يارحيـلٍ حـط بالخافـق سـهـام
تـاركٍ ضيـم السنيـن الموجعـه
حـزن واهـاتٍ وعيـنٍ ماتـنـام
وليـل قاسـي والدمـوع مروعـه
غارقـه مابيـن اجـروحٍ اركـام
فـي بحـور الآه ابليـا اشـرعـه
اجمع اشتاتـي والملـم هالحطـام
علنـي ياعلنـي بــس اجمـعـه
اغتبقتـك جـرح قلبـي والسقـام
واعتزلت الناس داخـل صومعـه
اتحـرى تمطـر الغيمـه غــرام
وتنبـت ازهـوري بسيـلٍ اتبعـه
مرت الغيمه وقالـت لـي سـلام
قلت وينك طـال بعـدك مفضعـه
شفتهـا تبعـد وغابـت بالـظـلام
اثرهـا مـرت عـلـي مـودعـه
استباح الصمت جرحـي والكـلام
ثـورة البركـان سـوت زوبعـه
طير يصرخ في وسط صدري وحام
حطـم اضلوعـي وهمـي طلعـه
يابشر حـب النقـا ماهـو حـرام
المحبـه شـرع ربـي شـرعـه
يابشر مليـت انـا زيـف الكـلام
مـل قلبـي مـل لبـس الاقنعـه
يكتم الاحساس خوف امـن المـلام
خوف جرحٍ مـن غشيـمٍ يفجعـه
ماشيٍ قلبـي علـى حـد الحسـام
بيـن حـب وبيـن ريـحٍ تلفـعـه
يابشر خلـوا اقليبـي فـي سـلام
اتركونـي هرجـكـم مااسمـعـه
وصل إحساسي معك سرب الحمام
قلـه انـه يـم قلبـي مرجـعـه
قلـه انـي بعـد عينـه مـاانـام
قلـه انــي تايـهـه بالمعمـعـه
خبـره لـه بالغـلا قـدر ومقـام
قلـه انـي كـل ماطـاح ارفعـه
له غلا في خافقـي غيـر الانـام
كيـف قلبـي للمواجـع يدفـعـه
خبـره قـلـه يـعـود بالهـمـام
قبـل لا تبكينـي ايـامـي مـعـه
|