وَ أفرض إن فيه ناس يشبهونكْ ..
المهم إنتْ ، ماتشبه أحد
كان تفكيرها كله عنده مو قادره تنساه حاولت تقنع نفسها انه ما يهمها و كل اللي تبيه اخذته و الى هنا مفروض تنتهي علاقتهم ما قدرت حاتم مو قادر يفارق خيالها رجعت دقت وهي تدعي يرد عليها
فتح عيونه بتعب وهو يشوف رقمه و أسمها أبتسم رغم تعبه و مد يده للجوال و بصوت تعبان:آلو
أروى بأستغراب:حاتم؟
حاتم:أيوا يا ماما
أبتسمت:وش فيك؟
حاتم:تعبااااااااان كنت ح ـاموت من التعب
أروى:بخوف :سلامتك بعيد الشر عنك وش هالفال؟
حاتم:الله يسلمك
أروى:وش صار عليك؟
حاتم:لا بس شكلها انفلونزا جامده
اروى:رحت عند الدكتور؟
حاتم:لا و انا قادر أتحرك
أروى:لا تكفى انت شكلك تعبان بقوى
حاتم:دامك انتي داقه تسألي عني أنا بخير
أروى:مشكور بس لازم تروح عند دكتور
حاتم:أحاول اخد لي شوية طاقه عشان أقدر أروح الا غريبه داقه؟
أروى:عفوا
حاتم:ههههههههههههههههه لا تفهمي غلط بس كنت اتعذب و انا اشوف رقمك خفت يكون حصل لك حاجه
أروى:اممممممم لا بس كنت أبي ارجع لك الاي يفون
حاتم:ليه؟
أروى:لان
حاتم:أنا جايبه ليك و مستحيل ارجع اخده ما تبغيه تصرفي من نفسك بس ما راح ارجع اخده
أروى بخجل:مشكور
حاتم:العفو يا حبيبتي هدا شي بسيط انا كسرت لك جوالك وهدا تعويض
أروى:طيب ما راح تقوم تاخد لك شور؟ينشطك و تاكل
حاتم:مو مستعجل خل انام احسن و بعدين لو راح اكل لازم من برا و انا تعبان مالي خلق مشاوير
أروى و هي تسحب منه كلام :يعني بيتك بعيد عن المطاعم؟
حاتم:اممم يعني
جلست تسحب الكلام لحد ما عرفت شقته وين تكون:طيب انا راح اقفل اللحين ضروري
حاتم بتعب:اوكي باي
قفلت و في بالها خطرت فكره امممممممممم طالعت بساعتها الوقت مناسب ابوها و اخوانها تخيم بر يعني مستحيل يجون بس لسى تقنع أمها
نزلت بسرعه مع الدرج :ماما مامتي يمه
أم خالد بالمطبخ وهي تلف فطائر:لا حول ولا قوة الا بالله من هالبنت نعم
أروى وهي تتميلح:طلب صغيور
أم خالد:وش تبين؟
أروى:ريم تعبانه تعبانه حيل
أم خالد بخوف:يمه سلامتها وش صار عليها
أروى:مدري طايحه طيحه جامده شكل انفلونزا حايشتها و المشكله لوحدها بالبيت
أم خالد:يا عمري عليها وين امها و اختها
أروى:مو فيه مافي الا الخدامه اممم عاد قلت نسوي لها أكل و نوديه لها
أم خالد:أي والله حرام مسكينه تعالي ساعديني خل نسوي لها شي خفيف و يفيد
كانت مبسوطه حيل و هي تساعد امها ولاول مره بدون تأفف منها
أم خالد:من راح يوديه أنتي تعرفي أخوانك مو فيه
أروى:انا راح اقولها ترسل سواقها و اروح معه
أم خالد:نعم؟
أروى:يمه هي كلها نص ساعه ما راح أطول أعرف وش بتقولي و ترى أنا خايفه اكثر منك يلا يمه وعد ما اطول
أم خالد بعد تردد:خلاص لو مو رحمه فيها ما وافقت الا وش رائك اروح معاك
أروى ببرود:يا ليت بس الجيران اللي بيجون و تجهيز استقبالهم و شلون؟انتي تطمني كلها نص ساعه و راجعه بس خل اكلم ريم ترسل سواقها
دقت على ريم و أصرت ترسلها السواق
كانت لا بسه عبايتها و منتظره بالصاله السواق يجي ماهي تحس بتردد و خوف بالعكس حماااس يخليها تتمنى لو انها بس توقف و تكون قدامه دق السواق و شالت الاغراض بسرعه و طلعت تخاف امها تغير رايها وصفت له المكان و مشوا بداخلها وش بتقول عني؟بتحتقرني والا تفكر اني رخيصه و برمي نفسي عليك تنهدت بقوه و طلبت من السواق يوقف عند محل ورد نزلت و نسقت باقه ورد جوري كبيره ابتسمت بأعجاب وهي تحس بالرضا عن شكلها النهائي دفعت الحساب و طلعت تكمل مشوارها وهي تذكر صوته شلون تعبان مر عليها شكله كلامه لها عضت ع شفايفها و هي تتناسى شوية خوف زاروها
السواق:مدام هدا في مكان أطلبه
أروى:اها نزلت و أشرت للحارس يجي عندها سألته عن حاتم خبرها مكان الشقه طلبت من السواق و الحارس يطلعون الاكل و الورد له
حاتم بتعب اووف من هدا اللي جاي مو وقته مشى ببطء للباب و فتحه ظل يطالع بالحارس:خير؟
:اعزرني ع الازعاج بس دا السواق جايب لك اكل و معه بنت تحت ممكن ندخله و كمان الانسه معطيتنا بوكيه الورد دا لك
حاتم و هو يمسك البوكيه و باستغراب و هم يدخلون الاغراض:مين البنت دي؟
الحارس:مش عارف هي نزلت و سألت عنك و من بعدها اعطتني فلوس عشان اساعد سواقها لف بسرعه بس لقى السواق طالع من زمان
أشر للحارس يطلع و قفل بعده الباب طالع في الورد ما يحمل أي شي لا أهداء لا عتب لا من يكون هالشخص او من تكون مشى لطاوله و ظل يطالع بالاطباق حس بجوع من شم الاكل ريحته تشهي أكثر بس من تكون؟جلس بتعب و رسم على وجهه أبتسامه وهو يردد أسمها أروى ايه أروى هي اللي تعرف معقول هي مافي الا هي اعرفها هنا طلع جواله من جيب بنطلونه و دق عليها
أبتسمت و هي تشوف رقمه و طنشت عرفت أني أنا يعني مافي غيري بجوك
:مدام في أوصل
أروى :مشكور دخلت و سلمت على أمها و رجعت على غرفتها
دق جوالها مره ثانيه و ردت بكل رواق:هلا
حاتم:مساء الخير يا ماما
أروى:مساء النور
حاتم :اممم أقدر أقولك شكرا ع الورد و الغداء
أروى بعبط:أي ورد و غداء ما اذكر عزمتك
حاتم:مو قلت لك مو لا يق عليك الجديه أجل الكدب شلون؟
أروى:هههههههه يعني كا شفني؟
حاتم:أحساسي قالي
أروى و هي تعض شفايفها :اممم
حاتم:على كتر ما انصدمت فرحت
أروى:أنصدمت؟
حاتم:ايوا ما توقعت أحد بيفتكرني و الا يسأل عني تفأجات بس فرحت من قلب و الله يا أروى ما تتصوري أنتي غيرتي نفسيتي كيف صح تعبان بس ضيقتي اكبر من تعبي كنت مخنوق و محتاج أحد جنبي يهتم و يسأل عني ما تصورت تكوني أنتي
أروى:ليه
حاتم بضيق:صورك و أخديها أكيد اللي بيننا منتهي ما توقعت تتصلي من تاني
أروى:يعني كنت تبيني أتصل
حاتم برواق:ليش الكدب أكيد أبغاك تتصلي
أروى وهي تمسك على قلبها:ليه؟
حاتم:مدري أيش أقولك؟يمكن كلامي تعتبريه و قاحه مني و الا جراه مالها معنى بس احس اني منجذب ليك دائم فكري يوديني ليك مو قادر أنسى شكلك صوتك طيبتك أروى أنتي في بالي لو أقولك ما تصدقي اني اتخيلك صوتك كلامك دلعك يربكني تعرفي يوم اخدتي صورك كانت احلى لحظه بحياتي اني اشوفك و اكلمك و يدي تلمس يدك مدري اذا الوحده اللي انا فيها تخليني احس كدا تخليني محتاج أي شخص مهما كانت معرفتي فيه سطحيه مدري بس اللي بقلبي قلته لك بصراحه
كانت تسمع كلامه و مو قادره تحدد أحساسها بين فرح خوف تردد صدمه و استغراب كانت تحس بلخبطه بكل كيانها حتى عيونها مو قادره تركز على شي لحظه تمشي و لحظه تجلس ضايعه بكلامه احساسه كلماته على بسطتها الا انها حركت شي بداخلها هزتها
حاتم بأحباط من سكوتها:أعرف غلطت و تماديت أسف بجد أعتذر بس اللي بداخلي قلته أعذريني و أعتبري أنك ما شفتني بيوم ولا عرفتيني
أروى بأرتباك:لا
حاتم:لا أيه
أروى :لا عادي
حاتم:ايش اللي عادي
تنهدت بقوه و ردت لحالة ضياعها اللي عايشه فيها
حاتم برجاء:ممكن طلب؟
أروى:نعم
حاتم:لا تبعدين عني خليك قريبه حتى لو مسجات أروى أنا هنا أختنق شوفتك خلت يكون عندي أمل جد محتاجك ليه أنتي بالذات مدري بس محتاجك
أروى غمضت عيونها و حاولت تتدخل أوكسجين جوتها قد ما تقدر:مافهمت
حاتم:أحتاج تسمعيني احتاج احد اتكلم معاه
أروى:طلبك صعب و
حاتم:ليه كنتي تدقي علي ليه جيتي لحد شقتي و جبتي لي الاكل ليه كلمتني و ليه و ليه
أروى:مدري أنا
حاتم:ولا انا ادري خلي هالفرصه لنا أروى
أروى:مدري انا اللحين لازم أقفل و أنت أنتبه على نفسك
حاتم:بس؟
أروى:وش تبي؟
حاتم:و لا حاجه مع السلامه قفل قبل ما يسمع ردها ظل يطالع بالورد و الاكل وهو يتنهد ليه تبغي تبعدي ليه؟ يا ربي ويش جالس يصير لي
ليه هي تجذبني ليه تهمني و ليه هي اصلا اهتمت فيني
جلست بوسط الكرسي وضمت دبدوبها وهي تفكر بكلامه طلبه لها ترجيه رجعت تسال نفسها ليه سويت كذا ليه رحت انا ليه خفت عليه ليه خفت اخسره ليه انا ما اهتميت بالهديه و لا شكره يوم رحت له كنت اهتمام فيه دقت ريم و زفرت بقوه ارد عليك و ارجع للواقع و الا لا اعيش بدنيا ثانيه شنو أسوي شنو زادت ضمتها للعبتها وهي تفكر بحاتم و بقربها منه؟؟
brb
|