عرض مشاركة واحدة
#1  
قديم 11-25-2021
Saudi Arabia     Female
لوني المفضل Pink
 عضويتي » 28327
 جيت فيذا » May 2015
 آخر حضور » منذ 2 أسابيع (05:41 AM)
آبدآعاتي » 442,833
الاعجابات المتلقاة » 5765
الاعجابات المُرسلة » 4205
 حاليآ في »
دولتي الحبيبه » دولتي الحبيبه Saudi Arabia
جنسي  »  Female
آلقسم آلمفضل  » الاسلامي
آلعمر  » 17سنه
الحآلة آلآجتمآعية  » عزباء
 التقييم » لا أشبه احد ّ! has a reputation beyond reputeلا أشبه احد ّ! has a reputation beyond reputeلا أشبه احد ّ! has a reputation beyond reputeلا أشبه احد ّ! has a reputation beyond reputeلا أشبه احد ّ! has a reputation beyond reputeلا أشبه احد ّ! has a reputation beyond reputeلا أشبه احد ّ! has a reputation beyond reputeلا أشبه احد ّ! has a reputation beyond reputeلا أشبه احد ّ! has a reputation beyond reputeلا أشبه احد ّ! has a reputation beyond reputeلا أشبه احد ّ! has a reputation beyond repute
مشروبك   cola
قناتك fox
اشجع ithad
مَزآجِي  »  مبسوطه
بيانات اضافيه [ + ]
افتراضي رواية وجهان العمله واحدة البارت الرابع عشر



Prt " 14"


دخلت الغرفـة على بـنـتـهـا .. لـقـتـهـا بأحضـآن مرت اللي مايتسمى .... تنرفزت أكثر من ماهي متنرفزهـ والسبب معروف
قـآلـت بحده : هيـآ لو سمحتي ..
ألتفتت هيـا لـهـا وعرفت من نظرتهـا ونبرة صوتهـا أنـهـا تبي تختلي بوضحـى
قامت على طولـهـا .. ألقت نظره على وضحى اللي أشاحت بويها لبعييد .. ورجعت طالعـت أم وضحى ... اللي مازالت ملامحها مثل ماهـي ماتغيرت ..
حست أنهـا وجودهـا ماعاد لـه فـآيدهـ وأنـهـا غير مرغوب فيـهـا ,,
فطلعـت بكرامتهـا وهي مسكرهـ البـآب وراهـا ...
.
.
بينما داخـل
أول ماسمعت تسكيرت البـآب قـآلـت على طول : قومي لبسي عباتج أشوف !
طالعتهـا وضحى بنظرات مب مفهومه ..
أم وضحى بحده وعصبيه خفيفه : شفيج تطالعيني جذي !! ,, قومي لبسي عباااااااتج بسرعه ,,
وضحى رجعت صدت عنـهـا من يديد وهي تمسح دموعـهـا ,,
أم وضحى قربت صوبها كم خطوه وقالت من بيـن ضروسها بغضب : جووفي ,, سمعي الكلام وقومي نفذيـه بالطيب ,, وله والله مابتشوفيـن شي يسررررج ...
وضحى بملامح شبه معقوده : ويـن بتوديني !؟
أم وضحى : المستشفـى ....
وضحى بستغراب : المستشفى !!
أم وضحى بصوت غاضب تحاول تخليـه واطي : آآيـه المستشفــى ,,
وضحى : شـــحقققـه ؟؟؟
أم وضحى : شلللي شحــقـة ؟؟ ,, عشـآآن يكشفووون عليييج !!
وضحى بصدمه : نــــــــعـــــــــم !؟
أم وضحى : اللي سمعتيـه ,,, يلا قومي أشوف ...
وضحى : مــآآراح أروووح ....
أم وضحى بجديه وحزم ونبرة صوت حادهـ متشبعه بغضبـهـا : تــآكليـن تببببـن ... وتقوميييـن تلبسيـن عبااااااتج بالزيـن ...... أي حررف زيااادهـ لا تلوميـن ألا نفسسسسج .. سووودتي ويـهـنـا الله يسوووود ويـهــج من بـنـت ... الـظـاهر أني صج مثل ماقلتي ماربيتتتتج ..... ومعطتج الخيط والمخيييط ومخليتج تلعبيـن بكيييففففج ,, بس من اليوم وساييير ياوضيييح كلامي أنا اللي بيمشي سامعتني ,,, ووريني شلون بـتـعـانديـن وله حتى بتحتميـن بأبووج لما يدري عن سوآآآآآآآآد ويـهـج ,,,,

ماكانت تقدر ترد ,,
أصلا شلون بترد وهي تحس غصـه ألم واقفـه لـهـا ببلعومهـا ,,
والدموع تزحف على خدهـا من يديد .....

سمعت تهديدات آمهـا تنعاد عليها .. وبـعـدهـأ على طول طلعت وهي راضخه الباب وراهـا ,,
ماكانت تقدر ألا تنفذ اللي أنطلب منهـآ رغم أنـهـا بالغصب تمشي على ريـلـهـا ... خذت عبايتهـا ولـبـسـتـهـا ولفت الشيله على راسـهـا ..
طلـعـت من الغرفـة ونزلـت تحت ... ماكـانت قادره تطالع بعيون خالاتهـا أو بنـات خالاتهـا .... تحس نظراتهم تنقسم لقسميـن مالهم ثالث ...
ياأما شـفقـه / أو أستحقـآر
ماسلمت عليهم حتى .. طلعت من عندهم لصوب السياير برى ... لـقـت سيـارتهم مشغلــه ومحمود داخلـهـا ..
ركـبـت وقـعـدت ورى ,,, دقايق وجات آمهـا ... ركبت وطلبت من السايق يروح المستشفــى
طول الطريج وأمها تتحلطم على راســهـا .... وتلوم فيـهـا .. وتقط عليـهـا كلام يسم البــدن .......
وهي ماغير صـآده عنـهـا لـصوب الدريشـه ودموعهـا على خــدهـا أنـهـآآآآر
" حسبي الله ونعم الوكييل ... حسبي الله ونعم الوكيل فييييك يـآآراششششد ... يــعللللللك ماااتــتـهـنـــى ولا لحــظـة بحياااتك ... عسـآآآآآآآآك ماااتتهنى ياراشششششد .....
يعلك للموت اللي ياخذك يـآآآررررب ,,,, يـآآرررررب آخذ لي حققييي منـــه ,,, يــآآآررررب لا توففققققـه لا دنيـا ولا آآخررررهـ ,,, حسسسسبي الله ونعععععععععم الوكيييييييييل ......( بصوت هامس غرقان بدموعهـا اللي ماانشفـت ) .. حسبي الله ونعم الوكييييل ...."

.
.

بمكان بعيد عن هالمناطق السكنيـه

كـآن مازال حاط راسـه ع السكـآن وهو ماسكـه بقوهـ .. والصـرآع اللي يدور براسـه يـزداد مع كل ثـآآنيــة تـمـر ...
رفـع راسـه وهو يسند ظهره بقوهـ ع الكرسي ويضرب بقبضـة يدهـ السـكـآن بقـهــرررر .....
مسح بيدهـ الثانيـة على ويـهـا وهو يسـتـغـفرر ... ويتـعوذ من آبليــــس اللي كــآن راح يخليييـه يرتكـب جريييـمــة بحـق يـآهـل مايسـتــآهـــل !
صـد صوب الدريشـه يشـوف غـآآنم كان بعيد عـنــه لكــن بمسافـة معقولـة ... كان قـآآدر يشوفـه رغم صـغـر حجمـه بسبب بـعـد المسافـة بينهم ,,
أي حــد يـلـمـحـه بهلـ منظر يتأكـد أنـه كـآن فـ قمـة ونـآسـتــه وفالـهـا ع الآآخـــرـر .. مايدري شلون طرت ببـالـه هالفكـرة
المشكله أنـه من كان بالدوآم وهو يخـطط ويـدبــر ... ولمـآ قرب ينفذ اللي خططـه .. تراجع بسرعــه .....
مسـتـحـيــل يذبحه أو يتسبب بأذيييـتـــه !
مسـتـحييــل

سـنـد راسـه بخفـه لورى ومازال لسـآنـه يردد الأستـغـفـآآر .. بصوت وآآطــي ..
سمـع جوالـه يـرن ...
رد بدون مايشوف .. مـن .. بصوت هـآدي : ألـو !
نـواف : هلا زآيــد ,, ويـنـكم فييـه !؟؟
زايد : قـرآآبـ ,,
نواف : ويـن قرآآب !! ,, ماأأجوففكم ...؟
زايد : اللحيـن اللحيـن جـايـنـك ... بـآي

سكر منـه ونـزل الدريشـه وهو يـنـآآدي بأعلى حسـه على غـآنم اللي ولا حتى ألتفت عليـه الظـآهـر ماأسمـعـه ..
أطلق زفير حـآآآآد مسموع بوضوح ,, وسكر الدريشـه ,, شـغـل سيـآآرتــه ورااح صوبه ...
أول ماأنتبـه غـآنم على السياره اللي تقترب صوبـه وعـرف راعيـهـا شـق الحـلــج ,, وراااح لــه ...

رجع نزل الدريشـه من يديد وهو يقول : آآمش خل نرجع لأخوكـ ,,
غـآنم تلاشت أبتسامته : ليييييش ! لا يكون بنــررجع ؟؟؟...تونـآآآ واصلييييـن ؟؟ شـدعوه .. جايبيني تحرقصوووني !
زايد : ماراح نــررجـع ,, اللهم آخووك يبي نكون حولـه ... يحاتيك ..
غانم : ياهلـ المحاتـآآهـ اللي ماني بخالص منـهـا ...
زايد : يلا أمــش ...
غانم : بس هـآآ ! مانرجع ..
زايد : ماراح نرجع ....
غـآنم يطالعه بتفحص : آآكيييد ...
زايد بدون خلق : قلنـآآلك ماراح نرجع .... !!

حركـوآآ متجهيـن لـعـند نـوااف اللي بينهم وبينه مسافـة مب طويلـه وايد ولا هي بقصيرهـ ...

كان حاس بضيقـه كااتمه على صــدرهـ وماله خلق يكمل تصـنـع جدام عـيـآل فـآيز ...
ودهـ يرجع البيـت ويفـتــك ... ومايفتح عيـنـه ألا حزت عـرس فــهــد ..
بس مشكلته أنــه وآآعــد غـآآنم انهم ماراح يرجعـون اللحيييـــن ...
ولو أرجعـوا ... راح تهتز هالثقـه اللي توهـا تنـمو بـقـلب غـآآنم تـجـاههـ .. هذا أذا ماانـهـدمـت بالمرهـ ..!
عـلـشـآن ينـظـم غـآنم للستـه لآزم يثقـه فيـه مثل ثقـة نـوآآف بـه .....

مضطــر يكمل هالتمثيليـه اللي يحسـهـا صـآرت ثقيـلـه واايييد عليييــه ويبيـن لهم أنه مستانس لوجودهـ بينهم رغم أنه داخلهـ الـعـكـــسس تماماً
بقـهـر قـآل بقلبـه " ياليتني أقـــدر أوصلك يافـآآييزززز بــدوون هــذا كلـــه !!!! ... ياليييت !.. ملييييت من الجذبببب ,, والتمثييييييل ....والـخــدآآآآع .. ورب الكعبـه مليييييييييييت"
.
.

الـشـاليــه

أول ماطلعـت من غرفـة وضحـى توجهـت سيـده لغرفـتـهـا ..
طلـعـت شـنـطــة الثـيـآب وحطتـهـا فوق السرير بـحـرص وهي تـحـآول جـاهـده آنـهـا تسيطر على دموعهـا ....
أتجهـت صوب الكـبـت وأول مافـتـحـتـه أصـطدمـت بويـهـا ريحـة عـطـرهـ اللي يـآمـا أعـتـآدت عليييـهـآ ...
مـدت يـدهـا ببطئ لـثـوبـه المـعـلـق ... ومن لامــست أطراف أصـآبـعـهـا طرف ثوبـهـ حسـت برعشـه سرت بجسمهـا كـلـه وبسرعه سحـبـت يـدهـا

.. خــآنـهـا ..

ومسـتـحييــل تنسـى هالـشــي !! ..
طـعـنـهـا بكرامـتـهــآ اللي ياما وياما فرشـتـهـا لـه ع الأرض مــثــل البــسـآآط وخلـتـه يدوس عليـهـا بـرضـآهـآآ !!؟ ..
لآنــهـا مقـتعنـه بأنـه مابيـن الريـآل ومرتـه شي أسمـه ... كرامـــه ...
وعلـشـآن جذي بدون ماتحسس كــآآنت معيشـه عمرهـا بذل على يــــدهـ
وتحـآول ترضيييـــه بأي طريقـة ممكنـه ... بس المهم ............
يبـآدلـهـا هالحـــب ,,!
وبالنهـايـة ماحصلت لا حب .. ولا حتى أحترام للعشرهـ اللي بينهم ,,

لمـحـت ويـهـا بالمـنـظــر .. ونـزلـت دمـعـه يديدهـ على خـدهـآ...
طـآآر فيـهـا لـسـآآبــع ســمـآآ من الفرحـه أول ماشــآآف الـنـيـو لـوك ..
غرقـهـا غـــزلـ ..
رجعـهـا لأيـآآآم شـهـر الـعــســـل
لآزمـهـا مثل ملازمـة الظــل للجسســــد ...
حسسـهـا أنـهـا فـعـلاً زوجـتــه ....
وبـ مجـرد مامر عليـه أسم وضـحـى من يديد !! .... رجــع لعـآدتـه القـديمـــه
وفـالـنـهـايــة شـالـنتـيجـه ؟!

دمــر وضـحـى !
وشـتـتـهـا !!!!

سحـبـت ثـيـابـهـا المـعـلقـه وأبـتـدت تصفهم بالشـنـطــه
قررت قرار نـهـائيـاً ومستحيل تتراجع عنــه

قـعـده بهلـ مكان ماراح تقــعد
ماراح تذل روحهـا أأكثر من جذي
كـآفي الذل اللي عـآشـتــه تحت ظـلـه ..
كـآآفي الـقـنـاع اللي لبسته طول هالفترهـ جدام العالم .. علشـآن تبين لهم أنـهـم الزوجيـن اللي مافي مثلهم ...
اللي عايشيـن بسـعـآدة تـآآمـــة
ومااعمرهـم أخـتـلفـوا حتى !!!!!!!
اللي عـنـدهم تـوم .. يـتــمـنـونـهم كل اللي تطييح عينهم عليـهم ..

خلاص .. كل هذا لآزم يـنـتـهـي ومن هاللحظــة ..
القـنـاع اللي لبسته طول هالفترهـ بتشيــلــه ,, وخل اللي حسدوهـا على النعيييم
يجوفون حياتهـا الحقيقيـه بدون غشــاء !!
وساعـتهـا بس يقررون ....
ودهم بحياهـ نفس حياتهـا ولـه لا ,,!!

تدري لو تدخل بيت أهلهـا بشنطتـهـا وبعيالهـا بينصدمون
ولما يعرفون السبب بينصدمون آكثر وآآكثـــــر .....
بـــس خلاص !
مـآعـآد فيـهـا تستحمل بـعـد
قلبـهـا يـنـزف دم والسبب جروح راشد ...
مابـقـى فييـه مـكـآآآن يـنـطعــن !!!!!
والفضل يرجع لـه ..... مـآآقــصــــــر فيـهـا ...
وماكان راح يقصصصصرر آكيييـد !

آول ماخلصـت من ثيـابـهـا
أبـتـدت تصـف ثـيـآب عيـآلـهـا .. وصوت شهيقـهـا اللي تحاول تكتمه مسموع .. بطريقـة تـعور الـقـلـب
.
.
.
.

مستلقي بجسمه المهدود على السرير ,, والجو حوله ساكن مثل السكون اللي عايش فيه هو نفسه ,, ماغير صوت الأجهزه المزعجه مخترقه هالـهـدوء
كان راسـه ملفوف بـعـنـايـة تـآمـه .. بينما هـو نـآيم نوم عميق من بعد ماطلعوه من غرفـة العمليـآت ,, وأصــدمـوا آمــه بـخــبـــر ماكان ع البــآل ولا ع الـخــآطر !!!

برى ع الكراسي كانت قاعدهـ أم راشد اللي من درت بأنها ولدها جابوه المستشفـى آمس .. تركت العرس باللي فيـه وجات لـه على طول ..
تمنت أنـهـا ماعرفت السبب اللي خلاهـ يدش المستشفـى ....
وتمـنـت أكثر أنـهـا ماعرفـت اللي صـآآدهـ بسبب ضـــرررب سعيييد لـه آآآمس ..
ماعادت تقدر ترفع عيـنـهـا بعيـن حد من زود الفضيييحـه اللي أرتكبـهـا ولــدهـآ ......
وبالأخص آخـتـهـا أم وضحى ..
و ... وضحى ....!..

وضحى اللي بيوم من الأيـآم كانـت عـآدتـهـا وحدهـ من بـنـاتـهـا ... اليوم متأكدهـ أنـهـا ماتبي تشوفـهـا لا هي ولا آي حـــد يقـربها من راشد ,,

بو راشد لما درى بالموضوع حلف مايطب المستشفـى .. ومـآ يبي يسمع أي شي عـن راشد لا من قريب ولا من بعيييييد ....
ومـآوافق يخليـهـا ترووح لــه ألا بــعــد ماكسرت خـاطـرهـ بصيـآحهـا وترجيـهـا .... بس هو وعـن نفسـه مازال عنـد حلفـآنـه .... ريلـه ماراح تطب المستشفـى علشـآآن هالـتـبـن اللي ماخـآف ربــه لـمـآآ تــجــرء يسوي اللي ســوآآهـ ..

السـآلفـه كانت بتكبر آآكثــر من جذي وتوصل للشـرطه خاصـه لما أكد الدكتور أنـه اللي براشـد بفـعـل فـآعــل .... والموضوع لآزم يتحول لشرطـــه ...
وبـعـد طلـعـت الروح أقـنـعـوا الدكتور أنهم مايبون يشتكون ولا شي ... ولا يبـون السالفـه توصل لشرررطــه ...
لآنـهـا لو وصلـت لشرطـه بتصير الفضيييحه فضيحتيــن
وحـرآآم وضحى هالمسكيـنـه تتمرمط بـ مراكز الشرطـه ... والمحـآكم .....

وسـط كومـة الأفكـآر اللي كـآنـت تحوم حول راسـهـا .. أول مالمحت الدكتور المشرف ع ولدهـا مار من صوبـهـا فـزت لـه
أم راشد : دكــتــور ! ..
ألتـفـت عليـهـا
أم راشد : مـتـى راح يقـوم ولـدي ...؟
الدكتور بتسائل : أنتي آم راشد الـ"....."
أم راشد : آيـه دكتور آنـآ آمــه ...
الدكتور : جوفي آختي .... آحنـا بنخليـه بالـعنـآيـة المركزهـ لـمـدة 48 سـآعـة ... لآنـه مثل ماتدريـن راشد لما وصلـنـا أمس كانت حالـتـه خطرهـ جدا ,,, والأصابـآت اللي جاتـه براسـه أخـطــر .....
ومـثـل ماتعرفيـن .. تـوهـ مطلعيـنـه من غرفـة العمليات ....أن شالله بعد هالـمــده يقـوووم ........
أم راشد بالغصب طلعت الكلمات منـهـا بـحـزن مغلف صوتهـا : بس دكتور أنـت قـلـت لي أنـه آحـتـمـآل .. يـنــ...." سكتت ماقدرت تكمل .. غطـت ويـهـا بطرف شيلتهـا وهي تصيح "
الدكتور : أستـهـدي بالله يـاأختي... الضــرربـه اللي جاتـه أثررت ع المركز البصــرري .... وأحتمال أنـه يـنـعـمـي وااررررد .. ماقـلـت لج أنـه آكيييد ...؟! خلي أيـمـآنج بالله قـووي ....
أم راشد بصوت هامس : ونـعـم بالله ...
الدكتور : ع العموم تقدريـن تروحيـن بيتج ترتاحيـن لج شوي ... وترجعيـن لـه لو حبيتي الـعـصـر أو المغرب ...لآنـه ماراح يقـوم قبـل 48..سـآعه
أم راشد : لا دكتور .. أنا بقعد هني مع ولــدي ...
الدكتور : على راحــتــج .. " بعد تردد " أختي .. متأكدهـ أنكم ماتبون تبلغون على اللي سووا بولدج جذذي !!!..
أم راشد : آآيـه متأكدهـ ... مانبي نبللــغ .... مشكور على حرصك ياوليدي ..
الدكتور أبتسم وهو مبتـعـد عـنـهـا ..
رجـعـت قـعـدت على الكراسي ... وأقـل من دقيقه .. ألا تلمح أم سـعـيـد جايـه صوبـهـا
أول ماقربت صوبـهـا باسـت راسـهـا وقـعـدت أحذاهـا .. حطت يدهـا على يد أختهـا وهي تقول : شـقـال لج الدكتور ,,؟!
أم راشد وهي تطق على فخذهـا بتحسر خفيف وصوت واطي : شـقـآل بـعـد ,,؟ ماهو بقايم ألا بـعد يوميييـن .... يوميـن بتم معلقه جذي بيـن السما والأرض مادري أذا راح يشششووف مرهـ ثانيـه ولـه لا ....
أم سعيد : أن شالله مب صـآآير ألا كل خييير ,, " بعد صمت قصير " بـلـغـتـوا عن ولدي ..!؟ أقصصد بو راشد بـلـغ عليـه ؟؟
أم راشد طالعتهـا وصدت عنـهـا وهي تقول : أنبلغ عـنه شـنـقــول ...؟ ولـــدج ذببببح ولللدي طققققق ... ليييش أنـه طآآييح عليـه بسـوآآد ويهه !.. حسبي الله ونعم الوكيل على اللي كــآآآن السبب ..
.
.
.

الـسـاعـه 4 ونـص ببيـت أم زايد

كـآنـت قـآعـده أحذى التـلـفـون تـنـتظـر أتـصـآل من زآيـد اللي ماتدري ويـنـه فييـه المفروض من الـسـآعـه 1 هو بالبييــت .... أتصلت لـه مرتيـن بس ماحصـلـت رد ..
قـعـدت تعشم نفسـهـا آنـه أكيد مب حول جوالـه وأول مايشوف أتصـآلـهـا راح يـرد ..
سمـعـت صوت النقر الخفيف ع الأرض وبعد ثواني شافـت أبوهـا داش بعصـآتـه ... جـآ وقـعـد آحذآهـآآ ..وهو يقول بصوت هادي : يالله يـآآرب ..." ألـتـفـت عليـهـا " للحيـن ماوصــل ؟؟
آم زايد : للحيــن ... والله خـآآيفـه لا يكون صـآر فييـه شي ..
بو سالم بدون أهـتـمـآم : ماعليج ,, تلاقيـنـه ولا مفتكر فييييييج ... شبـآب هالأيام مامنهم رجـاء ..
أم زايد : ييبببـه ..! أنـت جاي تزيدني ؟؟..
بو سالم : لآ أزيدج ولا غيرهـ هذا الصصصج اللي منتي براضيـه تصدقيـنـه ...خلي طيبتج الزايدهـ تنفـعـج ... وآيد شادهـ فيـه الظهـر ولد سعودوهـ ..يعني عبالج بيطلع آحسـن من آبوهـ ....!!!
أم زايد عقدت ملامحها وتوهـا بتعلللق ألا يقاطعها : لا ترجعيـن تعيديـن لي نفس الموال .. " يطبطب بالخفيف على فخذها " قومي وأنا أبوج سويلي كوب جاااي ... و روتي وجبـن ... خل أأكل دوآآآي ..
قـآمـت وهي ماودهـا تقوم ودهـا تلزق بالتلفون ليـن يتصل زايد ويرتاح بـآلـهـا ... لكـن بنفس الوقـت ماتقدر تطنش طلبــه .. هو جـآآي عـنـدهـا علـشـآن يرتآآح .... وبالأول والأخير هو أبوهـا وملزومه تـسـمـع كلامــه رضـت ولـه مارضـت
دخـلـت المطبخ وهي مب عارفـه بشنو تبدأ ... بـآلـهـا مب معـآآهـا تفكيرهـا منحصر بزايد وبـــس
دعت من كل قلبـهـا أنــه ربي يرجعـه لـهـا سـآآلم ....
.
.
.
الـسـآعه 5 ألا ربـع

صـف سيـارته داخل البيـت وتـسـنـد ع الكـرسي وهو مازال بسيارتهـ .... هالساعات اللي قضـآهـا مع غـآنم ونواف يـحـسـهـا كاتمـه على صـدرهـ بقــوهـ ... يــحــس روحــه غــدر بأبوهـ !!
ولحد يسأل ليش ,,؟ وشلون ,,؟ أو شـــدخل !!!!
مجرد أنـه قـعـد يضحك ويسولف ويتغشمر مع غـآنم ونواف ,, محسسـه بالذنـــب ....
يـمـكـن لآنـه للحـظـة حس روحه صصصج مستانس على سوالف غـآآنــــم ,,
يمكن لآنه للحـظـة ضـحــك من قلببــه على نـكـتــه قـطـهـا غـآنم وزااااد عليـهـا نـوووآآآف ,,
يـمـكـن لآنــه للحظـة راح عـن بـآلـه " أنـتـقـآمـه " ..
لكـنـه رجع تمسك فيـه من يديد ...
وهو يـأمر نفسسسـه آآنــه ماياخذ عليـهم
ولا يتعلق فيهم بأي شكل من الأشكـآل
بالأول والأخير ذولا عيـآآل الحقير اللي ينـقـآل لـه فـأيز
بالأول والأخير الدم اللي يمشي بعروجهم هو نفسـه الدم النجس اللي يسري بعروج أبوهم
وماراح يكونون أأأحسســـن مــنـــه .....آكيييــد !!
حتى لو كـآنوا محترميـن وبايـنـه الطييبـه على ويوهم والسذاجه بعد .... !
مـآراح يأمــن لــهم ..
ومسـتــحــيــل يأمـــن لــهم بــعـــد

حتى فـآآيز كـآآن جذذذي بالأول ... !؟
بس بعديـن كل شي تـغــييــــر !!
كلهم جذي ...
عيـآآل فـآآيز كلهم نفسسسســه ..
لهم ألف ويـه وويـه ( وجه و وجه )
كلــهـــم الـخــبـــث يمشي بعروووجـهـــم ... وعندهم مهـآرهـ بالتمثييــل والجذب والخـدآآع ..
ومــآراح يـنـلدغ منهم ,, مثل مالـدغ فـآيز أبــوهـ .....

مد يدهـ لسويج السيـارهـ وبنـدهـا وسحبـه وهو نـآزل من السيـآرة ومسكرهـا وراهـ وقافـلـهـا ..
جـآف سـآعـة يـدهـ اللي تـشـيـر لـ 5 ألا ربـع ...
وأنـصــدم .. اللحيـن آكيد أول مايدش بيلاقي البيت معفوس فوق تحت والســبـــه آنـه تأخر كل هالمــدهـ ...
بس غريبـه !!
ماأتصـلـت علييـه ,,؟؟

لحــظظـــــة !!

طلـع جوالـه من جيـبـه وشـآف المكالمات الموجودهـ ,, 2 لأمـنـه و2 لأمــه ..
ضرب بالخفيف على يبـهـتـه !!!
آآآآآآآآآخ !
هو لما طنش الرنيـن المتواصــل
كان عبـالـه آمـنـه اللي تتصــل
لآنـه لما أتصلت مرتيـن شاف الرقم وحذف الجوال أحذاهـ ...
ولما رجع رن للمرهـ الثالثـه والرابـعه هم طنشـه لآنـه عبالـه آمـنــه اللي قـآعدهـ تتصــل !!!!!

" شكلك بتنذبح يازايييد !! "

.
.
تحركت خطواتـه ودش من باب الصـآآلــه .. كان الوضـع طبيعي بالبيت وهـآدي
مافي غير صوت التلفزيون والظاهـر أنـه محطوط على مسرحيييـه .. لآنـه يسمع صوت ضحك الجماهيرر ..
سكر الباب وراهـ وحس بضيقته زادت
" شـدعوه !! معقولـة ماأهتمت لتأخري !؟؟.. العاده من أتأخر ساعه ألاقيهـا عند باب الصاله أول ماافتحــه .... واليوم حتى مب موجودهـ بالصاله !!!!؟"
تقدم كم خطوهـ زيادهـ وتحسف قد شعر راسـه أنـه تقدم
سمع صوت يدهـ الحاد يخترق طبلة أذونه : شــرررررررفت ياسي زايد ! .. جان خمدت برى البيت بــعــد ؟؟؟!
زايد ألتفت صوبـه وقال بنفس الأحترام اللي تعود يعامل فيه يدهـ : هلا يدي ..
بو سالم : لا هلا ولا مسـهـلا ... ويـنـك فييـه هـآآيـت لهلـ حززهـ ؟؟ ماتقول عندي أأم حاررررقـه قلبـهـا محاتاااااهـ ...!!!!! ماتقول عندي بيـت أتصصل عليـه وأعطي أهله خبررر أني بتأخررر ! ولـه عبـآآلك هالبيـت فندق ,, تدخله وقت ماتبي وتطس منه وقت ماتبي .....
زايد يحاول يتمالك أعصابه وبنفس نبرة الصوت تكلم : كنت مع الربع ,, وماحسيـت بالوقـت .....
بو سالم نقز : قـآآيـللل أنـآآآ قـآآآآيلللل .... عيال هالوقت مامنكم رجـــى .. هايت مع ربعك وأميمتك مستكثر ترد على أتصالاتـهـا ..... صج ماينشررررهـ علييييييك !! ومــن أبووووك ؟؟؟؟ سعودوهـ ماغيرهـ خررييج السـجووووون .....
زايد بحدهـ وعصبيـه خفيفه : يدي لو سمــــــــــــحـــــــــت !
بو سالم : لا أسمح لك ولا تسمح لي ... " هز راسـه يميـن ويسـآآر وهو يقول " مأكلك مـآل حرام .. بفـلـوووس المخدرآآت اللي يتآآآجررر فيـهـاااا ..لآزم بتطلع جذذذذذذيي !!! ... وآآمك بس شغالـه ترز فييييك ولدي فيـه وولدي فيييـه .... مسويتك اللي تداريـهـا وتحسب لخاطرهـا ألف حسـآآآآب ...... اللحيـن أنكشف كل شي وبـآآن .. لو أني ماجيت وقعدت عندكم وجفت كل شي بعيوني ...... جـآآآآن للحيـن أنـا مصدقهـآآآ ......
دخلت أم زايد على أخر كلمـه وبيـدهـا الصينيـه اللي بهـا اكل أبوهـا وأول ماشافت زايد راحت صوبهـ على طول : يبببببـه زااييييييد وييييـنــــــــك فيييييـه !!! من الظهر وأنـا أنطرررررك ,,؟؟ ليييششش مارديييت عليي ...أتصلت لك مرتيييـن ,,,؟؟
بو سالم : خلييييـه خلييييييييييييه .. طاااس مع ربببــعه ويـن تبيـنـه يعطيج وي !!! ....
زايد وهو يتنفس بسرعه كاتم غيييض وقهر وغصـه ودهـا تشق صدرهـ وتطلع : يمه أنا رايح غرفتي .....
أم زاييد عقدت ملامحها بستغراب ممزوج بخوفهـا عليـه ليش أنه متأخر: أأ.....
قاطعهـا حتى قبل لا تكمل : تكفيييييــن يمه ... أبي أأقـعــد بروحي شـــووووي .. " طالعهـا برجى يتـفـجر من عيونه " تكفيييـن ...

ترك لـهم الصـآلـه وراح لغرفــتــه

بينما أم زايد ألتفتت على أبوهـا : شقـلـت لـه يبـه ؟؟؟
بو سالم : شنو حرام أتكلم واافضفض يعني !! ولـه بتسكرون حلجي بعد ؟؟؟؟؟ أذا أنا مضييق عليكم أروح بيتي أبرك لي ,,
أم زايد وهي تحط الاكل ع الطاولـه وتقعد أحذاهـ : ماقلت جذي .. بس يبـه حرام اللي تسويـه بـه .... الولد كافييـه اللي فييييــه .. لا تزييدهـ .....
بو سالم : ليش أن شالله ؟ مايستحمل الهواااش ؟؟؟؟ آآيييـه مدلللــع ,,,, تربيـة حريم .. هذا صبرج عليه شوي بس .. تنفخيـن بويهـا على طول صـآآآآح ,,
أم زايد : والله حرام علييك ..
بو سالم : أحرمت عليه عيشششته ... اجوووف بس قربي الصــحــن خل أأكـــل ... ولي حجي ثـآآني معاهـ لما أخلللصص .. البيت هذا له قوانيــن بيمشي عليها رضى ولا مارضــى ....
.
.
.
فوق بدار زايد اللي أول مادخلهـا رضخ الباب بكل قوته وراااهـ
حاس بــقــهــررررر مسيييطر على كل قطعه بجسسسمـه ... كفايـة عليييـه فايز وعيالـه .. بعد يجي يدهـ ويكمل عليييييييييـه
مسك راسـه بيـده اليسـآر بألم وهو مغمض عيـنـه بقوهـ ويحآول يخلي هالأفكـآآآر اللي بـهـدلت عييييشششتــه تتوقف عن الصرآآع برااسسسسسـه ...
كل كلمة قالها يدهـ أطعـنـت أبوهـ وزآآآآدتـه هم فوق همومه كانت تتردد ببالـه بطريقـة مزعجــه
كــآآن يحس كلام يدهـ الجارح يـنـعـآآد عليـه بقسووهـ
تذكر ضحكه وغشمرتهـ مع غـآنم ونـوآآف
تذكر فـآآيــز
تذكر اللي كـآن ناوي يسويـه بـ غـآآنم
تذكر اللي صـآآدهم هو وآمـه من ورى بو نواف
تذكر أبوهـ ..اللي مات بحادث أكيييد محد مدبرهـ غيير هالفـآآآيييز
تذكر كل ذكرى سودهـ عـآيشـة براسسسسسـه
من نعومـة أظـآفـرهـ لحد هاللحظـة

صرخ بصوتهـ الرجووولي وهو ينـثــر اللي ع التسريييحـه : بــــــــــــــــــــــــــــــس خــــــــــــــــــــــــلآآآآآآص !! ..
,
,
,

من رجعـوا من المستشفـى وهي قـآعدهـ هـنـي ماودهـا تطـلـع من الغرفـة .. كلهم رجعوا عاشوا حياتهم من يديد وكملوا أستمتاعهم بالجو الحلو اللي يحاصر هالشـآليــة
ألا هـي ... حابسـه روحها بغرفتـهـا وماتبي تطـلـع .. حاولت بأمها مليون مرهـ أنـهـا ترجع البيت بس مافي أمل أذن من طيـن وأذن من عجييـن ...
تبي حــد تفضفض لـه
متضايقـة موت من اللي صـآر لـهـا آمس ... وكل ماتذكرت اللي صـآآر يوقف شـعـر جسمهـا كلــه وترجع تصيييييح من يديد ...
غمضـت عيـنـهـا ورجـعـت تـدعي عليـهـ من كل قلبـهـا للمرهـ المليون ....
تنـهـدت بصوت مسموع .. ألتفتت صوب جوالـهـا ...
خذتـه وأتصلت على نوره ..
رن شوي وردت عليـهـا : زييييييييييـن والله تذكرتيني ... آآمس أتصلت عليج شحقققه مارديتي ,,!! ماتعرفيـن ترجعيـن تدقيـن علي أول ماتجوفيـن رقمييي ... ؟؟ ولـه ماعندج رصييييد !! أذا ماعندج عادي قولي أطررررش لللللج يالبقررررهـ ..
وضحى بصوت مخنوق : نوير متضايقـه ..
نوره أرتخت أعصابهـا لما سمعت صوتهـا اللي مايبشر بخير : شفييييج ,,؟؟
وضحى تحبس صيحـتهـا : سوااهه يانـوررهـ .. سوااهه ..
نوره بصدمة وهي تحاول تطرد من بالها الفكرهـ اللي طرت : من ؟؟
وضحى : نوره أبي أشوفج ,, والله مخنوووققققــه ... مب محصصله حد حوووولي مهتتتتم .. بلييز نوره محتاجتج ...
نوره : آآووكيييه بكلم نواف يجيبني لللج اللحيييـن ...
وضحى : أنـا مب بالبييييـت ...
نوره : عيل وينج فيـه ..
وضحى : بشاليه خالتي فوزييـه ..
نوره تدور ورقـه وقلم حولـهـا : لحظة لحظة وضوح شوي .... " قامت من مكانهـا وطلعت دفتر وقلم من الدرج ورجعت قعدت على الكرسي " .. عطيني المكــآآن ..
وضحى : لا ..لا تجيييـن .. بحاول بأمي علشـآن أجييج ....
نوره تحط القلم فوق الدفتر : يعني بتجييـن ؟ أنطررج !!
وضحى : آيـه بجي ,, حتى لو مارضـت باخذ السايق بالخش ..... بس المهم أأجييج
نوره : آوكي انطرررج .. سوي لي تلفون بلغيني بكل شي .... علشان أذا كلش كلش أجيج انـآآ ,,
وضحى : آوكيـه .. بـآي ,,
نوره : بـآي
.
.

سكرت منـهـا وقامت تبدل ثيابـهـا .. ماأهتمت بأنـهـا تكشخ كالعادهـ اللهم بدلت البجامه اللي لابستهـا ببنطلون جيـنز وبلوزهـ نـآعمـه .. ماحطت شي بويـهـا .. ولا حتى لبسـت أكسسوار ....
فتحت الكبـت وسحبت العبايـه اليديدهـ ولبسـتـهـا ولفـت الشيـلـه على راسـهـا ..
للحيـن مب متقبلـه شكلـهـا .. بس ليـن متـى بتم تأجل لبسـهـا لبـآآجر !؟
خذت جوالـهـا ودخلته بمخبـى بنطلونهـا وطلـعـت من الغرفـة سكرت البـآب .. نزلت تحت لـقـت عبير وكم وحدهـ من بـنـآت العيلـه قـآعـديـن بالصـآلـه
عطتهم نظرهـ وهي ماشيـه عنهم
سمعت عبير تهمس للي أحذاهـا : جوفي العبايـه اللي لابسـتـهـا ,, الظاهـر بعد ماسـنـعـهـا راشششد .. عرفت شلون تتستررررر ! الله لا يبلانـآآ بس
ألتفتت عليـهم وضحى والشر يطير من عيـنـهـا أقتربت منهـا وقالت : جوفي عبيروهـ ... مزاجي كلش زفففففففت ترى .... مالي لا خلقج ولا خلق سخافاتج وعلللقج هالصصصغيير !! .. فأحسـن لج لا تتحرشيييـن فيني .. ترى والله بتتحسفيـن ..
عبير بدلع وهي تتسند بكتفـهـا على كتف بنت خالتهـا اللي أحذاهـا : وووي ! عشتووو ...!؟.. قالت بتحسف قالت ...." تأشر لها بيدهـا " روحي روحي بس روحي شمي هــووووى نظيييييييف .. آآكيييد من بـعـد سالفـة أأمسسس وآآنتي ياحرااااااام مختنقــه ... " ترفع واحد من حواجبـهـا وتقول " يعني أذا تحبون بعضكم لهدرجــة تزوجوووا مـــــب ,, " تضم شفايفها بطريقـه تقهر " .... ماأبي أقول أستغفرر اللللــه .. طرريج الحرام سهل عندكم ....؟
مايمديهـا تكمل كلامهـا ألا بكــــــــــف قـووووووووي مــــــحـــــــترررررم جالـهـا من وضـــحــى .. سحبـتـهـا من شـعـرهـا بقوهـ وهي تهزهـا : أأنــــــــا أشرررررررررررف منننننج .. ومن طواييييييييييف هللللللللج سامعه ,,, وهالحجي اللي قلتيـه ينطبببببق علييييج .. يالخــآآآآآييسسسسـه ..
هـدتـهـا بعد ماعطتهـا نظرآآآآت ,,: صج لا قالوا كلـن يرى الـنـآس بعيـن طبـعـه ....
طلـعـت من الصـآلـه وهي بقمـة تنرفزهـا ,,كـآنت بتلحقـهـا عبييير اللي صاحت من قوة الكف بس البنات مسكووهـا .... وأبتلشوا بصوت صراخهـا الـحـآآد

.
.

بـغـت تدعم سـعـيـــد اللي طـلـع بويـهـا أول مـآآأتجهت صوب السيـآرات ..
طالعـهـا بستغراب وقال : ويـن رايحـه ؟؟
وضحى بصراخ وعصبيه : مب شغللللك ,, أبوي أخوي ريلي أنت علشـآآآن تسأل ويـن رايحـه ؟؟؟...ولـه عيـنـووووك الوصييي علي من بعد شهامتك أأأمسسسس !!
بقق عيونه سعيد مصدوم من كلامهـا هذا بدل ماتشكرهـ ..
وضحى طالعته من فوق لتحت وعيونهـا غرقانـه دموع ماسكتهم بالغصب ... طافتـه وهي مكملـه طريجـهـا لـعـنـد السيـآير
ومخليـته وراهـا مب مصدق الكلام اللي أسمـعـه مـنـهـا !!!!!
.
.
بيـت بو نـواف

أول ماسكرت من عـنـد رفيجتـهـا حطت يدها على قلبـهـا ودعت آنـه اللي براسـهـا مايكـون صج !!..
" آآكيييد ماكانت تقصصد سالفـة راشششد .... يمكن كانت تقصد سالفـة يديدهـ ..
الله يسـتـر "

قامت من مكانهـا وأبـتـدت ترتب غرفتهـا الشبـه معـفوسـهـ لآنـهـا كـآنـت مشـغـولـه بـتـعـديـل دفترهـا اليديد اللي ناويـه تسويـه دفتر مذكراتهـا
بدل اللي راح ضحيـه على يـد غـآنم .. رجعـت كل شي مكـآنـه ورتبـت السرير
ولما حسـت أنه المكان نظيف وأوكي .. طلـعت من غرفتـهـا متجهـآ لأخوانهـا المتسدحيـن بالصاله يطالعون فـلـم عربي كوميدي
دشـت وهي تقول : قوموا دشوا دااخل وضوح بتجي اللحيــن ...
نواف طالعهـا ورجع طالع التلفزيون : مادري من هي عـآآد ,, بـنـت الشيييخ !! .. أقصاهـا وضحـى ,,, لا خللص الفلم قمـنـآ ...
نوره تتكتف : لا والله ,, وأن شالله متى بيخلص فلمكم هذا !! ..
نواف : بيخلللصصص بعد شووووي ...
نوره : بنشوف ,,!!... أول ماتقومون تنظفون هالمزبله اللي حولكم .... لا تفشلوني مع الببـنــت ..
نواف : يصير خيررر بس أكرمينا بسكوتج نببببي ندش جو مب قـآدرييـن ...
نوره : عـآآد كلللششش من زيييـن الفللللم سخافـه وثقـآآلـت دممممم ... أروووح أجهــز العصيييرر أبرررك لي ..
غانم وهو مندمج : آيـه آيـه رووووحي سويـه ...
نوره تركت لهم الصاله وراحت تجـهـز العـصـيـر لوضحـى .. ورجـعـت تفــكــر فيــهـا ....وبنبرة صوتهـا اللي أبــداً ماكانت طبيعيـه

( سوااهه يانـوررهـ .. سوااهه ..)

" شكـآنــت تقصد بكلامها هذا ,,؟؟.. معقولـة قصدت راشششد وآآنــــه .... ( بسرعه نفظـت هالأفكار من راسها ) لا لا أستغفر الله ... ماأأظــــن .. هي قطعـت علاقتهـا فييـه ... وماعادت تشوفـه أو تقعد معاهـ حتى ..! يعني شلون بالله بينفذ اللي سواهـ قبل !!!! ...... آآآفففف ياربي بيذبحني الفضول .. آبي اعررف من قصصصدت بكلامهـا وشكانت تقصصد فييـه !!!! ... يـآآرب مايكون اللي صـآير شي جـآآآيييييد .... يـآرب يكون موضوع بسيط ونلاقي حلــه ... يمكن علشان حالتهـا النفسيه تعبانه هالفترهـ فأكييد أقل شي بتسوي منه سالفـة ..... لا لا أن شالله مافيـه ألا كل خييييير "
.
.


وصلـت وضـحـى بييـت نـورهـ ع الساعه 6 ونص بسبب بـعـد المسافـة بيـن الشاليـه والمنطقـه اللي ساكنـه فيـهـا رفيجـتـهـا .. نزلت من السياره بعد ماطلبت من محمود أنـه يرجع ياخذهـا أول ماتتصل علييييـه ... ومايتأخر ....
رنـت الجــرس وأنتـظـرت حد يفـتـح لـهـا ..
رجـعـت رنـت من يديد وهم محــد فـتــح ..
وضحى وهي تطلع جوالـهـا : يوووووهـ على طبع أخوانهـا الخااايييييسسس ..يموتون على الـتـنـقييـع
أتصـلـت على نـوره .. رن شوي وجالـهـا صوتـهـا : هلاا ...
وضحى : ماتسـمعـون الجررررس !! ...
نوره : وووي أنتي عند البـآآب !! ..
وضحى : يعني بكون أأرن جرس بيتـنا مثلاً
ضحكت نوره على تعليقـهـا وقالت : آووكي بقول لهم يفتحون لج اللحيـن ... نطريني بالصاله شوي لآني توني طالعه من الحمام .. " بدلع مصطنع " بكشخ لج ...
وضحى : متفرغه والله ...
نوره ضحكت برقـه : زيـن سي يو ..

سكرت منهـا وفتحت باب الغرفـه وهي تصـآآرخ بأعلى حسـهـا لو تسمعهـا آمهـا بتنحرررهـا ...: فتحوووووووووووووووووووووا البـــــــــــــــــــــــآآآآآآآآب حق وضووووووووووووووووووووووووح ....
أنتظرت تسمع الجواب بس محد رد ...
دشت وخذت جوالـهـا وأتصلت على تلفون الصاله ... رن شوي بعدهـا شالوهـ وسكروهـ ... بققت عيـنـهـأ ... !!!
طلعت من الغرفـه ببجامتهـا ونزلت من الدري وهي تصارخ : من الحماااااااااااار اللي شالــــه وسكرهـ بويهي يعلل يتسكررر باب رزقققققققققه أن شالله ...
نواف : لسانج هالطويل بينققصصصصصص لو عدتي هالدعاوي الخايسـه مرهـ ثـآآنيييـه ... أنـا اللي قلت لغنوووم يسكرررهـ ....
نوره وهي واقفـه على آخر درجه : ماتسمعون الجرس وله صمخآآآآآن !! قوموا فتحوا لـهـا ,, وطسوا داااخل .....
نـواف : مب صبيـآن أبوهـا ... خل تشقققح ..
نوره تتخصر : هيهييهيهيه مايضضضحك .. سخيييف وااحد ...
نواف بملاغه : واحد ولـه أثنيييييـن ...
نوره : وآآآآي ياملغغغغغك ... مسوي فيها خفيف دم .." ألتفتت على غـآنم " غنومي حبيبي قوم فج البـآآب ... وضوح اللي بررررررى ..
غانم : والله كنت بقوم أفجه بس خايف يطوفني الفلللللم ....
نوره : عنبووووووووووو هالفلم مايخللللللللللللللص ...
نواف : لا خلص وأبتدى هذا .....
نوره تحط يد على خصهـا : تستهبل أنت ويـآآهـ ,,, ترى أذا ماقمتوا بطلع أنـآآآ وخل يزفكم أبوووي لو درى ...
نـواف وهو يدز غـآنم بسبابته بظهـره : قوووم أفتتتح البــآآب ...
غـآنم : قووووووم أنــت أفتحه .. شنووو ماكو غييير يعني ...
نواف : مـودييييك السيليييـن ياللي مايبيـن بعييينك ..
غانم : يعني بتذلني اللحيـن ؟؟... زآآآييييد فديت قلبـه هو اللي موديـني وله لو رادهـ عليييييك جـآآآآآن .... وييييييييييييييييييييين !! .. أنطررر ياحماااارررر ..
نوره : لا زايد ولا نآآقصصص ,, قوووومووووووووا فجووا الباب تنقعت البـنننننننننننننننتتتت ....
نواف : أنـآآ عيزااااااااااااااااااااااااااااااااااااااااان ...
غـآآنم : وآآنـآآآآآآآآآآآآ أعيزززززززززززززززززززز ...
نوره بجديييـه : والله والله لو ماتقومون لا أعللللم أبوووووووووي ... يسنعكم ياللي ماتستحووون ..
نوااف وهو يقوم : آووووووووووووووووف زيييـن زيـن خلاص فكييـنآآآآآآآآآآآآآآآآآآ ,,, صوتج مزززززززززززععععج بدررجه مستفزززززززهـ .... الله يعيـن اللي بياخذج بسسسسسس .. أمه داعيـه علييييـه ..
نوره : روح أفتح الباب بس ,, " ركبت الدري وهي رايحه فوووق لما ضمـنـت أنهم بيفتحون البـآآب "


طلـع يفتح البـآآب وهو متملللل وعيزان يخطي خطووووهـ وحدهـ !!.. بس لو ماتحرررك ماراح ترحمه نورهـ بصراخهـا ..
فتح البـآآب وجـآف وحدهـ معطتـه ظهرهـا ...
شششك بالبدايـة أنـهـا وضــحـى لآنـه هالهيئـة مب هيئتهـا ...!!! لكن لما ألتفتت عليـه وهي مكششرره بصصصم ع العشرهـ انـهـا هي ...
بس غررييبـه .. شعندهـا لابسـه هالعبايــة والشيــلــه ,,,, !!!!!!!
ماأنتبه على نفسـه وهو يقزهـا من فوق لتحت بأستغرآآب ... لحد ماتكلمت بدرجة صوت مرتفعه شوي بايـنه فيـهـا العصبيه : ممكن توووســـع شوي آآخ نوااااف !!!؟
نواف أنتبه على نفسـه وأنحرج بنفس الوقت ,, بس حاول مايبيـن كشرر وهو يرجع كم خطوهـ لورى علـشـآن تدش
عطتهـ نظرات أحتقار من فوق لتحت ودشششـت وهي مطنشته ...
سكر الباب وهو يقول بصوت واطي : وعمىىىى أن شالله ,, تعطي نظرااات بعد جليلـة الحيـآآآآآآ !!!! ....

مشـى ودش دااخل .. لـقـى غـآنم قـآعد بالصالـه وعينه ع التلفزيون ووضحى محد .. سكر الباب وراهـ وهو يقول : طسسست داااخل !؟
غانم : آآيـه عيل بتنطرررك .. مادري شفيهـا ماعطتني وي !!!! ... شكـلـهـا معصبـه من شنو الله أعلللللم
نواف وهو يتجه صوب أخوهـ ويقعد : هذا لو شفتهـا مرهـ تضضضضحك تأكد أنـهـا مب هي مبدللللـه ... عليييهـآآ نفسسسسسسس .. !!! .. حشىىى تحس أمهـا مرضعتهـا الـنــكددددد مع الحليب ! ..
غانم : لا والله وضحى حليوووووهـ ,, وتضحك وتتغشمرررر بعد .... بس شتسوي ! حظظظك جذي دايماً المزايـن مايواطنونك بعيشـة الله .....
نواف : تكفى أنططططم بس ,, اللحيـن أنـت عـآآآآآد هذي من المزآآيييييـن ... آجكرررررر منهـا ماعمري جفـتـ ...
غـآآنم طالـعـه بنظرهـ كلهـا خبث وأبتسامه عريضـه وصد عنـه ..
نواف وهو يدفـعه بقوهـ من راسـه : لا تطالعنييييييييييييي جذي فاهم قصصصصصصصدك تررررررررررى ,,,
غـآآنم ضحك وهو يقول بصوت هاامس جنه يساير أخوهـ : مابـعـد عـدآآووة ألا .........
نواف أخببببطه بالمخددده اللي احذاااااااااااااااه : كلللللللللللللللللللل تبببببببببببببن زيييييييييييييـن .... لوعـت جبدي الله يلوع جبببببببببببببببببدك
مات ضحك غاااانم : زيـن زيـن شبلاااااااااااك عصببببت ,, " بتلميييح " لا يكوووووووووووووووووون ....
نواف بجديه وعصبيه وصلت التوب : غــنييييييييييييييييييييييييييم !!!!!!! ,, لا عــآآد أسمعك تعيييييييييد هالحجي ترى من صجيي اتنررفززززززززز منه ماأتغشمرر معآآآآك ..
غانم : زيـن زيـن لا ينط لك عررررررررج بس ,, جوووف الساعه كم منت رايح عرررس رفيييجــــك ...!؟؟؟؟
نواف ألتفت صوب الساعه المعلقه بالطوفـه وطق رااسه : آووووووووف ! مر الوقت بسرعه ... زيـن والله أنك ذكرتنييييي .....
قام بيروح ألا صوت غانم يوقفه : أقول نواف ,, خذني معـآآآآآآآآك ,,, " بعبط " يمكن واحد من الشيـآآب يشوفني وأعجبـه ويخطبني لبنتــه ,, " صكهـا ضضضضحككك "
نواف : قسماً بالله أنك رااااااااااااااااايق وبقوهـ بعد !!!! ..
غانم يستعدل بقعدته : لا والله من صجي أتكلم ,, خذني معاك .... متمللل ...
نواف : بسك طلعـآآآت ,,, السيليـن وواييييييييد عليييييييييك
غانم : أنت شبلاك ماخذ مقلب بعمررررررررك ,, أقولك طلعت السيليـن تنحسببب لزايييييييييد مب للللللللللك ,,,, يلا بيـن لأخووووك شكثررر تحبببببببببــه ورزني معاك جداااام ربعــك ,, يعني أكييد بيكون في هناااك شبـآآب بعمررررري ,,
نواف : أقول أسترييييييييييييييح بس أستريييييييييييييح ,, وخلللللك مع الفلم أبرك لك .....
.
.
آبـتـعــد عنــه وهو راييييح فووووق .. دخـل غرفتـه بس أجذبـه صوت الصيـآآح المنبعث من غرفـة اخته اللي ماتبعد عـنـه وآآآييييد ..
وهالصيـآآح مب صيـآآآح نورررهـ !!!!
شكـلـهـا .. وضحى !؟
أقترب كم خطوهـ من غرفـة اختـه اللي كـآآن بـآبـهـا مردود.. يبي يشوف شسـآلفـه
سمع صوت وضـحـى البـآكي واللي يعور القـلـب " والله كررررهتتتت عمررررري .. كرهت كل شي حوووووولـــي ..... مااقدررر أستحممممل أأكثثثرررر من جذذذذذذذي .. اللي قـآآعــد يصير لي وآآآآيييييييييييييييد ,, فوووووووق طـآآآآقـتـــــــــي ... فوووووق طاااااااااقتي بوآآآآآآآآآآآآآييييييد .. تعببببـت يـآنوورهـ ..... تعببببت ماعــنــدي حـــــــد فاهمــنـــي ,, الـكــل حوووولـــــي نفس بعضض وآآمي اللي هي آآآآآآمـــــــي معاملتهـا لي صـآآآرررررررت آزفـت من قببببببببل .. ( بنبرة صوت باكيـه أكثرررر ) ولله لو أنـهـا مرت أبوي ماسوت فيني اللي هي قـآآعده تسووووويييييـه .. كل همها سمعتـهـا ومستوااااااااهـا ...... كل هذا لييييش أنـهـا مررررررت التاجر المعروووووووووووووف ,,,, الله يااااااااااخذ الفلووووووووووووس اللي أحرمتني مع كلللللللللللللللللل شييييييييييييييييييييي ... الله ياخذ الفلوووووووووس اللي خلـــت راشـ............... "

-: نــوآآآآآآآآآآف ؟
ألتـفـت وراهـ ألا بأمه اللي طالعه من غرفتـهـا : شـعــنــدك واقف بنص الممر !!؟
نواف بأرتباك : هآآآ !! .. لا ... بسسس ... آآ .. أ .... " يتدارك الوضع " كنت أبي نورهـ بس شكلهـا مشغولـه مع رفيجتهـا ,,؟؟
أم نواف عقدت ملامحها بتسائل : رفيجتـهـا ؟؟.. منـهـي !!!!
نواف : منهي يعني غير الطقاقـه وضيييييح ... " أقترب صوبهـا وهو يقول " يمه أنـآآ رايح عرررس واحد من الرربــع يعني لا تحاتيني لو تأخررت ..!!!
أم نواف : آآهـآآ أوكيـه يبــه ,, تبيني اكووي هــدوومك !!؟؟ ولـه مكويـه جاهزهـ ...
نواف : بس الـغـتـره ماعليييج آمرررر عطيهـا ضربتيـن بالأوتي ,,, وجيبيـهـا لي .... خبرج ولدج لآزم يطلع آآآزييييـن من المعرس نفسسـه ...
أم نواف أبتسمت : أن شالله ,, عقبـآآآل ماأشوفك معرس أنت بــعـــد ,,
نواف : فاللللللللللج ماقبلـنـآآآهـ ,,, شدعوهـ يمه في آم تفااااااااااول على ولدهـا ؟؟
أم نواف : آيـه فيييـه داااام الفـآآآل طييييب ,, أفاااول علييييك ليششش لا !
نواف : المهم .... بروح أجيب لج الغترهـ لا تحلى السالفه براسج وتدبسيني بأقرب وحدهـ ....
أم نواف ضحكت : ههههههههههـ,, شقـآلولك مختررررعه أقط ولدي على أي وووحدهـ ....

لحقـت ولدهـا لغرفته وخذت غترته ولما طلعـت سحب فوطـتـه وأتجـه صوب الحمام " الله يعزكم " عشـآآآن ياخذ له دش دااافـــي
فيـه فضول يعررف سبب صيـآآح وضحــى ,, يحس روحه مافهم شي من اللي قالته ,, بعض الحجي كان مب واضح بسبب صيـآآحهـا .. كل اللي فهمه أنـآآ متضايققـه من حياتهـا وعيشتهـا
وأنه آمهـا ماتعاملهـا عدل ......
زيـن لييييش !!؟؟
شمسويـه هي علشان ماتعاملهـا عــدل !!!!
وشنهي الشغلات اللي أنحرمت منهـا بسبب الفلووووس !؟؟؟؟؟؟
ودهـ يعرررررف بس مب حلوهـ يرجع يتسمع ..
أشوهـ أنه آمه اللي طبت عليييـه ولـه لو طااب عليه غـآآنم جان صارت فضيحته على كل لسـآآن
بينشر الموضووووووووع ...
وبعديـن هو مالـه شغلللل ! أكيييييييد دلع بـنـآآآآت كالعادهـ ... الظاهـر طلبت شي من آمـهـا وهي مانفذتهـ
فقالت أنهـا ماتعاملهـا عــــــــــدل ...!!!!!!
صج ناقصـآآت عقلللللللل !
.
.

ع الـسـآعـه 8 رجـعـت الشاليـه بعد ماأنـهـد حيلهـا من القـعده ع الكراسي بالمستشفـى ...
كان الوضع حولـهـا طبيعي ومافي أي توتر !!
مب كأنه ولدهـا مرقد بالمستشفـى
ووضحى المسكييـنــه حالتهـا تعور القلــــب ..... وهـيـآ الله العالم بحالـهـا ..
آكيد درررررت !!!
بس ماتدري شكانت ردت فـعـلـهـا ,,

أطلقـت زفيير حـآآد ,, توجـهـت لصـوب غرفـت هـيــآ طقـتـهـا ونطـرت جوآآآب ,,
رجـعـت طقـتـهـا من يديد وهم مالقـت جواب
فتحت البـآآب لقـت المكان مرتب ونظيييف والغرفـه مافيـهـا حـــد ,,
سكرت البـآب وراحت أسئلـت وحدهـ من البـنـآت عنـهـا قالت لـهـا آنـه راحت بيـت اهلـهـا وخذت اليـهـال معاهـا
أنصــدمـت ,, رغم أنـهـا كانت شبه متوقـعه أنـهـا راح تقدم على هالخطووهـ ..
راحت لـغرفتـهـا وسكرت الـبـآب عليـهـا .....
جـآت بتتصل لـهـيـا ,,
بس تتصل لـهـا شتقووول !!!
ليش طلعتي !؟
بتطلع بصورة غبييييـه لو سألتهـا هالسؤال ....
يعني الكل عــآآرف السبب ... ومحد له حق يلومهـاآ
تـنـهـدت بالخفيف وهي تقول : الله يسـآآمحك ياراشششد ,, مادري شللي كنت تفكرررر فيييـه حزتهـا علشـآآن تـهـدم بيـتــك بيدكـ ... وتضيييع وضــحــى ! ..

كان ودهـا ترووح لـ وضحى وتاخذ بخاطرهـا .. بس مالـهـا وييييي !!!
منحرجه من اللي سواهـ ولدهـا .. وفيـهـا أحساس قوي يقول أنـه وضحى ماتبي تشوفـهـا ...

أفصخت عبايتهـا وأستـلقـت على السرير .. بترتاح لـهـا ساعه ساعتيـن وبترجع المستشفـى لراششد ..
دعـت لـه بقلب آم متقطع على ولدهـا وبنفس الوقت غضبان عليييـه ..
وطلبت من الله أنـــه يتشـآآفـى ويصير بخييييييــر ....
.
.

ببيـت ثـآنـي

كانت مرقدهـ عيـالـهـا آحذاهـا ع السرير .. وهي منسدحه قربهم ..علي .. لآزق بصدرهـا وجوري وراهـ .. كانت تمرر يدهـا على شـعـر جوري ودمـعـه حايرهـ نازلـه على خــدهــآ ..
تـنـهــدت بالخفيف وهي تتأملـهـم ,,,, بعدهـأ طبـعـت بوسـه خفيفه على روســهــم ,, غـطـتـهم عـدل وأبـتـعدت عنهم شوي لحد ماقـعـدت على طرف السرير ,,
غطت ويـهـا بيـدهـا وهي تحاول توقف دموعـهـا عن الأنهـمـآآر ,, رجعـت خصل شـعـرهـا البـنـي لورى ,, وهي تطالع السقف وتزفرررر من قلبـهـا ....

بتـطــلب الطــلآق من رآآشـــد
خلاص هذا قرارهـا الـنـهـائي .. وماتظن أنـهـا بتتراجع عـنـه

رغم أنـه الطلاق بيعذبـهـا ,, وخايفـه لا يشتت عيـآلـهـا .. بس بنفس الوقـت بيكون أريييح لـهـا ... حتى لو كــآآن بالنسبـه لقلبـهـا جهـنـم الحمرررى ...
لآزم تدووس على هالقلب ... اللي ماجنت من ورى ألا الهمووووووم ,, وتسوي اللي تشوفـه آآحسـن لـهـا ولعيـآلـهـأ .... أذا كان يبي يشوفـهم خل يجي ويشوفهم .. ماراح تحرمه من حقـه بأبوتهم .. بس هـي ماراح تعيش معاهـ تحت سقف وااااحد لو شـصـآآآآر ..

قامت طلعت من غرفتـهـا بتجيب لـهـا مـآآي يبـل ريجـهـا اللي نشف من الصيـآآح ...
دخـلـت المطبخ صبـت لـهـا بقلاص وهي طالـعه جافـت آمـهـا ,, نزلت عيـنـهـا بالأرض وجـآت بتكمل طريجهـا لكن صوت آمهـا وقفـهـا : هـيـآ !
وقفـت بدون ماتلتفت عليـهـا ,,
أقتربت صوبـهـا ومسكتهـا بحنان من ذراعهـا وقالت : حلفتج بالله يايمه تقولي لي شاللي صـآير بيـنـج وبيـن رآآشـــد !؟؟.. شسالفـه يابنتي !!
ألتفتت على آمـهـا وعيـنـه غرقانه دموع ,, حاولت تكتمهم بس ماقدرت ... ماحسـت بعمرهـا ألا وهي حاظنـه أمهـا بقوهـ وتصيييح بصمت على صدرهـا ...
طبطبت على ظهـرهـا بحـنـآن وقالت بصوت هادي مليان عطف وحب أم لبنتها : اللي صـآير جآآييييد يا هـيـآ ؟؟
هيا بصوت واطي جداً بس مسموع : آآآآآآآآآه ياييييمـــــه !
,
,

وقـفـ جدام المنظرهـ يجييك على كشـخـتــه ,, رغم أنـه ماودهـ أنـه فـهـد يـتـزوج ويبـتـعــد عــنــه ..... بيفـقـدهـ وآآيييييــد .. مابيلاقي حدد يقضي وقـتـه مــعــآآهـ ...
من بـآآجر ... بيحس بالووحــدهـ تسييطر عليـه من كل نـآحييـه ....
ماقدر يطلع معاهـ اليوم أو حتى يسولف معاهـ .... كانت لاهي وياعيال الززززفـت ...
يكرهـ الـفـرآآآآآآق ,,
لآنـه شبـــع منــه بحيـآآتـــه ...
.
.
مد يدهـ لغرشـة الـعـطر ورش لـه كم رشـــه .. وردهـا مكانـهـا .. زيـن أنـهـأ ماتكسرررت نففس الثـآآنــيه اللي أول ماحذفـهـا من ع التسرييييحـه صـآرت فتات .....
اليوم هذا كئئئئئئئئئئئئئئيييييب ويجيب الهممم ...
يلا ....
يمكن يتغير المود عنـدهـ .. بالـعـرس .... الجو هـنـآآك بيكوون مليـآن فـررح ..
ولازم يفررررح علـشـآآآن لا ينقص على فــهــد يوومــــه ...
هو يوم بالعمـــــــــر
ماراح يـنـعـآآآد كل يوم !!
أول ماخلص طلع من غرفتـه لقـى آمـه بويـهـا ,, أبتسـمـت وهي تبـخرهـ : مشـآالله عليييــك ,, طالـع تيـنن .....
زايد أبتسسم وهو يبوس راسـهـا : الله يخليج لي .. ماكان لـه دااعــي ....
أم زايد : آي مالـه دآآآعي !! ,,, عرررس رفييييجك الوحيييييد وتروح جذذذذي .. تبي تروووح بيـنـهم نـآآقصصص ؟!
زايد تم مبتسم وهو يطـآلـعـهـا وأول ماخلصـت رجع باسـهـا من يديد .. : يلا يمه أنـآ طالـع .. يمكن أتأخر ترى ... لا تحاتيـنـي ..
آم زايد : أن شالله يمه .. ماني نايمه ألا لما تجي ...
زايد : بحاول ماأتأخرر ... يلا عن أذنج ...

تـحــرك لصوب الدري بس بسرعه توقفـت خطواته ألتفت على آمه : يدي تحت ؟؟؟
أم زايد أبتسمت لآنهـا فهمت قصدهـ : آيـه يبــه ...
زآيد هز راسـه وهو يتنـهـد .. نزل من الدري ... وسيـدهـ طلع من البـآب الثـآنـي للبيـت .... لآنه لو مر جدآم يدهـ بياخذ تهزيئـه محترمـه ..
سلم على آمه اللي وصلته لعند سيارتهـ ورجعت تنطرهـ يطلع عند باب الصـآلـه ..
شـآفتـه طلـع سيـآرته برى البيـت وأختفـى عن نظرهـا ,,, ورجـعـت دخلـت من الباب الثاني .. لآنـه لو شافهـا أبوهـا داشـه من باب الصاله هذا بيفتح لـهـأ محضر ولو درى عن السبب بيتم داق مسمارهـ بالصاله ليـن يرجع زاااييييد لو الفييييييييييير ,, وماراح يرتاح ألا بعد مايغسل شرآآآآآآآآعــه ,,,
.
.

عـنـد نـواف

طلع من غرفـته بعد ماكشخ وراح لصوب غرفـة أخته المردودهـ .. طق الباب .. ونطرهـا تطلع لـه ..
شوي ألا هي طالعه ومسكر الباب وراهـا : نعم آخ نواف ,,؟ " تطالعه من فوق لتحت " يــه يــه يـه !! شعنننندك كآآآششششخ ؟؟... ويــن بتررووووح ترى الـساعه 8 !؟
نواف : بروح عرس وآحد من الربــع ...
بفضول : مــن !!؟..
نواف : مب شـغـلـــج ,, تعالي شبي لي فحم ... خل أتبخررررر ..
نوره تتخصر : لا والله ,,؟؟ تشوف رفيجتي عندي !!!
نواف بصوت واطي : والله رفيجتج ماعندهـا ذوووق ,,, جايفه الساعه كم أنتي !!؟,,, ماعندهـا بيــت ترووح لــه ..
نوره : أششششششششش !! ,,, أسسسكت لا تسمـــعــك ,,
نواف بستهزاء : ألا شـعـنـدهـا موسـعه العبـآآيـه ومعدلـه الشيــلـه !!!! ,, تدييـنـة الأخت ؟
نوره عقدت ملامحها : تدينة ولـه غيرهـ شلك خصصص أنت !
نواف : لا بس مستغرب شوي .... آآخبر عبيـهـا مرصـصـه تحسسسييييييــن شوي وتنششششق عليـهـا ... " بستهزاء أكبر " وريحـة الـعــطرررر ......
نوره عقدت ملامحها : نوااافففف ,, عييييب تتكلم على البنت جذي !! ..
نواف : والله قلت الصصج ,, أذا تبيـن الصراحه رفيجتج ذي مب عاجبتني كلللششششش .... لو أنج تامه على سلوى أبرررك ..
نوره : ومن قال أنـي ماعدت اكلم سليوووو ... بس بعد وضحى عزيزهـ وغاليـه وماأسمح لك تتكلم عنـهـا بهلـ طريقـة .....
نواف : المهم ,, تعالي شبي لي فــحــم ... تأخرت وايد ..
نوره : زيـن أمشش جدامي ,, بعطيهـا خبر ...
نواف مسكهـا من معصمهـا : اللي يسمعج يقول بتسافريـن كلهـا خطوتيـن وبترجعيـن لـهـآآ ...

مشـى معاهـا ونزلوا تحـت .. بيـنمـآ دااخل سمـعـت كلامهم كلــه ..
وأنبطت جبدهـا من حجيييييـــه
من هو علشــآآآآن يحكم على لبسسسسـهـآآآ !!؟
ولا ومب عاجبته بــعــد ,, اللي يسمعه يقول كلش ميته بغرامه وتنتظر منه نظرهـ .....
مغروررررررررررررررررررررر !! وجايف نفسسسسـه .. وماله حق يتكلم عليـهـا من وراهـا بهلـ طريقـة
لو هو صج ريال جان قال هالكلام بويـهـا مب من وراهـا .....
ومن قال أنـه ريـآآآل
مب ريـآآآآآآآآآآآآآآل
ولا يعرف الرجولـه بعد ,, زيييييييييين !!!
.
.
.
تحت بالمطبخ
شبـت لـه الفـحــم وتمت واقفـه تنطرهـ يخلص
وهو متسند على طرف الطاولـه وبعد تردد سأل : أقول نويييـر ,, وضحى شبلاهـا تصيييح !؟
ألتفتت عليـه براسـهـا بسرعه وقالـت بستغراب : وأأأنت شدراك أنـهـا تصييح !
نواف : باب غرفتج كان مردود وصوت صيـآآآآحـهـا واصل لسابع جــآآآر ,, " بتسائل " شسالفـه ,,!!
نوره ألتفتت عليه بجسمها كامل وقالت بأهتمام : شسمعت !!!
نواف ماحب يقول لها شسمع : ماسمعت شي وانا داش غرفتي سمعتهـا تصيييييييح .. أزعجتنـااااااا !!!! ,,
نوره أرتاحت شوي صدت عنهـ وهي تطالع الفحم : سوالف بـنـآآت مالك خص فيـهـآآ ,,,
نواف : همم !
دقايق بسيطه وطفت النـآر ,, راحت خذت المدخـن ورجـعـت للفحم شالتـه وحطتـه بالمدخن ونفخت عليـه شوي : آآمشش خل أحط لك بخووورر ...
نواف وهو ياخذ منـهـا المدخن : أنـأ بحط لي البخور وببخر نفسي ,,, مشكورهـ وكثر الله خيرج ... رجعي لرفيجتج ..
نوره ترجع تسحبه من يده : والله أنا حطيته ...وأنا اللي ببخررررك ... كيفي ..
نواف ياخذهـ منهـا : ليييششش ياهل جدامج ماأعرف أتبخرررر ...؟ حبيبتي أنا محد يبخرني غير أثـنـيـن أأمي .. وآآنـا ....
نوره تتكتف : عشتووووووووووا !.. روح روح أن شالله تحرررررررق ثووووووبك وماتروح العرس زييييـن ..
نواف : علشـآآن أكت اللي بقـى بالمدخن برااسسسسج ,,,, ويحتررررررررق وماتعزميـن ربعج ببيتنـا كللللللللللش علشان لا يجوفون النيو لوك ... زيييـن !؟؟
نوره : سخييييف !
نواف ماعلق .. طاافـهـا وهو طالع من المطبخ ورايح غرفتــه
حط بخور بالمدخن وتبخرررر ,, ولما صـآرت ريحـتـه حااشرهـ المكـآن حط المدخن ع التسريحه علشــآن تتبخر الغرفـه بالمرهـ
طلع دهـن الـعـود وأبـتـدى يحط لـه شوي ... لحد ماصـآر راضي على كشختــه ..
طلـع من غرفتـه لصـآلـه ومن الصاله طلع للحوش متجه لسيـارته ركبهـا وراح للمكان الـعــرس
.
.
.
فـآالـعـرس

الوضع كان لا يعـلـى عليـه .. خـآآصـــه الـجــو اللي ماكان حييييل حـآآآر وفيـه نـسـمـآآت بـآآآردهـ بسبب أنهم قرآآآب من فصل الشـتــاء
الـعـرضـه كـآنـت وآآوو ومن الصـوب الثـآنـي المعرس واقف ويوزع أبتـسـآمـآت ويسلم ع المعـآزيم ... ماقـعـد ألا شوي وبـعـدهـا تم واقف من كثر مايجون واحد ورى الثاني ماعطوهـ فرصـه يقـعـد
بعضهم مايعرفهم والأكيد أنهم من معارف أبوهـ أو أبو المعرس .. وحـتـى ربـع اخوهـ حمـد اللي واقف آحذاهـ وينغزهـ بالكلام ...
تـهـلل ويـهـا لما شـآف زايد يقـتـرب صوبـه ويسلم عليـه : بالـمبـآرك ان شالله ... منك المال ومنـهـا الـعـيـآل ..
فـهـد أبتسم : الله يبـآآرك فييييك ... عقـبـآلك ...
زايد : آميـن ...
سلم على حمد وأبو المعرس وأبو العروس والجيش اللي بعضهم أخوان فـهـد ,, إو أخوان العروس... وبعد ماخلص رجع لـعـند فـهـد اللي مازال مبتسسسم تقولون حلجـه مشييييررررررر !
وقف أحذاهـ وهو يقول بصوت هـآمس : حللللللللللجك ! أرحمــــه !!!!
فـهـد سلم على الريال وألتفت على زايد أول ماأبتعـد عنـه : يـآريـآل صـآر لي ساعه وأنـآآ جذذذي ,,, قسم بالله حلجي صكه شد عضلي من النوع الزيـن ..
ضحك على تعليييقـه وقال : ودي أأأعرررف أذا أنت حالتك حاله جذي ,, العروس شلون ..؟
فـهـد تـنـهــد بحب وقال : مادري متى يرأفون بحالي ويودووووووني لـهـآآ ..
زايد يضربـه بالخفيف بـكوعـه بطريقـة مب ملحوظه : أأثثثثقققـــل ! ,,
فــهـد : تــعــبــت من الوقفـه أقولك اريولي قامت تصصصك ببعضض ..
زايد : عيل غـن ياليل ماأطولك .. لما يودونك لـهـا بتمشي مشوااااااااااااااررررر ليـن توصل للكووشـــه ...
فهد : شكلي بززززحــــف ليـن أوصل ,, ريلي مب شايلتني ... تــعـبـت !!!
زايد : بسك حـنــه ,, كاهو هذا جاي يسلم ,,,, أبتسسسسم لا تفضحنــآآ معرس وقاعد تحـــن ريلي وريلي ,,,!
أبتسم وهو يسللللم ,, وجـوا بعدهـ 5 وهو ماغير يسلم ويرد عليـهـم
لحد ماوصل نـواف : مبرووووووك يالفـهــــد .... " يغمز له " الله يعطيك خيرهـا ويكفيك شرهـا ,,,
فهد وهو يسلم عليه : سيـآرهـ هذي مب مرهـ ,,
ضحك نواف وألتفت على زايد : بتتذكر كلامي هذا بـعـديــن ,,, ترى ماوراهم ألا الأذيييييــه ..." ألتفت على زايد " هلا زاييد
زايد كشر أول مالمحــــه ,,
" شيبي هذااااااا راز ويـهـا ,,, نــآقز لي بكل مكان أروووحــه آآآآففففففففففففف !! "
سـلـم عليييـه مجاملـه وهو مايحمل بويهـا آي تعبييييير ,,
أستغررب منــه نواف بس تذكر أنـه مزاجــييي بقوووهـ ,, وكل ساعه بموود غيييييير ,,
.
.
الـعـرس عـ،ـند البـنـآآت

مـايخفي عليكم الأجواء هـ،ـنـآك شـلـون .. طقطقه وآآغــآآني ورقـــص .. والعروس بكـآمل أنـآقـتـهـا قـآعــده ع الكوشـــة بفـسـتـآنـهـا الأبيييييض الـ ,, وآآآآو ,,
مستحيـه ومتخوفـه بـعـد من الـعـآلم اليديد اللي بتـدخلــه .... بس آآكييييد حياتهـا مع فـهـد بتكون ولا آحــلـــى .. فترة الملجه اللي راحـت عرفتهـ عــدل وحفظ بعض من طبـآآعـه ..
وهالحياه اليديده اللي بتدخلهـا بتعرفهـا عليـه أكثر وأكثـــر ,,,
أبتسمت بحيـآآ لأمـه اللي طبطبت بالخفيف على كتفــهـآ ,,, ولمرت أخوهـا اللي واقفـه معاهـا وتساعدهـا بكل شي جنهـا آختــهـا اللي ماجابتهـا آمـهـا ,,
هي البنت الوحيده مع 6 شبـآب ,, كلهم متزوجيـن بسثناء أثـنيـن واحد بالأعدادي والثاني ثـآنوي ,,
وهي ترتيبـهـا بينهم الرابـعـه ,,

الليـلـه كانت ممتزجـه بمختلف أنوآآآع الفــرح لحد ماأنزززف لـهـا فــهـد بعد ماغطووهـا ,,عن أخوانهـ وربـعه وربع أخوانهـا ,,
وبـعـد اللويـه اللي سووهـا الشـبـآب من رقص وغيرهـ طلـعـوا ,, وخلوا فـهـد بروحه وقف أحذاهـا ببتسامه عريييضــه ,, وهي منحرررجــه

وكمـلـت الليلـه مثل أي ليلـة يجتمع فيـهـا عروسيـن يدآآد ...
مشـآعرهم تجاهـ بعض تــوهـا مالمستهـا مشـآآآكل الحياة الزوجيييــه .. اللي أن شالله
راح يقـدرون يتغلبون عليـهـا
لو حاولوا يتفهمون بـعـضـهم
.
.
.

على كثر ماأستـانس لفـهـد وفرح له من كل قلبـه ألا أنـه ضـآق خلقه من طلع من القـآآعه ولزق فيـه نوووااف وتم يسولف نفففففخ راسسسســه ..
توجهه لـعـنـد سيـارته ألتفتت عليـه وقاطعهـ وهو بعز سالفته : أنــآآ رايييح ,, تامرني بشي !؟
نواف : لا سلامتتتتك ... آجوفك بـآآجرر ..
زايد بقلبه " آآيييييه هيييـن !! بالعيييد ! " .. : أن شالله .. يلا تصبح على خير
نواف : وأنت من أهلـه ...
ركب سيارته وحرك بدون مايطالع نـوآآآف ...
هذا توهـ فـهـد متزوج ولززززززززق فيـه نواف لززززززقــه ...
الله يعيـنـه عليييـه شـهـرررررررررر كاااامل بيحاول يستحمللللـه .....
جـآف ساعتــه كانت الوقـت متأخرر ,,,
رجـع البيـت على طـــول علـشـآن يريــح شــووي .. باجر لآزم يقوم قبل الـ 6 ويروح مع فـهـد المطـآآآر
بس أن شالله مايتليقف نواف ويرز عمرهـ هنـآآآآكـ ,,
دخل البيـــت من نفس الباب اللي طلـع منــه توجهه لصاله بخطوات محسوبـه ,, مالقـى فيـهـا ألا آمـه نايمه على عمرهـا ,,
آبتسسم ودخل الصاله ليـن وصلـهـا ,,قومهـا وخلاهـا تروح تنام بدارهـا ....
ماقدرت تنـآم بدون ماتطمن عليييييـه ..
تفرقوا عند الغرررف كلـن دخل غرفتـة وغط بـ سـبـآت عمييييييييييق ..
.
.
ببيـت بو نواف

أول ماطلعت من عنـدهـا وضحى ع الساعه 11 ,,,
دشـت غرفتــهـا وآنســدحـت لـهـا شوي تبي تنـآآم ,, وهي ماتـدري ليـــش أو شحققـه طـرى ببـالـهـا زآيـــــد
وتذكرت كلام غـآنم عـنــه ,,,,,
أنسدحت على ظهـرهـا وهي تفكر بأخر موقف صـآر لـهـا مع واحد من ربع نواف وجمعهـا مع زايد ..
أنحرجت من يديد ...... وبدون ماتحس أبتسسسمــت ...
أبـتـدت تحلل تصرفـه ذاك اليــووم
لو أنــه واحد من شباب هالأيام المغازلجييـه .. ماكان عصب وطالعهـا بذييج الـنظــرآت بالعكسسس كان بيشق الحلج وبيعجبـه الوضـــع ,,
وتعصييبـه دليل على تربيـته العـــدله وأخلاقــه الـعـآآلييييـــه .....

من آمس وهي تسمع غـآنم يمدح فييـه لكنهـا تسوي روحهـا مب معاهـ ولا تسمعه رغم أنـهـا قاطه أذونهـا عندهـ ,,,
الظاهـر هذا اللي يسمونـه آعجــآآآآآبـ ... لآنـه آآكيييد مب حــــب ! .. لآنه هي نفسـهـا ماتأمن بالحب من آول نــظررة ....
بس شلون تـنعجب بواحد .. يحتقرررهـآآآ !!!! وآآكيييد بيطالعهـا بنظرهـ دونيييـه بسبب ذاك اليووم ,,
بس هي ماقصدت ,, وآآكيييد نواف فهمه الموضوع ,,,,,
أنسدحت على جنبـهـا اليميـن وتلحفت عــدل ,, " يلا ... بالأول والأخير أنـآآ ماقصصصدت ,, وهو آكيد يدري !! "
غمضت عيـنـهآ وصورت زايد منطبعـه بهلـ سواد الحـآآلك ,,
صحيح الصورة اللي ببالـهـا .. صورته لما كان معصب ذاك اليــوم
بس بـعـد ماتدري لييييش مب راضيـه تـفـآرقــهـا ,,,,,وكل ماتذكرت أنــه خوش ريـآآل أبتسمـت .. رغم الأحراااج اللي مكتسيييـهآآآ !!!!؟
.
.

الـيـوم الـتـآلـي

من الساعه 4 وهو قـآآعد لحد ماصارت خمس ... أتصصل على فـهـد ... ورد عليـه : صبـآآآح الخييير معرسـنـآآ
فهد : صبـآآآح الـنـووووورر ...
زايد : لا يكون بس متصل عليك بوقت غلللط
فهد ضحك بالخفيف : لا لا ,,, لا غلط ولا غيرهـ ..... كنـآ تونـآ بنطلع من الفندق ع المطـآآر
زايد : آوكي عيييل دقايق وآآكـوووون عـنــدكم ...
فـهـد : ماله داعي تتعب عمرك ,, ورااااااك دوآآآم ,,
زايد : تعبك رآآآحـــه ,, وبـعـديـن شلك خص بدوآآمي ,,,, راح أوصصل ع الوقت أن شالله .... بس أهم شي أشوفك قبل لا تسـآفـر ,,,
فـهـد : أوكي عيل أنطــرك مو تتأخر ...
زايد : أفا عليك اللحيـن بقوووم ألبسسس .. وطيرآآآن جايك .. يلا سلام ...

سكر من عندهـ وقام بدل ولبس ثـيـآبــه وطلع على طول من البيت مامر على آمـه ولا شاف يدهـ ... لآنه بالحالتيـن بتكون آمه تدري أأنـه رايح لدوآآمه وماراح تحاتي
مـسـآفـة الطريج وسـت بالضبط وصل وهو يحاتي لا يكون راح فـهـد ومالحق علييـه ..
آول مادش المطــآآر أتصـل عليـه علشـآن يتأكد أنه ماسافر للحيــن ... وصف لـه مكانـه ورااح
كانوا خلاص بيعلنون عن طيارتهم ...
وقف جدامه وهو مبتسم : بشــتــآآق لك يـآريـآآل
فـهـد : تشـتــآآق لك العاافيـه ,, " يغمز له " بتوحشنا مزااجيتتتك ...
زايد أبتسم ..قرب منه وآحضــنـه بقوهـ لصدرهـ ,,,
ماتوقع فـهـد أنه زايد يحظـنـه ,, تقدرون تقولون أنصــــدم ... لكنه بنفس الوقت فرح لما حس بأنــه زايد يعزززهـ ,, وحازهـ بنفسـه آآنـا بيسـآآفر ويتركـه
سمعـه يقول بصوت وآآطي : لا تنسـآآنـآآآ ,,,
فـهـد : ماعاش من يـنـسـآآآك ,,,

أعلنوا عن طيارتهم وأنهـم لآزم يتوجهون لـهـا اللحيـن
أبتـعـد عنه زايد وهو يقول : الله يوفقك بحياتك اليديدهـ ....
فـهـد : الله يسمع منــك ...يلا فمان الله .. وسلم على نـوآآآف ...
زايد : يوصل أن شالله ... دير بالك على رووحــك ..
فـهـد بغشمرهـ : لا توصي عندي من يدير بالـه عليييها ... هههههـ
زايد ضحك بالخفيف وهو يجوفـه يبـتـعـد عنـه ومعـآهـ زوجته اللي كانت طول الوقت واقفـه بعيييد عنهم ...
" ياالفشيله ! ماباركت لـهـآآ !!!! ... "
.
.
.

نـهـايـة الـبـآرت الـرابـع عشـر



 توقيع : لا أشبه احد ّ!




رد مع اقتباس