الجزء العاشر
"وداعــــا يااجمـل ذكريات"
===========
"قلــق نهايته راحـه"
البنتين عايشين بجو قلق مملؤء بالتوتر..اسئله عديده تلهو بفكرهم..
وتعكـر فرحتهم بحيره دخيله عليهم..!
لولو ليه مغلقه تلفونها..!؟
بتحظر الحفله او لا..!؟
وين مختفيه..!؟
:
رمـت فريده علبة الجلّ بعصبيـه..وصرخـت على شهد اللي دخلت غرفتهــا..وكل هذا كان بوجود عايشه اللي شاده على فمها خوفا من ضحكه تشعلل الاجواء اكثـر..
فريده\وش ذا..يعني الواحد مايحس بااستغلاليه بيــوم..!؟قولي لبدور تحط لك..!؟
شهد ببراءه وهي تقضم اظافرها من الخجل \تقول ..قولي لفروده..!؟
انهلت الرحمه بملامح فريده ..ودليل على ذلك هدات نبرة صوتها\طيب..قولي لأحلام..واذا مارضت ناديني..!
عضت شهد على شفايفها الورديه\طيب..واغلقت الباب بنفس هدوئها..
عايشه حاولت تقلد نبرة شهد وهي تفتح المجله المرميه بسرير فريده\فروده..فديت الدلع..!؟
عملت فريده شعرها عنقوصين وبصعوبه قدرت تتحكم بربط شعرها القصير اللي بدأ يطول\تتطنزين انسه عواشي..!؟..اوووف..نفسي اقصه..مايعجبني طوويل..
عايشه\والله ان قصتيه ياويلك..!
فريده التفت لها بااستغراب\ليش!؟
عايشه\بس يااختي..خلينا نشوف شعرك لو مره طويــل..حرام شعرك كيرلي وحلو ..يابختك نفسي يتلفف شعري طول الوقت..!ومسكت خصله من شعرها بملل..مايعجبني كذا..!
هزت فريده راسها وشفاتها تحمل ابتسامه ساخره\فعلا ألأنسان طماع..ومايعجبه حاله..اقول قومي لا يكثــر..انا لو علي اقصه من زمان لكن امي حالفه قبلك..يااختي قهر حتى بشعري بيتحكمون..
دوت الراحه بقلب عايشه اثناء ماسمعت حكي فريده\ريحتيني ياشيخــه..
قطع حوارهم دخول نعيمـه المفاجاّ والعرق يتصبب من جبينها\فريــد..صديقتك الطويله جــت..!
عقدت فريده حواجبها..\طوييله..!؟يادوبه اسمها حنان..
قفزت نعيمه كذا قفزه وهي ماسكه مقبض بالباب بقهر\اووف حنان..حنان..امي قطعت علي الكارتون والسبب صحباتك..
وضعت فريدها على فمها وهي منحرجه من عايشه\يقطع ابليســك..على منوا طالعه انتي..!؟..وركضت خارجه من الغرفه..
ابتسمت عايشه بينها وبين نفسها على هالعايله الغريبـه..عجبها حكيهم..وسحرتها بساطتهم ..تحس بالراحه اذا دخلت هالبيت .تحب الألفه اللي تحاوطهم البسمه اللي ماتفارقهم..الشغب اللي معطي رونق حيوي لمواقفهم...وبالرغم انه مافي شيء مميز..الا انها تشعر بالطمأنينه ..بالحب....بالأمان..تمنت دعوه صغيره بهاللحظه الخاطفه.."ليتني احظى بعائله مثلهم".وبنفس هاللحظه تمنت اكثر بقل حيله.."وليتني احظى بكلمة ام لطفله مثل شهد"
"عوااااااااااشي وعمى تعالي حنوا جت"
هذه كانت صرخه فريده اللي دوت من الصاله وقطعت افكار عواشي..قامت على عجل..ورتبت هندامهـا والقت نظره خاطفه على تنورتها الموف..وبلوزتها المشجره بلون الكريما..شكلها ناعم....وحركت شعرها لعله ينتعش وثبتت الفراشه الصغيره المزينه غرتها..وخرجت للصاله بخطوات سريعـه....
وابتسمت لمن لاحظت فريده تصرخ على حنان اللي تأخرت..تمتمت بنفسها.."الله يعنيك حنوا"وتقدمت لهم..
عايشه\هاااي
حنان\هاايات..زين انك جيتيت انقذيني من فريد..
رجعت عايشه ايدينها للخلف وابتسمت لحنان\عادي...تهزأت قبلك..
فريده\صج ماتستحون..غلطانين وتتذمرون..
حنان فصخت غطاها وعباتها وحالت تغير الموضوع\اوكي..حقك علينا..
اخذت فريده عباة حنان وعلقتها عند باب المدخل..!
حنان\تعالوا..وين لولو..لسه مااجت!؟
سكتوا البنات..وماقدروا يردون..
لكن عايشه جاوبت وهي تاخذ حقيبتها\بدق عليها..شكلها بتتأخر..!
حنان\شو هاد..ومعصبين عليا ولولو لسه مااجت..!؟
ابتعدت عايشه خطوات عن ازاعاج البنات..ودقت على لولو..وشعرت باليأس اثناء ماطلع لها التلفون مغلق..
وصوت جرس الباب نبه البنات على وجود ضيـف جديد.. دعت فريده من قلبها انها تكون لولو.حاستها السادسه كانت تقول لولو..وماخب ظنها ابدا اثناء مادخلت عليهم لولو وهي تصــرخ
"انـــا جيييييييييييت"
عايشه شدت على تلفونها وهي شوي وتبكي من الفرحه..اما فريده زمـت شفايفها والشرار بيخرج من عيونها..
لولو قبل ماتسلم عليهم..رفعت ايدنيها بااستسلام..وهي تستعطفهم
لولو\ادري..ادري اني تأخرت ..سوووووري...
تقدمت لهم وسلمت عليهم..وفريده ضربتها على ضربات خفيفه على اكتافها لأجل تفش غيظهـا..وكل هذا بوجود حنان اللي جاهله هوية الموضوع..
:
جلسوا البنات بالصاله يتبادلون الحدايث..ووزعت عليهم بدور عصيـر فريده..رمقت فريده بنظره واشرت لها تجي للمرّ..اخذت عايشه العصير معها واستغلت حديـث لولو وحنان..
عايشه\خيــر..
فريده بنبره حاولت تخففها \اسمعي نبدأ اللحيــن..!
عايشه \ايوه..
مرت من جنبهم شهد وابتسمت بخجل لعايشه..
فريده\شهد..روحي حبيبتي داخل..
عايشه\لا خليها..تعالي شهد..قربي حبيبتي..
رفعت فريده حاجبها\كيفك بتلصق فيك..
عايشه تجاهلت ردها ومدت ايدينها لشهد اللي تقدمت لها بخطوات بطيئه..وشوي شوي كانت بااحظانها\ياربي..تهبـل اختك..!؟طبعت بوسه على خدها..ورجعت تضمها..
فريده\اسمعي انتوا حاولو تخلونها تتقدم..عشان البلالين تتناثر حولها..اوكي.
غمزت عاييشه بعينها\ولا يهمك..
فريده دفتها بخفه \اوكي روحي ليش واقفه انا بشغل المسجل وانتوا دخلوا ..
دخلت عايشه الصاله ونادت البنات اللي قاموا ولبسوا ملابس التخرج ودخلـوا..
حنان كانت تسمع اغنيه عجبتها وهي تتقدم لغرفة الحريم\وينها فريد!!
عايشه\تنتظرنا داخـل..
دخلوا الثلاثـه وخلفهم اخوات فريده..وتنـاثرت البلالين اللي بلون الذهبي والأخضر على رؤس البنات الثلاثه ..ضربت فريده راسها لأنه فكرتها مانجحت لكن فجأه سمعت صرخة حنان ويه تضحك..التفت لها بسرعـه..وعرفت انها شافت اسمها معلـق بالجدارن وكانوا مركبينها بشكل بلالين..
"حنــان نحبك"
جالت عيون حنان على الغرفـه المليئه بالزينه بكل مكان..لاحظـت بوكـس كبيـر محوط بطاوله على الزاويه....حثتها لولو لأجل تتقدم اكثتر..واصبحوا قبال الكيكه المكتوب عليها "مبروك التخرج حنان"
تجمعت الدموع بعيونهـا ..وحست بايد لولو وهي تعطيها سكين لأجل تقص الكيك..
انخرس لسانهـا..وكانت بس تتحرك وتستجيب لأوامرهم..او اوامر قلبها اللي عيا يعبـرّ..
وضعوا البنات اياديهم على ايد حنان وقصوا الكيـك..وهنا حنان خلاص انهارّ صمودهـا وبكـت بشكـل مفجـع..وحظنوها البنات وهم يبكـون..واتمزج الحزن والفرح بنفس الوقت.
حتى اخوات فريده اللي مو عارفين ايش المووضع دمعت عيونهم..ماعدا وحده كانت تناظر الكيكه ولعابها يلعب بلسانهـا..كانت نعميه اللي مو عاجبها الوضع وتبغى بسرعه تاكـل ولمن لاحظت انه المساله بتطول صرخت \خلاااااااااااص عاد..ابي كيكه..بس تصيحون انتوااا!
تفاجئوا البنات من لسان هالصغيرونه..هالجمله هذه طلعت البنات من حزنهم..وبتلقائيه ضحكوا بوسط دموعهم..
فريده وهي تمسح دموعها وتبتسم\اي والله صح..خلاااااااااص عاد
الكل\ههههههههههههههههه
تكلفت عايشه بالمهمه وقطعت الكيك للجميـع..اما فريده ولولو اهدوا حنان الهديه..
حنان\والله هدا كتييير علي!
فريده\شوفي عاد اذا ماودك فيها..اهديني اياها..
لولو\اقول حنان انصحك تاخذينها..ترى فريد ماتنعطى وجه..!؟
فريداسكتي احسن لك ترى بقلبي حره عليك..
حنان\ههههههه خلص بتتخانقوا مره تانيه..امشوا ناكل الكيك..
اكلوا الكيك..وضحكوا..ولعبوا..ورقصوا..وغنوا..وصرخوا..وبكو ا..وتكلموا..
كل حاجه كانت بخاطرهم انكتبت الليله.
كانت الليله مميزه بالنسبه لهم..هم متأكدين انه هاللحظه يمكن ماتتكرر ابدا...لجل ذلك فرغوا كل حالات الجنون بهاللحظات..
وبنصف الليل غيروا واجهتهم..وخرجوا للحوش..وجلسوا بالجلسه الخشبيه المتواضعــه..كانوا محاطوين حنان بكل اتجاه ويتسقلون كل لحظة قرب معها..لولو جالسه على احضانها وسرحانه بالسحب ..وفريده بجنبها الأيمين..وعايشه متمسكه بايدينها وجالسه امامها..
فريده\ومدام انكشف كل شي اللحين.ممكن اعرف مدام لولو وش سالفة المسج!؟؟
ابتسمت لولو على هالذكرى..واحمرّ وجهها وغمضت عيونها\رحت معه الشاليه..وحكت لهم كل شي وبالتفصيـل..
وبالنهايه..اخفت وجهها بحظن حنان ونطقت لكل خجل\احبـــــه
البنات بنفس الوقت\ايــِش!؟؟؟
لولو ابتسمت وهي تنطقها للمره الثانيه\احبـــــه..احبه..احبـــــه..
لحظة صمــت..الكلمه اللي نطقتها لولو اذهلتهم..لولو تحــب!؟
فريده كررت كلمتها\احبه..ولمن استوعبت قالت...تحبينه لولو.!؟
ناظرتهم وقالت بكل صدق\ادري انتوا مستغربين..حتى انا ماتوقعت اقول هالكلمه بيـوم..لكن ليش اكابر..انا فعلا حبيته ومااكتشفت هالشيء الا اليوم..سامي ارغمني احبه غصبن عني...
حنان\ياااااااااااااي..لولو تحب..مو متخيله!طيب قلتي له!؟
لولو\لا..وكملت وهي مغموره خجل..بس مثل ماقلت لكم..تجرأت وقلت له حبيبي..!
حنان تحمست\وهو يحبك!؟
لولو فكرت لثواني وبعدها ردت\وهو بعد ماقالي بس افعاله تبين لي حبه..!؟
فريده لازالت تكره شخصية سامي والسبب جاهلته\طيب صار شي بينكــم..!
لولو\قصدك..وسكتت..
فريده\ايه..اللي في بالك..!؟
لولو ترددت تتكلم لكن تجرات وقالت\...لا..
فريده كانت اجرا منها\والا متى ان شاء الله!؟
ماردت لولو لأنها فعلا ماعندها جواب لسؤال فريده..ومثل كل مره تكفلت عايشه بالرد\فريده وبعديــن!؟
فريده رصت عل اسنانها وهي تكابد العصبيه\شنوا وبعدين.!؟
لولو حبت تنهي الموضوع\بنات شوفوا مااظن في واحده مستحمله هالوشع كثري...لكني احس انه سامي هالليله تغيـر..وو..وانا لأول مره اكون مرتاحه..
استغربوا للمره الثانيه من لولو..نبرة جديده..وحب جديد..ورضا وقناعه غير متوقعــه..!
غيرها سامي..بدلها ب لولو جديده..هم ماقدروا يغيرون غير القليل منها..حبوها كذا..صادقوها بشخصيتها رغم كثر السوء اللي فيها.. !كيف قــدر!؟كيف قدرت ياســامي!.
معقوله الحب يصنع المعجزات!؟
هذا اللي كان في بال عايشه!؟
اما حنان فنظرتها حالمه وبعييييييده..
وفريده تذكرت الماضي الكئيب..!؟
انتهت الليله بفيلم هندي تابعوه..وكل وحده رجعت بيتهـا وماكانت تناظر غير سريرها المغري..
================
"حلم"
عرفها..وكيف مايعرفها..وكانت حبّ قديـم كبرّ معاه..وحلم فيه من سنين..سنين جملت الحياه بناظره ولونتها بأحلى الألوان..كان حبه صامت ..هادي..وشريف..كل شي كان من بعيـد..حبها من بعيد..يتأملها من بعيد..يخطط لمستقبله معها من بعيد..ويتشاق لها ايضا من بعيد..مافكر بيوم انه يصارحها بحبه ولا يتودد لها..على الرغم كل طفولتهم ومراهقتهم عاشوها مع بعض..ولمن بانت علامات النضوج في ألأثنين بدأت تبتعد عنه بعد ماكانت تتردد لبيتهم بجميع ألأوقات..ويفقدونها اهل البيت اذا اعتذرت بيوم عن المجيء..
لكن كل شي يكبـرّ ..وهو كبرّ..وهي كبرت ..وكانت احلى ذكرى بينهم..ذكرى الطفوله الجميله اللي بتظل معلقه مدى الحياه بفكرهم..
لمياء\والله انا استغربت..توقعت اول مااشوف هي..يا اني مشتاقه لها هالبنت..بس تقول عمتها ساره انها تعبانه..!
كان جالس بينهم..ومتمدد على الكنبه بعد مارجع من الشغل..ولمن سمع اسمها شعر انه مابينه وبين الجنون الا شعره لأنه هي محتله افكاره كل وقت..وكل ساعه ودقيقه....لحد يتكلم عنها..هم مايعرفون أي مشاعر تجتاحه اذا انذكر اسمها ..ولمن عرف انها تعبانه..ذاب شي عميق بقلبه..وتفتت..
ام خالد\بسم الله عليها,,هالبنيه كاسره خاطري..الله سخّر لها ساره ..ولا بدونها بتضيــع..
ساره\صادقه يمه..
متى بيجي اليوم اللي بيضمها ببيتهم..!والله انه ينسيها اسم الحزن والوجع..ولايعرف لها طريق..!
شهاده ثانويه..واخذها اخيرا,..
ووظيفه ومستلمهـا..!
لكن هل بترضى براتب مايتعدى الألفين ريال,,!
كيف بيقدرّ يصرف على عائله كامله..!
ظروف المعيشه صعبه جدا..وهو لازم يلقى دخلّ يحسن من وضعهم اكثــر.!
واذا هو جاد فعلا..لازم من الآن يدخرّ لزواجه..لكن كيف يخرّ وراتبه ينصرف على مقاضي البيت..
لازم حلّ.اكيد في حلّ.
ساره\يمه..ودي ازور فريده وخواتها..
تذكر فريده..وانرسمت ابتسامه صغيره بثغره..!ولأول مره يحس انه مدين لها بشيء..لأنه لولا الله ثم هي ماحظى بفرصه يشوف فيها حبيبته..تذكر خجلها..ونظراتها....تقابلوا بعد بعدّ ارهقه كثيــر..لكن اليوم ظمى قلبه..
ساره\خااااالد..
خالد انقطعت اجمل افكاره\هلا..
ساهر\سمعت امي وش قالت..!؟
عدلّ جلسته وقال\سمي يمه.
ام خالد\ياحبي لفريده..ليتك تخطبها ياولدي..!؟
انفجع خالد..وتشوشت افكاره.."أي فريييييييده يمه"
خالد\لا يمه لا..انا مو مستعد اتزوج حاليا..
ام خالد\ليه ياحبيبي..لاتحرمني من شوفة عيالك..
خالد\الله يخليك لنا يمه..بس بدري على الزواج..
ساره\حرام عليك..نفسي حد من عندنا يتزوج..وبعدين فريده لاتعوض اسئلني انا..
"وليش اسألك..انا مدين لها اصلا"
خالد\رجاء قفلوا الموضوع..واذا بتزوج انا اللي بقول لكم..
ام خالد\يعني متى..بعد عشر سنين..
خالد بـ ابتسامه حلوه\مااظن ولدك بيصبر عشر سنين..!؟
=============
"صباح مشرق وكتاب لايملّ"
"ولد عيسى عليه السلام بمعجزه الاهيه فكان اليهود في بادىء الأمر ينظورن اليه بنظرة شك ويتهمون امه بالزنا ..فكفوره واتهموه ايضا بالسحر..فلقد ارسل الله اليهم يحيى وزكريا لعلهم يرجعون للدين الحق,,ووبداية نبوة عيسى عليه السلام انه كان يمارس الدعوه وجعل يسيح بالأرض داعيا الى الله ولم يكن له بيت يستقر فيه ولذلك سمي بالمسيح..من سياحته بالأرض على الروايه الشمهوره..وبدأ يحارب المنكرات..مثل بيع الحمام والتعامل بالقمار داخل المعابد..وفي روايه شمهوره انه ذات مره دخل المعبد فجأه وبدأ يقلب طاولات القمار وجعل يجلدهم على انتهاكهم حرمة هذا القدس وكان من الخطباء المشهورين في الهيكل.وهذه صوره من الهيكل المزعوم..
وعندما بلغ ال 32 سنه كان حقد اليهود بلغ مبلغا عزيما فما كن منهم الا ان اصدروا حكما عليه بالأعدام..ووافقهم على ذلك بطليموس الحاكم الروماني..فبؤا يبحثون عنه بكل مكان وهنا تكثر الأقوال والقصص..وخلاصة الروايات ان الله سبحانه رفع عيسى عليه السلام بعد ان طلب المسيح من حواريه ان يقدم احدهم نفسيه فداء له فتقدم هذا الشاب ووافق ان يضحي فقلب الله سبحانه شكله الى سكل عيسى امام اعينهم في معجزه لم بروا ملثها من قبل ..فااخذوه ووضعوا عليه تاج من الشوك ثم اقتادوه الى المحاكمه وبدأ اليهود يحاكمونه وكلنه كان حواريا لعيسى فقد كان بارع في رد اجوبتهم ودحض مزاعمهم ..فا اصدروا قرار الصلب ..فحملوه صليب وكان هذا الصيب ثقيل فحمله وسار به الى طريق معروف حتى اليوم يسمونه اليهود
"طريق الالام"..فكان له اربع وعشرين وقفه يرتاح فيها من التعب ..وهم يعرفون هذا المكان ويعتبرونها اماكن مقدسه ..ويقول الله تعالى في دحض مزاعمهم(وماقتلوه وماصلبوه ولكن شبه لهم وان الذي اختلفوا فيه لفي شك منه ومالهم به من علم الا اتباع الظن وماقتلوه يقينا)"
اغلقت الكتاب وهي متأثره باللي قرأته.. زاد حقدها على اليهـود..ضلت تسب وتسخط وقلبها محروق ومغمور ثأر.."النصر قريب..النصر قريب" بردت قلبها بهذه الكلمات..وهي تحلم بهاليوم!؟
دخلت امهـا..وصرخت بوجهها..
ام حنان\وانتي لسه مالبستي..!؟..والله لو شافك ابوكي بيذبحك!؟
دب الرعب بنفس حنان..وبعجله..قامت وفتحت دولابهـا..ولبست خلفه
حنان\ماما شو جاء على بالكم نخرج الصبح!؟
ام حنان\لأنه ابوكي مشغول بالليل..وانتي لسه ماشريتي لك ايشي للسفر..!؟
تضايقت حنان من كلمة سفر وكملت لبسهـا..وبعجله وضعت اغراضها الشخصيه بحقيبتها ..ولبست عباتها ونظارتها..وخرجت بخطوات سريعـه وهي متوتره من هرنات سيارة ابوهـا..
--------------
"يومين مضوا..وخطبه اتت"
كانت تكتب بعجل وسرعـه غريبه والدموع تتساقط على صفحات مذكرتهـا..بداخلها شي لا مسمى له ولا وصف له غير الوجع..الوجع القاتـل..وتفريغه كان نزف قلم يكتب باحساس الأنسان المظلوم..الأنسان الميت..الأنسان الـ لا وجوده له في الحياه غير مسمى مسكيــن..وضحية شهوه..!
من اول ماصحت من نومها..وحست بالحركه الكثيره بالبيت..والورود اللي ترسل لتزين الكوشه..
والعاملات المطلوبين لتنظيم الحفله..
وريحة البخور بكل زوايا الغرف وهي بحالة ضيــاع..حزن..شعور استصعب عليها تفسيره..!
المتوقع انها تفرح لأنها بتخرج من قفصها وبتحلق بحريه..المتوقع انها تتنفس براحـه بعيد عن الأجواء المخنقـه..لكن شيء بداخلها يقولها هو اكتملت حياته..وانتي الناقصه اللي انتهت حياتك بسببه..!
الأنثى بداخلها انسكرت..والطفوله اللي انوصفت فيها ضاعت..وهو الوحيد الرابـح..الغانم..السعييد....!
رجـل مايعيبه غير جيبـه..!
واثنـى اصبحت بين يوم وليله امراءه بدون.. زوج..!
اجهشت بالبكاء وهي تردد هالحقيقه الصعبه..
كيف بتقدرّ تواجه هالعالم الظالم..!ومنوا اللي بكون عون لها..!؟مين اللي بيسمعها وياخذ حقهـا..!؟منوا اللي بيصدقها..وبيفهمها..!؟
تذكرت شهد اخت صديقتها..ياكثر ماكنت هي حلوه..!ياكثر مالمست شي قوي بداخلهـا..تحب الأطفــال..!وتمنت تكون ام..ميكن هي صغريه على هالكمله..لكن الرحمان اللي تعيشه فاقد هألأحساس..
لكن حبها بيظل حلم صعب المنالّ..حلمها اصبح محروم..وهو ماخرج من عشه..ولا حيا بالنور..!
لبست احلى لبس..وزادت من المكيـاج..وتعطرت باجمل العطور..ونزلت لتحت..تواجه عالمها الظالم..وهي مثل الطير المكسوره جناحتـه..امتلت الدموع بعيونها..وهي تشوف العروس قد ايش هي جميله..وصغيره..وخجوله..وجذابه..كانت تحس انها تشبهها...لكن الفرق الوحيد بينهم انها بنت..وهي مستعمله..!!
ارتجفت من هالكلمه اللي جرحت فكرهـا..وجلست بأقرب كرسـي..وهي تحس برجفة اوصالها..
حست بأيد تشدها..التفت بسرعه..وكانت ساره اللي وقفتها وقربتها من العروس لأجل تبارك لها..غصبن عنها جاراتها لأجل ماتحسسها بأي شيء..
سلمت عليها وهمست لها بمبروك..واثناء ماسمعت انه عمها بيدخل..ابتعدت الى اخر مكان..وسمعت واحده من المعزومين تقول"شكلها تحب عمها وتبكي من الفرحه..ابتسمت بسخريه..وصعدت الدرجات لأجل تطلع لغرفتهـا..هي مو قدّ هالألم اللي بدأّ يفتتها من الداخل ..لازم تبتعد..سمعت بااصوات التباريك وبلا شعور وقفت خطواتها والتفت لأقبح مخلوق ناظرته عيونهـا..كان يمشي بخطوات دوم تكرهها..والسعاده تضخ من وجهه..وعيونه الخبيثه تـتامل عروسته..
هرولت لغرفتها ..وقررت تتصل على فريده..هي الوحيده الي بتفهمها..وبتحس بمعاناتهأ..واول ماسمعت صوتها..انفجرت باكيه..
بلهجة خوف ردت فريده\عواشي..عواشي حبيبتي وشفيك.تكلمي ..
لكن ردّ عايشه كانت شهقه ..
فريده\ياربي حرام عليك..لاتخرعيني قولي وشفيييك..الله يخليك..
عايشه بنبره حاولت تهدئها\الخاين..الحقيـر..الحقييير..
فريده\منوا..منوا الحقيــر!؟
عايشه بكل حقد وغلّ نطقت اسمه\حمــــد..!
فريده\وشفيه.ايش سوى لك بعد..!!قولي..
غمضت عيونها اللي تعبت من كثر مابكت اليوم\تزوج..تزوج وتهنى..!
فريده من سمعت بخبر زواجه..وبدأت تسب وتسخط وتشتمه بجميع الكلمات اللي تذكرهـا..
فريده\عسى الله لايفوقه لا دنيا ولااخره..!الدنيا دواره عواشي..والعين بالعين والسن بالسن والبادي اظلم..لاتخافين حبيبتي حقك مااراح يضيع..!
صرخت عياشه بهستيريا وهي تتكرر كلام صديقتها\ماراح يضيع..وليش هو بقى حق..عشان مايضيع..حمد دمرني ذبحني وتلذذ بتعذيبي..حمد سودّ حياتي وقلبها لجحيم..بقلبي حقد عليه..نفسي اقتله باديني الثنتين نفس اقول هذا اللي انتهك شرفــ وضاع صوتها وهي تبكي..
حاولت فريده تهدئها...لكن كيف تهدئها وهي تحس بالنار شابه بصدرها..كان ودها تكون قربها وتطمنها.تحسسها انه في احد جنبهـا..لكن كيف وطل المسافات شحيحه....
كانت تحس بانكسار بصديقتها..وصوتها اللي اصبح مبحوح من كثر بكائها..خافت تصول لحالة الجنون من عظم مصيبتهـا..كانت تسمعها وهي تشتم عمها وتنطق بكلمات ارعبتها ..كلماتها كانت مثل الخناجر اللي ماتدمر غير اللي راميهـا..كانت تحوم بدوامـه مثل التايهه اللي تشوف كل النوافذ مغلقه بحياتهـا..!
ماكان عندها حيله غير تهدئتها..ولمن لاحظت انه وضع عايشه يزداد ويتضاعف...اغلقت الخط منها وكلمت ساره اللي كانت تدعوا المعازيم للعشاء..
ساره\الو..هلا ياحلوه..
فريده بااستعجال\هلا ساره...اسمعي
ساره\سمي..لحظه ابعدت عنها السماعه..تفضلي اختي ..البوفيه بالغرفه..
فريده توترت اكثر وضلت تنتظر ساره لمن سمعت صوتها مره ثانيه..
ساره\هلا قلبي .؟؟كيفك!
فريده\الحمدلله...ساره اسمعي..عايشه توها مكلمتني من شوي..وشكلها تعبت وجتها الحاله..تكفين اطلعي لها فوق..
ساره ارتبكت وبلا شعور اغلقت الخط بوجهه فريده..وطلعت جري لغرفة بنت اخوهـا..وانصرعت لمن شافتها جالسه بزاويه الغرفه وتصرخ لوحدها..وكل اللي حولها متسكر وطايح بالأرض..
تقدمت لها ساره..وقلبها يدق بعنف..
ساره\عواشي حبيبتي..وشفيك ليش كذا.. وجلست موازيه لها ولمست ايدينها..تعالي حبيبتي لاتخافين..تعالي..
ابعدت ايد عمتها بقوه وعضت على شفاتها بخوف..ومارت على عمتها..غير كلمة\لاااا..
ساره قربت منها اكثر ودمعت عيونها وهي تشوف ضعف بنت اخوها ورجفة جسمها الضعيف ونظرة عيونها المكسوره\انا ساره..لاتخافين..بس انتي تعالي..ورجعت تمسكها مره ثانيه ..وردة فعل عايشه كانت اعنف..ظلت تضرب عمتها بضربات عشوائيه وهي تصرخ وتقول تركيني.اقولك تركيني...محد يحبني..محــد..لكن ساره قاومتها لغاية ماتحكمت باايدينها وطوقتها بكل قوتها..وبكــت..ضربيني.. سوي فيني اللي تبين..بس لا تبكين..
من سمعت عايشه هاللكلمات..وحست بالأمان بحظن عمتها.. انفجرت تبكي.. وهي تشد عليها اكثر واكثـر..!!
ظلوا دقايق على هالحال..ساره احتارت بأمر بنت اختها..وعايشه خافت عمتها تبتعد وتخليها..!
نص ساعه مضـت..وعايشه نامت مثل الطفله بحظـن عمتهـا..مددتها على سريرها..وقرأت عليها المعوذات..واثناء ماخرجت من غرفتها كان تلفونها يرن..
فريده\ها شو سويتي..!
ساره بصوت مخنوق\مدري شقولك..لكن هدئتها والحمدلله نامت..
فريده ارتاحت نسبيا لكن لازالت صرخات عايشه تدوي بااذنها\خلاص بكلمها بكره..وانتي روحي لمعازيمك..
ساره\ماهموني...اهم شي عايشه..
فريده تنهدت بضيق\الله يخليها لك ولنا..اوكي مااطول عليك..مع السلامه..
ساره\مع السلامه..
===========
|