف هذا صوت بنت
سلطان : بسرعة
عذاري (اتجهت خلف البيت وأنصدمت) : بتول
بتول(بتبكي) : عذاري تكفين نزليني أيدي تخدرت
عذاري : وش مطلعك فوق الشجرة
بتول : التوأم قالوا لي انزل كورتهم من الشجرة وجبت السلم وصعدت بس الحمير اخذوا السلم عني وصار لي ربع ساعة
عذاري : وين السلم
بتول (تبكي وتشاهق) : رجعوه لجيرانهم
عذاري : طيب اهدي وفهميني وش صاير وين نجود
بتول : نجود راحت لبيت جيرانا قالت بتسلم على بنتهم الوالد وخلتني مع عيالها قالت إذا جاء أبوي اتصلي علي وبعدين عيالها لعبوا كوره وطاحت فوق الشجرة وطلبوني انزلها لها خفت عليهم يصعدون قلت اصعد وراحوا وجابوا السلم من جيرانا
عذاري : طيب وبعدين
بتول : لما ركبت لفوق ورميت الكوره لهم هزوا السلم قلت بطيح واهم يهزون بقوه تعلقت في الشجرة من الخوف واهم سحبوا السلم وطلعوا فيه تكفين أيدي تخدرت وتعبت
عذاري (بخوف) : تمسكي
بتول (بصراخ) : ماااااااااااا اقدر أيدي تخدرت
عذاري(بصراخ) : بنادي سلطان
بتول : لاااااااا لالا مو متغطية
عذاري (بعصبيه) : وش متغطية انتي بتطيحين وتتعورين
بتول : ماااااااابي
عذاري : مجنونه أنتي
بتول : يغمض ما يشوفني مو محرم له
عذاري : بموت منك
بتول : واعديني
عذاري : طيب (ركضت لسلطان) سلطان ألحق نزل بتول
سلطان : بتول من
عذاري : بنت أخت صالح متعلق في الشجرة
سلطان : بزر اهي
عذاري : هذي حركات عيال أختك المسكينة صار لها ربع ساعه بتطيح ألحق
سلطان : طيب (مسكت عذاري يده ) وش فيك
عذاري : بتول تقول تغمض ما تشوفها لأنها مو متغطية
سلطان (أنصدم) : شنوووووووو
عذاري : هي قالت
سلطان : بالله كيف انزلها أتلمس طريقي اصدم
عذاري : ياربي وش أسوي زين
سلطان : هي من أي جهة تطالع
عذاري : ما فهمت
سلطان : لو شفتها ألحين بيكون وجها لي ولا ظهرها
عذاري : ظهرها
سلطان : ظهرها زين ما تشوفني قولي لها مغمض عيوني
عذاري : وإذا شافتك
سلطان : ما تشوفني
عذاري : يالله قبل تطيح
سلطان : يالله
بتول (حست فيهم) : غمض
سلطان (مسك نفسه لا ضحك) : مغمض
بتول(بحيا لما سمعت صوته) : احلف
سلطان (غمض عيونه ) : والله (رجع وفتحها ما يبي يحلف كذب) رضيتي
بتول : طيب نزلني بس لا تلمسني
عذاري(طالعت سلطان وطالعت بتول) : كيف يعني ينزلك
بتول : مالي شغل (حست أيديها تنزلق) يمااااااااااااااااااااااااااااااااااااااااااه
سلطان (ركض لها قبل تطيح ومسكها): بسم الله
عذاري(ركضت لهم) : بتول أنتي بخير
بتول (شافت سلطان وأهو ماسكها وقريب منها ) : أنت ما غمضت


شافته يرفع حاجبه ويبتسم وعذاري ما قدرت تمسك نفسها وضحكت وبتول ما يشوفون إلا واهي ناطه وهربت للبيت


سلطان : ههههههههههههههههههههههههههههههههههه لا مو معقولة بموت منها
عذاري : مسكينة ما همها أنها بخير همها انك طالعت لها
سلطان : لا بس هالبنت جننتني
عذاري(غمزت له وتبتسم) : محد قدك مرتين يا سلطان
سلطان : الثالثة ثابتة
عذاري(وقفت) : ما فهمت
سلطان : ما يرجع أبوي فهد إلا خطبها لي
عذاري : بتتزوج
سلطان : أيه
عذاري : كلوووووووولوووووووووووش
سلطان : بس بس فضحتينا خلينا لين نرجع من السفر ونتمم الأمر والحين اقلبي وجهك شوفيها
عذاري : ههههههههههههه خايف عليها
سلطان : أكيد أخاف انجلطت ولا شيء ما شفتي وجها واهي تقول أنت ما غمضت
عذاري : هههههههههههههههههههههه لا تذكرني مسكينة
سلطان : روحي لها
عذاري : حاضر
سلطان : إيه وجيبي قهوة وشاي للمجلس (ألتفت وشاف بتول لابسه وتبي تطلع) هذي أهي
عذاري : بتول وين
بتول(تأشر لسلطان) : هين أبوي والله يذبحك أنا اتصلت عليه واهو جاي
عذاري (تطالع سلطان ) : وش فيه
سلطان : يذبحني ليه
بتول (بعصبيه) : ليه تشوفني ما غمضت مو عيب عليك وش شايفني ما عندي أهل ولا ما استحي
سلطان(أنصدم ورفع حاجبه) : أنتي صاحية
بتول : أصحي منك ياللي ما تستحي
سلطان(قرب منها وبعصبيه) : شنو قلتي
بتول(خافت وابتعدت خلف عذاري) : أيه ولا شفت البيت ما احد فيه قلت على راحتي
سلطان : سمعي والله ثم والله لأذبحك في مكانك لو ما دخلتي
بتول : مو كيفك فاهم وبنتظر أبوي برا لين يجي ويعلمك
سلطان (قاطعها بعصبيه وصراخ) : وش تطلعين برا انقلعي داخل لا أذبحك تبين تصيرين منظر للرايح والجاي
بتول : وش دخلك منظر ولا مناظر
سلطان : عذااااااااري خذيها لا اذبحها (ألتفت لبتول وبعصبيه اشر) لو أشوفك قريب من الباب لأحش رجولك فاهمه
بتول (بكت مثل الاطفال تضرب بالأرض) : مابي أول تشوفني والحين تهاوش وش شايفني بزر هاه ترى اقدر أدافع عن نفسي
سلطان (ابتسم وقرب منها واهي خلف عذاري اللي تغمز له يبعد) : تعالي وريني وش تقدرين تسوين
بتول : أذبحك
سلطان : ههههههههههههه انتي
بتول : أيه أنا
سلطان : حلالك سلطان
بتول(طالعت عذاري بصدمه وهمست لها) : أخوك وقح وقليل أدب
عذاري(ابتسمت) : صح خلينا ندخل لا يعصب ويذبحنا
بتول : ويمشي كلامه علي
عذاري : شوفيه يخوف معصب ترى بدخل وأخليك أخاف منه أنا
بتول : تخليني معه
عذاري(مسكت يدها) : خلينا ندخل
بتول : هاه عشان خاطرك بس ولا علمته من بتول
عذاري (كتمت ضحكتها) : كفو


غمزت لسلطان اللي قعد يضحك على بتول بعد ما كان معصب وجابت له عذاري قهوة وشاي وما اخذ وقت وصلت نجود وعرفت وعاقبت عيالها وقعدت تضحك لما قال لها سلطان وش صار بعد فتره وصل صالح والأب اللي ما صدقت عذاري ارتمت بحضنه مشتاقة له



في بيت أبو سلطان ..


الجدة : عبدالله متأكد بيروحون المطار
عبدالله : أيه
حسين : اللي بيصير حرام ترى
الجدة(بعصبيه) : أنت ما تسكر على الموضوع وش الحرام إن ولد عمها بياخذها ترى ما سوينا جريمة
العمة : يمه اهدي
الجدة (بعصبيه) : ما تشوفين ولدك من جلسنا واهو رافض الموضوع
حسين(وقف وبعصبيه) : مو اللي يصير ما يرضى الله تبون البنت لعبدالله ولا واحد يحب الثاني تبون تكذبون بسفرها معكم وانتوا تبعدونها عشان يتم الزواج ولا احد يقدر يعترض
عبدالله (وقف بعصبيه) : أنا موافق أنت لا تدخل نفسك بالموضوع
حسين(قرب وبعصبيه) : موافق مو بكيفك جدتك وعمك أجبروك يوم شافوا حسن ما تطابق معها قالوا عبدالله الاحتيار الثاني
عبدالله : تكفه سكر على الموضوع الأمر انتهى وتحاليل طلعت ما في مانع نملك أنا وعذاري
حسين : تكفه يا عبدالله لا تظلمها وتظلم نفسك
الجدة : هيا خذي ولدك عني لا يجلطني
العمة(تمسك يد ولدها) : تعال
حسين : خليني يمه تكفين قبل لا يغرق نفسه ويغرق البنت
الجدة (وقفت واهي تستند على عكازها ) : والله لو ما طلعت يا حسين وابتعدت عن وجهي لأكون غاضبه عليك ولا أشوفك
حسين(بصدمه) : عشان أنصحكم وأفتح عيون عبدالله
الجدة : ما طلبنا نصيحتك اللي يسمع كلامك يقول نرميها للنار هذي بنتنا وإحنا كيفنا
حسين : طيب اجل أسف بس (ألتفت لعبدالله) والله بتندم لو تم الأمر وذنب المسكينة اللي ما تعرف وش تخططون له برقبتك ألحق نفسك قبل ترميها في طريق مسدود
عبدالله (طالع له وهز رأسه وطلع من الفيلا) : .......................
الجدة : عبدالله عبدالله تعال
العمة : يمه خليه لين يهدأ
الجدة : والمطار والسفر
العمة : اجلسي يمه باقي وقت طويل تو الناس
الجدة : قومي جيبي لي حبتي رفع ضغطي ولدك
حسين(يطالع لجدته) : أنا طالع عشان ترتاحين مع السلامة
العمة(هزت رأسها) : مع السلامة الله يعين


كل اللي صار سمعه الثنائي المرح فيصل ومعاذ ...


فيصل : سمعت
معاذ : خلنا نطلع قبل يحسون فينا
فيصل(طلعوا للحديقة) : بيزوجونها
معاذ : عبدالله
فيصل : بس ما تعرف أهي
معاذ : هي ما تبيه
فيصل : واهو بعد
معاذ وفيصل : جدتي
معاذ : صح جدتي
فيصل : جدتي كل شيء لازم بكيفها
معاذ : دموع جدتي اللي ما يرضاها عبدالله غالية عليه
فيصل : معاذوه دام دموع جدتك غالية تظن لو بعناها تجيب لنا فلوس
معاذ : يمكن الظاهر إحنا أغنياء من دموع جدتك
فيصل : يمكن
معاذ وفيصل : هههههههههههههههههههههههههههه
فيصل : اسمع لازم نقول لعذاري قبل تسافر
معاذ : صح لازم تعرف وما تسافر
فيصل (يطلع جواله) : نتصل
معاذ : نتصل


حسوا بأيد على كتوفهم التفتوا وانصدموا


معاذ وفيصل : عبدالله
عبدالله(معصب) : تبون تتصلون عشان تقولون لها
فيصل(بخوف) : لا لا أبي أودعها
عبدالله : مو ودعتها قبل تروح لبيت أختها
معاذ (بخوف منه) : قلنا يعني وحشتنا
عبدالله(أخذ جوال منهم ومسكهم من كتوفه وسحبهم معه) : انتوا بلوه على الأرض تمشي الواحد لازم ينتبه منكم
فيصل : طيب خلني وش شايفني خروف
عبدالله : لا قرد
معاذ : طيب وين تبي تودينا
عبدالله (دخل الفيلا وبصراخ) : عــــــــــــــــــمــــــــــــــــــه
العمة : هلا رجعت
الجدة : وش فيك تصارخ وش مسوين هالأثنين
عبدالله (بعصبيه) : سمعوا كلامنا وكانوا بيتصلون في عذاري ويقولون لها كل شيء
فيصل : لا لا كنا نبي نودعها بس صح معاذ
معاذ : صح
عبدالله : أنا سامعهم كانوا بيخربون كل شيء مخططين له
الجدة (بعصبيه ترفع عصاها) : جيبهم والله لأكسر هالعصاه على ظهرهم
عبدالله : سمعي يا عمه أحبسيهم بغرفه لين نسافر والله لو عرفت عذاري بالسالفة قبل تتم لأذبحهم فاهمه
العمة(بخوف من عصبيته) : طيب طيب
عبدالله : حلف أنا (نزل لمستوى معاذ وفيصل) والله لأذبحكم لو عرفت عذاري


العمه أخذت معاذ وفيصل لغرفه تبعدهم عن عبدالله العصب واهم لازالوا مصرين عذاري تعرف قبل تسافر وحاولوا في العمة تخليهم بس هي خافت من حلف عبدالله جلست عندهم ورفضت تفتح الباب لهم لين تطمنت إن عبدالله والجدة طلعوا متجهين للمطار ومعهم حسن وعرفت إن عذاري وأخوها اتجهوا للمطار موصلهم صالح رجل نجود ومعه أبو إبراهيم اللي أصر يروح معهم ويسلم على أبو سلطان ويودعه



-------------------------------------------




يوم آخر في حياة أبطالي ولكن بعد مرور أسبوع كامل


^_^



في سيارة ناصر سالم جالس ينتظر ناصر اللي دخل المستشفى يستلم تحاليل الزواج وسالم بس يعد الوقت متلهف يعرف وش النتيجة صبر طول الأسبوع وانتظر هذا اليوم أسبوع كامل حس سنوات مو أيام
ناصر لما وصل المستشفى بعد ما استأذن من البنك بناء على إصرار سالم انه يروحون يستلمون التحاليل مع بعض وسالم رفض يسوق يقول انه يحس بتوتر من كثير ما هو متحمس يعرف
النتيجة ناصر ضحك على سالم لما وصلوا المستشفى سالم رفض ينزل يقول رجوله ما تشيله من التوتر نزل ناصر لوحده يستلمهن بس حس ناصر تأخر ما يعرف حقيقة تأخر ولا من لهفته أبتسم لما شاف ناصر يطلع من المستشفى ويقرب له فتح ناصر الباب ودخل سلم وسكت


سالم : تأخرت ليه
ناصر : هاه
سالم : عطني خلني أكحل عيوني فيهن
ناصر(بلع ريقه) : أعطيك شنو
سالم (أشر للأوراق ) : التحاليل
ناصر : خلاص طلعن
سالم (سحب الأوراق منه) : عطني يا حبك للعب( فتح الأوراق يطالع) باعصابـ..
سكت لما شاف المكتوب النتيجة إلا أنصدم من النتيجة
ناصر(بهمس) : سالم
سالم (قاطعه) : ناصر النتيجة تقول
ناصر(يحط رأسه على المقود) : ما تطابق
سالم (ألتف له ) : كلنا
ناصر : كلنا الأربعة
سالم : أنا وليالي أنت وسمر
ناصر(ألتفت له وشاف الصدمة بوجه سالم ) : ما تطابقن أبدا
سالم (بعصبيه) : كذب كذااااااااااااااااااااااااااااااب التحاليل كذب
ناصر(مسك يد سالم واخذ الأوراق) : وش تبي تسوي
سالم(بعصبيه) : ناااااااصر عطني خلني اقطعهن هذا كذب الكلام كذب
ناصر (بعصبيه) : لا مو كذب أنا تأكدت التحاليل صح ما تطابق
سالم (بعصبيه زيادة) : مستتتتتتتتتتتتتتتتتتتتتتتتتتتتتتتحيييييييييييييييي ييييييييييييييل لااااااااااااااااااااااااااااااااااااااااااااااااا اااااااااااااااااااااااااااااااااااااا


------------------------------


انتهى البارت